మార్వెల్ సినిమాలు చూసేవాళ్లకు ఐరన్ మ్యాన్ గురించి ప్రత్యేక పరిచయం అక్కర్లేదు. ఈ పాత్ర పోషించడం వల్ల రాబర్డ్ డౌనీ జూనియర్ వరల్డ్ వైడ్ అద్భుతమైన క్రేజ్ సొంతం చేసుకున్నాడు. అయితే 'అవెంజర్స్: ఎండ్ గేమ్' సినిమాలో ప్రపంచాన్ని కాపాడుతూ చనిపోయాడు. దీంతో ఆ పాత్రని అభిమానించే ఫ్యాన్స్ చాలా డిసప్పాయింట్ అయ్యారు.(ఇదీ చదవండి: హీరో రవితేజని అన్ ఫాలో చేసిన ఛార్మీ.. ఏమైందంటే?)కానీ ఇప్పుడు ఐరన్ మ్యాన్ సరికొత్త పాత్రతో మార్వెల్ సినిమాటిక్ యూనివర్స్‌లోకి ఎంట్రీ ఇచ్చాడు. ఇన్నాళ్లు సూపర్ హీరోగా సాహసాలు చేసిన రాబర్ట్.. రాబోయే 'అవెంజర్స్ డూమ్స్ డే' చిత్రంలో డాక్టర్ డూమ్ అనే విలన్‌గా కనిపించబోతున్నాడు. 'ఎండ్ గేమ్' మూవీకి దర్శకత్వం వహించిన రూసో బ్రదర్స్... కొత్త ప్రాజెక్టుని తెరకెక్కిస్తున్నారు. తాజాగా మూవీ లాంచ్ జరగ్గా.. 2026 మేలో ఈ సినిమా ప్రేక్షకుల ముందుకు రానుందని ప్రకటించారు. ఏదేమైనా ఐరన్ మ్యాన్ రీఎంట్రీ మాత్రం మార్వెల్ ఫ్యాన్స్‌కి ఫుల్ కిక్ ఇస్తోంది.(ఇదీ చదవండి: ఓటీటీలోనే బెస్ట్ కొరియన్ మూవీస్.. ఏ సినిమా ఎక్కడ చూడొచ్చంటే?)"New mask, same task.”Robert Downey Jr. surprises Hall H to announce his return to the MCU as Doctor Doom in Avengers: Doomsday, in theaters May 2026. #SDCC#PVRINOX #Doomsday #robertdowneyjr #MarvelStudios pic.twitter.com/HN0oOIrHm8— INOX Movies (@INOXMovies) July 28, 2024

చిత్రం: ది టుమారో వార్‌విడుదల: జులై 02,2021నటీనటులు: క్రిస్ ప్రాట్, వైవోన్నే స్ట్రాహోవ్స్కీ, సిమన్స్, గిల్పిన్‌, సామ్ రిచర్డ్సన్, ఎడ్విన్ హాడ్జ్, జాస్మిన్ మాథ్యూస్, ర్యాన్ కీరా ఆర్మ్‌స్ట్రాంగ్, కీత్ పవర్స్ తదితరులుదర్శకుడు : క్రిస్‌ మెక్‌కేసంగీతం: లోర్మీ బ్లాఫీసినిమాటోగ్రఫీ: ల్యారీ ఫాంగ్‌నిర్మాతలు: డేవిడ్‌ ఎల్లిసన్‌, డానా గోల్డ్‌బెర్గ్‌, డాన్‌ గ్రాంజెర్‌, జులెస్‌ డాలీ, డేవిడ్‌ ఎస్‌.గోయర్‌, ఆడమ్‌ కోల్‌బెర్నర్‌ఓటీటీ భాగస్వామి: అమెజాన్‌ ప్రైమ్‌ వీడియో (తెలుగు)స్ట్రీమింగ్‌ భాషలు: తెలుగు,ఇంగ్లీష్‌,హిందీ,తమిళ్‌,కన్నడ,మలయాళంహాలీవుడ్‌ చిత్రాలను తెలుగు ప్రేక్షకులు భారీగానే ఆదరిస్తారు. అందుకే అవన్నీ తెలుగులో కూడా డబ్‌ అవుతుంటాయి. సైన్స్‌ ఫిక్షన్‌ చిత్రాలతో పాటు యాక్షన్‌ అడ్వెంచర్‌ చిత్రాలను టాలీవుడ్‌ ప్రేక్షకులు ఎక్కువగా ఇష్టపడుతుంటారు. మార్వెల్‌ చిత్రాలతో పాటు ఏలియన్స్‌ సబ్జెక్ట్‌తో వచ్చిన సినిమాలు ఎన్నో థియేటర్‌లలో సందడి చేశాయి. ఈ క్రమంలో తెరకెక్కిన మిలటరీ సైన్స్‌ ఫిక్షన్‌ సినిమానే 'ది టుమారో వార్‌'. 2021 కోవిడ్‌ సమయంలో డైరెక్ట్‌గా అమెజాన్‌ ప్రైమ్‌ వీడియోలో విడుదలైన ఈ సినిమా మంచి విజయాన్ని అందుకుంది. హలీవుడ్‌లో తెరకెక్కిన ఈ సినిమా అమెజాన్‌లో తెలుగులో కూడా అందుబాటులో ఉంది. ఈ సినిమా కథేంటో తెలుసుకుందాం. భవిష్యత్‌ కాలంలో భూమి మీద ఎలాంటి ఇబ్బందులు రావచ్చేనే కాన్సెప్ట్‌తో 'ది టుమారో వార్‌' కథ ఉంటుంది. గ్రహాంతర వాసులకు.. జీవరాశులకు మధ్య జరిగే భారీ యాక్షన్‌ వార్‌గా చాలా ఉత్కంఠతో కూడుకొని కథ ఉంటుంది.కథ ఎంటి..?డాన్ ఫారెస్టర్ (క్రిస్ ప్రాట్) మాజీ ఇరాక్‌ సైనికాధికారి. రిటైర్డ్‌ అయ్యాక స్కూల్‌ పిల్లలకు బయాలజీ చెబుతూ తన భార్య (బెట్టీ గ్లిపిన్‌), కూతురు (రియాన్‌ కైరా)తో కలిసి జీవితం గడుపుతుంటాడు. ఒకరోజు ఆకాశం నుంచి ఓ ఆర్మీ యూనిట్‌ ఆయనముందు ప్రత్యక్షమవుతుంది. తామందరం భవిష్యత్‌ కాలం నుంచి వచ్చామని చెబుతూ ఎలియన్స్‌తో యుద్ధం చేసేందుకు సైన్యం అవసరం ఉందని చెబుతారు. ఆయనొక ఆర్మీ అధికారి కాబట్టి ఎలియన్స్‌ మీద పోరాటం చేసేందుకు తీసుకెళ్తారు. భవిష్యత్తు యుద్ధం కోసం అతను చేసిన త్యాగం ఏమిటి? ఒక బృందంగా వెళ్లిన డాన్‌ ఫారెస్టర్‌ ఏం చేశాడు..? ఏలియన్స్‌ ఎలా అంతమయ్యాయి..? డాన్ ఫారెస్టర్ కోసమే భవిష్యత్‌ కాలం నుంచి వారు ఎందుకు వచ్చారు..? ఇవన్నీ తెలియాలంటే అమెజాన్‌ ప్రైమ్‌లో స్ట్రీమింగ్‌ అవుతున్న 'ది టుమారో వార్‌' చూడాల్సిందే.ఎలా ఉందంటే..?గ్రహాంతర వాసులకు.. జీవరాశులకు మధ్య జరిగే యుద్ద నేపథ్యంలో వచ్చిన ఈ యాక్షన్ సైన్స్ ఫిక్షన్ థ్రిల్లర్ చాలా అంశాల్లో ప్రేక్షకులను మెప్పిస్తుంది. ఏలియన్స్‌ కాన్సెప్ట్‌తో వచ్చిన ప్రతి సినిమా బాక్సాఫీస్‌ వద్ద విజయాన్ని అందుకుంది. అన్నీ సినిమాల మాదిరి కాకుండా ది టామారో వార్‌ సినిమాను చాలా ప్రత్యేకంగా తెరకెక్కించారు. దర్శకుడు ఎంచుకున్న పాయింట్‌ భిన్నమైనది. ఎలియన్స్‌ను ఎదుర్కొనేందుకు భవిష్యత్‌ తరం వారు సాయం కోసం వర్తమాన కాలానికి చెందిన వారిని కలవడం అనేది చాలా ఆసక్తి తెప్పించే అంశం. ఈ పాయింట్‌తో సినిమాను తెరకెక్కించిన డైరెక్టర్‌ క్రిస్‌ మెకే భారీ విజయం సాధించారు.డాన్‌ ఫారెస్టర్‌ ఆర్మీ నుంచి వచ్చిన తర్వాత ఎలా భవిష్యత్‌ కాలంలో అడుగుపెట్టాడో చూపించిన విధానం బాగుంది. అక్కడ ఎలియన్స్‌ మీద రీసెర్చ్‌ చేస్తున్న ఆ యూనిట్‌లో డాన్‌ ఫారెస్టర్‌ ఎలా కీలకం అయ్యాడో చూపించిన తీరు ప్రేక్షకులను మెప్పిస్తుంది. అప్పటికే చాలామంది ఏలియన్స్‌ మరణించి ఉంటారు. అలాంటి సమయంలో ఎంట్రీ ఇచ్చిన డాన్‌ ఫారెస్టర్‌ యూనిట్‌ మీద ఏలియన్స్‌ ఎటాక్‌ చేస్తాయి. చాలా ఉత్కంఠతతో ఆ సీన్స్‌ ఉంటాయి.ఈ క్రమంలో ఓ ఏలియన్‌ను డాన్‌ ఫారెస్టర్‌ యూనిట్‌ పట్టుకుంటుంది. ఆ సమయంలో ప్రతి ప్రేక్షకుడిని చూపుతిప్పనివ్వకుండా దర్శకుడు చిత్రీకరించాడు. సరిగ్గా ఈ సమయంలోనే మరో ఆర్మీ యూనిట్‌కు నాయకత్వం వహిస్తున్న మ్యూరి ఫారెస్టర్‌ తన కుమార్తె అని తెలుసుకుని డాన్‌ ఫారెస్టర్‌ చాలా సంతోషిస్తాడు. చాలా ఎమెషనల్‌గా కొన్ని సీన్లు వారి మధ్య ఉంటాయి. భవిష్యత్‌ కాలానికి వెళ్లి తన కుమార్తెను కలుసుకున్న ఒక తండ్రి కాన్సెప్ట్‌ అందరినీ మెప్పిస్తుంది. ఎలియన్స్‌ను అంతం చేయాలంటే దానితోనే వాటిని చంపాలని డాన్‌ ఫారెస్టర్‌ ఒక వ్యూహం వేస్తాడు. వారి చేతికి చిక్కిన ఎలియన్‌ శరీరం నెంచి టాక్సిన్‌ను తయారు చేసి దానితోనే వాటిని అంతం చేయాలని స్కెచ్‌ వేస్తాడు. అయితే, వారి చేతికి చిక్కిన ఏలియన్‌ను కాపాడుకునేందుకు మిగిలిన ఏలియన్స్‌ చేసిన పోరాటంతో ప్లాన్‌ ఫెయిల్‌ అవుతుంది. అలాంటి సమయంలో డాన్‌ ఫారెస్టర్‌ వేసిన మరో అద్భుతమైన ప్లాన్‌ ఎంటి..? అనేది చాలా ఆసక్తిని పెంచుతుంది. యాక్షన్‌ చిత్రాలను ఆదరించేవారికి ఈ సినిమా మంచి థ్రిల్‌ను తప్పకుండా ఇస్తుంది.ఎవరెలా చేశారంటే..?డాన్‌ ఫారెస్టర్‌ పాత్రలో క్రిస్‌ ప్రాట్‌ అదరగొట్టేశాడు. ఆయన కూతురి పాత్రలో స్ట్రావోస్కీ కూడా మెప్పించింది. సిమన్స్‌, సామ్‌ రిచర్డ్‌సన్‌ వారి పాత్రలకు సరైన న్యాయం చేశారు. 'ది టుమారో వార్' చిత్రానికి ప్రధాన బలం విజువల్స్‌ అని చెప్పవచ్చు. ల్యారీ ఫాంగ్‌ సినిమాటోగ్రఫీ సినిమాను మరో రేంజ్‌కు చేర్చుతుంది. ఇలాంటి సినిమాలు బిగ్‌ స్క్రీన్‌ మీద చూస్తే ఆ మజానే వేరు అనేలా ఉంటుంది. ముఖ్యంగా యాక్షన్ సీన్స్‌లను ఎలివేట్ చేయడానికి అద్భుతమైన విఎఫెక్స్, క్వాలిటీ సీజిఐను ఉపయోగించడంతో ఈ సినిమా విజువల్ వండర్‌గా తెరకెక్కింది. అయితే దర్శకుడు కథ చెప్పే తీరు కాస్త నెమ్మదిగా ఉంటుంది. ముఖ్చంగా తండ్రీ, కూతుళ్ల మధ్య వచ్చే సన్నివేశాలు కాస్త సాగదీతగా అనిపిస్తాయి. స్క్రీన్ ప్లే విషయంలో ఇంకాస్త బలంగా ఉండాల్సింది. ఫైనల్‌గా ‘ది టుమారో వార్‌’ అద్భుతాన్ని చూడాల్సిందే. అమెజాన్‌ ప్రైమ్‌లో తెలుగులో కూడా అందుబాటులో ఉంది.

