మత్స్యావతారం ధరించిన విష్ణువు సోమకుని సంహరించి వేదాలను తిరిగి బ్రహ్మకు అప్పగించిన సందర్భంగా ‘ఉగాది’ ఆచరణలోకి వచ్చిందని పురాణప్రతీతి. బ్రహ్మదేవుడు ఈ జగత్తును చైత్ర మాస శుక్లపక్ష ప్రథమ దినాన సూర్యోదయ వేళ సమగ్రంగా సృష్టించాడంటారు. అంటే కాలగణనాన్ని గ్రహ, నక్షత్ర, ఋతు, మాస, వర్ష, వర్షాధికులను బ్రహ్మదేవుడు ఈనాడు ప్రవర్తింప చేసాడన్నది పెద్దల భావన. అంతేకాదు, వసంత ఋతువు కూడా అప్పుడే మొదలవుతుంది. అందుకే కొత్త జీవితానికి గుర్తుగా ఉగాది పండుగను జరుపుకొంటారు. ఇతర విశేషాలు ఈ రోజు కొత్తగా పనులు మొదలు పెట్టడం, కొత్తగా కార్యక్రమాలు ప్రారంభించడం మంచిది  కృతయుగంలో కార్తీకశుద్ధ అష్టమి రోజున ఉగాది జరుపుకునేవారు. త్రేతా యుగంలో వైశాఖ శుద్ధ తదియ రోజున ఉగాది జరుపుకునేవారు. ద్వాపరయుగంలో మాఘశుద్ధ అమావాస్య రోజున ఉగాది జరుపుకునే వారు. శ్రీరాముడు, విక్రమాదిత్యుడు, శాలివాహనుడు పట్టాభిషిక్తులయినది చైత్ర శుద్ధ పాడ్యమి రోజుననే. వరాహమిహిరుడు పంచాంగాన్ని జాతికి అంకితం చేసింది చైత్ర శుద్ధ పాడ్యమి రోజుననే. ఇంటికి ఉగాది కళ.. ఏడాది మొత్తం ఆనందంగా, ఆరోగ్యంగా ఉండాలని గుర్తు చేసే పండగ ఉగాది. కుటుంబసభ్యుల కలయికలో ఆనందం, షడ్రుచుల పచ్చడితో ఆరోగ్యం తెలియజేసే ఈ పండగ వసంతరుతువు ్ర΄ారంభానికి సూచికగానూ జరుపుకుంటారు. శోభకృత్‌నామ సంవత్సరాన్ని శోభాయమానంగా అలంకరించడానికి..  స్వాగతించే రంగోలి  అందమైన ముగ్గుల అలంకరణకు ఎంత శ్రద్ధ పెడతామో మనందరికీ తెలిసిందే. మరింత అందంగా తక్కువ సమయంలో అందరినీ ఆకట్టుకునే రంగోలిని తీర్చలేమనుకునేవారు  రెడీమేడ్‌ డిజైనర్‌ రంగోలీలను కూడా ఎంపిక చేసుకోవచ్చు.   డోర్‌ హ్యాంగింగ్స్‌  మెయిన్‌ డోర్‌ ఇంటికి శక్తిని, శుభాన్ని ఆహ్వానిస్తుంది. మనవైన హస్తకళలు లేదా ఛాయా చిత్రాలని ఉపయోగించవచ్చు. సంప్రదాయ వేడుక కాబట్టి ఇత్తడి డోర్‌బెల్స్‌ను అలంకరిస్తే ప్రత్యేక కళతో పాటు ఆ మువ్వల సవ్వడి ఆనందాన్ని ఇస్తుంది.  మామిడి, వేప శుభసూచికగా గుమ్మానికి మామిడి, వేప ఆకులతో తోరణం కడతారు. అలాగే, గుమ్మానికి ఒక వైపు చిన్న అరటి చెట్టును జోడించడం ఈ రోజును మరింత శుభ ప్రదంగా మార్చేస్తుంది. లేదంటే ఆర్టిఫిషియల్‌ అరటి చెట్టును కూడా వాడచ్చు.   లైటింగ్‌ పండగ అలంకరణలో ప్రత్యేక స్థానాలు వంటగది, పూజ గది. ఈ రెండు ప్లేసుల్లో లైటింగ్‌ డల్‌గా ఉండే అవకాశాలు ఉంటాయి. అందుకని, ఈ ప్రత్యేకమైన రోజున లైటింగ్‌ విషయంలో శ్రద్ధ తీసుకుంటే కాంతిమంతంగా ఉంటాయి.  హ్యాంగింగ్స్‌ వాల్‌ పేపర్లు, సంప్రదాయ వాల్‌ హ్యాంగింగ్స్, పూల దండలను వేలాడదీయడం వంటి మరిన్ని అందుబాటులో ఉండే అలంకరణ వస్తువులను ఎంచుకోవచ్చు. సువాసన గల ఇండోర్‌ ΄్లాంట్‌ డెకొరేషన్‌ కూడా పండగ కళను పెంచుతుంది.  పండగ చేసుకుంటారిలా... సూర్యోదయానికంటే ముందే నిద్రలేచి గుమ్మానికి మామిడాకుల తోరణాలు కట్టాలి. తలకు నువ్వుల నూనె పట్టించి నలుగు పెట్టుకుని స్నానం చేసి,  కొత్త బట్టలు లేదా శుభ్రమైన ఉతికిన దుస్తులు ధరించాలి. తెలుపు రంగు లేదా ఈ సంవత్సరం ఉగాది బుధవారం వచ్చింది కాబట్టి వీలయితే బుధుడికి ఇష్టమైన ఆకుపచ్చ రంగు వస్త్రాలు ధరించడం మంచిది. పాలు పొంగించి, పిండి వంటలు సిద్ధం చేసి. ఇష్టదైవాన్ని పూజించాలి. తయారు చేసుకున్న వంటకాలను నైవేద్యంగా సమర్పించాలి. అల్పాహారం కంటే ముందుగా తీపి, పులుపు, కారం, ఉప్పు, వగరు, చేదు అనే ఆరు రుచులు కలసిన ఉగాది పచ్చడి తినాలి. సంవత్సరం ΄÷డుగునా ఎదురయ్యే మంచి చెడులను, కష్ట సుఖాలను సంయమనంతో స్వీకరించాలన్న సందేశాన్ని ఉగాది పచ్చడి ఇస్తుంది. ఉగాది రోజున పంచాంగ శ్రవణం వింటే మంచిదని పెద్దలు చెబుతారు. ఆదాయ వ్యయాలు, రాజ పూజ్య అవమానాలు, కందాయ ఫలాలు, రాశి ఫలాలు తెలియజెప్పే  పంచాంగం వినటం ఆనవాయితీ. పల్లెల్లో రైతులు ఉగాది రోజున అక్కడి దేవాలయం వద్ద చేరి, పురోహితుడిని రప్పించి, తమ వ్యవసాయానికి ఏ కార్తెలో వర్షం పడుతుంది? గ్రహణాలు ఏమైనా ఉన్నాయా? ఏరువాక ఎప్పుడు సాగాలి? వంటివన్నీ అడిగి తెలుసుకుంటారు. ఉగాది రోజున కవి సమ్మేళనాలు జరగడం పరిపాటి.  పచ్చడి ఇలా పచ్చి మామిడికాయ – ఒకటి (మీడియం సైజు) వేప పువ్వు – టేబుల్‌ స్పూన్‌ (తొడిమలు ఒలిచినది) కొత్త చింతపండు – నిమ్మకాయంత (రసం చిక్కగా తీసుకోవాలి) బెల్లం తురుము – 2 టేబుల్‌ స్పూన్‌లు ఉప్పు – పావు టీ స్పూన్‌ మిరియాలు లేదా మిరియాల పొడి – అర టీ స్పూన్‌.   తయారీ: పచ్చి మామిడి కాయను శుభ్రంగా కడిగి చెక్కు తీయకుండా సన్నగా ముక్కలు తరగాలి. ఇందులో వేప పువ్వు, చింతపండు రసం, బెల్లం తురుము, ఉప్పు, పచ్చిమిర్చి వేసి కలపాలి. షడ్రుచుల ఉగాది పచ్చడి రెడీ. రుచి కోసం టేబుల్‌ స్పూన్‌ కొబ్బరి కోరు, ఒక అరటి పండు గుజ్జు కూడా కలుపుకోవచ్చు. ఇది ఆంధ్రప్రదేశ్‌ ఉగాది పచ్చడి. స్పూన్‌తో అరచేతిలో వేసుకుని తినేటట్లు చిక్కగా ఉంటుంది. తెలంగాణలో ఇదే మోతాదులో తీసుకున్న దినుసులను ఒక పెద్ద పాత్రలో వేసి ముప్పావు వంతు నీటిని పోసి కలపాలి. గ్లాసులో పోసి తాగేటట్లు జారుడుగా ఉంటుంది.  

ఉగాది మన తొలిపండుగ. ఈసారి ఉగాదికి పేరు శోభకృత్‌. శోభ అంటే కాంతి. మన జీవితాలకు అవసరమైన...భాగ్యాల, సౌభాగ్యాల కాంతిని ఈ ఉగాది ఇస్తుందనిఆశిద్దాం. ఈసారి వసంత విషువత్‌ జరిగిన మరుసటి రోజున ఉగాది వచ్చింది. అంటే వసంత విషువత్‌ మొదలు అయిన మరుసటి రోజున చైత్రమాసంమొదలు అయింది. ఇది ఒక విశేషం. ఇలా జరగడం అరుదు. ఈ అరుదైన సంఘటన మనకు, దేశానికి, ప్రపంచానికి అత్యంత మేలు చెయ్యాలని అపేక్షిద్దాం.  ఉగాదితో చాంద్ర–సౌర (లూని సోలర్‌) సంవత్సరం మొదలు అవుతుంది. పౌర్ణమి చంద్రుడు చిత్త లేదా చిత్ర నక్షత్రంతో ఉండడం చైత్రమాసం. చైత్రమాసం తొలిరోజు అంటే చైత్రశుక్ల పా డ్యమి రోజు ఉగాది అవుతుంది. చంద్రుడు ఒక నక్షత్రంతో మొదలుపెట్టి, భూమి చుట్టూ తిరిగి మళ్లీ ఆ నక్షత్రం దగ్గరకు రావడానికి పట్టే కాలం నాక్షత్రమాసం అవుతుంది. సూర్యుడు భూమధ్యరేఖను ఉత్తరంవైపుగా దాటడం వసంత విషువత్‌  అవుతుంది. వసంత విషువత్‌ మార్చ్‌ 21న జరుగుతుంది. ఆ రోజు పగలు, రాత్రి సమానంగా ఉంటాయి. సూర్య, చంద్ర గమనాలుప్రాతిపదిక కాబట్టి చాంద్ర–సౌర సంవత్సరం అవుతుంది. వ్యావహారిక శకానికి పూర్వం తొలిదశలో సప్త ఋషులు నాక్షత్ర సంవత్సరాన్ని, చాంద్ర–సౌర సంవత్సరాన్ని కలిపి పంచాంగాన్ని అమలులోకి తెచ్చారు. మూడు, ఐదు సంవత్సరాలలో వచ్చే అధికమాసాలను కలుపుకుని ఐదు సంవత్సరాలతో ఒక యుగం అని పంచాంగం పరంగా అమలు చేశారు. అప్పట్లో ఆ యుగం ఆరంభం శరత్‌ విషువత్, శరత్‌ ఋతువులో ఉండేది. ఈ ఐదు సంవత్సరాల యుగంలో మొదటి సంవత్సరంలో మొదటి రోజు యుగాది అని అయింది; అదే ఉగాది అయింది. ఈ యుగం జ్యోతిష శాస్త్రానికి ఆనుగుణ్యంగానూ రూపొందింది. ‘జ్యోతి’ అంటే నక్షత్రం అనీ ‘షం’ అంటే సంబంధించిన అనీ అర్థాలు. జ్యోతిషం అంటే నక్షత్రానికి సంబంధించినది అని అర్థం.  నాక్షత్ర చాంద్ర– సౌర గమనాల ప్రా తిపదికన మన పంచాంగం నిర్మితమైంది. పంచాంగం ప్రకారం మనకు ఉగాది నిర్ణీతమైంది. సప్త ఋషుల తరువాత విశ్వామిత్ర మహర్షి పంచాంగంలోనూ, కాలగణనంలోనూ కొన్ని ప్రతిపా దనలను, మార్పులను తీసుకువచ్చాడు. ఆ తరువాత కాలక్రమంలో  జరుగుతూ వచ్చిన ఖగోళమార్పులకు తగ్గట్లు గర్గ మహర్షి సంవత్సరాదిని వసంత విషువత్‌ కు మార్చాడు. ఆర్యభట్టు, వరాహమిహిరుడు దాన్నే కొనసాగించారు. అదే ఇప్పటికీ వస్తోంది. వసంత విషువత్‌తో వసంతం మొదలు అవుతుంది; సాంప్రదాయిక సంవత్సరాన్ని లేదా ఆచార వ్యవహారాల కోసం సంవత్సరాన్ని చైత్రమాసంతో మొదలుపెట్టారు.  వసంతాన్ని కుసుమాకరం అనీ, కుసుమాగమం అనీ అంటారు. కుసుమానికి పుష్పం, పండు, ఫలం అని అర్థాలు ఉన్నాయి. ఈ మూడూ మనకు ఎంతో అవసరం అయినవి. తప్పకుండా మనం వీటిని ΄÷ందాలి. మన జీవితాలు కూడా నిండుగా పుష్పించాలి, పండాలి, ఫలవంతం అవ్వాలి. వసంతాన్ని ప్రకృతి ఇస్తున్న సందేశంగా మనం గ్రహించాలి. వసంతం ఒక సందేశం దాన్ని మనం అందుకోవాలి, అందుకుందాం.  ఆరు ఋతువులకు ఆదిగా వచ్చేది ఈ పండుగ. సంవత్సరంలోని ఆరు ఋతువులకు ప్రతీకలుగా  తీపి, కారం, చేదు, వగరు, ఉప్పు, పులుపుల్ని తీసుకుని ఆ రుచుల కోసం వేపపువ్వు, బెల్లం, మిరియాలపొడి, చింతపండు, ఉప్పు, మామిడి ముక్కల్ని కలిపి ఉగాది పచ్చడిని మనం తీసుకుంటున్నాం. నింబకుసుమ భక్షణం అని పేరు. ఇది ఉగాది పండుగలో ముఖ్యాంశం. మరో ముఖ్యాంశం పంచాంగ శ్రవణం. ఆదిలోనే ఎవరి రాశి ప్రకారం వారికి సంవత్సరంలో జరగడానికి అవకాశం ఉన్న మేలు, కీడులను వ్యక్తులకు సూచన్రపా యంగా పంచాంగం చెబుతుంది. పంచాంగ శ్రవణానికి ముందుగా మనం అభ్యంగన స్నానం చేసి, మామిడి తోరణాలతో, పుష్పాలతో ఇళ్లను అలంకరించుకుని దైవపూజ చెయ్యాలి; చేద్దాం.ప్రకృతి ఇచ్చిన సందేశాలుగా అందివచ్చిన ఉగాదిని, వసంతాన్ని ఆకళింపు చేసుకుని, ఆదర్శంగా తీసుకుని, మనం మనకు, ఇతరులకు ఈ ఏడాదిలోని అన్ని ఋతువుల్లోనూ హితకరం అవ్వాలి, అవుదాం. మంచికి తొలి అడుగుగా, ఒక పండుగగా, తొలి పండుగగా ఉగాది మనకు అందివచ్చింది. ఇతర పండుగలా కాకుండా ఉగాది కాలానికి, ప్రకృతికి సంబంధించిన పండుగ. మనిషి కాలానికి, ప్రకృతికి అనుసంధానం అవ్వాలని తెలియజెప్పే ఒక విశిష్టమైన పండుగ ఉగాది. వసంత ఋతువు రావడాన్ని వసంతావతారం అని కూడా అంటారు. వసంతావతారం సంవత్సరానికి ఉన్న అవతారాలలో గొప్పది. ఆపై శోభాయామానమైంది. సంవత్సరానికి శోభ వసంతం. వసంతం మనకు వచ్చే ఋతువుల్లో ప్రధానమైంది లేదా కేంద్రభాగం. చెట్లకు కొత్త చివుళ్లు, కోయిలల గానాలు, పచ్చదనం, పువ్వుల కళకళలు. వీటిని వసంతం తెస్తుంది, ఇస్తుంది. వసంతంలో ఎక్కువ వేడి, చలి ఉండవు. వాతావరణం ఉల్లాసకరంగా ఉంటుంది. వసంతం శ్రేష్ఠమైంది కాబట్టే ‘అహమృతూనాం కుసుమాకరః‘ అంటూ కృష్ణుడు భగవద్గీతలో తాను ఋతువుల్లో వసంతాన్ని అని చెప్పాడు. సంవత్సరంలో ఉండే మంచితనం వసంతం. వసంతం ప్రకృతి నుంచి మనకు అందివచ్చే మంచితనం.  ‘... సంతో వసంతవల్లోకహితం చరంతః ...’ అని వివేకచూడామణిలో ఆదిశంకరాచార్య అన్నారు. అంటే మంచివాళ్లు వసంతంలాగా లోకహితాన్ని ఆచరిస్తారు అని అర్థం. వసంతం వంటి హితం, హితం వంటివసంతం మనకు, సంఘానికి, దేశానికి, ప్రపంచానికి ఎంతో అవసరం. – రోచిష్మాన్‌

Ugadi 2023 Wishes in Telugu: తెలుగువారి పండుగ ఉగాది వచ్చేసింది. తెలుగు వాకిల్లలో శ్రీ శోభకృత్ నామ సంవత్సరం ఉగాది సందడి మొదలైంది. చైత్రమాసంలో శుక్లపక్షంలో సూర్యోదయ వేళకు పాడ్యమి తిథి ఉన్న రోజును ఉగాది నిర్ణయిస్తారు. ఈ పండుగను తెలుగువారే కాకుండా మరాఠీలు 'గుడిపడ్వా'గా, తమిళులు 'పుత్తాండు' అనే పేరుతో, మలయాళీలు 'విషు' అనే పేరుతో, సిక్కులు 'వైశాఖీ'గా, బెంగాలీలు 'పోయ్ లా బైశాఖ్' గా జరుపుకుంటారు. ఈ సందర్భంగా మీ బంధుమిత్ర పరివారానికి శ్రీ శోభకృత్‌ నామ సంవత్సర శుభాకాంక్షలు ఇలా చెప్పేయండి. వక్రతుండ మహాకాయ కోటిసూర్య సమప్రభా నిర్విఘ్నం కురుమేదేవ సర్వకార్యేషు సర్వదా ఈ ఏడాది మీరు తలపెట్టే కార్యాలు నిర్విఘ్నంగా పూర్తికావాలని ఆకాంక్షిస్తూ శ్రీ శోభకృత్ నామ సంవత్సర ఉగాది శుభాకాంక్షలు ఈ ఉగాది మీకు మంచి ఆరోగ్యం, సంపద, ఆనందం, ఉల్లాసాన్ని ఇవ్వాలని కోరుకుంటూ శ్రీ శోభకృత్ నామ సంవత్సర ఉగాది శుభాకాంక్షలు ఉగాది వెలుగులు మీ జీవితంలో నూతన కాంతిని తెస్తాయని ఆశిస్తూ తెలుగు నూతన సంవత్సరాది ఉగాది శుభాకాంక్షలు! ఈ ఏడాది పొడవనా విజయం, అదృష్టం మీ వెంటే ఉండాలని ఆకాంక్షిస్తూ శ్రీ శోభకృత్ నామ సంవత్సర ఉగాది శుభాకాంక్షలు గతించిన కాలాన్ని మర్చిపోవాలి కొత్త ఏడాదికి ఘన స్వాగతం పలకాలి శ్రీ శోభకృత్ నామ సంవత్సర ఉగాది శుభాకాంక్షలు శ్రీ శోభకృత్ నామ సంవత్సరం మధురమైన క్షణాలను అందించాలని కోరుకుంటూ అందరికీ ఉగాది శుభాకాంక్షలు తీపి-చేదు కలిసినదే జీవితం కష్టం-సుఖం తెలిసినదే జీవితం ఈ ఉగాది మీ ఇంట ఆనందోత్సహాలు పూయిస్తుందని కోరుకుంటూ.. శ్రీ శోభకృత్ నామ సంవత్సర ఉగాది శుభాకాంక్షలు మధురమైన ప్రతి క్షణం నిలుస్తుంది జీవితాంతం ఈ కొత్త ఏడాది అలాంటి క్షణాలెన్నో మీకు అందించాలని కోరుకుంటూ శ్రీ శోభకృత్ నామ సంవత్సర ఉగాది శుభాకాంక్షలు మామిడి పువ్వు పూతకొచ్చింది కోయిల గొంతుకు కూత కొచ్చింది వేప కొమ్మకు పూవు పూసింది పసిడి బెల్లం తోడు వచ్చింది గుమ్మానికి పచ్చని తోరణం తోడైంది ఉగాది పండుగ రానే వచ్చింది మీకు మీ కుటుంబ సభ్యులకు శ్రీ శోభకృత్ నామ సంవత్సర ఉగాది శుభాకాంక్షలు కాలం పరుగులో మరో మైలురాయి ఈ కొత్త ఏడాది.. ఈ ఏడాది అంతా మీకు జయాలే కలగాలని ఆశిస్తూ.. శ్రీ శోభ కృత్ నామ సంవత్సర ఉగాది శుభాకాంక్షలు. ఈ ఉగాది మీకు ఉప్పొంగే ఉత్సాహాలను చిగురించే సంతోషాలను విరబూసే వసంతాలను అందించాలని ఆకాంక్షిస్తూ శ్రీ శోభకృత్ నామ సంవత్సర ఉగాది శుభాకాంక్షలు. జీవితం సకల అనుభూతులు సమ్మిశ్రమం అదే ఉగాది పండుగ సందేశం మీకు మీ కుటుంబ సభ్యులకు శ్రీ శోభ కృత్ నామ సంవత్సర ఉగాది శుభాకాంక్షలు   ఉగాది పచ్చడి లాగే మీ జీవితం షడ్రుచుల సంగమంగా మారాలని కోరుకుంటూ శ్రీ శోభ కృత్ నామ సంవత్సర ఉగాది శుభాకాంక్షలు ఆనందంగా.. ఆరోగ్యంగా గడుపుదాం.. కొత్త సంవత్సరం శుభం కలగాలని కోరుకుందాం…. మీకు, మీ కుటుంబ సభ్యులకు శ్రీ శోభకృత్ నామ సంవత్సర ఉగాది శుభాకాంక్షలు.. బాధలేమి లేకుండా… మీ ఇంట్లో అందరు ఆనందంగా ఉండాలని కోరుతూ.. శ్రీ శోభకృత్ నామ సంవత్సర ఉగాది శుభాకాంక్షలు.. వసంతం మీ ఇంట రంగవల్లులు అద్దాలి.. కోకిల మీ అతిథిగా రావాలి.. కొత్త చిగురులు ఆశల తోరణాలు కట్టాలి… హ్యాపీ ఉగాది. షడ్రుచుల సమ్మేళన జీవితం.. కష్ట,సుఖం, పాపం, పుణ్యం, మంచి, చెడుల కలయిక ఈ జీవితం…. మీకు, మీ కుటుంబ సభ్యులకు శ్రీ శోభకృత్ నామ సంవత్సర ఉగాది శుభాకాంక్షలు.. ఉగాది పచ్చడిలాగే మీ జీవితం షడ్రుచుల సంగమంగా మారాలని కోరుతూ… ఉగాది శుభాకాంక్షలు.. తెలుగు వారి సంప్రదాయాలకు ప్రతిరూపమైన ఉగాది సందర్భంగా శ్రీ శోభకృత్ నామ సంవత్సర ఉగాది శుభాకాంక్షలు.. జీవితం సకల అనుభూతుల మిశ్రమం స్థితప్రజ్ఞత అలవరచుకోవడం వివేకి లక్షణం అదే ఉగాది తెలిపే సందేశం శ్రీ శోభకృత్ నామ సంవత్సర శుభాకాంక్షలు . మధుర మైన ప్రతిక్షణం నిలుస్తుది జీవితం రాబోతున్న కొత్త సంవత్సరం అలాంటి క్షణాల్ని ఎన్నో ఇవ్వాలని కోరుకుంటూ ఉగాది శుభాకాంక్షలు. తీపి, చేదు కలిసిందే జీవితం కష్టం, సుఖం, తెలిసిందే జీవితం మీ జీవితంలో ఈ ఉగాది ఆనందోత్సహాల పూయిస్తుందని మనస్పూర్తిగా కోరుకుంటూ.. శ్రీ శోభకృత్ నామ సంవత్సర ఉగాది శుభాకాంక్షలు 2023. మామిడి పువ్వు పూతకొచ్చిందికోయిల గొంతుకు కూత వచ్చింది వేప కొమ్మకు పూవు మొలిచింది పసిడి బెల్లం తోడు వచ్చింది గుమ్మానికి పచ్చని తోరణం తోడైంది ఉగాది పండుగ రానే వచ్చింది మీకు మీ కుటుంబ సభ్యులకు శ్రీ శోభకృత్ నామ సంవత్సర ఉగాది శుభాకాంక్షలు 2023. కష్టాలెన్నైనా రానీయకండి సవాళ్లు ఎన్నైనా ఎదురవ్వనీయకండి కలిసి నిలుద్దాం, గెలుద్దాం ఈ ఏడాది మీకు అన్నింట్లో గెలుపునందించే సంవత్సరం కావాలని ఆశిస్తూ.. శ్రీ శుభకృత్ నామ సంవత్సర ఉగాది శుభాకాంక్షలు 2023. మధురమైన ప్రతి క్షణం నిలుస్తుంది జీవితాంతం ఈ కొత్త ఏడాది అలాంటి క్షణాలు ఎన్నో మీకు అందించాలని కోరుకుంటున్నాను శ్రీ శోభకృత్ నామ సంవత్సర ఉగాది శుభాకాంక్షలు. కాలం పరుగులో మరో మైలురాయి ఈ కొత్త ఏడాది.. ఈ ఏడాది అంతా మీకు జయాలే కలగాలని ఆశిస్తూ.. శోభ కృత్ నామ సంవత్సర ఉగాది శుభాకాంక్షలు. ఈ ఉగాది మీకు ఉప్పొంగే ఉత్సాహాలను చిగురించే సంతోషాలను విరబూసే వసంతాలను అందించాలని ఆకాంక్షిస్తూ శ్రీ శోభకృత్ నామ సంవత్సర ఉగాది శుభాకాంక్షలు. జీవితం సకల అనుభూతులు సమ్మిశ్రమం అదే ఉగాది పండుగ సందేశం. మీకు మీ కుటుంబ సభ్యులకు శ్రీ శోభ కృత్ నామ సంవత్సర ఉగాది శుభాకాంక్షలు. చీకటిని తరిమే ఉషోదయం మాదిరిగా చిగురాకులకు ఊయలలో నవరాగాల కోయిలలా అడుగుపెడుతున్న ఉగాదికి స్వాగతం. శ్రీ శోభకృత్ నామ సంవత్సర ఉగాది శుభాకాంక్షలు. లేత మామిడి ఆకుల తోరణాలు శ్రావ్యమైన కోయిల రాగాలు అందమైన ముగ్గులు కొత్త వస్త్రాలతో కళకళలాడిపోతున్న పిల్లలుఉగాది పండుగ సంబురాలు ఎన్నో.. శ్రీ శోభకృత్ నామ సంవత్సర ఉగాది శుభాకాంక్షలు. కొత్త ఆశలు, కొత్త ఆశయాలు కొత్త ఆలోచనలతో ఈ ఉగాది నుంచి మీ జీవితం ఆనందమయం కావాలని కోరుకుంటూ.. శ్రీ శోభకృత్ నామ సంవత్సర ఉగాది శుభాకాంక్షలు.

