సాక్షి, కడప: చంద్రబాబు అంటేనే వెన్నుపోట్లు, మోసాలు, అబద్దాలు, కుట్రలే గుర్తొస్తాయని మండిపడ్డారు ముఖ్యమంత్రి వైఎస్ జగన్‌మోహన్‌రెడ్డి. చంద్రబాబు వయసు 75 ఏళ్లు దాటినా.. కనీసం పశ్చాతాపం కూడా కనిపించడం లేదని ధ్వజమెత్తారు. పేదలకు, బాబు మోసాలకు మధ్య జరుగుతున్న ఎన్నికలు ఇవి అని తెలిపారు. వైఎస్‌ జగన్‌కు ఓటేస్తే పథకాలు కొనసాగుతాయని.. పొరపాటున బాబుకు ఓటేస్తే పథకాలు ముగింపేనని అన్నారు.కడప జిల్లా మైదుకూరులో సీఎం జగన్‌ మంగళవారం ఎన్నికల ప్రచార సభ నిర్వహించారు. ఈ సందర్భంగా వైఎస్‌ జగన్‌ మాట్లాడుతూ.. 14 ఏళ్లుగా సీఎంగా ఉన్న చంద్రబాబు పేరు చెబితే ఒక్క పథకం అయినా గుర్తొస్తుందా అని ప్రశ్నించారు. 2014లో మేనిపెస్టోను అమలు చేశావా అంటే బాబుకు కోమొస్తుందని విమర్శించారు. మన ప్రభుత్వ స్కీముల లిస్టు చదువుతుంటే చంద్రబాబుకు పిచ్చి కోపం వస్తోందని దుయ్యబట్టారు. 14 ఏళ్ల ముఖ్యమంత్రి అయిన చంద్రబాబు చేసిన స్కీములేమిటని ప్రశ్నించారు.‘మైదుకూరు సిద్ధమా.. ఇంతటి ఎండలో కూడా చెరగని చిరు చిరునవ్వుల మధ్య ఏమాత్రం కూడా ఎండను ఖాతరు చేయకుండా చిక్కటి చిరునవ్వులతోనే ఇంతటి ఆప్యాయతలు, ప్రేమానురాగాలు పంచిపెడుతున్న నా ప్రతి అక్కకూ, ప్రతి చెల్లెమ్మకూ, నా ప్రతి అవ్వకూ, ప్రతి తాతకూ, నా ప్రతి సోదరుడికీ, ప్రతి స్నేహితుడికీ మీ బిడ్డ రెండు చేతులు జోడించి పేరు పేరునా హృదయపూర్వక కృతజ్ఞతలు తెలియజేసుకుంటున్నాడు. 58 నెలల కాలంలోనే విప్లవాత్మక మార్పులు. ప్రతిఒక్కరూ కూడా నేను చెప్పేవి బాగా ఆలోచించమని కోరుతున్నాను. గతంలో ఎప్పుడూ కూడా జరగనివిధంగా ఏకంగా రూ.2.70 లక్షల కోట్ల రూపాయాలు డీబీటీగా, 2.31 లక్షల ప్రభుత్వ ఉద్యోగాలు, రాష్ట్రంలో ఎప్పుడూ జరగనట్టుగా మేనిఫెస్టోలో చెప్పిన 99 శాతం వాగ్ధానాల అమలు, గతంలో ఎప్పుడూ జరగనివిధంగా మారిన ప్రభుత్వ బడులు, పిల్లల చదువులు, చరిత్రలో ఎప్పుడూ చూడనివిధంగా లంచాలు, వివక్ష లేకుండా ఇంటివద్దకే పౌరసేవలు, ఇంటివద్దకే పథకాలు, చేయిపట్టుకుని నడిపించే వైద్యం, వ్యవసాయం, చరిత్రలో ఎప్పుడూ చూడనివిధంగా సామాజిక న్యాయం జరిగింది. ఒక్కమాటలో చెప్పాలంటే ఇవన్నీ కూడా గతంలో ఎప్పుడూ జరగనివిధంగా ఈ 58 నెలలకాలంలోనే జరిగిన విప్లవాత్మక మార్పులు. మరి ఇలాంటి మార్పుల మధ్య మే 13వ తారీఖున అంటే రెండు వారాలు కూడా సరిగా లేవు. మే 13వ తారీఖున ఎన్నికలు జరగనున్నాయి. పేదలకు చంద్రబాబు మోసాలకు మధ్య జరుగుతున్న ఎన్నికలివి. నేను మీ అందరినీ ఆలోచన చేయమని అడుగుతున్నాను. ఈ జరగబోయే ఎన్నికలు ఒక జగన్‌కు, ఒక చంద్రబాబుకు మధ్య జరుగుతున్న ఎన్నికల యుద్ధం కాదు. ఈరోజు జరుగుతున్న ఎన్నికలు పేదలకు, చంద్రబాబు మోసాలకు మధ్య జరుగుతున్న ఎన్నికలు. ఈ ఎన్నికల్లో జగన్ గెలుపునకు అర్థం.. ఈ విప్లవాత్మక మార్పులు, ఈ పథకాలన్నీ కొనసాగింపు, మరింతగా రెండడుగులు ముందుకు వేయడం. అదే పొరపాటున చంద్రబాబుకు ఓటేస్తే దాని అర్థం.. పథకాలన్నీ ముగింపు, మళ్లీ మోసపోవడమే. ప్రతి ఒక్కరూ కూడా నేను చెప్పిన ఈ విషయాలన్నీ కూడా ఆలోచన చేయమని కోరుతున్నాను. చంద్రబాబు జీవితం అంతా మోసాలు, వెన్నుపోట్లు, కుట్రలే. ఈ మధ్య చంద్రబాబు వయస్సు 75 దాటింది. ఇంత జీవితం వెన్నుపోట్లు, మోసాలు, అబద్ధాలతోనే, కుట్రలతోనే గడిచిపోయింది. కనీసం ఇప్పుడైనా కూడా 75 సంవత్సరాలు వచ్చాయి కదా ఆ మనిషిలో పశ్చాత్తాపం కనిపిస్తుందా అని చూస్తే అలాంటి మంచి లక్షణం ఒక్కటైనా కూడా ఈ బాబులో వచ్చింది లేనేలేదు. నేను వరుసబెట్టి మనందరి ప్రభుత్వం అమలు చేస్తున్న స్కీముల లిస్టు చదువుతుంటే ఈ చంద్రబాబుకు పిచ్చికోపం వస్తోంది. నేను చదివే స్కీముల లిస్టు గతంలో ఈ రాష్ట్రంలో ఎప్పుడూ జరగనట్టుగా మనందరి పాలనలో ఈ 58 నెలల్లోనే ఎలా అడుగులు పడ్డాయో ఒకసారి చూడమని అడుగుతున్నాను. అవ్వాతాతలకు ఇంటికే వచ్చే రూ.3వేల పెన్షన్ కానుక.. గతంలో ఎప్పుడూ చూడలేదు, గతంలో ఎప్పుడూ జరగలేదు. పిల్లలకు గవర్నమెంట్ బడుల్లో నాడు-నేడు, బడి తెరిచే సమయానికే విద్యాకానుక, బడిలో ఇంగ్లీష్ మీడియం, బైజూస్ కంటెంట్, టోఫెల్ క్లాసులు, సీబీఎస్ఈ నుంచి ఐబీ దాకా ప్రయాణం, పిల్లల చేతుల్లో మొట్టమొదటిసారిగా ట్యాబ్లు కనిపిస్తున్నాయి, క్లాస్ రూముల్లో డిజిటల్ బోర్డులు, డిజిటల్ బోధన, పిల్లల చేతుల్లో బైలింగువల్ టెక్స్ట్ బుక్స్ కనిపిస్తున్నాయి. అంటే ఒక పేజీ తెలుగు ఒకపేజీ ఇంగ్లీష్ లో ఉన్న టెక్స్ట్ బుక్స్ కనిపిస్తున్నాయ్, పూర్తి ఫీజులు చెల్లిస్తూ పెద్ద చదువులకు జగనన్న విద్యాదీవెన, జగనన్న వసతిదీవెన, అంతర్జాతీయ విశ్వవిద్యాలయాల కోర్సులు మన కరిక్యులమ్ లోకి ఆన్ లైన్ సర్టిఫైడ్ కోర్సులుగా కనిపిస్తున్నాయి. బడులకు పిల్లలను పంపే తల్లులు ఆలోచన చేయమని మీ అందరితో అడుగుతున్నాను. ఇవన్నీ కూడా నేను ఏదైతే చదువుతున్నానో, ఏదైతే చెప్తున్నానో గతానికి భిన్నంగా గతంలో ఎప్పుడూ చూడని విధంగా ఈరోజు కనిపిస్తున్నాయి. బడులకు పిల్లలను పంపే తల్లులకు ప్రోత్సాహమిస్తూ అమ్మఒడి.. గతంలో ఎప్పుడూ లేదు. పిల్లలను బడులకు పంపిస్తే చాలు ఆ తల్లులకు ఒక మంచి అన్నగా, ఆ పిల్లలకు ఒక మంచి మేనమామగా ఈరోజు అమ్మఒడి అందిస్తున్నాం. అక్కచెల్లెమ్మలను చేయి పట్టుకుని నడిపిస్తూ చేయూత, అక్కచెల్లెమ్మలను చేయి పట్టుకుని నడిపిస్తూ ఓ కాపునేస్తం, ఓ ఈబీసీ నేస్తం, అక్కచెల్లెమ్మలకు అండగా ఓ ఆసరా, ఓ వైఎస్సార్ సున్నావడ్డీ. అక్కచెల్లెమ్మల పేరిట ఏకంగా 31 లక్షల ఇళ్ల పట్టాలు వాళ్ల పేరిటే రిజిస్ట్రేషన్, అందులో ఏకంగా నిర్మాణంలో ఉన్న 22 లక్షల ఇళ్లు, అక్కచెల్లెమ్మలకు రక్షణగా గ్రామంలోనే ఓ మహిళా పోలీస్, వారికి రక్షణగా వాళ్ల ఫోన్లలోనే దిశ యాప్.. గతంలో ఎప్పుడూ జరగనివిధంగా ఏకంగా చట్టం చేసి మరీ అక్కచెల్లెమ్మలకు 50 శాతం రిజర్వేషన్లతో మహిళా సాధికారత. ఇవన్నీ నేను ఏదైతే చెప్తున్నానో గతంలో ఎప్పుడూ జరగనివిధంగా కనిపిస్తున్నాయి. రైతన్నలకు రైతుభరోసా, ఇ-క్రాప్, ఉచిత పంటలబీమా, పగటిపూట రైతన్నలకు 9 గంటల ఉచిత విద్యుత్, సమయానికే సీజన్ ముగిసేలోగానే రైతన్నకు ఇన్‌పుట్ సబ్సిడీ, గ్రామాల్లోనే రైతన్నను చేయి పట్టుకుని నడిపించే ఆర్బీకే వ్యవస్థ రైతన్నలకు అండగా ఈరోజు మన ప్రతి గ్రామంలోనూ కనిపిస్తున్నాయి. పేదవాడికి అండగా విస్తరించిన ఆరోగ్యశ్రీ. పేదవాడికి తోడుగా, పేదవాడికి అండగా.. ఏ పేదవాడు కూడా వైద్యం కోసం అప్పులపాలయ్యే పరిస్థితి రాకూడదని ఒక విస్తరించిన ఆరోగ్యశ్రీ, ఆ పేదవాడికి ఆపరేషన్ అయిన తర్వాత కూడా చేయిపట్టుకుని నడిపించే ఆరోగ్య ఆసరా, ఇంటికే వైద్యం అందిస్తూ ఆరోగ్య సురక్ష, గ్రామంలోనే విలేజ్ క్లినిక్, గ్రామానికే ఫ్యామిలీ డాక్టర్.. పేదలందరికీ కూడా తోడుగా, ఆరోగ్యంగా అండగా ఉండనిస్తూ. ఆలోచన చేయమని అడుగుతున్నాను. ఇవన్నీ నేను ఏదైతే చెప్తున్నానో గతానికి భిన్నంగా ఈరోజు కనిపిస్తున్నాయి. స్వయం ఉపాధికి తోడుగా ఉంటూ లాయర్లకు లా నేస్తం, మత్స్యకారులకు మత్స్యకార భరోసా, నేతన్నలకు నేతన్ననేస్తం, ఆటో, ట్యాక్సీ డ్రైవర్లకు వాహనమిత్ర, నా అక్కచెల్లెమ్మలకు, చిన్న చిన్న షాపుల్లో వ్యాపారం చేసుకుంటున్న రోడ్డు పక్కనే ఉన్న నా అన్నదమ్ములకు తోడుగా ఓ చేదోడు, తోడు. ఎంఎస్ఎంఈలకు గతంలో చూడనివిధంగా సపోర్ట్. స్వయం ఉపాధి రంగానికి ఇంతగా తోడుగా ఉన్న ప్రభుత్వం గతంలో ఎప్పుడూ కూడా చూడనివిధంగా ఈరోజు అడుగులు కనిపిస్తున్నాయి. గ్రామ స్వరాజ్యానికి అర్థం చెబుతూ గతంలో కూడా ఎప్పుడూ చూడనివిధంగా ఈరోజు గ్రామగ్రామాన గ్రామ, వార్డు సచివాలయాలు కనిపిస్తున్నాయి. 60-70 ఇళ్లకు వాలంటీర్ వ్యవస్థ, గ్రామగ్రామాన కనిపిస్తున్నాయి. ఇంటివద్దకే పౌరసేవలు, లంచాలు వివక్షలేని పథకాలు వస్తున్నాయి. నేను చెప్పేవన్నీ కూడా గతంలో ఎప్పుడూ చూడనివిధంగా జరుగుతున్న మార్పులు. నాడు-నేడుతో బాగుపడ్డ హాస్పిటళ్లు, నాడు-నేడుతో బాగుపడ్డ ఇంగ్లీష్ మీడియం స్కూళ్లు, పిల్లల చదువులు. ఇవి నేను ఏదైతే చెప్తున్నానో ఇవన్నీ మచ్చుకు కొన్ని.. గడగడ మీ బిడ్డ చదివితే, గడగడ మీ బిడ్డ నోటికి వస్తే మచ్చుకు కొన్ని ఈరోజు మీ బిడ్డ మీ అందరితోనూ పంచుకున్నాడు. ఆలోచన చేయమని అడుగుతున్నాను. గతానికి భిన్నంగా, గతంలో ఎప్పుడూ చూడనివిధంగా, జరగనివిధంగా ఏకంగా 2 లక్షల 70 వేల కోట్ల రూపాయలు.. మరొక్కసారి చెబుతున్నా ఏకంగా 2 లక్షల 70 వేల కోట్ల రూపాయలు నేరుగా మీ బిడ్డ బటన్లు నొక్కడం ఎలాంటి లంచాలు, ఎలాంటి వివక్ష లేకుండా నేరుగా నా అక్కచెల్లెమ్మల కుటుంబాల ఖాతాల్లోకే వెళ్లిపోతున్నాయి. గతంలో ఎప్పుడైనా ఇలా జరిగిందా? ఆలోచన చేయమని అడుగుతున్నాను. ఇలాంటి పాలన ఎప్పుడైనా చూశారా? అన్నది ప్రతి ఒక్కరినీ కూడా ఆలోచన చేయమని కోరుతున్నాను. మరి చంద్రబాబును నీ స్కీములు ఏమిటని అడుగుతున్నాను. 14 ఏళ్లు, 3సార్లు ముఖ్యమంత్రిగా చేశానంటావు కదయ్యా మరి నీపేరు చెబితే ఏ పేదవాడికైనా కానీ ఒక్కటంటే ఒక్క స్కీమైనా గుర్తుకొస్తుందా చంద్రబాబు అని అడుగుతున్నాను. 14 ఏళ్లు ముఖ్యమంత్రిగా చేశానంటావు కదా.. 3సార్లు ముఖ్యమంత్రిగా చేశానంటావు కదయ్యా మరి నీపేరు చెబితే ఏ పేదవాడికైనా కూడా నువ్వు చేసిన మంచి ఒక్కటంటే ఒక్కటైనా గుర్తుకొస్తుందా చంద్రబాబు అని అడుగుతున్నాను. బాబూ అండ్ బ్యాచ్ మీ సంస్కారానికి నమస్కారం. మీ బిడ్డ, మీ జగన్, ఇలా అడిగినందుకు చంద్రబాబుకు కోపం వస్తోంది. బాగా కోపం వస్తోంది. మా చంద్రబాబును ఇలాంటి ప్రశ్నలు అడుగుతావా? అని చెప్పి ఈనాడుకు కోపం వస్తోంది, ఆంధ్రజ్యోతికి కోపం వస్తోంది, టీవీ5కి కోపం వస్తోంది, దత్తపుత్రుడికి కోపం వస్తోంది, వదినమ్మకు కోపం వస్తోంది.. ఇలా వీరందరికీ కూడా పిచ్చిపిచ్చిగా కోపం వస్తోంది. వీరితో పాటు చంద్రన్న కాంగ్రెస్‌కు కూడా కోపం వస్తోంది. మనకు కౌంటర్ గా వారు కూడా లిస్టులు చదువుతున్నారు. కాకపోతే ఆ లిస్టులు స్కీమ్ ల లిస్టులు కాదు, ఆ లిస్టులు నా మీద తిట్లు, శాపనార్థాలు, బెదిరింపులు, బూతులు, అబద్ధాల లిస్టులు. ఇవి ప్రతిరోజూ కూడా గడగడ చదివేస్తున్నారు. నేను అడుగుతున్నాను. అయ్యా మీ సంస్కారానికి ఓ నమస్కారం అని చెప్పి ఈరోజు వారందరితో కూడా చెప్తున్నాను... ఎంతటి దారుణంగా మాట్లాడుతున్నారో తెలుసా వీళ్లంతా.. జగన్ ను మనిషి అనాలో, రాక్షసుడు అనాలో చంద్రబాబుకు అర్థంకావట్లేదట. జగన్‌ను ఎందుకు చంపకూడదు? అని అడుగుతాడు ఈ పెద్దమనిషి చంద్రబాబు. పనిలోపనిగా జగన్‌ను పాతేస్తాను అని చెప్పి కూడా అంటాడు. మొన్న నందికొట్కూరులో అన్న మాటలివి. మొన్న బుచ్చిరెడ్డిపాలెంలో, నెల్లూరులో, కొవ్వూరులో అన్న మాటలివి. నిజంగా నేను అడుగుతున్నాను. చేతగానివాడికి కోపం ఎక్కువ. నువ్వు పేదలకు చేసిన మేలేంటి చంద్రబాబూ... బాబు.. ఓ చంద్రబాబు నువ్వు పేదలకు చేసిన మంచి ఏమిటని అంటే నీ దగ్గర నుంచి సమాధానం లేదు. పాత మేనిఫెస్టోను అమలు చేసావా అంటే సమాధానం రాదు. కొత్త మేనిఫెస్టోకు విశ్వసనీయత ఏమిటి, విలువ ఏమిటి? ప్రజలకు జవాబు చెప్పకుండా జగన్‌ను తిట్టి పెడితే ఏం ప్రయోజనం? ఎవరు ఇంటింటికీ మంచి చేశారు, ఎవరు అందరినీ మోసం చేసారు, వారి చరిత్ర ఏంటి అందరికీ తెలుసు. అసత్యాల హరిశ్చంద్రులంతా కలిసి.. అసత్యాల హరిశ్చంద్రులంతా కలిసి 2014లో ఎన్నికల వేళ ఇచ్చిన వాగ్దానాలు చూద్దాం వీరి విశ్వసనీయత ఏమిటో చూద్దాం. 2014లో ఇదే ముగ్గురి ఫోటోలతో, చంద్రబాబు సంతకం పెట్టి ముఖ్యమైన హామీలు అంటూ ఇంటింటికీ పంపిన పాంప్లెట్ ఇది. ఈటీవీ చూసినా, ఆంధ్రజ్యోతి చూసినా ఊదరగొట్టారు. అక్కచెల్లెమ్మల మెడలో మంగళ సూత్రం ఒక చెయ్యి లాగేస్తుంటే మరో చెయ్యి అడ్డుకున్న యాడ్ గుర్తుందా...బాబొస్తున్నాడు అనే అడ్వర్టైజ్ మెంట్ అది. బాబు మేనిఫెస్టోలో మొదటి హామీ రూ.87,612 కోట్ల రుణమాఫీ- చేసాడా? రెండో హామీ పొదుపు సంఘాల రుణాలన్నీ రద్దు అన్నాడు- రూ.12,205 కోట్లలో ఒక్క రూపాయి అయినా మాఫీ చేసాడా? మూడో హామీ ఆడబిడ్డ పుడితే 20వేలు బ్యాంకుల్లో వేస్తానన్నాడు. ఎవ్వరికైనా ఒక్కరూపాయి అయినా వేసాడా? నాలుగో హామీ ఇంటింటికీ ఓ ఉద్యోగం, ఇవ్వలేకపోతే నెలనెలా రూ.2వేలు నిరుద్యోగభృతి అన్నాడు, ఐదేళ్లకు కలిపి రూ.1,20,000 ఇచ్చాడా? అర్హులందరికీ మూడుసెంట్ల స్థలం, కట్టుకునేందుకు ఇల్లు అన్నాడు. ఎవ్వరికైనా ఒక్క సెంటు స్థలం అయినా ఇచ్చాడా? రూ.10వేలకోట్లతో బీసీ సబ్‌ ప్లాన్, చేనేత పవర్‌ లూమ్ రుణాల మాఫీ అన్నాడు జరిగిందా? విమెన్ ప్రొటెక్షన్ ఫోర్స్‌ ఏర్పాటు చేస్తా అన్నాడు చేశాడా? సింగపూర్‌కు మించి అభివృద్ధి అన్నాడు జరిగిందా? ప్రతి నగరంలో హైటెక్‌సిటీ అన్నాడు జరిగిందా? మైదుకూరులో కనిపిస్తోందా? ఈ 58 నెలల్లో మీ బిడ్డ చేసిన పనులు చెప్పాను. చంద్రబాబు ఇచ్చిన మేనిఫెస్టోలో ఒక్క హామీ నెరవేర్చలేదు. కనీసం ప్రత్యేక హోదా కూడా తేలేదు. ఇలాంటి వ్యక్తిని నమ్మాలా? మళ్లీ ఇదే ముగ్గురు ఇవాళ సూపర్‌ సిక్స్‌ అంటున్నారు. కొత్త మేనిఫెస్టో అంటున్నారు. కొత్త మోసాలు, కొత్త అబద్ధాలు తెస్తున్నారు. సూపర్‌ సిక్స్‌, సూపర్‌ సెవెన్ అంటున్నారు. ఇంటింటికీ కేజీ బంగారం అంటున్నారు. ఇంటింటికీ బెంజ్‌ కారు అంటున్నాడు నమ్ముతారా? వీళ్ల మోసాలకు, అబద్ధాలకు మనం గట్టిగా బదులివ్వాల్సిన అవసరం ఉంది. లంచాలు, వివక్ష లేని పాలన కోసం ఫ్యాను కే ఓటేయండి. వాలంటీర్లు మళ్లీ మీ ఇంటికే రావాలన్నా? పేదవాడి భవిష్యత్ మారాలన్నా? పథకాలన్నీ కొనసాగాలన్నా? లంచాలు, వివక్షలేని పాలన జరగాలన్నా? మన పిల్లలు, బడులు, చదువులు బాగుపడాలన్నా? మన వ్యవసాయం, హాస్పటళ్లు మెరుగుపడాలన్నా ప్రతి ఒక్కరూ కూడా రెండు బటన్లు ఫ్యాన్‌ మీద నొక్కాలి. 175 కు 175 అసెంబ్లీ స్థానాలు, 25 కు 25 ఎంపీ స్థానాలు తగ్గడానికి వీలే లేదు. మీరంతా సిద్ధమేనా.. మన గుర్తు ఎవరైనా తెలియని వాళ్లు ఎవరైనా ఉంటే మన గుర్తు ఫ్యాను. మంచి చేసిన ఫ్యాను ఇంట్లోనే ఉండాలి. చెడు చేసిన సైకిల్‌ ఇంటి బయటే ఉండాలి. తాగేసిన టీ గ్లాస్‌ సింక్‌లోనే ఉండాలి. మన ప్రభుత్వం వచ్చాక రాజోలి ప్రాజెక్టుకు శంకుస్థాపన చేసాం. కొన్ని అనివార్యకారణాల వల్ల, కరోనా వల్ల అయితేనేమి, రాష్ట్ర ఆర్థిక పరిస్థితుల వల్ల అయితేనేమి అనుకున్న సమయానికి ఈ ప్రాజెక్టు చేయలేకపోయాం. నాలుగేళ్లు పుష్కలంగా వర్షాలు పడ్డాయి, అన్ని ప్రాజెక్టులలో నీళ్లు నిండాయి. కాబట్టి రాజోలి ప్రాజెక్టు సంబంధించి ప్రాముఖ్యత ఏమిటి అని మనకు అంత అనిపించలేదు. కానీ ఈ ఏడాది వర్షాలు అంతంత మాత్రంగా పడటంతో ఈ ప్రాజెక్టు ప్రాముఖ్యత తెలుస్తోంది. వచ్చే టర్మ్‌లో కచ్చితంగా రాజోలి ప్రాజెక్టు పూర్తి చేస్తాం. మీ చల్లని దీవెను ఆశీస్సులు కోరుతున్నాం. మీ బిడ్డ ముఖ్యమంత్రి స్థానంలో ఉండి రాష్ట్రాన్ని మారుస్తున్నాడంటే అందుకు కారణం మీరు చూపుతున్న ప్రేమానురాగాలే. అవే నన్ను అడుగడుగునా కాపాడుతున్నాయి. తోడుగా ఉన్నాయి. అవే దీవెనలు ఆశీర్వాదాలు, మీ బిడ్డ పట్ల, వైఎస్సార్‌ కాంగ్రెస్ పార్టీ పట్ల చూపించాలని కోరుకుంటున్నాను అని సీఎం వైయస్ జగన్ తన ప్రసంగాన్ని ముగించారు.