‘ది లార్డ్‌ ఆఫ్‌ ది రింగ్స్‌’ హాలీవుడ్‌ చరిత్రలోని అద్భుతాల్లో ఒకటి. ఈ ఫిల్మ్‌ సిరీస్‌లో వచ్చిన సినిమాలన్నీ బాక్సాఫీస్‌ వద్ద దుమ్మురేపాయి. అలాగే అవార్డులను కూడా సొంతం చేసుకున్నాయి. దీంతో ఈ చిత్రానికి ప్రీక్వెల్‌గా వెబ్‌ సిరీస్‌ ‘ది లార్డ్‌ ఆఫ్‌ ది రింగ్స్‌: ది రింగ్స్‌ ఆఫ్‌ పవర్‌’ పేరుతో 2022లో అమెజాన్‌ ప్రైమ్‌లో విడుదలైంది. అందులో కూడా సత్తా చాటింది. పేరుకే వెబ్‌ సీరిస్‌ కానీ, భారీ బడ్జెట్‌తో పార్ట్‌ 1 తెరకెక్కించారు మేకర్స్‌. సినిమాటిక్‌ కోసం ఏమాత్రం విలువలు తగ్గకుండా అమెజాన్‌ ప్రైమ్‌ తెరకెక్కించి విడుదల చేసింది. ఇప్పుడు పార్ట్‌ 2 ఈ ఏడాది ఆగష్టు 29న విడుదల కానుంది. అందుకు సంబంధించిన 'ది లార్డ్‌ ఆఫ్‌ ది రింగ్స్‌: ది రింగ్స్‌ ఆఫ్‌ పవర్‌' తెలుగు ట్రైలర్‌ను మేకర్స్‌ తాజాగా విడుదల చేశారు. జేఆర్‌ఆర్‌ టోకిన్స్‌ రాసిన నవల ఆధారంగా ఈ సినిమాల్ని నిర్మిస్తున్నారు.‘లార్డ్‌ ఆఫ్‌ ది రింగ్స్‌’ ప్రీక్వెల్‌ కోసం అమెజాన్‌ రూ. 3250 కోట్లు ఖర్చు చేసింది. ఇందులో రూ. 1500 కోట్లు కేవలం కథ రైట్స్‌ కోసమే వెచ్చించడం విశేషంగా చెప్పుకోవాలి. మరి ఇన్ని కోట్లు ఖర్చు పెట్టిన సిరీస్, అంత రిటర్న్స్‌ తెచ్చుకుంటుందా? సినిమాల్లోలానే టీవీ సిరీస్‌లోనూ లార్డ్‌ ఆఫ్‌ ది రింగ్స్‌ రికార్డులు సృష్టిస్తుందా? చూడాలి. ఇంగ్లిష్‌, తెలుగు, హిందీ, తమిళ, కన్నడ, మలయాళ భాషలలో 'ది లార్డ్‌ ఆఫ్‌ ది రింగ్స్‌: ది రింగ్స్‌ ఆఫ్‌ పవర్‌' ఆగష్టు 29న అమెజాన్‌ ప్రైమ్‌లో విడుదల కానుంది. తాజాగా విడుదలైన ట్రైలర్‌ ప్రేక్షకులను మెప్పించేలా ఉంది. ఇందులోని గ్రాఫిక్స్‌ దృశ్యాలు, పోరాట సన్నివేశాలు అద్భుతంగా ఉన్నాయి. శతాబ్దాల కాలం నాటి రాచరిక యుగానికి తీసుకెళ్తున్నట్టుగా ఆకట్టుకునే విధంగా విజువల్స్‌ ఉన్నాయి.

చావు గురించి ఆలోచించడం మంచిదే అంటున్నాడు హాలీవుడ్‌ యాక్టర్‌, మ్యూజిక్‌ డైరెక్టర్‌ కెను రీవ్స్‌. అవును, తను చెప్తోంది నిజమేనని, మరణం గురించి ఆలోచించడం ఒకరకంగా మంచి విషయమేనంటోంది బాలీవుడ్‌ బ్యూటీ సోనమ్‌ కపూర్‌. 21వ శతాబ్దంలో నాలుగో గ్రేటెస్ట్‌ యాక్టర్‌గా కీర్తి గడించిన కెను రీవ్స్‌.. ద బుక్‌ ఆఫ్‌ ఎల్స్‌వేర్‌ అనే నవల రాశాడు. దీన్ని త్వరలోనే రిలీజ్‌ చేయనున్నాడు. మరణం గురించే ఆలోచనఈ క్రమంలో ఓ ఇంటర్వ్యూలో మరణంపై తన అభిప్రాయాలను వెల్లడించాడు. నేను చావు గురించి ఎల్లప్పుడూ ఆలోచిస్తుంటాను. దానివల్ల మనం ఊపిరి తీసుకున్నంతకాలం బంధాలకు విలువనివ్వాలని, ఉన్న కాలాన్ని సద్వినియోగం చేసుకోవాలన్న పాజిటివ్‌ ఆలోచనలు వస్తాయి అని పేర్కొన్నాడు. అంటే మరణాన్ని తలుచుకుంటే బతికి ఉన్నంత కాలం ఈ జీవితాన్ని సద్వినియోగం చేసుకోవచ్చని నటుడు చెప్తున్నాడు.సినిమాలు..ఇది కరెక్టే అనిపించడంతో సోనమ్‌ కపూర్‌ ఈ క్లిప్పింగ్‌ను ఇన్‌స్టాగ్రామ్‌ స్టోరీలో షేర్‌ చేసింది. కాగా సోనమ్‌.. సావరియా సినిమాతో హీరోయిన్‌గా మారింది. ఢిల్లీ 6, ఐ హేట్‌ లవ్‌ స్టోరీస్‌, ఐషా, థాంక్యూ, బేవకూఫియాన్‌, భాగ్‌ మిల్కా భాగ్‌, ఖుబ్సూరత్‌, నీర్జ, ప్యాడ్‌ మ్యాన్‌, వీరు ది వెడ్డింగ్‌, సంజు, ద జోయా అక్తర్‌ వంటి పలు చిత్రాల్లో నటించింది. గతేడాది వచ్చిన బ్లైండ్‌ సినిమాలో చివరగా కనిపించింది.చదవండి: మళ్లీ తల్లి కాబోతున్నాను