చైత్రమాసం ►22.03.23 బుధవారం, శుక్ల పాడ్యమి ఉత్తరాభాద్ర, వృషభలగ్నం, ఉ.10.02 వసంత నవరాత్రుల ప్రారంభం, కలశ స్థాపన, పంచాంగ శ్రవణం. ►26.03.23 ఆదివారం, షష్ఠి రోహిణి, మకరలగ్నం, తె.2.51 గృహారంభం. ►27.03.23 సోమవారం, షష్ఠి రోహిణి, మేషలగ్నం, ఉ.8.15 క్రయవిక్రయాలు, నూతన వస్త్ర ఆరంభము. ►29.03.23 చైత్ర శుద్ధ అష్టమి నుంచి 25.04.23 వైశాఖ శుద్ధ షష్ఠి మంగళవారం వరకు గురు మౌఢ్యమి. ►30.03.23 గురువారం, శు. నవమి  పునర్వసు, మేషలగ్నం, ఉ.8.03 అన్నప్రాశన, క్రయవిక్రయాలు. ►05.04.23 బుధవారం, శు. చతుర్ధశి  ఉత్తర, మేషలగ్నం ఉ.7.39 అన్నప్రాశన, క్రయవిక్రయాలు, దస్త్రం, కేశఖండన. ►06.04.23 గురువారం, పూర్ణిమ హస్త, మేషలగ్నం, ఉ.7.35 అన్నప్రాశన, క్రయవిక్రయాలు, దస్త్రం, కేశఖండన. ►07.04.23 శుక్రవారం, బ. పాడ్యమి  చిత్త, మేషలగ్నం, ఉ.7.31 అన్నప్రాశన, క్రయవిక్రయాలు, దస్త్రం, కేశఖండన. ►08.04.23 శనివారం, విదియ స్వాతి, వృషభలగ్నం ఉ.8.55 అన్నప్రాశన, క్రయవిక్రయాలు, దస్త్రం, కేశఖండన. ►10.04.23 సోమవారం, చవితి అనూరాధ, మేషలగ్నం ఉ.7.20 అన్నప్రాశన, క్రయవిక్రయాలు, దసం, కేశఖండన. ►12.04.23 బుధవారం, సప్తమి మూలా, మేషలగ్నం ఉ.7.12 డోలారోహణం, అన్నప్రాశన, క్రయవిక్రయాలు, దస్త్రం, కేశఖండన. ►15.04.23 శనివారం, దశమి ధనిష్ఠ, వృషభలగ్నం ఉ.8.22 డోలారోహణం, అన్నప్రాశన, క్రయవిక్రయాలు, దస్త్రం, కేశఖండన. వైశాఖమాసం ►21.04.23 శుక్రవారం, వైశాఖ శు. విదియ భరణి, కన్యాలగ్నం సా. 4.40 వ్యాపారం, క్రయవిక్రయాలు. ►23.04.23 ఆదివారం, చవితి రోహిణి, కర్కాటకలగ్నం, ఉ.11.45 వ్యాపారం, క్రయవిక్రయాలు, అన్నప్రాశన, కేశఖండన, బారసాల. ►25.04.23 గురుమోఢ్యమి త్యాగం ►26.04.23 బుధవారం, సప్తమి పునర్వసు, కన్యాలగ్నం, సా. 4.20 వ్యాపారం, క్రయవిక్రయాలు, అన్నప్రాశన, కేశఖండన, బారసాల. ►27.04.23 గురువారం, సప్తమి పుష్యమి, వృషభలగ్నం, ఉ.7.41 వ్యాపారం, క్రయవిక్రయాలు, అన్నప్రాశన, కేశఖండన, బారసాల. ►30.04.23 ఆదివారం, దశమి మఘ, వృషభలగ్నం, ఉ.7.29 వివాహం, వ్యాపారం, క్రయవిక్రయాలు, అన్నప్రాశన, కేశఖండన, బారసాల. ►03.05.23 బుధవారం, త్రయోదశి హస్త, వృషభలగ్నం, ఉ.7.18 వివాహం, గృహారంభం, ఉపనయనం, శంకుస్థాపన. ►03.05.23 బుధవారం, చతుర్దశి చిత్త, మకరలగ్నం రా.12.22 వివాహం, గర్భాధానం. ►05.05.23 శుక్రవారం, వైశాఖ పూర్ణిమ స్వాతి, కన్యాగ్నం, మ.3.45 క్రయవిక్రయాలు, దస్త్రం. ►07.05.23 ఆదివారం, బ. విదియ    అనూరాధ, వృషభలగ్నం, ఉ.7.02 వివాహం, గృహారంభం, ఉపనయనం, అన్నప్రాశన, క్రయవిక్రయాలు. ►10.05.23 బుధవారం, పంచమి పూర్వాషాఢ, వృషభలగ్నం, ఉ.6.50 క్రయవిక్రయాలు, సమస్తశుభాలు. ►10.05.23 నుంచి 28.05.23 వరకు నిజకర్తరి గృహప్రవేశం, శంకుస్థాపనలు, బోరింగ్‌లు నిషిద్ధం. ►11.05.23 గురువారం, షష్ఠి ఉత్తరాషాఢ, వృషభలగ్నం ఉ.6.47 అన్నప్రాశన, దేవతా ప్రతిష్ఠ, వివాహం, సమస్త శుభాలు. ►14.05.23 ఆదివారం, దశమి శతభిషం, మిథునలగ్నం, ఉ.9.24 అన్నప్రాశన, ఉపనయనం, అక్షరాభ్యాసం, వివాహం, సమస్త శుభాలు. జ్యేష్ఠమాసం ►21.05.23 ఆదివారం, శు. విదియ మృగశిర, మిథునలగ్నం ఉ.9.56 అన్నప్రాశన, ఉపనయనం, అక్షరాభ్యాసం, వివాహం, క్రయవిక్రయాలు. ►25.05.23 గురువారం, షష్ఠి పుష్యమి, మిథునలగ్నం, ఉ.8.40 అన్నప్రాశన, ఉపనయనం, అక్షరాభ్యాసం, వివాహం, క్రయవిక్రయాలు. ►26.05.23 శుక్రవారం, సప్తమి మఖ, మీనలగ్నం రా.1.52 వివాహం, గర్భాధానం, ప్రయాణాలు. ►31.05.23 బుధవారం, ఏకాదశి స్వాతి, మిథునలగ్నం, ఉ.8.16 అన్నప్రాశన, ఉపనయనం, అక్షరాభ్యాసం, శంకుస్థాపన, ప్రతిష్ఠ, గృహప్రవేశం. ఆషాఢ మాసం ►03.06.23 శనివారం, పూర్ణిమ అనూరాధ, మీనలగ్నం రా.1.20 వివాహం, గృహప్రవేశం, గర్భాధానం. ►05.06.23 సోమవారం, బ. విదియ మూల, మిథునలగ్నం, ఉ.7.20 సమస్త శుభాలు. ►07.06.23 బుధవారం, చవితి ఉత్తరాషాఢ, మిథునలగ్నం ఉ.7.49 అన్నప్రాశన, వివాహం. శ్రవణం, మీనలగ్నం, రా.1.04 వివాహం, గర్భాధానం, ప్రయాణం. ►08.06.23 గురువారం, పంచమి శ్రవణం, కన్యాలగ్నం, మ.1.30 డోలారోహణం, క్రయవిక్రయాలు. ►09.06.23 శుక్రవారం, సప్తమి శతభిషం, మీనలగ్నం, రా.12.56 వివాహం, గృహప్రవేశం. అధిక శ్రావణమాసం ►23.07.23 ఆదివారం, శు. షష్ఠి ఉత్తరా, కన్యాలగ్నం ఉ.11.50 డోలారోహణం, క్రయవిక్రయాలు, బారసాల, కేశఖండనం, ప్రయాణాలు. ►26.07.23 బుధవారం, శు. నవమి స్వాతి, వృశ్చికలగ్నం, మ.4.09 క్రయవిక్రయాలు, డోలారోహణం. ►28.07.23 శుక్రవారం, శు. దశమి అనూరాధ, కన్యాలగ్నం, ఉ.10.15 డోలారోహణం, క్రయవిక్రయాలు, బారసాల, కేశఖండనం, ప్రయాణాలు. ►30.07.23 ఆదివారం, శు. చతుర్దశి మూలా, కన్యాలగ్నం ఉ.10.07 డోలారోహణం, క్రయవిక్రయాలు, బారసాల, కేశఖండనం, ప్రయాణాలు. ►31.07.23 సోమవారం, శు. చతుర్దశి    పూర్వాషాఢ, ధనుర్లగ్నం సా.5.01 క్రయవిక్రయాలు, ప్రయాణం. ►04.08.23 శుక్రవారం, బ. తదియ పూర్వాభాద్ర, ధనుర్లగ్నం సా.4.45 క్రయవిక్రయాలు, ప్రయాణం. ►05.08.23 శనివారం, బ. చవితి ఉత్తరాభాద్ర, వృశ్చికలగ్నం మ.1.30 క్రయ విక్రయాలు, ప్రయాణం. ►06.08.23 ఆదివారం, బ. పంచమి రేవతి, కన్యాలగ్నం, ఉ.11.05 నామకరణం, డోలారోహణం, క్రయవిక్రయాలు, ప్రయాణం. ►07.08.23 సోమవారం, బ. షష్ఠి అశ్వని, కన్యాలగ్నం, ఉ.10.19 నామకరణం, డోలారోహణం, క్రయవిక్రయాలు, ప్రయాణం. ►08.08.23 మంగళవారం శోభకృత్‌నామ సంవత్సర అధిక శ్రావణ బహుళ సప్తమి నుంచి శోభకృత్‌ నామ సంవత్సర నిజ శ్రావణ శుద్ధ తదియ వరకు ►19.08.2023 వరకు శుక్ర మౌఢ్యమి. నిజ శ్రావణ మాసం ►20.08.23 శుక్లపక్షం, ఆదివారం, చవితి, హస్త, వృషభలగ్నం, రా.12.08 గృహారంభం, గృహప్రవేశం, వివాహం. ►20.08.23 ఆదివారం, పంచమి చిత్త, కర్కాటకలగ్నం, రా.2.58 గృహారంభం, గృహప్రవేశం, వివాహం. ►24.08.23 గురువారం, నవమి అనూరాధ, వృషభలగ్నం, రా.3.11 వివాహం, గృహప్రవేశం. మిథునలగ్నం, రా.2.40 వివాహం, గృహప్రవేశం, గర్భాధానం. ►26.08.23 శనివారం, దశమి మూలా, వృషభలగ్నం, రా.11.45 వివాహం, గృహప్రవేం, గర్భాధానం. ►30.08.23 బుధవారం, పూర్ణిమ శతభిషం, వృషభలగ్నం, రా.11.30 వివాహం, గృహప్రవేం, గర్భాధానం. ►31.08.23 గురువారం, బ. పాడ్యమి    శతభిషం, వృశ్చికలగ్నం, ఉ.11.48 రాఖీపూర్ణిమ, వివాహం, క్రయవిక్రయాలు. ►01.09.23 శుక్రవారం, బ. విదియ ఉత్తరాభాద్ర, వృషభ లగ్నం, రా.11.21 వివాహం, గర్భాధానం, గృహప్రవేశం, ప్రయాణాలు. ►02.09.23 శనివారం, బ. తదియ ఉత్తరాభాద్ర, వృశ్చికలగ్నం, ఉ.11.45 వివాహం, గృహప్రవేశం, ప్రయాణాలు. ►02.09.23 శనివారం, బ. తదియ రేవతి, వృషభలగ్నం, రా.11.18 వివాహం, గృహారంభం, గృహప్రవేశం. ►03.09.23 ఆదివారం, బ. చవితి రేవతి, వృశ్చికలగ్నం, ఉ.11.35 వివాహం, గృహారంభం, గృహప్రవేశం. ►03.09.23 ఆదివారం, బ. పంచమి అశ్వని, వృషభలగ్నం, రా.11.41 వివాహం, గృహారంభం, గృహప్రవేశం. ►04.09.23 సోమవారం, బ. పంచమి అశ్విని, వృషభలగ్నం, ఉ.9.20 క్రయవిక్రయాలు. ►06.09.23 బుధవారం, బ. అష్టమి రోహిణి, వృషభలగ్నం, రా.11.02 వివాహం, గృహారంభం, గృహప్రవేశం, గర్భాధానం. ►07.09.23 గురువారం, బ. అష్టమి రోహిణి, వృశ్చికలగ్నం, ఉ.10.21 వివాహం, గృహారంభం, గృహప్రవేశం. ►07.09.23 గురువారం, బ. నవమి మృగశిర, మిథునలగ్నం, రా.1.25 వివాహం, గృహారంభం, గృహప్రవేశం. ►10.09.23 ఆదివారం, బ. ఏకాదశి పునర్వసు, వృశ్చికలగ్నం, రా.11.09 శంకుస్థాపన, క్రయవిక్రయాలు, గృహప్రవేశం, ప్రయాణాలు. భాద్రపద మాసం ►16.09.23 శనివారం, శు. విదియ హస్త, వృశ్చికలగ్నం, ఉ.10.46 డోలారోహణం, అన్నప్రాశన, బారసాల, కేశఖండన, క్రయవిక్రయాలు. ►17.09.23 ఆదివారం, శు. తదియ చిత్త, ధనుర్లగ్నం మ.1.53 డోలారోహణం, బారసాల, కేశఖండన, క్రయవిక్రయాలు. ►18.09.23 సోమవారం, శు. తదియ    చిత్త, శుభ సమయం ఉ.10.30 నుంచి వినాయక చవితి పూజ గణపతి నవరాత్రులు.  ►24.09.23 ఆదివారం, శు. ఏకాదశి పూర్వాషాఢ, వృశ్చికలగ్నం,ఉ.10.30 డోలారోహణం, అన్నప్రాశన, నామకరణం, కేశఖండన, క్రయవిక్రయాలు. ►25.09.23 సోమవారం, శు. ఏకాదశి    శ్రవణం, వృశ్చికలగ్నం, ఉ.11.55 డోలారోహణం, అన్నప్రాశన, నామకరణం, కేశఖండన, క్రయవిక్రయాలు. ►29.09.23 శుక్రవారం, శు. పూర్ణిమ ఉత్తరాభాద్ర, మకరలగ్నం, మ.2.36 క్రయవిక్రయాలు. ►30.09.23 నుంచి మహాలయ పక్షం/పితృపక్షం ముహూర్తాలు ఉండవు.  ►14.10.23 మహాలయ అమావాస్య ఆశ్వయుజ మాసం ►15.10.23 ఆదివారం, శు. పాడ్యమి    చిత్త, వృశ్చికలగ్నం, ఉ.8.50 శరన్నవరాత్రులు, కలశస్థాపన, దేవీ పూజలు. ►16.10.23 సోమవారం, శు. విదియ    స్వాతి, వృశ్చికలగ్నం ఉ.8.45 అన్నప్రాశన, శంకుస్థాపన, క్రయవిక్రయాలు. ►18.10.23 బుధవారం, శు. చవితి అనూరాధ, వృశ్చికలగ్నం, ఉ.8.36 అన్నప్రాశన, శంకుస్థాపన, క్రయవిక్రయాలు ►19.10.23 గురువారం, శు. పంచమి జ్యేష్ఠ, వృశ్చికలగ్నం, ఉ.8.31 సరస్వతీ పూజ. ►21.10.23 శనివారం, శు. అష్టమి ఉత్తరాషాఢ, మిథునలగ్నం, రా.10.54 వివాహం, గృహప్రవేశం. ►22.10.23 ఆదివారం, దుర్గాష్టమి ఉత్తరాషాఢ, ధనుర్లగ్నం, ఉ.11.33 అన్నప్రాశన, శంకుస్థాపన. ►23.10.23 సోమవారం, మహర్నవమి శ్రవణం, వృశ్చికలగ్నం, ఉ.8.18 అన్నప్రాశన, శంకుస్థాపన, క్రయవిక్రయాలు. ►24.10.23 మంగళవారం, విజయదశమి ధనిష్ఠ, శుభసమయం ఉ.11.20 నుంచి 11.45 లోపు విజయ ముహూర్త కాలము. ►25.10.23 బుధవారం, ఏకాదశి శతభిషం, ధనుర్లగ్నం, ఉ.10.09 ఉపనయనం, వివాహం, శంకుస్థాపన. ►26.10.23 గురువారం, త్రయోదశి ఉత్తరాభాద్ర, మకరలగ్నం, మ.12.45 సమస్త శుభాలు. ►26.10.23 గురువారం, త్రయోదశి ఉత్తరాభాద్ర, కర్కాటకలగ్నం, రా.11.32 వివాహం, గృహప్రవేశం, గర్భాధానం. ►26.10.23 గురువారం, త్రయోదశి ఉత్తరాభాద్ర, కన్యాలగ్నం, తె.4.21 వివాహం, గృహప్రవేశం. ►28.10.23 శనివారం, అశ్వయుజ పూర్ణిమ రా.1.05 నుంచి 2.22 వరకు చంద్రగ్రహణం ►01.11.23 బుధవారం, బ. చవితి మృగశిర, వృశ్చికలగ్నం, ఉ.8.45 వివాహం, శంకుస్థాపన, గృహప్రవేశం. ►01.11.23 బుధవారం, బ, చవితి మృగశిర, మిథునలగ్నం, రా.10.12 వివాహం, శంకుస్థాపన, గృహప్రవేశం, గర్భాధానం. ►09.11.23 గురువారం, బ. ఏకాదశి    ఉత్తర, వృశ్చికలగ్నం, ఉ.07.18 వివాహం, శంకుస్థాపన, గృహప్రవేశం. కార్తిక మాసం ►16.11.23 గురువారం, శు. తదియ    మూలా, ధనుర్లగ్నం, ఉ.9.05 వివాహం, గృహప్రవేశం, శంకుస్థాపన. ►17.11.23 శుక్రవారం, శు. పంచమి ఉత్తరాషాఢ, తులాలగ్నం, తె.5.41 వివాహం, గృహప్రవేశం, శంకుస్థాపన. ►18.11.23 శనివారం, శు. పంచమి ఉత్తరాషాఢ, ధనుర్లగ్నం, ఉ.8.45 వివాహం, గృహప్రవేశం, శంకుస్థాపన. ►18.11.23 శని/ఆదివారం, శు. పంచమి/షష్ఠి   శ్రవణం, తులాలగ్నం, తె.5.05 వివాహం, గృహప్రవేశం, శంఖుస్థాపన, అన్నప్రాశన, క్రయవిక్రయాలు. ►19.11.23 ఆదివారం, శు. సప్తమి శ్రవణం, ధనుర్లగ్నం, ఉ.9.41 వివాహం, గృహప్రవేశం. ►22.11.23 బుధవారం, శు. దశమి ఉత్తరాభాద్ర, మిథునలగ్నం, రా.8.55 వివాహం, గృహప్రవేశం, శంకుస్థాపన, గర్భాధానం. ►23.11.23 గురువారం, శు. ఏకాదశి    ఉత్తరాభాద్ర, ధనుర్లగ్నం, ఉ.9.33 వివాహం, గృహప్రవేశం, శంకుస్థాపన. ►23.11.23 గురువారం, శు. ద్వాదశి రేవతి, తులాలగ్నం, తె.5.18 వివాహం, గృహప్రవేశం, శంకుస్థాపన. ►24.11.23 శుక్రవారం, శు. ద్వాదశి రేవతి, ధనుర్లగ్నం, ఉ.8.25 వివాహం, గృహప్రవేశం, శంకుస్థాపన, అన్నప్రాశన. ►24.11.23 శుక్రవారం, శు. త్రయోదశి అశ్వని, మిథునలగ్నం, రా.8.41 వివాహం, గృహప్రవేశం. ►25.11.23 శనివారం, శు. త్రయోదశి     అశ్వని, ధనుర్లగ్నం, ఉ.9.25 సమస్త శుభాలు. ►29.11.23 బుధవారం, బ. విదియ మృగశిర, ధనుర్లగ్నం, ఉ.9.15 వివాహం, శంకుస్థాపన. ►01.12.23 శుక్రవారం, బ. చవితి పునర్వసు, మకరలగ్నం, ఉ.10.25 గృహారంభం. ►02.12.23 శనివారం, బ. పంచమి పుష్యమి, మకరలగ్నం, ఉ.10.21 అన్నప్రాశన, క్రయవిక్రయాలు.  ►03.12.23 ఆదివారం, బ. సప్తమి మఖ, కర్కాటకలగ్నం, రా.10.09 గర్భాధానం, ప్రయాణం. ►06.12.23 బుధవారం, బ. నవమి ఉత్తర, ధనుర్లగ్నం, ఉ.8.38 వివాహం, గృహారంభం, క్రయవిక్రయాలు. ►06.12.23 బుధవారం, బ. దశమి ఉత్తర, తులాలగ్నం, తె.4.30 వివాహం, గృహారంభం, క్రయవిక్రయాలు. ►07.12.23 గురువారం, బ. ఏకాదశి    హస్త, మిథునలగ్నం, రా.7.45 వివాహం, గృహారంభం, గృహప్రవేశం, క్రయవిక్రయాలు. 08.12.23 శుక్రవారం, బ. ఏకాదశి చిత్త, మిథునలగ్నం, రా.7.41 వివాహం, గృహారంభం, గృహప్రవేశం, క్రయవిక్రయాలు. మార్గశిర మాసం ►15.12.23 శుక్రవారం, శు. చవితి ఉత్తరాషాఢ, తులాలగ్నం, తె.3.56 వివాహం, గృహారంభం, గృహప్రవేశం. ►20.12.23 బుధవారం, అష్టమి ఉత్తరాభాద్ర, మకరలగ్నం, ఉ.9.13 అన్నప్రాశన, వివాహం. ►20.12.23 బుధవారం, నవమి రేవతి, తులాలగ్నం, తె.3.38 వివాహం, ప్రయాణం. ►21.12.23 గురువారం, దశమి అశ్విని, తులాలగ్నం, తె.3.29 గృహారంభం ►28.12.23 గురువారం, బ. విదియ పునర్వసు, మకరలగ్నం, ఉ.8.42 గృహారంభం. ►03.01.24 బుధవారం, సప్తమి ఉత్తర, మకరలగ్నం, ఉ.8.06 అన్నప్రాశన, వివాహం, గృహారంభం. ►03.01.24 బుధవారం, సప్తమి హస్త, వృశ్చికలగ్నం తె.3.36 వివాహం, గృహారంభం. ►04.01.24 గురువారం, అష్టమి హస్త, మకరలగ్నం, ఉ.8.12 అన్నప్రాశన, వివాహం, గృహారంభం. ►05.01.24 శుక్రవారం, దశమి స్వాతి, తులాలగ్నం, రా.2.29 ప్రయాణాలు. పుష్యమాసం ►13.01.24 శనివారం, శు. విదియ శ్రవణం ఉ.11.45 డోలారోహణం, బారసాల. ►15.01.24 సోమవారం, పంచమి శతభిషం ఉ.10.09 మకర సంక్రమణం ►18.01.24 గురువారం, అష్టమి అశ్విని ఉ.10.15 బారసాల, డోలారోహణం, అన్నప్రాశన. ►21.01.24 ఆదివారం, ఏకాదశి మృగశిర, ఉ.9.45 బారసాల, డోలారోహణం, అన్నప్రాశన. ►25.01.24 గురువారం, పూర్ణిమ పునర్వసు ఉ.8.35 బారసాల, డోలారోహణం, అన్నప్రాశన. ►02.02.24 శుక్రవారం, బ.సప్తమి స్వాతి ఉ.9.15 బారసాల, డోలారోహణం, అన్నప్రాçశన. ►05.02.24 సోమవారం, దశమి అనూరాధ ఉ.7.35 బారసాల, డోలారోహణం, అన్నప్రాశన. మాఘ మాసం ►14.02.24 బుధవారం, శు. షష్ఠి అశ్విని, ధనుర్లగ్నం తె.3.54 వివాహం, గృహారంభం. ►17.02.24 శనివారం, నవమి రోహిణి, తులాలగ్నం, రా.11.40 వివాహం, గర్భాధానం. ►18.02.24 ఆదివారం, నవమి రోహిణి, మేషలగ్నం, ఉ.10.43 వివాహం, గృహారంభం. ►19.02.24 సోమవారం, దశమి మృగశిర, మేషలగ్నం, ఉ.10.39 ఉపనయనం, అక్షరాభ్యాసం, గృహారంభం. ►21.02.24 బుధవారం, త్రయోదశి పుష్యమి, తులాలగ్నం, రా.11.21 గర్భాధానం. ►24.02.24 శనివారం, పూర్ణిమ మఖ, వృషభలగ్నం ఉ.11.45 వివాహం. ►25.02.24 ఆదివారం, బ. పాడ్యమి ఉత్తర, ధనుర్లగ్నం తె.3.14 గృహారంభం, గృహప్రవేశం, ప్రయాణాలు. ►28.02.24 బుధవారం, చవితి చిత్త, వృశ్చికలగ్నం రా.11.51 వివాహం, గృహప్రవేశం. ►02.03.24 శనివారం, సప్తమి అనూరాధ, ధనుర్లగ్నం, రా.2.49 వివాహం, గృహప్రవేశం. ఫాల్గుణ మాసం ►15.03.24 శుక్రవారం, శు.షష్ఠి రోహిణి, ధనుర్లగ్నం, రా.1.55 వివాహం, గృహప్రవేశం, ప్రయాణాలు. ►17.03.24 ఆదివారం, అష్టమి మృగశిర, వృషభలగ్నం ఉ.10.20 వివాహం, గృహారంభం, గృహప్రవేశం. ►20.03.24 బుధవారం, ఏకాదశి పుష్యమి, వృషభలగ్నం ఉ.10.06 ఉపనయనం, ప్రతిష్ఠ, అక్షరాభ్యాసం. ►20.03.24 బుధవారం, ఏకాదశి పుష్యమి, తులాలగ్నం, రా.9.45 గర్భాధానం, ప్రయాణాలు. ►22.03.24 శుక్రవారం, త్రయోదశి మఖ, తులాలగ్నం, రా.9.23 వివాహం. ►22.03.24 శుక్రవారం, త్రయోదశి మఖ, ధనురలగ్నం, రా.1.31 వివాహం, గృహప్రవేశం. ►24.03.24 ఆదివారం, పూర్ణిమ ఉత్తర, వృషభలగ్నం, ఉ.9.51 వివాహం, గృహప్రవేశం, సకల శుభాలు. ►25.03.24 సోమవారం, పూర్ణిమ ఉత్తర, మేషలగ్నం, ఉ.8.19 వివాహం, గృహప్రవేశం, సకల శుభాలు. ►27.03.24 బుధవారం, బ. విదియ చిత్త, మేషలగ్నం, ఉ.8.15 ఉపనయనం, ప్రతిష్ఠ, గృహారంభం. ►27.03.24 బుధవారం, తదియ స్వాతి, ధనుర్లగ్నం, రా.1.17 వివాహం, ప్రయాణాలు. ►30.03.24 శనివారం, పంచమి అనూరాధ, వృషభలగ్నం, ఉ.9.27 ఉపనయనం, ప్రతిష్ఠ. ►01.04.24 సోమవారం, సప్తమి మూలా, మేషలగ్నం, ఉ.7.51 అక్షరాభ్యాసం. ►03.04.24 బుధవారం, నవమి ఉత్తరాషాఢ, వృషభలగ్నం ఉ.9.11 అన్నప్రాశన, ఉపనయనం, వివాహం. ►03.04.24 బుధవారం, దశమి శ్రవణం, తులాలగ్నం రా.8.35 వివాహం, గర్భాధానం. ►04.03.24 గురువారం, ఏకాదశి ధనిష్ఠ, ధనుర్లగ్నం, రా.12.41 వివాహం, గృహప్రవేశం.

► శ్రీ వేంకటేశ్వరస్వామి వారి ఆశీస్సులతో రాష్ట్రం వర్ధిల్లుతుంది. ► జ్ఞానప్రసూనాంబా సమేత శ్రీకాళహస్తీశ్వర స్వామివారి దయ ప్రజలకు లభిస్తుంది.  ► యాదాద్రి లక్ష‍్మీనరసింహ స్వామి వారి అనుగ్రహం అందరికీ లభిస్తుంది.  ► పశ్చిమ దేశాలకు వ్యతిరేకంగా పరిస్థితులు ఏర్పడతాయి. ► అరబ్‌ దేశాలలో నిరసనలు. భారీ కుంభకోణాలు బయటపడతాయి. ప్రముఖుల అరెస్టుల పర్వం కొనసాగుతుంది.  ► ఇండోనేషియా, చైనాలో భూకంపం వల్ల అపార నష్టం.  ► విజిలెన్స్, ఈడీ, సీబీఐ దాడులు సంచలనాత్మక నేర సంబంధమైన విషయాలు బయటపెడతాయి.  ► సముద్ర వాతావరణంలో చెడ్డ మార్పులు దెబ్బతీస్తాయి. (అరేబియా, బంగాళాఖాతం) ► తెలంగాణ అసెంబ్లీ ఎన్నికల్లో గట్టిపోటీ ఇవ్వనున్న బీజేపీ.  ► కొన్ని రాష్ట్రాల మున్సిపల్‌ ఎన్నికల్లో సత్తా చాటనున్న బీజేపీ ► పాకిస్తాన్, చైనాలతో భారతదేశానికి సరిహద్దు వివాదాలు శ్రుతిమించి  రాగానపడతాయి, సరిహద్దులలో అప్రమత్తత, ఉద్రిక్తత వాతావరణం. ► గ్రేటర్‌లో ప్రతి కొనుగోలు గోల్‌మాల్‌. ► బిట్‌కాయిన్‌ భవిష్యత్తులో కొంపదీస్తుంది. ► పెట్రోల్‌ ధరలకు సమానంగా ఉల్లి ధర, కొన్ని కూరగాయలు. ► క్రీడాకారుల భద్రతా విషయంలో విశేషమైన జాగ్రత్తలు అవసరం. ► తెలంగాణలో బలం పెంచుకోనున్న కమలం. ► పెరిగిన రేట్ల వలన సామాన్య ప్రజలకు అగ్నిపరీక్షా కాలం. ► కేరళ, తమిళనాడు, ఆంధ్రప్రదేశ్‌లలో జలబీభత్సం, ఆర్థికనష్టం. ► కాంగ్రెస్‌ పార్టీ కేంద్రంలో పూర్తిగా బలహీనపడే సూచనలు ఉన్నాయి. ► చైనా కుటిల రాజకీయం బయటపడుతుంది. ► జమ్మూ, కాశ్మీర్‌ల విషయంలో ప్రధాని సంచలనాత్మక నిర్ణయాలు. ► ముప్పయి ఏళ్ళకే సైట్, స్పాండిలైటిస్‌. ఆరోగ్యం భాస్కరాదిత్యం అని గ్రహించండి. ► గో హత్యల నిషేధం దిశగా చట్టాలు అమలు. ► భారత రాజకీయాలలో కీలకపాత్ర పోషించనున్న అమిత్‌ షా. ► ఆయుర్వేదం మందులు అధిక ధర కలిగి ఉంటాయి. ప్రజలు ఆయుర్వేదం వైపు మొగ్గు చూపిస్తారు.     ► మమతా బెనర్జీ జాతకంలో మహారాజయోగం నడుస్తోంది. (2024) ► పామాయిల్‌ సాగుబడి గిట్టుబాటు అవుతుంది. ► విదేశాలలో చదువుకునే భారతీయ విద్యార్థులకు తప్పని కష్టాలు. ► చేతులెత్తనున్న ఒక పెద్ద ఫైనాన్స్‌ కంపెనీ, ప్రజల నెత్తిన శఠగోపం. ► దేవాలయాలలో చోరీలు అధికం అవుతాయి. ► సెల్‌ఫోన్‌ యువత పెడదోవ పట్టడానికి, నాశనానికి కారణం అవుతుంది. ► రాబోయే అసెంబ్లీ ఎన్నికల్లో కాంగ్రెస్‌ పార్టీకి చేదు అనుభవాలు. ► వంట నూనెల ధరలు ఆకాశంలోకి వెళ్తాయి. ► చేదెక్కనున్న పంచదార.     ► అందరికీ సూర్యుడు ముఖ్యం (సోలార్‌ పవర్‌).  ► 2024వ సంవత్సరంలో రాజకీయాలలో స్త్రీల ఆధిపత్యం పెరుగుతుంది.  ► డ్రంకెన్‌  డైనోసర్స్‌ విజృంభిస్తారు. నపట్టాలు ఉంటాయి కానీ భూములే ఉండవు. ► కోడిగుడ్డు, మాంసం ధరలు అధికమవుతాయి.  ► వృద్ధాశ్రమాలు, అనాథాశ్రమాలు అధికం అవుతాయి. ► ప్రతికూల గ్రహస్థితి వల్ల విడాకులు తీసుకునే వారి సంఖ్య అధికమవుతుంది. ► హోమియోపతి వైద్యానికి అత్యంత ఆదరణ. ► డ్రాగన్‌ కంట్రీ తాను తీసుకున్న గోతిలో తానే పడుతుంది. ► మరింత అధికం గృహ సంబంధిత పన్నులు. ► శ్రీలంక, టర్కీకి గడ్డుకాలం. ► మంచి ఆహారం తీసుకునే అలవాటు పెరుగుతుంది. (నూనె ధరలు పెరగడం దీనికి కారణం)     ► నీట మునిగే కొన్ని ప్రాంతాలు. ► ప్రకృతిలో అందం నశిస్తుంది. మనుషులలో జీవత్వం తగ్గిపోతుంది. ► ఆహారం కాలుష్యం, ఆయువు క్షీణం. ► దొంగతనాలు పెరుగుతాయి. ► చిరుధాన్యాలు మంచి ధర కలిగి ఉంటాయి. పంట వేసిన వాడికి పంట పండుతుంది. ► కొత్త రకాలైన ఆహారపు డైట్‌లు ప్రపంచ వ్యాప్తంగా విస్తరిస్తాయి. ► గో సంతతికి గడ్డుకాలం.          ► ఇదివరకు తల్లిపాలు కొరత  ఇప్పుడు పిల్లల కొరత. ► ప్రపంచవ్యాప్తంగా తగ్గిపోనున్న నూతన జనాభా. ► డయాబెటిస్, ఊబకాయం అధికమవుతాయి. ► బ్రిటన్‌కి గడ్డుకాలం (గురువు గారు చెప్పిన దాంట్లో మార్పులేదు). ► అనాథల సంఖ్య పెరుగుతుంది. ► కొన్ని వ్యాపారాలు రాత్రికి రాత్రే మూతపడతాయి. ► నఅంతరించిపోతున్న కళలకు గుర్తింపు, సహాయం లభిస్తుంది. ► బంగారం దుకాణాలకు ఎక్కువ సెక్యూరిటీ అవసరం. ► నఇదే పద్ధతిలో ఇనుము, ఇసుక, ఇటుక, సిమెంటు. ► ఉన్నత పదవులలో ఉన్నవారికి భద్రత మరింత అవసరం. ► ఈత వస్తే సముద్రం పక్కన ఇల్లు కట్టుకోండి. ► టమాటాలు, డ్రగ్స్‌ ఎక్కడైనా కొనుక్కోవచ్చు. ► నసౌరశక్తి వ్యాపారాలు బాగుంటాయి. ► అంగవైకల్యంతో ఉన్నవారికి శుభవార్త.  ► మెడికల్‌ రంగంలో నూతన మార్పులు కలిసివస్తాయి. ► అన్ని దేశాల జీడీపీ గణనీయంగా మారబోతుంది. ► వాయు కాలుష్యం మరింత పెరుగుతుంది. శ్వాసకోస వ్యాధులకు మందులు దొరకవు ► విమానం నడిపేవారికి దారి కనబడక గమ్యం మారుతుంది. ► భూకంపాలు కనివిని ఎరుగని రీతిలో పెరుగుతాయి. నూతన ప్రదేశాలకు ఇవి వ్యాప్తి చెందుతాయి.     ► నీటి కాలుష్యం పెరుగుతుంది. ► ప్రకృతి బీభత్సాల వల్ల కలిగిన నష్టం అందరికీ సమానంగా అందుతుంది. ► ఇవి బీద, బిక్కు, పేద, గొప్ప, అధికారి అన్నది లేకుండా పెద్ద దేశాలు, చిన్న దేశాలు అనేది లేకుండా బాధిస్తాయి. ► బియ్యం, కందిపప్పు. మినపపప్పు దినుసులు సామాన్యుడికి దొరకడం కష్టం అవుతుంది.     ► పేకముక్కలలాగా నేలకొరిగే కట్టడాలు. ► రాగి, మట్టిపాత్రల ప్రాధాన్యత పెరుగుతుంది. ► దంచికొట్టనున్న ఎండలు. ఇంట్లో ఉండలేము, బయటకు వెళ్ళలేము. ► ఆర్గానిక్‌ పంటల ప్రాధాన్యం పెరుగుతుంది. ► నిమ్మకాయల వాడకం పెరుగుతుంది (అధిక ధర కలిగి ఉంటాయి). ► ఎలక్టాన్రిక్‌ వెహికిల్స్‌ వాడకం పెరుగుతుంది. ► పురాణ కట్టడాలే కాదు నూతన కట్టడాలు కూలిపోతాయి. ► పెరిగిపోనున్న రేడియేషన్‌. అంతరించిపోనున్న మరికొన్ని పక్షులు. ► జమ్ము కాశ్మీర్‌కు శుభవార్త, కట్టుదిట్టమైన భద్రతా వలయంలో కాశ్మీర్‌. ► కోట్ల విలువైన ఆస్తులు, బంగారం, బ్యాంకులో భద్రంగా ఉన్నాయి (ఋణాలు) ► గ్యాంబ్లింగ్‌లో కొత్త అధ్యాయాలు, పోలీసులకు చుక్కలు. ► వృద్ధాశ్రమాలకు అడ్వాన్స్‌లు, డిపాజిట్‌లు. ► పోపు లేకుండా పులిహోర ప్రసాదం. ► బ్రిటన్‌ ప్రధానమంత్రికి గడ్డుకాలం. ► అన్నింటికీ లోన్‌లు ఇచ్చే బ్యాంకులు  మధ్యాహ్న భోజనానికీ లోన్‌ ఇస్తాయి. ► ఆఫ్రికా ఖండానికి ఆకలి బాధలు. ► అగ్నిప్రమాదాల్లో అంతరించి పోనున్న జీవరాశులు. ► రణరంగంగా మారనున్న భారతదేశం. ► పాకిస్తాన్‌లో ప్రకృతి బీభత్సం ఎక్కువ అవుతుంది. ► యూరప్‌కు గడ్డుకాలం. ► ధాన్యము కరువు వాటిల్లుతుంది. ► ఇండియన్‌ మిలటరీ బలోపేతం  శత్రువులను భూస్థాపితం. ► తీవ్రవాదుల చర్యలు విస్తరిస్తాయి. ► అగ్రరాజ్యం అమెరికా చీకటిమయం. ► నార్త్‌ కొరియా వార్తల్లో ఉంటుంది. ► ప్రపంచ దేశాలన్నింటినీ వణికించనున్న యుద్ధభయం. ఎవరు ఎక్కడి నుండి యుద్ధం మొదలు పెడతారో, బాంబులు పడతాయో అనే భయంతో, ఆందోళనలో ప్రజలు. ► ఓల్డేజ్‌ హోవ్‌ులో సౌకర్యాలు పెరుగుతాయి. శేషజీవితం గడపడానికి అనువైన ప్రదేశం. ► అకాల వర్షాలు ఈసారి కూడా రైతులపట్ల జాలి చూపవు. పంట నష్టం తప్పకపోవచ్చు. ► హైదరాబాద్‌ చుట్టూ భారీగా పెరగనున్న భూముల ధరలు. ► బ్యాంక్‌ రుణాల వడ్డీలు, యూజర్‌ చార్జీలు సామాన్యుడి నడ్డి విరుస్తాయి. ► మెన్స్‌ క్రికెట్‌కే కాదు ఉమెన్స్‌ క్రికెట్‌కి కూడా అభిమానుల ఆదరణ పెరుగుతుంది. ► సైబర్‌ నేరాలు అధికమవుతాయి. ► కారు కొనుక్కోవడానికి బతిమాలి అప్పు ఇస్తారు  బియ్యం కొనుక్కోవడానికి బిచ్చం కూడా కష్టం. ► ప్రత్తి పంటకు సువర్ణకాలం. ► భవిష్యత్‌కు బంగారు బాట నీటి వ్యాపారం. ► ప్రజలలో తగ్గిపోనున్న రోగనిరోధక శక్తి. ► అనేక రైలు వంతెనలకు, బ్రిడ్జిలకు నూరేళ్ళు నిండాయి. ► గడ్డి దొరకని గడ్డుకాలము మూగ జీవుల పట్ల కాఠిన్యం వహించిన దైవం. ► పేలుళ్లు, అగ్నిపర్వతముల ప్రకంపనలు నిత్య దీపావళితో సమానం. ► క్రీడా, వైద్యరంగంలో భారత్‌కు ప్రపంచ ప్రఖ్యాతి. ► మన దేశ సహాయ సహకారాలు చాలా దేశాలకు అవసరం అవుతాయి. ► సాంకేతిక పరిజ్ఞానంలో ప్రపంచంలో భారత్‌ అగ్రస్థానం. ► ఫిబ్రవరి నుండే మనకు ఎండాకాలం ప్రారంభం. ► ఉక్కు, స్టీలు పరిశ్రమలకు అనుకూల కాలం. ► భయం నీడలో మానవుడు  భద్రత లేని జీవితాలు. ► చెట్ల పెంపకం అధికమవుతుంది. ► రష్యాతో ప్రత్యక్షంగా యుద్ధం చేస్తున్న ఉక్రెయిన్‌ కన్నా, ఉక్రెయిన్‌ను సమర్థిస్తున్న దేశాలకే ఎక్కువ ప్రమాదం, నష్టం వాటిల్లుతుంది. ► పాకిస్తాన్‌కు తాలిబాన్లతో, ప్రకృతితో ఇబ్బందులు ఏర్పడుతాయి.తీవ్రమైన పరిణామాలు ఎదురవుతాయి. కోలుకోలేని విధంగా పాకిస్తాన్‌ ననష్టపోతుంది. ► టర్కీ, జపాన్, ఇండోనేషియాలో భూకంపాల పరంపర కొనసాగుతుంది. ► చైనా భవిష్యత్తు బట్టబయలవుతుంది. వేసుకున్న ప్రణాళికలు బయటపడతాయి. ► వైద్యుల పంట పండించనున్న మధుమేహ రోగులు. ► యుద్ధం సంభవిస్తే జ్యోతిష ఫలితాలలో మార్పులు వస్తాయి. ► ఏ వ్యక్తి జాతకంలోనూ ఆయుఃప్రమాణం పరిశీలించలేదు. చదవండి: శ్రీ శోభకృత్‌నామ సంవత్సర పండుగల జాబితా ఇదే

