హోరాహోరీగా బాస్కెట్‌బాల్‌ పోటీలు

హోరాహోరీగా బాస్కెట్‌బాల్‌ పోటీలు

నరసరావుపేట ఈస్ట్‌: స్కూల్‌ గేమ్స్‌ ఫెడరేషన్‌ ఆధ్వర్యంలో 68వ రాష్ట్రస్థాయి అండర్‌–14 బాల బాలికల బాస్కెట్‌బాల్‌ పోటీలు హోరాహోరీగా కొనసాగుతున్నాయి. పట్టణంలోని మున్సిపల్‌ బాలికోన్నత పాఠశాల, డీఎస్‌ఏ స్టేడియంలోని బాస్కెట్‌బాల్‌ క్రీడా మైదానాలలో పోటీలను నిర్వహిస్తున్నారు. గత రెండురోజులుగా జరిగిన పోటీల్లో క్వార్టర్‌ ఫైనల్‌కు చేరిన జిల్లాల జట్లు వివరాలను స్కూల్‌ గేమ్స్‌ కార్యదర్శి ఎన్‌.సురేష్‌కుమార్‌ ఆదివారం ప్రకటించారు. అండర్‌–14 బాలికల విభాగంలో తూర్పుగోదావరి, కర్నూలు, విశాఖ, అనంతపురం, పశ్చిమగోదావరి, గుంటూరు, కృష్ణా, చిత్తూరు జట్లు క్వార్టర్‌ ఫైనల్స్‌లో తలపడనున్నాయి. అలాగే బాలుర విభాగంలో తూర్పుగోదావరి, చిత్తూరు, విశాఖ, పశ్చిమగోదావరి, అనంతపురం, నెల్లూరు, కృష్ణా, కర్నూలు జట్లు తలపడనున్నాయి. పోటీలకు పరిశీలకునిగా కె.కృష్ణారెడ్డి (పశ్చిమగోదావరి) వ్యవహరిస్తుండగా,వ్యాయామ ఉపాధ్యాయులు చిరంజీవిరావు, శ్రీనివాసులు, శివలక్ష్మి, శివపార్వతి, గౌస్‌ తదితరులు సహకరిస్తున్నారు.