బసంత్‌నగర్‌ ఎస్సెస్సీ ఫ్రెండ్స్‌

బసంత్‌నగర్‌ ఎస్సెస్సీ ఫ్రెండ్స్‌

పాలకుర్తి(రామగుండం): బసంత్‌నగర్‌ జిల్లా పరిషత్‌ ఉన్నత పాఠశాల 2000–01 బ్యాచ్‌ పదోతరగతి విద్యార్థులు 84 మంది ఎస్సెస్సీ ఫ్రెండ్స్‌ పేరిట వాట్సాప్‌ గ్రూపు ఏర్పాటు చేసుకున్నారు. ఇందులో తమ స్నేహితుల యోగక్షేమాలు తెలుసుకుంటున్నారు. ఎవరైనా ఆపదలో ఉంటే డబ్బులు జమచేసి, వారికి అండగా నిలుస్తున్నారు. గడిచిన ఐదేళ్లలో వివిధ కారణాలతో మృతిచెందిన తమ మిత్రుల కుటుంబసభ్యులకు దాదాపు రూ.5 లక్షలకు పైగా ఆర్థికసాయం అందజేశారు. ఈ గ్రూప్‌లో యాక్టివ్‌ సభ్యుడిగా కొనసాగిన మహ్మద్‌ ఇబ్రహీం ఇటీవల గుండెపోటుతో చనిపోయాడు. అతని కూతుళ్ల పేరిట సుకన్య సమృద్ధి యోజన పథకంలో రూ.1.84 లక్షలు ఫిక్స్‌డ్‌ డిపాజిట్‌ చేశారు. సంబంధిత పత్రాలను ఇబ్రహీం భార్యకు అందించారు.