బీఆర్‌ఎస్‌ శ్రేణుల ఆందోళన

బీఆర్‌ఎస్‌ శ్రేణుల ఆందోళన

కొడంగల్‌: మాజీ ఎమ్మెల్యే పట్నం నరేందర్‌రెడ్డిని అరెస్టు చేయడంతో బీఆర్‌ఎస్‌ శ్రేణులు బుధవారం ఆందోళనకు దిగారు. నరేందర్‌రెడ్డికి కొడంగల్‌ ప్రభుత్వాస్పత్రిలో వైద్య పరీక్షలు చేస్తున్న విషయం తెలుసుకున్న నాయకులు, కార్యకర్తలు అక్కడికి చేరుకొని ప్రభుత్వానికి వ్యతిరేకంగా నినాదాలు చేశారు. కుట్ర పూరితంగా కేసులు నమోదు చేశారని విమర్శించారు. కొడంగల్‌లో బీఆర్‌ఎస్‌ పార్టీ లేకుండా చేయాలనే ఉద్దేశంతో నరేందర్‌రెడ్డిని జైలుకు పంపుతున్నారని ఆగ్రహం వ్యక్తం చేశారు. బీఆర్‌ఎస్‌ నాయకులు ఆందోళన చేస్తారనే సమాచారంతో పోలీసులు భారీ బందోబస్తు ఏర్పాటు చేశారు.