సాక్షి, వైఎస్సార్‌ జిల్లా: రాష్ట్ర కాంగ్రెస్‌ అధ్యక్షురాలు షర్మిలకు అడుగడుగునా నిరసనలే వ్యక్తం అవుతున్నాయి. కాంగ్రెస్‌కు ఎందుకు ఓటు వేయాలని జనం నిలదీస్తున్నారు. తాజాగా వైఎస్సార్‌ కడప జిల్లామైదుకూరు నియోజకవర్గంలో నిర్వహించిన ఎన్నికల ప్రచారంలో షర్మిలకు అక్కడి ప్రజలు షాక్‌ తగిలింది. దువ్వూరులో షర్మిల మాట్లాడుతుండగా జై జగన్ అంటూ ప్రజలు నినాదాలు చేశారు. మాట్లాడేందుకు ఒకరు వేదికపైకి రావాలంటూ షర్మిల ఆహ్వానించారు. ఈ మేరకు మైదుకూరు జేసీఎస్‌ కన్వీనర్‌ యేమిరెడ్డి చంద్రోబుల్‌ రెడ్డి వేదికపైకి వెళ్లారు. సీఎం జగన్‌ రాష్ట్రానికి ఏం చేశారో, మళ్లీ ఆయనకు ఎందుకు ఓటు వేయాలో చెప్పాలంటూ షర్మిల సవాల్‌ విసిరారు. షర్మిల సవాల్‌కు స్పందించిన చంద్రఓబుల్ రెడ్డి.. అదిరిపోయే జవాబు ఇచ్చారు. షర్మిల ఎదుటే సీఎం అమలు చేసిన సంక్షేమ పథకాల గురించి పూసగుచ్చినట్లు వివరించారు. పాదయాత్రలో వైఎస్‌ జగన్‌ తమ సమస్యలు విని, నేను ఉన్నానని అండగా నిలిచారని తెలిపారు. ఇచ్చిన ప్రతి మాట సీఎం నిలబెట్టుకున్నారని చెప్పారు. ప్రతి ఇంటికి సంక్షేమ పథకాలు అందించారని పేర్కొన్నారు. వచ్చే ఎన్నికల్లో తామంతా సీఎం జగన్‌కు అండగా నిలుస్తామని స్పష్టం చేశారు. దీంతో అక్కడున్న ప్రజలంతా మరోసారి జై జగన్ పెద్ద ఎత్తున నినాదాలు చేశారు.

