TV
బంగాళఖాతంలో ఏర్పడిన అల్పపీడనం వాయుగుండంగా మారిందని విశాఖపట్నంలోని తుఫాన్ హెచ్చరికల కేంద్రం బుధవారం వెల్లడించింది. అది నెల్లూరుకు తూర్పు ఆగ్నేయంగా కేంద్రీకృతమైందని తెలిపింది. ఆ వాయుగుండం రాగల 12 గంటల్లో తీవ్ర వాయుగుండంగా మారే అవకాశం ఉందని పేర్కొంది.
ఈ నెల 15,16 తేదీల్లో నాగపట్నం, చెన్నైల మధ్య తీరం దాటే అవకాశం ఉందని తెలిపింది. ఈ నేపథ్యంలో 55 నుంచి 60 కిలోమీటర్ల వేగంతో బలమైన ఈదురుగాలులు వీచే అవకాశం ఉందని చెప్పింది. ఈ నేపథ్యంలో దక్షిణకోస్తాలో వేటకు వెళ్లవద్దని మత్స్యకారులకు విశాఖపట్నంలోని తుఫాన్ హెచ్చరికల కేంద్రం తెలిపింది.