► బొట్టు లేకుండా ఉండటం, కాటుక పెట్టుకోకపోవడం (అధికారం, ఆచారం కలిగినవాళ్ళు) ► గడపలపై కూర్చోవటం ► నాలుకతో తడిచేసి బొట్టు పెట్టుకోవడం. ► ఎడమ చేతితో పిల్లలను కొట్టటం (కుడి చేత్తో కొడితే శుభమని అర్థం కాదు). ► స్నానం చేసి విడిచిన బట్టలు కట్టుకోవటం (ఉతికిన బట్టలు ఉండి కూడా)  ► రాత్రిపూట ఇళ్ళు చిమ్మటం, అన్నం ఎత్తి పడవేయటం ► కూర్చున్న కుర్చీల కింద, పీటల కింద నీళ్ళు చిమ్మటం (పోయటం) ► కాళ్ళు దాటుకుంటూ వెళ్ళటం (నడవటం) ► రోళ్ళు, రోకలిబండ, పాత్రలు కడగకుండా ఉంచటం ► చీకట్లో భోజనం చేయటం, కాళ్ళు కడుక్కోకుండా భోజనం చేయటం ► భోజనం చేసి స్నానం చేయటం, సహపంక్తి భోజనాలలో మధ్యలో లేచిపోవటం ► భోజనం వడ్డించిన తర్వాత ఆలస్యంగా భోజనానికి రావడం (అన్నం మనిషి కొరకు ఎదురు చూడకూడదు) ► అన్నం తింటూ చేతులు నాక్కోవటం ► బుసలు కొడుతూ కాఫీ, టీ వంటివి తాగటం   ► అదేపనిగా కాళ్ళు ఊపడం ► ఒళ్ళో కంచం పెట్టుకుని భోజనం చేయటం ► అన్నం చిన్నముద్దలుగా చేసి గాలిలో ఎగరవేస్తూ నోటితో లాఘవంగా పట్టుకొని తినడం ► మంగళ సూత్రాలతో నారింజ, బత్తాయి వంటి పండ్లను కోయడం. (మంగళ సూత్ర లోహము నిత్య ఉపయోగార్థమైన వస్తువు కాదు. పవిత్రతకు మాంగల్యానికి చిహ్నము) ► మంచం మీద కూర్చుని భోజనం చేయటం ► దీపారాధనకు ఒక్కటే వత్తి వెలిగించటం, దీపాన్ని నోటితో ఊది ఆర్పివేయటం  ► అదేపనిగా ఉమ్మి వేయటం, పళ్ళు కుట్టుకోవడం, చెవులలో పుల్లలు పెట్టి కెలకటం, గోళ్ళు కొరకటం, కనుబొమ్మలు కత్తిరించుకొనుట (రంగస్థల కళాకారులు కానివారు) ► రొమ్ము మీద వెంట్రుకలు కత్తిరించుకొనుట (రంగస్థల కళాకారులు కానివారు) ► మిట్టమధ్యాహ్నం స్నానం చేయడం.

రవి ఏకాదశ రుద్రులలో ఒకడైన సూర్యభగవానుడు నవగ్రహాలకు నాయకుడు. అధిపతి. కృత్తిక, ఉత్తర, ఉత్తరాషాఢ నక్షత్రాలకు అధిపతి. సింహరాశ్యాధిపతి. సూర్యునకు అతి సమీపంలోకి గురు, శుక్ర గ్రహాలు వచ్చినప్పుడు మౌఢ్యమి ఏర్పడుతుంది. రాహువు, కేతుగ్రస్తమైనా రవి గ్రహణం ఏర్పడుతుంది. రవి దశ నడుస్తున్నవారు; సింహరాశి వారు; కృత్తిక, ఉత్తర, ఉత్తరాషాఢ నక్షత్రాల వారు శివాలయంలో సర్పసూక్త సహిత మహన్యాసపూర్వక ఏకాదశ రుద్రాభిషేకాన్ని చేయించాలి. ఆరోగ్యానికి, అధికారానికి, దర్పమైన జీవితానికి, సమాజంలో భయభక్తులు గల మానవులుగా జీవించడానికి రవి కారకుడు. విష జ్వరాలకు, కంటిరోగాలకు రవి కారకుడు. సూర్యారాధనలో తర్పణం ముఖ్యమైనది. ఉదయం, సాయంత్రం, సూర్యాస్తమయంలోపు సూర్యునకు అర్ఘ్యప్రదానం చేయాలి. రవి ప్రభావం చేత జాతకునకు అనువంశికంగా వచ్చే ప్రయోజనాలు, దుర్నిమిత్తాలు సంభవిస్తాయి. తరతరాలుగా వస్తున్న సిరిసంపదలకు సూర్యుడే కారకుడు. భూదాన గుణం, అనువంశిక, వృత్తి, వైద్యం, పదవి, ప్రజాప్రాతినిధ్యం సూర్యగ్రహం వలనే సంప్రాప్తిస్తాయి. ఆత్మగౌరవానికి, అహంకారానికి, మితిమీరిన ఆత్మవిశ్వాసానికి రవి కారకుడు. రవి జాతకులు ఇష్టంలేని వాస్తవాలను గ్రహించరు. పొగడ్తలకు పొంగిపోతారు. నిజాయితీపరులు వీళ్ళ పక్కన ఉండలేరు. భజనపరులకే చోటు ఉంటుంది. కుజ, గురు, చంద్ర, బుధులతో మిత్రత్వం కలిగిన వాడు, శుక్ర, రాహు, కేతువులు, శత్రువులు. కుమారుడైన శనితో బద్ధవైరం కలిగినవాడు. స్థిరమైన భావాలకు, సంప్రదాయాలకు రవి కారకుడు. ఉన్నా లేకపోయినా గంభీరంగా ఉంటారు. విశేషమైన ఖర్చులు చేస్తారు. వీటిల్లో చాలావరకు అపాత్రదానం అవుతాయి. వీళ్ళ పేరు మీద విద్యాసంస్థలు, చెరువులు, బావులు, అన్నదాన సత్రాలు, కళ్యాణ మండపాలు, సేవా సదనాలు ఉంటాయి. సుదీర్ఘ రాజకీయ జీవితానికి రవి గ్రహమే కారణం. ప్రజలతో సంబంధాలు ఉంటాయి గాని, వాళ్ళతో కలిసిపోరు. పూర్వీకుల నుంచి వస్తున్న ప్రజాబలం వల్లనే గెలుస్తారు. రాజకీయ పదవిని కూడా ప్రభుత్వ ఉద్యోగం మాదిరి చేస్తారు. ఉద్యోగం నిజాయితీగా చేస్తారు. నేరస్తులను వ్యక్తిగత శత్రువులుగా భావిస్తారు. ప్రభుత్వ ధనాన్ని వృథా చేయరు. పై అధికారుల మాట, మంత్రుల మాట వినరు. భార్య విషయంలోనూ వీళ్ళు స్వతంత్రంగానే వ్యవహరిస్తారు. భార్యాభర్తల మధ్య విభేదాలు ఉంటాయి. జ్యేష్ఠ సంతానం విషయంలో ప్రత్యేక శ్రద్ధ తీసుకుంటారు. మొత్తం పోగొట్టుకొని అప్పుల పాలయినా చెక్కు చెదరరు. నూతన అవకాశాలు కలిసి వస్తాయి. వైద్యవృత్తిలో ఉన్నవారికి అనుకూలమైన సూర్యగ్రహ ప్రభావం చేత అపర ధన్వంతరిగా పేరు గాంచుతారు. వైద్య విధానంలో నూతన విషయాలు కనుగొంటారు. మూలికల మీద, చెట్లమీద మంచి పరిజ్ఞానం ఉంటుంది. అల్లోపతిలో కూడా అద్భుతంగా రాణిస్తారు. బీద కుటుంబంలో పుట్టినా, కష్టపడి చదివి అధికార పదవి చేపట్టడానికి రవి గ్రహం కారణం. నైపుణ్యాని కన్నా స్నేహానికి ప్రాధాన్యమిస్తారు. గుప్త దానాలు చేస్తారు. కళాసాహిత్య రంగాలలో ప్రఖ్యాతి సాధిస్తారు. వీళ్ళు ఏ రంగంలో ఉన్నా ఆ రంగానికి న్యాయం చేస్తారు. వృద్ధాప్యంలో కూడా ఆరోగ్యంగా ఉంటారు. జీవిత చరమాంకంలో అన్ని రకాల ఐహిక సుఖాలను పరిత్యజిస్తారు. రవి గ్రహ (సూర్యుని) లక్షణాలు : క్రమశిక్షణకు, ఆరోగ్యానికి ప్రాధాన్యమిస్తారు. ఉన్నత స్థితి సాధించినా మరింత పురోగతి సాధించాలని సుఖం లేకుండా శ్రమ జీవితాన్ని గడుపుతారు. వ్యక్తిగత ప్రతిష్ఠకు ప్రాధాన్యమిస్తారు. కులగౌరవం, వంశగౌరవం పట్ల ఎక్కువ శ్రద్ధ కలిగి ఉంటారు. ఆర్థిక విషయాల్లో గట్టి మనుషులుగా ప్రఖ్యాతి వహిస్తారు. చేసిన దానధర్మాలకు, మంచి పనులకు పెద్దగా ప్రచారం రాదు. కఠినంగా వ్యవహరించే వ్యక్తులుగా పేరు వస్తుంది. సన్నిహిత, సేవకవర్గం ఏ పని అయినా కొంత ఆలస్యంగానయినా చేయించుకో గలుగుతారు. వీళ్లను భయపెట్టి లొంగదీసుకునే యత్నాలు ఫలించవు. బంధువుల వల్ల సన్నిహిత రక్త సంబంధీకుల వల్ల, పర స్త్రీల వల్ల నష్టం జరుగుతుంది. వృత్తి, ఉద్యోగాలపరంగా కొంతకాలం అజ్ఞాత వాసం, అల్పులను ఆశ్రయించడం తప్పకపోవచ్చు. వైద్య, సాంకేతిక, వ్యాపార రంగాల్లో రాణిస్తారు. రాజకీయ రంగంలో ప్రారంభం నుంచే ఆధిక్య స్థితి ఉంటుంది. ఉన్నత స్థానాలలో ఉండి సామాన్యులను దూరం చేసుకుంటారు. సామాన్య స్థితిలో ఉన్నప్పుడు ఉన్నత స్థానాలలోని వారికి దూరం అవుతారు. శిరోవేదన, పార్శ్యపు నొప్పి, కీళ్ళ నొప్పులు ఇబ్బంది కలిగిస్తాయి. సంస్థల స్థాపన, విస్తరణ ధ్యేయంగా కృషి చేస్తారు. లేక అనేక ఉద్యోగుల పట్ల, వారి వారి విధుల పట్ల స్పష్టమైన అవగాహన కలిగి ఉంటారు. స్థాయి లేని వ్యక్తుల్ని మీకు పోటీగా నిలిపి వాళ్ళను బలవంతులను చేసి, మీకు పోటీగా నిలపాలనే యత్నాలు అత్యున్నత స్థానాలలోని వ్యక్తులు చేస్తారు. ఇందుకు మీ సొంత ధనం, ప్రోత్సాహం కూడా తోడవుతుంది. కొనుగోలు చేసిన ఆస్తులు వివాదాస్పదం కావచ్చు. రవి, కుజ, రాహు, గురు మహర్దశలు బాగా రాణిస్తాయి. శనిదశ కూడా మంచిగానే ఉంటుంది. స్నేహితులు చేసే సహాయ సహకారాలు జీవితంలో మరువలేనివిగా ఉంటాయి. మహోన్నత ఆశయ సాధన ఉంటుంది. విదేశీ వ్యవహారాలు లాభించడం, జీవితంలో చెప్పుకోదగిన అంశం. సిద్ధ గంధంతో శివార్చన, ఆంజనేయస్వామి ఆరాధన వల్ల మరింత వృద్ధి సాధించ గలుగుతారు. మే నెల సాధారణంగా బాగుంటుంది. ప్రయోజనం లేని శ్రమకు దూరంగా ఉంటే జీవితంలో మరింత అభివృద్ధి సాధిస్తారు. సంతానం వల్ల మంచి ప్రఖ్యాతి వస్తుంది. శ్లో: జపాకుసుమ సంకాశం, కాశ్యపేయం మహాద్యుతిం తమోరిం సర్వపాపఘ్నం, ప్రణతోస్మి దివాకరవ్‌ మీ జాతకంలో రవి అనుకూలంగా ఉన్నాడా? లేక ప్రతికూలంగా ఉన్నాడా? ఎలాంటి జాగ్రత్తలు తీసుకోవాలి మొదలైన విషయాలు తెలుసుకోవడానికి శ్రీమతి ములుగు శివజ్యోతిగారిని సంప్రదించండి. శుక్రుడు శుక్రుని ఆరాధించడం వలన అపమృత్యుభయం ఉండదు. విలాస జీవితం, స్త్రీ, వివాహ సౌఖ్యం, సుఖనిద్ర, విలాస వస్తువుల సేకరణ, అధునాతనమైన భవంతి, బహు వాహనాలు, నవనాగరికతకు తగిన వేషభాషలు, సౌందర్య ఆరాధన– ఇలాంటివన్నీ శుక్రగ్రహ అధీనంలో ఉంటాయి. సర్వ ఐహిక సుఖకారకుడు శుక్రుడు. భరణి, పుబ్బ, పూర్వాషాఢ శుక్ర నక్షత్రములు, వృషభరాశి, తులారాశి శుక్రగ్రహ స్వరాశులు, మీనరాశి, శుక్రునకు ఉచ్చక్షేత్రము, కన్యారాశి నీచక్షేత్రము. స్త్రీ సంతానానికి శుక్రుడే కారకుడు. పురుష జాతకంలో కళత్ర కారకుడు, స్త్రీ జాతకంలో భర్తృకారకుడు. శుక్ర జాతకులు తమ జీవితంలో స్త్రీలకు అత్యంత ప్రాధాన్యమిస్తారు. వీరి జీవితంలో యోగావయోగాలు స్త్రీలపై ఆధారపడి ఉంటాయి. భార్య, ప్రేయసి, స్నేహితురాళ్లు గ్రహస్థితిని బట్టి ఎవరో ఒకరు జీవితంలో ప్రధానమైన మార్పులకు కారకులవుతారు. వివాహానంతరం గొప్ప స్థితి, ధనం, సౌందర్యం కలిగిన స్త్రీ భార్యగా లభించడం శుక్రగ్రహ ప్రభావమే! శుక్రగ్రహ జాతకులు పదుగురిలో గుర్తింపు పొందే ప్రవర్తన, వేష భాషలు, రూపం కలిగి ఉంటారు. మద్యం సేవించినట్లయితే అసభ్యంగా ప్రవర్తించి, గౌరవం పోగొట్టుకుంటారు. రాజకీయాలు లేనిచోట కూడా రాజకీయాలు నడపడం, తన మాట వినని వారి పతనం కోరుకోవడం, తన పరోక్షంలో సమాజం తన గురించి ఏమి చెప్పుకుంటుందో వాకబు చేయడం, నిఘాలు వేయడం, హితవు చెప్పే వాళ్ల మీద పగ పెంచుకోవడం, భజనపరులను చేరదీయడం, స్థాయి దిగజార్చుకొని పరులను పొగడడం, సన్మాన, సత్కార సభలు జరపడం, తనకు మళ్ళీ జరిపించుకొనడం వీరి దైనందిన జీవితంలో ఒక భాగం. సినీ కళాకారుల జాతకంలో శుక్ర గ్రహస్థితి ముఖ్యమైనది. రాజకీయ రంగంలో కొంతకాలం మాత్రమే రాణించగలరు. పరస్త్రీలతో రహస్య ప్రవర్తనం, శారీరక శ్రమ చేయకపోవడం, మేధస్సుతోనే మంత్రాంగం, సౌఖ్యమైన వృత్తి, ఉద్యోగాలు వీరికి సంప్రాప్తిస్తాయి. తల్లితో, సహోదరీ వర్గంతో అనుబంధం ఎక్కువ. ఆడవాళ్ళతో కలిసిపోయి వాళ్ళకు తగినట్లుగా ప్రవర్తించడం, జనులు హేళన చేసినా, అదీ ఓ గుర్తింపుగా భావించి పొంగిపోవడం, స్త్రీ దేవతా భక్తి, పిసినారితనం, సామాజిక న్యాయంపై చులకన, తన స్థాయివారిని కించపరచడం, తనకన్నా అధికులను కాకా పట్టడం, పూల మొక్కలు పెంచడం, కళాత్మకమైన వస్తు సేకరణ, అలంకరణ, ఓర్పు తక్కువ, క్రమశిక్షణ లేకుండుట, ఒకేసారి రెండుమూడు పనులు చేయడం, ఎదుటివారి మనస్సులోని మాట గ్రహించగలగడం, అబద్ధాలు చెప్పడం, సౌఖ్య విలాస జీవితాన్ని గడపడం, వీరి యోగ కారక లక్షణాలు. వీరికి ఉన్న పుత్రికా వాత్సల్యం చెప్పనలవికానిది. కొడుకుల పట్ల సామాన్యమైన అనుబంధమే. జాతక చక్రప్రకారం శుక్రుడు, శత్రు, నీచక్షేత్రాలలో ఉన్నట్లయితే కళత్ర వియోగం. ద్వికళత్ర యోగం, త్రికళత్ర యోగం, ప్రేమ వివాహం వల్ల అపఖ్యాతి, అవయోగం, అన్యస్త్రీ బానిసత్వం, వ్యసనం, బద్దకం పరాకాష్టకు చేరి స్త్రీ సంపాదన మీద జీవించుట, వృత్తి, ఉద్యోగం లేకుండా బిజీగా తిరుగునట్లు నటించడం వంటి లక్షణాలు కలుగుతాయి. నీచక్షేత్ర శుక్రస్థితి వల్ల భార్యతో అన్యోన్యత లేకుండుట, ప్రేమ వివాహ వైఫల్యం, విడాకులు రాకపోవడం, స్త్రీలు జీవితాన్ని పాడుచేయడం, చిన్నచిన్న గుడ్డలతో సంకోచం లేకుండా నలుగురిలో తిరగడం వంటి లక్షణాలు సంప్రాప్తిస్తాయి. స్త్రీ జాతకంలో యోగకారక శుక్రుని ఫలితంగా అతి సౌందర్యవతి, అహంభావం, శారీరక బలహీనత, ఉన్నత విద్య, వైద్యవృత్తి, సినిమా, మోడలింగ్‌ రంగాల్లో రాణించగలరు. భర్త, పిల్లలపైన నియంత్రణ సాధించి బద్దకంతో పనిచేయక, అనారోగ్య లక్షణాలు వల్లెవేస్తుంటారు. సమాజసేవ, సాహిత్య, సాంస్కృతిక సేవా కార్యక్రమాల్లో మాత్రం ఉత్సాహంగా పాల్గొంటారు. భర్తను అత్తమామల నుండి విడదీయడం, అర్థంలేని సామాన్లు కొని డబ్బు నాశనం చేయడం, భర్తకు తెలియకుండా అప్పులు చేయడం, కోడళ్లను వేధించడం, నడుంనొప్పి, రక్తస్రావం, పచ్చకామెర్లు, లోబీపీ వీరి రోగ లక్షణాలు. భర్త, పిల్లల వల్ల సౌఖ్యం, గౌరవం. పుట్టినింట్లో సామాన్య స్థితి, వివాహానంతరం గొప్ప స్థితి, రుచికరమైన వంటలు చేయలేకపోవుట, సంకుచిత స్వభావం, మంచి జ్ఞాపకశక్తి వీరి లక్షణాలు. శుక్రగ్రహ లక్షణాలు :– జీవితాన్ని పోటీగా తీసుకుంటారు. ఎత్తులకు పైఎత్తులు వేయడంలో అందెవేసిన చేయి. మేధావులుగా గుర్తింపు పొందుతారు. అత్యున్నత స్థానాలను అధిరోహిస్తారు. ప్రజాకర్షణతో ముడిపడిన వృత్తి, ఉద్యోగ, వ్యాపార, వ్యాపకాల్లో రాణిస్తారు. ఆర్థిక క్రమశిక్షణ పాటిస్తారు. స్థిరాస్తుల వృద్ధి జరుగుతుంది. అనువంశికంగా వచ్చిన వ్యాపారాలను మార్పుచేసి అభివృద్ధి చేస్తారు. అలంకార ప్రియులు, ఎక్కువమంది అభిరుచి ఎలా ఉంటుందో తేలిగ్గా తెలుసుకోగలరు. కళా సాహిత్య రాజకీయ రంగాల్లో రాణిస్తారు. యవ్వన ప్రాయంలో అదృష్టం కలిసి వస్తుంది. జీవితంలో అనేక సుఖాలు అనుభవిస్తారు. బంధువర్గంతో విభేదాలు దీర్ఘకాలం కొనసాగుతాయి. వ్యక్తిగత సామర్థ్యాన్ని అభివృద్ధి చేసుకునే ప్రయత్నాలు చేస్తారు.గతం మరచి ప్రవర్తిస్తున్నారన్న ఆరోపణలు ఎదుర్కొంటారు. విదేశీయాన ప్రయత్నాలు లాభిస్తాయి. సాంకేతిక విద్యారంగంలో రాణిస్తారు. నూనె, అపరాలు, విత్తనాలు, యంత్ర, వాహన వ్యాపారాల్లో రాణిస్తారు. ముఖ్యంగా శని మహర్దశ రాజయోగాన్నిస్తుంది. సాహసోపేత నిర్ణయాలు కలిసివస్తాయి. విలాసవంతమైన జీవితానికి ఎక్కువగా ఖర్చు చేసే మనస్తత్వం కలిగి ఉంటారు. పడమటి, దక్షిణ దిక్కులు లాభిస్తాయి. శుక్రమౌఢ్యమి కాలంలో జాగ్రత్త వహించాలి. దీపావళి అమావాస్య నాడు లక్ష్మీదేవీ పూజ కలిసి వస్తుంది. ప్రజాబలం, సంఘంలో మంచిపేరు, సన్నిహిత సహచర వర్గం అండదండలు అనుసరించి నడిచే వర్గం ఉంటారు. అత్యున్నత స్థానంలోని వారితో పోరాటం చాలా సందర్భాలలో తప్పకపోవచ్చు. మేధస్సు, స్వీయవిద్య, సాంకేతిక పరిజ్ఞానం, అక్కరకు వస్తాయి. బాల్యంలో మిశ్రమ ఫలితాలు. శ్లో: హిమకుంద మృణాలాభం దైత్యానాం పరమం గురుం సర్వశాస్త్ర ప్రవక్తారం తం భార్గవం ప్రణమామ్యహవ్ మీ జాతకంలో శుక్రుడు అనుకూలంగా ఉన్నాడా? లేక ప్రతికూలంగా ఉన్నాడా? ఎలాంటి జాగ్రత్తలు తీసుకోవాలి మొదలైన విషయాలు తెలుసుకోవడానికి శ్రీమతి ములుగు శివజ్యోతిగారిని సంప్రదించండి. గురువు (బృహస్పతి) ఇంద్రునికి అన్ని విధాలా తోడ్పడటం, అవసరమైన సమయాలలో సలహాలను ఇచ్చి దేవతలను ఆదుకోవడం దేవగురువు బృహస్పతి కార్యక్రమాలు. శుభకార్యాలకు, ముహూర్తాలకు బృహస్పతి బలం చాలా ప్రధానం. గురువు రాశి మారినప్పడల్లా ఒక్కొక్క నదికి పుష్కరాలు సంప్రాప్తిస్తాయి. గురువు ధన కారకుడు. జీవితంలో స్థిరత్వానికి, హోదా కలిగిన ఉద్యోగానికి, అందానికి ఈ గ్రహమే కారణం. సమస్త శుభకార్యాలకు గురుబలం కలిగిన ముహూర్తం అవసరం. తరతరాల విద్య, విజ్ఞాన పాండిత్యాలు, సనాతన సంప్రదాయాలు, తరగని స్థిరాస్తులు లభించడానికి గురువే కారణం. అనువంశిక అధికారానికి, కీర్తిప్రతిష్ఠలకు ఈ గ్రహమే కారణం. సమాజంలో మంచిని ప్రోత్సహించడం, అబద్ధాలను సహించ లేకపోవడం ఈ గ్రహం వల్లనే సంప్రాప్తిస్తాయి. బంగారానికి గురువు అధిపతి. పునర్వసు, విశాఖ, పూర్వాభాద్ర నక్షత్రాలకు బృహస్పతి అధిపతి. గురుగ్రహ జాతకులు ఎన్ని ఒడిదుడుకులు ఎదురైనా తాము నమ్మే సిద్ధాంతాలకు కట్టుబడి ఉంటారు. అపార శాస్త్ర పరిజ్ఞానం, జ్ఞానం వంటివి గురుగ్రహ అనుకూలత వల్ల సంప్రాప్తిస్తాయి. న్యాయవాదులుగా, న్యాయమూర్తులుగా ప్రఖ్యాతి సాధిస్తారు. ప్రలోభాలకు లొంగకుండా తన స్థానానికి న్యాయం చేస్తారు. వృత్తి, ఉద్యోగాల్లో వీళ్ళకు అందరూ సమానమే! గురుగ్రహ జాతకులు వాక్పటిమ, తేజస్సు కలిగి ఉంటారు. గురుగ్రహ లక్షణాలు: నిజాయితీ, సామర్థ్యం, పరిజ్ఞానం వీళ్ళ జీవితంలో ఓ భాగంగా నడుస్తుంది. ఇతరులకు సహాయం చేస్తారు. ఇతరుల విషయాల్లో జోక్యం చేసుకోకుండా, తగిన సలహాలు ఇస్తారు. నిర్ణయాలు తీసుకునే బాధ్యత వాళ్ళకే వదిలేస్తారు. వివాదాస్పద అంశాల జోలికి వెళ్ళరు. తన మాట కాదన్న వాడిని జీవితాంతం శత్రువులుగానే చూస్తారు. ధనం దానికదే వస్తుంది. వీళ్ళ క్రమశిక్షణా పద్ధతులు, జీవన విధానం ఆచరించాలంటే కలియుగంలో సాధ్యపడదు. దేశభక్తి, దైవభక్తి, వృత్తి ఉద్యోగాల పట్ల అంకితభావం ఉంటుంది. ఇన్ని మంచి గుణాలు ఉన్నా, వీళ్ళకు కుటుంబపరంగా మనశ్శాంతి ఉండదు. భార్యతో విభేదాలు, సంతానంతో తెగదెంపులు సంభవిస్తాయి. కుటుంబ సభ్యుల వల్ల పరువు–ప్రతిష్ఠలు దెబ్బతింటాయి. సంతానం ‘పండిత పుత్రః పరమ శుంఠః’ సామెతను నిజం చేస్తారు. బంధువుల ఎదుట వినయ విధేయతలు నటించి కావలసిన పనులు చక్కబెట్టుకుంటారు. పక్కకు వెళ్ళి తిట్టుకుంటారు. సహోదర, సహోదరీ వర్గానికి ధర్మబుద్ధితో వీళ్ళు చేసే సహాయం పూర్తి వ్యతిరేక ఫలితాలనిస్తాయి. కుటుంబ సభ్యులు సృష్టించే హీన చరిత్రలో బంధువులు భాగస్వాములవుతారు. 16 వేలు గురుగ్రహ జపం–శనగలు దానం ఇవ్వాలి. నిత్యం వైష్ణవ దేవతార్చన చేయాలి. మంచి లాభాలు, పేరు సంపాదిస్తారు. సక్రమంగా సాగిపోతున్న వ్యవహారాల్లో నూతన ప్రయోగాలు చేసి ఇబ్బందులు కొని తెచ్చుకుంటారు. భూ సంబంధ వ్యాపారాలు కలసివస్తాయి. ఆస్తి విలువ పెరగడమే ధనవంతులు కావడానికి కారణం అవుతుంది. వ్యాపార కూడలి ప్రదేశాలు అద్దెకు ఇచ్చి, అమ్మే అదృష్టాన్ని జారవిడుచుకుంటారు. సంతానం వల్ల కుటుంబ ప్రతిష్ఠ పెరుగుదల ఎలా ఉన్నా వాళ్ళ స్థితి మాత్రం బాగుంటుంది. వాళ్ళ మనస్తత్వం, పద్ధతులు ఏవిధంగా ఉన్నా అదృష్టం కలసి వస్తుంది. జీవిత ప్రారంభంలో తెలిసీ తెలియక చేసిన నిర్ణయాలు, పనులు మంచిగా మలుపు తిరుగుతాయి. చిన్న పాటి వ్యక్తుల కూటమిని బలోపేతం చేస్తారు. జీవితంలో ఘన విజయాలు సాధిస్తారు. అసమర్థులను జాలిపడి అందలం ఎక్కిస్తారు. ఆ అసమర్థులే అఖండులై, బలమైన ప్రత్యర్థులుగా తయారవుతారు. ఇతరుల ఎత్తులను తేలికగా చిత్తు చేయబడిన శక్తి ఉంటుంది. స్వయంకృతాపరాధాలను సరిదిద్దుకోలేరు. సొమ్ము, పదవి, ప్రయోజనాలు కొన్ని సందర్భాలలో కోల్పోయినా, ఇతురులు మీ వల్లనే వాటిని పొందారన్న పేరు సమాజంలో వినిపిస్తుంది. హస్తవాసి మంచిదని అందరూ మెచ్చుకుంటారు. ఫిబ్రవరి, అక్టోబరు నెలల్లో ప్రారంభించే వ్యాపార, వ్యవహారాలు బాగుంటాయి. భాగస్వామ్యంలో కొంతకాలం మాత్రమే లాభపడతారు. ప్రకృతి వైపరీత్యాల వల్ల కొంత కష్టకాలం ఎదుర్కొంటారు. సహోదర, సహోదరీ వర్గం బాధ్యతలు మోయాల్సి వస్తుంది. పై అధికారుల వల,్ల కిందిస్థాయి సిబ్బంది వల్ల ఏకకాలంలో సమస్యలు వస్తాయి. ఋణాల విషయాల్లో అసత్య ప్రచారాలు చోటు చేసుకుంటాయి. కోర్టు వ్యవహారాలలో నెగ్గుతారు. వృత్తి ఉద్యోగాల పరంగా, ఆధ్యాత్మికంగా అనేక రంగాలలో అనుభవం సాధిస్తారు. మనుషుల మనస్తత్వం తెలుసుకోవడంలో విజయం సాధిస్తారు. మీకంటే వెనుక వచ్చిన వాళ్ళు మిమ్ములను దాటి ముందుకు పోయినా, వాళ్ళకన్నా ఆధిక్యాన్ని దీర్ఘకాలంలో సాధించగలుగుతారు. పెద్దలు స్థిరాస్థులు పోగొట్టినా, స్వయం శక్తితో సాధించుకోగలుగుతారు. శత్రువర్గంపై విజయం సాధిస్తారు. సొంత వాళ్ళ వల్ల ఎదురయ్యే సమస్యలతోనే ఇబ్బందులు ఎదుర్కొంటారు. పడమర, దక్షిణం, ఉత్తరం దిశలు అనుకూలము. కుబేర కంకణ ధారణ వల్ల ఆర్థిక, వృత్తిపరమైన స్థిరత్వం కలుగుతుంది. శ్లో: దేవానాంచ ఋషీణాంచ గురుం కాంచన సన్నిభం బుద్ధిమంతం త్రిలోకేశం తం నమామి బృహస్పతివ్‌ు మీ జాతకంలో గురువు అనుకూలంగా ఉన్నాడా? లేక ప్రతికూలంగా ఉన్నాడా? ఎలాంటి జాగ్రత్తలు తీసుకోవాలి మొదలైన విషయాలు తెలుసుకోవడానికి శ్రీమతి ములుగు శివజ్యోతి గారిని సంప్రదించండి. శని నవగ్రహాలలో శనైశ్చరుని స్థానం ప్రత్యేకమైనది. శని ఇచ్చే ఫలితాలు శుభఫలితాలైనా, అశుభఫలితాలైనా విపరీతంగా ఉంటాయి. శనికి ప్రత్యధిదేవత ఈశ్వరుడు. శని రాజ గ్రహాలతో ప్రబల విరోధం గలవాడు. రాజరికానికి, నియంతృత్వానికి వ్యతిరేకి. శ్రమ జీవితం, వైరాగ్యం, సమధర్మం శనిగ్రహ లక్షణాలు. తమ్ముడు తనవాడయినా న్యాయం అందరికీ సమానమేనన్న వర్తన కలిగినవాడు. ప్రజా సంబంధాలు, ప్రజాదరణ, ఖండాంతర ఖ్యాతి, అధికారం, సాంకేతిక విద్యలు, ఉద్యమాలకు నాయకత్వం, జీవితాశయ సాధనకు సౌఖ్యాలను త్యాగం చేయుడం, సామూహిక మేలు కోసం పోరాడటం శనిగ్రహ లక్షణాలు. శని ఆయుర్దాయ కారకుడు. అనేక రంగాల్లో అత్యున్నత స్థితి, భోగభాగ్యాలు అనుభవించడానికి, శాశ్వత కీర్తివంతుడు కావడానికి శని కారకుడు. శని విశేష రాజయోగం ఇవ్వగలడు. శని దుష్ప్రభావాలు మాత్రమే ఇస్తారన్న ప్రచారం సరియైనది కాదు. ఉత్తరాభాద్ర, పుష్యమి, అనూరాధ నక్షత్రాలకు శని అధిపతి. కుంభ, మకర రాశులకు శని అధిపతి. ఏలిననాటి శని నడుస్తున్నప్పుడు ఎన్నో బాధలు వస్తాయని, దివాలా తీస్తారని, సర్వనాశనం జరుగుతుందని కొందరు ప్రచారం చేస్తుంటారు. ఇది పూర్తిగా తప్పుడు ప్రచారం. ఏలిననాటి శని కాలంలో రాజయోగం పట్టిన వాళ్ళు అనేక మంది ఉన్నారు. ఆయుష్కారకుడైన శని బలాన్ని పరిశీలించిన తర్వాత జాతకాలలో ఇతర అంశాలు పరిశీలించాలి. విశేషమైన జనాకర్షణ, రాజకీయ అధికారం, ప్రజా సంబంధాలు స్వయంశక్తి, ఆయుర్దాయం, రహస్య జీవనం, సన్యాసం, నైతిక ధర్మం, చట్ట ఉల్లంఘన, ఈశత్వం, ప్రాప్తి, ప్రతీకారం మొదలైనవి శనైశ్చరుని స్థితిననుసరించి, జాతకునికి సంప్రాప్తిస్తాయి. ప్రకృతి వైపరీత్యాలు, విశేష జననాశనం, ప్రజా ఉద్యమాలు శని సంచార స్థితిననుసరించే ఉంటాయి. ఎవ్వరికైనా ఏల్నాటి శని ప్రభావం తప్పదు. శని దశ, అంతర్దశ, ఏల్నాటి శని కాలాలలో శని స్వతంత్రించి మహరాజయోగాన్ని, సిరి సంపదల్ని, రాజకీయ అధికారాన్ని, గొప్ప యోగం ఇవ్వగలడు. ఏల్నాటి శని కాలంలో, శని మహర్దశ, అంతర్దశలలో ఎందరో మంత్రులు, ధన అధికార మదాంధులు, సామాన్య మానవుడు సైతం అనుభవించని దుర్భర కష్టాలు అనుభవించి నహుషభ్రష్టత పొందారు. ప్రజాస్వామ్యం, స్వాతంత్య్రాలకు శని కారకుడు. కలియుగంలో నవగ్రహాలలో శనికి మించి అధిక శుభయోగం ఇవ్వగల గ్రహం మరొకటి లేదు. జాతకచక్రంలో తానున్న స్థితిని అనుసరించి, వివిధ రంగాలలో యోగాన్ని, తన దశ, అంతర్దశలలో, ఏల్నాటి శని కాలంలో ఇస్తాడు. జాతకరీత్యా శని యోగకారకుడైనప్పుడు అధికారం, సిరిసంపదలను ఇచ్చినా, తానున్న భావం సరిగా లేనప్పుడు, జాతకుడు తనకంటే పెద్దదైన స్త్రీని పెళ్ళి చేసుకోవడం, లేక కులాంతర వివాహం చేసుకుని, అయిన వాళ్ళకు శత్రువై దూరంగా జీవించడం, భార్యావియోగం, ఏకాంత జీవితం, అనేక మంది సేవకుల మధ్య ఉన్నా, ఒంటరితనం అనుభవిస్తారు. ఇది కళత్ర విషయంలోనే గాదు, ఏ భావానికైనా, సహోదరులు, దాయాదులు, బంధువులు, ధైర్యసాహసాలు, పరువు–ప్రతిష్ఠలు, సంతానం, ఆరోగ్యం, పదవి, కీర్తి–కోర్టు వ్యవహారాలు దేనిమీదనైనా తన ప్రభావం, యోగాన్ని వృద్ధి చేసి భావాన్ని దెబ్బతీస్తాడు. శని తానున్న భావాన్ని వృద్ధి చేస్తాడా, చెడు చేస్తాడా అనేది వ్యక్తిగత జాతకచక్రంలో స్థితిని బట్టి ఉంటుంది. శనిగ్రహ జాతకులు నైతిక ధర్మానికి ప్రాధాన్యమిస్తారు. చేసిన మేలు మరువరు. పదేపదే కృతజ్ఞతలు తెలుపుతుంటారు. అపకారం చేసిన వాళ్ళకు పదింతలు చెరుపు చేయనిదే వాళ్ళు విశ్రమించరు. కుంభ నిక్షిప్త భుజంగంలా సమయం కొరకు వేచి దెబ్బతీస్తారు. శత్రువుల పట్ల క్షమాగుణం ఉండదు. వీరి జ్ఞాపకశక్తి వీళ్ళ శత్రువులకు శాపం. వృద్ధుల పట్ల, స్త్రీల పట్ల శ్రద్ధ వహించి కులమత భేదాలు లేకుండా ప్రవర్తిస్తారు. ప్రత్యర్థులు వీరిని ఏమి చేయలేరు. నిద్రలేమిని భరిస్తారు. అన్నపానాదులు లేక శ్రమిస్తారు. శని దశలో లేక ఏలినాటి శని నడుస్తున్నప్పుడు అధికమైన శుభ సంబంధిత రాజయోగం లేక తత్సమానమైన యోగాన్ని అనుభవిస్తారు. శని కాలభైరవ ఉపాసకుడు. శని గ్రహ సాధారణ లక్షణాలు :– శనిగ్రహ జాతకులు జీవితంలో ఎదురయ్యే సంఘటనల ఆధారంగా అపార అనుభవాన్ని మేధస్సును సొంతం చేసుకుంటారు. ఎక్కువగా వింటారు, మంచి మాటకారితనం ఉంటుంది. ఎదుటి వాళ్ళు మోసం చేయనంత వరకూ ఇతరులను మోసం చేద్దామన్న ఆలోచనే రాదు. బంధుప్రీతి, స్నేహితుల పట్ల అవ్యాజమైన అనుబంధం వీరి లక్షణం. తన లోపం తెలుసుకున్నాక చేసిన పొరపాటును తిరిగి చేయరు. తన తప్పును అంగీకరించడానికి వెనుకాడరు. అందరిని సమభావంతో ప్రేమగానే చూస్తారు. తాను ద్వేషించే వ్యక్తులను అభిమానించే వారిని శత్రువులుగానే చూస్తారు. దీనివల్ల వ్యక్తిగత ప్రయోజనాలు దెబ్బతింటాయి. సాత్విక స్వభావం, మాటమీద నిలబడే తత్వం ఉంటుంది. నైతిక బాధ్యతలకు ప్రాముఖ్యతనిస్తారు. నమ్మిన వాళ్ళ కోసం పరిశ్రమిస్తారు. సాధారణ శరీర సౌష్టవం. అమితమైన జ్ఞాపకశక్తి, రచనా వ్యాసాంగం, పరిశోధన, నటన, కళా సంబంధమైన వృత్తి, ఉద్యోగాలలో విశేషమైన నిపుణత ఉంటుంది. వీళ్ళు చేసే ఏ పనికీ ఇతరులు ప్రత్యామ్నాయం అని చెప్పలేని విధంగా ఉంటుంది. అయితే వీళ్ళ మేధస్సు ఆలోచనలు శ్రమ ఎక్కువ కాలం దోచుకోబడతాయి. ధనం ఏదో రూపంలో సర్దుబాటు అయి అవసరాలు గడుస్తాయి. అభిమానించే ప్రజానీకం, నమ్మిన అనుచర వర్గం ఉంటారు. స్త్రీల వలన అదృష్టం కలసి వస్తుంది. దాంపత్య జీవితంలో టీ కప్పులో తుపాను వంటి సంఘటనలు ఏర్పడతాయి. అంతకుమించి ఇబ్బంది కలగదు. బంధువర్గం కన్నా బయటి వారి సహాయ సహకారాలు బాగా అందివస్తాయి. జీవిత మధ్య కాలంలో మోకాళ్ళ నొప్పులు, కీళ్ళనొప్పులు వంటివి ఇబ్బంది పెడతాయి. శ్లో: నీలాంజన సమాభాసం రవిపుత్రం యమాగ్రజవ్‌ ఛాయామార్తాండ సంభూతం తం నమామి శనైశ్చరవ్‌ మీ జాతకంలో శని అనుకూలంగా ఉన్నాడా? లేక ప్రతికూలంగా ఉన్నాడా? ఎలాంటి జాగ్రత్తలు తీసుకోవాలి మొదలైన విషయాలు తెలుసుకోవడానికి శ్రీమతి ములుగు శివజ్యోతి గారిని సంప్రదించండి.

