కబడ్డీ జిల్లా జట్ల ఎంపిక రేపు

ఎంవీపీకాలనీ: ప్రకాశం జిల్లా సంతనూతలపాడులో జరగనున్న 71వ రాష్ట్ర స్థాయి సీనియర్‌ అంతర్‌ జిల్లాల కబడ్డీ చాంపియన్‌షిప్‌లో పాల్గొనే ఉమ్మడి విశాఖ జిల్లా జట్ల ఎంపిక ఈ నెల 24న జరగనుంది. ఈ విషయాన్ని విశాఖ జిల్లా కబడ్డీ అసోసియేషన్‌ ప్రధాన కార్యదర్శి జేఎస్‌వీ ప్రసాదరెడ్డి శుక్రవారం ఓ ప్రకటనలో తెలిపారు. ఏయూ ఇండోర్‌ స్టేడియం వేదికగా ఆరోజు మధ్యాహ్నం 3 గంటలకు మహిళలు, పురుషుల జట్లు ఎంపిక ఉంటుందన్నారు. 85 కేజీల లోపు బరువున్న పురు షులు, 75 కిలోలలోపు బరువు ఉన్న మహిళా క్రీడా కారులు ఈ ఎంపికకు అర్హులన్నారు. ఎంపికై న జట్లు డిసెంబర్‌ 5 నుంచి 8వ తేదీ వరకు విశాఖ జిల్లా నుంచి ఈ చాంపియన్‌షిప్‌కు ప్రాతినిథ్యం వహిస్తాయన్నారు. పూర్తి వివరాలకు 96666 55355, 80084 85344లో సంప్రదించవచ్చు.