జాతీయ స్థాయి పోటీలకు మెదక్‌ క్రీడాకారులు

జాతీయ స్థాయి పోటీలకు మెదక్‌ క్రీడాకారులు

తూప్రాన్‌: జాతీయ స్థాయి సబ్‌ జూనియర్‌ సాఫ్ట్‌బాల్‌ పోటీలకు జిల్లా క్రీడాకారులు ఎంపికై నట్లు జిల్లా అసోసియేషన్‌ అధ్యక్షుడు కోడిప్యాక నారాయణగుప్త గురువారం పేర్కొన్నారు. ఈ సందర్భంగా ఆయన మాట్లాడుతూ.. 20 నుంచి జమ్మూ కాశ్మీర్‌లోని ఎంఏ క్రీడా మైదానంలో 37వ జాతీయ స్థాయి సబ్‌ జూనియర్‌ సాఫ్ట్‌ బాల్‌ బాల, బాలికల చాంపియన్‌షిప్‌ పోటీలు జరుగుతున్నాయని తెలిపారు. 24 వరకు పోటీలు జరుగనున్న నేపథ్యంలో ఈ పోటీలకు రాష్ట్ర బాల, బాలికల జట్టుకు జిల్లాకు చెందిన 8 మంది క్రీడాకారులు ఎంపికయ్యారని వివరించారు. నవంబరు నెలలో రాష్ట్ర స్థాయిలో జరిగిన పోటీల్లో ఉత్తమ ప్రతిభ కనబర్చి బాలికల జట్టులో కార్తీక, శ్రీకృతి, శిరీష, గీతిక, బాలుర జట్టులో విజయ్‌, శ్రీవాత్సవ, వరుణ్‌, నిషాంత్‌ రాష్ట్ర జట్టులో స్థానం పొందినట్లు తెలిపారు. ఈ సందర్భంగా క్రీడాకారులను పలువురు అభినందించారు. కార్యక్రమంలో జిల్లా అసోసియేషన్‌ ఉపాధ్యక్షుడు అజయ్‌ కుమార్‌ గౌడ్‌, ప్రధాన కార్యదర్శి శ్యాం సుందర్‌ శర్మ, కోశాధికారి గోవర్దన్‌ గౌడ్‌, అసోసియేషన్‌ సభ్యులు వెంకట్‌ రెడ్డి, కుమార్‌గౌడ్‌, శ్రీనివాస్‌, తదితరులు పాల్గొన్నారు.