పెడనలో రైలు ఢీకొని వ్యక్తి దుర్మరణం

పెడనలో రైలు ఢీకొని వ్యక్తి దుర్మరణం

పెడన: పెడన బైపాస్‌ రోడ్‌లోని రైల్వే గేట్‌ వద్ద మంగళవారం మధ్యాహ్నం రైలు ఢీ కొట్టిన ఘటనలో ఒక వ్యక్తి అక్కడికక్కడే మృతి చెందాడు. రైల్వే పోలీస్‌ హెడ్‌ కానిస్టేబుల్‌ సురేష్‌కుమార్‌ తెలిపిన వివరాల మేరకు మంగళవారం మధ్యాహ్నం మూడున్నర గంటల సమయంలో గుడివాడ నుంచి మచిలీపట్నం వెళ్తున్న రైలు కిందపడి ఓ వ్యక్తి చనిపోయినట్లు రైలు డ్రైవర్‌ పెడన రైల్వేస్టేషన్‌ అధికారులకు సమాచారం అందించారన్నారు. వారు రైల్వే పోలీసులకు సమాచారమివ్వవడంతో మచిలీపట్నంకు చెందిన తాను సంఘటనా స్థలానికి చేరుకుని ప్రాథమిక విచారణ చేపట్టామని చెప్పారు. మృతుడి వయసు 35 నుంచి 45 సంవత్సరాలు ఉంటుందని, ఒంటిపై లైట్‌ గ్రీన్‌ షర్టు, ఎరుపు రంగు షార్ట్‌ ధరించి ఉన్నా డన్నారు. రైలు పట్టాలు దాటే క్రమంలో రైలు వ్యక్తిని ఢీకొందా లేక ఆ వ్యక్తి కావాలని రైలు కింద పడ్డాడా అనే కోణంలో విచారణ చేస్తున్నట్లు ఆయన తెలిపారు. మృతదేహాన్ని మచిలీపట్నం ప్రభుత్వాస్పత్రికి తరలించామని చెప్పారు.