మరో ‘ఆనందం’తో పూర్వవైభవం?

మరో ‘ఆనందం’తో పూర్వవైభవం?

‘ఆనందం’ చిత్రంతో మంచి గుర్తింపు తెచ్చుకున్న ఆకాశ్ మళ్లీ ఆ స్థాయి విజయాన్ని ఆశిస్తూ, చేసిన చిత్రం ‘ఆనందం మళ్లీ మొదలైంది’. ‘ఆనందం’ సీక్వెల్‌గా ఆకాశ్ దర్శకత్వంలోనే ఎన్.జె. రత్నావత్ నిర్మించారు. మాజీ మిస్ ముంబయ్ ఏంజెల్ సింగ్ కథానాయికగా నటించిన ఈ చిత్రం వచ్చే నెల విడుదల కానుంది. ఈ సందర్భంగా ఆకాశ్ మాట్లాడుతూ -‘‘ఇటీవల చేసిన కొన్ని చిత్రాల వల్ల నా కెరీర్ ఆశించిన విధంగా సాగలేదు. ఈ చిత్రంతో నాకు పూర్వ వైభవం వస్తుందనే నమ్మకం ఉంది. వినోదానికి పెద్ద పీట వేస్తూ, కుటుంబ సమేతంగా రూపొందించిన చక్కని ప్రేమకథ ఇది’’ అని చెప్పారు.