TV
మైనర్‌పై లైంగికదాడి.. యువకుడి అరెస్ట్‌
అల్లిపురం: బాలికను ప్రేమ, పెళ్లి పేరుతో నమ్మించి .. అత్యాచారానికి పాల్పడిన యువకుడిని టూటౌన్‌ పోలీసులు శుక్రవారం అరెస్ట్‌ చేసి రిమాండ్‌కు తరలించారు. టూటౌన్‌ పోలీసులు తెలిపిన వివరాలివీ. కొబ్బరితోట, ఎస్‌వీపీ నగర్‌కు చెందిన బాలిక తప్పిపోయిందని ఆమె తల్లి ఈ నెల 14న టూటౌన్‌ పోలీస్‌ స్టేషన్‌లో ఫిర్యాదు చేయడంతో 17న మిస్సింగ్‌ కేసు నమోదు చేశారు. దర్యాప్తు చేపట్టిన పోలీసులు 20న బాలికను కనుగొన్నారు. ఆమె నుంచి వివరాలు తెలుసుకున్నారు. కొబ్బరితోటకు చెందిన రౌడీ షీటర్‌ దేశరాజు దినేష్‌కుమార్‌ తనను ప్రేమిస్తున్నానని, పెళ్లి చేసుకుందామని చెప్పి విజయనగరం తీసుకువెళ్లినట్లు చెప్పింది. అక్కడ ఒక ఇంట్లో ఉంచి పలుమార్లు శారీరకంగా లొంగదీసుకున్నాడని పేర్కొంది. బాధితురాలి తల్లి ఫిర్యాదు మేరకు దినేష్‌కుమార్‌పై పోక్సో కేసు నమోదు చేసి .. శుక్రవారం రిమాండ్‌కు తరలించారు.
Comments
Please login to add a commentAdd a comment