సాక్షి ప్రతినిధి, కడప: రాబోయే ఎన్నికల్లో మైదుకూరు టీడీపీ టిక్కెట్‌ నాకంటే నాకంటూ మాజీ మంత్రి డీఎల్‌ రవీంద్రారెడ్డి, టీడీపీ నియోజకవర్గ ఇన్‌చార్జి పుట్టా సుధాకర్‌ యాదవ్‌లు పోటీపడి ప్రచారం చేస్తున్నారు. దీంతో పచ్చ పార్టీలో రచ్చ రోడ్డెక్కింది. పార్టీలో చేరకుండానే సీనియర్‌ నేత డీఎల్‌ రవీంద్రారెడ్డి టీడీపీలో వర్గ రాజకీయాలకు ఆజ్యం పోశారు. ఔట్‌డేటెడ్‌ డీఎల్‌కు టీడీపీ టిక్కెట్‌ ఇచ్చే ప్రసక్తే లేదని, రాబోయే ఎన్నికల్లో తానే పోటీ చేస్తానని పుట్టా సుధాకర్‌ యాదవ్‌ వర్గం తేల్చి చెబుతోంది. దీంతో మైదుకూరు నియోజకవర్గంలో టీడీపీ రెండు వర్గాలుగా చీలిపోయింది. చదవండి: టీడీపీ నాయకుడి కొడుకు నిర్వాకం.. ‘రూ.40 లక్షలు తెస్తేనే కాపురం చేస్తా’ వచ్చే ఎన్నికల్లో మైదుకూరు టీడీపీ అభ్యర్థిగా పోటీ చేయడం ఖాయమని మాజీ మంత్రి డీఎల్‌ రవీంద్రారెడ్డి విస్తృత ప్రచారం చేస్తున్నారు. జులై నెల నుంచి నియోజకవర్గం మొత్తం తిరిగి ప్రచారం చేయనున్నట్లు ఆయన మీడియాకు వెల్లడించారు. దశాబ్దకాలంగా క్రీయాశీల రాజకీయాలకు దూరంగా ఉన్న డీఎల్‌ ఇటీవలి కాలంలో అధికార పార్టీపై పనిగట్టుకుని విమర్శలకు దిగుతూ తన ఉనికిని చాటుకునేందుకు ప్రయత్నాలు మొదలు పెట్టారు. ఈ మధ్యే ప్రతిపక్ష నేత చంద్రబాబు, ఆయన తనయుడు లోకేష్‌లను డీఎల్‌ హైదరాబాదులో కలిశారు. తర్వాత నియోజకవర్గానికి వచ్చి రాబోయే అసెంబ్లీ ఎన్నికల్లో టీడీపీ అభ్యర్థిగా పోటీ చేయనున్నట్లు తన అనుయాయులతోపాటు మీడియాకు వెల్లడించారు. త్వరలోనే నియోజకవర్గంలో తిరుగుతానని చెప్పిన డీఎల్‌ అందుకోసం వేద పండితులను సంప్రదించి ముహూర్తం సైతం నిర్ణయించుకున్నట్లు తెలుస్తోంది. అయితే ఈలోగా మైదుకూరు టీడీపీ అభ్యర్థిగా తనను ప్రకటించాలని టీడీపీ అధిష్టానంపై డీఎల్‌ ఒత్తిడి తెస్తున్నట్లు సమాచారం. ఇదే సందర్భంలో మైదుకూరులో రెడ్డి సామాజిక వర్గానికి సంబంధించిన వ్యక్తి తప్ప మిగిలిన వ్యక్తులు ఇప్పటివరకు గెలువలేదని చంద్రబాబు, లోకేష్‌లకు గణాంకాలతో డీఎల్‌ వివరించినట్లు తెలుస్తోంది. ఈ క్రమంలో తనకే టిక్కెట్‌ ఇవ్వాలని, ఒకవేళ సుధాకర్‌ యాదవ్‌కు ఇచ్చినా గెలిచే ప్రసక్తే లేదని డీఎల్‌ తేల్చి చెప్పినట్లు సమాచారం. చంద్రబాబు ఎటూ తేల్చకపోవడంతో వెనుదిరిగి వచ్చిన ఆయన తనకే టిక్కెట్టు అంటూ మైదుకూరు నియోజకవర్గంలో ప్రచారం మొదలు పెట్టారు.  డీఎల్‌ది మైండ్‌ గేమ్‌....టిక్కెట్‌ నాదే! రాబోయే ఎన్నికల్లోనూ మైదుకూరు టిక్కెట్‌ తనకేనని టీడీపీ నియోజకవర్గ ఇన్‌చార్జి పుట్టా సుధాకర్‌ యాదవ్‌ ధీమాగా ఉన్నారు. డీఎల్‌కు టీడీపీ టిక్కెట్‌ అన్న ప్రచారం నేపథ్యంలో ఆయన మూడు రోజుల కిందట పార్టీ అధినేత చంద్రబాబును కలిశారు. అనంతరం డీఎల్‌ మైండ్‌ గేమ్‌ మాటలు ఎవరూ నమ్మవద్దని నియోజకవర్గంలోని తన వర్గీయులకు తేల్చి చెప్పారు. సుధాకర్‌ యాదవ్‌ ఇన్నాళ్లు పార్టీని నమ్ముకుని ఆర్థికంగా నష్టపోయాడని, రెండుసార్లు ఓడిపోయాడన్న సానుభూతితోపాటు ఆర్థికంగా బలోపేతంగా ఉండడం ఆయనకు రాబోయే ఎన్నికల్లో కలిసి వస్తుందని ఆయన వర్గీయులు చెబుతున్నారు. బీసీ సామాజిక వర్గం మొత్తం సుధాకర్‌ యాదవ్‌కు అండగా నిలవనుందని వారు చెబుతున్నారు. ఇదే సమయంలో సుధాకర్‌యాదవ్‌కు వ్యతిరేకంగా పనిచేస్తున్న ఓ వర్గం ఈ దఫా ఎన్నికల్లో ఆయనకు టిక్కెట్‌ రాకుండా అడ్డుకునేందుకు ప్రయత్నాలు సాగిస్తోంది. మరోవైపు డీఎల్‌ చెప్పిన రెడ్డి సామాజిక వర్గ సెంటిమెంట్‌ను పదేపదే చంద్రబాబు, లోకేష్‌ చెవిలో వేస్తున్నట్లు తెలుస్తోంది.  రచ్చకెక్కిన వర్గ విబేధాలు మైదుకూరు టీడీపీ టిక్కెట్‌ తనకేనంటూ డీఎల్‌ రవీంద్రారెడ్డి తెరపైకి రావడంతో పార్టీలో వర్గ విబేధాలు రచ్చకెక్కాయి. సుధాకర్‌యాదవ్‌ను వ్యతిరేకిస్తున్న కొన్ని వర్గాలు డీఎల్‌కు టిక్కెట్‌ అంటూ ప్రచారం చేస్తుండగా సుధాకర్‌యాదవ్‌కు టిక్కెట్‌ ఇ వ్వకపోతే పార్టీనే వీడుతామని ఆయన అనుచరవ ర్గం అంటున్నారు. ఒకవేళ డీఎల్‌కు టిక్కెట్టు ఇచ్చినా ఆయనను ఓడగొట్టడం ఖాయమని చెబుతున్నారు. మొత్తంగా మైదుకూరు టీడీపీ టిక్కెట్‌ ఎవరికి ఇచ్చినా ప్రత్యర్థి వర్గం సహకరించే పరిస్థితి లేదు.  

సాక్షి, వైఎస్సార్‌ కడప: మైదుకూరు మండలం ఆదిరెడ్డిపల్లె వద్ద విషాదం చోటుచేసుకుంది. జేసీబీ అదుపుతప్పి రోడ్డుపై ఉన్న కూలీల మీదకు దూసుకెళ్లడంతో నలుగురు కూలీలు అక్కడికక్కడే మృతిచెందారు. మరొకరికి గాయాలవ్వగా.. ఆసుపత్రికి తరలించారు. మృతులంతా కేసలింగాయపల్లె గ్రామానికి చెందిన వారిగా గుర్తించారు. కాగా పొలం పనులకు వెళ్లి ఆటో కోసం వేచి చూస్తున్న కూలీలను జేసీబీ ఢీకొట్టడంతో ఈ ప్రమాదం చోటుచేసుకుంది. జేసీబీ డ్రైవర్‌ మద్యం మత్తులోఉన్నట్లు స్థానికులు చెబుతున్నారు.

