రక్తనిధి కేంద్రం ప్రారంభం

రక్తనిధి కేంద్రం ప్రారంభం

భీమవరం అర్భన్‌: రక్తనిధి కేంద్రాన్ని ప్రజల సద్వినియోగం చేసుకోవాలని ఇండియన్‌ రెడ్‌క్రాస్‌ సొసైటీ జిల్లా ప్రెసిడెంట్‌, కలెక్టర్‌ చదలవాడ నాగరాణి అన్నారు. మండలంలోని రాయలం గ్రామంలో సోమవారం నూతన రక్తనిధి కేంద్రాన్ని రెడ్‌క్రాస్‌ సొసైటీ స్టేట్‌ చైర్మన్‌ డాక్టర్‌ శ్రీధర్‌ రెడ్డితో ఆమె ప్రారంభించారు. ఈ సందర్భంగా కలెక్టర్‌ మాట్లాడుతూ రెడ్‌క్రాస్‌ నిధులు రూ.2.50 కోట్లతో ఇక్కడ కేంద్రాన్ని ఏర్పాటుచేశారన్నారు. దీంతో జిల్లాలో మొత్తం మూడు బ్లడ్‌ సెంటర్లు అందుబాటులోకి వచ్చాయన్నారు. శ్రీధర్‌ రెడ్డి మాట్లాడుతూ దేశంలో రెడ్‌క్రాస్‌ సొసైటీ 59 రక్తనిధి కేంద్రాలు ఏ ర్పాటుచేయగా రాష్ట్రంలో 18 ఉన్నాయన్నారు. త్వరలో రూ.60 లక్షల విలువైన మొబైల్‌ బ్లడ్‌ డోనార్‌ వాహనాన్ని జిల్లాకు సమకూరుస్తామనఆనరు. భీమవరం శాఖ చైర్మన్‌ ఎంఎస్‌వీఎస్‌ బద్రిరాజు, కోళ్ల నాగేశ్వరరావు, సోమరాజు, చె రుకువాడ రంగసాయి తదితరులు పాల్గొన్నారు.