ఇమ్రాన్‌ ఖాన్‌.. ఒకప్పుడు చైల్డ్‌ ఆర్టిస్టుగా, తర్వాత హీరోగా హిందీలో సినిమాలు చేసిన ఈయన తర్వాత ఉన్నట్లుండి గ్లామర్‌ ప్రపంచానికి గుడ్‌బై చెప్పేశాడు. 2015లో కట్టి బట్టి అనే మూవీలో చివరిసారిగా కనిపించాడు. అతడికి ఏడాదిన్నర వయసున్నప్పుడు పేరెంట్స్‌ విడాకులు తీసుకున్నారు. తర్వాత తల్లి రాజ్‌ జుట్షి అనే నటుడిని రెండో పెళ్లి చేసుకుంది. కానీ ఈ బంధం కూడా ఎంతోకాలం నిలవలేదు. 2006లోనే విడాకులు తీసుకున్నారు.ప్రేమ పెళ్లిపెద్దయ్యాక ఇమ్రాన్‌ పరిస్థితి కూడా అదే అయ్యింది. అవంతిక అనే అమ్మాయిని ప్రేమించి 2011లో పెళ్లి చేసుకున్నాడు. వీరికి 2014లో ఓ పాప పుట్టింది. ఆమెకు ఇమారా మాలిక్‌ అని నామకరణం చేశారు. ఏమైందో ఏమో కానీ తర్వాత భార్యాభర్తల మధ్య బంధం బలహీనం కాసాగింది. 2019లో అవంతిక తన కూతుర్ని తీసుకుని భర్త ఇంటి నుంచి వెళ్లిపోయింది. అలా విడివిడిగా జీవించిన ఇద్దరూ విడాకులు తీసుకున్నారు.ఏదైనా చేస్తాతాజాగా ఇమ్రాన్‌ ఖాన్‌ తన కూతురి గురించి మాట్లాడాడు. 'నా బిడ్డ ఇమారా కోసం నేను ఏదైనా చేస్తాను. తనను చూసుకునేందుకు ఏ మనిషినీ పెట్టుకోలేదు. నేనే తనకు వంట చేసి పెడతాను. స్కూల్‌లో డ్రాప్‌ చేస్తాను. బడి అయిపోగానే తీసుకొస్తాను. నిద్రపుచ్చుతాను. మళ్లీ సినిమాల్లో ప్రయత్నించడం కంటే నా కూతుర్ని బాధ్యతగా, జాగ్రత్తగా చూసుకోవడమే బాగుంది.వారంలో నాలుగు రోజులుమరీ ముఖ్యంగా తను పెద్దయ్యాక.. మా నాన్న చిన్నప్పుడు నన్నిలా చూసుకున్నాడు, నాకోసం ఈ పని చేశాడు, తనే స్కూలు దగ్గర దిగబెట్టేవాడు అని చెప్పుకోవడానికి జ్ఞాపకాలను కూడబెడుతున్నాను. తన కస్టడీని ఇద్దరం తీసుకున్నాం. వారంలో నాలుగు రోజులు నా దగ్గర, తర్వాతి రోజులు నా మాజీ భార్య దగ్గర ఉంటుంది' అని చెప్పుకొచ్చాడు.చదవండి: సడన్‌గా ఓటీటీలోకి వచ్చేసిన తెలుగు హారర్‌ మూవీ.. స్ట్రీమింగ్‌ ఎక్కడంటే?

మహేశ్‌ బాబు 'బ్రహ్మోత్సవం' సినిమాతో చైల్డ్‌ ఆర్టిస్టుగా పరిచయమై నేడు ప్రపంచవ్యాప్తంగా గుర్తింపు దక్కించుకున్న అవంతిక వందనపు హాలీవుడ్‌లో సత్తా చాటుతుంది. తాజాగా ఆమె నటించిన హాలీవుడ్‌ సినిమా ఓటీటీలోకి వచ్చేసింది. ఈ మధ్య  టాలీవుడ్‌ ప్రేక్షలు కూడా భాషతో సంబంధం లేకుండా కంటెంట్‌ బాగుంటే అన్ని సినిమాలను చూస్తున్న విషయం తెలిసిందే. ఈ క్రమంలో అవంతిక నటించిన చిత్రం తాజాగా ఓటీటీలోకి రావడంతో అమెరికాలోని తెలుగు ప్రేక్షకులు క్రేజీగా చూస్తున్నారు. హాలీవుడ్‌లో 'మీన్‌ గర్ల్స్‌- ది మ్యూజికల్' అనే సినిమాలో అవంతిక కీలకపాత్ర పోషించింది.  జనవరి 12న  ప్రేక్షకుల ముందుకు వచ్చిన ఈ సినిమా అక్కడి ప్రేక్షకులను మెప్పించింది. ఈ చిత్రంలో ఆమె నటన పట్ల హాలీవుడ్‌ ప్రేక్షకులు ప్రశంసించారు. టీన్‌ కామెడీ చిత్రంగా వచ్చిన ఇందులో  హాలీవుడ్‌ ప్రముఖ నటులతో కలిసి అవంతిక నటించింది. ఈ చిత్రంలోని బోల్డ్‌ సాంగ్‌ ఒకటి ఇప్పటికీ కూడా నెట్టింట వైరల్‌ అవుతుంది. 'మీన్‌ గర్ల్స్‌-ది మ్యూజికల్' అనే సినిమా ఓటీటీలో మంచి రెస్పాన్స్‌ను అందుకుంటోంది. అమెజాన్ ప్రైమ్ వీడియోలో స్ట్రీమింగ్ అవుతున్న ఈ సినిమా ఇప్పటికే హాలీవుడ్‌లో ట్రెండింగ్‌ అవుంతుంది. కానీ ఈ సినిమాను ప్రస్తుతం ఇండియన్‌ ప్రేక్షకులు చూడలేరు.  ప్రస్తుతానికి అమెరికాలో మాత్రమే స్ట్రీమింగ్ అవుతోంది. త్వరలో ఇండియన్‌ ప్రేక్షకులకు కూడా యాక్సెస్‌ రావచ్చని సమాచారం.  'బ్రహ్మోత్సవం' సినిమాలో మహేశ్‌ బాబుకు చెల్లెలుగా నటించిన అవంతిక పలు వాణిజ్య ప్రకటనల్లో కూడా నటించింది. కానీ ఆ తర్వాత ఏ తెలుగు సినిమాలోనూ ఆమె కనిపించలేదు.  ప్రస్తుతం ఆమె నటించిన మరో రెండు హాలీవుడ్‌ చిత్రాలు విడుదలకు సిద్ధంగా ఉన్నాయి. వీటితో పాటు మూడు హాలీవుడ్‌ వెబ్‌ సిరీస్‌ల్లోనూ అవంతిక నటిస్తోంది. 