సాక్షి, వైఎస్సార్‌ జిల్లా: మాజీ మంత్రి డీఎల్‌ రవీంద్రారెడ్డి వ్యాఖ్యలపై మైదుకూరు దళిత ప్రజాప్రతినిధులు తీవ్రస్థాయిలో మండిపడ్డారు. సోమవారం మీడియా సమావేశంలో వారు మాట్లాడుతూ, దళితులను కించపరచడం సరికాదన్నారు. స్వార్థ రాజకీయాల కోసం దళితులను వాడుకోవద్దని హితవు పలికారు. ఏపీలో వ్యవసాయ రంగం అభివృద్ధి చెందిందన్నారు. పంటనష్టం జరిగితే కౌలు రైతులకు ఈ-క్రాప్‌ ద్వారా ఎకరాకు రూ.18 వేలు సాయం చేశారన్నారు. చదవండి: సింహపురి సమరం.. టీడీపీలో ఎన్నికల భయం 

మైదుకూరు: వైఎస్సార్‌ జిల్లాలోని మైదుకూరు మున్సిపల్ ఛైర్మన్‌ స్థానాన్ని వైఎస్సార్‌సీపీ కైవసం చేసుకుంది. మైదుకూరు మున్సిపాలిటీలో 24 వార్డులుండ‌గా, టీడీపీ 12 వార్డుల్లో, వైసీపీ 11 వార్డుల్లో , జ‌న‌సేన ఒక చోట గెలుపొందాయి. దీంతో ఏ పార్టీకి కూడా మెజార్టీ ద‌క్క‌ని ప‌రిస్థితి ఏర్పడింది.  ఇద్ద‌రు ఎక్స్ అఫీషియో స‌భ్యుల‌తో క‌లుపుకుంటే వైసీపీ బ‌లం 13కి పెరిగింది. టీడీపీ, జ‌న‌సేన క‌లిస్తే సంఖ్యా బ‌లం 13గా ఉంది. కాగా, టీడీపీ ఆరో వార్డు స‌భ్యురాలు మ‌హ‌బూబ్‌బీతో పాటు జ‌న‌సేన స‌భ్యుడు బాబు గైర్హాజ‌రు కావడంతో టీడీపీ బ‌లం 11కి ప‌డిపోయింది. మ‌రోవైపు అధికార పార్టీ వైఎస్సార్‌సీపీ తమకున్న రెండు ఎక్స్‌ అఫీషియా ఓట్లతో బలాన్ని 13కి పెంచుకుని చైర్మ‌న్ పీఠాన్ని చేజిక్కించుకుంది. మైదుకూరు మున్సిపల్ ఛైర్మన్‌గా మాచనూరి చంద్ర, వైస్ ఛైర్మన్‌గా మహబూబ్ షరీఫ్ ఎన్నికయ్యారు. చదవండి: దేశ చరిత్రలోనే ఇది ఓ అరుదైన ఘట్టం: సజ్జల అక్రమాల పుట్ట ‘అమరావతి’

మైదుకూరు రూరల్‌: అనారోగ్యంతో బాధపడుతున్న తన భార్యకు వైద్యం చేయించలేని నిస్సహాయ స్థితిలో ఓ రైతు ఆత్మహత్య చేసుకున్నాడు. మైదుకూరు మండలం పోతిరెడ్డిపల్లె గ్రామంలో చోటు చేసుకున్న ఈ సంఘటన వివరాలు ఇలా ఉన్నాయి. గ్రామానికి చెందిన మూలె శ్రీరామ్‌రెడ్డి (59) వ్యవసాయం చేసుకుంటూ జీవనం సాగించేవాడు. ఈ నేపథ్యంలో అతని భార్య రాములమ్మకు క్యాన్సర్‌ వ్యాధి రావడంతో నాలుగేళ్ల క్రితం రూ.4 లక్షలు అప్పు చేసి వైద్యం చేయించాడు. అయినా వ్యాధి తగ్గకపోవడంతో గురువారం చికిత్స కోసం హైదరాబాద్‌ వెళ్లాల్సి ఉండింది. మళ్లీ లక్షలు అప్పు చేసి వైద్యం చేయించే స్థోమత లేక.. ముందు చేసిన అప్పులే తీర్చలేక తీవ్ర మానసిక వేదనకు గురయ్యాడు. ఈ పరిస్థితిలో మంగళవారం ఉదయం తన పొలం వద్దకు వెళ్లి నీటిలో విషపు గుళికలు కలుపుకుని తాగి ఆత్మహత్యకు పాల్పడ్డాడు. విగతజీవిగా పడి ఉన్న భర్తను చూసి భార్య కన్నీరు మున్నీరవుతుంటే ప్రతి ఒక్కరూ కంట తడిపెట్టారు. మృతుడికి భార్యతో పాటు ముగ్గురు కుమారులు, కుమార్తె ఉండగా, వీరిలో ఇద్దరు కుమారులు, కూతురికి వివాహమైంది. మూడో కుమారుడు రామమోహన్‌రెడ్డి  వ్యవసాయంలో తండ్రికి చేదోడువాదోడుగా ఉండేవాడు.    

సాక్షి ప్రతినిధి కడప : ‘ఎంతరా.. మీ బ్రతుకులు.. ఎలెక్షన్‌ అయిపోనీ మీ అంతుచూస్తా. కొడుకుల్లారా మీ నాయన ఎట్లా బ్రతుకుతాడో చూడు. తలలేస్తుంది. మా వద్ద పనులు చేయించుకుని పార్టీ మారుతారా.. వచ్చేది తెలుగుదేశం ప్రభుత్వమే. ఎట్లా బ్రతుకుతారో చూస్తా. లం..కొడుకుల్లారా’.. అంటూ వైఎస్సార్‌ జిల్లా మైదుకూరు టీడీపీ అభ్యర్థి పుట్టా సుధాకర్‌యాదవ్‌ తనయుడు మహేష్‌ యాదవ్‌ స్థానిక వైఎస్సార్‌సీపీ నేతపై రెచ్చిపోయారు. బి.మఠం మండల నాయకుడు మేకల రత్నకుమార్‌ యాదవ్‌ కుమారుడు బాలకృష్ణ యాదవ్‌కు గురువారం సా.3.30 గంటలకు 91004 92938 ఫోన్‌ నంబర్‌ నుంచి కాల్‌ వచ్చింది. ఫోన్‌ లిఫ్ట్‌చేసి హాలో అంటుండగానే.. ‘ఎంతరా.. మీ బ్రతుకులు, ఎలెక్షన్‌ అయిపోనీ మీ అంతుచూస్తా.. మీ నాయన ఎట్లా బ్రతుకుతాడో చూస్తా, తలలేస్తుంది.. కొడుకుల్లారా’.. అంటూ తిట్లదండకం అందుకున్నారు. ఎవ్వరూ మాట్లాడేది, మర్యాదగా మాట్లాడండంటూ బాలకృష్ణయాదవ్‌ చెబుతున్నప్పటికీ మరింత రెచ్చిపోయినా మహేష్‌.. ‘ఐదేళ్లు మా వద్ద పనులు చేయించుకుని పార్టీ మారుతార్రా.. వచ్చేదీ తెలుగుదేశం ప్రభుత్వమే. కొడుకుల్లారా తిన్నదంతా కక్కిస్తా. ఎలా బ్రతుకుతారో చూస్తా. లం..కొడుకుల్లారా’.. అంటూ అసభ్య పదజాలంతో నోటికొచ్చినట్లు బండ బూతులు మాట్లాడారు. ఇందుకు బాలకృష్ణ స్పందిస్తూ.. ‘రేయ్‌ మర్యాదగా మాట్లాడు అనగానే, ‘బోసుడికే చెప్పేది వినూ.. మీ నాన్న తిన్న డబ్బుంతా కక్కిస్తా. వచ్చేది టీడీపీ ప్రభుత్వమే. మీరు యాదవ్‌కు పుట్టారా.. రెడ్డికి పుట్టారా.. లం.. కొడుకుల్లారా ఉండండీ’.. అంటూ ఫోన్‌ కట్‌ చేశాడు. వాట్సాప్‌ గ్రూపుల్లో హల్‌చల్‌ మహేష్‌యాదవ్‌ బూతు పురాణం వ్యవహారం సాయంత్రం నుంచి సామాజిక మాధ్యమాల్లో వైరల్‌ అయ్యింది. బాలకృష్ణ ఇటీవల వైఎస్సార్‌సీపీలో చేరినందునే మహేష్‌యాదవ్‌ అధికారం అండతో నోటికొచ్చినట్లు మాట్లాడి తన అక్కసు తీర్చుకున్నట్లు తెలుస్తోంది. పైగా సామాజికవర్గాలను ప్రస్తావిస్తూ, ఎవ్వరికీ పుట్టారంటూ వివాదాస్పద వ్యాఖ్యలు చేయడం జిల్లాలో తీవ్ర కలకలం రేపుతోంది.  బీసీని కావడంవల్లే: మేకల రత్నకుమార్‌ తాము బీసీ కావడంవల్లే మహేష్‌ తన కుమారుడికి ఫోన్‌చేసి నోటికొచ్చినట్లు బూతులు మాట్లాడారని మేకల రత్నకుమార్‌ యాదవ్‌ తెలిపారు. తనతో పాటు ఎంతోమంది పార్టీ మారిన వారున్నారని.. మమ్మల్ని మాత్రమే టార్గెట్‌ చేయడానికి కారణం వెనుకబడిన వర్గాలకు చెందిన వారం కావడమేనని ఆయన వాపోయారు. టీడీపీ బి.మఠం మండల కన్వీనర్‌గా ఉన్న తాను 2014లో టీడీపీ అభ్యర్థిగా పోటీచేసి ఓడిపోయిన పుట్టా సుధాకర్‌యాదవ్‌ కోసం ఎంతో కృషిచేశానన్నారు. పార్టీలో నియంతృత్వ పోకడలు, ఏకపక్ష నిర్ణయాలు, విచ్చలవిడి అవినీతి కారణంగానే తాను వైఎస్సార్‌సీపీలో చేరానన్నారు. ‘నాకిష్టమొచ్చిన పార్టీకి మద్దతిస్తానని.. అంతమాత్రానా నన్ను నా కుటుంబాన్ని దూషిస్తారా’ అని రత్నకుమార్‌ వాపోయారు.   

సాక్షి, వైఎస్సార్‌: పోలింగ్‌ తేదీ దగ్గర పడుతుండటంతో టీడీపీ నేతల బెదిరింపుల పర్వం మొదలైంది. ఇప్పటికే రాష్ట్రంలో పలుచోట్ల టీడీపీ నాయకులు ఓటర్లను ప్రలోభ పెడుతున్న సంగతి తెలిసిందే. అయితే తమ మాట వినని వారిపై టీడీపీ నేతలు బెదిరించడమే కాకుండా నోటికి ఇష్టమెచ్చినట్టు దూషిస్తున్నారు. తాజాగా మైదుకూరులో టీటీడీ చైర్మన్‌, మైదుకూరు టీడీపీ అభ్యర్థి పుట్టా సుధాకర్‌ యాదవ్‌ కుమారుడు మహేశ్‌ యాదవ్‌ రెచ్చిపోయారు. బ్రహ్మంగారి మఠం టీడీపీ అధ్యక్షుడు రత్నకుమార్‌ యాదవ్‌ ఇటీవల వైఎస్సార్‌ కాంగ్రెస్‌ పార్టీలో చేరిన సంగతి తెలిసిందే. అయితే రత్నకుమార్‌ కుమారుడు బాలకృష్ణకు ఫోన్‌ చేసి బెదిరింపులకు పాల్పడ్డారు. అంతేకాకుండా బాలకృష్ణను బూతులు కూడా తిట్టారు. కాగా, మహేశ్‌ మంత్రి యనమల రామకృష్ణునికి అల్లుడు.

