కోహెడలో హైడ్రా పంజా

అక్రమ కట్టడాల కూల్చివేత

తుర్కయంజాల్‌: అబ్దుల్లాపూమెట్‌ మండలం కోహెడలో హైదరాబాద్‌ డిజాస్టర్‌ రెస్పాన్స్‌ అండ్‌ అసెట్‌ ప్రొటెక్షన్‌ ఏజెన్సీ (హైడ్రా) ఆదివారం పంజా విసిరింది. అక్కడ వెలిసిన అక్రమ కట్టడాలను అధికారులు కూల్చేశారు. సర్వే నంబర్‌ 951, 952ల్లోని గ్రామపంచాయ తీ లేఔట్‌లో తమ ప్లాట్లను ఎస్‌.బాల్‌రెడ్డి అనే వ్యక్తి ఆక్రమించారని, రహదారులు లేకుండా అడ్డుగోడలుగా కట్టారని రాధే ధామం లే ఔట్‌ ప్లాట్‌ ఓనర్స్‌ వెల్ఫేర్‌ అసోసియేషన్‌ ప్రతినిధులతో పాటు పలువురు ఇటీవల హైడ్రాకు ఫి ర్యాదు చేశారు. దీని ఆధారంగా అధికారులు పలు పత్రాలను పరిశీలించారు. 1986లో భూ యజమానులు కె.రాములు, పెద్దయ్య, ఈస య్య పంచాయతీ లేఔట్‌ వేసినట్టు నిర్ధారించా రు. బాల్‌రెడ్డి ఆ భూమిని స్వాధీనం చేసుకుని, ఫాం హౌస్‌ నిర్మించడంతో పాటు లే ఔట్‌లోని పలు ప్లాట్లను సొంతం చేసుకుంటూ అంతర్గత రహదారులను బ్లాక్‌ చేసినట్టు వెల్లడైంది. దీంతో అన్ని పత్రాలతో తమ కార్యాలయంలో హా జరు కావాలని ఇరుపక్షాలకు హైడ్రా నోటీసు లు జారీ చేసింది. శనివారం వారు హాజరు కాగా రెవెన్యూ, మున్సిపల్‌ అధికారుల సమ క్షంలో క్షుణ్ణంగా పరిశీలించింది. ఫామ్‌హౌస్‌, షెడ్‌, కాంపౌండ్‌ వాల్‌, ఫెన్సింగ్‌ నిర్మాణాలకు ఎలాంటి అనుమతులు లేవంటూ తుర్కయంజాల్‌ మున్సిపల్‌ అధికారుల స్పష్టం చేశారు. ప్లాట్లను తమకు అమ్మిన తర్వాత బాల్‌రెడ్డి ఈ భూమిని తాను కొన్నట్టు రికార్డులు సృష్టించారని ప్లాట్‌ ఓనర్స్‌ అసోసియేషన్‌ ప్రతినిధు లు ఆరోపించారు. హైడ్రా ఇరుపక్షాలతో పా టు రెవెన్యూ, మున్సిపల్‌ అధికారులను విచారించి బాల్‌రెడ్డి నిర్మించిన ఫాంహౌస్‌తో పాటు ప్రహరీ, ఫెన్సింగ్‌ కూల్చివేతకు హైడ్రా కమిషనర్‌ ఏవీ రంగనాథ్‌ ఆదేశాలు జారీ చేశారు. దీంతో అధికారులు ఆదివారం అక్రమ కట్టడాలను కూల్చేశారు.