తెలుగు మూలలున్న అమ్మాయి. పుట్టిపెరిగింది అంతా అమెరికాలోనే అయినప్పటికీ టాలీవుడ్‌లోకి ఎంట్రీ ఇచ్చింది. మహేశ్, పవన్ కల్యాణ్ లాంటి స్టార్ హీరోల సినిమాల్లో నటించింది. పర్లేదు మంచి గుర్తింపు తెచ్చుకుంది. ఇప్పుడేమో సడన్‌గా హాలీవుడ్‌లో వరస మూవీస్ చేస్తూ బిజీ అవుతోంది. ఇంకా టీనేజీలోనే ఉన్న ఈ బ్యూటీ ఎవరో గుర్తుపట్టారా? లేదా మమ్మల్నే చెప్పేయమంటారా? పైన ఫొటోలో కనిపిస్తున్న అమ్మాయి పేరు అవంతిక వందనాపు. ఈమె తల్లిదండ్రులది హైదరాబాద్. కాకపోతే కాలిఫోర్నియాలో సెటిలైపోయారు. ఆ తర్వాత 2005లో ఈమె పుట్టింది. పదేళ్ల వయసులోనే ఈమెకి తెలుగు సినిమాల్లో ఛాన్సులొచ్చాయి. నాని 'కృష్ణగాడి వీర ప్రేమగాధ' సినిమాల్లో ఓ చైల్డ్ ఆర్టిస్టుగా అవంతికనే చేయాల్సింది గానీ కొన్ని కారణాల వల్ల చేయలేకపోయింది. అలా మహేశ్ 'బ్రహ్మోత్సవం' చిత్రంతో చైల్డ్ ఆర్టిస్టుగా ఎంట్రీ ఇచ్చింది. (ఇదీ చదవండి: రెండో రోజుకే భారీగా తగ్గిపోయిన 'గుంటూరు కారం' కలెక్షన్స్) మహేశ్ సినిమాలో నటించిన తర్వాత ఈమెకు వరస ఛాన్సులొచ్చాయి. మనమంతా, ప్రేమమ్, రారండోయ్ వేడుక చూద్దాం, బాలకృష్ణుడు, ఆక్సిజన్, అజ్ఞాతవాసి తదితర చిత్రాల్లో పలు క్యారెక్టర్స్ చేసి గుర్తింపు తెచ్చుకుంది. ఈ మధ్యలో కొన్ని యాడ్స్‌లోనూ నటించింది. వీటి తర్వాత తెలుగు చిత్రాలకు టాటా చెప్పేసిన అవంతిక.. పూర్తిగా కాలిఫోర్నియా షిఫ్ట్ అయిపోయింది.  2020 నుంచి హాలీవుడ్‌లోనే పలు సినిమాలు, ఆల్బమ్ సాంగ్స్ లాంటివి చేస్తూ గుర్తింపు తెచ్చుకునే ప్రయత్నాల్లో ఉంది. ప్రస్తుతం ఈమె వయసు 18 ఏళ్లు. కాకపోతే లేటెస్ట్ ఫొటోలు చూస్తుంటే మాత్రం అలా కనిపించట్లేదు. అలానే చైల్డ్ ఆర్టిస్టు ఫొటోలతో పోల్చి చూస్తే గుర్తుపట్టలేనంతగా మారిపోయి కనిపించింది. అందుకే ఈమెని తెలుగు ఆడియెన్స్ తొలుత గుర్తుపట్టలేకపోయారు. ఈమె ఎవరో తెలిసేసరికి అవాక్కవుతున్నారు. (ఇదీ చదవండి: సంక్రాంతి మూవీస్.. ఆమె నటిస్తే హిట్ కొట్టడం గ్యారంటీనా?) View this post on Instagram A post shared by avantika (@avantika)

స్వయంవరం చిత్రం ద్వారా ఎంట్రీ ఇచ్చిన నటుడు వేణు తొట్టెంపూడి. ఆ తర్వాత టాలీవుడ్‌లో పలు చిత్రాల్లో నటించిన  తనదైన నటనతో ప్రేక్షకులను మెప్పించాడు. దాదాపు 30కి పైగా చిత్రాల్లో నటించిన వేణు చాలా ఏళ్ల గ్యాప్ తర్వాత గతేడాది రవితేజ నటించిన రామారావు ఆన్‌ డ్యూటీ చిత్రంలో ప్రత్యేక పాత్రలో కనిపించారు. తెలుగులో చెప్పవే చిరుగాలి, పెళ్లాం ఊరెళితే, దమ్ము, గోపి గోపిక గోదావరి, హనుమాన్ జంక్షన్, శ్రీకృష్ణ 2006, చిరునవ్వుతో లాంటి చిత్రాల్లో నటించారు. (ఇది చదవండి: 'జవాన్‌' సినిమాను నిలబెట్టిన ఈ ఆరుగురు.. ఇప్పటి వరకు తీసిన సినిమాలు ఇవే) అయితే ఈ ఏడాది ఓటీటీలోకి కూడా ఎంట్రీ ఇస్తున్నారు. 2013 తర్వాత ఏ చిత్రంలోనూ లీడ్‌ రోల్‌లో కనిపించని వేణు.. ప్రస్తుతం గట్టి కమ్‌బ్యాక్ ఇచ్చేందుకు ప్రయత్నిస్తున్నారు. చాలా ఏళ్ల పాటు సినిమాలకు దూరంగా వేణు ఎంట్రీపై అభిమానుల్లో ఆసక్తి నెలకొంది.  చివరగా రవితేజ 'రామారావు ఆన్ డ్యూటీ'లో పోలీస్ అధికారిగా కనిపించిన వేణు 'అతిథి' అనే వెబ్ సిరీస్‌లో నటిస్తున్నారు. ఈ వెబ్ సిరీస్‌లో అతనికి జోడీగా అవంతిక మిశ్రా నటిస్తోంది. (ఇది చదవండి: షారుఖ్‌ ఖాన్‌ మేనేజర్‌ ఎవరో తెలుసా? జీతం తెలిస్తే షాకవ్వాల్సిందే!) అయితే ఈ సిరీస్‌కు సంబంధించి క్రేజీ అప్‌డేట్‌ వచ్చేసింది. తాజాగా అతిథి వెబ్‌ సిరీస్‌ను రిలీజ్‌ చేసిన మేకర్స్.. స్ట్రీమింగ్‌ తేదీని రివీల్ చేశారు. ఈనెల 19 నుంచి డిస్నీ ప్లస్ హాట్‌స్టార్‌లో స్ట్రీమింగ్ కానున్నట్లు వెల్లడించారు. అయితే హీరోగా ఎమోషనల్, కామెడీ తరహా సినిమాలు చేసిన వేణు.. ఇప్పుడు మాత్రం సరికొత్తగా హారర్ కాన్సెప్ట్ స్టోరీతో ప్రేక్షకుల ముందుకు రానున్నారు.   A mansion full of secrets, an unexpected guest and the story unfolds… with a twist you’ll never see coming! Are you ready for it. #ATHIDHI TRAILER OUT NOW! WATCH NOW: https://t.co/0iuJpChB9c#Athidhi streaming from SEP 19 only on @DisneyPlusHSTel #AthidhiOnHotstar… pic.twitter.com/I8XIjwVSpw — Disney+ Hotstar Telugu (@DisneyPlusHSTel) September 8, 2023

ప్రముఖ నటి ఖుష్భూ గురించి ప్రత్యేకంగా పరిచయం చేయాల్సిన పనిలేదు. తెలుగు, తమిళంలో ఎన్నో సూపర్‌ హిట్‌ చిత్రాల్లో నటించిన ఆమె తనకంటూ ప్రత్యేకమైన స్థానాన్ని సంపాదించుకుంది. సెకండ్‌ ఇన్నింగ్స్‌లోనూ రాణిస్తుంది. సినిమాల్లోనే బిజీ హీరోయిన్‌గా ఉన్న సమయంలోనే డైరెక్టర్‌ సుందర్‌తో ప్రేమలో పడిన ఖుష్భూ 1991లో అతడిని పెళ్లాడింది. వీరికి అవంతిక, అనంతిక అనే ఇద్దరు కుమార్తెలు ఉన్నారు. లండన్‌లో చదువుకుంటున్న అవంతిక ఓ వైపు చదువుకుంటూనే, మరోవైపు సోషల్‌ మీడియాలో గ్లామరస్‌ ఫోటోలతో రచ్చ చేస్తుంది. ఇన్‌స్టాలో ఈ బ్యూటీకి బాగానే ఫాలోయింగ్‌ ఉంది. ఈ క్రమంలో తరచూ తన ఫోటోలను షేర్‌ చేస్తుంటుంది. తాజాగా లండన్‌లోని ఓ కాఫీ షాపులో పొట్టి బట్టల్లో గ్లామర్‌ షో చేస్తూ ఫోటోలకు ఫోజులిచ్చింది. ప్రస్తుతం ఈ ఫోటోలు నెట్టింట వైరల్‌గా మారాయి. దీంతో ఈ లెవల్‌లో గ్లామర్‌ షో చేస్తుందంటే.. త్వరలోనే సినిమాల్లోకి వచ్చేస్తుందేమో అని కొందరు కామెంట్స్‌ చేస్తుంటే, ఇలాంటి పొట్టి బట్టలు నీకు అవసరమా? అంటూ మరికొందరు విమర్శిస్తున్నారు.    View this post on Instagram A post shared by avantika (@avantikasundar) View this post on Instagram A post shared by avantika (@avantikasundar) View this post on Instagram A post shared by avantika (@avantikasundar)

