TV
గంజాయి ముఠా అరెస్ట్‌
లేపాక్షి: గంజాయి విక్రయిస్తున్న ఆరుగురిని అరెస్ట్‌ చేసినట్లు హిందూపురం రూరల్‌ సీఐ జనార్దన్‌, యుపీఎస్‌ సీఐ ఆంజనేయులు, లేపాక్షి, హిందూపురం ఎస్‌ఐలు నరేంద్ర, శ్రీధర్‌ తెలిపారు. మంగళవారం సాయంత్రం స్థానిక పోలీస్‌ స్టేషన్‌లో ఏర్పాటు చేసిన విలేకరుల సమావేశంలో వివరాలను వారు వెల్లడించారు. అందిన ముందస్తు సమాచారంతో లేపాక్షి మండలం మల్లిరెడ్డిపల్లి గ్రామ శివారులో ఉన్న హెరిటేజ్‌ ఫుడ్స్‌ వద్ద మంగళవారం పోలీసులు తనిఖీలు చేపట్టారు. ఆ సమయంలో సీమజాలి చెట్ల వద్ద అనుమానాస్పదంగా తచ్చాడుతున్న ఆరుగురిని గుర్తించి అదుపులోకి తీసుకుని విచారిస్తే గంజాయి విక్రయిస్తున్నట్లుగా వెల్లడైంది. వారి నుంచి 1.80 కిలోల గంజాయి స్వాధీనం చేసుకున్నారు. పట్టుబడిన వారిలో సేవామందిర్‌కు చెందిన సయ్యద్‌ బర్కత్‌ అలి, హిందూపురం రైల్వేస్టేషన్‌ రోడ్డులోని బార్బర్‌ షాపులో పనిచేస్తున్న వంశీకృష్ణ, హిందూపురంలోని రహమత్‌పురానికి చెందిన కియా కార్ల కంపెనీ డ్రైవర్‌ ఉదయకిరణ్‌, లేపాక్షి మండలం పి.కొత్తపల్లికి చెందిన సయ్యద్‌ అమీర్‌, హిందూపురం మండలం మరువపల్లికి చెందిన పూరింటి తిమ్మప్ప, అహమ్మదనగర్‌ నివాసి సైపుల్లాఖాన్‌ ఉన్నారు. నిందితులపై కేసు నమోదు చేసి, న్యాయమూర్తి ఆదేశాల మేరకు రిమాండ్‌కు తరలించారు.
గంజాయి స్వాధీనం
సోమందేపల్లి: మండల కేంద్రంలోని నక్కల గుట్ట కాలనీలో గంజాయి విక్రయిస్తున్న ఇద్దరిని పోలీసులు మంగళవారం అరెస్ట్‌ చేశారు. ఈ మేరకు ఎస్‌ఐ రమేష్‌బాబు తెలిపారు. నిందితులపై కేసు నమోదు చేసి, విచారణ చేస్తున్నట్లు పేర్కొన్నారు.
Comments
Please login to add a commentAdd a comment