TV
తిరుమలనగర్‌కు మరో అవార్డు
అగనంపూడి: తిరుమలనగర్‌ రెసిడెంట్స్‌ వెల్ఫేర్‌ అసోసియేషన్‌ మరో ప్రతిష్టాత్మక అవార్డు అందుకుంది. గచ్చిబౌలీలోని స్టాఫ్‌ కాలేజీ ఆవరణలో ఇంజినీర్స్‌ స్టాఫ్‌ కాలేజీ ఆఫ్‌ ఇండియా 11వ జాతీయ సమావేశం జరిగింది. ఇందులో భాగంగా తిరుమలనగర్‌కు జాతీయ బెస్ట్‌ రెసిడెన్షియల్‌ అసోసియేషన్‌(ఆర్‌డబ్ల్యూఏ) అవార్డు అందించారు. తెలంగాణ రాష్ట్ర వ్యవసాయశాఖ మంత్రి తుమ్మల నాగేశ్వరరావు, ఎన్‌సీఆర్‌డబ్ల్యూ అధ్యక్షుడు డాక్టర్‌ రావు చెలికాని, కన్వీనర్‌ కల్నల్‌ త్యాగి, ప్రధాన కార్యదర్శి కె.ఎస్‌.ఆర్‌ మూర్తి చేతులమీదుగా అసోసియేషన్‌ ప్రతినిధులు నాగభూషణం, విశ్వేశ్వరరావు ఈ అవార్డును అందుకున్నారు. పరమానందం, అప్పలనాయుడు, తిరుపతి నాయు డు, ఆంధ్రప్రదేశ్‌ సలహాదారు రాజన్‌ చిబ్బర్‌, ఏపీ పేర్వాస్‌ కార్యదర్శి దుర్గా ప్రసాద్‌ తదితరులు పాల్గొన్నారు. ఇటీవల కేంద్ర ప్రభుత్వ జలశక్తి అవార్డును తిరుమలనగర్‌ అసోసియేషన్‌ అందుకున్న సంగతి తెలిసిందే.
Comments
Please login to add a commentAdd a comment