విశ్వ కార్తికేయ, శరణ్, అవంతిక, అర్చన గౌతమ్‌ హీరో హీరోయిన్లుగా సురేష్‌ లంకలపల్లి దర్శకత్వంలో తెరకెక్కిన చిత్రం ‘ఐపీఎల్‌’. బీరం వరలక్ష్మి సమర్పణలో అంకిత మీడియా హౌస్‌ బ్యానర్‌పై బీరం శ్రీనివాస్‌ నిర్మించిన ఈ సినిమా ఈ నెల 10న రిలీజ్‌ కానుంది. ఈ చిత్రం ప్రీ రిలీజ్‌ వేడుకలో నిర్మాత బెక్కం వేణుగోపాల్‌ మాట్లాడుతూ– ‘‘చిన్న చిత్రాలు హిట్‌ అయినప్పుడు సంతోషంగా ఉంటుంది. ‘ఐపీఎల్‌’ మూవీ కూడా పెద్ద హిట్‌ కావాలి’’ అన్నారు. ‘‘క్రికెట్, తీవ్రవాదం నేపథ్యంలో రూపొందిన చిత్రమిది. సినిమా బాగా వచ్చింది.. అందరూ చూడాలని కోరుకుంటున్నాను’’ అన్నారు సురేష్‌ లంకలపల్లి. ‘‘మాకు సహకరించిన ప్రతి ఒక్కరికీ థ్యాంక్స్‌’’ అన్నారు బీరం శ్రీనివాస్‌. ‘‘ఈ సినిమాలో పాటలు హిట్‌ కావడానికి కారణం మ్యూజిక్‌ డైరెక్టర్‌ వేంగి సుధాకర్‌’’ అన్నారు విశ్వ కార్తికేయ.

‘మైనే ప్యార్‌ కియా’ (తెలుగులో ‘ప్రేమ పావురాలు’) అంటూ 30 ఏళ్ల క్రితం హిందీ తెరపై సల్మాన్‌ ఖాన్‌తో భాగ్యశ్రీ కురిపించిన ప్రేమను అప్పటి తరం అంత సులువుగా మరచిపోదు. ఈ మధ్యే క్యారెక్టర్‌ ఆర్టిస్ట్‌గా రీ–ఎంట్రీ ఇచ్చారామె. ఇప్పుడు భాగ్యశ్రీ కుమార్తె అవంతిక దాసాని హీరోయిన్‌గా తెలుగు పరిశ్రమకు ఎంట్రీ ఇస్తున్నారు. బెల్లంకొండ గణేష్‌ హీరోగా నటించిన ‘నేను స్టూడెంట్‌ సార్‌!’ ద్వారా అవంతిక పరిచయం కానున్నారు. రాఖీ ఉప్పలపాటిని దర్శకుడిగా పరిచయం చేస్తూ ‘నాంది’ చిత్రనిర్మాత సతీష్‌ వర్మ ఈ చిత్రాన్ని నిర్మిస్తున్నారు. సతీష్‌ వర్మ మాట్లాడుతూ – ‘‘ఈ యాక్షన్‌ ఎంటర్‌టైనర్‌ మూవీలో శ్రుతీ వాసుదేవన్‌ అనే కాలేజీ స్టూడెంట్‌గా నటించారు అవంతిక. సినిమా షూటింగ్‌ పూర్తయింది. పోస్ట్‌ ప్రొడక్షన్‌ వర్క్‌ జరుగుతోంది’’ అన్నారు. ఈ చిత్రానికి సంగీతం: మహతి స్వర సాగర్, కెమెరా: అనిత్‌ మధాడి.   

ప్రేమలో ఉన్న అనురాగం పెళ్లి చేసుకున్నాక ఎక్కువ కాలం నిలవట్లేదు. ఈ ధోరణి సెలబ్రిటీల జీవితాల్లో ఎక్కువగా కనిపిస్తోంది. ఏళ్లపాటు ప్రేమగీతాలు పాడుకున్న తారలు పెళ్లయ్యాక మాత్రం కొన్ని సంవత్సరాలకే ముఖం చాటేస్తున్నారు. దారులు వేరంటూ విడాకులు తీసుకుంటున్నారు. తాజాగా మరో బాలీవుడ్‌ జంట విడాకులకు సిద్ధమైనట్లు తెలుస్తోంది. నిజానికి వీరు చాలాకాలంగా విడివిడిగానే జీవిస్తుండగా తాజాగా తమ బంధానికి శాశ్వతంగా ఫుల్‌స్టాప్‌ పెట్టేందుకు సిద్ధమవుతున్నట్లు ఓ వార్త ఫిల్మీదునియాలో వైరల్‌గా మారింది. కుటుంబసభ్యులు, బంధువులు, మిత్రులు ఎంతోమంది వీరిని కలపడానికి ట్రై చేసినా ఇమ్రాన్‌ మాత్రం ఒక్క మెట్టు కూడా తగ్గడం లేదట. పెళ్లి అనేది తన జీవితంలో ముగిసిన అధ్యాయమని భావిస్తున్నాడట. అతడి మనసు మారదని అర్థమైన అవంతిక బంధాన్ని తెచ్చుకోవడానికి సిద్ధమైనట్లు సమాచారం. కాగా ఇమ్రాన్‌, అవంతికలు ఎనిమిదేళ్లపాటు డేటింగ్‌ చేసిన అనంతరం 2011లో పెళ్లి చేసుకున్నారు. వీరికి ఇమారా అనే ఏడేళ్ల కూతురు ఉంది. ఇదిలా ఉంటే ఇమ్రాన్‌ ఖాన్‌ 'జానే తు యా జానే నా' సినిమాతో 2008లో ఇండస్ట్రీలో అడుగుపెట్టాడు. కిడ్నాప్‌, ఢిల్లీ బెల్లీ, ఐ హేట్‌ లవ్‌ స్టోరీస్‌, గోరీ తేరే ప్యార్‌ మే వంటి పలు చిత్రాల్లో నటించాడు. ఆయన చివరగా 2015లో కట్టి బట్టి సినిమాలో కనిపించాడు. ఆ తర్వాత సినిమాలకు గుడ్‌బై చెప్పాడు. చదవండి 👇  నా నోట్లో మన్ను కొడితే పాపం తగులుతది, పద్మశ్రీ తిరిగిచ్చేస్తా.. ఓటీటీలో సమంత, నయనతారల మూవీ, ఎప్పుడు? ఎక్కడంటే?

