1న శ్రీశైలంలో మెగా మెడికల్‌ క్యాంపు

1న శ్రీశైలంలో మెగా మెడికల్‌ క్యాంపు

మార్కాపురం: శ్రీశైలం యాదవ సత్రం ఆవరణలో డిసెంబర్‌ ఒకటో తేదీన ఉచిత మెగా మెడికల్‌ క్యాంపు నిర్వహించనున్నట్లు జాతీయ యాదవ క్రమశిక్షణ సంఘం అధ్యక్షుడు పీఎల్‌పీ యాదవ్‌ తెలిపారు. బుధవారం సాయంత్రం స్థానిక బీసీ భవన్‌లో ఏర్పాటు చేసిన విలేకర్ల సమావేశంలో ఆయన మాట్లాడారు. వైద్య శిబిరానికి హైదరాబాద్‌, గుడివాడ, విజయవాడ, ఒంగోలు, మార్కాపురం ప్రాంతాల నుంచి 15 మంది స్పెషలిస్టు వైద్యులు హాజరై సేవలందిస్తారని పేర్కొన్నారు. ఉదయం 10 నుంచి మధ్యాహ్నం 2 గంటల వరకు నిర్వహించే వైద్య శిబిరాన్ని వినియోగించుకోవాలని ప్రజలను కోరారు. పుట్టు మూగ పిల్లలకు ప్రభుత్వం ద్వారా ప్రత్యేక వైద్యం చేయించేందుకు సహకరిస్తామని చెప్పారు. మున్సిపల్‌ మాజీ కౌన్సిలర్‌ చక్రపాణి, బీసీ సంఘ నాయకులు జీవీ సుబ్బారావు, చెంచయ్య, చేతుల శ్రీనివాస్‌ పాల్గొన్నారు.