సాక్షి, మైదుకూరు : ‘‘సాధారణంగా గ్రామాల్లో మాట్లాడుకుంటాం. అంటే ఇద్దరు మనుషులు కలిస్తే... నువ్వు నేను కలిస్తే...మనం అంటాం. అలాగే మనం... మనం కలిస్తే.... జనం అంటారు. ఇలాంటి జనం అంతా రాష్ట్రంలో కలిస్తే జగన్‌’’ అని వైఎస్సార్ సీపీ నేత, మాజీమంత్రి డీఎల్‌ రవీంద్రారెడ్డి అన్నారు. ఎన్నికల ప్రచారంలో భాగంగా ఆయన శుక్రవారం వైఎస్సార్ జిల్లా మైదుకూరు బహిరంగ సభలో మాట్లాడుతూ... నువ్వు నేను కలిస్తే మనం. మనం మనం కలిస్తే జనం. జనం జనం కలిస్తే వైఎస్‌ జగన్‌. నా ప్రియ మిత్రుడు వైఎస్‌ రాజశేఖర్‌ రెడ్డి కుమారుడు రాష్ట్రానికి కాబోయే ముఖ్యమంత్రి. ప్రతి ఒక్కరు గుర్తు పెట్టుకోవాలి. జరగబోయే ఎన్నికల్లో మైదుకూరు ఎమ్మల్యే అభ్యర్థి రఘురామిరెడ్డి, ఎంపీ అభ్యర్థి అవినాష్‌ రెడ్డికి ఓటు వేసి గెలిపించాలి.  రాష్ట్రంలో నాలుగు సంవత్సరాల 11 నెలల కాలంలో చంద్రబాబు నాయుడు ఎన్నో అప్రజాస్వామిక నిర్ణయాలు తీసుకుని, రాష్ట్రంలో విచ్చలవిడి అవినీతికి పాల్పడ్డారు. చంద్రబాబు జన్మభూమి కమిటీల్లో తమ వారికే న్యాయం చేసుకున్నారు. మీ ఓటు ద్వారా ఆయనకు బుద్ధి చెప్పండి. జగన్‌ను సీఎంను చేసుకోవాల్సిన అవసరం మనకుంది. జగన్‌ సభలకు విపరీతంగా జనాలు వస్తున్నారు. అలాగే అన్ని నియోజకవర్గాల ప్రజలు తమ ప్రేమ, అభిమానాలను ...బ్యాలెట్‌ రూపంలో చూపించాలి. ఈ సందర‍్భంగా మీకు ఓ విషయం చెప్పాలి. ఈ నెల 26న ఇంగ్లీష్‌ దిన పత్రిక ‘ఎకనమిక్స్‌ టైమ్స్‌’  చంద్రబాబు నాయుడు విధానాలు...రాబోయే ఎన్నికల్లో పరాజయం తప్పదంటూ ఓ కథనం ప్రచురించింది. 2004లో వైఎస్‌ రాజశేఖర్‌ రెడ్డి చేతిలో చంద్రబాబు ఎలా ఓడిపోయారో... అలాగే 2019 ఎన్నికల్లో వైఎస్‌ జగన్‌ చేతిలో చంద్రబాబుకు పరాజయం  అని రాసింది’  అని డీఎల్‌ రవీంద్రారెడ్డి ఈ సందర్భంగా పేర్కొన్నారు.

సాక్షి, మైదుకూరు: వైఎస్సార్ కడప జిల్లాలో మైదుకూరులో సోమవారం పోలీసుల ఓవరాక్షన్ చేశారు. ఈ రోజు వైఎస్‌ జగన్‌ మోహన్‌ రెడ్డి ప్రజాసంకల్పయాత్రకు మద్దతుగా 'వాక్ విత్ జగన్' కార్యక్రమం నిర్వహించారు. ఇందుకోసం బైక్‌ ర్యాలీ నిర్వహించిన వైఎస్‌ఆర్సీపీ కార్యకర్తలను పోలీసులు అడ్డుకున్నారు. ర్యాలీకి అనుమతి లేదంటూ ఫైన్ విధించారు. అ​యితే పోలీసుల ఓవర్‌​ యాక్షన్‌పై ఎమ్మెల్యే రఘురామిరెడ్డి అసహం వ్యక్తం చేశారు. అన్యాయంగా కార్యకర్తలకు ఫైన్‌ వేశారని మండిపడ్డారు.


 మైదుకూరు టౌన్‌ : మైదుకూరు మండల పరిధిలోని ముదిరెడ్డిపల్లె గ్రామానికి చెందిన రైతు కశెట్టి ఓబులేసు(32)కు విద్యుదాఘాతంతో తీవ్ర గాయాలయ్యాయి. వివరాలిలా ఉన్నాయి. ఓబులేసు గ్రామం సమీపంలోని తన పొలాల్లో అరటి, పసుపు పంటను సాగు చేశాడు. ఈ నేపథ్యంలో శనివారం తెల్లవారుజామున పంటకు నీరు పెట్టేందుకు పొలం వద్ద ఉన్న విద్యుత్‌ మోటర్‌ను ఆన్‌ చేస్తుండగా విద్యుదాఘాతానికి గురయ్యాడు. తీవ్రంగా గాయపడిన రైతును చికిత్స నిమిత్తం తిరుపతికి తరలించారు.


 మైదుకూరు టౌన్‌ :  మైదుకూరు నియోజకవర్గ పరిధిలో గత కొద్ది రోజులుగా ఓ హెలికాప్టర్‌ ఆకాశంలో చక్కర్లు కొడుతోంది. నివాస ప్రాంతాలకు అత్యంత సమీపంలో అతి తక్కువ ఎత్తులో తిరుగుతున్న ఆ హెలికాప్టర్‌ కిందకు జల్లెడ ఆకారంలో ఉన్న డ్రోన్‌లను వేలాడదీస్తోంది. దీని ద్వారా భూమిలో నిక్షిప్తమై ఉన్న ఖనిజాల ఆచూకీ తెలుసుకుంటున్నారేమో అనే అభిప్రాయాన్ని పలువురు వ్యక్తం చేస్తున్నారు. ఇప్పటికే మైదుకూరు నియోజకవర్గ పరిధిలోని చాపాడు, దువ్వూరు మండలాల్లో తిరిగిన ఈ హెలికాప్టర్‌ ప్రస్తుతం మైదుకూరుపై దృష్టి సారించింది. సోమవారం ప్రొద్దుటూరు పట్టణంలోనూ ఇలాగే చక్కర్లు కొట్టింది. అయితే ఈ సర్వే నిర్వహిస్తున్నది ఏ శాఖకు చెందిన వారు అనేది స్థానిక అధికారులకు సైతం తెలియడం లేదు. అసలు ఈ హెలికాప్టర్‌ ఎక్కడి నుంచి వస్తోంది.. తిరిగి ఎక్కడ ల్యాండ్‌ అవుతోంది అనేది సస్పెన్స్‌గా మారింది.  
  


 మైదుకూరు టౌన్‌ : మైదుకూరు మున్సిపాలిటీ పరిధిలోని పాతపాళెంలో మంగళవారం ఆ గ్రామస్తులు నలుగురు తమిళ కూలీలను నిర్బంధించి పోలీసులకు అప్పగించారు. అర్బన్‌ సీఐ వెంకటేశ్వర్లు తెలిపిన వివరాల మేరకు తమిళ కూలీలను స్మగ్లర్‌ తీసుకొచ్చి జాతీయ రహదారి పక్కన వదిలేసి వెళ్లగా, వారికి ఎటుపోవాలో అర్థం కాక సమీపంలో ఉన్న పాతపాళెం గ్రామంలో వరిచెత్తలో దాక్కొన్నారు. బ్రహ్మయ్య అనే గ్రామస్తుడు వరిచెత్త వామి వేస్తుండగా చెత్త కదులుతుండటంతో కేకలు వేసి స్థానికులను పిలిచాడు. గ్రామస్తులు గుమికూడి వరిచెత్తలో దాక్కొని ఉన్న నలుగురు తమిళ కూలీలను నిర్బంధించి పోలీసులకు అప్పగించారు. కూలీల వద్ద ఉన్న సెల్‌ ఫోన్ల ఆధారంగా వారిని ఇక్కడికి ఎవ్వరు తీసుకొచ్చారు అనే విషయంపై ఆరా తీస్తున్నట్లు సీఐ తెలిపారు. ఈ ప్రాంతంలో ఎవరైనా అనుమానాస్పదంగా కనిపిస్తే వెంటనే పోలీసులకు సమాచారం ఇవ్వాలని ఆయన సూచించారు.
 
  


 మైదుకూరు టౌన్‌ :  ఎర్రచందనం అక్రమ రవాణా కేసులో జాండ్లవరం గ్రామానికి చెందిన శ్రీనివాసులు నాయుడు అలియాస్‌ డాన్‌ శ్రీను ను గురువారం మైదుకూరు పోలీసులు అరెస్ట్‌ చేసి కోర్టుకు హజరుపరిచి రిమాండ్‌కు తరలించారు. ఈ ఏడాది ఏప్రిల్‌ 16న  బెంగళూరుకు చెందిన స్మగ్లర్లతో సంబంధం ఉందనే కారణంగా ఈ ఏడాది ఏప్రిల్‌ 16న కేసు నమోదైంది. ఆ కేసులో ఇతన్ని అరెస్ట్‌ చేసినట్లు అర్బన్‌ సీఐ వెంకటేశ్వర్లు తెలిపారు.
  


 మైదుకూరు టౌన్‌:
     త్వరలో జరగనున్న పశ్చిమ రాయలసీమ పట్ట భద్రుల ఎమ్మెల్సీ ఎన్నికల్లో వైఎస్సార్‌ కాంగ్రెస్‌ పార్టీ అభ్యర్థి వెన్నపూస గోపాల్‌రెడ్డిని అత్యధిక మెజార్టీతో గెలిపించేందుకు మైదుకూరు నియోజకవర్గం నుంచి సత్తా చాటాలని ఎమ్మెల్యే శెట్టిపల్లె రఘురామిరెడ్డి పేర్కొన్నారు. మైదుకూరులో గురువారం పార్టీ ముఖ్య నాయకులతో ఎమ్మెల్యే సమావేశమయ్యారు. వైఎస్సార్, కర్నూలు, అనంతపురం జిల్లాల పరిధిలో జరిగే ఈ ఎన్నికకు సంబంధించి 38 నియోజకవర్గాల పరిధిలోని పట్ట భద్రులు ఓటు హక్కును వినియోగించుకోవాల్సి ఉందని, అన్ని నియోజకవర్గాల కన్నా మన నియోజకవర్గం నుంచి ఎక్కువ మెజార్టీ తెప్పించేందుకు కషి చేయాలన్నారు. ప్రతి కార్యకర్త పట్టభద్రులతో మాట్లాడి తమ పార్టీకి మద్దతు తెలిపేవిధంగా కషి చేయాలని సూచించారు. ఈ కార్యక్రమంలో వైఎస్సార్‌సీపీ నాయకులు, ప్రముఖ న్యాయవాది జ్వాలా నరసింహశర్మ, బ్రహ్మంగారిమఠం సింగిల్‌ విండో అధ్యక్షుడు వీరనారాయణరెడ్డి, లక్ష్మీపేట నారాయణరెడ్డి, దువ్వూరుకు చెందిన కానాల జయచంద్రారెడ్డి, గాంధీనగరం నాగసుబ్బారెడ్డి తదితరులు పాల్గొన్నారు.
  


 మైదుకూరు టౌన్‌:
 వైఎస్సార్‌ జిల్లా మైదుకూరు మండలం ఉత్సలవరం గ్రామంలో మంగళవారం తెల్లవారుజామున చౌడు మిద్దె కూలిన సంఘటనలో ఆరుగురు మృతి చెందారు. మృతుల బంధువుల కథనం మేరకు.. ఉత్సలవరం గ్రామానికి చెందిన అంగంపల్లె చిన్న గుర్రప్ప, పెంచలమ్మ దంపతులకు ఇద్దరు కుమార్తెలు, ఒక కుమారుడు ఉన్నారు. కుమార్తెలు, కుమారుడికి వివాహం కావడంతో  కుమారుడు
 పక్కనే ఇంటిలో వేరుగా కాపురం ఉన్నాడు. అయితే  చిన్నగుర్రప్ప దంపతులు, వారి పెద్ద కుమార్తె లలితలు ఒకే ఇంటిలో నివాసముంటున్నారు. లలితకు వివాహమైనప్పటికీ కుటుంబ తగాదాల కారణంగా తల్లిదండ్రుల వద్దే ఉంటోంది. ఈమెకు యశ్వంత్‌ అనే కుమారుడు ఉన్నాడు. చిన్నకూతురైన హరిత బ్రహ్మంగారిమఠం మండలం పెద్దురాజుపల్లె గ్రామంలో వివాహం చేసుకోగా ఆమెకు నవనీత్, నిహారిక అనే పిల్లలు ఉన్నారు.
  