ఈ నెల 14న ఇమ్లీబన్‌ బస్టాండ్‌లో కిడ్నాప్‌నకు గురైన మూడేళ్ల చిన్నారి కిడ్నాప్‌ కథ సుఖాంతమైంది. వేగవంతంగా స్పందించిన పోలీసులు దాదాపు 10 గంటల్లోనే కిడ్నాపర్‌లను గుర్తించి బాలిక అవంతికను రక్షించారు. కొండాపూర్‌లోని ఓ అపార్ట్‌మెంట్‌లో వాచ్‌మెన్‌గా పనిచేస్తున్న నాగార్జున భార్య లక్ష్మితో కలిసి తమ సొంతూరు బళ్లారికి వెళ్లేందుకు శనివారం ఇమ్లీబన్‌కు వచ్చారు. ఈ క్రమంలో వారి మూడేళ్ల కుమార్తెను గుర్తు తెలియని వ్యక్తులు కిడ్నాప్‌ చేయగా అఫ్జల్‌గంజ్‌ పోలీసులను ఆశ్రయించారు. స్పందించిన పోలీసులు ఏడు టీంలుగా ఏర్పడి..సీసీ ఫుటేజీల ఆధారంగా కేసును ఛేదించారు. మహబూబ్‌నగర్‌ జిల్లాకు చెందిన సంగమోడి శివుడు, పార్వతమ్మలు కిడ్నాప్‌కు పాల్పడినట్లు గుర్తించి... మహబూబ్‌నగర్‌ రైల్వే స్టేషన్‌లో పట్టుకున్నారు. చిన్నారిని తల్లిదండ్రుల చెంతకు చేర్చారు. కేసు ఛేదన కోసం పోలీసులు ఎంతో శ్రమకోర్చినందుకు సీపీ అంజనీకుమార్‌ వారిని ప్రశంసించారు.  హిమాయత్‌నగర్‌: మూడేళ్ల చిన్నారి కిడ్నాప్‌ కేసును పోలీసులు ఎట్టకేలకు ఛేదించారు. కేవలం 10 గంటల్లోనే బాలిక ఆచూకీని గుర్తించి, నిందితులను అదుపులోకి తీసుకున్నట్లు సోమవారం నగర పోలీసు అంజనీకుమార్‌ వెల్లడించారు. తక్కువ వ్యవధిలోనే కేసును కొలిక్కి తెచ్చిన పోలీసులను ఆయన అభినందించారు. సీపీ అంజనీ కుమార్‌ చెప్పిన వివరాల ప్రకారం.. కొండాపూర్‌లోని ఓ అపార్ట్‌మెంట్‌లో నాగార్జున, లక్ష్మి దంపతులు వాచ్‌మెన్‌లు. వీరికి మూడేళ్ల కుమార్తె అవంతిక ఉంది. ఈ నెల 14న కర్ణాకటలోని బళ్లారి వెళ్లేందుకుకు నగరంలోని మహాత్మాగాంధీ బస్సుస్టాండ్‌ (ఎంజీబీఎస్‌)కు వచ్చారు. వీరితో పాటు లక్ష్మి అక్క జయలక్ష్మి కూడా ఉన్నారు. ఎంజీబీఎస్‌లో బళ్లారి బస్సెక్కారు. ఈ క్రమంలో నాగార్జునకు బళ్లారి వెళ్లేందుకు ఆసక్తి లేక బస్సు దిగేశాడు. నాగార్జునను బుజ్జగించేందుకు భార్య లక్ష్మి కూడా రావడంతో.. కొద్ది నిమిషాలకు జయలక్ష్మి కూడా కిందకు దిగింది. తనతో ఉన్న అమ్మ, నాన్న, పెద్దమ్మ ఎవరూ కనిపించకపోవండంతో.. వారిని వెతుకుతూ బాలిక అవంతిక వెళ్లింది. ఏడ్చుకుంటూ తిరుగుతున్న చిన్నారిని మహబూబ్‌నగర్‌ జిల్లా సంగినాయిపల్లి వాసులు సంగమోడి శివుడు, పార్వతమ్మలు తమ వెంట తీసుకుని పరారయ్యారు.  చదవండి: రాష్ట్రంలో కిడ్నాప్‌ల కలకలం ఆచూకీ ఇలా..  తమ కూతురు అవంతిక కనిపించకపోవడంతో నాగార్జున, లక్ష్మి దంపతులు అఫ్జల్‌గంజ్‌ పోలీసులకు ఫిర్యాదు చేశారు. ఈస్ట్‌జోన్‌ డీసీపీ కె.మురళీధర్‌ సుల్తాన్‌బజార్‌ ఏసీపీ పి.దేవేందర్‌లు రంగంలోకి దిగారు. ఎస్‌హెచ్‌ఓ ఎం.రవీందర్‌రెడ్డి, డీఐ ప్రవీణ్‌కుమార్, ఎస్సై మాన్‌సింగ్‌లు 7 జట్లుగా ఏర్పడ్డారు. సీసీ ఫుటేజీల ఆధారంగా కేసును కొలిక్కి తెచ్చారు. కేవలం 10 గంటల్లో మహబూబ్‌నగర్‌ రైల్వే స్టేషన్‌లో నిందితులిద్దరినీ అదుపులోకి తీసుకున్నారు.   వాట్సప్‌ గ్రూప్స్‌తో..    పోలీసులు ఎంజీబీఎస్, పురానాపూల్‌ ప్రాంతాల్లో వైపు వచ్చిన బస్సులను తనిఖీ చేశారు. ఆ రూట్‌లో బళ్లారి, మహబూబ్‌నగర్‌ వెళ్లే బస్సు డ్రైవర్, కండక్టర్లతో కలిసి ఎస్సై మాన్‌సింగ్‌ ఓ వాట్సప్‌ గ్రూప్‌ని క్రియేట్‌ చేశారు. ఈ గ్రూపులో కనీసం 50– 60మంది ఉన్నారు. ఎంజీబీఎస్‌లో సంగమోడి శివుడు, పార్వతమ్మలు చిన్నారి అవంతికను కిడ్నాప్‌ చేసి తీసుకెళ్తున్న సీసీ ఫుటేజీ వీడియోను పోస్ట్‌ చేశారు. వారి ఆచూకీని గుర్తించిన బస్సు డ్రైవర్, కండక్టర్లు పోలీసులకు సమాచారం ఇచ్చారు. దీంతో మహబూబ్‌నగర్‌కు చేరుకున్నారు అఫ్జల్‌గంజ్‌ పోలీసులు.  సీసీ ఫుటేజీల ఆధారంతో నిందితులను పట్టుకున్నారు.   అయిదు కేసుల్లో జైలుకు..   సంగమోడి శివుడు, పార్వతమ్మలు కూలిపనులు చేస్తుంటారు. వివాహమై ఆరేళ్లయినా వీరికి  సంతానం కలగలేదు. ఇదే క్రమంలో శివుడు సెల్‌ఫోన్‌లు చోరీ చేసి 22 నెలల పాటు, భువనగిరి పోలీసు స్టేషన్‌ పరిధిలో మరో సెల్‌ఫోన్‌ చోరీ కేసులో 6 నెలల పాటు మొత్తం 28 నెలలపాలు జైలులో ఉండి ఇటీవల విడుదలయ్యాడు. తమకు పిల్లలు లేకపోవడంతో  అవంతికను కిడ్నాప్‌ చేసినట్లు ఈస్ట్‌జోన్‌ డీసీపీ కె.మురళీధర్‌ తెలిపారు.   