హాలీవుడ్‌ స్టార్స్‌ ఓవెన్‌ టీగ్, ఫ్రెయా అల్లన్, కెవిన్‌ డురాండ్, పీటర్‌ మకాన్, విలియమ్‌ హెచ్‌. మేసీ ప్రధాన పాత్రల్లో నటించిన హాలీవుడ్‌ సైన్స్‌ ఫిక్షన్‌ యాక్షన్‌ ఫిల్మ్‌ ‘కింగ్‌డమ్‌ ఆఫ్‌ ది ప్లానెట్‌ ఆఫ్‌ ది ఏప్స్‌’. వెస్‌ బాల్‌ దర్శకత్వంలో రూపొందిన ఈ చిత్రం ఈ ఏడాది మే 10న థియేటర్స్‌లో విడుదల అయింది. అయితే, ప్రేక్షకులను మెప్పించిన ఈ సినిమా ఇప్పుడు ఓటీటీలో విడుదల కానుంది. ఈమేరకు అధికారికంగా ప్రకటన కూడా వెలువడింది.ప్రపంచవ్యాప్తంగా 'కింగ్‌డమ్ ఆఫ్ ద ప్లానెట్ ఆఫ్ ద ఏప్స్' సినిమాకు మంచి ఆదరణ ఉంది. బాక్సాఫీస్‌ వద్ద వసూళ్ల వర్షం కురిపించిన తర్వాత ఇప్పుడు ఓటీటీలోకి వస్తోంది. విడుదలైన రెండున్నర నెలల తర్వాత ఓటీటీలోకి రానుంది. ఈ సినిమా ఆగష్టు 2 నుంచి డిస్నీ ప్లస్ హాట్‌స్టార్‌లో స్ట్రీమింగ్ కానుంది. ఇంగ్లీష్‌, తెలుగు,హిందీ, తమిళ్‌లో ఈ చిత్రం విడుదల కానుంది.‘ప్లానెట్‌ ఆఫ్‌ ది ఏప్స్‌’ రీ బూట్‌ సిరీస్‌లో వస్తోన్న నాలుగో చిత్రం ఇది. ఈ సిరీస్‌ నుంచి గతంలో వచ్చిన ‘రైజ్‌ ఆఫ్‌ ది ప్లానెట్‌ ఆఫ్‌ ది ఏప్స్‌ (2011)’, ‘డ్వాన్‌ ఆఫ్‌ ది ప్లానెట్‌ ఆఫ్‌ ది ఏప్స్‌ (2014), ‘వార్‌ ఫర్‌ ది ప్లానెట్‌ ఆఫ్‌ ది ఏప్స్‌’ (2017) చిత్రాలు ప్రేక్షకులను అలరించాయి. ఈ ఏడాది రిలీజైన సినిమాల్లో అత్యధిక వసూళ్లు సాధించిన టాప్ 10 సినిమా లిస్ట్‌లో ‘కింగ్‌డమ్‌ ఆఫ్‌ ది ప్లానెట్‌ ఆఫ్‌ ది ఏప్స్‌’ ఉండటం విశేషం.రూ. 1350 కోట్ల బడ్జెట్‌తో రూపొందిన ఈ సినిమా మొత్తంగా రూ. 3,300 కోట్లు రాబట్టి రికార్డ్‌ క్రియేట్‌ చేసింది. ఐఎండీబీలో కూడా ఈ సినిమాకు 7.2 రేటింగ్ లభించడం విశేషం. ఆగష్టు 2 నుంచి డిస్నీ ప్లస్ హాట్‌స్టార్‌లో ఉచితంగానే ఈ చిత్రాన్ని చూసేయండి.

హాలీవుడ్‌ సూపర్‌హీరో హిట్‌ ఫ్రాంచైజీ ‘డెడ్‌పూల్‌’ నుంచి వస్తున్న తాజా సినిమా ‘డెడ్‌పూల్‌ అండ్‌ వుల్వరీన్‌’. ర్యాన్‌ రేనాల్డ్స్, హ్యూ జాక్‌మన్, ఎమ్మా కోరిన్, మాథ్యా మాక్‌ఫాడ్యేయన్‌ లీడ్‌ రోల్స్‌లో నటించిన ఈ సినిమాకు షాన్‌ లేవీ దర్శకత్వం వహించారు. ఈ చిత్రంలో డెడ్‌పూల్‌గా ర్యానే రేనాల్డ్స్, వుల్వరీన్‌గా హుయ్‌జాక్‌మెన్ కనిపిస్తారు.వాల్ట్‌ డిస్నీ స్టూడియోస్‌ మోషన్‌ పిక్చర్స్‌ ఈ చిత్రాన్ని ఈ నెల 26న విడుదల చేస్తోంది. తెలుగులోనూ విడుదల కానున్న ఈ మూవీ ట్రైలర్‌ను విడుదల చేశారు మేకర్స్‌. ‘‘నా కంటూ ఉంది ఈ తొమ్మిదిమందే... నా ప్రపంచం మొత్తం ఈ ఫోటోలో ఉంది. ఒక్కడ్నే వీళ్లను ఎలా కాపాడాలో తెలియడం లేదు. కానీ.. నువ్వు వీళ్లను కాపాడగలవు’, ‘నువ్వు సిద్ధమా..?’, ‘ఎల్లప్పుడూ సిద్ధం’ వంటి డైలాగ్స్‌ ఈ ట్రైలర్‌లో ఉన్నాయి.

హాలీవుడ్‌ నుంచి మార్వెల్ మూవీ యూనీవ‌ర్స్‌లో మ‌రో కొత్త సినిమా ఫ్యాన్స్‌ను ఉర్రూత‌లుగించేందుకు రెడీ అయింది. 'డెడ్ పుల్' మూవీ ఫ్రాంఛైజ్ నుంచి మూడో సినిమాగా 'డెడ్ పుల్ అండ్ వాల్వ‌రిన్' సినిమా ఈ జూలై 26న విడుద‌ల‌ కానుంది. ఈ సినిమాలో సూప‌ర్ హీరో డెడ్ పుల్‌తో పాటు మిలీనియ‌మ్ సూప‌ర్ హీరో ఎక్స్ మెన్‌లో మోస్ట్ ఫెవ‌రేట్ వాల్వ‌రిన్ కూడా సిల్వ‌ర్ స్రీన్‌పై ఫైట్లు చేయ‌బోతున్నాడు. దీంతో ఒకేసారి ఇద్ద‌రు హీరోలు చేయ‌బోయే అద్భుత‌మైన విన్యాసాల‌ను మూవీ ల‌వ‌ర్స్ డెడ్ పుల్ అండ్ వాల్వ‌రిన్ ద్వారా వీక్షించ‌బోతున్నారు. ఇప్ప‌టికే విడుద‌లైన ఈ సినిమా టీజ‌ర్, ట్రైల‌ర్స్ కు వ‌రల్డ్ వైడ్ విప‌రీతంగా క్రేజ్ ఏర్ప‌డింది, ఈ నేప‌థ్యంలో మార్వెల్ టీమ్ ఈ సినిమాను అన్ని భాష‌ల్లో ఉన్న సినీ అభిమానుల‌ను మ‌రింత అల‌రించే విధంగా తీర్చిదిద్దేందుకు డ‌బ్బింగ్ వెర్ష‌న్స్ ను సిద్ధం చేస్తున్నారు. తెలుగులో ఈ సినిమా డ‌బ్బింగ్ ఫ్యాన్స్‌ను అత్యంత ఆకట్టుకుంద‌నే విష‌యం తెలుగు ట్రైల‌ర్ చూస్తే అర్ధం అవుతుంది. తెలుగులో ఉన్న ట్రెండింగ్ ప‌దాల‌ను, యూత్ మ‌ధ్య విప‌రీతంగా వినిపించే ప‌దాల‌తో ఉన్న డైలాగ్స్ ఈ సినిమాకు హైలెట్ అవ్వ‌నున్నాయి. తెలుగు సినీ అభిమానులు ఇటీవ‌ల ఇష్ట‌ప‌డిన కుర్చీమ‌డ‌త‌పెట్టి, కెవ్వుకేక‌, రింగ రింగ ఇలా అనేక అన్‌లైన్ ట్రెండింగ్ కీ వ‌ర్డ్స్‌తో డెడ్ పుల్ అండ్ వాల్వ‌రిన్ తెలుగు వెర్ష‌న్ సిద్ధం అయింది. ఈ చిత్రంలో వాల్వ‌రిన్‌గా హుయ్ జాక్ మెన్, డెడ్ పుల్‌గా ర‌య‌న్ రెనాల్డ్స్ క‌నిపించ‌బోతున్నారు. ప్ర‌పంచ‌వ్యాప్తంగా జూలై 26న ఈ సినిమా భారీ స్థాయిలో విడుద‌ల అవుతుంది.