 చిన్న కుమార్తె హరిత కుటుంబ నియంత్రణ ఆపరేషన్‌ కోసం సోమవారం సాయంత్రం పుట్టింటికి వచ్చింది. ఈ నేపథ్యంలో మంగళవారం తెల్లవారుజామున వర్షం రావడంతో బాగా తడిచి ఉన్న పైకప్పు ఒక్కసారిగా ఇంట్లో నిద్రిస్తున్న వారిపై పడింది. పెద్ద శబ్దం రావడంతో పక్కనే నివాసమున్న కొడుకు, గ్రామస్తులు అక్కడికి వెళ్లి చూసే సరికి చిన్నగుర్రప్ప(50), పెంచలమ్మ(44), హరిత(23), యశ్వంత్‌(6), నవనీత్‌(2) అక్కడికక్కడే మృతి చెంది ఉన్నారు.  లలిత(27), నిహారిక (9నెలలు) కొన ఊపిరితో కొట్టుమిట్టాడుతుండటంతో వారిని ప్రొద్దుటూరు ప్రైవేటు ఆసుపత్రికి తరలించారు. చికిత్స పొందుతూ లలిత మృతి చెందగా కేవలం 9నెలల నిహారిక మృత్యుంజయురాలుగా నిలిచింది. ఈ సంఘటన గ్రామంలో విషాదాన్ని నింపింది. విషయం తెలిసిన వెంటనే సంఘటన  స్థలాన్ని ఎమ్మెల్యే రఘురామిరెడ్డి సందర్శించారు. మృతుల కుటుంబాలకు రూ. 10 లక్షలు ఎక్స్‌గ్రేషియా ఇవ్వాలని డిమాండ్‌ చేశారు.
  


 మైదుకూరు (వైఎస్సార్ జిల్లా) : నేలపై గుండ్రంగా కనిపించిన వస్తువును బంతి అనుకుని చేతిలోకి తీసుకోగా.. అది పేలిపోవడంతో బాలుడికి తీవ్ర గాయాలయ్యాయి. వైఎస్సార్ జిల్లా మైదుకూరు మండలం ఆదిరెడ్డిపల్లి గ్రామం సమీపంలో సోమవారం మధ్యాహ్నం ఈ ఘటన జరిగింది. ప్రసాద్ (14) అనే బాలుడు పశువులను మేపేందుకు గ్రామశివార్లకు వెళ్లాడు.
 
 అక్కడ నేలపై గుండ్రంగా కనిపించిన దాన్ని చేతిలోకి తీసుకున్నాడు. దానికి వైర్లు బిగించి ఉండడంతో... చేతిలోకి తీసుకున్న వెంటనే పేలిపోయింది. ఈ ఘటనలో బాలుడి కుడిచేయి మణికట్టు వరకు తెగిపడిపోగా, ఎడమచేతి ఐదు వేళ్లూ తెగిపోయాయి. తీవ్రంగా గాయపడిన అతడ్ని ప్రభుత్వ ఆస్పత్రికి తరలించారు. పోలీసులు ప్రమాదస్థలికి చేరుకుని అక్కడే ఉన్న మరో రెండు బాంబులను నిర్వీర్యం చేశారు. వీటిని అక్కడ ఎవరు పెట్టి ఉంటారనే విషయాన్ని తెలుసుకునేందుకు దర్యాప్తు ప్రారంభించారు.


 మైదుకూరు : వైఎస్సార్ జిల్లా మైదుకూరు మండలం బస్వాపురం గ్రామం సమీపంలో ఓ బాలికపై ఇద్దరు యువకులు సామూహిక అత్యాచారం జరిపారు. బుధవారం రాత్రి జరిగిన ఈ ఘటన ఆలస్యంగా వెలుగు చూసింది. పోలీసులు తెలిపిన వివరాల ప్రకారం.. మద్దునూరు గ్రామానికి చెందిన బాలికను బస్వాపురం గ్రామానికి చెందిన మల్లికార్జున (18), మల్లేశ్వర్‌రెడ్డి (20) బుధవారం రాత్రి తమ వెంట తీసుకెళ్లారు. బస్వాపురం గ్రామ చెరువు వద్దకు తీసుకెళ్లి అత్యాచారం చేశారు. దీనిపై బాధితురాలి తల్లిదండ్రులు శుక్రవారం సాయంత్రం మైదుకూరు పోలీసులకు ఫిర్యాదు చేశారు.


 మైదుకూరు టౌన్: కుటుంబ కలహహాల కారణంగా కన్నతండ్రినే ఓ కొడుకు కడతేర్చిన ఘటన మంగళవారం మైదుకూరు మండలంలో చోటు చేసుకుంది. పోలీసుల క థనం మేరకు వివరాలిలా ఉన్నాయి.  మైదుకూరు మండలం విశ్వనాథపురం గ్రామానికి చెందిన ముద్ద శెట్టి వెంకటసుబ్బయ్య అలియాస్ లక్ష్మిభవన్ హోటల్ వెంకటసుబ్బయ్య(58) గత కొది ్దసంవత్సరాలుగా కడపలో నివాసం ఉంటూ లక్ష్మిభవన్ హోటల్ నిర్వహిస్తున్నాడు.
 
 అలాగే మైదుకూరు మండలం తిప్పిరెడ్డిపల్లె గ్రామం వద్ద పొలాలు కొనుగోలు చేసి సాగుచేసుకుంటున్నాడు. వెంకటసుబ్బయ్యకు ఇద్దరు కుమారులు, ఒక కుమార్తె ఉన్నారు. వీరిలో పెద్ద కుమారుడు కొద్ది సంవత్సరాల క్రితం ఆత్మహత్య చేసుకున్నాడు. చిన్న కుమారుడు ముద్దం శివ హైదరాబాద్‌లో సాఫ్ట్‌వేర్ ఉద్యోగంలో స్థిరపడ్డాడు. గత కొద్ది నెలలుగా తండ్రి కొడుకుల మధ్య ఆస్తి విషయమై మనస్పర్థలు చోటు చేసుకున్నాయి. ఈ క్రమంలో మంగళవారం శివ, అతని బావమరిది  మైలారు జగనాథంలు కలిసి వెంకటసుబ్బయ్యను హత్య చేశారు.  
 
 హత్య చేసిన తీరు....
 తిప్పిరెడ్డిపలె ్ల మెయిన్ రోడ్డు సమీపంలో పొలంలోని ఇంటి వద్ద ఆరు బయట మంగళవారం సాయంత్రం వెంకటసుబ్బయ్య కూర్చొని ఉండగా అతని కుమారుడు శివ, బావమరిది జగన్నాథం పథకం ప్రకారం పొలం వద్దకు వచ్చి వెంకటసుబ్బయ్యతో గొడవపడ్డారు. ఈ సమయంలోనే వేటకొడవళ్లతో మెడ భాగంలో నరకగా అక్కడిక్కడే కుప్పకూలి చనిపోయాడు. అనంతరం శివ, జగ న్నాథంలు ద్విచక్రవాహనంపై  మైదుకూరు అర్బన్ పోలీస్ స్టేషన్ కు వచ్చి హత్య చేసేందుకు ఉపయోగించిన వేటకొడవ ళ్లతో లొంగిపోయారు.
 
 సంఘటన స్థలాన్ని పరిశీలించిన డీఎస్పీ..
 వెంకటసుబ్బయ్య హత్య సమాచారం తెలుసుకున్న  మైదుకూరు డీఎస్పీ ఎస్.వి శ్రీధర్‌రావు, సీఐ వెంకటే శ్వరు ్ల హుటాహుటిన సంఘటన స్థలానికి చేరుకుని హత్య జరిగిన తీరును పరిశీలించారు. కొన్ని ఆధారాలను సేకరించారు. మృతదేహన్ని పోస్టుమార్టం నిమిత్తం ప్రొద్దుటూరు ప్రభుత్వ ఆసుపత్రికి తరలించి కేసు నమోదు చే శారు.


 మైదుకూరు టౌన్ న్యూస్‌లైన్ : ముస్లింల సం క్షేమానికి కృషి చేస్తానని మైదుకూరు ఎమ్మె ల్యే శెట్టిపల్లె రఘురామిరెడ్డి పేర్కొన్నారు. మైదుకూరు మున్సిపాలిటీ పరిధిలోని షాదీఖానాలో సోమవారం ముస్లిం వెల్‌ఫేర్ సొసైటీ అధ్వర్యంలో ముస్లిం పిల్లలకు ప్రతి సంవత్సరం వేసవిలో జరిపే ఖత్నా(ఒడుగుల) కార్యక్రమం జరిగింది.
 
   ఈ కార్యక్రమంలో ముస్లిం కుటుంబాలకు చెందిన పిల్లలు 70 మందికి మదనపల్లె డాక్టర్ జిఎస్‌మస్తాన్ బాషా ఒడుగుల కార్యక్రమం నిర్వహించారు.ఈ కార్యక్రమంలో స్థానిక ఎమ్మెల్యే శెట్టిపల్లె రఘురామిరెడ్డి పాల్గొని మాట్లాడుతూ ఇలాంటి సామాజిక సేవలతోపాటు పేద ముస్లిం పిల్లలకు విద్యను అభ్యసించుటకు చేయూతనివ్వాలని కోరారు. గతంలో ముస్లిం ల కోసం ఉర్దూ మహిళా పాఠశాల ఏర్పాటుకు కృషి చేశామన్నారు. ఈ సారి ముస్లిం పిల్లలకోసం తగిన సహాయ సహకారాలు  అందజేస్తామన్నారు.ఈ కార్యక్రమానికి ముస్లిం వెల్‌ఫేర్ యూనియన్ ప్రెసిడెంట్ మదీనా దస్తగిరి,సెక్రటరి అబ్దుల్లా, ఉపాధ్యక్షులు పాలమాబూ, యాకోబ్,మబూహుసేన్,గౌస్ ఖాదర్‌వలి,షరీఫ్, అమీర్ బాషా  పాల్గొన్నారు.


 నేతలు గెలుపోటముల అంచనాల్లో మునిగిపోయారు.. సమస్మాత్మక గ్రామాల ప్రజలు భయాందోళనతో బిక్కుబిక్కుమంటున్నారు. ఈ నెల 12 నుంచి 16 వరకూ వరుసగా మునిసిపల్, ఎంపీటీసీ, జెడ్పీటీసీ, ఎమ్మెల్యే, ఎంపీ ఎన్నికల ఫలితాలు వెలువడనున్నాయి. ప్రధాన పార్టీల నేతలు, గ్రామస్థాయి నాయకులు ప్రతిష్టాత్మకంగా తీసుకుని గెలుపు కోసం పోటీపడ్డారు. పలుచోట్ల ఘర్షణలకు దిగారు. ఫలితాల ప్రభావం తమను ఎలాంటి ఇబ్బందులకు గురిచేస్తుందోనని సామాన్యులు భయపడుతున్నారు.
  
  సాక్షి, కడప: జిల్లాలో సార్వత్రిక ఎన్నికల సమరం ముగిశాక అందరి దృష్టి ఎన్నికల ఫలితాలపై ఉంది. ఈనెల 12 నుంచి 16 వరకు వరుసగా మున్సిపల్, జెడ్పీటీసీ, ఎంపీటీసీ, ఎంపీ, ఎమ్మెల్యే ఎన్నికల ఫలితాలు వెలువడనున్నాయి. ఓటమి పాలైన అభ్యర్థులు గొడవలకు ఆజ్యం పోస్తారేమోననే అనుమానం వివిధ వర్గాల్లో వ్యక్తమవుతోంది. కడప లోక్‌సభ పరిధిలోనే ఎక్కువగా సమస్మాత్మక ప్రాంతాలు ఉన్నాయి. ముఖ్యంగా జమ్మలమడుగు, కమలాపురం, మైదుకూరు నియోజకవర్గాల పరిధిలో పోలీసు యంత్రాంగం ముందు జాగ్రత్త చర్యలు తీసుకోవాల్సిన అవసరం ఉందని పలువురు సూచిస్తున్నారు.
  