బాలీవుడ్ నటుడు ఇమ్రాన్ ఖాన్ తన భార్య అవంతిక మాలిక్‌ నుంచి విడిపోయినట్లు చాలా కాలంగా వార్తలు వస్తున్నాయి. వ్యక్తిగత కారణాల వల్ల ఇమ్రాన్, అవంతిక మధ్య విబేధాలు తలెత్తడంతో ఈ జంట విడిపోతున్నట్లు వదంతులు వినిపిస్తున్నాయి. 35 ఏళ్ల ఇమ్రాన్  ఎనిమిది సంవత్సరాల క్రితం అవంతికను వివాహం చేసుకున్నాడు. ఇక గత సంవత్సరం నుంచి అవంతిక తన తల్లిదండ్రుల ఇంట్లో ఉంటున్నారు. ఇటీవల అవంతిక మాలిక్ తన కుమార్తె పుట్టినరోజును ఇమ్రాన్ ఖాన్ లేకుండా జరుపుకోవడంతో ఈ పుకార్లకు మరింత బలం చేకూరింది. అయితే ఇప్పటి వరకు ఈ విషయంపై ఎలాటి అధికారిక ప్రకటన రాలేదు. చదవండి: కంగనాకు అత్యాచార బెదిరింపు.. కాగా అవంతిక విడాకుల విషయంపై ఆమె తల్లి స్పందించారు. ఇమ్రాన్‌తో తన కూతురు వీడిపోతున్నట్లు వస్తున్న వార్తలను ఆమె ఖండించారు. అవన్నీ పుకార్లని, అలాంటిదేమైనా ఉంటే ఖచ్చింగా తెలియజేస్తామని అన్నారు. అయితే కొన్ని విభేధాలు న్నాయని, ఎప్పటికైనా అవి సర్దుమనుగాతమన తెలిపారు. తాజాగా ఆమె సోషల్‌ మీడియాలో ఓ పోస్టు చేశారు. జీవితంలో పోరాడేందుకు ఎలాంటి విషయాలను ఎంచుకోవాలనే దానిపై ఇన్‌స్టాగ్రామ్‌ వేదికగా వివరణ ఇచ్చారు. ఇందుకు ఆమె డెవాన్‌ బ్రో రచయిత కవిత్వాన్ని రీపోస్టు చేస్తూ ‘ట్రూత్‌ బాంబ్‌ అని పేర్కొన్నారు. చదవండి: ఆ మాటలకు నా ఇగో హర్ట్‌ అయ్యింది: జెనీలియా భర్త వివాహం అనే బంధం కష్టం, విడాకులు తీసుకోవడమూ కష్టమే.. ఏది కావాలో ఎంచుకోండి. బద్దకంగా ఉండటం కష్టం, ఫిట్‌గా ఉండటం కష్టం. ఎలా ఉండాలో ఎంచుకోండి.. అప్పుల్లో ఉండటం కష్టం, ఆర్టికంగా ఉన్నతంగా ఉండటం కష్టం.. ఎలా ఉండాలో నిర్ణయించుకోండి.. కమ్యూనికేషన్ చేయడం కష్టం,  కమ్యూనికేట్ చేయకపోవడం కష్టం. ఏది కావాలో తెలుసుకోండి. జీవితం ఎప్పటికీ సులభం కాదు. ఎల్లప్పుడూ కఠినంగా ఉంటుంది. కానీ మనకు కావాల్సింది  ఎంచుకోవచ్చు. తెలివిగా ఆలోచించండి’. అంటూ పేర్కొన్నారు. ఇక ఈ పోస్టుపై నెటిజన్లు స్పందిస్తూ.. మనం ఇష్టపడే వారి కోసం పోరాడాలని, ఎల్లప్పూడు సంతోషంగా ఉండాలని సూచిస్తున్నారు. 

‘ఒక రొమాంటిక్‌ క్రైమ్‌ కథ, ఒక క్రిమినల్‌ ప్రేమ కథ’ లాంటి సందేశాత్మక, కమర్షియల్‌ హిట్‌ చిత్రాలు తీసిన పి.సునీల్‌ కుమార్‌ రెడ్డి దర్శకత్వంలో తెరకెక్కిన చిత్రం ‘రొమాంటిక్‌ క్రిమినల్స్‌’. మనోజ్‌ నందన్, వినోద్, అవంతిక, దివ్య, మౌనిక ముఖ్య తారలుగా నటించారు. ఎక్కలి రవీంద్రబాబు, బి.బాపిరాజు నిర్మించిన ఈ సినిమాకి ‘ఎ’ సర్టిఫికెట్‌ వచ్చింది. బి.బాపిరాజు మాట్లాడుతూ–‘‘ముసుగుల వెనుక వున్న ముగ్గురు అమ్మాయిల రహస్యాన్ని ఆద్యంతం ఆసక్తికరంగా  తీర్చిదిద్దాం. యువతని పట్టిపీడించే వ్యసనాల ఇతివృత్తంగా ఇంజినీరింగ్‌ కాలేజ్‌ స్టూడెంట్స్‌ నేపథ్యంలో కథ సాగుతుంది. త్వరలోనే సినిమా విడుదల తేదీ ప్రకటిస్తాం’’ అన్నారు. ‘‘ఒక రొమాంటిక్‌ క్రైమ్‌ కథ, ఒక క్రిమినల్‌ ప్రేమ కథ’ చిత్రాల్ని మించిన వినోదంతో పాటు చక్కటి మెసేజ్‌ ఉంటుంది’’ అన్నారు పి.సునీల్‌ కుమార్‌ రెడ్డి. ఈ చిత్రానికి సంగీతం: సుధాకర్‌ మారియో, సహనిర్మాతలు: వైద్యశ్రీ డాక్టర్‌ ఎల్‌ఎన్‌ రావు, డాక్టర్‌ కె.శ్రీనివాస్‌.

‘ఒక రొమాంటిక్‌ క్రైమ్‌ కథ, ఒక క్రిమినల్‌ ప్రేమకథ’ లాంటి సందేశాత్మక కమర్షియల్‌ హిట్‌ చిత్రాలు తీసిన  పి.సునీల్‌ కుమార్‌ రెడ్డి దర్శకత్వంలో రూపొందిన తాజా చిత్రం ‘రొమాంటిక్‌ క్రిమినల్స్‌’. మనోజ్‌ నందన్, వినోద్, అవంతిక, దివ్య, మౌనిక ముఖ్య తారలుగా శ్రీ లక్ష్మి పిక్చర్స్, శ్రావ్యా ఫిలింస్‌ బ్యానర్లపై ఎక్కలి రవీంద్రబాబు, బి.బాపిరాజు నిర్మించిన ఈ సినిమా పోస్ట్‌ ప్రొడక్షన్‌ కార్యక్రమాలు శరవేగంగా జరుగుతున్నాయి. బి.బాపిరాజు మాట్లాడుతూ– ‘‘మా బ్యానర్స్‌లో గతంలో విడుదలైన ‘ఒక రొమాంటిక్‌ క్రైమ్‌ కథ, ఒక క్రిమినల్‌ ప్రేమకథ’ చిత్రాలకు సీక్వెల్‌గా ‘రొమాంటిక్‌ క్రిమినల్స్‌’ తెరకెక్కించాం. ముసుగుల వెనుక ఉన్న ముగ్గురు అమ్మాయిల రహస్యాన్ని ఆద్యంతం ఆసక్తికరంగా తీర్చిదిద్దాం. యువతని పట్టిపీడించే వ్యసనాల ఇతివృత్తంగా ఇంజినీరింగ్‌ విద్యార్థుల నేపథ్యంలో ఈ కథ సాగుతుంది’’ అన్నారు. ‘‘ఒక రొమాంటిక్‌ క్రైమ్‌ కథ, ఒక క్రిమినల్‌ ప్రేమకథ’ చిత్రాలను మించిన వినోదంతో పాటు సమాజానికి మంచి మెసేజ్‌ ఈ చిత్రంలో ఉంటుంది. త్వరలో పాటలు విడుదల చేసి, మేలో సినిమాని రిలీజ్‌ చేసేందుకు నిర్మాతలు ప్లాన్‌ చేస్తున్నారు’’ అన్నారు సునీల్‌ కుమార్‌ రెడ్డి. ఈ చిత్రానికి సంగీతం: సుధాకర్‌ మారోయో, కెమెరా: ఎస్‌.వి. శివరామ్, సహనిర్మాతలు: వైద్యశ్రీ డాక్టర్‌ ఎల్‌ఎన్‌ రావు, డాక్టర్‌ కె.శ్రీనివాస్‌.