గ్రహస్థితిని అనుసరించి మంచి, చెడు ఫలితాలు ఉంటాయని జ్యోతిష శాస్త్ర సిద్ధాంతము. అన్ని శాస్త్రాలకెల్లా వేదం గొప్పది. ఈ వేదానికి ధర్మం, న్యాయం, సత్యం అనునవి మూలాధార స్తంభాలు. ధర్మాన్ని అనుసరించి ఎవరికీ వారు సక్రమంగా నడుచుకుంటే ప్రపంచస్థితి, దేశస్థితి ఇప్పటికంటే భిన్నంగా ఉండేది.  మార్పు ఎక్కువ మందిలో కలిగితేనే సమాజంలో మంచి అయినా, చెడు అయినా ప్రభావం చూపుతాయి. ధర్మం ప్రస్తుతం ఒంటి కాలుమీద కూడా నడవడం లేదు. పూర్తిగా చతికిల బడిపోయింది. స్వార్థం, కోరికలు, విలాసాలు, క్షణికావేశం అనే అగ్నిజ్వాలలు ధర్మాన్ని చుట్టుముట్టాయి. అందుకే ప్రపంచంలో అశాంతి, అరాచకం అధికమయ్యాయి. మన దేశం గురించి చెప్పాలంటే ధర్మం చాలా రంగాల్లో క్షీణించింది. ఆ ప్రభావం ప్రకృతి రూపంలో, మహమ్మారి వ్యాధుల రూపంలో మనదేశాన్ని బాధించింది, బాధిస్తుంది. సామూహిక బాధలు, భయాలు, వ్యక్తిగత బాధలు, మానసిక ఒత్తిడి అధికం అవుతున్నాయి. వీటన్నింటికీ కారణం కేవలం గ్రహస్థితి ఒక్కటే కాదు, మానవులు నిర్వర్తిస్తున్న కార్యక్రమాలు, ప్రవర్తన, ధర్మాతిక్రమణ కూడా కారణం. ఎక్కడ చూసినా స్వార్థం, సంకుచిత స్వభావం, అసూయ, అధికమయ్యాయి. నైతిక ధర్మానికి తిలోదకాలు ఇచ్చారు అనడం అతిశయోక్తి ఎంతమాత్రం కాదు. కృతజ్ఞత అనేది కుందేటి కొమ్ములా వెదికినా కనిపించనిది. వ్యక్తుల పట్ల, తల్లిదండ్రుల పట్ల, సంస్థల పట్ల కృతజ్ఞత లేకపోవడం, ఈ రకమైన స్వార్థం పెరిగిపోవడం తప్పక పరిశీలించదగినది. పెద్దంతరం, చిన్నంతరం దాదాపుగా మృగ్యమైపోయింది. ధర్మాన్ని, నైతిక ధర్మాన్ని మానవుడు విస్మరించి అశాంతిని కొని తెచ్చుకుంటున్నాడు.  గ్రహస్థితి బాగాలేదని బాధపడడానికి, దేవుడు దయచూపలేదని విమర్శించే వారికి ముందు ఆత్మపరిశీలన అవసరం. చూడలేని ప్రతి అంశానికి గ్రహస్థితిని, దేవుడిని అడ్డం పెట్టడం అవకాశవాదం అవుతుంది. భగవంతుడు, గ్రహాలు మనకిచ్చిన విజ్ఞానంతో మనం ఏ మేరకు ధర్మాన్ని రక్షించి సక్రమంగా ప్రవర్తించామో పరిశీలించుకోవలసిన సమయం ఆసన్నమైంది. మన చేతలు, బుద్ధులు కూడా అనుకూల ఫలితాలకు కారణం అవుతుందన్న విషయం గ్రహించుట మేలు. స్వదేశాన్ని, స్వజనులను, భగవంతుడిని, తల్లిదండ్రులను మరచిపోకుండా చేతనయినంతలో నీ ధర్మాన్ని నీవు సక్రమంగా నిర్వర్తించు. ఈ విధమైన చైతన్యం అందరిలో కలిగినప్పుడు ధర్మం నిలబడుతుంది. ధర్మం నిలబడితే ప్రకృతి శాంతిస్తుంది. గ్రహ బాధలు తగ్గి, దుస్సంఘటనలు దూరం అవుతాయి. మానవుని స్వార్థం అధికమైనప్పుడు, మేధస్సు వికటించినప్పుడు చేదుఫలితాలే దక్కుతాయి. ఇందుకు దైవాన్ని, జాతకులను, గ్రహాలను విమర్శించడం, విశ్లేషించడం వృథా. ధర్మో రక్షతి రక్షితః

మార్చి  2023 22.    శ్రీ శోభకృత్‌ నామ సంవత్సర ఉగాది 24.    రంజాన్‌ ప్రారంభం 26.    మత్స్య జయంతి 30.    శ్రీరామ నవమి ఏప్రిల్‌  2023 01.  గురుమౌఢ్యమి ప్రారంభం కామద ఏకాదశి, రేవతి కార్తె 05.బాబు జగ్జీవన్‌ రామ్‌ జయంతి. ఒంటిమిట్ట సీతారాముల కళ్యాణం 06.హనుమాన్‌ జయంతి 07.గుడ్‌ ఫ్రైడే 09.సంకటహర చతుర్థి, ఈస్టర్‌ సండే 11.జ్యోతిరావు ఫూలే జయంతి 12 షహదత్‌ హజ్రత్‌ అలీ 14.అంబేద్కర్‌ జయంతి అశ్వని కార్తె 18.    మాసశివరాత్రి, వరాహ జయంతి 22.    పరశురామ జయంతి, రంజాన్‌ 25.    శ్రీ ఆదిశంకర జయంతి, రామానుజ జయంతి 28.    భరణి కార్తె మే  2023 01.అన్నవరం సత్యనారాయణ స్వామి కళ్యాణం కార్మిక దినోత్సవం 04.     నరసింహ జయంతి 05.    బుద్ధ పూర్ణిమ అన్నమయ్య జయంతి డొల్లుకర్తరి ప్రారంభం  08. సంకటహర చతుర్థి 11. నిజకర్తరీ ప్రారంభం 12.కృత్తిక కార్తె 14.హనుమజయంతి 15.మతత్రయ ఏకాదశి 17.మాసశివరాత్రి 19.శనైశ్చర జయంతి 25.రోహిణి కార్తె 31.నిర్జల ఏకాదశి జూన్‌  2023 02.తెలంగాణ అవతరణ 04.ఏరువాక పౌర్ణమి 07.సంకటహర చతుర్థి 08.మృగశిర కార్తె 15.కూర్మ జయంతి 16.మాసశివరాత్రి 17.వటసావిత్రి వ్రతం 20.పూరీ జగన్నాథ రథోత్సవము 21.అంతర్జాతీయ యోగాదినోత్సవము 23.ఆరుద్ర కార్తె, స్కంద పంచమి 24.కుమారషష్ఠి 25.భానుసప్తమి, బోనాలు ప్రారంభం 29.తొలి ఏకాదశి, బక్రీద్‌ జూలై  2023 01.శని త్రయోదశి 03.గురు పూర్ణిమ 06.పునర్వసు కార్తె సంకటహర చతుర్థి 15.మాసశివరాత్రి, శనిత్రయోదశి 16.హైదరాబాద్‌ బోనాలు ప్రారంభం 17.దక్షిణాయనం ప్రారంభం 20.పుష్యమి కార్తె 29.మొహర్రం ఆగష్టు  2023 03.ఆశ్లేష కార్తె 04.సంకటహర చతుర్థి 08.శుక్ర మౌఢ్యమి ప్రారంభం 14.మాసశివరాత్రి 15.స్వాతంత్య్ర దినోత్సవం 17.మఖ కార్తె 19.శుక్రమౌఢ్యమి త్యాగం 21.నాగ పంచమి 25.వరలక్ష్మీ వత్రం 27.మతత్రయ ఏకాదశి 31.రాఖీ పౌర్ణిమ,  పుబ్బకార్తె సెప్టెంబరు  2023 03.సంకటహర చతుర్థి 05.బలరామ జయంతి గురు పూజోత్సవము 07.శ్రీకృష్ణాష్టమి 10. మతత్రయ ఏకాదశి 12.మాసశివరాత్రి, ఉత్తర కార్తె 14. పోలాల అమావాస్య 18. వినాయక చవితి 25.పరివర్తన ఏకాదశి 28. హస్త కార్తె, మిలాద్‌ ఉన్‌ నబీ, అనంత పద్మనాభ వ్రతం 29.మహాలయ  పక్షాలు ప్రారంభం అక్టోబరు  2023 01. ఉండ్రాళ్ళతద్ది 02.సంకటహర చతుర్థి, గాంధీ జయంతి 10. మతత్రయ ఏకాదశి 11.చిత్త కార్తె 12.మాస శివరాత్రి 14.మహాలయ అమావాస్య బతుకమ్మ ప్రారంభం 15.దేవినవరాత్రులు ప్రారంభం 22.దుర్గాష్టమి, బతుకమ్మ పండుగ 23.మహర్నవమి 24.విజయ దశమి 28.వాల్మీకి జయంతి, చంద్రగ్రహణం 31.అట్లతద్ది నవంబరు  2023 01.సంకటహర చతుర్థి 07.విశాఖ కార్తె 11.ధన త్రయోదశి, మాసశివరాత్రి శని త్రయోదశి, ధన్వంతరి జయంతి 12.దీపావళి 14.బాలల దినోత్సవం 15.భగినీ హస్త భోజనం 17.నాగుల చవితి 19.భానుసప్తమి 20.అనూరాధ కార్తె డిసెంబరు  2023 03.జ్యేష్ఠ కార్తె 11.మాసశివరాత్రి 13.పోలిస్వర్గం 16.మూల కార్తె 17.ధనుర్మాస ప్రారంభం 18.సుబ్రహ్మణ్య షష్ఠి 22.గీతా జయంతి ముక్కోటి ఏకాదశి 24.హనుమత్‌ వ్రతం 25.క్రిస్మస్‌ 26.దత్తజయంతి 29.పూర్వాషాఢ కార్తె 30.సంకంటహర చతుర్థి జనవరి  2024 01.ఆంగ్ల సంవత్సరాది 07.అందరికీ ఏకాదశి 10.మాసశివరాత్రి 11.ఉత్తరాషాఢ కార్తె ప్రారంభం 14.భోగి 15.మకర సంక్రాంతి ఉత్తరాయణ పుణ్యకాలం ప్రారంభం 16.కనుమ 17.ముక్కనుమ 24.శ్రావణ కార్తె 29.సంకటహర చతుర్థి ఫిబ్రవరి  2024 06.ధనిష్ఠ కార్తె 08.మాసశివరాత్రి 09.చొల్లంగి అమావాస్య 14.శ్రీపంచమి 16. భీష్మ ఏకాదశి, శతభిష కార్తె మార్చి  2024 04. పూర్వాభాద్ర కార్తె 08. మహాశివరాత్రి, మాసశివరాత్రి 12. రంజాన్‌ నెల ప్రారంభం 17.ఉత్తరాభాద్ర కార్తె 21.నృసింహ ద్వాదశి 23. శని త్రయోదశి 26. హోలీ 28. సంకటహర చతుర్థి 31. రేవతి కార్తె ఏప్రిల్‌  2024 06.శని త్రయోదశి 07. మాసశివరాత్రి 09. శ్రీ క్రోధినామ సంవత్సర ఉగాది

కురుక్షేత్ర యుద్ధం ముగిసింది. కృష్ణుడు పాండవులను తీసుకుని హస్తినాపురానికి వస్తాడు. తన వందమంది పుత్రులను పోగొట్టుకున్న ధృతరాష్ట్రుడు శోకంలో మునిగిపోయి ఉంటాడు. కృష్ణుడి రాకను గమనించిన ధృతరాష్ట్రుడు ఎదురువెళ్ళి భోరున విలపిస్తాడు. చిన్నపిల్లాడిలా ఏడుస్తున్న ధృతరాష్ట్రుణ్ణి కృష్ణుడు ఓదార్చే ప్రయత్నం చేస్తాడు. ధృతరాష్టుడ్రి దుఃఖం కోపంగా మారి కృష్ణుడిని నిలదీస్తాడు. ‘అన్నీ తెలిసినా, మొదటి నుంచి జరిగేదంతా చూస్తూ కూడా సాక్షాత్తూ భగవంతుడవైన నువ్వు ఎందుకు మిన్నకుండిపోయావు? ఇంత ఘోరాన్ని ఎందుకు ఆపలేదు? కావాలని ఇదంతా ఎందుకు జరగనిచ్చావు? ఈరోజు తనకి వందమంది పుత్రులను పోగొట్టుకునే స్థితిని ఎందుకు కలగజేశావు?’ అని నిలదీస్తాడు. అందుకు కృష్ణుడు ఇలా సమాధానమిస్తాడు. ‘ఓ రాజా! ఇదంతా నేను చేసిందీ కాదూ, నేను జరగనిచ్చిందీ కాదు. ఇది ఇలా జరగటానికి, నీకు పుత్రశోకం కలగటానికీ అన్నిటికీ కారణం నువ్వూ నీ కర్మ. యాభై జన్మల క్రితం నువ్వొక కిరాతుడివి. ఒకరోజు వేటకు వెళ్ళి రోజంతా వేటాడినా నీకు ఏమీ దొరకని సందర్భంలో ఒక అశోక వృక్షం మీద గువ్వల జంట ఒకటి వాటి గూట్లో గుడ్లతో నివసిస్తోంది. వాటిని నీవు చంపబోగా ఆ రెండు పక్షులూ నీ బాణాన్ని తప్పించుకుని బతుకగా, అప్పటికే సహనం నశించినవాడివై కోపంతో ఆ గూట్లో ఉన్న వంద గుడ్లను ఆ రెండు పక్షులు చూస్తుండగా విచ్ఛిన్నం చేశావు. తమ కంటి ముందే తమ నూర్గురు పిల్లలు విచ్ఛిన్నం అవుతున్నా ఏమీ చేయలేని నిస్సహాయ స్థితిలో అవి చూస్తూ ఉండిపోయాయి. ఆ పక్షుల గర్భశోకం దుష్కర్మగా నిన్ను వదలక వెంటాడి ఈ జన్మలో నిన్ను ఆ పాపం నుంచి విముక్తుణ్ణి చేసి కర్మబంధం నుంచి విడిపించింది, నువ్వు ఎన్ని జన్మలెత్తినా, ఎక్కడ ఉన్నా ఎవరు నిన్ను ఉపేక్షించినా, ఎవరు నిన్ను శిక్షించలేకపోయినా నీ కర్మ నిన్ను తప్పక వెంటాడుతుంది, వదలక వెంటాడి ఆ కర్మ ఫలాన్ని అనుభవింపచేస్తుంది. కర్మ నుంచి ఎవరూ తప్పించుకోలేరు‘ అని అంటాడు.  ధృతరాష్ట్రుడు సమాధానపడ్డట్టు అనిపించినా మళ్ళీ కృష్ణుడిని తిరిగి ప్రశ్నిస్తాడు. ‘కర్మ అంతగా వదలని మొండిదే అయితే యాభై జన్మలు ఎందుకు వేచి ఉన్నట్టు? ముందే ఎందుకు శిక్షించలేదు?’ అని ప్రశ్నిస్తాడు. అందుకు కృష్ణుడు చిరునవ్వు నవ్వి ‘ఓ రాజా! వందమంది పుత్రులను ఒకే జన్మలో పొందాలంటే ఎంతో పుణ్యం చేసుకోవాలి. ఎన్నో సత్కర్మలు ఆచరించాలి. ఈ యాభై జన్మలు నువ్వు ఈ వందమంది పుత్రులను పొందడానికి కావల్సిన పుణ్యాన్ని సంపాదించుకున్నావు. వందమంది పుత్రులను పొందేంత పుణ్యం నీకు లభించాక నీ కర్మ తన పని చేయడం మొదలుపెట్టింది’ అని వివరిస్తాడు. అది విన్న ధృతరాష్ట్రుడు కుప్పకూలిపోతాడు. మనం జన్మజన్మలుగా సంపాదించుకున్న పుణ్యఫలాలన్నీ ఒక్క చెడ్డపనితో తుడిచిపెట్టుకుపోతాయి అని శ్రీ కృష్ణుడి అంతరార్థం.  1.చంద్రుడు : అద్దం పుట్టడానికి చంద్రుడు కారణం. అందుకే అద్దంలో దిగంబరముగా చూసుకోవడం, వెక్కిరించడం వంటి చేష్టలు చేయకూడదు. 2.గురువు : సర్వ శాస్త్రాలు తెలిసిన గురువు బృహస్పతి, ఎవరైనా గురువును కించపరచితే గురుదేవునికి ఆగ్రహం కలుగుతుంది. గురువులను పూజిస్తే బృహస్పతి అనుగ్రహం కలిగుతుంది. 3.బుధుడు : బుధుడికి చెవిలో వేలు పెట్టి తిప్పుకుంటే కోపం. అందునా బుధవారం ఈ పని అస్సలు చేయకూడదు. వ్యాపారాన్ని అశ్రద్ధ చేసినా, జ్ఞానం ఉంది కదా అని విర్రవీగినా బుధుడు ఆగ్రహిస్తాడు. 4.శని : శనికి పెద్దలను కించపరచినా, మరుగుదొడ్లు శుచిగా లేకపోయినా కోపం. తల్లిదండ్రులను చులకన చేసినా సహించడు. సేవక వృత్తి చేసిన వారిని శని కాపాడతాడు. 5.సూర్యుడు : పితృదేవతలని దూషిస్తే రవికి కోపం. సూర్యుడు నమస్కార ప్రియుడు. తర్పణ గ్రహీత. సూర్య దేవునికి ఎదురుగా మల మూత్ర విసర్జన, దంతావధానం చేయకూడదు. 6.శుక్రుడు : శుక్రుడికి భార్య భర్తనుగాని, భర్త భార్యనుగాని కించపరిస్తే కోపం. శుక్రుడు ప్రేమ కారకుడు. లకీ‡్ష్మ దేవి కృప లేకపోతే శుక్ర కృప కష్టమే. అమ్మకి శుచి శుభ్రత లేని ఇళ్లు, మనుషులు నచ్చరు, గొడవలు లేని ఇల్లు ఇష్టం. 7.కుజుడు : అప్పు ఎగ్గొడితే కుజుడికి కోపం. వ్యవసాయపరంగా మోసం చేస్తే ఊరుకోడు. 8.కేతువు : జ్ఞానం ఉండి కూడా పంచడానికి వెనుకాడితే కేతువు ఆగ్రహిస్తాడు, మోక్ష కారకుడు అయిన కేతువుకి పెద్దలకు మరణాంతరం చేయవలసిన కార్యాలు చేయకపోతే కోపిస్తాడు. ఈయన జాతకంలో బాగోలేకపోతే పిశాచపీడ కలుగుతుంది. 9.రాహువు : వైద్యవృత్తి పేరుతో మోసగించినా, సర్పాలకు హాని చేసినా రాహువు ఆగ్రహిస్తాడు. భ్రమకు, మాయకు రాహువు కారకుడు.  శివదీక్ష నవగ్రహానుగ్రహము శ్రీమన్నారాయణునిచే శ్లాఘించబడిన మహత్తరమైన శాశ్వత శుభత్వమును కలుగజేయునదే శివదీక్ష. పార్వతీమాత పరమశివుని అనుగ్రహము కొరకు, స్వామిని వివాహము చేసుకోవడానికి కఠోరమైన శివార్చన నిర్వహించినది. లోకమాత పార్వతి మండువేసవిలో పంచాగ్నుల మధ్య, శీతకాలములో తడి వస్త్రము ధరించి, వర్షాకాలమందు జడివానలో సదాశివుని స్మరించి, శివదీక్ష నిర్వర్తించి, స్వామి కటాక్షము పొందినది. అర్ధ శరీరమును పొందగలిగినదా గౌరీ మనోహరి. శివదీక్షాపరులకు పరమేశ్వరుని అనుగ్రహము నిశ్చయము. శుభయోగమును అనేక సంవత్సరములు పొందగలరు. శివదీక్షను స్వీకరించిన కార్తికేయుడు సర్వదేవతా సేనాధిపతి అయినాడు. అర్జునుడు పాశుపతాస్త్రమును శివముఖతః పొందగలిగాడు. శివదీక్ష మానవునికి వంశానుగత శాశ్వత శుభయోగమునిస్తుంది. ఏలిననాటి శని శివదీక్షపరునికి అధికార ప్రాప్తిని, రాహువు ఆకస్మిక ధనమును, విదేశీ వ్యవహారములయందు విజయప్రాప్తిని, కుజుడు భూ సంపదలను, రవి ఆరోగ్యమును, గురువు ఉన్నత విద్య, సువర్ణ ఆభరణములను, కీర్తి ప్రతిష్ఠలను, శుక్రుడు  కళత్ర వాహన సౌఖ్యములను, కేతువు  విఘ్నములను హరించి అమృత యోగమును ఇస్తారు. చంద్రుడు జల సంపదలను, మనోబలమును ప్రసాదిస్తాడు. నవగ్రహములు, ద్వాదశ ఆదిత్యులు, నక్షత్ర మండలములు, శివాజ్ఞను అనుసరించి సంచరించును. శివదీక్ష స్వీకరించి తరించండి ! దీక్షా నియమములను సక్రమముగా పాటించండి.   