  పోలీసుల తీరుపై అనుమానాలు:
  జిల్లాలో ఎన్నికలను సమర్థవంతంగా నిర్వహించడంలో జిల్లా ఎస్పీ అశోక్‌కుమార్ విజయం సాధించారు. అయినా పలుచోట్ల గొడవలు జరిగాయి. కిందిస్థాయిలోని కొందరు అధికారులు సమర్థంగా పనిచేస్తుంటే, ఇంకొందరు ఏకపక్షంగా వ్యవహరించి ఓ వర్గానికి అండగా నిలుస్తున్నారనే విమర్శలున్నాయి. ఎన్నికలకు ముందు సమస్మాత్మక వ్యక్తులను ముందస్తుగా అరెస్టు చేయకపోవడం, కోట్ల రూపాయలు ఇంటింటికి వెళ్లి పంచుతున్నా అదుపు చేయకపోవడం, దాడులకు పాల్పడుతున్నా షాడోపార్టీలు అడ్డుకోకపోవడం వంటి ఘటనలు పోలీసుల పనితీరుపై అనుమానాలకు తావిస్తున్నాయి. కొందరు భారీగా డబ్బులు తీసుకుని ఓ వర్గానికి వత్తాసు పలికారని కొందరు పోలీసులే బాహాటంగా చర్చించుకుంటున్నారు.
  
  మైదుకూరుపై ప్రత్యేక దృష్టి సారించాల్సిందే:
  సార్వత్రిక ఎన్నికల్లో జిల్లాలో అత్యధికంగా గొడవలు జరిగింది మైదుకూరు నియోజకవర్గంలోనే. మైదుకూరు మండలంలో టీడీపీ అరాచకాలను అడ్డుకోవడంలో పోలీసులు విఫలమాయ్యరు. ఓ అధికారి టీడీపీ నేత నుంచి భారీగా ముడుపులు తీసుకోవడంతోనే ఈ పరిస్థితి తలెత్తిందని తెలుస్తోంది. ఉదయం 6.30 గంటల నుంచి మధ్యాహ్నం వరకూ టీడీపీ అభ్యర్థి పుట్టా సుధాకర్‌యాదవ్ అనుమతి లేకుండా నాలుగు వాహనాల్లో రౌడీలను వేసుకుని హల్‌చల్ చేశారు. ఎన్. ఎర్రబల్లి, నాగసానిపల్లి, నంద్యాలంపేటతో పాటు చాలా గ్రామాల్లో వైఎస్సార్‌సీపీ ఏజెంట్లపై దాడి చేసి రిగ్గింగ్‌కు యత్నించారు. అయినా పుట్టా అరాచకాన్ని అడ్డుకునేందుకు పోలీసులు ప్రయత్నించలేదు. నిజాయితీ, నిష్పక్షపాతంగా వ్యవహరించాల్సిన పోలీసు అధికారుల్లో కొందరు ఇలా వ్యవహరించడం ప్రజలను మరింత ఆందోళనకు గురిచేస్తోంది. ఈ క్రమంలో ఉన్నతాధికారులు ముం దస్తు చర్యలు చేపట్టాల్సిన ఆవశ్యకత ఉంది.


 వైఎస్ఆర్ జిల్లాలో బోణీ కూడ కొట్టలేమన్న భయంతో తెలుగుదేశం పార్టీ అరాచకాలకు దిగుతోంది. కాజీపేట మండలం నాగసానిపల్లిలో వైఎస్ఆర్ కాంగ్రెస్ పార్టీ ఏజెంట్లపై తెలుగుదేశం పార్టీ అభ్యర్థి దౌర్జన్యానికి పాల్పడ్డారు.
 
 మైదుకూరు అసెంబ్లీ నియోజకవర్గ టీడీపీ అభ్యర్థి పుట్టా సుధాకర్ యాదవ్ అక్కడి పోలింగ్ కేంద్రాల్లో ఉన్న వైఎస్ఆర్ కాంగ్రెస్ పార్టీ ఏజెంట్లను బయటకు లాగేసి రిగ్గింగ్ చేయడానికి ప్రయత్నించారు.


 మాజీ మంత్రి డీఎల్ రవీంద్రా రెడ్డి ఎక్కడున్నారు? ఎవరితో ఉన్నారు? ఏం చేస్తున్నారు? ఎన్నికల వేళ ఎంతో బిజీబిజీగా ఉండాల్సిన డీఎల్ ఏమయ్యారు?
 ఆయన కాంగ్రెస్ ని వదిలేశారు. టీడీపీలో చేరారు. పార్టీ తీర్థం పుచ్చుకోకుండానే టీడీపీ మీటింగ్ లో పాల్గొని ప్రసంగించేశారు. డీ ఎల్ అంతటి వాడు మద్దతు పలికితే ఇంకేముందని టీడీపీ అభ్యర్థి పుట్టా సుధాకర్ యాదవ్ ఎగిరి గంతేశారు. సరిగ్గా ఎన్నికల వేడి రాజుకునే సరికి డీఎల్ 'చలో అమెరికా' అంటున్నారు. ఒక్క దెబ్బతో అటు కాంగ్రెస్ ని, ఇటు టీడీపీని గిల్లి జెల్ల కొట్టేశారు. టీడీపీని వాడుకుని వదిలేయడంతో ఆ పార్టీ శ్రేణులు, ముఖ్యంగా మైదుకూరు టీడీపీ ఎమ్మెల్యే అభ్యర్థి ఇప్పుడు తల పట్టుకుంటున్నారు.
 అసలు డీఎల్ రాజకీయ డీల్ ఏమిటన్నది ఇప్పుడు టీడీపీ  శ్రేణులను వేధిస్తున్న ప్రశ్న. టీడీపీలో చేరకుండానే చేరి, ఉండకుండానే ఉండి, తన అనుచరులకు వీలైనన్ని జడ్ పీ టీసీ, ఎంపీటీసీ, మున్సిపల్ కౌన్సిలర్ సీట్లు ఇప్పించుకుని, వారికి ఓటేయించుకున్నారు. ఒక వేళ స్థానిక ఎన్నికల్లో టీడీపీ అభ్యర్థులెవరైనా గెలిస్తే వారంతా డీఎల్ మనుషులే. వారంతా పేరుకే తెలుగుదేశం పార్టీ సభ్యులు. ఆ తరువాత టీడీపీతో తనకు పని లేదన్నట్లుగా చక్కగా హ్యాండిచ్చేశారు. ఇప్పుడు ఎంఎల్ఏ, ఎంపీ ఎలక్షన్ల వేడి మొదలయ్యే సరికి సమ్మర్ హాలీడేస్ కి వెళ్లిపోతున్నారు.
  మొత్తం మీద పచ్చ పార్టీని తెల్లబోయేలా చేశారు డీఎల్ రవీంద్రా రెడ్డి.


 మల్కాజ్ గిరి ఎమ్మెల్యే ఆకుల రాజేందర్ ఈ ఎన్నికల్లో ఒక నమూనాగా మిగిలిపోతారు. మొన్న కాంగ్రెస్. నిన్న టీఆర్ ఎస్. నేడు మళ్లీ కాంగ్రెస్.... ఇప్పుడెక్కడున్నారో తెలియదు.... అంతకు మించిన నమూనా మాజీ మంత్రి డిఎల్ రవీంద్రా రెడ్డి. ఆయన యూ టర్న్ తీసుకోవడంలో సరికొత్త రికార్డులనే సృష్టిస్తున్నారు.
 
 ఆయనది ఆది నుంచీ కాంగ్రెస్.... ఆ తరువాత కాంగ్రెస్ పై కోపం వచ్చింది. కాంగ్రెస్ వదిలి టీడీపీలో చేరబోతున్నట్టు డీఎల్ రవీంద్రా సంకేతాలు ఇచ్చారు. ఏప్రిల్ 7 న కాంగ్రెస్ లో చేరతారని ప్రచారం కూడా జరిగింది. కానీ అది జరగలేదు. ఆ తరువాత మళ్లీ ఆయన కాంగ్రెస్ లోనే ఉన్నానని చెప్పారు. కాంగ్రెస్ ఆయన సతీమణికి మైదుకూరు నుంచి టికెట్ కూడా ఇచ్చింది. కానీ ఇంతలోనే మళ్లీ ఆయన టీడీపీ వైపు చూస్తున్నారని ప్రచారం జరుగుతోంది. ఇంతకీ ఆయన టీడీపీ లో చేరతారా లేక మళ్లీ మనసు మార్చుకుంటారా? ఇప్పుడిదే కడప రాజకీయాల్లో హాట్ టాపిక్.


 కడప: కాంగ్రెస్ సీనియర్ నేత, మైదుకూరు తాజా మాజీ ఎమ్మెల్యే డీఎల్ రవీంద్రా రెడ్డి తెలుగుదేశం పార్టీకి హ్యాండిచ్చే సూచనలు కనిపిస్తున్నాయి. టీడీపీలోకి చేరేందుకు డీఎల్ ప్రయత్నిస్తున్నారంటూ ఇటీవల వార్తలు రాగా, తాజాగా ఆయన మనసు మార్చుకున్నట్టు సమాచారం.
 
 కాంగ్రెస్ పార్టీలోనే కొనసాగాలని డీఎల్ నిర్ణయించుకున్నట్టు రాజకీయ వర్గాలు చెబుతున్నాయి. కాగా ఎన్నికల్లో ఆయన పోటీకి విముఖంగా ఉన్నట్టు తెలుస్తోంది. రాష్ట్ర విభజన అనంతరం సీమాంధ్రలో కాంగ్రెస్కు ఎదురుగాలి వీస్తుండటమే దీనికి కారణం. మైదుకూరు శాసనసభ స్థానం నుంచి డీఎల్ తన బదులు భార్యను రంగంలోకి దించే యోచనలో ఉన్నారట. ఈ మేరకు కాంగ్రెస్ పెద్దలతో డీఎల్ సంప్రదింపులు జరిపినట్టు తెలుస్తోంది.


  స్థానిక పోరులో తొలి అంకం పరిసమాప్తమైంది. 5 నియోజకవర్గాల పరిధిలోని 29 మండలాల్లోని 29 జెడ్పీటీసీ, 326 ఎంపీటీసీ స్థానాలకు ఆదివారం పోలింగ్ ముగిసింది. టీడీపీ నేతలు ఆర్థిక, అంగ బలంతో వైఎస్సార్‌సీపీ శ్రేణులపై పలు చోట్ల తెగబడ్డారు. కొన్నిచోట్ల భౌతిక దాడికి పాల్పడి వైఎస్సార్‌సీపీ కార్యకర్తలను గాయపరిచారు.
  
 ఎమ్మెల్సీ బత్యాల తన సొంత పంచాయతీలో రిగ్గింగ్‌కు తెగించారు. సుండుపల్లి మండలం వీఎన్ పల్లిలో ఓటేసేందుకు వచ్చిన వృద్ధురాలు ఎండదెబ్బకు మృత్యువాతపడ్డారు. ఇలాంటి సంఘటనలు మినహా తక్కిన అన్నిచోట్ల పోలింగ్ ప్రక్రియ ప్రశాంతంగా ముగిసింది. ఎన్నికల్లో వైఎస్సార్‌సీపీకే ఓటర్లు పట్టం కట్టినట్లు ఓటింగ్ సరళిని బట్టి తెలుస్తోంది.
 
  
  
  సాక్షి, కడప: ఎంపీటీసీ, జెడ్పీటీసీ ఎన్నికల తొలిపోరులో మైదుకూరు, బద్వేలు, రాయచోటి, రాజంపేట, రైల్వేకోడూరు నియోజకవర్గాల్లోని 29 మండలాల్లో 29 జెడ్పీటీసీ, 326 ఎంపీటీసీ స్థానాలకు పోలింగ్ జరిగింది. ఉదయం 7గంటల నుంచి ఓటర్లు పోలింగ్ కేంద్రాల వద్ద బారులు తీరారు. జిల్లా వ్యాప్తంగా 80.40 శాతం పోలింగ్ నమోదైంది. బ్యాలెట్ పేపర్ల ద్వారా పోలింగ్ నిర్వహించారు. ఉదయం మందకొడిగా సాగిన పోలింగ్ 9 గంటల తర్వాత ఊపందుకుంది. 9 గంటల వరకు  12 శాతం పోలింగ్ నమోదైంది.
 