‘‘అమెరికాలో ఉద్యోగం చేస్తున్న ప్రశాంత్‌ సినిమా మీద ప్యాషన్‌తో ‘ప్రాణం ఖరీదు’ చిత్రంలో హీరోగా నటించాడు. ఈ చిత్రం చూసాను. ప్రశాంత్‌ బాగా నటించాడు. మరో మంచి నటుడు ఇండస్ట్రీకి వస్తున్నాడు. చిన్న సినిమాలను అందరూ ప్రోత్సహించాలి’’ అని నిర్మాత కె.ఎల్‌.దామోదర ప్రసాద్‌ అన్నారు. ప్రశాంత్, అవంతిక జంటగా పియల్‌కె రెడ్డి దర్శకత్వంలో తెరకెక్కిన చిత్రం ‘ప్రాణం ఖరీదు’. ఎన్‌యస్‌ క్రియేషన్స్‌ పతాకంపై నల్లమోపు సుబ్బారెడ్డి నిర్మించిన ఈ సినిమా త్వరలో విడుదలకానుంది. ‘వందేమాతరం’ శ్రీనివాస్‌ స్వరపరచిన ఈ చిత్రం పాటలను నిర్మాత కె.యల్‌.దామోదర ప్రసాద్‌ విడుదలచేశారు. పియల్‌కె రెడ్డి మాట్లాడుతూ– ‘‘సస్పెన్స్‌ యాక్షన్‌ థ్రిల్లర్‌గా రూపొందిన చిత్రమిది. సుబ్బారెడ్డిగారు అన్నివిధాలా సహకరించి సపోర్ట్‌ చేశారు. శ్రీనివాస్‌ మంచి పాటలు ఇచ్చారు. యాక్షన్, సెంటిమెంట్‌ సీన్స్‌లో ప్రశాంత్‌ బాగా నటించాడు. మేము ఊహించిన దానికంటే అవంతిక బాగా చేశారు’’ అన్నారు.  ‘‘సినిమా బాగా వచ్చింది. ప్రేక్షకులను ఎంటర్‌టైన్‌చేసేలా ఉంటుంది’’ అని నల్లమోపు సుబ్బారెడ్డి అన్నారు. ‘‘మా సినిమా ఎవర్నీ నిరుత్సాహ పరచదు’’ అన్నారు ప్రశాంత్‌. ‘‘ప్రాణం ఖరీదు’ నా మూడో చిత్రం. ఈ సినిమాలో మంచి పాత్ర చేశాను’’ అని అవంతిక చెప్పారు.

‘‘ప్రాణం ఖరీదు’ సినిమా టీజర్, ట్రైలర్‌ చాలా ఆసక్తిగా ఉన్నాయి. ఈ రోజుల్లో బాగా చదువుకున్నవాళ్లు, అమెరికాలో ఉద్యోగాలు చేస్తున్న వాళ్లు కూడా మంచి ఆలోచనలు, చక్కటి కథ, స్క్రీన్‌ప్లేతో ఇండస్ట్రీకి వస్తున్నారు.. వారందరికీ స్వాగతం. ‘ప్రాణం ఖరీదు’ చిత్రాన్ని చిన్నదిగా చూడొద్దు. మంచి సినిమాలను ఆదరిస్తే ఇంకా మంచి కుర్రోళ్లు హీరోలుగా, డైరెక్టర్‌గా, రైటర్స్‌గా వస్తారు’’ అని దర్శకేంద్రుడు కె. రాఘవేంద్రరావు అన్నారు. ప్రశాంత్, అవంతిక జంటగా తారకరత్న ముఖ్య పాత్రలో పి.ఎల్‌.కె. రెడ్డి దర్శకత్వంలో తెరకెక్కిన చిత్రం ‘ప్రాణం ఖరీదు’. పద్మప్రియ సమర్పణలో నల్లమోపు సుబ్బారెడ్డి నిర్మించిన ఈ సినిమా ట్రైలర్‌ని కె.రాఘవేంద్రరావు విడుదల చేశారు. ప్రశాంత్‌ మాట్లాడుతూ–‘‘నేను అడగ్గానే పెద్ద మనసుతో మా ‘ప్రాణం ఖరీదు’ సినిమా ట్రైలర్‌ని రిలీజ్‌ చేసి, మమ్మల్ని ఆశీర్వదించిన రాఘవేంద్రరావుగారికి కృతజ్ఞతలు. మా టీమ్‌ ఎంతో కష్టపడి విరామం లేకుండా ఇండియాలో ఈ సినిమా చిత్రీకరించాం. ఈ నెల 15న చిత్రం విడుదలకు సన్నాహాలు చేస్తున్నాం’’ అన్నారు. షఫి, జెమినీ సురేష్,‘చిత్రం’ శ్రీను, ఫణి రాజమౌళి, సంజన,  కెమెరా: మురళి మోహన్‌ రెడ్డి, సంగీతం: ‘వందేమాతరం’ శ్రీనివాస్‌.

ప్రశాంత్, అవంతిక జంటగా నందమూరి తారకరత్న ముఖ్య పాత్రలో పి.ఎల్‌.కె. రెడ్డి దర్శకత్వంలో తెరకెక్కిన చిత్రం ‘ప్రాణం ఖరీదు’. పద్మప్రియ సమర్పణలో యన్‌. ఎస్‌ క్రియేషన్స్‌ పతాకంపై నల్లమోపు సుబ్బారెడ్డి నిర్మించిన ఈ చిత్రం సాంగ్‌ టీజర్‌ని సంగీత దర్శకుడు ‘వందేమాతరం’ శ్రీనివాస్‌ విడుదల చేశారు. అనంతరం ఆయన మాట్లాడుతూ– ‘‘ప్రాణం ఖరీదు’ చిత్రానికి నేనే సంగీతం అందించాను. ఇందులోని రెండు పాటల టీజర్స్‌ని నా చేతుల మీదుగా విడుదల చేయడం చాలా ఆనందంగా ఉంది. నేను  టీజర్‌ చూశా. సస్పెన్స్‌ థ్రిల్లర్‌ మూవీని క్రియేట్‌ చేశారనిపించింది. త్వరలో సినిమా ప్రేక్షకుల ముందుకు రానుంది’’ అన్నారు. ‘‘మా ‘ప్రాణం ఖరీదు’ చిత్రానికి ‘వందేమాతరం’ శ్రీనివాస్‌గారి మ్యూజిక్‌ చాలా హెల్ప్‌ అయింది. అన్ని కార్యక్రమాలు పూర్తయ్యాయి. అతి త్వరలో విడుదల కానుంది’’ అన్నారు ప్రశాంత్‌. ‘‘మా సినిమాని అందరూ చూసి ఆశీర్వదించాలి’’ అని అవంతిక అన్నారు. షఫి, జెమినీ సురేష్, ‘చిత్రం’ శ్రీను, ఫణి రాజమౌళి, సంజన నటించిన ఈ చిత్రానికి కెమెరా: మురళీ మోహన్‌ రెడ్డి.