రాజు– బుధుడు: అధికారంలో ఉన్నవారు వ్యాపార ధోరణిలో ప్రభుత్వాలు నడుపుతారు. ప్రపంచ నాయకులు, దేశ నాయకులు, రాష్ట్ర నాయకుల మధ్య అభిప్రాయాల భేదాలు తలెత్తుతాయి. అధిక పన్నులు తప్పవు. సామాన్య మానవుడికి తినడానికి, తాగడానికి, నివసించడానికి అయ్యే ఖర్చులు అందుబాటు ధరల్లో ఉండవు. భారతదేశం తీసుకున్న కీలక నిర్ణయాలకు తగిన పరిణామాలను ఎదుర్కోవలసిన పరిస్థితులు ఏర్పడుతాయి. ఆయుర్వేద, జ్యోతిష మొదలగు అరుదైన శాస్త్రాలకు ప్రాముఖ్యత పెరుగుతుంది. ఇటువంటి వాటిని ప్రోత్సహించడానికి ప్రభుత్వం తరఫున మద్దతు లభిస్తుంది. దేశ ఆహార పద్ధతులలో మార్పులు చోటుచేసుకుంటాయి. ఎగుమతి, దిగుమతి వ్యాపారాలో మార్పులు సంభవిస్తాయి. ప్రపంచ స్థాయిలో దేశాలకు దేశాల మధ్య స్నేహం కాకుండా వ్యాపారధోరణి ఆలోచనలు తలెత్తుతాయి. చిన్నవాళ్ళ నుంచి పెద్దవాళ్ళ వరకు ఆరోగ్య నియమాలు పాటించాల్సిన పరిస్థితులు ఏర్పడుతాయి. నూనె లేకుండా వంటలు చేసుకోవలసిన పరస్థితి సంభవిస్తుంది (ఆరోగ్య నియమం కాదు నూనె కొనలేని పరిస్థితులు ఏర్పడుతాయి.) చర్మ వ్యాధులు, జీర్ణకోశ వ్యాధులు ఎక్కువవుతాయి. పెద్ద నాయకులు సభలు ఏర్పాటు చేసినప్పుడు జాగ్రత్తలు తీసుకోవలసిన అవసరం ఉంది. అపశ్రుతులు సంభవించే అవకాశం ఉంది. సెక్యూరిటీ ఇబ్బందులు వస్తాయి. ప్రముఖ నాయకులకు ఇబ్బందికర పరిస్థితులు ఏర్పడుతాయి. ధాన్యాధిపతి– శని: అన్నదాన సత్రాలు అధికమవుతాయి. లోకంలో కనివిని ఎరుగని స్థాయిలో వృద్ధాశ్రమాలు అభివృద్ధి చెందుతాయి. ఎగుమతి, దిగుమతి వ్యాపారాలు లాభిస్తాయి. ధాన్యం అపరాల దిగుబడి తగ్గుతుంది. ఆహారంలో పోషక విలువలు తగ్గిపోతాయి. పురుగుమందులు ఎక్కువగా ఉపయోగించబడిన పదార్థాలను స్వీకరించి తద్వారా అనేకరకాలైన రోగాలకు గురయ్యే అవకాశం ఉంది. మన సంస్కృతికి విరుద్ధమైన పోషక విలువలు లేని రకరకాల ఆహారపదార్థాలు, పానీయాలు మార్కెట్‌లో చలామణీ అవుతాయి. ఉచిత సేవాకేంద్రాలో కూడా వాణిజ్యపరమైన వాతావరణం చోటు చేసుకుంటుంది. నువ్వులు, జొన్నలు, రాగులు, ఉలవలు అందుబాటులో ఉంటాయి. పశుదాణాకు కొరత ఏర్పడుతుంది. అకాల వర్షాల వల్ల, వడగళ్ళవాన వల్ల, ఈదురు గాలుల వలన ధాన్య సంపదకు, పంటలకు ఇబ్బందులు ఏర్పడుతాయి. వివిధ రకాలైన పంట పొలాలకు నష్టం కలుగుతుంది. అర్ఘ్యాధిపతి– గురువు: వేదాధ్యయనం బాగా జరుగుతుంది. తిరిగి వేదాభ్యాసాన్ని ఆశ్రయించేవాళ్ళు అధికమవుతారు. వేదమంత్రాలతో దేవాలయాలు అభివృద్ధి చెందుతాయి. దేశంలోనూ, రాష్ట్రంలోనూ అతివృష్టి, అనావృష్టి కొనసాగుతుంది. అంతరిక్ష ప్రయోగాలు, అంతరిక్ష ప్రయాణాలలో అపశ్రుతులు చోటుచేసుకుంటాయి. ప్రజలలో దానగుణం పెరుగుతుంది. వేదపాఠశాలలు పునరుద్ధిరించబడతాయి, అరుదైన శాస్త్రాలను సంరక్షించుకునే ప్రయత్నాలు జరుగుతాయి. అధికంగా పిల్లలలో అంతరిక్ష ప్రయోగాలకు సంబంధించిన విద్యను నేర్చుకోవాలనే ఉబలాటం పెరుగుతుంది. ప్రతి ఒక్కరూ చదువుకోవాలన్న నేపథ్యంలో ఆలోచిస్తారు. మేఘాధిపతి– గురువు: అతివృష్టి, అనావృష్టి, పిడుగుపాటులు, వడగళ్ళ వానలు సంభవం. సముద్రంలో ఆటుపోట్లు ప్రపంచస్థాయిలో చర్చనీయాంశంగా మారుతుంది. దీనికి ప్రత్యామ్నాయాలు ఉన్నప్పటికీ ఆస్తి నష్టం తప్పదు. జలప్రళయాలు వస్తాయి. ఆస్తినష్టం సంభవిస్తుంది. సముద్రమధ్య దీవులకు యమగండ కాలం దాపురిస్తుంది. భూకంపాలు అధికమయ్యే అవకాశం ఉంది. ప్రకృతి నిర్దయ ప్రపంచానికి తీవ్ర విషాదాన్ని మిగులుస్తుంది. సునామీలు వచ్చే అవకాశం ఉంది. అగ్నిపర్వతాలు పేలడం సర్వసాధారణం అవుతుంది. మంత్రి– శుక్రుడు: మంత్రిత్వం బ్రాహ్మణ గ్రహమైన శుక్రుడికి రావడం మంచిదే. పాలకుల ఆలోచనా విధానం, అభివృద్ధికి వ్యూహాలు బాగుంటాయి.అయితే ఆచరణలో మాత్రం తగిన ఫలితాలు రావు. అధికార పక్షానికి, విపక్షాలకు ఎన్నడూ లేని విధంగా సంగ్రామం జరుగుతుంది. కొన్ని సందర్భాలలో కర్ఫ్యూ విధించే అవకాశం ఉంటుంది. ముఖ్య నాయకుల అసహజ మరణం తీవ్రవిషాదానికి దారితీస్తుంది. పండ్లు, పూలు, స్వీట్లు, మద్యం అధిక ధరలు కలిగి ఉంటాయి. విదేశీ వివాహాల వ్యామోహం అన్ని హద్దులను దాటిపోతుంది. పర్వతప్రాంతాలలో దుస్సంఘటనలు సంభవిస్తాయి. ప్రేమ వివాహాలు, విడాకులు తీసుకునే వారి సంఖ్య అధికమవుతుంది. మారుపెళ్ళిళ్ళ ప్రస్తావన నిత్యకృత్యంగా మారుతుంది. కవులు, కళాకారుల ప్రతిభకు తగిన గుర్తింపు లభిస్తుంది. చిన్నపిల్లలు కళాసాంస్కృతిక వైజ్ఞానిక రంగాలలో అద్భుతంగా రాణిస్తారు. బాలమేధావులను చూసి ప్రపంచం దిగ్భ్రాంతికి లోనవుతుంది. కులమతవర్గ వివక్షలు అధికమవుతాయి. మత మార్పిడులు దేశాన్ని ఒక కుదుపు కుదుపుతాయి. మద్యం వినియోగం అధికమవుతుంది. అనేక రంగాలలో రాజకీయంగా, సామాజిక రంగాలలో, నేరచరిత్రలో స్త్రీల పాత్ర గణనీయంగా పెరుగుతుంది. భార్యా బాధితులు అధికమవుతారు. యువతీ యువకులు విలాసవంతమైన జీవితానికి అలవాటుపడి, సంస్కృతీ సంప్రదాయాలకు దూరంగా ఉంటారు. యువత మద్యం, మాదక ద్రవ్యాల వలన నిర్వీర్యమవుతారు. సైన్యాధిపతి– శుక్రుడు: రక్షణ వ్యవస్థ పటిష్ఠంగా ఉంటుంది. సైనికుల వలన దేశానికి ప్రఖ్యాతి లభిస్తుంది. చాలా ప్రదేశాలలో ప్రభుత్వానికి పోటీగా తీవ్రవాద శక్తులు బలోపేతమవుతాయి. హ్యాకర్స్‌ వల్ల ఇబ్బందులు వచ్చే అవకాశం ఉంటుంది. కీలక సమాచారం బయటకు వచ్చే అవకాశం ఉంది. ఆంతరంగిక భద్రతా వ్యవస్థకు గడ్డుకాలం. జైలు నుంచి పారిపోయే ఖైదీల సంఖ్య అధికమవుతుంది. స్త్రీలు అనేక రంగాలలో విశేషంగా రాణిస్తారు. క్రీడా, వైద్య, సాంస్కృతిక రంగాలలో స్త్రీలకు అఖండ ఖ్యాతి వస్తుంది. స్త్రీలపై అత్యాచారాలు, అఘాయిత్యాలు, వేధింపులు అధికమవుతాయి. విడాకులు తీసుకునే వారి సంఖ్య పెరుగుతుంది. మారణాయుధాల వినియోగం, కొనుగోలు, రక్షణ బడ్జెట్‌ అధికమవుతుంది. సైన్యాధిపత్యం శుక్రుడికి వచ్చిన కారణం చేత రక్షణ రంగం బలపడుతుంది. అద్భుతమైన వ్యూహాలు రచించి, శత్రుదేశాలకు కొరకరాని కొయ్యగా తయారవుతుంది. సెక్యూరిటీ రంగంలో స్త్రీలు ప్రధాన పాత్ర పోషిస్తారు. చాలామంది స్త్రీలు ఐఏఎస్, ఐపీఎస్‌కు ఎంపికవుతారు. కరాటే, మార్షల్‌ ఆర్ట్స్, షూటింగ్, స్విమ్మింగ్, క్రికెట్, బ్యాడ్మింన్‌ తదితర క్రీడారంగాలలో స్త్రీలు బాగా రాణిస్తారు. రసాధిపతి– బుధుడు: ప్రజాపోరాటాలు అధికమవు తాయి. బంగారం సహా లోహాలన్నీ ధర కలిగి ఉంటాయి. పెట్రోలు, డీజిల్‌ హింసాత్మక సంఘటన లలో ప్రధానపాత్ర పోషిస్తాయి. మారణాయుధాల వినియోగం అధికమవుతుంది. చింతపండు, నూనె, దాల్చినచెక్క, అల్లం, నెయ్యి, పాలు, పెరుగు, హోమ ద్రవ్యాలు, పూజా, అలంకార సామాగ్రి, ఆయుర్వేద మూలికలు ధర కలిగి ఉంటాయి. ఆయుర్వేద, హోమియోపతి వైద్యులకు అనుకూల కాలం. చేతివృత్తుల వారికి ఊరట లభిస్తుంది. సంప్రదాయ వస్తువులకు, సామాగ్రికి ఆదరణ పెరుగుతుంది. నీరసాధిపతి– చంద్రుడు: చంద్రునికి నీరసాధిపత్యం వచ్చినందున నిజమైన సాహిత్య కళాకారులకి గుర్తింపు లభిస్తుంది. ప్రజాదరణ లభిస్తుంది. ఉన్నతస్థాయిలో ఉన్నవారికి ఇబ్బందులు ఏర్పడుతాయి. ముఖ్య స్థానాలలో ఉన్న నాయకులపై లైంగిక ఆరోపణలు, స్కావ్‌ులు, ఇతర ఆరోపణలు ఎదుర్కోవలసిన పరిస్థితులు ఉంటాయి. దాచిపెట్టుకున్న సొమ్ము మనకు అందకుండా ఎక్కడ ఉందో అని రోజూ బాధపడుతున్న వారికి ఒక శుభవార్త అందుతుంది. వాళ్ళ డబ్బులు ఎవరు కొట్టేశారో, ఏ బడాబాబుల దగ్గర ఉన్నాయో బట్టబయలు అవుతుంది. దంత సమస్యలు అధికమవు తాయి. తైవాన్, అఫ్గానిస్తాన్‌ తదితర దేశాలలో ప్రకృతి బీభత్సాలు అధికంగా ఉంటాయి. అగ్నిపర్వతాలు విస్ఫోటం చెందే అవకాశం ఉంది. ప్రకృతి ముందు మానవుడు బలహీనుడని మరోసారి రుజువు అవుతుంది. కలుషితమైన ఆహారం, పానీయాలు అందరికీ అందుబాటులో ఉంటాయి. ఆత్మహత్య ధోరణి ప్రపంచ స్థాయిలో అధికమవుతుంది. మంచినీళ్ళు తాగటం కూడా ఓ పెద్ద వరంగా మారుతుంది. సస్యాధిపతి– చంద్రుడు: జల ఉపద్రవాల వల్ల అనేక ప్రాంతాల్లో బీభత్సం సంభవిస్తుంది. కంట్లో నీళ్ళు, ఇంట్లో నీళ్ళు, త్రాగేందుకు మాత్రం నీళ్ళు దొరకవు. చంద్రుడికి సస్యాధిపత్యం రావడం వలన కళా సంబంధమైన, వినోద సంబంధమైన విషయాలు ప్రజలకు వైషమ్య సందేశాలను అందజేస్తాయి. భార్యాభర్తల మధ్య, యువతీ యువకుల మధ్య ఈ ప్రభావం అధికంగా ఉంటుంది. వృద్ధుల పరిస్థితి దయనీయంగా మారుతుంది. కన్నవారి ప్రేమాభి మానాలు, రక్తసంబంధీకులు ప్రేమానురాగాలను సైతం తూకం వేసి కొనుగోలు చేయాల్సిన పరిస్థితులు ఏర్పడుతాయి. వాణిజ్య పంటలకు మద్దతు ధర లభించదు. నకిలీ విత్తనాలు, నకిలీ పురుగుమందులు చలామణీలో ఉంటాయి. అన్నిరకాల ధాన్యం, నిత్యవసర సరుకుల ధరలు విశేషంగా పెరుగుతాయి. బంగారం, వెండి ధరలు హెచ్చుగానే ఉంటాయి. దేశ ఆర్థిక పరిస్థితి వెనుకంజలో ఉంటుంది. భగవంతుడి అనుగ్రహం చాలా ముఖ్యమైనది.

శ్రీ శోభకృత్‌ నామ సంవత్సర కర్తరీ నిర్ణయం రవి భరణీ నక్షత్ర 3వ పాదంలో ప్రవేశించు కాలమే డొల్లుకర్తరీ ప్రారంభం. దీనిని చిన్నకర్తరీ అని కూడా అంటారు. రవి కృత్తికా నక్షత్రంలో ప్రవేశించు కాలమే నిజకర్తరీ ప్రారంభం. రవి రోహిణీ నక్షత్ర 2వ పాదంలో ప్రవేశించు కాలమే కర్తరీ త్యాగము. ఈ కర్తరీ దినాలలో వాస్తు సంబంధ నూతన గృహారంభ, గృహప్రవేశాదులు చేయరాదు. కర్తరీలో చేయదగిన కార్యములు సూర్యుడు భరణి, కృత్తిక నక్షత్రాలలో ఉండే కాలంలో వివాహం, యజ్ఞం, మండపాదుల నిర్మాణం చేయవచ్చును. కర్తరీలో చేయదగని కార్యములు కర్తరీలో చెట్లు నరకడం, నారతీయడం, విత్తనాలు వేయడం, భూమిని తవ్వడం, కొత్త గ్రామాల నిర్మాణం, క్షౌరం, తోటలు వేయడం, చెరువులు, బావుల తవ్వకం, కొత్తబండినెక్కడం వంటి పనులు చేయరాదు. 05.05.2023 శ్రీ శోభకృత్‌నామ సంవత్సర వైశాఖ శుక్ల పౌర్ణమి, శుక్రవారం రోజున ‘డొల్లుకర్తరీ’ ప్రారంభము అవుతుంది. 11.05.2023 శ్రీ శోభకృత్‌నామ సంవత్సర వైశాఖ బహుళ షష్ఠి గురువారం రోజున నిజకర్తరీ ప్రారంభమవుతుంది. 28.05.2023 శుక్ల అష్టమి, ఆదివారం రోజున నిజకర్తరి త్యాగం. మౌఢ్యమి నిర్ణయం ఏ గ్రహమైనా నిర్దిష్టమైన కోణంలో సూర్యునికి సమీపంగా వస్తే శక్తిహీనమవుతుంది. ఇది అన్ని గ్రహాలకు ఉంటుంది. జ్యోతిషశాస్త్రం మాత్రం శుభగ్రహాలైన గురు శుక్రులకు శక్తిహీనతను మాత్రమే దోషంగా పరిగణిస్తుంది. చంద్రుని శక్తిహీనతే ప్రతి మాసంలోనూ వచ్చే అమావాస్య. గురుగ్రహ శక్తిహీనతను గురుమౌఢ్యమి గానూ, శుక్రగ్రహ శక్తిహీనతను శుక్రమౌఢ్యమిగానూ పరిగణిస్తారు. దీనినే మూఢమి అని కూడా అంటారు. ఈ మౌఢ్యమి శుభకార్యాలకు పనికిరాదు. ఈ సంవత్సరం గురుమౌఢ్యమి 01.04.2023 చైత్ర శుక్ల ఏకాదశి, శనివారం నుంచి 02.05.2023 వైశాఖ శుక్ల ద్వాదశి, మంగళవారం వరకు. శుక్రమౌఢ్యమి 08.08.2023 అధిక శ్రావణ బహుళ సప్తమి మంగళవారం నుంచి 18.08.2023 నిజ శ్రావణ శుక్ల విదియ శుక్రవారం వరకు. మకర సంక్రమణం మకర సంక్రాంతి పండుగ 15.01.2024 15వ తేదీ ఉదయం నుంచి ఉత్తరాయణ పుణ్యకాలం ప్రారంభమవుతుంది. పుష్కరాలు 22–04–2023 శ్రీ శోభకృత్‌నామ సంవత్సరర వైశాఖ శుక్ల విదయ శనివారం నుంచి గంగానదికి పుష్కరాలు ప్రారంభం. చంద్రగ్రహణం శ్రీ శోభకృత్‌నామ సంవత్సర ఆశ్వయుజ శుక్ల పౌర్ణమి 28–10–2023 శనివారం రోజున రాహుగ్రస్థ చంద్రగ్రహణం. స్పర్శకాలం రా.1.04, మధ్యకాలం రా.1.43, మోక్షకాలం రా.2.33, గ్రహణ పుణ్యకాలం 1.25 గం.

మీన రాశి - (ఆదాయం 8, వ్యయం 11, రాజపూజ్యం 1, అవమానం 2) మీనరాశి వారికి ఈ సంవత్సరము మిశ్రమ ఫలితాలు గోచరిస్తున్నాయి. లగ్న ద్వితీయ స్థానాలలో గురు రాహువుల సంచారం, సప్తమ అష్టమస్థానాలలో కేతుగ్రహ సంచారం, వ్యయస్థానంలో శనిగ్రహ సంచారం, రవి చంద్ర గ్రహణాలు, గురు శుక్ర మౌఢ్యమిలు ప్రధాన ఫలితాలను నిర్దేశిస్తున్నాయి. అనేకమందితో నూతనమైన వ్యవహారాలు వ్యాపారాలు లాభిస్తాయి. ఆశపెట్టుకున్న వ్యక్తులు మిమ్మల్ని ఆదుకుంటారు. ఎంతోమందికి మీరు అభయహస్తం ఇస్తారు. కొంతమంది విద్యాభ్యాసం కోసం స్వార్జితాన్ని విరాళంగా అందజేస్తారు. వ్యాపార వ్యవహారాలు ఊహకు మించి పెరుగుతాయి. ప్రతి పనికి అధిక కష్టం చేయాల్సిన పరిస్థితులున్నాయి. ఉన్నత చదువుల కోసం చేసే ప్రయత్నాలు సఫలమవుతాయి. మానసిక ఒత్తిడిని కలిగి ఉంటారు. లాటరీలు, క్రికెట్‌ బెట్టింగ్‌లు పనికిరావు. దొంగ స్వామీజీల వల్ల, నకిలీ వస్తువుల వల్ల నష్టపోయే అవకాశం ఉంది. ఈ వ్యాపారాలు బెటర్‌ ఫర్నిచర్‌ వ్యాపారం, ఫాస్ట్‌ఫుడ్‌ వ్యాపారం, బేకరీలు, హాస్టల్‌ మొదలైనవి అనుకూలంగా ఉంటాయి. వృత్తి, ఉద్యోగాలలో అభివృద్ధి బాగుంటుంది. సంతాన పురోగతి బాగుంటుంది. మీ ఆధ్వర్యంలో నడుస్తున్న విద్యాసంస్థలు, సేవాసంస్థలు, అనాథాశ్రమాలకు మంచిపేరు వస్తుంది. నూతన పదవీప్రాప్తి వుంది. గృహయోగం, వాహనయోగం కలుగుతుంది. వాహనాలు నడిపేటప్పుడు జాగ్రత్త వహించండి. అత్యున్నత సాంకేతిక విద్యకు సంబంధించి మీరు చేసే ప్రయత్నాలు సఫలీకృతం అవుతాయి. విదేశాలలో ఉద్యోగప్రయత్నాలు చేసేవారికి అనుకూలం. స్త్రీలతో ఏర్పడిన విభేదాలు వ్యతిరేక ప్రభావం చూపిస్తాయి. స్టేషనరీ, రవాణా, ఆహార, అలంకార సంబంధమైన వ్యాపారాలు బాగుంటాయి. లాయర్లకు, పోలీసు అధికారులకు వృత్తిపరంగా పేరు ప్రఖ్యాతులు లభిస్తాయి. వ్యాపారంలో భాగస్వాములు మోసం చేస్తారు. సంతానం లేనివారికి సంతానప్రాప్తి, పునర్వివాహ ప్రయత్నాలు చేసేవారికి సానుకూల ఫలితాలు ఉంటాయి. నిరుద్యోగులకు ఉద్యోగ ప్రయత్నాలు ఫలిస్తాయి. సర్పదోషాలు, గ్రహబాధలు తొలగిపోవడానికి సర్పదోషనివారణ చూర్ణంతో సర్వరక్షాచూర్ణం కలిపి స్నానం చేయండి (తలస్నానం చేయరాదు). మీతో వైరం పెట్టుకుంటే శత్రువర్గం మీపై దుష్ప్రచారం కొనసాగిస్తారు. విమర్శలను పట్టించుకోకుండా నడుచుకుంటారు. మీతో వైరం పెట్టుకుంటే ఏం జరుగుతుందో వాళ్ళందరికీ తెలిసివస్తుంది. లోహపు వ్యాపారులకు, ఆహారధాన్యాల వ్యాపారులకు, వస్త్ర వ్యాపారులకు కాలం కలిసివస్తుంది. సంవత్సర ప్రథమార్ధం కన్నా ద్వితీయార్ధం బాగుంటుంది. పన్నుల అధికారుల వల్ల ఇబ్బందిపడే అవకాశం ఉంది. వివాహాది శుభకార్యాలకు సంబంధించి మీరు చేసే ప్రయత్నాలు విసుగు పుట్టిస్తాయి. దైవానుగ్రహం వల్ల మీ ప్రమేయం లేకుండానే ఆకస్మికంగా పెళ్ళి సంబంధం కుదురుతుంది. గడప గౌరమ్మ వాడేటప్పుడు ఇందులో సుమంగళీ పసుపు కలిపి ఉపయోగించండి. ఆకస్మికంగా ఇంట్లో ఓ శుభకార్యాన్ని నిర్వహిస్తారు. వ్యక్తిగత పరపతి పెరగడంతో పాటు శత్రువులు కూడా పెరుగుతారు. ఉద్యోగపరంగా మీపై కక్ష సాధించాలనుకునే మీ పైఅధికారికి స్థానచలనం కలగడంతో ఊపిరి పీల్చుకుంటారు. ఇతరుల బరువు, బాధ్యతలను మీపై వేసుకోవడానికి ప్రయత్నించవద్దు. బంధువులకు సహాయం చేయడం వల్ల గృహంలో చికాకులు ఎదురవుతాయి. సంతానం చదువుల నిమిత్తం అధిక ధనం వెచ్చించవలసిన పరిస్థితి రావచ్చు. ప్రతిరోజూ హనుమాన్‌ సింధూర్‌ నుదుటన ధరించండి. వాహనాన్ని మారుస్తారు. ఆధ్యాత్మిక కార్యక్రమాలలో చురుకుగా పాల్గొంటారు. వ్యాపారంలో అధునాతనమైన పద్ధతులను అవలంబించి అభివృద్ధి సాధిస్తారు. చార్టర్డ్‌ అకౌంటెంట్స్‌కు ఈ సంవత్సరము బాగుంది. ఆరోగ్యపరంగా స్వల్ప జాగ్రత్తలు అవసరం. పార్శ్వపు నొప్పి, ఈఎన్‌టీ సమస్యలు రావచ్చు. గతంలో పాల్గొన్న క్రీడలు, సాంస్కృతిక కార్యక్రమాలు, అప్పటి పరిచయాలు, సర్టిఫికెట్స్‌ ఇప్పుడు మీకు బాగా ఉపయోగపడతాయి. కొంతమంది సన్నిహితులు దూరం అవుతారు. మరి కొంతమంది సన్నిహితులు అవుతారు. ఈ రాశిలో జన్మించిన వారు ఈ సంవత్సరం అఘోరపాశుపత హోమం చేయాలి, కార్యాలయంలో రాజకీయాలు అధికం అవుతాయి. మొత్తం మీద ఈ సంవత్సరం ప్రథమార్ధం కన్నా ద్వితీయార్ధం బాగుంటుంది. స్త్రీలకు ప్రత్యేకం: ఈ రాశిలో జన్మించిన స్త్రీలకు కొంతవరకు అనుకూలంగా వుంటుంది. ప్రముఖ వ్యక్తుల చేతుల మీదుగా అవార్డులు స్వీకరిస్తారు. అవివాహితులైన స్త్రీలకు మంచి సంబంధం కుదురుతుంది. క్రీడారంగంలో అనుకూలమైన ఫలితాలు సాధిస్తారు. స్నేహితులు ప్రక్కదారి పట్టించే ప్రయత్నాలు చేస్తారు. దైవానుగ్రహం వల్ల నష్టపోకుండా బయటపడతారు. రహస్య సమాలోచనలు, రహస్య ప్రయాణాలు లాభిస్తాయి. మార్షల్‌ ఆర్ట్స్‌ పట్ల ఆకర్షితులు అవుతారు. మొండికి పడిన శుభకార్యాలు ఓ దారికి వస్తాయి. బాధ్యతలు నెరవేర్చడానికి అధిక ప్రాధాన్యమిస్తారు. దీపారాధన చేసే కుందిలో రెండు చుక్కలు పరిమళగంధం వేసి దీపారాధన చేయండి. ఆత్మీయులతో విడిపోవడం కన్నా, కలిసి వుండటం మంచిదని గ్రహించండి. వ్యాపారం మీ అంచనాలను మించి ఎదుగుతుంది. లాభాలు బాగుంటాయి. విద్యాసంబంధమైన విషయాలు, విదేశీయాన యత్నాలు సానుకూలపడతాయి. ఐఐటీ, మెడిసిన్, సాంకేతిక రంగం, సివిల్‌ సర్వీస్‌లు, గ్రూప్‌ సర్వీస్‌లు మొదలైనవి మీకు అనుకూలిస్తాయి. ప్రతి విషయంలోను బాధ్యతాయుతంగా ప్రవర్తిస్తారు. సెల్ఫ్‌డ్రైవింగ్, స్విమ్మింగ్, జ్యోతిషం పట్ల ఆసక్తి పెరుగుతుంది. మానసిక సంతృప్తి ఉండదు. సంతాన పురోగతి సంతృప్తికరంగా వుంటుంది. పునర్వివాహ ప్రయత్నాలు ఫలిస్తాయి. ఇంట్లోనూ, వ్యాపార ప్రదేశాలలోనూ అష్టమూలికా గుగ్గిలంతో ధూపం వేయండి. గైనిక్‌ సమస్యలు ఇబ్బంది పెడతాయి. చిట్టీల వల్ల, ఫైనాన్స్‌ వ్యాపారాల వల్ల నష్టపోతారు. కళా, సాహిత్య రంగాలలో రాణిస్తారు. ప్రతిష్ఠాత్మకమైన చదువులు చదువుకోవడానికి ఎంపికవుతారు. స్వయం సంపాదన ప్రారంభమవుతుంది. గతాన్ని మరచి మాట్లాడడం వలన విమర్శలకు గురవుతారు. భార్యాభర్తల మధ్య స్నేహపూరిత వాతావరణం ఉంటుంది (ఇది కొంతమంది విషయంలో మాత్రమే). ఆర్థిక విషయాలు చాలా బాగున్నాయి. విలువైన ఆభరణాలను కొనుగోలు చేస్తారు. ప్రజాస్వామ్యబద్ధంగా లభించిన పదవి సంతోషం కలిగించదు. పిల్లల చదువుల కోసం అధికంగా ఖర్చుచేస్తారు. యోగా, మెడిటేషన్, ప్రకృతి వైద్యాల వల్ల అనుకున్న ఫలితాలు వస్తాయి. అలంకార వ్యాపారాలు, పరిశోధనలు లాభిస్తాయి. మరో గృహయోగం ఏర్పడుతుంది. స్థిరాస్తులు కొనుగోలు చేస్తారు. ఉద్యోగం మారాలని నిర్ణయించుకుంటారు. మీ అభిప్రాయానికి విలువలేని చోట పనిచేయడం అనవసరమని భావిస్తారు. ఐశ్వర్యనాగినిని ఉపయోగించడం వలన లక్ష్మీ దేవి అనుగ్రహం, లక్ష్మీ కటాక్షం కలుగుతుంది. ఎగ్జిక్యూటిల్‌ పోస్టుల్లో ఉన్నవారికి, అడ్మినిస్ట్రేషన్‌ పోస్టులో ఉన్నవారికి, జ్యూడిషియల్‌ ఆఫీసర్లకు పని ఒత్తిడి అధికంగా ఉంటుంది. కుటుంబ విషయాలు అంతగా పట్టించుకోలేరు. ఆత్మీయుల ముసుగులో ఉన్న వ్యక్తుల నిజస్వరూపం ఆలస్యంగా తెలుసుకుంటారు. మీపై వచ్చిన నిందారోపణలు నిజం కాదని నిరూపించుకో గలుగుతారు. దొంగ స్వామీజీలను నమ్మి మోసపోతారు. విలువైన వస్తువుల విషయంలో జాగ్రత్త వహించండి. కుటుంబానికి బరువు కాకూడదని కఠిన నిర్ణయాలు తీసుకుంటారు. సంతానం పట్ల ప్రత్యేక శ్రద్ధ తీసుకోవలసిన పరిస్థితులు ఎదురవుతాయి. సంతాన పురోగతి గురించి ఆందోళన చెందవలసి వస్తుంది. తల్లిదండ్రులు, బంధువుల పెద్దలతో విభేదాలు వచ్చే పరిస్థితులు సంభవం. ఆకస్మికంగా శుభకార్యాలు నిశ్చయమవుతాయి. స్వీయ సంపాదనతో స్థిరాస్తి కొనుగోలు చేస్తారు. కండరాలు, ఎముకలకు సంబంధించిన అనారోగ్యం బాధిస్తుంది. మొత్తం మీద ఈ సంవత్సరం బాగుంటుంది.