యాక్షన్ సినిమా అంటే పూర్తిగా యాక్షనే కాదు కామెడీతో కూడిన యాక్షన్ చిత్రాలు ఇదివరలో మనం చాలానే చూశాం. అదే కోవలో విడుదలైన చిత్రం ఫ్రీలాన్స్ ప్రైమ్ వీడియో ఓటిటి వేదికగా స్ట్రీమ్ అవుతోంది. జాన్ సేనా వంటి సీరియస్ యాక్షన్ కథానాయకుడు నటించిన చిత్రం ఈ ఫ్రీలాన్స్. కథాపరంగా కథానాయకుడు ఒకప్పుడు ఆర్మీలో పని చేసి ఓ వ్యక్తి చేసిన తప్పిదానికి ఆర్మీ నుండి అనుకోకుండా తను సస్పెండ్ అవుతాడు.కొంతకాలం తరువాత తన స్నేహితుడి ద్వారా ప్రైవేట్ ఆర్మీలో పని చేసే అవకాశం లభిస్తుంది కథానాయకుడికి. ఆ ప్రైవేట్ ఆర్మీ మొదటి ఆపరేషన్ ఓ జర్నలిస్టుకి బాడీగార్డ్ గా వ్యవహరించడం. ఆ జర్నలిస్ట్ ఓ దేశాధిపతిని ఇంటర్వ్యూ చేయడానికి వెళ్ళే తరుణంలో కథానాయకుడిని బాడీగార్డ్ గా తీసుకువెళుతుంది. అక్కడ ఆదేశాధిపతి మీద దాడి జరుగుతుంది. తరువాత ఆ దాడిని కథానాయకుడు ఎలా ఎదుర్కున్నాడు, జర్నలిస్ట్ ను ఎలా రక్షించాడు అన్నది ఓటిటి తెర మీద చూడాల్సిందే. ఈ కథ కాన్సెప్ట్ సీరియస్ అయినా స్క్రీన్ ప్లే మాత్రం హాస్యభరితంగా ఉంటుంది. వీకెండ్ మూవీ వ్యూవర్స్ కు మస్ట్ వాచ్ మూవీ అని చెప్పవచ్చు.- ఇంటూరు హరికృష్ణ

రోజుకో స్పెష‌ల్ సర్‌ప్రైజ్‌తో మార్వెల్ మూవీ ఫ్యాన్స్‌ని 'డెడ్ పుల్ & వాల్వ‌రిన్' టీమ్ ఉక్కిరిబిక్కిరి చేస్తున్నారు. రైన్ రెనాల్డ్స్, హుయ్ జాక్ మెన్ ప్ర‌థాన పాత్ర‌ల్లో నటించిన సినిమా ఇది. వరల్డ్ వైడ్ జూలై 26న థియేటర్లలో రిలీజ్ కానుంది. తెలుగులోనూ వస్తుండటం విశేషం. ఇప్పటికే ప్రమోషనల్ కంటెంట్ మూవీపై హైప్ పెంచగా.. తాజాగా డబుల్ చేసేలా ఫైనల్ ట్రైలర్‌ని విడుదల చేశారు.(ఇదీ చదవండి: ఓటీటీలో దూసుకుపోతున్న తెలుగు సినిమా.. ఎందులో ఉందంటే?)ప్రతి మూవీలో కొత్త కొత్త క్యారెక్టర్స్‌ని పరిచయం చేసే మార్వెల్.. ఈ ట్రైల‌ర్‌లో లేడీ డెడ్ పుల్, వాల్వ‌రిన్ కూతుర్ని ప‌రిచ‌యం చేశారు. డెడ్ పుల్ చేసే విన్యాసాలుని ఎంజాయ్ చేసే మార్వెల్ మూవీ ల‌వ‌ర్స్.. ఇప్పుడు లేడీ డెడ్ పుల్ చేసే యాక్ష‌న్‌ని కూడా చూడ‌బోతున్నారు. (ఇదీ చదవండి: 'యానిమల్' బ్యూటీ కొత్త సినిమా ఎలా ఉందంటే?)

స్టార్‌ హీరోయిన్‌ ప్రియాంక చోప్రా హాలీవుడ్‌లోనూ సినిమాలు చేస్తూ గ్లోబల్‌ బ్యూటీగా పేరు సంపాదించుకుంది. కానీ అందరిలాగే కెరీర్‌ తొలినాళ్లలో ఎన్నో కష్టాలు పడింది. కొన్ని సినిమాలు చేతిదాకా వచ్చి పోయిన సందర్భాలు కూడా ఉన్నాయి. కష్టపడి ఎదుగుతుంటే చూసి ఓర్వలేనివారు ఆమెకు యాక్టింగ్‌ రాదని, లుక్స్‌ బాగోవని విషప్రచారం చేసేవారు.అడిగి మరీ..ఈ విషయాన్ని దర్శకుడు గుడ్డు ధనోవా తాజాగా ఓ ఇంటర్వ్యూలో వెల్లడించాడు. 'సన్నీ డియోల్‌ హీరోగా, ప్రియాంక చోప్రా హీరోయిన్‌గా 2002-2003 మధ్యలో ఓ సినిమా తీశాను. అప్పుడు హైదరాబాద్‌లో షూటింగ్‌ జరిపాం. ప్రియాంకకు యాక్టింగ్‌ అంతగా రాకపోయేది. ఇప్పుడీ సీన్‌ ఎలా చేయాలి? ఈ సన్నివేశం గురించి కాస్త వివరించరా? అని అడిగి మరీ తెలుసుకుని నటించేది. యాక్టింగ్‌ రాదన్నారునేర్చుకోవాలన్న తపన తనలో కనిపించేది. తన పాత్రను పర్ఫెక్ట్‌గా చేయాలని భావించేది. అలాగే అందంగా కూడా ఉండేది. ఓ షెడ్యూల్‌ పూర్తయ్యాక ప్రియాంక గురించి ముంబైలోని కొందరు నెగెటివ్‌గా చెప్పడం మొదలుపెట్టారు. స్క్రీన్‌పై తను అంత అందంగా కనిపించదని, యాక్టింగే రాదని, టైం వేస్ట్‌ చేసుకోవద్దని, కావాలంటే ఇప్పటివరకు షూట్‌ చేసిన భాగాన్ని ఓసారి చూసుకోమని సలహాలు ఇచ్చారు. ఆమెకు ఫిదా అయ్యాంసరేనని చెప్పి సన్నీ డియోల్‌, నేను రషెస్‌ చూశాం. వాళ్లు చెప్పినట్లుగా ఏమీ అనిపించలేదు. దీంతో ఈ సినిమా తనతోనే పూర్తి చేయాలని డిసైడ్‌ అయ్యాం. తన అంకితభావానికి, నటనకు మేము ఫిదా అయ్యాం. తప్పకుండా తను ఏదో ఒకరోజు గొప్ప స్థానానికి వెళ్తుందని భావించాం. చాలా త్వరగానే స్టార్‌ హీరోయిన్‌గా ఎదిగిపోయింది. తన వెడ్డింగ్‌ రిసెప్షన్‌కు సైతం నన్ను ఆహ్వానించింది' అని దర్శకుడు చెప్పుకొచ్చాడు. కాగా గుడ్డు ధనోవా డైరెక్షన్‌లో ప్రియాంక చోప్రా.. బిగ్‌ బ్రదర్‌, కిస్మత్‌ అనే సినిమాలు చేసింది.చదవండి: ‘గురువాయూర్ అంబలనడియాల్’ మూవీ రివ్యూ

అప్పు చేసైనా సరే పెళ్లి గ్రాండ్‌గా చేస్తామంటున్నాయి మధ్యతరగతి కుటుంబాలు. వివాహం కోసం స్థోమతకు మించి మరీ ఖర్చు చేస్తున్నారు. పెళ్లి వేడుకలు అందరికీ గుర్తుండిపోయేలా చేయాలని ఆరాటపడుతున్నారు. వీళ్ల పరిస్థితే ఇలా ఉంటే దిగ్గజ పారిశ్రామికవేత్త, వేలకోట్ల సంపన్నుడు ముఖేశ్‌ అంబానీ ఇంట పెళ్లంటే ఇంకెలా ఉండాలి? దేశమంతా మార్మోగిపోదు!సెలబ్రేషన్స్‌ చేసినన్ని రోజులు కలిసుండట్లేదుఈ ఏడాది మార్చిలో అనంత్‌ అంబానీ- రాధిక మర్చంట్‌ ప్రీవెడ్డింగ్‌ వేడుకలు షురూ అయ్యాయి. అప్పటినుంచి ఇప్పటివరకు సెలబ్రేషన్స్‌ జరుగుతూనే ఉన్నాయి. జూలై 12న వీరి పెళ్లి అంగరంగ వైభవంగా జరిగింది. త్వరలోనే వీరు లండన్‌కు వెళ్లి అక్కడ కూడా పోస్ట్‌ వెడ్డింగ్‌ సెలబ్రేషన్స్‌ మొదలుపెట్టనున్నారట! ఈ వేడుకలపై పాకిస్తాన్‌ నటుడు అర్సలన్‌ నజీర్‌ సోషల్‌ మీడియాలో సెటైర్స్‌ వేశాడు. ఈ రోజుల్లో పెళ్లి వేడుకలు ఎన్నాళ్లు జరుపుకుంటున్నారో.. కనీసం అంతకాలం కూడా బంధాలు నిలబడటం లేదు అని ఇన్‌స్టాగ్రామ్‌ స్టోరీలో రాసుకొచ్చాడు.నీకేంటి సమస్య?ఇది చూసిన జనాలు నటుడిని తిట్టిపోస్తున్నారు. 'వాళ్లు సంతోషంగానే ఉన్నారు.. మధ్యలో నీకేంటి సమస్య?', 'వాళ్లను చూసి కుళ్లుకుంటున్నావ్‌ కదూ..', 'అనంత్‌-రాధిక చిన్ననాటి స్నేహితులు.. వారి ప్రేమలో నిజాయితీ ఉంది. వారి బంధం తెగిపోయేంత బలహీనమైంది కాదు', 'నీ డబ్బుతో సెలబ్రేట్‌ చేసుకోవడం లేదుగా.. మరి నువ్వెందుకు అంత బాధపడుతున్నావ్‌..' అంటూ రకరకాలుగా కామెంట్లు చేస్తున్నారు.చదవండి: ఐశ్వర్య- అభిషేక్‌ దాగుడుమూతలు.. కలిసున్నారా? విడిపోయారా?