తమిళసినిమా: భిన్నమైన భావాల యువతి, యువకుల మధ్య ప్రేమ ఇతివృత్తంతో తెరకెక్కిన చిత్రం ‘రీల్‌’ అని ఆ చిత్ర దర్శకుడు మునుస్వామి తెలిపారు. శ్రీ మురుగన్‌ మూవీ మేకర్స్‌ సంస్థ నిర్మిస్తున్న ఈ చిత్రంలో మలయాళ నటుడు ఉదయరాజ్, నటి అవంతిక హీరోహీరోయిన్లుగా నటించారు. విజయ్‌ టీవీ ఫేమ్‌ శరత్‌ ఒక ముఖ్య పాత్రను పోషించారు. ఈ చిత్రానికి సంగీతం సంతోష్‌చంద్రన్‌ అందించగా నేపథ్య సంగీతాన్ని అచ్చు రాజామణి అందించారు. నోబెల్‌ ఛాయాగ్రహణను అందించారు. నిర్మాణ కార్యక్రమాలు పూర్తి చేసుకున్న ఈ చిత్రం త్వరలోనే విడుదలకు సిద్ధం అవుతోంది. ఈ సందర్భంగా చిత్ర యూనిట్‌ సోమవారం చెన్నైలోని ప్రసాద్‌ 70 ఎంఎం థియేటర్‌లో విలేకరులతో ముచ్చటించారు. ఈ సందర్భంగా దర్శకుడు చిత్ర వివరాలను తెలుపుతూ జీవితంలో లక్ష్యం లేని యువకుడికీ, పేదరికంలో పుట్టిన యువతికి మధ్య పరిచయం, ప్రేమ ఇతివృత్తమే రీల్‌ చిత్రం అని తెలిపారు. పల్టెటూరుకు చెందిన కథానాయకి సిటీకి వచ్చి కొందరు బడాబాబుల కంట పడి సమస్యల్లో చిక్కుకుంటే ఆమెను కథానాయకుడు ఎలా కాపాడాడు? అన్నదే చిత్ర సింగిల్‌ లైన్‌ కథ అని చెప్పారు. చిత్రంలో చివరి 20 నిమిషాలు ప్రేక్షకులకు వినూత్న అనుభూతిని కలిగిస్తుందని దర్శకుడు తెలిపారు. కథానాయకుడు ఉదయరాజ్‌ మాట్లాడుతూ కేరళాకు చెందిన తనకు తమిళంలో నటించాలన్న కోరిక చాలాకాలంగా ఉందని చెప్పారు. తాను ఇంతకు ముందు 10 లఘు చిత్రాల్లో నటించానని, అందులో ఒక లఘు చిత్రాన్ని చూసి ఈ చిత్ర దర్శక,నిర్మాతలు పిలిచి హీరోగా అవకాశం ఇచ్చారని నటుడు ఉదయరాజ్‌ చెప్పారు. చిత్ర నిర్మాణం పూర్తయ్యిందని ఈ నెలలోనే చిత్రాన్ని విడుదల చేయడానికి సన్నాహాలు చేస్తున్నట్లు దర్శకుడు తెలిపారు. 

చిరంజీవి తొలి చిత్రం ‘ప్రాణం ఖరీదు’. కె.వాసు దర్శకత్వంలో తెరకెక్కిన ఈ చిత్రం 1978లో విడుదలై మంచి విజయం అందుకుంది. ఇప్పుడు అదే పేరుతో ఓ సినిమా రూపొందడం విశేషం. ప్రశాంత్, అవంతిక జంటగా నందమూరి తారకరత్న ముఖ్య పాత్రలో పి.ఎల్‌.కె. రెడ్డి దర్శకత్వంలో తెరకెక్కిన చిత్రం ‘ప్రాణం ఖరీదు’. పద్మప్రియ సమర్పణలో యన్‌.ఎస్‌ క్రియేషన్స్‌ పతాకంపై నల్లమోపు సుబ్బారెడ్డి నిర్మించిన ఈ సినిమా నిర్మాణానంతర కార్యక్రమాలు పూర్తి చేసుకుని, సెన్సార్‌ నుంచి యు/ఎ సర్టిఫికెట్‌ పొందింది. నల్లమోపు సుబ్బారెడ్డి మాట్లాడుతూ– ‘‘అన్ని వర్గాల ప్రేక్షకులను అలరించే అంశాలతో తెరకెక్కిన చిత్రమిది. ‘ప్రాణం ఖరీదు’ ఎంత? ఆ టైటిల్‌ ఎందుకు పెట్టామన్నది సినిమా చూస్తే అర్థమవుతుంది. మా సినిమా బాగుందంటూ సెన్సార్‌ సభ్యులు అభినందించడం మాకు మరింత ఆనందాన్ని ఇచ్చింది. మూవీని త్వరలో ప్రేక్షకుల ముందుకు తీసుకురావడానికి సన్నాహాలు చేస్తున్నాం’’ అన్నారు. ఈ చిత్రానికి కెమెరా: మురళీ మోహన్‌ రెడ్డి, సంగీతం: ‘వందేమాతరం’ శ్రీనివాస్‌.

క్రాంతి, పృథ్వీ హీరోలుగా, అవంతిక హీరోయిన్‌గా తెరకెక్కుతోన్న చిత్రం ‘ఎటువైపో నీ పరుగు’. మద్దినేని రమేష్‌ బాబు దర్శకత్వంలో సాయిశాన్వి క్రియేషన్స్‌ పతాకంపై వి.అలేఖ్య, పి.రాంబాబు  నిర్మిస్తున్న ఈ చిత్రం హైదరాబాద్‌లో ప్రారంభమైంది. హీరోహీరోయిన్లపై తీసిన తొలి సన్నివేశానికి నిర్మాత దామోదరప్రసాద్, డైరెక్టర్‌ శ్రీవాస్‌ కెమెరా స్విచ్చాన్‌ చేయగా, డైరెక్టర్‌ భీమనేని శ్రీనివాసరావు క్లాప్‌ ఇచ్చారు. మరో దర్శకుడు వి.సాగర్‌ గౌరవ దర్శకత్వం వహించారు. మద్దినేని రమేష్‌ బాబు మాట్లాడుతూ– ‘‘ఇద్దరు అబ్బాయిలు, ఒక అమ్మాయి మధ్య సాగే ముక్కోణపు ప్రేమకథా థ్రిల్లర్‌ చిత్రమిది. హైదరాబాద్, వైజాగ్‌లలో షూటింగ్‌ జరుపుతాం. డిసెంబర్‌కి చిత్రీకరణ పూర్తిచేసి, ఫిబ్రవరిలో సినిమా విడుదల చేస్తాం’’ అని చెప్పారు. ‘‘మంచి కథాబలం ఉన్న ఈ చిత్రంలో నటించే అవకాశం రావడం సంతోషంగా ఉంది’’ అన్నారు పృ«థ్వీ, క్రాంతి. అవంతిక, చదలవాడ శ్రీనివాసరావు, పోకూరి బాబూరావు, కల్యాణ్‌కృష్ణ, టి.ప్రసన్నకుమార్, సంగీత దర్శకుడు వి.కిరణ్‌ కుమార్, మాటల రచయితలలో ఒకరైన శ్రీనివాస్‌ పాల్గొన్నారు. ఈ చిత్రానికి కెమెరా: వెంకట్‌ మన్నం.  

హాస్యనటుడు పృథ్వీరాజ్‌ ప్రధాన పాత్రలో రామకృష్ణ, అవంతికా జంటగా నటించిన చిత్రం ‘ఆనందం అంబరమైతే’. ఈరంకి సుబ్బుని దర్శకునిగా పరిచయం చేస్తూ బుద్దాల సత్యనారాయణ నిర్మించిన ఈ సినిమా పోస్ట్‌ ప్రొడక్షన్‌ పనులు జరుగుతున్నాయి. ఈరంకి సుబ్బు మాట్లాడుతూ– ‘‘మనిషి జీవితంలో మంచి, చెడు రెండూ ఉంటాయి. అనుకున్నది సాధించినప్పుడు ఆనందం అంబరాన్ని తాకడం సహజం. ఈ నేపథ్యంలో తెరకెక్కించిన చిత్రమిది. పూర్తి పల్లెటూరి నేపథ్యంలో  ఉంటుంది. గోదావరి తీరంలో ఎప్పుడూ చూడని లొకేషన్స్‌లో చిత్రీకరించాం. ఇటీవల విడుదల చేసిన పాటలకు మంచి స్పందన వచ్చింది’’ అన్నారు. ‘‘మా సినిమా ప్రేక్షకులకు నచ్చేలా ఉంటుంది. శ్రీకృష్ణ సంగీతం సినిమాకు హైలెట్‌’’ అన్నారు బుద్దాల సత్యనారాయణ. ఈ చిత్రానికి కెమెరా: చైతన్య వనపల్లె, సహనిర్మాత: బుద్దాల హైమావతి.


