పంట పొలాల్లోకి దూసుకెళ్లిన కారు

పంట పొలాల్లోకి దూసుకెళ్లిన కారు

కంభం: కారు అదుపుతప్పి పంట పొలాల్లోకి దూసుకెళ్లడంతో ముగ్గురు గాయపడ్డారు. ఈ సంఘటన బుధవారం రాత్రి కంభం సమీపంలో హైవేపై చోటుచేసుకుంది. వివరాలు.. బేస్తవారిపేట మండలం పెద్దఓబినేనిపల్లి గ్రామానికి చెందిన ఓ కుటుంబం కారులో అర్ధవీడు మండలంలోని రంగాపురంలో బంధువు పెద్దకర్మకు వెళ్లి వస్తున్నారు. స్థానిక సీఎల్‌ఆర్‌ కళాశాల సమీపంలో కారు అదుపు తప్పి పొలాల్లోకి దూసుకెళ్లి బోల్తా పడింది. ప్రమాదంలో లక్ష్మి, నవ్య, బొల్లిపోయిన నారాయణకు తీవ్ర, మరో ఇద్దరు చిన్నారులకు స్వల్ప గాయాలయ్యాయి. క్షతగాత్రులను కంభం ప్రభుత్వ వైద్యశాలకు తరలించారు. అరటి లోడుతో ఎదురుగా దూసుకొచ్చిన ట్రక్‌ను తప్పించబోయి కారు అదుపు తప్పినట్లు క్షతగాత్రులు తెలిపారు. పోలీసులు సంఘటనా స్థలాన్ని పరిశీలించారు.

1/3

పంట పొలాల్లోకి దూసుకెళ్లిన కారు

2/3

పంట పొలాల్లోకి దూసుకెళ్లిన కారు

3/3

పంట పొలాల్లోకి దూసుకెళ్లిన కారు