హాలీవుడ్‌ నుంచి మార్వెల్ సినిమాలు రిలీజ్ అవుతున్నాయంటే చాలు ప్రపంచవ్యాప్తంగా ఉన్న సినీ అభిమానులు ఆసక్తిగా ఎదురుచూస్తారు. ఈ సినిమాల్లో క‌నిపించే సూప‌ర్ హీరోలు వెండితెరపై కనిపిస్తే సంబ‌రాల్లో మునిగితేలుతుంటారు. ఈ క్రమంలో మార్వెల్ యూనీవ‌ర్స్ నుంచి డెడ్ పుల్ సిరీస్‌లో భాగంగా జూలై 26న డెడ్ పుల్ & వాల్వరిన్ మూవీ విడుదలకు సిద్ధంగా ఉన్న సంగ‌తి తెలిసిందే. ఇప్ప‌టికే ఈ సినిమాకి సంబంధించిన ట్రైల‌ర్ యూట్యూబ్‌లో మిలియ‌న్స్ కొద్దీ వ్యూస్ అందుకోవ‌డంతో పాటు ప్ర‌పంచ‌వ్యాప్తంగా ఉన్న మార్వెల్ ఫ్యాన్స్ లో ఉత్కంఠ రేపుతోంది. ఈసారి డెడ్ పుల్‌తో పాటు వాల్వ‌రిన్ కూడా వెండితెరపై అద్భుత విన్యాసాలు చేయ‌బోతున్నాడు. ఇద్ద‌రు సూప‌ర్ హీరోలు ఒకేసారి అభిమానులు ముందుకు రానున్న నేప‌థ్యంలో డెడ్ పుల్ అండ్ వాల్వ‌రిన్ మోస్ట్ ఫెవ‌రేట్ మార్వెల్ మూవీగా రికార్డులు క్రియేట్ చేస్తుంది. తాజాగా ఈ సినిమాకు ఉన్న క్రేజ్ రీత్య హైద‌ర‌బాద్‌లో మార్వెల్ సినిమాలు అభిమానులు సంబ‌రాలు చేసుకున్నారు. ఇటీవ‌లే డెడ్ పుల్ & వాల్వ‌రిన్ టికెట్లు బుకింగ్ మొద‌లైన సంద‌ర్భంగా త‌మ అభిమానాన్ని పెద్ద ఎత్తున సంబరాలు చేశారు. ఈ సెల‌బ్రేష‌న్ వీడియోలు ప్ర‌స్తుతం నెట్టింట వైర‌ల్ అవుతున్నాయి. డెడ్ పుల్ & వాల్వ‌రిన్‌లో ప్ర‌ధాన‌పాత్ర‌ధారులుగా ర‌య‌న్ రెనాల్డ్స్, హుయ్ జాక్ మెన్ న‌టిస్తున్నారు. జూలై 26న ప్ర‌పంచ‌వ్యాప్తంగా భారీ స్థాయిలో ఈ సినిమా విడుదల కానుంది.

ఆఫర్‌.. ఆఫర్‌.. ఈ పేరు వినిపిస్తే చాలు జనాలు చేతిలో డబ్బులున్నాయా? లేవా? అని కూడా చూసుకోరు. ఆఫర్‌లో వస్తున్నాయంటూ ఎగబడి మరీ కొనేస్తారు. అలాగే అమెరికాలో బ్లాక్‌ ఫ్రైడే సేల్స్‌ కోసం ఓ షాపింగ్‌ స్టోర్‌ సిద్ధమైంది. మొదట వచ్చిన 100 మంది కస్టమర్ల కోసం ప్రత్యేక బహుమతులు కూడా ప్రకటించింది. ఇంకేముంది.. జనాలు షాపు చుట్టూ గుమిగూడారు. వారిని ఆపడం అక్కడి సెక్యూరిటీ వల్ల కూడా కావడం లేదు.కథఇంతలో ఆ షాపు యజమాని కూతురు జెస్సికా (నెల్‌ వర్లఖ్‌) తన ఫ్రెండ్స్‌ గ్యాంగ్‌తో అక్కడికి వస్తుంది. ఆమె ప్రియుడు కొత్త ఫోన్‌ తీసుకోవాలంటూ దర్జాగా షాపులోకి వెళ్తాడు. ఇది చూసిన జనాలు ఆగ్రహానికి లోనవుతారు. వారిని ఎందుకు లోనికి వెళ్లనిచ్చారు? మమ్మల్ని ఎందుకు ఆపుతున్నారు? అని మండిపడ్డారు. ఇంతలో జనం సునామీలా ముందుకు వచ్చారు. స్టోర్‌ తలుపు తెరిచేవరకు ఆగకుండా దూసుకొచ్చేయడంతో తొక్కిసలాట జరిగింది. పలువురూ ప్రాణాలు కోల్పోయారు. దాంతో బ్లాక్‌ ఫ్రైడే విషాదంగా మారిపోయింది. సరిగ్గా ఏడాదికి..అయితే దీన్ని హీరోయిన్‌ బాయ్‌ఫ్రెండ్‌ లైవ్‌లో వీడియో తీడయంతో అది వైరల్‌గా మారుతుంది. ఏడాది తర్వాత మరోసారి అదే స్టోర్‌లో బ్లాక్‌ ఫ్రైడే సేల్స్‌ పెట్టాలని షాపు యజమాని డిసైడ్‌ అవుతాడు. అంతలోనే గతేడాది విషాదానికి కారణమైన ఒక్కొక్కరూ అత్యంత దారుణంగా చనిపోతారు. ఈ హత్యల వెనుక ఉన్నదెవరు? ఫ్రెండ్స్‌ గ్యాంగ్‌లో అందరూ చనిపోయారా? ఎవరైనా ప్రాణాలతో బతికి బట్టకట్టారా? మళ్లీ బ్లాక్‌ ఫ్రైడే సేల్స్‌ జరిగాయా? లేదా? అనేది తెలియాలంటే సినిమా చూడాల్సిందే!ఆ సీన్‌ హైలైట్‌సినిమా ప్రారంభమైన కొద్ది సేపటికే బ్లాక్‌ ఫ్రైడే సేల్స్‌.. ఎంత విధ్వంసంగా మారిందో చూపించారు. ఆ దారుణాన్ని చూస్తున్నప్పుడు మనసు చివుక్కుమంటుంది. సినిమా మొత్తంలో ఈ సీనే హైలైట్‌గా ఉంటుంది. తర్వాత విలన్‌ చేసే హత్యలు కొన్ని కామెడీగా ఉంటే, మరికొన్ని సీరియస్‌గా ఒళ్లు గగుర్పొడిచేలా ఉంటాయి. సెకండాఫ్‌లో అదుర్స్‌ అని చెప్పుకునేలా ఏ సన్నివేశమూ ఉండదు. కిల్లర్‌ నెక్స్ట్‌ టార్గెట్‌ ఎవరన్న ఉత్సుకత మాత్రం మనలో కలగక మానదు.ఆ ఓటీటీలో స్ట్రీమింగ్‌ఎలి రోత్‌ దర్శకత్వం వహించిన ఈ మూవీలో పాట్రిక్‌ డింప్సే, జీనా జెర్షన్‌, టై ఒల్సన్‌, నెల్‌ వెర్లాక్‌.. తదితరులు ముఖ్య పాత్రలు పోషించారు. ఎలి రోత్‌తో పాటు జెఫ్‌ రెండల్‌ డైలాగ్స్‌ రాశాడు. జనాలకు షాపింగ్‌, ఆఫర్స్‌ మీద ఉన్న పిచ్చిని.. అలాగే సోషల్‌ మీడియాలో వైరలవ్వాలన్న తాపత్రయాన్ని సినిమాలో సెటైరికల్‌గా చూపించారు. దాని పరిణామాలు ఎలా ఉంటాయో చక్కగా చూపించారు. మిస్టరీ థ్రిల్లర్స్‌ సినిమాలను ఇష్టపడేవారు ఈ సినిమా చూడొచ్చు. ఈ మూవీ నెట్‌ఫ్లిక్స్‌లో హిందీ, ఇంగ్లీష్‌ భాషల్లో అందుబాటులో ఉంది. చదవండి: అనంత్ అంబానీ పెళ్లి.. ఆ హీరోలకు గిఫ్ట్‌గా కోట్ల విలువైన వాచీలు

శాంటా ఫే: ‘రస్ట్‌’ సినిమా షూటింగ్‌ రిహార్సల్స్‌ సమయంలో 2021లో అలెక్‌ బాల్డ్‌విన్‌(61) చేతిలోని తుపాకీ పేలి సినిమాటోగ్రాఫర్‌ హలియానా హట్చిన్‌ ప్రాణాలు కోల్పోయిన ఘటన కేసు మూడేళ్లకు అనూహ్యంగా సుఖాంతమయింది. నటుడు అలెక్‌ బాల్డ్‌విన్‌పై ఉన్న ‘అసంకల్పిత హత్య’ ఆరోపణలపై విచారణ కొనసాగుతుండగానే న్యూ మెక్సికో కోర్టు జడ్జి అకస్మాత్తుగా కేసును కొట్టివేస్తున్నట్లు ప్రకటించారు. కేసులో సాక్షులను అడ్డుకుంటూ పోలీసులు, లాయర్లు వ్యవహరించిన తీరు ఆధారంగానే తీర్పు ఇచ్చినట్లు జడ్జి మేరీ మార్లో సోమర్‌ తెలిపారు. కోర్టు హాల్లోనే ఉన్న బాల్డ్‌విన్‌ తీర్పు విని పట్టరాని ఆనందంతో ఏడ్చేశారు. మూడు దశాబ్దాలకు పైగా మంచి నటుడిగా పేరున్న బాల్డ్‌విన్‌ కెరీర్‌ 2021 నాటి ఘటనతో ప్రశ్నార్థకంలో పడింది.