 సౌత్ ఇండస్ట్రీలో గ్లామర్‌కి కేరాఫ్ అడ్రస్‌గా మారిన హీరోయిన్ మిల్కీబ్యూటీ తమన్నా. కెరీర్ స్టార్టింగ్ నుంచి ఇప్పటివరకు ఎక్కువగా గ్లామర్ రోల్స్ మాత్రమే చేస్తూ వస్తున్న ఈ బ్యూటీ తొలిసారిగా బాహుబలి సినిమాలో డిఫరెంట్ క్యారెక్టర్‌తో ఆకట్టుకుంది. అదే జోరులో ఇప్పుడు మరో ప్రయోగానికి రెడీ అవుతోంది. తమిళంలో తెరకెక్కుతున్న ఓ హర్రర్ సినిమాలో దెయ్యంగా నటించడానికి అంగీకరించిందట మిల్కీ బ్యూటీ.
 
 ఇప్పటికే హన్సిక, నయనతార లాంటి టాప్ హీరోయిన్లు దెయ్యాలుగా భయపెట్టడంతో తాను కూడా అదే ఫార్ములాతో హిట్ కొట్టాలని భావిస్తోంది. కోలీవుడ్‌లో ఆసామి సినిమాతో సెన్సేషన్ క్రియేట్ చేసిన ఆండాల్ రమేష్ దర్శకత్వంలో హర్రర్ సినిమాకు రెడీ అవుతోంది తమన్నా. గతంలో హర్రర్ సినిమాలో నటించిన తారలు కాకుండా కొత్తవారితో సినిమా చేయాలని భావించిన రమేష్ తమన్నాను సంప్రదించాడట. చాలా రోజులుగా డిఫరెంట్ రోల్స్ కోసం వెయిట్ చేస్తున్న మిల్కీ బ్యూటీ కూడా ఈ పాత్రలో నటించడానికి ఇంట్రస్ట్ చూపిస్తోంది. త్వరలోనే ఈసినిమాకు సంబందించిన అఫీషియల్ ఎనౌన్స్ మెంట్ వెలువడనుంది.


  ఓ దేవత దివి నుంచి దారి తప్పి భువికి దిగివచ్చిన ట్టుంది కదూ! ఈ స్టిల్ చూసిన వారెవరికైనా ఇలాగే అనిపిస్తుంది. ‘బాహుబలి’ సినిమాలోని తమన్నా స్టిల్ ఇది. ఈ సినిమాలో ఆమె పాత్ర పేరు అవంతిక. సోమవారం ఈ స్టిల్‌ను దర్శకుడు రాజమౌళి ట్విట్టర్‌లో విడుదల చేశారు. పగతో రగిలిపోయే ఓ అమాయకమైన యువతిగా, ఓ రహస్యాన్ని తన మదిలోనే బందీ చేసుకున్న యువతిగా ఈ పాత్రను రాజమౌళి అభివర్ణించారు. ప్రభాస్, అనుష్క, రానా ముఖ్య పాత్రధారులుగా నటిస్తున్న ఈ ‘బాహుబలి’ చిత్రాన్ని అర్కా మీడియా పతాకంపై కె. రాఘవేంద్రరావు సమర్పణలో శోభు యార్లగడ్డ, ప్రసాద్ దేవినేని
  నిర్మిస్తున్నారు.
 
  


 వీకెండ్ పార్టీలను మాత్రమే కాదు. వర్కవుట్‌ని కూడా షేర్ చేసుకుంటేనే పర్ఫెక్ట్ కపుల్. హార్ట్ బీట్ లాంటి అమ్మాయో, అబ్బాయినో పార్ట్‌నర్‌గా మార్చుకుని 1, 2, 3 అని కౌంట్ చేస్తూ కసరత్తులు చేసేస్తుంటే... ‘జిమ్’దగీ కే లియే... బస్  ఏక్ సనమ్ చాహియే ఆషికీ కేలియే’పాట విన్నంత హ్యాపీ. ఆ హ్యాపీనెస్‌లో వర్కవుట్స్ అలసట అంతా దూ.పి... అదేనండీ దూది పింజే... పైగా బోలెడంత ఫన్ కూడాను.  ప్రత్యేకంగా సిటీప్లస్ కోసం ‘మాయ’ సినిమా జంట హర్షవర్ధన్ రాణే, అవంతికలు వర్కవుట్‌కు ఫన్ మిక్స్ చేసి చేసిన ఫిట్ అండ్ ఫన్ ఫీట్లివి.
  
  బెంచ్‌ప్రెస్ చేసేటప్పుడు బార్‌బెల్‌కి వెయిట్ వేసుకుని చేస్తారు. అయితే ఇక్కడ నేలనే బెంచ్ చేసుకుని అమ్మాయినే వెయిట్‌గా మార్చుకున్నాడీ అబ్బాయి.
  
  లైట్‌వెయిట్ డంబెల్‌ను అమ్మాయి, సరిపడా వెయిట్ డంబెల్‌ను అబ్బాయి అందుకున్నారు. ఒకరినొకరు ఎంకరేజ్ చేసుకుంటూ మిర్రర్‌లో తమ బ్యూటీఫుల్ ఫిజిక్‌లను చూసుకుంటూ చేస్తే ఎన్ని లిఫ్టేషన్స్  చేసినా అలసట రాదని చెబుతున్నారీ జంట.
  
  ఇన్‌స్పిరేషన్ ఇంపార్టెంట్. ఏ పనికైనా. అందులో గాల్‌ఫ్రెండే ట్రైనర్ పోస్ట్‌లోకి వచ్చి ఎంకరేజ్ చేస్తుంటే  అబ్బాయి ఆగుతాడా? బైసప్‌ని షేపప్ చేసేయ్యడూ...
   స్ట్రెచ్చింగ్  ఎక్సర్‌సైజ్ కలసి చేసే ప్రయత్నంలో చేతిలో స్విస్‌బాల్‌ను కూడా పట్టుకుని  బాడీని విభిన్న రకాలుగా స్ట్రెచ్ చేస్తున్నారీ బ్యూటీఫుల్ కపుల్.
  
  వర్కవుట్స్ చేసిన తర్వాత  ఎనర్జిటిక్‌గా. కొండల్ని పిండిచేసేంత శక్తి వచ్చినట్టుంటుంది. ఆ సమయంలో కిక్ బాక్సింగ్ లాంటి మార్షల్ ఆర్ట్స్‌ను ట్రై చేస్తే.. ఫన్‌కి ఫన్, ఫిట్‌నెస్‌కి ఫిట్‌నెస్.  
  
  వర్కవుట్స్ అన్నీ అయిపోయాక ఇద్దరూ ఒకేసారి బాడీని స్ట్రెచ్ చేయడానికి ఇదేదో మంచి ఐడియా అనిపిస్తుంది కదూ...
  
  (వీటిలో కొన్ని ఫీట్లు కసరత్తుల్లో కాకలు తీరినవారు మాత్రమే చేసేవి.
  జస్ట్... సరదా కోసం, కపుల్ కంబైన్డ్‌గా చేస్తే కలిగే హ్యాపీనెస్‌ను
  తెలిపేందుకు మాత్రమే ఇవి తప్ప ట్రై చేయమని చెప్పడానికి కాదు.)  
  జిమ్ కర్టెసీ: హెలియోస్, జూబ్లీహిల్స్
  - ఎస్.సత్యబాబు