మకర రాశి (ఆదాయం 11, వ్యయం 5, రాజపూజ్యం 2, అవమానం 6) మకరరాశి వారికి ఈ సంవత్సరం మిశ్రమ ఫలితాలు గోచరిస్తున్నాయి. ద్వితీయంలో శని, తృతీయ చతుర్థాలలో గురు సంచారం, తృతీయ చతుర్థాలలో రాహుగ్రహ సంచారం, భాగ్య దశమ స్థానాలలో కేతుగ్రహ సంచారం, రవి చంద్ర గ్రహణాలు, గురు శుక్ర మౌఢ్యమిలు ప్రధాన ఫలితాలను నిర్దేశిస్తున్నాయి. వివాహాది వ్యవహారాలు, నూతన స్వగృహం ఏర్పాట్లు ఈ సంవత్సరం సానుకూలపడతాయి. ఈ సంవత్సరం ప్రథమార్ధం కన్నా ద్వితీయార్ధం బాగుంటుంది. అవివాహితులకు వివాహకాలంగా చెప్పవచ్చు. సంతానం లేని వారికి సంతానప్రాప్తి కలుగుతుంది. స్త్రీ సంతానం పట్ల ప్రత్యేకమైన శ్రద్ధ చూపుతారు. దీనికి మీ బంధువుల నుంచి నిరసన వ్యక్తం అవుతుంది. అయిన వాళ్ళతో సంబంధాలు చేసుకోవాలన్న నిర్ణయాన్ని మార్చుకుంటారు. ఇతరుల పేరుమీద మీరు చేసే వ్యాపారాలు, బినామీ వ్యాపారాలు లాభిస్తాయి. వ్యాపార సంస్థలను విస్తరింపజేయటమే ధ్యేయంగా కష్టపడతారు. భాగస్వామ్య వ్యాపారాలలో మీ వాటాలను తగ్గించుకుంటారు. కోళ్ళఫారాలు, పశువుల పెంపకం, ఫారిన్‌ కొలాబరేషన్‌ కంపెనీలలో లావాదేవీలు లాభిస్తాయి. భూముల కొనుగోళ్ళ విషయాలలో అగ్రిమెంట్స్‌కు ప్రాముఖ్యతనిస్తారు. ప్రింటింగ్, స్టేషనరీ, కాంట్రాక్టులు, సబ్‌ కాంట్రాక్టులకు సంబంధించిన విషయాలు అనుకూలిస్తాయి. అలంకార వస్తు సామాగ్రికి సంబంధించిన వ్యాపారాలు లాభిస్తాయి. భాగస్వాములు, సన్నిహిత సహచరులు మీ విజయంలో, అభివృద్ధిలో భాగస్వాములవుతారు. తెలివిగా ఆలోచించి నిర్ణయాలు తీసుకునే వ్యక్తులు దగ్గరవుతారు. వైరివర్గం వల్ల వృత్తి, ఉద్యోగాలలో చికాకులు సంభవిస్తాయి. శుభకార్యాల నిర్వహణకు శక్తివంచన లేకుండా కృషి చేస్తారు. మీ వాదనలను, అభిప్రాయాలను ఆత్మీయులు తిరస్కరిస్తారు. రాజకీయ పదవులకు ఎంపికవడం, రాజకీయ అధికారగణానికి దగ్గరవ్వడం సంభవం. మితిమీరిన ఆత్మవిశ్వాసంతో వాస్తవాలను మరుగుపరచే ప్రయత్నాలు చేసి, సమస్యలను ఎదుర్కొంటారు. మీ ప్రతిష్ఠ, స్థానం కుదుపులకు లోనైనా నిలబడుతుంది. వెన్నునొప్పి, కీళ్ళనొప్పులు ఇబ్బంది కలిగించవచ్చు. చిన్న చిన్న కలహాలు, ఆత్మీయుల మధ్య విభేదాలు చికాకు కలిగిస్తాయి. గతంలో ఫైనాన్స్‌ కంపెనీల్లో మీరు పొదుపు చేసిన ధనం ఒక్క రూపాయి కూడా మీ చేతికి రాదు. పూజలలో, అభిషేకాలలో జువ్వాదిని ఉపయోగించండి. అభిమానించి నెత్తిన పెట్టుకున్న పెద్దలు నిష్కారణంగా దూరంగా ఉంచుతారు. ఎందుకు దూరంగా ఉంచారో? కారణాలు తెలియక మనోవేదనకు గురవుతారు. మీలో ప్రతీకార వాంఛ పెరుగుతుంది. మీ సన్నిహితులు చేసిన పొరపాట్లకు న్యాయస్థానాల చుట్టూ తిరగవలసి వస్తుంది. ఖర్చులు తగ్గించే అవకాశాలు ఉండవు. పొదుపు చేసుకునే అవకాశాలు కూడా కనబడవు. అవకాశాలు మిమ్మల్ని వెతుక్కుంటూ వచ్చినా, వ్యక్తిగత కారణాల వల్ల అవకాశాన్ని చేజార్చుకుంటారు. సమాజంలోని ముఖ్యులతో సంబంధ బాంధవ్యాలు ఏర్పడతాయి. పర్యటనలు, విందులు, వినోదాలు సంతోషం కలిగిస్తాయి. కొన్ని విషయాల్లో మొండిగా ప్రవర్తిస్తారు. వ్యాపారపరంగా భాగస్వాములతో కలిసి ఐకమత్యంగా వ్యాపారాలు చేస్తారు. మంచి లాభాలు పొందుతారు. ఇంట్లోనూ, వ్యాపార ప్రదేశాలలోనూ సాంబ్రాణి ధూపం వేయండి. ప్రైవేట్‌ కంపెనీలో పనిచేసే వారు తరుచూ ఉద్యోగం మారవలసిన పరిస్థితి ఏర్పడుతుంది. వృత్తిపరంగా స్థిరత్వం ఉండదు. తల్లిదండ్రులు, పెద్దలపట్ల ఎంత విధేయంగా ఉన్నా, వాళ్ళ అభిమానాన్ని సంపూర్ణంగా పొందలేకపోతారు. సంతాన పురోగతి బాగుంటుంది. కుటుంబంలో బంధువుల అతి జోక్యానికి అడ్డుకట్ట వేస్తారు. కుటుంబ వాతావరణం ప్రశాంతంగా ఉంచటానికి అధికంగా శ్రమిస్తారు. నాగసింధూరం ప్రతిరోజూ నుదుటన ధరించడం వలన నరఘోష తొలగిపోతుంది. పూర్తి అయ్యాయి అనుకున్న పనుల విషయంలో మళ్ళీ చర్చలు, వివాదాలు చోటు చేసుకుంటాయి. ఘర్షణలు అనివార్యం అవుతాయి. సహోదర వర్గంలో ఒకరు మీకు అండగా నిలుస్తారు. పరిచయాల కన్నా స్నేహం కన్నా ధనమే ముఖ్యమని గ్రహించి బాధపడతారు. చెప్పుకోదగిన సమస్యలు ఆందోళనకు గురిచేస్తాయి. బయటి స్నేహితులకు చెప్పుకుని ఊరట చెందుతారు. విద్యార్థినీ విద్యార్థులు జ్ఞానచూర్ణాన్ని సేవించడం, సరస్వతీ తిలకాన్ని ధరించడం, మేధాదక్షిణామూర్తి రూపును మెడలో ధరించడం వలన మంచి ఫలితాలు పొందగలుగుతారు. సంతానం వల్ల సమస్యలు అధికం అవుతాయి. చదువు, ఆరోగ్యం సమస్యలుగా మారుతాయి. ఈ రాశిలో జన్మించిన వారు ఈ సంవత్సరం అఘోరపాశుపత హోమం చేయాలి, వీరఖడ్గం మెడలో ధరించాలి. మొత్తం మీద మీకు ఈ సంవత్సరం బాగుంటుంది. స్త్రీలకు ప్రత్యేకం: ఈ రాశిలో జన్మించిన స్త్రీలకు ఈ సంవత్సరం మిశ్రమ ఫలితాలు సూచిస్తున్నాయి. మీ మనోధైర్యం, నిబ్బరం చాలామందికి ఆశ్చర్యం కలిగిస్తుంది. అందరికీ మంచి చేసి, చిన్న కారణం వల్ల విరోధం అవుతారు. కొన్ని సందర్భాలలో ఆధ్యాత్మిక విషయాల పట్ల నైరాశ్యం, కోపం కలుగుతాయి. విదేశాలలో ఉన్నవారికి గ్రీన్‌కార్డు లభిస్తుంది. కుటుంబానికి సహాయపడతారు. మీ సంపాదనలో కొంత భాగం దుబారాగా ఖర్చు అవుతుంది. మోకాళ్ళ నొప్పులు, కీళ్ళనొప్పులు బాధిస్తాయి. ఒకప్పుడు మిమ్మల్ని కించపరచిన వాళ్ళు మీ సహాయం అర్థించే పరిస్థితి వస్తుంది. మీ పేరుపైన ఇతరులు చేసే వ్యాపారాలు మధ్యస్థ ఫలితాన్ని ఇస్తాయి. చిన్నచిన్న కారణాల వల్ల పెద్ద సమస్యలు పక్కతోవ పడతాయి. అష్టమూలికా తైలంతో నవగ్రహ వత్తులతో నవగ్రహాల దగ్గర దీపారాధన చేయండి. సామాజిక విషయాలలో మీ పరిజ్ఞానానికి ప్రశంసలు లభిస్తాయి. కోర్టువ్యవహారాలు అనుకూలంగా ఉంటాయి. సాంస్కృతిక, కళారంగాలలో గుర్తింపు లభిస్తుంది. విలువైన నగలు కొనుగోలు చేస్తారు. ఆర్థికపరిస్థితి సంతృప్తికరంగా ఉంటుంది. నైతిక బాధ్యతలను నెరవేరుస్తారు. ప్రశాంతంగా సాగుతున్న మీ జీవిత చక్రంలో ఓ వ్యక్తి ప్రవేశం కొన్ని మార్పులకు దారితీస్తుంది. కుటుంబ వ్యవహారాల పట్ల దృష్టి పెడతారు. సంతానం క్రమశిక్షణపై ప్రత్యేక శ్రద్ధ తీసుకుంటారు. జీవితంలోకి ఆహ్వానించి, జీవితాంతం కలిసి ఉండాలని మీరు వలచిన వ్యక్తి నిజస్వరూపం తెలుసుకుని వేదనకు గురవుతారు. అందరినీ నమ్మాల్సిన పరిస్థితి, ఎవరినీ నమ్మలేని పరిస్థితి ఇబ్బంది పెడతాయి. విదేశాలలో ఉన్న మీ వాళ్ళు చిక్కుల్లో పడతారు. వాళ్ళ సమస్యల పరిష్కారానికి మీరు ఏమీ చేయలేని పరిస్థితి ఏర్పడుతుంది. దాచుకున్న ధనం, వ్యక్తిగత విషయాలు ఇతరులకు తెలియడం వల్ల చిక్కులు ఏర్పడుతాయి. అంతర్గత రాజకీయాలు ఇబ్బందికి గురిచేస్తాయి. ఇతర భాషల వల్ల ప్రయోజనం, పోటీ పరీక్షలకు సంబంధించి విజయం సాధిస్తారు. డాక్టర్‌లకు, చార్టర్డ్‌ అకౌంటెంట్‌లకు, మ్యారేజ్‌ బ్యూరోలు నడిపే వారికి కాలం అనుకూలంగా ఉంది. గైనిక్‌ సమస్యలు కొద్దికాలం ఇబ్బంది పెడతాయి. చీటీల వల్ల, ఫైనాన్స్‌ వ్యాపారం వల్ల నష్టపోతారు. స్త్రీల వల్ల కొన్ని సందర్భాలలో నిందలు, ఆరోపణలు రావచ్చు. ఆత్మవిశ్వాసంతో, మనోధైర్యంతో చాలా విషయాలు పరిష్కరించు కోగలుగుతారు. దైవానుగ్రహం వల్ల కొన్ని కార్యక్రమాలు వాటికి అవే పూర్తి అవుతాయి. ఐఐటీ, మెడిసిన్‌ సీటు లభిస్తుంది. పోటీ పరీక్షలలో కష్టపడి చదవకపోయినా, అనుకూలమైన ఫలితాలు వస్తాయి. సెల్ఫ్‌డ్రైవింగ్‌ విషయంలో జాగ్రత్తగా ఉండండి. మీ మీద ప్రేమ లేకపోయినా మీ పేరు కలిసివస్తుందని అన్ని విషయాల్లో మీ పేరుకు ప్రాధాన్యత ఇస్తారు. మొత్తం మీద ఈ సంవత్సరం చాలా వరకు అనుకూలంగానే ఉంటుంది.

(ఆదాయం 8, వ్యయం 11, రాజపూజ్యం 1, అవమానం 2) కుంభరాశి వారికి ఈ సంవత్సరం మిశ్రమ ఫలితాలు సూచిస్తున్నాయి. ద్వితీయ తృతీయ స్థానాలలో గురు రాహువుల సంచారం, అష్టమ నవమ స్థానాలలో కేతుగ్రహ సంచారం, లగ్నంలో శని సంచారం, రవి చంద్ర గ్రహణాలు, గురు శుక్ర మౌఢ్యమిలు ప్రధాన ఫలితాలను నిర్దేశిస్తున్నాయి. ఈ రాశిలో జన్మించిన వారికి మంచి అవకాశాలు చేతికి అందివస్తాయి. సంవత్సర ప్రారంభంలో ప్రారంభించిన వ్యాపారం బాగా విస్తరిస్తుంది. ప్రజాకర్షణ పెరుగుతుంది. సంతానం పట్ల కఠినంగా వ్యవహరించాల్సిన పరిస్థితి వస్తుంది. లిఖితపూర్వక వ్యవహారాలలో జాగ్రత్త వహించండి. మీకు ఏమాత్రం సంబంధం లేని వివాదాలకు మీరే కారణం అని ప్రచారం జరుగుతుంది. ఆత్మీయులతో విభేదాలు కొద్దికాలం చికాకు కలిగిస్తాయి. ఆరోగ్యం విషయంలో జాగ్రత్తలు అవసరం. మోకాళ్ళు, పాదాల నొప్పులు, ఈఎన్‌టీ సమస్యల వల్ల ఇబ్బందిపడే అవకాశం ఉంది. రహస్యంగా ఋణాలు చేస్తారు. రహస్యంగా దానాలు, సహాయం చేస్తారు. ఆదాయ మార్గాలు అప్పటికప్పుడు ఏర్పడుతాయి. పూజలలో, ఇంట్లో నాగబంధం కుంకుమను ఉపయోగించండి. సమాజంలో మీ ప్రతిష్ఠ పెంచే విధంగా ఒక అవకాశం వస్తుంది. దీర్ఘకాలిక సమస్యలు పరిష్కారం అవుతాయి. ఆర్థికంగా కూడా బాగుంటుంది. తలపెట్టిన శుభకార్యాలు విజయవంతంగా పూర్తవుతాయి. ఉన్నత ఉద్యోగం లభిస్తుంది. స్థిరచరాస్తులు వృద్ధి చెందుతాయి. సంతానానికి సంబంధించిన విద్యా విషయాలలో ఖర్చు ఎక్కువ అవుతుంది. ఇందుకు రుణాలు చేయవలసిన పరిస్థితి ఏర్పడుతుంది. భూములు, ఇళ్ళ క్రయ విక్రయాలలో లాభపడతారు. వైరివర్గంతో తాత్కలికంగా సయోధ్య కుదురుతుంది. మీ వ్యక్తిగత జీవితంలో అధికంగా జోక్యం చేసుకునే వాళ్ళకు ప్రాధాన్యత తగ్గించి, వాళ్ళను ఎక్కడ ఉంచాలో అక్కడే ఉంచుతారు. పోటీపరీక్షలలో విజయాలు, ప్రభుత్వ ఉద్యోగం మొదలైనవి లాభిస్తాయి. రాజకీయ పదవీ ప్రాప్తి లభిస్తుంది. నూతన పెట్టుబడులు అనుకూలిస్తాయి. కొంతకాలం రక్తసంబంధీకులతో విభేదాలు చోటు చేసుకుంటాయి. ఆరోగ్య సమస్యలు రావచ్చు. కఠినమైన క్రమశిక్షణతో ఆరోగ్యాన్ని ఓ గాడిలో పెడతారు. సంవత్సర ద్వితీయార్ధంలో వెన్ను నొప్పి బాధిస్తుంది. కోర్టు తీర్పులు అనుకూలంగా వచ్చినా, ప్రయోజనాలు మాత్రం ఆలస్యంగా ఆచరణలోకి వస్తాయి. విలాసవంతమైన వస్తువులను కొనుగోలు చేస్తారు. విదేశాల నుంచి వచ్చిన ధనంతో విలువైన స్థిరాస్తులు కొనుగోలు చేస్తారు. ఎవరు చెప్పినా వినని మొండివాళ్ళు మీ మాట వినడం బంధువులలో ఆశ్చర్యానికి కారణమవుతుంది. మిత్రుల సహకారం, ప్రోత్సాహం వల్ల మీలో నిద్రాణమైన ప్రతిభా పాటవాలు వెలికి వస్తాయి. ఏటీఎం కార్డులు, క్రెడిట్‌ కార్డులు మొదలైన వస్తువుల పట్ల జాగ్రత్త అవసరం. టీవీ రంగంలో ఉన్నవారికి మంచి అవకాశాలు వస్తాయి. వివాదాలకు దూరంగా వుండాలని భావించినా, కాలం అందుకు సహకరించదు. సంవత్సర ద్వితీయార్ధంలో సాంకేతిక విద్యారంగంలో రాణిస్తారు. వ్యాపారంలో లాభాలు సంతృప్తికంగానే ఉంటాయి. ఆపదలు తప్పుకుంటే మిగిలేది అదృష్టమేనని గ్రహించండి. స్థిరాస్తుల వ్యవహారాలలో పెద్దలు మీకు అనుకూలంగా వ్యవహరిస్తారు. చాలా సందర్భాలలో కృషి ఫలిస్తుంది. విద్యార్థినీ విద్యార్థులు జ్ఞానచూర్ణాన్ని సేవించడం, సరస్వతీ తిలకాన్ని నుదుటన ధరించడం, మేధాదక్షిణామూర్తి రూపును మెడలో ధరించడం వలన మంచి ఫలితాలు పొందగలుగుతారు. సినీ, కళా పరిశ్రమలలో ఉన్నవారికి పరిస్థితులు అంత అనుకూలంగా లేవు. ఒకచోట భూమిని అమ్మి వేరేచోట కొంటారు. న్యాయబద్ధంగా మీకు రావలసిన ఆర్థిక ప్రయోజనాలను కోర్టు ద్వారానే సంపాదించుకో గలుగుతారు. కుటుంబసభ్యులకు బంగారు ఆభరణాలు కొని ఇవ్వాలనే మీ కోరిక నెరవేరుతుంది. సమాజంలో అఖండఖ్యాతి లభిస్తుంది. ముఖ్యులతో పరిచయాలు పెరుగుతాయి. సమాజంలో ఉన్నతవర్గాన్ని శాసించే స్థాయికి ఎదుగుతారు. గతంలో కొనుగోలు చేసిన స్థిరాస్తుల విలువ పెరుగుతుంది. కలలు కన్న గమ్యాన్ని చేరుకుంటారు. మీపై వచ్చిన ఆరోపణలు, నిందలు మరుగునపడతాయి. చాలామంది మీ పట్ల నమ్మిక కలిగి వాళ్ళ సమస్యలు చెప్పుకుంటారు. వాళ్ళ సమస్యలు పరిష్కరించి స్త్రీల దగ్గర నమ్మకాన్ని ఏర్పర్చుకోగలుగుతారు. దూరప్రాంతయానం లాభిస్తుంది. దూరప్రాంతంలో విద్య అభ్యసించ గలుగుతారు. వైవాహిక ఇబ్బందులు ఏదుర్కొంటున్న వారు చట్టపరంగా విడిపోవడం అనివార్యం అవుతుంది. ప్రేమ వివాహాలు కలిసిరావు. పునర్వివాహం కొరకు ప్రయత్నించే వారికి పరిస్థితులు అనుకూలంగా ఉన్నాయి. ఈ రాశిలో జన్మించిన వారు ఈ సంవత్సరం అఘోరపాశుపత హోమం చేయాలి, రాహు కేతుగ్రహ దోషపరిహార కంకణం లేదా రూపు ధరించాలి. సహోదర సహోదరీ వర్గానికి రహస్యంగా మీరు చేసిన ఆర్థిక సహాయం వల్ల గృహంలో అశాంతి ఏర్పడుతుంది. చేతగాని వాళ్ళకు, ఎందుకూ పనికిరాని వాళ్ళకి, సోమరిపోతులకు మీరు వివరణ ఇచ్చుకోవలసిన పరిస్థితి ఏర్పడుతుంది. ఈ సంవత్సరం ప్రథమార్ధం, ద్వితీయార్ధం రెండూ అనుకూలంగా ఉన్నాయి. స్త్రీలకు ప్రత్యేకం: ఈ రాశిలో జన్మించిన స్త్రీలకు ఈ సంవత్సరం అనుకూలంగా ఉంది. మీ పలుకుబడి, నమ్మకమే అనేక విషయాల్లో మీ విజయానికి, లాభాలకు కారణమవుతాయి. ఇంట్లోనూ, వ్యాపార ప్రదేశాలలోనూ సాంబ్రాణి ధూపం వేయండి. ప్రేమ వివాహాల పట్ల మీకున్న సదాభిప్రాయం పూర్తిగా పోతుంది. జీవితభాగస్వామి నిరంకుశ ధోరణి, మీ కాపురంలో ఇతరుల జోక్యం మానసిక వేదనకు, కఠినమైన నిర్ణయాలకు కూడా కారణమవుతాయి. చట్ట ప్రకారం చర్యలు తీసుకుంటారు. శాశ్వతంగా విడిపోవడానికి నిర్ణయించుకుంటారు. ఇది కొంతమందికి మాత్రమే వర్తిస్తుంది. అందరికీ కాదు. అన్ని విషయాల్లోనూ విజయం సాధించి, శక్తి సామర్థ్యాలతో, ఐశ్వర్యంతో, అధికారంతో, పొలిటికల్‌ పవర్‌తో ఈ సమాజానికి సమాధానం చెప్పాలని నిశ్చయించుకుంటారు. అదే కోణంలో మీరు విజయం సాధిస్తారు. పొగిడిన వాళ్ళని దూరంగా పెడతారు, విమర్శించిన వాళ్ళని దగ్గరగా తీసుకుంటారు. అనంత కాలచక్రం ఎవ్వరి కోసం ఆగదని గ్రహిస్తారు. విద్య విషయాలు అనుకూలిస్తాయి. పోటీపరీక్షలలో విజయం సాధిస్తారు. ప్రైవేట్‌ కంపెనీల్లో కూడా మంచి అవకాశాలు వస్తాయి. ఇతరుల ప్రోత్సాహంతో ఉన్నత విద్య అభ్యసిస్తారు. వివాహాది శుభకార్యాల విషయం వివాదస్పదం అవుతుంది. శక్తి సామర్థ్యాల వల్ల ప్రతిష్ఠాత్మకమైన ఉద్యోగాన్ని సంపాదిస్తారు. శ్రమకు తగిన ఫలితం లభిస్తుంది. స్థిరచరాస్తులు కొనుగోలు చేస్తారు. వ్యాపారంలో మంచి లాభాలు ఉంటాయి. సంతాన విషయాలలో పురోగతి బాగుంటుంది. విదేశాలలో చదువుకునే అవకాశం, ఉద్యోగం చేసే అవకాశం లభిస్తాయి. అవివాహితులైన స్త్రీలకి వివాహం కుదురుతుంది. రియల్‌ ఎస్టేట్‌ వ్యాపారంలో ఒడిదుడుకులు ఉన్నా, నష్టాలు రాకుండా బయటపడతారు. నిర్మాణ విషయాల్లో నాణ్యతకు ప్రాధాన్యతను ఇస్తారు. చేతివృత్తులు, అలంకార వ్యాపారాలు, వస్త్ర వ్యాపారాలు మధ్యమంగా వుంటాయి. నూనె, ఆహారధాన్యాల వ్యాపారాలు చాలా బాగుంటాయి. ఫైనాన్స్‌ వ్యాపారం చేయదగినది కాదు. సహోదర, సహోదరీ వర్గంతో సంబంధాలు మెరుగుపడతాయి. హనుమాన్‌ వత్తులతో, అష్టమూలికా తైలంతో దీపారాధన చేయండి. కోర్టుతీర్పులు అనుకూలంగా వుంటాయి. మానసికంగా మీకు అశాంతి కలిగించేలా కొందరు వ్యక్తులు ప్రవర్తిస్తారు. నూతన కంపెనీ ఏర్పాటు కోసం మీ దగ్గర డబ్బులు ఉన్నప్పటికీ బ్యాంకు రుణాలు చేస్తారు. వ్యాపార విస్తరణ బాగుంటుంది. ఉద్యోగ విషయాలు, ప్రమోషన్లు అనుకూలంగా ఉన్నాయి. మొత్తం మీద ఈ సంవత్సరం బాగుంటుంది.

ధనుస్సు(ఆదాయం  8, వ్యయం  11,  రాజపూజ్యం 6, అవమానం 3) ధనుస్సు రాశివారికి ఈ సంవత్సరం చాలా బాగుంటుంది. తృతీయ స్థానంలో శని, చతుర్థ పంచమ స్థానాలలో గురు సంచారం, దశమ లాభ స్థానాలలో కేతుగ్రహ సంచారం, చతుర్థ పంచమ స్థానాలలో రాహుగ్రహ సంచారం, రవి చంద్ర గ్రహణాలు, గురు శుక్ర మౌఢ్యమిలు ప్రధాన ఫలితాలను నిర్దేశిస్తున్నాయి. ఈ రాశివారు సంకల్పాలను నెరవేర్చుకోవడానికి నూటికి నూరుపాళ్ళు శ్రమించాల్సి ఉంటుంది. గడచిన కొన్ని సంవత్సరాల కంటే ఈ సంవత్సరం అన్నివిధాలుగా సానుకూల ఫలితాలను అందుకోగలుగుతారు. ఆర్థికాభివృద్ధి బాగుంటుంది. జలసంబంధ వ్యాపార వ్యవహారాలు బాగుంటాయి. ఎగుమతి, దిగుమతి వ్యాపారాలు మధ్యస్థంగా ఉంటాయి. వైద్య వృత్తిలో ఉన్నవారికి, న్యాయవాద వృత్తిలో ఉన్నవారికి ధనం, కీర్తి సూచిస్తున్నాయి.  ఓం నమోనారాయణ వత్తులతో అష్టమూలికా తైలంతో దీపారాధన చేయండి. రియల్‌ ఎస్టేట్‌ వ్యాపారంలో ఒకచోట లాభాలు రాకపోయినా మరొకచోట లాభాలు వస్తాయి. ఫాస్ట్‌ఫుడ్‌ వ్యాపార వ్యవహారాలు బాగుంటాయి. బంగారం, వెండి వంటి లోహాల వ్యాపారం చేసే వారికి సాధారణ ఫలితాలు సూచిస్తున్నాయి. కుటుంబ పురోగతిలో కొన్ని ఒడిదుడుకులు ఏర్పడతాయి. వైరివర్గం మిమ్మల్ని అప్రతిష్ఠపాలు చేయడానికి ప్రయత్నాలు చేస్తారు. స్వగృహ యోగం సంభవం. నూతన వ్యాపారం మొదలుపెట్టడానికి చేసే ప్రయత్నాలు మంచి ఫలితాలను ఇస్తాయి. వృత్తి,ఉద్యోగాలలో మీరు చేసిన కార్యక్రమాలు వివాదస్పదం అవుతాయి. కొందరికి మీరు వ్యక్తిగతంగా హామీ ఉండవలసి వస్తుంది. ప్రేమ, వివాహం వంటివి నిదానంగా అనుకూలిస్తాయి. సంవత్సర చివరలో ఆర్థిక పరిస్థితి గాడిలో పడుతుంది. సమష్టిగా నూతన వ్యవహారాలను నిర్వహిస్తారు. ఎవరికి ఏ రకమైన ప్రాధాన్యత ఇవ్వాలో, ఎంత భాగం ఇవ్వాలో చక్కగా నిర్ణయిస్తారు.  ఆర్థిక పరిస్థితి అనుకూలంగానే ఉంటుంది. చిట్‌ఫండ్స్, ఉమ్మడి ఖాతాలు లాభించవు. ఫైనాన్స్‌ వ్యాపారంలో ఇబ్బందిపడతారు. ఒక మంచి కార్యక్రమం కోసం వసూలు చేసిన చందాల విషయంలో వివాదాలు, నిందలు ఎదుర్కొంటారు. వృత్తి వ్యాపారాలలో, ఉద్యోగంలో మీ ప్రత్యేకశైలిని నిలబెట్టుకుంటారు. పట్టుదలగా వ్యవహరిస్తారు. కోర్టుతీర్పులు అనుకూలంగా వస్తాయి. కొత్త పరిచయాల వల్ల ఉపయోగం కలుగుతుంది. సంతానం అభివృద్ధి బాగుంటుంది. సంవత్సర ద్వితీయార్ధంలో సంతాన విషయమై ప్రత్యేకశ్రద్ధ వహించవలసి వస్తుంది. కీళ్ళనొప్పులు రావచ్చు. లైసెన్సు, ఆయుధాల భద్రత విషయంలో జాగ్రత్త వహించండి. సంవత్సర ప్రథమార్ధంలో ఆర్థిక విషయాలు అంత అనుకూలంగా ఉండకపోవచ్చు. చెల్లించవలసి ఋణాలు చెల్లిస్తారు. తనఖాలు విడిపిస్తారు. సహోదర సహోదరీ వర్గానికి రహస్యంగా సహాయం చేస్తారు. నాగసింధూరం ప్రతిరోజూ నుదుటన ధరించడం వలన నరదిష్టి, నరఘోష తొలగి, జనాకర్షణ ఏర్పడుతుంది. ఉన్నత విద్యను అభ్యసించే అవకాశం, ఇతర భాషలను నేర్చుకునే ప్రయత్నాలు ఫలిస్తాయి. విద్యా సంబంధమైన విషయాలలో కోరుకున్న పురోగతి లభిస్తుంది. విద్యాసంస్థలు, సామాజిక సేవాసంస్థలు, లోహపు వ్యాపారాలు అనుకూల ఫలితాలను సాధిస్తారు. చేతివృత్తుల వారికి మంచి ఫలితాలే సూచిస్తున్నాయి. భూములు కొనుగోలు, అమ్మకాల విషయాలలో లాభపడతారు. రహస్య ప్రయాణాలు చేస్తారు. రహస్య చర్చలు ఫలిస్తాయి. మాట నిలకడలేని మనుషులతో కలిసి పనిచేసి నష్టపోతారు. కొన్ని బాధ్యతల నుండి తప్పుకోవాలని భావిస్తారు. పరిస్థితులు అందుకు అనుకూలించవు. స్పెక్యులేషన్‌కు దూరంగా ఉండడం మంచిది. వాహన సౌఖ్యం కలుగుతుంది. ఎన్ని సాధించినా ప్రశాంతత లభించదు. కుటుంబంలో ఆప్యాయతానురాగాలు లోపిస్తాయి. ఇన్సూరెన్స్‌ సేవలను ఉపయోగించుకుంటారు. అందరి అభిప్రాయాలకు భిన్నంగా ఒక శుభకార్యాన్ని పూర్తిచేస్తారు. రాజకీయంగా ఉన్నతస్థానాలలో ఉన్నవారు, ముఖ్యమైన అధికారులు మిమ్మల్ని ఆదరిస్తారు. స్థానిక నాయకులతో  విభేదాలు పరాకాష్టకు చేరుతాయి. వైరివర్గానికి చెందిన రహస్య సమాచారం తెలుస్తుంది. తద్వారా లాభపడతారు. ప్రింట్‌ మీడియా, ఎలక్టాన్రిక్‌ మీడియా వల్ల చేదు అనుభవాలు ఎదురవుతాయి. నానా రకాలు అరిష్టాలు, చికాకులు పోవడానికి, శత్రుబాధలు నశించడానికి త్రిశూల్‌ని ఉపయోగించండి. సంవత్సర ద్వితీయార్ధంలో కాలానికి ఎదురీది అనుకూల ఫలితాలను సాధిస్తారు. పోటీపరీక్షలలో విజయం సాధించి కుటుంబ ప్రతిష్ఠ నిలబెడతారు. శుభకార్యాల నిమిత్తం, అభివృద్ధి కార్యక్రమాల నిమిత్తం రుణాలు చేయవలసి వస్తుంది. ఆరోగ్యపరంగా స్వల్ప జాగ్రత్తలు అవసరం. సంతానం లేనివారికి సంతానప్రాప్తి సంభవం. అవివాహితులకు వివాహప్రాప్తి. ఈ రాశిలో జన్మించిన వారు ఈ సంవత్సరం అంగారక పాశుపత హోమం చేయాలి, సుబ్రహ్మణ్య పాశుపత కంకణం లేదా రూపు ధరించాలి. సమాజంలో గౌరవ మర్యాదలు పెరుగుతాయి. మొత్తం మీద ఈ సంవత్సరం బాగుంటుంది.  స్త్రీలకు ప్రత్యేకం:  ఈ రాశిలో జన్మించిన స్త్రీలకు ఈ సంవత్సరం అనుకూల ఫలితాలు గోచరిస్తున్నాయి. విదేశాలకు వెళ్ళడానికి చేసే ప్రయత్నాలు ఫలిస్తాయి. జీవిత భాగస్వామితో చాలా వరకు సర్దుకుపోతారు. అవమానాలు ఎదురైనా మౌనంగా భరిస్తారు. చట్టపరంగా విడిపోవాలని నిశ్చయించుకుంటారు. ఇది కొంతమంది విషయంలోనే జరుగుతుంది. అందరికీ వర్తించదు. మీ సంతానానికి కలలో కూడా ఊహించని విశ్వవిద్యాలయంలో సీటు లభిస్తుంది. సాంకేతిక విద్యలో రాణిస్తారు. కార్యాలయంలో ఉన్నతాధికారుల వేధింపులు ఎక్కువవుతాయి. ఇబ్బందులు నాగాస్త్రం వలే మీదకు వస్తాయి. శ్రీకృష్ణుని దయతో అర్జునుడు బయటపడినట్లు దైవానుగ్రహంతో మీరు బయటపడగలుగుతారు. పూర్వీకుల స్థిరాస్తుల విషయంలో కొత్త సంగతులు వెలుగు చూస్తాయి. అవి మీకు లాభిస్తాయి.  క్రీడా, సాంస్కృతిక రంగాలలో మంచి ఫలితాలు సాధిస్తారు. తల్లిదండ్రుల మాటను గౌరవిస్తారు. పోటీపరీక్షలలో విజయం సాధించి, ఉద్యోగం సంపాదిస్తారు. అవివాహితులకు వివాహకాలంగా చెప్పవచ్చు. విదేశీ సంబంధం కుదురుతుంది. ఆకస్మికంగా వివాహం జరిగే అవకాశాలు ఉన్నాయి. మీ పేరుపై ఇతరులు చేసే వ్యాపారాలు లాభిస్తాయి. స్వగృహ నిర్మాణం నెరవేరుతుంది. వ్యాపార వ్యవహారాలలో ఉన్నవారికి కలసివస్తుంది. ఒకప్పుడు ఎంతో కష్టపడ్డ జీవితం ఈ రోజు చిగురించిన చెట్టులాగా కళకళ లాడుతుంది. మీ వైభోగాన్ని చూసి మనస్ఫూర్తిగా సంతోషించే వ్యక్తి శాశ్వతంగా దూరం కావడం మీ మానసిక వేదనకు కారణమవుతుంది. ధనాకర్షణకు అష్టలక్ష‍్మీ పీఠాన్ని ఉపయోగించండి. వ్యాపారపరంగా అనేక అవకాశాలు కలిసివస్తాయి. నూతన బ్రాంచీలు ఏర్పాటు చేస్తారు. అందరినీ మీ కనుసన్నలలో ఉంచకోగలుగుతారు. కాంట్రాక్టులు, టెండర్లు, వర్క్‌ ఆర్డర్‌లు, వస్త్ర వ్యాపారాలు, సబ్‌కాంట్రాక్టులు లాభదాయకంగా ఉంటాయి. వ్యక్తిగత అవసరాలకు, ఆరోగ్యం కొరకు ధనం అధికంగా ఖర్చు చేస్తారు. సంతానం కోసం మీరు కల్పించిన సదుపాయాలు, వసతులు, దుర్వినియోగం అవుతాయి. స్థిరాస్తి విషయాలలో ఒప్పందాలు కుదురుతాయి. అమ్మాయి పెళ్ళికి సంబంధించి ఒక మంచి సంబంధం దగ్గర వరకు వచ్చి చేజారిపోతుంది. ఉపాధ్యాయ వృత్తిలో ప్రవేశించడానికి కాలం అనుకూలంగా వుంది.  అవివాహితులైన స్త్రీలకు మంచి సంబంధం కుదురుతుంది. సంతాన విషయాల్లో ప్రత్యేక శ్రద్ధ తీసుకుంటారు. కుటుంబంలో అనైక్యత. అనారోగ్యాలు ఇబ్బంది పెడతాయి. ఆదాయం బాగా ఉన్నప్పటికీ పొదుపు చేయటం కష్టమవుతుంది. వివాహాది శుభకార్యాలు కుదురుతాయి. మీ సహకారం వల్ల ఒక పునర్వివాహం జరుగుతుంది. ఎక్కడా తలవంచకుండా రాజీలేని జీవితాన్ని గడుపుతారు. అడ్మినిస్ట్రేషన్‌ పదవుల్లో ఉన్నవారికి, అధికారంలో ఉన్నవారికి ఇతరులకు సహాయం చేసే అవకాశం లభిస్తుంది. విలువైన ఆభరణాలు, వస్త్రాలను కొనుగోలు చేస్తారు. సంవత్సర ప్రథమార్ధం, ద్వితీయార్ధం రెండూ బాగున్నాయి.