ఇప్పుడంటే ఓటీటీల వల్ల అన్ని భాషల సినిమాల్ని అందరూ చూస్తున్నారు. కానీ ఒకప్పుడు టీవీలో హాలీవుడ్ చిత్రాలు, వాటిలోని విజువల్స్‌ని చూసి అవాక్కయ్యేవారు. ఎందుకంటే యాక్షన్, పీరియాడిక్ మూవీస్ స్టోరీలతో అదరగొట్టేసేవారు. అలా 2000లో రిలీజై క్లాసిక్‌గా నిలిచిపోయిన ఓ మూవీ 'గ్లాడియేటర్'. ఇప్పుడు దీనికి 24 ఏళ్ల తర్వాత సీక్వెల్ తీశారు. తాజాగా ట్రైలర్‌తో పాటు మూవీ విడుదల తేదీని కూడా ప్రకటించారు.(ఇదీ చదవండి: 'కల్కి' ఓటీటీ రిలీజ్ డేట్ ఫిక్సయిందా? ఆ స్పెషల్ డే నుంచి స్ట్రీమింగ్!)ట్రైలర్ బట్టి చూస్తే తొలి పార్ట్‌కి ఏ మాత్రం స్టోరీని రెడీ చేసినట్లు కనిపిస్తుంది. పురాతన రోమ్ అందాలు, యుద్ధాలు, మైండ్ బ్లోయింగ్ విజువల్స్ సినిమాపై అంచనాల్ని పెంచేస్తున్నాయి. ఈ ఏడాది నవంబరు 22న తెలుగు, తమిళ, కన్నడ లాంటి ప్రాంతీయ భాషల్లోనూ 'గ్లాడియేటర్ 2' మూవీని ప్రేక్షకుల ముందుకు తీసుకురాబోతున్నారు. మరి మీరు కూడా ట్రైలర్‌పై ఓ లుక్కేయండి.(ఇదీ చదవండి: తెలుగు సినిమా షూటింగ్‌లో గాయపడ్డ హాట్ బ్యూటీ ఊర్వశి!)

థియేటర్లలో కల్కి దూకుడు కొనసాగుతోంది. వెయ్యి కోట్ల దిశగా పరుగులు పెడుతోంది. మరోవైపు సూపర్‌ హిట్‌ మూవీ భారతీయుడుకు సీక్వెల్‌గా తెరకెక్కిన భారతీయుడు 2 (ఇండియన్‌ 2) రిలీజ్‌కు రెడీ అయింది. ఈ నెల 12న విడుదల కానుంది. అలాగే అదే రోజు ఫ్యామిలీ ఎంటర్‌టైనర్‌గా సారంగదరియా ప్రేక్షకుల ముందుకు రానుంది. బాలీవుడ్‌లో ఆకాశమే నీ హద్దురాకు రీమేక్‌గా తెరకెక్కిన సర్ఫిరా మూవీ ఈ శుక్రవారమే విడుదలవుతోంది. వీటి సంగతిలా ఉంటే అటు ఓటీటీలో ఏయే చిత్రాలు, సిరీస్‌లు విడుదలవుతున్నాయో చూసేద్దాం..అమెజాన్‌ ప్రైమ్‌🎥 సాసేజ్‌ పార్టీ: ఫుడ్‌టోపియా (కార్టూన్‌)- జూలై 11నెట్‌ఫ్లిక్స్‌🎞️ ద బాయ్‌ఫ్రెండ్‌ (సిరీస్‌) - జూలై 9🎞️ రిసీవర్‌ (డాక్యుమెంటరీ సిరీస్‌) - జూలై 10🎞️ ఎవ లాస్టింగ్‌ (వెబ్‌ సిరీస్‌, రెండో సీజన్‌) - జూలై 10🎞️ వైల్డ్‌ వైల్డ్‌ పంజాబ్‌ (హిందీ మూవీ) - జూలై 10🎞️ షుగర్‌ రష్‌: ద బేకింగ్‌ పాయింట్‌ (రెండో సీజన్‌) - జూలై 10🎞️ అనదర్‌ సెల్ఫ్‌ (రెండో సీజన్‌) - జూలై 11🎞️ వానిష్‌డ్‌ ఇంటు ద నైట్‌ (మూవీ)- జూలై 11🎞️ వికింగ్స్‌: వాల్హల్ల 3 (వెబ్‌ సిరీస్‌) - జూలై 11🎞️ మహారాజ (మూవీ) - జూలై 12🎞️ బ్లేమ్‌ ద గేమ్‌ (సినిమా) - జూలై 12🎞️ ఎక్స్‌ప్లోడింగ్‌ కిట్టెన్స్‌ (కార్టూన్‌ సిరీస్‌) - జూలై 12 యాపిల్‌ టీవీ🎥 సన్నీ - జూలై 10హాట్‌స్టార్‌🎞️ కమాండర్‌ కరణ్‌ సక్సేనా (వెబ్‌ సిరీస్‌) - జూలై 8🎞️ మాస్టర్‌ మైండ్‌ (వెబ్‌ సిరీస్‌) - జూలై 10🎞️ అగ్నిసాక్షి (తెలుగు సిరీస్‌) - జూలై 12 🎞️ షో టైమ్‌ (వెబ్‌ సిరీస్‌) - జూలై 12 జియో సినిమా🎥 పిల్‌ (హిందీ మూవీ) - జూలై 12ఆహా📽️ హిట్‌ లిస్ట్‌ (సినిమా) - జూలై 9📽️ ధూమం (సినిమా) - జూలై 11 సోనీలివ్‌🎞️ 36 డేస్‌ (హిందీ వెబ్‌ సిరీస్‌) - జూలై 12లయన్స్‌ గేట్‌ ప్లే🎥 డాక్టర్‌ డెత్‌: సీజన్‌ 2 (వెబ్‌ సిరీస్‌) - జూలై 12మనోరమ మ్యాక్స్‌🎞️ మందాకిని (మలయాళ మూవీ)- జూలై 12చదవండి: వరలక్ష్మీ పెళ్లి ఖర్చుపై క్లారిటీ ఇచ్చిన శరత్‌కుమార్‌

సినీ ప్రపంచంలో ఆల్ టైమ్ బిగ్గెస్ట్ బ్లాక్ బస్టర్స్ చిత్రాలను తెరెకెక్కించిన హాలీవుడ్‌ నిర్మాత జోన్ లాండౌ (63) మరణించారు. ఆయన జులై 5వ తేదీనే మృతిచెందారు. కానీ, ఈ విషయం ఆలస్యంగా వెలుగులోకి వచ్చింది. ప్రముఖ డైరెక్టర్‌ జేమ్స్‌ కామెరూన్‌తో కలిసి టైటానిక్‌, అవతార్‌ సీక్వెల్స్‌ చిత్రాలను నిర్మించారు. ఆయన మరణ వార్తను లాండౌ కుటుంబం ఆలస్యంగా ప్రకటించింది. అయితే, అందుకు సంబంధించిన కారణాలను వారు వెళ్లడించలేదు. డైరెక్టర్‌ కామెరూన్‌తో లాండౌ సంయుక్తంగా నిర్మించిన చిత్రాలు మూడు ఆస్కార్ నామినేషన్‌లకు ఎంపిక కావడం విశేషం. ఈ క్రమంలో 1997లో టైటానిక్‌కి ఉత్తమ చిత్రంగా నిలిచింది. అవతార్‌, దాని సీక్వెల్‌గా వచ్చిన అవతార్: ది వే ఆఫ్ వాటర్‌తో సహా చలనచిత్ర చరిత్రలో అతిపెద్ద బ్లాక్‌బస్టర్స్‌గా రికార్డ్‌ క్రియేట్‌ చేశాయి. 1980లో ప్రొడక్షన్ మేనేజర్‌గా తన సినీ కెరియర్‌ను ఆయన ప్రారంభించాడు. 1912లో టైటానిక్‌ షిప్‌ ప్రమాదం వల్ల మునిగిపోవడంతో సుమారు 1500 మంది మరణించారు. ఆ షిప్‌ మహా జలసౌధ నిర్మాణం, ప్రయాణం వెనుక తెలియని విశేషాలెన్నో ఉన్నాయని ఆయన గ్రహించాడు. దీంతో కామెరూన్‌తో కలిసి టైటానిక్‌ అనే సినిమాను నిర్మించి 1997లో విడుదల చేశారు. ఈ చిత్రం 11 అస్కార్‌ అవార్డులను గెలుచుకుంది. జోన్ లాండౌ నిర్మాతగా 2009లో విడుదలైన చిత్రం అవతార్‌.. ఈ సినిమా సుమారు రూ.24 వేల కోట్ల కలెక్షన్స్‌ రాబట్టింది.ఇప్పటికీ ప్రపంచంలో అత్యధిక వసూళ్లు సాధించిన సినిమాగా కొనసాగుతోంది. అవతార్‌ 2 కూడా రూ. 19 వేల కోట్లు రాబట్టింది. అయితే, షాకింగ్‌ విషయం ఏమిటంటే టైటానిక్‌ చిత్రం 1997లోనే రూ. 18 వేల కోట్లకు పైగానే కలెక్షన్స్‌ రాబట్టింది. ఇంతటి భారీ చిత్రాలను నిర్మించిన జోన్ లాండౌ మరణించడంతో హాలీవుడ్‌ ప్రముఖులు సంతాపం తెలుపుతున్నారు. జోన్ లాండౌకు భార్య జూలీ (45),వారి కుమారులు, జామీ, జోడీ ఉన్నారు. వీరితో పాటు ఆయనకు ఇద్దరు సోదరీమణులు, ఒక సోదరుడు ఉన్నాడు.

