7న ఉమ్మడి జిల్లా ఖోఖో జట్లకు క్రీడాకారుల ఎంపిక

హుజూర్‌నగర్‌ : ఈనెల 7న సూర్యాపేటలోని ప్రభుత్వ జూనియర్‌ కాలేజీలో ఉమ్మడి జిల్లా ఖోఖో జట్ల క్రీడాకారుల ఎంపిక పోటీలు నిర్వహించనున్నట్లు స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) జిల్లా కార్యదర్శి ఆజం బాబా మంగళవారం ఓ ప్రకటనలో తెలిపారు. అండర్‌–17 విభాగంలో బాలబాలికలు, అండర్‌ –14 విభాగంలో బాలురకు ఖోఖో పోటీలు ఉంటాయని పేర్కొన్నారు. ఈ పోటీల్లో పాల్గొనడానికి వచ్చే క్రీడాకారులు ఆయా పాఠశాలల ప్రధానోపాధ్యాయులచే ధ్రువీకరించిన బోనోఫైడ్‌ సర్టిఫికెట్‌, ఆధార్‌కార్డు తీసుకురావాలని సూచించారు.