వైభవంగా మహా శాంతి కల్యాణం

వైభవంగా మహా శాంతి కల్యాణం

మఠంపల్లి: మట్టపల్లి శ్రీలక్ష్మీనరసింహస్వామి ఆలయంలో వైఖానస శాస్త్రానుసారంగా నిర్వహిస్తున్న పవిత్రోత్సవాల్లో భాగంగా గురువారం యాజ్ఞీకులు బొర్రా వెంకటవాసుదేవాచార్యులు పర్యవేక్షణలో ప్రత్యేక పూజలతో హోమం పూర్ణాహుతి, మహాశాంతి కల్యాణం నిర్వహించారు. ఈ సందర్భంగా ఆలయంలో ప్రత్యేక ఆరాధనలు, పవిత్ర విసర్జనోత్సవం, సప్తదశ కుంభారోపణం నిర్వహించారు. నీరాజన మంత్ర పుష్పాలు పూర్తిచేసి తీర్థ ప్రసాదాలు పంపిణీ చేశారు. ఆలయ అనువంశిక ధర్మకర్తలు మట్టపల్లిరావు, విజయ్‌కుమార్‌, ఈఓ నవీన్‌కుమార్‌, అర్చకులు శ్రీనివాసాచార్యులు, పద్మనాభాచార్యులు, బదరీనారాయణాచార్యులు, లక్ష్మీనరసింహమూర్తి, బ్రహ్మాచార్యులు, ఫణిభూషణ మంగాచార్యులు, ఆంజనేయాచార్యులు, వంశీకృష్ణమాచార్యులు, హరికిరణాచార్యులు, ఆలయ ఇన్‌స్పెక్టర్‌ శేషగిరిరావు పాల్గొన్నారు.