హాలీవుడ్‌ ప్రముఖ నటుడు బ్రాడ్‌ పిట్‌ తాజా చిత్రంగా ‘ఎఫ్‌1’ ఖరారైంది. ‘ఓన్లీ ది బ్రేవ్, టాప్‌గన్‌: మేవరిక్‌’ వంటి హాలీవుడ్‌ చిత్రాలకు దర్శకత్వం వహించిన జోసెఫ్‌ కొసిన్క్సి ఈ స్పోర్ట్స్‌ డ్రామా సినిమాను తెరకెక్కించనున్నారు. ‘ఎఫ్‌1’ని అధికారికంగా ప్రకటించి, ఫస్ట్‌ లుక్‌ను విడుదల చేశారు మేకర్స్‌. ఫార్ములా వన్‌ రేసింగ్‌ నేపథ్యంలో ఓ రేసర్‌ కథగా ఈ సినిమా రూపొందనుంది. ఫార్ములా వన్‌ రేసింగ్‌లో ఉండే సవాళ్లు, రేసర్ల వ్యక్తిగత, వృత్తిపరమైన జీవన విధానాలను ఈ సినిమాలో చూపించనున్నారట జోసెఫ్‌. జెర్నీ బ్రూక్‌హైమర్, బ్రాడ్‌ పిట్‌ ఈ సినిమాను నిర్మించనున్నారు. ‘ఎఫ్‌1’ చిత్రం వచ్చే ఏడాది సమ్మర్‌లో విడుదల కానుంది.

పెళ్లి అంటే నెల రోజుల ముందు నుంచే హడావుడి ఉంటుంది. అసలైన వేడుకలు మాత్రం వారం ముందు నుంచి మొదలవుతాయి. కానీ ప్రముఖ వ్యాపారవేత్త ముఖేశ్‌ అంబానీ తనయుడు అనంత్‌ అంబానీ పెళ్లికి మాత్రం ఐదు నెలల ముందు నుంచే హంగామా మొదలైంది. మార్చి నెలలోనే ప్రీ వెడ్డింగ్‌ సెలబ్రేషన్సే కళ్లు చెదిరే రేంజులో నిర్వహించారు. వేలాది కోట్లు ఖర్చు పెట్టారు. మరి పెళ్లి ఇంకెంత ఘనంగా నిర్వహిస్తారో ఎవరి ఊహకూ అందడం లేదు.ముంబైకి చేరుకున్న బీబర్‌ఇకపోతే తాజాగా పెళ్లి పనులు షురూ అయ్యాయి. గుజరాతీ సాంప్రదాయాల్లో ఒకటైన మామేరు వేడుక నిర్వహించారు. మరోవైపు ఆహ్వానాలు అందుకున్న అతిథులు టంచనుగా వచ్చేస్తున్నారు. అమెరికన్‌ పాప్‌ సింగర్‌ జస్టిన్‌ బీబర్‌ అంబానీ పెళ్లి కోసం ఇండియా వచ్చేశాడు. గురువారం నాడు ఆయన ముంబైకు చేరుకున్న ఫోటోలు, వీడియోలు సోషల్‌ మీడియాలో వైరల్‌గా మారాయి. సంగీత్‌లో పాటలు పాడేందుకు బీబర్‌ను రప్పించిన అంబానీ ఫ్యామిలీ.. అతడికి రూ.83 కోట్ల మేర డబ్బు ఆఫర్‌ చేసిందని తెలుస్తోంది. మరికొద్ది రోజుల్లో పెళ్లిఅందులో భాగంగానే బీబర్‌.. శుక్రవారం నాడు తన గాత్రంతో అతిథులందరినీ ఆకట్టుకోనున్నాడు. అడెల్‌, డ్రేక్‌, లానా డెల్‌ రే వంటి సింగర్స్‌ సైతం పెళ్లిలో పాటలు పాడనున్నట్లు తెలుస్తోంది. కాగా జూలై 12న ముంబైలోని జియో వరల్డ్‌ కన్వెన్షన్‌ సెంటర్‌లో అనంత్‌ అంబానీ- రాధికా మర్చంట్‌ల వివాహం జరగనుంది. View this post on Instagram A post shared by Viral Bhayani (@viralbhayani)చదవండి: ఓటీటీలోకి టాప్‌ రేటింగ్‌ సినిమా.. అధికారిక ప్రకటన

కడుపులో బిడ్డను మోసే మహిళ.. తల్లినయ్యే క్షణాల కోసం ఎంతో ఎదురుచూస్తుంది. డెలివరీ అవగానే బిడ్డను ఎత్తుకుని మురిసిపోతుంది. అయితే కొందరు ఈ సమయంలో పోస్ట్‌పార్టమ్‌ డిప్రెషన్‌ (ప్రసూతి వైరాగ్యం) బారిన పడుతున్నారు. ప్రతికూల ఆలోచనలతో సతమతమవుతున్నారు. అందులో తానూ ఒకరిని అంటోంది పాకిస్తాన్‌ నటి సర్వత్‌ గిలానీ.ఆపరేషన్‌ అయిన నాలుగు రోజులక..సర్వత్‌ గిలానీ మాట్లాడుతూ.. 'డెలివరీ సమయంలో నాకు పెద్ద సర్జరీ చేశారు. నాలుగు రోజుల తర్వాతే నా బిడ్డను ఎత్తుకున్నాను. ప్రసూతి అనంతరం ఒత్తిడికి లోనయ్యాను. పాలివ్వడానికి నేను, తాగడానికి తాను కష్టపడుతోంది. ఈ బాధను భరించేబదులు తను పోయినా బాగుండేదనుకున్నాను. చిన్నారిని పైకి పంపించాలన్న ఆలోచనలు వస్తున్నాయని ఏడుస్తూ నా భర్త ఫహద్‌కు చెప్పాను.పోస్ట్‌పార్టమ్‌ డిప్రెషన్‌..అది విన్న అతడు ఇది ప్రసవానంతరం వచ్చే ఒత్తిడి మాత్రమే! ఈ పరిస్థితిలో ఏదైనా జరగొచ్చు. ముందు పోస్ట్‌ పార్టమ్‌ డిప్రెషన్‌ అంటే ఏంటో తెలుసుకో.. అప్పుడు నీకంటూ ఓ అవగాహన వస్తుంది. దాన్నుంచి ఎలా బయటపడాలో తెలుస్తుందని ఓదార్చాడు' అని చెప్పుకొచ్చింది. కాగా సర్వత్‌ గిలానీ.. జవానీ ఫిర్‌ నహీ 1, 2 చిత్రాల్లో నటించింది. జాయ్‌లాండ్‌ సినిమాలో సపోర్టింగ్‌ రోల్‌లోనూ మెరిసింది. View this post on Instagram A post shared by Sarwat Gilani 🇵🇰 (@sarwatg) చదవండి: హిందీలో ‘మర్యాద రామన్న’ సిక్వెల్‌.. సోనాక్షి ప్లేస్‌లో మృణాల్‌!

