నటి సీత ఇంట్లో నగల చోరీ

తిరువొత్తియూరు: ప్రముఖ సినీ నటి సీత ఇంటిలో నగలు చోరీ చేసిన దుండగుల కోసం పోలీసులు గాలిస్తున్నారు. ప్రముఖ తమిళ సినీ నటి సీత సాలిగ్రామం పుష్ప కాలనీలో కుటుంబంతో కలిసి నివాసం ఉంటున్నారు. ఈమె తమ్ముని భార్య కల్పన ఇంటిలో జరిగిన ప్రత్యేక కార్యక్రమానికి గత 31వ తేదీన వెళ్లి వచ్చారు అనంతరం తన వద్ద ఉన్న 42 సవర్లు నగలను తీసి హ్యాండ్‌బ్యాగ్‌లో పెట్టుకుని నిద్రపోయారు. ఉదయం లేచి చూసిన సమయంలో తన హ్యాండ్‌బ్యాగ్‌లోని నగలు కనబడలేదు. దీంతో నగలను కనిపెట్టి ఇవ్వాలని విరుగంపాక్కం పోలీసులకు సీత ఫిర్యాదు చేశారు. ఈ నేపథ్యంలో పోలీసులు కేసు నమోదు చేసి ఘటన జరిగిన రోజు ప్రాంతంలోని నిఘా కెమెరా ఫుటేజీని పరిశీలిస్తున్నారు. అలాగే నటి సీత ఇంట్లో పనిచేస్తున్న మహిళ వద్ద తీవ్రంగా విచారణ చేస్తున్నారు.