TV
- నిర్భయ చట్టం కింద కేసు నమోదు
ఆదిలాబాద్: ఆదిలాబాద్ జిల్లా కేంద్రంలోని ఓ ప్రైవేటు పాఠశాలలో ఓ విద్యార్థినిపై అదే పాఠశాల ఉపాధ్యాయుడు లైంగిక వేధింపులకు పాల్పడ్డాడు. సీఐ హరిచంద్ కథనం ప్రకారం.. పట్టణంలోని గౌతమ్ మోడల్ స్కూల్‌లో టీచర్స్ కాలనీకి చెందిన ఓ విద్యార్థిని పదో తరగతి చదువుతోంది. అదే పాఠశాలలో ఉపాధ్యాయుడు దేవాసిన్ వారం రోజులుగా సదరు విద్యార్థినిని లైంగికంగా వేధిస్తున్నాడు. దీంతో విద్యార్థిని తండ్రి మహిళా పోలీసుస్టేషన్‌లో గురువారం ఫిర్యాదు చేశారు. ఈ మేరకు దేవాసిన్‌పై నిర్భయ, ఫ్యాక్సో చట్టం కింద కేసు నమోదు చేశారు.
