గాయపడిన యువకుడు మృతి

అద్దంకి రూరల్‌: అద్దంకి–నార్కెట్‌పల్లి నామ్‌ రహదిరిపై అద్దంకి సమీపంలో బైకుతో డివైడర్‌ను ఢీకొట్టి గాయాలపాలైన యువకడు ఒంగోలు కిమ్స్‌ వైద్యశాలలో చికిత్స పొందుతూ ఆదివారం మృతి చెందాడు. మృతుడి భార్య సుధారాణి ఫిర్యాదు మేరకు ఎస్సై ప్రవీణ కేసు నమోదు చేశారు. వివరాలు.. అద్దంకి పట్టణంలోని దామావారి పాలెంకు చెందిన వేముల ప్రసన్నబాబు (39) గత నెల 31వ తేదీ రాత్రి బుల్లెట్‌ బైకుపై శింగరకొండ నుంచి అద్దంకికి వస్తుండగా మార్గమధ్యంలో కూకట్ల కన్వెక్షన్‌ వద్దకు రాగానే బైకు అదుపుతప్పి డివైడర్‌ను ఢీకొట్టింది. తీవ్రగాయాలైన ప్రసన్నబాబు ఒంగోలు కిమ్స్‌ వైద్యశాలలో చికిత్స పొందుతూ ఆదివారం చనిపోయాడు. భార్య ఫిర్యాదుతో ఎస్సై కేసు నమోదు చేశారు.