అప్పుల భారంతో ఆత్మహత్య

అప్పుల భారంతో ఆత్మహత్య

బలిజిపేట: మండలంలోని వెంగాపురం గ్రామానికి చెందిన కె.రవి అప్పుల భారంతో ఆత్మహత్యకు పాల్పడినట్టు ఎస్సై సింహాచలం తెలిపారు. ఈ విషయమై ఆయన తెలిపిన వివరాల ప్రకారం గ్రామానికి చెందిన కె.రవి వృత్తి రీత్యా ఇటుకల బట్టీ నిర్వహిస్తున్నాడు. అప్పులు ఎక్కువగా ఉండడంతో వేరే మార్గం లేక మంగళవారం సాయంత్రం గడ్డిమందు తాగేశాడు. ఈ విషయం తెలుసుకున్న కుటుంబసభ్యులు వెంటనే చికిత్స నిమిత్తం పార్వతీపురం ఏరియా ఆస్పత్రికి, అక్కడినుంచి విజయనగరం ప్రభుత్వ హాస్పిటల్‌కు తరలించగా చికిత్స పొందుతూ బుధవారం ఉదయం మృతిచెందాడు. మృతుడి భార్య సరస్వతి ఫిర్యాదు మేరకు కేసు నమోదుచేసి దర్యాప్తు నిర్వహిస్తున్నట్లు ఎస్సై చెప్పారు.