నాచగిరి సర్వసన్నద్ధం

నాచగిరి సర్వసన్నద్ధం

నేడు కార్తీక పౌర్ణమి
● వ్రతాలు, దీపారాధనలతో శోభిల్లనున్న క్షేత్రం

వర్గల్‌(గజ్వేల్‌): కార్తీక పౌర్ణమి మహోత్సవానికి నాచారం గుట్ట లక్ష్మీ నృసింహ క్షేత్రం సర్వసన్నద్ధమైంది. పర్వదినం సందర్భంగా శుక్రవారం ఉదయం నుంచి సాయంత్రం దాకా విడతల వారీగా సామూహిక సత్యనారాయణస్వామి వ్రతాలు జరుగుతాయి. రాత్రి సామూహిక కార్తీక దీపోత్సవంతో ఆలయం శోభిల్లనున్నది. శివకేశవులకు ప్రీతికరమైన కార్తీకమాసంలో నదీస్నానం, వ్రతాచరణ, దీపారాధన అత్యంత శుభకరంగా భావిస్తారు. ఈ నేపథ్యంలో కార్తీకపౌర్ణమి పర్వదినం రోజున రాష్ట్ర నలుమూలల నుంచి క్షేత్రానికి భక్తులు పోటెత్తుతారు. శుక్రవారం రాత్రి భక్తజన సామూహిక కార్తీక దీపోత్సవం ఘనంగా నిర్వహించనున్నారు.

విస్తృత ఏర్పాట్లు

నాచగిరిలో కార్తీకపౌర్ణమి మహోత్సవం ఘనంగా నిర్వహించేందుకు విస్తృత ఏర్పాట్లు చేసినట్లు ఈఓ అన్నపూర్ణ తెలిపారు.