మిథున రాశి (ఆదాయం  2, వ్యయం  11,  రాజపూజ్యం 2, అవమానం  4) మిథునరాశి వారికి ఈ సంవత్సరం అనుకూలంగా ఉంది. చతుర్థ పంచమ స్థానాలలో కేతుగ్రహ సంచారం, దశమ లాభస్థానాలలో గురు రాహువుల సంచారం, భాగ్యస్థానంలో శని, రవిచంద్ర గ్రహణాలు, గురుశుక్ర మౌఢ్యమిలు ప్రధానమైన ఫలితాలను నిర్దేశిస్తున్నాయి. కార్యానుకూలత ఎక్కువగా ఉంటుంది. కీలకమైన స్థానాలలో ఉన్నవారి వల్ల లబ్ధి చేకూరుతుంది. విదేశీ ప్రయత్నాలు అనుకూలిస్తాయి. ఇబ్బందులను అధిగమించి, విద్యారంగంలో అనుకూల ఫలితాలను సాధిస్తారు. విదేశీయాన విషయాలు, శుభకార్యాలు ముడిపడతాయి. ఆర్థికంగా బాగుంటుంది. ఆరోగ్యం బాగుపడుతుంది. ప్రజాసంబంధాలు, రాజకీయ విషయాలు బాగుండవు.  డబ్బులతో అన్నీ సాధించలేమని గుర్తిస్తారు. అగ్రిమెంట్స్, కాంట్రాక్టులు, మార్కెటింగ్, వాణిజ్య ప్రదర్శనలు, ప్రకటనలు, ఉత్తర ప్రత్యుత్తరాలు లాభిస్తాయి. కంటి దోషాలు పెరిగే అవకాశం ఉంది. కొనుగోలు, అమ్మకాల విషయంలో స్వయంగా నిర్ణయాలు తీసుకోండి. స్పెక్యులేషన్‌కు దూరంగా వుండటం మంచిది. శత్రువర్గం ఇబ్బంది పెట్టలేని స్థాయిలో ఉంటారు. ఒకనాటి మిత్రులు అగర్భశత్రువులు అవుతారు. అందరూ బలహీనులు అని భావించవద్దు. తగిన సమయం కోసం వేచి ఉన్నారని గ్రహించండి. జీవితంలో నెరవేరవు అనుకున్న ముఖ్యమైన కార్యక్రమాలను దిగ్విజయంగా పూర్తిచేస్తారు. సాంకేతిక పోటీపరీక్షలలో విజయం సాధిస్తారు. మొండి బకాయిలు వసూలవుతాయి.  ఓం నమశ్శివాయ వత్తులతో, అష్టమూలికా తైలంతో దీపారాధన చేయండి. ఎక్కువ ఆలస్యం చేయకుండా శుభకార్యాలను ఘనంగా నిర్వహిస్తారు. పార్టీ మారడం వల్ల మంచి రాజకీయ ఫలితాలు పొందగలుగుతారు. చిన్నాచితకా వ్యాపారాలు, చేతివృత్తులు, ఆధ్యాత్మిక వ్యాపారాలు అనుకూలంగా ఉంటాయి. ఎగుమతి, దిగుమతి వ్యాపారాలు లాభిస్తాయి. సువర్ణాభరణాల భద్రతలో జాగ్రత్తలు అవసరం. సంతానం వల్ల కుటుంబానికి కీర్తిప్రతిష్ఠలు వస్తాయి. వ్యక్తిగత పరపతి పెరగడంతో పాటు శత్రువులు కూడా పెరుగుతారు. విదేశీయాన ప్రయత్నాలు సానుకూలపడతాయి. ఎగుమతి, దిగుమతి వ్యవహారాలలో అప్రమత్తత అవసరం. క్రెడిట్‌ కార్డులు, బ్యాంకు వ్యవహారాలు, పొదుపు డిపాజిట్‌ల వ్యవహారాలలో జాగ్రత్తగా ఉండటం మంచిది. బెట్టింగ్‌లలో పాల్గొనవద్దు, నష్టపోతారు.  బంధువులకు సహాయం చేయడం వల్ల చికాకులు ఎదురవుతాయి. వాహనాలు నడిపేటప్పుడు జాగ్రత్త అవసరం. వ్యాపారంలో అధునాతనమైన పద్ధతులను అవలంబించి అభివృద్ధి సాధిస్తారు. ప్రభుత్వ ఉత్తర్వులు అంచనాల మేరకు ఫలిస్తాయి. మీరు కొన్న స్థిరాస్తుల విలువ అనూహ్యంగా పెరుగుతుంది. మీ వ్యాపార భాగస్వాములు, సహోద్యోగులు అసూయాపరులై ఉంటారు. ఆరోగ్య జాగ్రత్తలు అవసరం. పార్శ్వపు నొప్పి, ఈఎన్‌టీ సమస్యలు రావచ్చు. కష్టపడి పనిచేసి ఫలితాలను ఆశిస్తారు. సామర్థ్యం లేని వ్యక్తులను ప్రోత్సహించడం ద్వారా కార్యనష్టం, కాలహరణం జరుగుతుంది. మనుషుల మనోభావాల్ని స్పష్టంగా చదవగలరు. సంతానం విషయంలో కొన్ని కఠినమైన నిర్ణయాలు అనివార్యం అవుతాయి. ప్రేమ వివాహాలు విఫలం అవుతాయి.  విద్యారంగంలో కృషి చేసేవారికి ఆరంభంలోనే ఉద్యోగం వస్తుంది. వాస్తవిక దృష్టితో ఆలోచించి, కుల మత వర్గాలకు అతీతంగా శక్తిసామర్థ్యాలకు పెద్దపీట వేస్తారు. ఆర్థిక వ్యవహారాల్లో మధ్యవర్తిత్వం వల్ల చట్టపరమైన ఇబ్బందులు రావచ్చు. ఇతరులు సలహాలు చెప్పడానికి వీలులేని వాతావరణం కలిగించవద్దు. పట్టువిడుపులు మంచికి దారితీస్తాయని గ్రహించండి. పన్నులు వసూలు చేసే అధికారుల వల్ల ఇబ్బందులు ఎదురుకావచ్చు. చిన్నచిన్న వ్యాపారాలు చేసుకునేవారికి కాలం అనుకూలంగా ఉంది. ఈ రాశిలో జన్మించిన వారు ఈ సంవత్సరం నవగ్రహ పాశుపత హోమం చేయాలి, శక్తికంకణం లేదా శక్తిరూపు ధరించాలి. ఉపయోగంలేని వ్యక్తుల సాంగత్యం ఇబ్బందికరంగా మారుతుంది. వాళ్ళను వదిలించుకోవడం కష్టంగా మారుతుంది. మేలు చేస్తారని మీరు భావించిన వ్యక్తులు ముఖం చాటువేస్తారు.  స్త్రీలకు ప్రత్యేకం:  ఈ రాశిలో జన్మించిన వారికి ఈ సంవత్సరం బాగుంది. సన్నిహితులతో, ముఖ్యమైన వ్యక్తులతో సంప్రదించి ఏ కార్యక్రమాలలోనైనా నిర్ణయం తీసుకోండి. ఎవరికీ లొంగి ఉండాల్సిన అవసరం లేదని భావిస్తారు. మిమ్మల్ని గుప్పెట్లో పెట్టుకోవాలనే వారికి భంగపాటు తప్పదు. అవివాహితులకు ఘనంగా వివాహం జరుగుతుంది. సౌందర్య చిట్కాలు, యోగాభ్యాసాలు, మెడిటేషన్‌ మొదలైన వాటి వల్ల ప్రయోజనం పొందుతారు. ఆరావళి కుంకుమ, శ్రీలక్ష్మీ చందనంతో అమ్మవారిని పూజిస్తే మంచిఫలితాలు ఉంటాయి. లీజులు, అగ్రిమెంట్లు, లైసెన్సులు లాభిస్తాయి.  సంవత్సర ద్వితీయార్ధంలో జీవితం మరో కొత్త పంథాలో నడుస్తుంది. విడిపోవాలన్న వారితో శాశ్వతంగా విడిపోతారు. సంతాన పురోగతి బాగుంటుంది. చెప్పుడు మాటలు విని నష్టపోతారు. శుభకార్యాలకు సంబంధించిన బరువు బాధ్యతలు దించుకుంటారు. పిల్లల విషయంలో భార్యాభర్తల మధ్య వాగ్వివాదాలు సంభవిస్తాయి. మీ వివాదాల ప్రభావం పిల్లల మీద పడకుండా జాగ్రత్త వహించండి. కీళ్ళనొప్పులు, గైనిక్‌ సమస్యలు ఇబ్బంది పెట్టే అవకాశం ఉంది. షేర్‌ మార్కెట్‌ లాభించదు. చిట్టీలు కట్టి మోసపోతారు. హనుమాన్‌ వత్తులతో, అష్టమూలికా తైలంతో దీపారాధన చేయండి. అలంకార సామగ్రి అమ్మేవారికి, చిన్నచిన్న వ్యాపారాలు చేసేవారికి లాభాలు వస్తాయి.  కుటుంబ విషయాలు, వ్యక్తిగత విషయాలు పిల్లల ముందు చర్చించకపోవడం మంచిది. సంతాన పురోగతి బాగుంటుంది. విద్యార్థినీ విద్యార్థులకు మెరిట్‌ మార్కులు, స్కాలర్‌షిప్స్‌ వస్తాయి. రీవాల్యుయేషన్, రీకౌంటింగ్‌ లాభిస్తాయి. ఉద్యోగం చేసేవారికి ప్రమోషన్‌ లభిస్తుంది.  అవివాహితులకు వివాహం జరుగుతుంది. సంతానం లేని వారికి సంతానప్రాప్తి కలుగుతుంది. జీవితభాగస్వామి లేదా తత్సమానమైన వ్యక్తితో విభేదాలు తీవ్రతరం అవుతాయి. వ్యాపారంలో మీరు ప్రవేశపెట్టిన కొత్త ఉత్పత్తులు అత్యంత ప్రజాదరణకు నోచుకుంటాయి. ఇంట్లోనూ, వ్యాపార ప్రదేశాలలోనూ అష్టమూలికా గుగ్గిలంతో ధూపం వేయండి. ధనాన్ని పొదుపు చేస్తారు.  మాతృవర్గం వైపు బంధువులకు సహాయం చేయవలసి వస్తుంది. సొంత వ్యాపారాలు కలిసివస్తాయి. పొదుపు పథకాలు అమలు చేసి లబ్ధి పొందుతారు. విలువైన వస్తువుల భద్రత గురించి ఎక్కువ శ్రద్ధ చూపండి. బ్యూటీ పార్లర్స్‌ నడిపేవారికి, అలంకార సామగ్రి విక్రయాలు మొదలైన వ్యాపారాలు లాభిస్తాయి. కళా, సాంస్కృతిక రంగాలలో, నాట్య, సంగీత రంగాలలో రాణిస్తారు. చలనచిత్ర, టీవీ రంగాలలో అవకాశాలు లభిస్తాయి. పిల్లలను అతి గారాబం చేయడం వల్ల కొన్ని చేదు అనుభవాలు ఎదురవుతాయి. సంతాన సాఫల్యకేంద్రాల వల్ల, దొంగ స్వామీజీల వల్ల మోసపోతారు.  బిజినెస్‌ మేనేజ్‌మెంట్, ఐటీ రంగాలలోని వారు రాణిస్తారు. విలువైన వస్తువులు, ఆభరణాలు కొనుగోలు చేస్తారు. ఉన్నత విద్యకు ఎంపికవుతారు. స్వయంకృషితో శ్రమించి మంచి ఉద్యోగాన్ని సాధిస్తారు. అనువంశికంగా మీకు రావలసిన ఆస్తిలో పెద్దలు రాసిన డాక్యుమెంట్స్‌లో కొన్ని లోపాలు బయటపడతాయి. ఈ లోపాల కారణంగా మీరు కానీ, మీ జీవిత భాగస్వామి కానీ నష్టపోయే అవకాశం ఉంది. నాగసింధూరం ప్రతిరోజూ నుదుటన ధరించడం వల్ల నరదిష్టి, నరఘోష తొలగిపోతుయి, జనాకర్షణ ఏర్పడుతుంది. సాధారణ విద్యలోనూ, వైద్య విద్యలోనూ బాగా రాణిస్తారు. మొత్తం మీద ఈ రాశివారికి ఈ సంవత్సరం అంతా బాగుంటుంది.

సింహ రాశి (ఆదాయం 14, వ్యయం 2, రాజపూజ్యం 1, అవమానం 7) సింహరాశి వారికి ఈ సంవత్సరం చాలా బాగుంది. ద్వితీయ తృతీయాలలో కేతువు, సప్తమంలో శని, అష్టమ భాగ్యస్థానాలలో గురు రాహువుల సంచారం, రవిచంద్ర గ్రహణాలు, గురు శుక్ర మౌఢ్యమిలు ప్రధానమైన ఫలితాలను నిర్దేశిస్తున్నాయి. సహోదర సహోదరీ వర్గం నుంచి ఆప్యాయతలు లభిస్తాయి. రాజకీయాలలో ఉన్నత పదవులను అందుకోగలుగుతారు. చిన్నపాటి వ్యక్తుల కూటమిని బలోపేతం చేస్తారు. జీవితంలో ఘనవిజయాలు సాధిస్తారు. అసమర్థుల మీద జాలిపడి అందలం ఎక్కిస్తారు. ఆ అసమర్థులే అఖండులై మీకు అండగా ఉంటారు. పోటీదారులు ప్రతిచోట మీకు ఎదురుపడ్డా మీకు వచ్చిన నష్టం ఏమీలేదు. వృత్తికి సంబంధించినవన్నీ ఆడంబరంగా ఉండాలని భావిస్తారు. సహోదర సహోదరీ వర్గానికి అన్నివిధాలుగా అండగా ఉన్నా వాళ్ళకి సంతృప్తి ఉండదు. సొంతవాళ్ళు ఎన్ని తప్పులు చేసినా మీకు అవి తప్పులుగా అనిపించవు. ఈ రాశివారు జీవితంలో ఎదురయ్యే సంఘటనల ఆధారంగా అపార అనుభవాన్ని, మేధస్సును సొంతం చేసుకుంటారు. ఎదుటివాళ్ళు మోసం చేయనంత వరకు ఇతరులను మోసం చేద్దామనే ఆలోచనే రాదు. సాత్విక స్వభావం, మాట మీద నిలబడే మనస్తత్త్వం ఉంటుంది. జీవిత భాగస్వామితో విభేదాలు ఏర్పడే అవకాశం ఉంది. ఎలాంటి అభిషేకానికైనా మహాతీర్థం పొడిలో కొద్దిగా నీళ్ళు కలిపి అభిషేకం చేయండి. ఇష్టదేవతానుగ్రహం కలుగుతుంది. స్త్రీ సంతానం పట్ల ప్రత్యేకమైన అభిమానం కలిగి ఉంటారు. నైతిక బాధ్యతలకు ఎక్కువ ప్రాముఖ్యతనిస్తారు. అనుకున్న వాటిని ఏదోరకంగా సాధిస్తారు. జీవితభాగస్వామి ఆత్మీయులతో కొద్దికాలం చికాకులు ఉంటాయి. పెద్దల ఆరోగ్యం విషయంలో జాగ్రత్తలు అవసరం. గతంలో మీరు డాక్యుమెంట్స్‌పై చేసిన సంతకాలు వివాదస్పదం అవుతాయి. ఆధ్యాత్మిక, సేవా కార్యక్రమాలకు ధనాన్ని ఖర్చు చేస్తారు. వృత్తి ఉద్యోగాలలో మీ స్థానాన్ని పదిలం చేసుకోగలుగుతారు. రచనా, వ్యాసాలు, పుస్తక రచన, పరిశోధన, నటన, కళా సంబంధమైన వృత్తి ఉద్యోగాలలో విశేషమైన నిపుణత ఉంటుంది. మీ మేధస్సు, ఆలోచనలు, శ్రమ ఎక్కువకాలం దోచుకోబడతాయి. ఉద్యోగాలలో పదోన్నతులు పొందుతారు. ఐశ్వర్యప్రాప్తికి, వృత్తి ఉద్యోగాలలో సానుకూలతకు, వివాహప్రాప్తికి, సంతానప్రాప్తికి లకీ‡్ష్మచందనం ధరించడం వలన మేలు జరుగుతుంది. దాంపత్య జీవితంలో టీకప్పులో తుఫాను వంటి సంఘటనలు ఏర్పడతాయి. పునర్వివాహ యత్నాలు సఫలీకృఋతమవుతాయి. విదేశాలలో ఉన్న మీ ఆత్మీయులు, బంధువులు, రక్తసంబంధీకులు స్వదేశానికి రావాలన్న నిర్ణయం తీసుకుంటారు. మీ సంతానానికి విద్యాసంబంధ, ఉద్యోగసంబంధ అవకాశాలు లభిస్తాయి. అరటినారవత్తులు, అష్టమూలికా తైలంతో దీపారాధన చేయటం మంచిది. సంవత్సర ప్రారంభంలో ప్రారంభించిన వ్యాపారం బాగా విస్తరిస్తుంది. రొటేషన్లు, లాభాలు బాగుంటాయి. ఋణాలు తీరుస్తారు. రావాల్సిన ధనం చేతికి అందుతుంది. చాలాకాలంగా నిర్లక్ష్యానికి గురైన అంశాలు మీ జోక్యం వల్ల పరుగులు పెడతాయి. సామాన్య జనానికి ఉపకరించే ఎన్నో కార్యక్రమాలను విజయవంతంగా పూర్తిచేస్తారు. ఖర్చులు తగ్గించే అవకాశం ఉండదు. పొదుపు చేసుకునే అవకాశాలు కనబడవు. అవకాశాలు మిమ్మల్ని వెదుక్కుంటూ వచ్చినప్పటికీ వ్యక్తిగత కారణాల వల్ల చేజార్చుకుంటారు. వ్యాపారపరంగా భాగస్వాములతో కలిసి ఐకమత్యంగా వ్యాపారం చేస్తారు. మంచి లాభాలు పొందుతారు. ఆర్థికాభివృద్ధికి కుబేర యంత్రాన్ని ఉపయోగించండి. వృత్తి ఉద్యోగాలలో కృత్రిమ పోటీని ఎదుర్కోవలసి వస్తుంది. మీ వల్ల ప్రయోజనం పొందినవారు మీపై కృతజ్ఞతా భావం కలిగి ఉండరు. రాజకీయ పదవి లభిస్తుంది. సంతానం వల్ల సమస్యలు అధికం అవుతాయి. çప్రేమ, పెళ్ళి వ్యవహారాలు చికాకుపరుస్తాయి. అవివాహితులకు వివాహకాలం. సంతానం లేనివారికి సంతానప్రాప్తి. తెల్లజిల్లేడు వత్తులతో అష్టమూలికా తైలంతో దీపారాధన చేయటం వలన విఘ్నేశ్వరుని అనుగ్రహం లభిస్తుంది. దైవానుగ్రహం వెన్నంటి రక్షిస్తున్నట్లుగా భావిస్తారు. అలంకార సామాగ్రికి సంబంధించిన వ్యాపారాలు లాభిస్తాయి. ఆర్థిక పురోగతికి నూతన వ్యూహాలను వెతుకుతారు. మీడియా వల్ల మేలు జరుగుతుంది. గోప్యంగా విలువైన వస్తువులను కొనుగోలు చేయాల్సి వస్తుంది. భాగస్వాములతో విభేదాలు ఏర్పడతాయి. వ్యాపారంలో అనారోగ్యకరమైన పోటీ ఏర్పడుతుంది. మొత్తం మీద ఈ సంవత్సరం ప్రథమార్ధం, ద్వితీయార్ధం రెండూ బాగున్నాయి. స్త్రీలకు ప్రత్యేకం: ఈ రాశిలో జన్మించిన స్త్రీలకు ఈ సంవత్సరం బాగుంటుంది. సంతాన పురోగతి బాగుంటుంది. పిల్లలు జీవితంలో స్థిరత్వం సాధించలేదన్న దిగులు తీరుతుంది. ఓం నమశ్శివాయ వత్తులతో, అష్టమూలికా తైలంతో దీపారాధన చేయండి. అనుకున్న విధంగా పనులు పూర్తి చేస్తారు. కంప్యూటర్, విద్య, ఇంజనీరింగ్‌ విద్యను అభ్యసించి ఉద్యోగం కోసం ఎదురుచూస్తున్న వారికి ఉద్యోగం వస్తుంది. మీరు చేసే ఇతరత్రా వ్యాపారాలు, వ్యవసాయరంగ ఉత్పత్తులు, బ్యూటీపార్లర్స్, హోటళ్ళు నడపడం మొదలైన వ్యాపారాలు కలిసివస్తాయి. తొందరపడకుండా నిర్ణయాలు తీసుకుంటారు, లాభపడతారు. రాజకీయ పదవి లభిస్తుంది. ప్రేమ వివాహాలు ఫలించవు. నానారకాలు అరిష్టాలు, చికాకులు పోవడానికి, శత్రుబాధలు, బాధలు నశించడానికి త్రిశూల్‌ని ఉపయోగించండి. ఐఏఎస్, ఐపీఎస్, ఐఐటీ వంటి వాటికి ఎంపిక అవుతారు. డాక్టర్‌ కావాలన్న మీ కోరిక నెరవేరుతుంది. వస్త్ర వ్యాపారం, స్టేషనరీ వ్యాపారం, ఆహార పదార్థాలకు సంబంధించిన వ్యాపారాలు సాధారణంగా ఉంటాయి. కుటుంబంలో ఐకమత్యం కోసం విశేషంగా శ్రమిస్తారు. ఫలితాలు నామమాత్రంగా ఉంటాయి. ఆర్థిక విషయాలు బాగున్నాయి. కీర్తిశేషులైన వారి జ్ఞాపకాలు బాధిస్తాయి. విద్యాసంబంధమైన విషయాలు, సాంకేతిక విద్యకు సంబంధించిన విషయాలు కూడా అనుకూలంగా ఉన్నాయి. మంచి ఉద్యోగం లభిస్తుంది. ఆర్థికంగా అభివృద్ధి సాధిస్తారు. ఐశ్వర్యనాగినిని ఉపయోగించడం వలన లకీ‡్ష్మదేవి అనుగ్రహం, లకీ‡్ష్మకటాక్షం కలుగుతుంది. చిట్టీలు, ఫైనాన్స్‌ వ్యాపారానికి దూరంగా ఉండండి. ప్రభుత్వ సంబంధమైన లీజులు, కాంట్రాక్టులు పొడిగించబడతాయి. ముఖ్యమైన అధికారులు మీకు అనుకూలంగా వ్యవహరిస్తారు. ప్రభుత్వపరమైన సబ్సిడీలు లభిస్తాయి. విద్యార్థినీ విద్యార్థులు జ్ఞానచూర్ణాన్ని సేవించడం, సరస్వతీ తిలకాన్ని నుదుటన ధరించడం, మేధాదక్షిణామూర్తి రూపును మెడలో ధరించడం వలన మంచి ఫలితాలు పొందగలుగుతారు. అనువంశికంగా రావలసిన ఆస్తుల విషయంలో మీకు సమన్యాయం జరుగుతుంది. పునర్వివాహ ప్రయత్నాలు చేసేవారికి అనుకూలమైన ఫలితాలు సంప్రాప్తిస్తాయి. సంతానం లేనివారికి సంతానం కలుగుతుంది. ఆరోగ్యపరమైన విషయాలలో ప్రత్యేకశ్రద్ధ అవసరం. కీళ్ళనొప్పులు బాధిస్తాయి. దీర్ఘకాలిక వ్యాధులు కలిగినవారు జాగ్రత్తగా ఉండాల్సిన కాలం. గ్రీన్‌కార్డ్‌ కోసం ప్రయత్నం చేసే వారికి గ్రీన్‌కార్డు లభిస్తుంది. రాజకీయ పదవీప్రాప్తి, ప్రజాకర్షణ సంప్రాప్తం. పూజలలో, ఇంట్లో నాగబంధం కుంకుమను ఉపయోగించండి, ఇది ఎంతో విశిష్ఠమైనది మీ కీర్తిప్రతిష్ఠల వలన కొంతమంది ఉన్నతాధికారులకు అసూయ కలుగుతుంది. బిందుప్రస్థార అష్టమవర్గుననుసరించి పేరు మార్చుకోవాలి. దొంగ స్వామీజీల వల్ల, దొంగ గురువుల వల్ల నష్టపోతారు, జాగ్రత్త వహించండి. జ్యేష్ఠ సంతానం విషయంలో ప్రత్యేకమైన శ్రద్ధ అవసరం. వివాహాది శుభకార్యాలను సంతృప్తికరంగా నిర్వహించగలుగుతారు. విదేశీ వ్యవహారాలు కలిసివస్తాయి. వృత్తి ఉద్యోగాలలో మీ విధులను సక్రమంగా, నీతిగా, నిజాయితీగా నిర్వహిస్తారు. ఇది చాలామందికి నచ్చని అంశంగా మారుతుంది. ఉన్నతాధికారుల ప్రశంసలు లభిస్తాయి. ఉద్యోగంలో ప్రమోషన్‌ లభిస్తుంది. బదిలీ కోరుకునే వారికి బదిలీ అవుతుంది. క్రీడారంగంలో మీ నైపుణ్యానికి తగిన గుర్తింపు, అవార్డులు లభిస్తాయి. మొత్తం మీద ఈ సంవత్సరం బాగుంది.