టైటిల్: బ్లాక్ విడోనటీనటులు: స్కార్లెట్ జాన్సన్, ఫ్లోరెన్స్ పగ్, డేవిడ్ హార్బర్ తదితరులుదర్శకుడు: కేట్ షార్ట్‌ల్యాండ్నిర్మాత: కెవిన్ ఫీగేసంగీత దర్శకుడు: లోర్న్ బాల్ఫ్సినిమాటోగ్రఫీ: గాబ్రియెల్ బెరిస్టెన్ఎడిటర్: లీ ఫోల్సమ్ బోయ్డ్, మాథ్యూ ష్మిత్ఓటీటీ: డిస్నీ హాట్‌స్టార్(2021లో థియేటర్లలో రిలీజైంది)కథేంటంటే..బ్లాక్ విడో అదే పేరుతో ఉన్న మార్వెల్ కామిక్ క్యారెక్టర్ ఆధారంగా రూపొందించిన సూపర్ హీరో చిత్రం. మార్వెల్ సినిమాటిక్ యూనివర్స్, వాల్ట్ డిస్నీ స్టూడియోస్ మోషన్ పిచర్స్‌లో ఈ చిత్రాన్ని సంయుక్తంగా నిర్మించారు. కేట్ షార్ట్‌ల్యాండ్ దర్శకత్వం వహించిన ఈ చిత్రంలో స్కార్లెట్ జాన్సన్ టైటిల్ పాత్రలో నటించారు. కెప్టెన్ అమెరికా సివిల్ వార్ సంఘటనలతో ఈ చిత్రం ప్రారంభం అవుతుంది. ఈ మూవీ ఇంగ్లీష్, హిందీ, తమిళం, తెలుగు, మలయాళం, కన్నడ భాషల్లో ఓటీటీలో అందుబాటులో ఉంది. మరి ఈ లేడీ-ఓరియెంటెడ్ సూపర్ హీరో సినిమా ఎలా ఉందో రివ్యూలో చూద్దాం.ఎలా ఉందంటే..ఈ మూవీ అంతా కూడా అంతుకుముందు మనకు అవెంజర్స్‌ సిరీస్‌లాగా ఉన్న స్టోరీలానే అనిపిస్తుంది. రష్యాకు చెందిన ఓ విలన్(డేవిడ్ హార్బర్) ముఖ్యంగా అనాథ అమ్మాయిలను కిడ్నాప్ చేసి వారిని.. ఒక సైన్యంలా తయారు చేస్తాడు. తాను చెప్పినట్లు నడుచుకునేలా వాళ్ల బ్రెయిన్‌ను మారుస్తాడు. ఆ తర్వాత అమెరికాలోని రహస్యాన్ని తెలుసుకునేందుకు ఒక ఫేక్ కుటుంబాన్ని సృష్టిస్తాడు. ఆ తర్వాత ఆ కుటుంబంలోని వాళ్లను మొత్తం విడదీస్తాడు. ఆ తర్వాత ఆ ఇద్దరు పిల్లలను మళ్లీ తన సైన్యంలోనే చేర్చుకుంటాడు. ఆ తర్వాత అందులో ఉన్న స్కార్లెట్‌ జాన్సన్‌(బ్లాక్‌ విడో) బయటికి వచ్చి అతనితో పోరాటం చేస్తుంది. తన మిత్రులు మరికొందరితో కలిసి అతన్ని అంతం చేసేందుకు యత్నిస్తుంది. మరి అసలు అతని నుంచి అనాథ అమ్మాయిలను కాపాడిందా? ఆ విలన్‌ను అంతం చేసిందా? అనే ఆసక్తికర అంశాలు తెలియాలంటే బ్లాక్‌ విడో చూడాల్సిందే.ఈ స్పై థ్రిల్లర్‌ సినిమాలో ఫైట్ సీక్వెన్స్‌లు, విఎఫ్‌ఎక్స్ వర్క్స్ ఆడియన్స్‌ను మాత్రమే ఆకట్టుకుంటాయి. అక్కడక్కడా కొన్ని ట్విస్టులు కూడా ఫర్వాలేదనిపించాయి. ఒక్క ట్విస్ట్‌ మాత్రం సర్‌ప్రైజింగా ఉంటుంది. అయితే ఈ కథలో స్క్రీన్‌ ప్లేను అద్భుతంగా తెరకెక్కించడంలో డైరెక్టర్‌ కేట్ షార్ట్‌ల్యాండ్ విఫలమయ్యాడు. ఆడియన్స్‌కు ఎమోషనల్‌ కనెక్ట్‌ అయ్యే సీన్స్‌ ఎక్కడా కూడా కనిపించవు. విజువల్‌ పరంగా ఆకట్టుకున్నా.. ఎమోషనల్‌గా కనెక్ట్‌ కాకపోవడం పెద్ద మైనస్. దర్శకుడు కేట్ షార్ట్‌ల్యాండ్ కథను ఇంకా బాగా రాసుకుంటేనే బాగుండేది. కేవలం యాక్షన్‌ సీన్స్, వీఎఫ్‌ఎక్స్‌ కోసమైతే ఈ బ్లాక్‌ విడో మూవీని ట్రై చేయొచ్చు.ఎవరెలా చేశారంటే..బ్లాక్ ‍విడో పాత్రలో స్కార్లెట్ జాన్సన్ యాక్షన్ సీన్స్‌లో అద్భుతంగా నటించారు. ఆమె తన సూపర్ హీరో హోదాకు న్యాయం చేశారు. ఫ్లోరెన్స్ పగ్, డేవిడ్ హార్బర్ తన పాత్రల్లో మెప్పించారు. ముఖ్యంగా యాక్షన్‌ సీన్స్‌లో మెప్పించారు. బ్యాక్ గ్రౌండ్ స్కోర్‌తో పాటు సినిమాటోగ్రఫీ కూడా బాగుంది. వీఎఫ్‌ఎక్స్‌ అద్భుతంగా ఉంది. మార్వెల్ సినిమాటిక్ యూనివర్స్, వాల్ట్ డిస్నీ స్టూడియోస్ మోషన్ పిక్చర్స్‌ నిర్మాణ విలువలు బాగున్నాయి.

'కల్కి' సినిమా అద్భుతాలు చేస్తోంది. దక్షిణాదిలో టాక్ పరంగా అక్కడక్కడ కాస్త మిశ్రమ స్పందన వస్తున్నప్పటికీ ఉత్తరాదితో పాటు మిగతా దేశాల్లో మాత్రం యునానిమస్ టాక్ సొంతం చేసుకుంది. ముందు నుంచే దీన్ని పాన్ వరల్డ్ సినిమాగా ప్రమోట్ చేశారు. ఇప్పుడు మూవీ టీమ్ కోరుకున్నట్లు హాలీవుడ్ మీడియా కూడా 'కల్కి'కి ఫిదా అయిపోయినట్లు కనిపిస్తోంది.(ఇదీ చదవండి: పేరు మార్చుకున్న ప్రభాస్.. 'కల్కి'లో ఇది గమనించారా?)డైరెక్టర్ నాగ్ అశ్విన్.. 'కల్కి'ని హాలీవుడ్ స్టాండర్డ్స్‌తో తీసిన మాట వాస్తవం. వాళ్లకు మార్వెల్, డీసీ లాంటి విజువల్ వండర్స్ మూవీస్ ఉన్నాయి. మనకు అలాంటిది ఎందుకు ఉండకూడదని సైన్స్ ఫిక్షన్ కథకు మహాభారతాన్ని ముడిపెట్టి తీసిన మూవీనే 'కల్కి'. దీని రిలీజ్ తర్వాత తెలుగోళ్లు మహాభారతం గురించి తెగ మాట్లాడుకుంటున్నారు.మరోవైపు హాలీవుడ్‌లో ప్రముఖ మీడియా సంస్థలైన డెడ్ లైన్, కొలీడర్ లాంటివి 'కల్కి' గురించి ఆర్టికల్స్ రాశాయి. అద్భుతంగా ఉందని మెచ్చుకున్నాయి. గతంలో నాగ్ అశ్విన్ ఏదైతే అనుకున్నాడే ఇప్పుడు అదే జరిగింది. ప్రభాస్ క్రేజ్ కూడా 'కల్కి' దెబ్బకు హాలీవుడ్ వరకు వెళ్లిపోయింది. ఏదేమైనా తెలుగు సినిమాకు ఆస్కార్ రావడమే ఎక్కువ అనుకున్నాం ఇప్పుడు మన మూవీ గురించి వాళ్లు ఆర్టికల్స్ రాయడం బోనస్ లాంటిది!(ఇదీ చదవండి: గతంలో నేను తప్పు చేసిన మాట నిజమే: సమంత)

ఆస్కార్‌.. ఎంతోమంది కలలు గనే ఈ అవార్డు గతేడాది ఇండియన్‌ సినిమాను వరించింది. దర్శకధీరుడు రాజమౌళి తెరకెక్కించిన ఆర్‌ఆర్‌ఆర్‌ మూవీలో నాటు నాటు పాటకు ఉత్తమ ఒరిజినల్‌ విభాగంలో అకాడమీ పురస్కారం లభించింది. అంతేగాక ఈ సినిమా టీమ్‌ సభ్యులైన జూనియర్‌ ఎన్టీఆర్‌, రామ్‌ చరణ్‌, కీరవాణి, చంద్రబోస్‌, సెంథిల్‌, సాబు శిరిల్‌ గతేడాది అకాడమీ ఆఫ్‌ మోషన్‌ పిక్చర్‌ ఆర్ట్స్‌ అండ్‌ సైన్సెస్‌ (ఏమ్‌పీఏఎస్‌) లో సభ్యత్వం సాధించారు.ఇప్పుడు ఆ జాబితాలో రాజమౌళి దంపతులు చేరారు. దర్శకత్వ కేటగిరీలో జక్కన్న, కాస్ట్యూమ్‌ డిజైనర్‌ లిస్టులో ఆయన భార్య రమా రాజమౌళి అకాడమీలో చేరేందుకు ఆహ్వానం అందుకున్నారు. ఈ ఏడాది అకాడమీ.. 57 దేశాల నుంచి 487 మంది సభ్యులకు ఆహ్వానం పంపింది. వీరిలో భారత్‌ నుంచి రాజమౌళి దంపతులతో పాటు కొరియోగ్రాఫర్‌ ప్రేమ్‌ రక్షిత్‌, బాలీవుడ్‌ నటి షబానా అజ్మీ, సినిమాటోగ్రాఫర్‌ రవి వర్మ, దర్శకనిర్మాత రీమా దాస్‌, నిర్మాత రితేశ్‌ సిద్వానీ తదితరులు ఉన్నారు. సినిమాల విషయానికొస్తే.. రాజమౌళి ప్రస్తుతం మహేశ్‌బాబుతో ఓ సినిమా(#SSMB29) చేస్తున్నాడు. ఇందుకు సంబంధించిన ప్రీ ప్రొడక్షన్‌ పనులు జరుగుతున్నాయి. త్వరలోనే షూటింగ్‌ ప్రారంభించనున్నారు. View this post on Instagram A post shared by The Academy (@theacademy) చదవండి: ప్రియుడితో పెళ్లి.. ట్రోలర్స్‌కు కౌంటరిచ్చిన హీరోయిన్‌!