14, 15 తేదీల్లో ‘కలెక్టర్‌ కప్‌’ క్రీడా పోటీలు

14, 15 తేదీల్లో ‘కలెక్టర్‌ కప్‌’ క్రీడా పోటీలు

మహారాణిపేట: సంక్షేమ శాఖల వసతి గృహాల విద్యార్థులకు కలెక్టర్‌ కప్‌ పేరిట క్రీడా పోటీలు నిర్వహించనున్నారు. ఈ మేరకు సాంఘిక సంక్షేమశాఖ కార్యాలయంలో ఆ శాఖ డీడీ కె.రామారావు ఆధ్వర్యంలో మంగళవారం సాంఘిక, గిరిజన, వెనుకబడిన తరగతుల అధికారులు, క్రీడా శాఖ అధికారులతో క్రీడల నిర్వహణపై సమీక్ష జరిగింది. డిసెంబర్‌ 14, 15వ తేదీల్లో జిల్లాలోని సుమారు 6,500 మంది విద్యార్థులకు కొమ్మాదిలోని క్రీడా మైదానంలో పోటీలు నిర్వహించడానికి ఏర్పాట్లు చేస్తున్నారు. బీసీ సంక్షేమ శాఖ శ్రీదేవి, గిరిజన సంక్షేమ శాఖ అఖిల, జిల్లా క్రీడా అభివృద్ధి అధికారి జూన్‌ గాలియట్‌, సహాయ సంక్షేమ అధికారులు, వసతి గృహాల అధికారులు పాల్గొన్నారు.