30న జాతీయ తైక్వాండో పోటీల్లో పాల్గొనే క్రీడాకారుల ఎంపిక

ఒంగోలు: జాతీయ తైక్వాండో పోటీల్లో పాల్గొనే క్రీడాకారుల ఎంపిక ఈనెల 30న స్థానిక సీవీఎన్‌ రీడింగ్‌ రూము ఆవరణలో నిర్వహిస్తున్నట్లు అంతర్జాతీయ తైక్వాండో కోచ్‌, జాతీయ చాంపియన్‌ షేక్‌ కరిముల్లా బుధవారం ఒక ప్రకటనలో తెలిపారు. ఇందులో ఎంపికై న క్రీడాకారులు డిసెంబర్‌ 27 నుంచి వరకు ఉత్తరప్రదేశ్‌లోని కుషినగర్‌లో జరిగే జాతీయ తైక్వాండో పోటీల్లో పాల్గొనాల్సి ఉంటుందన్నారు. ఇప్పటికే జాతీయ తైక్వాండో అధ్యక్షుడు బీవీ రమణయ్య జాతీయ తైక్వాండో షెడ్యూలును కూడా ప్రకటించినందున తైక్వాండో క్రీడాకారులు ఈ అవకాశాన్ని సద్వినియోగం చేసుకోవాలని విజ్ఞప్తి చేశారు. పూర్తి వివరాలకు షేక్‌ ఆరిఫ్‌, సెల్‌ నెంబర్‌ 8886661606ను సంప్రదించాలన్నారు.