  11 గంటలకు 38.2 శాతం, ఒంటిగంటకు 60 శాతం, 3 గంటలకు 70.8 శాతం పోలింగ్ నమోదైంది. సాయంత్రం 5 గంటలకు 80.40 శాతం పోలింగ్ నమోదైంది. సాయంత్రం వరకూ ఓటర్లరద్దీ కొనసాగింది. ఆపై తగ్గింది. సాయంత్రం 5గంటలకు పోలింగ్ ముగిసింది.
  
  ‘టీడీపీ’ తెగబడింది ఇక్కడే:
 
   రాయచోటి మండలం దిగువాబోరం గ్రామంలో ఏజెంట్ల నియామకంలో తలెత్తిన వివాదంలో వైఎస్సార్‌సీపీ కార్యకర్తలపై టీడీపీ నేతలు కట్టెలతో దాడికి తెగబడ్డారు. దాడిలో వైఎస్సార్‌సీపీ కార్యకర్తల చలపతి నాయుడు చెవి తెగిపోయింది. వెంకటరమణ తలకు గాయమైంది. పుల్లంపేట మండలం దొండ్లపల్లిలో వైఎస్సార్‌సీపీ ఏజెంట్ సుబ్రహ్మణంపై టీడీపీ ఏజెంట్లు దాడి చేశారు.
 
 తీవ్రంగా గాయపడిన సుబ్రహ్మణ్యాన్ని ఆస్పత్రికి తరలించారు.చిన్నమండెం మండలం మల్లూరులో ఓ టీడీపీ కార్యకర్త పోలీసుతో గొడవకు దిగారు.  పోలీస్ టీపీని విసిరేసిన టీడీపీ కార్యకర్తను పోలీసులు అరెస్టు చేశారు.
 
  ఎంపీటీసీ స్థానాలు 332...
 
  ఓటింగ్ జరిగింది 326:తొలివిడత ఎన్నికలు జరగాల్సిన ఎంపీటీసీ స్థానాలు 332 ఉన్నాయి. అయితే ఇందులో ఆరుస్థానాలు(చాపాడు-2, కోడూరు-1, ఓబుళవారిపల్లి-1, రామాపురం-1, సుండుపల్లి-1) ఏకగ్రీవమయ్యాయి. ఇవి మినహా తక్కిన అన్ని స్థానాలకు పోలింగ్ జరిగింది.
 
  పోలింగ్ ప్రశాంతం:
 
  జిల్లా యంత్రాంగం పోలింగ్‌ను ప్రశాంతంగా నిర్వహించడంలో విజయం సాధించారు. రెండు, మూడు చోట్ల చెదుమదురు సంఘటనలు జరిగినా తక్కిన అన్ని చోట్ల ప్రశాంతంగా ఎన్నికలు సాగడంలో జిల్లా కలెక్టర్ శశిధర్, ఎస్పీ అశోక్‌కుమార్ కీలకపాత్ర పోషించారు.


  సాక్షి ప్రతినిధి, క డప:
  చెప్పెందుకే శ్రీరంగ నీతులు..అన్నట్లుగా మైదుకూరు ఎమ్మెల్యే డీఎల్ రవీంద్రారెడ్డి వైఖరి ప్రస్ఫుటం అవుతోంది. ఏఎండకు ఆగొడుగు పడుతూ ఎప్పటికప్పుడు  రాజకీయ అవసరాలకు అనుగుణంగా అడుగులు వేస్తుండటమే అందుకు కారణం. అపార రాజకీయ అనుభవం ఉన్నా అనైతికతతో వ్యవహరిస్తుండటం పరిపాటిగా మారింది. మైదుకూరు శాసనసభ్యుడు డీఎల్ రవీంద్రారెడ్డి పాతతరం నాయకుడు. రాజకీయ ఉద్ధండుడిగా పేరుగాంచిన ఆయన ఐదేళ్ల కాలంలో పదవుల కోసం అనైతికంగా వ్యవహరిస్తూ అపకీర్తిని మూటగట్టుకుంటున్నారు.
  
 స్వతంత్ర అభ్యర్థిగా రాజకీయ ఆరంగ్రేటం చేసిన డీఎల్‌ను  మైదుకూరు ప్రజలు ఆదరించారు. మహానేత వైఎస్ వర్గంలో ప్రముఖుడిగా రాష్ట్ర స్థాయిలో గుర్తింపు తెచ్చుకున్నారు. ముఖ్యమంత్రిగా ఉన్న సమయంలోనే వైఎస్ అకాలమృతి చెందారు. వైఎస్ బతికి ఉన్నప్పుడు ఏనాడూ ప్రత్యక్ష్య విమర్శలకు దిగని డీఎల్ ఆయన చనిపోయాక ఆరోపణలు గుప్పించసాగారు. మంత్రి పదవి కోసమే డీఎల్  అలా చేస్తున్నట్లు పరిశీలకులు భావిస్తూ వచ్చారు. మంత్రి పదవి రాగానే దివంగత వైఎస్ కుటుంబాన్ని డీఎల్ టార్గెట్‌గా చేసుకున్నారు. మంత్రిగా అవకాశం కల్పించిన ముఖ్యమంత్రి కిరణ్ కుమార్‌రెడ్డిపై సైతం ఆరోపణలు చేశారు. డీఎల్ చర్యలు మింగుడుపడని కిరణ్ తన మంత్రివర్గంనుంచి బర్తరఫ్ చేశారు. ఇటీవలి కాలంలో వైఎస్‌పై డీఎల్ పొగడ్తలతో ముంచెత్తుతుండటం గమనార్హం.
  
 ప్రజలు ఛీత్కరించినా మారని వైనం....
  మహానేత వైఎస్‌పై విమర్శలు చేసిన డీఎల్‌కు ప్రజలు తమ తీర్పుతో బుద్ధి చెప్పినా కనువిప్పు కల్గలేదని పరిశీలకులు పేర్కొంటున్నారు.  మంత్రిగా ఉంటూ కడప పార్లమెంటు ఉప ఎన్నికలల్లో కాంగ్రెస్ పార్టీ అభ్యర్థిగా పోటీ చేసిన ఆయనకు డిపాజిట్టు ద క్కలేదు. నైతిక విలువలు పాటించే నేతలు ఎవరైనా సరే  ప్రజాతీర్పుకు విలువ ఇచ్చి మంత్రి పదవిని త్యజించేవారు. అయితే డీఎల్ ఇటువంటివాటిని ఖాతరు చేయకుండా పదవిలో కొనసాగారు.  
 
  ‘దేశం’ నేతలతో సమావేశం...
  కాంగ్రెస్ ఎమ్మెల్యేగా ఎన్నికైన డీఎల్ రవీంద్రారెడ్డి ఆపార్టీ సభ్యునిగా ఉంటూ తెలుగుదేశం నేతలతో సమావేశం నిర్వహించడాన్ని పలువురు తప్పుబడుతున్నారు. కాంగ్రెస్ పార్టీకి రాజీనామా చేసి  టీడీపీ నేతలతో జట్టు కట్టి ఉంటే కొంతలో కొంతైనా నైతికత చాటుకునే అవకాశం ఉండేదని విశ్లేషకుల అభిప్రాయం. ఏ మాత్రం రాజకీయ అనుభవం లేని టీడీపీ నేత పుట్టా సుధాకర్‌యాదవ్‌తో కలిసి స్థానిక సంస్థల అభ్యర్థుల ఎంపిక కోసం డీఎల్ సమావేశం నిర్వహించారు.  కాంగ్రెస్ పార్టీ నుంచి  సంక్రమించిన పదవిలో ఉంటూ టీడీపీ నేతలతో సమావేశం కావడం ఏమేరకు సమంజసమని పలువురు ప్రశ్నిస్తున్నారు. అంతేగాక జగన్‌పై విమర్శలు చేయడాన్ని తప్పుపడుతున్నారు. ఇటీవల రాజకీయ వైరాగ్యాన్ని ప్రదర్శించి, మీదారి మీరు చూసుకోండని అనుచరులకు హితబోధ చేసిన డీఎల్ టీడీపీ సమావేశానికి హాజరు కావడంపట్ల తెలుగు తమ్ముళ్లు ముక్కున వేలేసుకుంటున్నారు.
  


 మైదుకూరు: అనేక సంఘటనలతో రాష్ట్రం కుక్కలు చించిన విస్తరిలా తయారయిందని మాజీమంత్రి డీఎల్ రవీంద్రారెడ్డి అన్నారు. వైఎస్సార్ జిల్లా మైదుకూరులో రూ. 31 లక్షల ఉపాధి హామీ నిధులతో నిర్మించిన స్త్రీశక్తి భవనాన్ని సోమవారం డీఎల్ ప్రారంభించారు. ఈ సందర్బంగా ఏర్పాటు చేసిన సమావేశంలో ఆయన మాట్లాడుతూ వైఎస్ మరణంతో రాజకీయాలలో అనిశ్చితి ఏర్పడిందన్నారు.
 
 బలహీన సీఎం రావటం, రాష్ట్రంలోని ఇరు ప్రాంతాలలో ఉద్యమాలు చెలరేగడం ఇందుకు కారణాలన్నారు. గాంధీ పుట్టిన దేశంలో ఏమైపోతున్నామో అర్థం కావడం లేదన్నారు. తెలంగాణ బిల్లు విషయమై పార్లమెంట్‌లో జరిగిన గొడవలో ఇద్దరు ఎంపీలు సస్పెండ్‌కు గురి కాగా వారిని భగత్‌సింగ్, అల్లూరి సీతారామారాజులతో పోల్చడం సిగ్గుచేటన్నారు.


  మైదుకూరు,న్యూస్‌లైన్ : రాష్ట్ర ప్రభుత్వం ప్రతిష్టాత్మకంగా అమలు చేస్తున్న ‘అమ్మహస్తం పథకం’పై నిరసన వ్యక్తమవుతోంది. నాణ్యత లేని సరుకులు అంటగడుతున్నారని మైదుకూరులో మహిళలు ఆగ్రహం వ్యక్తం చేస్తున్నారు. ఆమేరకు పట్టణంలోని పాతూరుకు చెందిన పలువురు మహిళలు సోమవారం అమ్మహస్తం  పథక వస్తువులను పారవేశారు. ఇలా ఒకవైపు ఆందోళన చెందుతుంటే.. మరోవైపు అమ్మహస్తం పథకం అమలు చేస్తున్న చౌకడిపో డీలర్లు నాణ్యతలేని వస్తువులపై తహశీల్దారు వెంకటరెడ్డికి సోమవారం ఫిర్యాదు చేశారు. పథక వస్తువుల కొనుగోలుకు రూ.లక్షల్లో పెట్టుబడి పెట్టాల్సి వస్తోందని.. తీరా వస్తువులు కొన్నా  వాటిని తీసుకునేందుకు కార్డుదారులు విముఖత చూపుతున్నారని వాపోయారు.
  
   అమ్మహస్తం పథకం నిర్వాహణ కష్టంతో కూడుకున్నదని.. తొమ్మిది వస్తువుల్లో పసుపు, చింతపండు,కారం, గోధుమపిండి తదితర వస్తువులు వినియోగదారులు తీసుకెళ్లడం లేదని..  దీంతో ఆర్థికంగా చితికిపోతున్నామని డీలర్లు తమ గోడు  తహశీల్దారుకు విన్నవించుకున్నారు. పథకానికి చెందిన తొమ్మిదివస్తువులు తప్పని సరిగా కొనుగోలు చేస్తేనే.. రూపాయి బియ్యం ఇస్తామని డీలర్లు చెపుతుండటంతో వినియోగదారుల్లో ఆందోళన వ్యక్తమవుతోంది. పాతూరుకు చెందిన మహిళలు అమ్మహస్తం పథక వస్తువులను నిరాకరిస్తున్నారు.   చింతపండు నల్లగా ఉందని, గోధుమ పిండిలో పురుగులు ఉంటున్నాయని. కారంలో మంట లేదని, పసుపు పనికిరాదని మహిళలు ఆవేదన వ్యక్తం చేశారు. ఇలాంటి వస్తువులు  అంటిగట్టి ముఖ్యమంత్రి కిరణ్‌కుమార్‌రెడ్డి దోపిడి చేస్తున్నారని.. ఈ వస్తువులు తింటే మా ఆరోగ్యం ఏమి కావాలంటూ  మహిళలు అధికారులను ప్రశ్నిస్తున్నారు. అమ్మహస్తం పథకం సరుకులు మాకొద్దని.. బియ్యం మాత్రమే చాలని వారంటున్నారు.