ఆటో బోల్తా.. 12 మందికి స్వల్పగాయాలు

ఆటో బోల్తా.. 12 మందికి స్వల్పగాయాలు

జగదాంబ: ఆటో బోల్తా పడిన ఘటనలో 12 మందికి స్వల్ప గాయాలయ్యాయి. విజయనగరం జిల్లా లక్కవరపుకోట మండలం రంగరాయపురం గ్రామానికి చెందిన 12 మంది ఆటోలో బుధవారం ఉద యం 8 గంటల సమయంలో జీవీఎంసీ 39వ వార్డులోని కన్నె మేరీమ్మ ఆలయానికి వచ్చారు. ప్రార్థనల అనంతరం 11 గంటల సమయంలో ఘాట్‌ రోడ్డు దిగుతుండగా బ్రేక్‌ ఫెయిలై ఆటో బోల్తా పడింది. ఆటోలో ఉన్న ప్రయాణికులందరూ రోడ్డుపై పడిపోవడంతో స్వల్ప గాయాలయ్యాయి. గాయపడిన వారిలో ఆటో డ్రైవర్‌ సద్గురు, ఎస్‌.అప్పలరాజు, ఎస్‌.శివమ్మ, జె.పెంటయ్య, ఎస్‌.రమణమ్మ, జె.కనక, పి.రమణమ్మ, ఎస్‌.పరదేశి, ఎస్‌.కృష్ణ, కె.తన్విష్‌, ఎస్‌.జోగి, జె.జోగి ఉన్నారు. సమాచారం అందుకున్న హార్బర్‌ స్టేషన్‌ ఎస్‌ఐ మోహనరావు సిబ్బందితో ఘటనా స్థలానికి చేరుకున్నారు. గాయాలపాలైన వారందరినీ చికిత్స నిమిత్తం కేజీహెచ్‌కు తరలించారు. ప్రాథమిక చికిత్స అనంతరం 11 మంది డిశ్చార్జి కాగా పరదేశి ఆస్పత్రిలో చికిత్స పొందుతున్నాడు. ప్రమాదంపై కేసు నమోదు చేసి, దర్యాప్తు చేస్తున్నట్లు ఎస్‌ఐ తెలిపారు.