TV
గూడ్స్‌ ట్రైన్‌పై యువకుని హల్‌చల్‌
రాయగడ: ఒక యువకుడు గూడ్స్‌ ట్రైన్‌ పైకి ఎక్కి హల్‌చల్‌ సృష్టించాడు. సమాచారం తెలుసుకున్న రైల్వే పోలీసులు అప్రమత్తంగా వ్యవహరించి విద్యుత్‌ సరఫరాను కొంత సమయం నిలిపివేసి గూడ్స్‌ పై ఉన్న యువకుడిని కిందకు దించి పోలీస్‌ స్టేషన్‌కు తీసుకువెళ్లారు. శనివారం చోటు చేసుకున్న ఈ ఉదంతానికి సంబంధించి అందిన సమాచారం మేరకు రాయగడ నుంచి విశాఖపట్నం వైపు వెళుతున్న ఒక గూడ్స్‌ ట్రైన్‌ కొంత సమయంతో పాత గేటు సమీపంలో నిలిచింది. ఇదే అదనుగా భావించిన ఒక యువకుడు గూడ్స్‌ భోగీపైకి ఎక్కి పడుకున్నాడు. అక్కడి వారు ఎంత వారించినా పట్టించుకోలేదు. విద్యుత్‌ తీగలు ఉన్నాయి ప్రాణానికి ముప్పు ఉందని కేకలు పెట్టినా వినలేదు. దీంతో అక్కడి వారు రైల్వే పోలీసులకు సమాచారం అందించడంతో అప్రమత్తమైన పోలీసులు వెంటనే ట్రైన్‌కు విద్యుత్‌ సరఫరాను నిలిపివేసి సంఘటన స్థలానికి చేరుకుని ఆ యువకుడిని కిందకు దింపారు. అయితే ఆ యువకుడు మతిస్థిమితం లేకపొవడంతోనే ఈ విధంగా ప్రవర్తించాడని పోలీసుల దర్యాప్తులో తేలింది. అనంతరం అతనికి భోజనం పెట్టి పోలీసులు విడిచిపెట్టారు.
గూడ్స్‌ ట్రైన్‌పై యువకుని హల్‌చల్‌
Comments
Please login to add a commentAdd a comment