వేర్వేరు ప్రమాదాల్లో ముగ్గురి దుర్మరణం

వేర్వేరు ప్రమాదాల్లో ముగ్గురి దుర్మరణం

గుర్తుతెలియని వాహనం ఢీకొని..

జిల్లాలోని వేర్వేరు ప్రాంతాల్లో సంభవించిన రోడ్డు ప్రమాదాల్లో ముగ్గురు మృతి చెందారు. బైక్‌పై వస్తున్న ఒకరు.. రోడ్డు దాటుతున్న మహిళ.. వలస కూలీ దుర్మరణం చెందడం ఆయా కుటుంబాల్లో తీవ్ర విషాదాన్ని నింపింది. పోలీసులు కేసు దర్యాప్తు చేస్తున్నారు.

నెల్లూరు(క్రైమ్‌): గుర్తుతెలియని వాహనం ఢీకొనడంతో వాహనచోదకుడు మృతి చెందిన ఘటన బుజబుజనెల్లూరు క్రాస్‌రోడ్డు సమీపంలోని మల్లారెడ్డి ధాబా ఎదుట జాతీయ రహదారిపై శనివారం తెల్లవారుజామున చోటుచేసుకుంది. సౌత్‌ ట్రాఫిక్‌ పోలీసుల సమాచారం మేరకు.. శ్రీకాకుళానికి చెందిన సింహాచలం ఉపాధి నిమిత్తం నగరానికి కొన్నేళ్ల క్రితం వచ్చి వైఎస్సార్‌ కాలనీలో నివాసం ఉంటున్నారు. కూలీ పనులు చేసుకొని జీవనం సాగిస్తున్నారు. ఈయన కుమారుడు రవి (19) సైతం పనులు చేస్తూ తండ్రికి చేదోడువాదోడుగా ఉంటున్నారు. ఈ క్రమంలో స్నేహితుడి పుట్టిన రోజు వేడుకలకు రవి శుక్రవారం వెళ్లారు. అర్థరాత్రి దాటాక బైక్‌పై ఇంటికి బయల్దేరారు. బుజబుజనెల్లూరు సమీపంలోని పెట్రోల్‌ బంక్‌ వద్ద యూటర్న్‌ తీసుకుంటుండగా, చైన్నె నుంచి వస్తున్న గుర్తుతెలియని వాహనం ఢీకొని వెళ్లిపోయింది. ఘటనలో రవి అక్కడికక్కడే మృతి చెందాడు. అటుగా వెళ్తున్న వారు గమనించి 112కు ఫోన్‌ ద్వారా సమాచారం అందించారు. సౌత్‌ ట్రాఫిక్‌ ఇన్‌స్పెక్టర్‌ వెంకటరెడ్డి తన సిబ్బందితో కలిసి ఘటన స్థలానికి చేరుకొని మృతదేహాన్ని పరిశీలించారు. బైక్‌ నంబర్‌ ఆధారంగా బాధిత కుటుంబసభ్యులకు సమాచారం అందించారు. మృతదేహాన్ని జీజీహెచ్‌ మార్చురీకి తరలించారు. మృతుడి తండ్రి ఫిర్యాదు మేరకు ఇన్‌స్పెక్టర్‌ కేసు దర్యాప్తు చేస్తున్నారు.

1/1

వేర్వేరు ప్రమాదాల్లో ముగ్గురి దుర్మరణం