ఆదాయం  2, వ్యయం  11,  రాజపూజ్యం 4, అవమానం  7 కన్యారాశి వారికి ఈ సంవత్సరం సప్తమ అష్టమస్థానాలలో గురురాహువుల సంచారం, షష్ఠమ స్థానంలో శని, లగ్న ద్వితీయాలలో కేతుగ్రహ సంచారం, రవిచంద్ర గ్రహణాలు, గురు శుక్ర మౌఢ్యమిలు ప్రధాన ఫలితాలను నిర్దేశిస్తున్నాయి. ఉన్నతస్థానాన్ని అధిరోహించే అవకాశాలు లభిస్తాయి. అనుకున్న ఫలితాలను సాధించగలుగుతారు. జీవితాశయాన్ని నెరవేర్చుకోగలుగుతారు. మీ ఆధ్వర్యంలో నడిచే విద్యాసంస్థలకు, సేవాసంస్థలకు మంచి ఆదరణ లభిస్తుంది. ఆర్థికంగా, ఆరోగ్యపరంగా, వ్యాపార, వ్యవహారాలపరంగా బాగుంది. రాజకీయంగా అగ్నిపరీక్షాకాలం. విద్యాసంబంధమైన అంశాలు బాగున్నాయి. మెడిసిన్‌ సీటు లభిస్తుంది. సినిమా వ్యాపారం కలిసి వస్తుంది. ఫ్యాక్టరీ, దాల్‌మిల్స్, రైస్‌మిల్స్, షుగర్‌ ఫ్యాక్టరీలు బాగా సాగుతాయి. ఆక్వారంగంలో, పౌల్టీర్రంగంలో కలిసిరాదు. ఈ సంవత్సరం ప్రధానమైన విషయాలు బాగున్నాయి. విదేశీ వ్యవహారాలు అనుకూలిస్తాయి. విద్య, ఉద్యోగ అవకాశాలు దూరప్రాంతంలో మీరు కోరుకున్న విధంగా లభిస్తాయి. పోటీపరీక్షలలో విజయం సాధిస్తారు. డాక్యుమెంట్స్‌ మీద సంతకాలు చేసేటప్పుడు ఒకటికి నాలుగుసార్లు పరిశీలించుకోవడం మంచిది. ఫైనాన్స్‌ స్కీములలో చేరవద్దు. రాజకీయ నిర్ణయాలు లాభిస్తాయి. రియల్‌ ఎస్టేట్‌ వ్యాపారంలో మళ్ళీ నిలదొక్కుకుంటారు. ఇతరులు రెచ్చగొట్టే యత్నాలు చేసినా ఓర్పు వహించి వ్యాపార, ఉద్యోగాలను పదిలపరుచుకోండి. కోర్టు తీర్పులు అనుకూలంగా వస్తాయి. ఆర్థిక లావాదేవీలు బాగుంటాయి. కొత్తగా పరిచయమైన మిత్రుల వల్ల లాభపడతారు. సన్నిహితుల నుంచి విలువైన సమాచారం అందుతుంది. వాహనాలు నడిపే విషయంలో, ప్రయాణాలలో జాగ్రత్త వహించండి. సహోదర సహోదరీ వర్గానికి రహస్యంగా సహాయపడతారు. దొంగ స్వామీజీల వల్ల నష్టపోతారు. వృత్తి వ్యాపార వ్యవహారాలలో ఇబ్బందులు ఏర్పడతాయి. ప్రత్యర్థి వర్గాన్ని కారణం చూపి ఇబ్బందులపాలు చేయగలుగుతారు. మీపై వచ్చిన ఆరోపణలు మరుగున పడతాయి. విదేశాలలో స్థిరపడిన ఆత్మీయవర్గంతో కలిసి తాత్కాలిక వ్యాపారాలు చేస్తారు. జల, వాయు, ఆహార కాలుష్యం వల్ల అనారోగ్యం కలుగుతుంది. నాగసింధూరం ప్రతిరోజూ నుదుటన ధరించడం వలన నరదిష్టి, నరఘోష తొలగిపోయి, జనాకర్షణ ఏర్పడుతుంది. వైవాహిక జీవితంలో ఇబ్బందులు ఎదుర్కొంటున్న వారు చట్టపరంగా విడిపోవడం అనివార్యం అవుతుంది. ప్రేమవివాహాలు కలిసిరావు. కాంట్రాక్టులు, సబ్‌ కాంట్రాక్టులు, లీజులు పొడగించబడతాయి. స్థిరాస్తుల పంపకం వ్యవహారంలో పెద్దలు, బంధువులు మీకు అనుకూలంగా వ్యవహరిస్తారు. గృహశాంతి పాడు చేసుకోవడం ఇష్టం లేక జీవితంలో నటించాల్సి వస్తుంది. ఇతరుల హక్కుల కోసం పోరాటం చేస్తారు. ప్రయోజనాలను వదులుకుంటారు కానీ మనస్సాక్షికి విరుద్ధంగా ఏ పనీ చేయరు. మీ వైరివర్గానికి బెదిరింపు సంకేతాలు పంపిస్తారు. కుటుంబంలో ఒకరి ఆరోగ్యంపట్ల శ్రద్ధ వహించాల్సి వస్తుంది. విద్యార్థినీ విద్యార్థులు జ్ఞానచూర్ణాన్ని సేవించడం, సరస్వతీ తిలకాన్ని నుదుటన ధరించడం, మేధాదక్షిణామూర్తి రూపును మెడలో ధరించడం వలన మంచి ఫలితాలు పొందగలుగుతారు. రాజకీయ పదవి సంప్రాప్తిస్తుంది. వ్యవసాయదారులకు శ్రమకు తగిన ఫలితం లభిస్తుంది. పాత శత్రువులు మళ్ళీ తెరమీదకు వస్తారు. స్త్రీ సంతానం పట్ల విశేషమైన ప్రేమతో విలువైన బహుమతులను కొనిస్తారు. మిమ్మల్ని పొగిడే వాళ్ళపట్ల జాగ్రత్తగా ఉండండి. ఎగుమతి, దిగుమతి వ్యాపారాలు లాభిస్తాయి. చాలా సందర్భాలలో మిమ్మల్ని మీరు రుజువు చేసుకోవాల్సి వస్తుంది. సంతానం కొన్ని విషయాలలో వక్రమార్గంలోకి వెళ్తారు. విందులు, వినోదాలు ఎక్కువవుతాయి. ఇంట్లోనూ, వ్యాపార ప్రదేశాలలోనూ కప్పుసాంబ్రాణితో ధూపం వేయండి. ఫైనాన్స్‌ వ్యాపారానికి, షేర్స్‌కి దూరంగా ఉండండి. ఈ రాశిలో జన్మించిన వారు ఈ సంవత్సరం సుబ్రహ్మణ్య పాశుపత హోమం చేయాలి, సుబ్రహ్మణ్య పాశుపత కంకణం ధరించాలి. వివాదాలకు, కోపతాపాలకు దూరంగా ఉండండి. మొత్తంమీద ఈ సంవత్సరం ప్రథమార్ధం, ద్వితీయార్ధం రెండూ బాగున్నాయి. స్త్రీలకు ప్రత్యేకం.. ఈ రాశిలో జన్మించిన స్త్రీలకు ఈ సంవత్సరం అనుకూలంగా ఉంది. క్రీడారంగంలో కొన్ని విజయాలు నమోదు చేసుకుంటారు. దూరప్రాంతంలో ఉన్న మీ ఆత్మీయులు, పిల్లలు పంపిన ధనాన్ని అనుకూలమైన రంగాలలో పెట్టుబడిగా పెడతారు. జీవితంలో ఏదో కోల్పోయామన్న భావన, వైరాగ్యం, గతస్మృతులు మనోవేదనకు కారణం అవుతాయి. అన్నీ ఉన్నా అనుభవించలేకపోతున్నామనే భావన మీ మనసును కలవరపరుస్తుంది. పుష్కలంగా డబ్బు లేకపోయినా గతంలోనే బాగుందనే భావన పదేపదే అనిపిస్తుంది. కీర్తిశేషులైన రక్తసంబంధీకుల జ్ఞాపకాలు బాధిస్తాయి. విద్యా, కళా, సాహిత్యరంగాలలో రాణిస్తారు. మీ ప్రతిభకు తగిన అవకాశాలు కలిసివస్తాయి. సమాజంలో మీరొక సెలబ్రిటీ అవుతారు. ప్రతిరోజు నుదుటన యజ్ఞభస్మం ధరించండి. సమాజంలో నెలకొన్న కుల, మత, వర్గ ప్రాంతీయ వైషమ్యాలు మీకు నష్టం కలిగిస్తాయి. వివాహాది శుభకార్యాలు ముడిపడతాయి. పునర్వివాహ ప్రయత్నాలు చేసుకునే వారికి కాలం అనుకూలంగా వుంది. మీ పేరుమీద ఉన్న స్థిరాస్తుల విలువ పెరుగుతుంది. ఆర్థిక పరిస్థితి మెరుగుపడుతుంది. ఉన్నత విద్యాయోగం ఉంది. మీ వ్యక్తిగతమైన సర్టిఫికెట్స్, డాక్యుమెంట్స్, సెల్‌పోన్, కంప్యూటర్, బ్యాంక్‌ అకౌంట్‌ నెంబర్‌ మొదలగు వాటి విషయంలో జాగ్రత్తలు చాలా అవసరం. నూతనమైన వస్త్రాలు ఎక్కువగా ధరిస్తారు. సనాతన సాంప్రదాయల పట్ల మొగ్గు చూపిస్తారు. నానారకాల అరిష్టాలు, చికాకులు పోవడానికి, శత్రుబాధలు, బాధలు నశించడానికి త్రిశూల్‌ని ఉపయోగించండి. పొదుపు చేసిన ధనంతో ఏదైన స్థలం కానీ, ఫ్లాట్‌ కానీ తీసుకోవాలని అనుకుంటారు. మీ మీద ఆధారపడిన వాళ్ళకి తగిన సహాయ సహకారాలు అందజేస్తారు. మనసులోకి ఎవరినీ రానీయకూడదు, ఎవరికీ చోటు ఇవ్వకూడదు అని గట్టిగా నిర్ణయించుకుంటారు. మీరు మనసులో స్థానమిచ్చి, జీవితాన్ని పంచుకుందామని భావించిన వ్యక్తి మోసం చేయడం వల్ల తీవ్ర మానసిక వేదనకు లోనవుతారు. ఇది కొంతమంది విషయంలోనే అందరికీ కాదు. మీ వల్ల కాదని అందరూ హేళన చేసిన ఒక గొప్ప కార్యక్రమాన్ని మీరు విజయవంతంగా పూర్తిచేసి, ప్రశంసలు అందుకుంటారు. తెలివిగా ఆలోచించండి. చిరునవ్వుల వెనుక ఉన్న వైషమ్యాన్ని జాగ్రత్తగా గమనించండి. పొగిడిన వాళ్ళంతా మీ అభిమానులు కారు. వెన్నుదట్టిన వాళ్ళందరూ మీ హితులు కారు. కాలం మీకు అనుకూలంగా ఉన్నంత వరకే. మీకు ఎలాంటి ఆర్థిక ఇబ్బందులు రానంత వరకే వాళ్ళ ప్రేమాభిమానాలు పరిమితమవుతాయి. స్వేచ్ఛా జీవితాన్ని కోరుకుంటారు. వివాహం కానివారికి వివాహప్రాప్తి, సంతానం లేనివారికి సంతాన ప్రాప్తి కలుగుతుంది. పూజలలో, అభిషేకాలలో జువ్వాదిని ఉపయోగించండి. సాంకేతిక, కళారంగాలలో రాణిస్తారు. కీలక స్థానాలలో ఉన్న వ్యక్తులు మీ శ్రమను, సామర్థ్యాన్ని గుర్తిస్తారు. ఇందువలన దీర్ఘకాలిక ప్రయోజనాలు ఏర్పడతాయి. ఆరోగ్యం విషయంలో తగిన జాగ్రత్తలు అవసరం. సాంస్కృతిక కార్యక్రమాలలో మీ ప్రతిభా పాటవాలు వెలుగులోకి వస్తాయి. దీనివల్ల ఆర్థికంగా ఉపయోగం లేకపోయినా మానసిక ప్రశాంతత కలుగుతుంది. ఆధ్యాత్మిక చింతనలో కొన్ని సందర్భాలలో మిమ్మల్ని మీరే మరిచిపోతారు. భగవంతుడిని నమ్మండి, ఆరాధించండి. చార్టెడ్‌ అకౌంటెంట్స్‌కు, సివిల్‌ ఇంజనీర్లకు, సాఫ్ట్‌వేర్‌ ఇంజనీర్లకు, విద్యాసంస్థలు నడిపే వారికి కాలం చాలా అనుకూలంగా వుంది. గతంలో చేసిన పొరపాట్లను తిరిగి జరగకుండా జాగ్రత్తపడతారు. ఒకానొక సందర్భంలో మిమ్మల్ని అర్థం చేసుకునే మనుషులే కరువవుతారు. చివరికి పెద్దలు, తల్లిదండ్రులు కూడా మిమ్మల్ని అర్థం చేసుకోలేరు. మొత్తం మీద ఈ సంవత్సరం ఈ రాశివారికి అనుకూలంగా వుంది.

(ఆదాయం 14, వ్యయం 11, రాజపూజ్యం 7, అవమానం 7) తులారాశిలో జన్మించిన వారికి ఈ సంవత్సరం మిశ్రమ ఫలితాలు గోచరిస్తున్నాయి. లగ్న వ్యయాలలో కేతుగ్రహ సంచారం, షష్ఠ సప్తమాలలో గురు రాహువుల సంచారం, పంచమ స్థానంలో శనిగ్రహ సంచారం, గురు శుక్ర మౌఢ్యమిలు, రవిచంద్ర గ్రహణాలు ప్రధాన ఫలితాలను నిర్దేశిస్తున్నాయి. వ్యాపారాభివృద్ధి బాగుంటుంది. ఎక్కడకు వెళ్ళినా గౌరవంగా ఆహ్వానించే వారు అధికంగా ఉంటారు. ఆర్థిక పరిస్థితులు మెరుగుపడతాయి. కార్యానుకూలత సాధిస్తారు. ఉన్నత విద్యకోసం చేసే దూరప్రయాణాలు లాభిస్తాయి. కష్టపడి అనుకున్నది సాధిస్తారు. అనుకున్న పనులు కాస్త అటు–ఇటుగా పూర్తవుతాయి. సాంకేతికవిద్యలో రాణిస్తారు. మీ ఆధ్వర్యంలో నడుస్తున్న విద్యాసంస్థలు మంచి ప్రఖ్యాతి పొందుతాయి. సాంస్కృతిక, క్రీడారంగాలలో ప్రతిభాపాటవాలు గుర్తింపుకు నోచుకుంటాయి. నీచ రాజకీయాలు మనస్తాపం కలిగిస్తాయి. నైతికధర్మానికి కట్టుబడి ఉంటారు. పాల ఉత్పత్తులు, తత్సంబంధమైన వ్యాపారాలకు కాలం అనుకూలంగా ఉంది. స్త్రీలతో భేదాభిప్రాయాలు తలెత్తుతాయి. గతంలో చేసిన పొదుపు పథకాలు ఎంతగానో అక్కరకు వస్తాయి. ప్రభుత్వపరంగా ఆర్థిక ప్రయోజనాలను పొందగలుగుతారు. ప్రతిష్ఠాత్మకమైన కాంట్రాక్టులు లభిస్తాయి. ఉన్నతాధికారులు, ఉన్నతస్థాయిలో ఉన్న స్నేహితుల వల్ల మేలు పొందుతారు. బంధువర్గంలో పదేపదే మీ నుంచి ఆర్థికసాయం ఆశిస్తున్న వాళ్ళు విసిగించడం మొదలుపెడతారు. రాజకీయ వ్యూహం ఫలిస్తుంది. మొండిధైర్యంతో సమస్యల నుంచి గట్టెక్కుతారు. దీపారాధన చేసే కుందిలో రెండు చుక్కలు పరిమళగంధం వేసి దీపారాధన చేయండి. వైరివర్గంతో హోరాహోరీ పోరాటం జరుపుతారు. ఆహార నియమాలు పాటిస్తారు. చిన్నచిన్న ఆరోగ్య సమస్యలు ఇబ్బంది పెడతాయి. వైరివర్గాన్ని బోల్తా కొట్టించడానికి మీరు పన్నిన వ్యూహం ఫలిస్తుంది. శుభకార్యాల విషయమై కార్యానుకూలత కోసం ప్రయత్నిస్తారు,. ఫైనాన్స్‌ స్కీములు, లక్కీడ్రాలు, షేర్లు, కోడిపందాలు, గుర్రపు పందాలు, పేకాట, క్రికెట్‌ బెట్టింగ్స్, రాజకీయ ఫలితాల బెట్టింగులకు దూరంగా ఉండడం శ్రేయస్కరం. ఋణాలు ఇచ్చేటప్పుడు, తీసుకునేటప్పుడు జాగ్రత్తలు అవసరం. వెన్నుపోటుదారులు స్నేహితుల్లోనే ఉన్నారన్న విషయం ఆలస్యంగా తెలుసుకుంటారు. నిరుద్యోగులైన విద్యావంతులకు తాత్కాలికంగా కొన్ని ఇబ్బందులు ఎదురైనా, చిన్న చిన్న ఉద్యోగాలు చేసినా పోటీపరీక్షలలో విజయం సాధించి, మంచి ఉద్యోగాన్ని సాధిస్తారు. ఐఏఎస్, ఐపీఎస్, తదితర సర్వీసులకు ఎంపిక అవుతారు. కష్టానికి తగిన ఫలితం కొన్ని సందర్భాలలో లభిస్తుంది. కీర్తిప్రతిష్ఠలు దక్కుతాయి. కుటుంబంలో ప్రశాంతత లోపించకుండా జాగ్రత్త వహించడం, దిగమింగటం జరుగుతుంది. దొంగలని తెలిసి కూడా చర్య తీసుకోలేని పరిస్థితి ఏర్పడుతుంది. వృత్తి ఉద్యోగాలలో సంవత్సర ప్రథమార్ధంలో కొన్ని ఇబ్బందులను, సాంకేతికపరమైన సమస్యలను ఎదుర్కొంటారు. మీ మీద ఆరోపణలు చేసినవారి నిజస్వరూపం బయటపడుతుంది. ఫాస్ట్‌ఫుడ్స్, బేకరీల వ్యాపారాలు, హాస్టళ్ళ నిర్వహణ మొదలైనవి మధ్యస్థంగా ఉంటాయి. హోల్‌సేల్‌ వ్యాపారాలు, సుగంధద్రవ్య వ్యాపారాలు బాగుంటాయి. ఉద్యోగపరంగా సంస్థ నుండి ఒకరిని తొలగించవలసిన పరిస్థితి వస్తుంది. దానికి మీరే బాధ్యులని మీపై దుష్ప్రచారం జరుగుతుంది. వృత్తి ఉద్యోగాలపరంగా అనవసరమైన బాధ్యతలు నెత్తిన పడతాయి. వ్యాపారంలో రొటేషన్‌ బాగున్నా, భాగస్వాముల ప్రవర్తన వల్ల ఆశించిన లాభాలు రావు. ఈ రాశిలో జన్మించిన వారు ఈ సంవత్సరం రుద్రపాశుపత హోమం చేయాలి, పాశుపత కంకణం లేదా రూపు ధరించాలి. ప్రేమ పెళ్ళిళ్ళు ప్రధాన ప్రస్తావనాంశంగా మారుతాయి. మొత్తం మీద ఈ సంవత్సరం ప్రథమార్ధం, ద్వితీయార్ధం రెండూ బాగున్నాయి. స్త్రీలకు ప్రత్యేకం: ఈ రాశిలో జన్మించిన స్త్రీలకు ఈ సంవత్సరం చాలా బాగుంది. మీరు చేసే వ్యాపార వ్యవహారాలు బాగుంటాయి. క్రమశిక్షణాయుతమైన పద్ధతులలో కష్టపడి వ్యాపారాన్ని ఒక దారిలోకి తీసుకువస్తారు. టీమ్‌ స్పిరిట్‌తో మంచి ఫలితాలు సాధిస్తారు. మీ వ్యక్తిగత భావాలను విమర్శించే వారి పట్ల శతృత్వం పెంచుకుంటారు. కోపాన్ని అదుపులో పెట్టుకోలేరు. సౌందర్య సాధక చిట్కాలు, యోగాభ్యాసాలు, మెడిటేషన్‌ మొదలైన అలవాట్ల వల్ల ఆరోగ్యం కాపాడుకుంటారు. ఉన్నంతలో అందంగా కనిపించాలని భావిస్తారు. డబ్బులు ఖర్చు పెట్టే విషయంలో ఆచితూచి వ్యవహరిస్తారు. సహేతుకమైన దానధర్మాలు చేస్తారు. పెళ్ళి ముందా, చదువు ముందా అనే సమస్య ఏర్పడుతుంది. ఈ విషయంలో పెద్దల మాట వినరు. చదువు పూర్తయ్యాకే పెళ్ళి చేసుకుందామని నిశ్చయించుకుంటారు. వివాహం చేసుకోవాలని నిర్ణయించుకున్న వాళ్ళకి పెళ్ళి చూపులో అందరికీ మీరు నచ్చుతారు. మీకు మాత్రం ఎవరూ నచ్చరు. ఇదొక అంతర్జాతీయ సమస్యగా మారుతుంది. అరటినార వత్తులతో అష్టమూలికాతైలం కలిపి దీపారాధన చేయండి. ఈఎన్‌టీ సమస్యలు బాధించే అవకాశం ఉంది. ఒళ్ళు బరువు తగ్గించుకుని నాజూకుగా కనిపిస్తారు. తల్లిదండ్రుల సలహాలు లేనిదే ఏ పనీ చేయరు. విలువైన స్థిరాస్తులు కొనుగోలు చేసే అవకాశం ఉంది. సంతానపరమైన విషయంలో కొంత ఇబ్బంది వున్నా, ద్వితీయార్ధంలో సంతానం పరిస్థితి బాగుంటుంది. విద్యారంగంలో పిల్లలు మంచి విజయాలు సాధిస్తారు. తల్లి వైపు బంధువులకు కొంతకాలం అండగా ఉండవలసిన పరిస్థితి ఏర్పడుతుంది. సర్పదోషాలు, గ్రహబాధలు తొలగిపోవడానికి సర్పదోషనివారణా చూర్ణంతో సర్వరక్షాచూర్ణం కలిపి స్నానం చేయండి (తలస్నానం చేయరాదు). మీ ఆత్మీయవర్గం విదేశాలలో స్థిరపడతారు. మీకు అన్నివిధాలా అందుబాటులో ఉంటారు. చేతి వృత్తులు, అలంకార కేంద్రాలు, బ్యూటీపార్లర్లు, డిజైనింగ్, వస్త్ర వ్యాపారం మొదలైనవి సానుకూల ఫలితాలను ఇస్తాయి. అవివాహితులైన స్త్రీలకి మంచి సంబంధం కుదురుతుంది. సంతానం లేనివారికి సంతానప్రాప్తి కలుగుతుంది. ఇంట్లోనూ, వ్యాపార ప్రదేశాలలోనూ సాంబ్రాణి ధూపం వేయండి. వృత్తి ఉద్యోగ బాధ్యతల వల్ల న్యాయాన్ని, ధర్మాన్ని అనుసరించి ఇతరులకు ఇచ్చిన వాగ్దానాన్ని నిలుపుకోలేరు. అధికారం చేతుల్లో ఉన్నా సహాయం చేయటానికి వీలులేని పరిస్థితి ఏర్పడుతుంది. విలువైన వస్తువులు కొనుగోలు చేస్తారు. నానా రకాల అరిష్టాలు, చికాకులు పోవడానికి, శత్రుబాధలు, గ్రహబాధలు నశించడానికి త్రిశూల్‌ని ఉపయోగించండి. మానసికంగా సంతోషంగా ఉంటారు. పెద్దవాళ్ళని ప్రేమగా చూస్తారు. సహోదర సహోదరీ వర్గాన్ని కూడా ఆదరిస్తారు. బాధ్యతలను సక్రమంగా నిర్వహిస్తారు. మనకెందుకులే మనం తప్పించుకుపోదాం, డబ్బులెందుకు ఖర్చు పెట్టాలి? సేవలు ఎందుకు చేయాలి? నా తోడబుట్టిన వాళ్ళందరికీ లేని బాధ్యత నాకు మాత్రం ఎందుకు? ఈ విధంగా మీరు ఆలోచించరు. ఇటువంటి ఆలోచన మీ కలలోకి కూడా రాదు. ధర్మాన్ని వదిలేస్తే భగవంతుడు మనల్ని వదిలేస్తాడని మీ ప్రగాఢ నమ్మకం. ఇదే రకమైన బుద్ధి అందరికీ ఉంటే ఈ దేశం ఎంత బాగుండేదో కదా అనే ఆలోచన కలుగుతుంది. ఫైనాన్స్‌ మరియు చిట్టీల వ్యాపారం పెడితే దివాళా తీస్తారు, జాగ్రత్త ! క్రీడారంగంలో మంచి ప్రతిభాపాటవాలు చూపించినా కుల, మత, వర్గ, ప్రాంతీయ విభేదాల వల్ల మీకు లభించవలసిన ఖ్యాతి, అవార్డులు, రివార్డులు లభించవు. చలనచిత్ర రంగంలో, టీవీ రంగంలో అవకాశాలు కలిసి వస్తాయి. పెళ్ళి చేసుకోమని వేధిస్తున్న ఒక వ్యక్తి విషయంలో కఠినమైన నిర్ణయాలు తీసుకోవలసిన పరిస్థితి ఏర్పడుతుంది. కీలక సమయంలో మీ శక్తిసామర్థ్యాలను నిరూపించుకుంటారు. మీ శత్రువర్గానికి తగిన విధంగా గట్టి గుణపాఠం చెబుతారు. అవార్డులు, రివార్డులు మీ దగ్గరికి వెతుక్కుంటూ వస్తాయి. మొత్తం మీద గడిచిన సంవత్సరం కంటే ఈ సంవత్సరం బాగుంటుంది.

వృశ్చిక రాశి (ఆదాయం 5, వ్యయం 5, రాజపూజ్యం 3 అవమానం 3) Ugadi 2023 Panchangam: వృశ్చికరాశి వారికి ఈ సంవత్సరం చాలా బాగుంది. చతురంలో శని, పంచమ, షష్ఠమ స్థానాలలో గురు రాహువుల సంచారం, వ్యయ లాభ స్థానాలలో కేతుగ్రహ సంచారం, రవి చంద్ర గ్రహణాలు, గురు శుక్ర మౌఢ్యమిలు ప్రధాన ఫలితాలను నిర్దేశిస్తున్నాయి. మంచి అవకాశాలను అందుకోగలుగుతారు. ఆర్థిక పరిస్థితులు మధ్యస్థంగా ఉంటాయి. ఆధునిక విద్య, వినూత్న వ్యాపారాలలో శ్రద్ధ, రాణింపు ఉంటాయి. సంఘంలో పేరుప్రతిష్ఠలు కలిగి ఉంటారు. ఉన్నతస్థానాలను సాధిస్తారు. దైవభక్తి, శ్రద్ధ కలిగి ఉంటారు. ఆర్థిక వనరులు చేకూర్చే ఒప్పందాలు, వాగ్దానాలు కుదురుతాయి. శనిగ్రహ అనుకూలత కొరకు ప్రతినిత్యం కాలభైరవాష్టకం, హనుమాన్‌ చాలీసా పారాయణ చేయండి. నెలకు ఒకసారైనా శనికి తైలాభిషేకం చేయించండి. భూముల వ్యవహారాలు వివాదస్పదం కాకుండా చర్యలు తీసుకోండి. శుభకార్యాల విషయంలో కఠినంగా వ్యవహరిస్తారు. మీ హితవుకోరే బంధువులు ఎవరో తెలుస్తుంది. మీ ద్వారా ప్రయోజనం పొందిన స్నేహితులు కూడా మిమ్మల్ని శత్రువులుగానే చూస్తారు. వాస్తవాలను గ్రహించి స్నేహితులకు స్వస్తి చెబుతారు. జీవితభాగస్వామితో అన్నివిషయాలు అరమరికలు లేకుండా పంచుకుంటారు. జీవిత భాగస్వామి చెప్పిన పనులను కాదనకుండా చేస్తారు. జీవిత భాగస్వామికి ఇవ్వవలసిన గౌరవాన్ని, సముచిత స్థానాన్ని ఇస్తారు. సంతానం మనోభావాలను గౌరవిస్తారు. ప్రేమ పెళ్ళిళ్ళు వంటి వ్యవహారాలలో కఠినంగా వ్యవహరిస్తారు. కీళ్ళనొప్పులు, ఎలర్జీ సమస్యలు, జీర్ణకోశ సమస్యలు ఎదుర్కోవలసి వస్తుంది. ఆదాయం వచ్చే వాటిల్లోనే ధనాన్ని పెట్టుబడిగా పెడతారు. తెల్లజిల్లేడువత్తులతో అష్టమూలికా తైలంతో దీపారాధన చేయటం వలన విఘ్నేశ్వరుని అనుగ్రహం లభిస్తుంది. ఆస్తుల విలువ కృత్రిమంగా తగ్గించే యత్నాలు జ్యేష్ఠ సంతానం విషయంలో ప్రత్యేక జాగ్రత్తలు అవసరం. పని సామర్థ్యం, నేర్పరితనం మిమ్మల్ని నిలబెడతాయి. మీ ప్రతిభ విదేశాలలో రాణిస్తుంది. మీ వాళ్ళకు ప్రభుత్వపరంగా లబ్ధి చేకూరుతుంది. అనుకున్న కార్యక్రమాలు, అభివృద్ధి సంతృప్తికరంగానే ఉంటాయి. కొనుగోలు చేసిన ఆస్తుల విలువ కృత్రిమంగా తగ్గించే యత్నాలు జరుగుతాయి. నష్టపోకుండా లాభాలతో బయటపడతారు. స్థాయికి తగని వ్యక్తులను ప్రోత్సహించారన్న అపవాదు వస్తుంది. ఆర్థిక పరిస్థితి అనుకూలంగా ఉంటుంది. వృత్తి వ్యాపారాలలో, ఉద్యోగంలో మీ ప్రత్యేక శైలిని నిలబెట్టు కుంటారు. ఆదాయం పెంచుకునే మార్గాలు అన్వేషిస్తారు. ఇతరులు చేయవలసిన శ్రమ మీరు చేయవలసి వస్తుంది. సమాజంలో ఉన్నతస్థాయి వ్యక్తులతో పరిచయం పెరుగుతుంది. మీ ఆధ్వర్యంలో నడుస్తున్న విద్యాసంస్థలు, సేవాసంస్థల పురోగతి బాగుంటుంది. విద్యా, ఉద్యోగ, విదేశీయాన సంబంధమైన విషయాలు బాగుంటాయి. సర్పదోషాలు, గ్రహబాధలు తొలగిపోవడానికి సర్పదోష నివారణా చూర్ణంతో సర్వరక్షాచూర్ణం కలిపి స్నానం చేయండి (తలస్నానం చేయరాదు). సాంకేతికవిద్యలోనూ, వైద్యవిద్యలోనూ రాణిస్తారు. పోటీపరీక్షలలో విజయం సాధిస్తారు. స్థిరాస్తుల అభివృద్ధి బాగుంటుంది. వ్యాపారంలో లాభాలు బాగుంటాయి. విద్యాసంస్థలు, సామాజిక సేవాసంస్థలు, లోహపు వ్యాపారులు అనుకూల ఫలితాలు సాధిస్తారు. చేతివృత్తుల వారికి మంచి ఫలితాలు సూచిస్తున్నాయి. భూముల కొనుగోలు, అమ్మకాల విషయాలలో మీ ఓర్పు, సహనం, మాటల చాతుర్యం వల్ల లాభపడతారు. రాజకీయంగా ఉన్నతస్థానంలో ఉన్నవారు, ముఖ్యమైన అధికారులు మిమ్మల్ని ఆదరిస్తారు. స్థానిక నాయకులతో విభేదాలు పరాకాష్టకు చేరుతాయి. జీవితంలో అశాంతిని సృష్టిస్తున్న ఒక స్త్రీని వదిలించుకోవడానికి న్యాయ పోరాటం చేసి, విజయం సాధిస్తారు. మనశ్శాంతి కోసం పుణ్యక్షేత్రాలను సందర్శిస్తారు. రాజకీయపదవి ప్రాప్తి. ఉద్యోగానికి సరైన కారణం లేకుండా సెలవు పెడతారు. స్త్రీ, పురుషుల అనుబంధానికి, స్నేహానికి వక్రభాష్యాలు చెప్పేవారు మీ వల్ల ఇబ్బందులు పడతారు. పునర్వివాహ ప్రయత్నాలు చేసేవారికి మంచి సంబంధం కుదురుతుంది. ఇతరులను నిష్కారణంగా అనుమానిస్తారు. ఎంతో శ్రమించి మంచి ఫలితాలు సాధించినా, మీ వైరివర్గంవారు విమర్శిస్తారు. రాజకీయ పదవి లభిస్తుంది. ఈ రాశిలో జన్మించిన వారు ఈ సంవత్సరం అఘోర పాశుపత హోమం చేయాలి, సౌరపాశుపత కంకణం లేదా రూపు ధరించాలి. శత్రువులతో వాదించే కన్నా కాలమే సమస్యలను పరిష్కరిస్తుందని మౌనంగా ఉండిపోతారు. మీరు నిజాయితీగా, స్పష్టంగా మాట్లాడడం వలన వైరివర్గం మీ మీద అకారణంగా ద్వేషాన్ని పెంచుకుంటారు. మీ సన్నిహిత, సహచరవర్గంలో ఉండేవారి వల్లనే మానసిక వేదన కలుగుతుంది. ఈ సంవత్సరం ప్రథమార్ధం కన్నా ద్వితీయార్ధం బాగుంది. స్త్రీలకు ప్రత్యేకం: ఈ రాశిలో జన్మించిన స్త్రీలకు ఈ సంవత్సరం బాగుంది. విద్యాసంబంధ విషయాలు బాగున్నాయి. ప్రతిష్ఠాత్మకమైన చదువులు చదువుకోవడానికి ఎంపిక అవుతారు. సాంకేతికవిద్యలో రాణిస్తారు. రాజకీయ పదవీప్రాప్తి. ఆరోగ్యపరంగా మోకాళ్ళ నొప్పులు బాధించే అవకాశం ఉంది. శారీరకంగా, మానసికంగా శ్రమించి డబ్బులు ఖర్చుపెట్టి సంతానాన్ని ఒకదారికి తీసుకు వస్తారు. మీరు ఊహించిన విధంగా వారు జీవితంలో స్థిరపడతారు. ఆర్థికాభివృద్ధి కొరకు కుబేర యంత్రాన్ని ఉపయోగించండి. కుటుంబానికి సహోదరసహోదరీ వర్గానికి అండగా నిలుస్తారు. చిన్నచిన్న వ్యాపారాలు, పెట్టుబడులు లాభిస్తాయి. సంపాదించిన ధనాన్ని మంచికి ఉపయోగిస్తారు. కళా, సాహిత్య, సాంకేతిక రంగాలలో గుర్తింపు లభిస్తుంది. ప్రేమవివాహాలు సఫలం కావు. ఇష్టంలేని వ్యక్తులతో చట్టబద్ధంగా విడిపోతారు. వృత్తి ఉద్యోగాలలో నూతన అవకాశాలు కలిసివస్తాయి. జీతం ఆధారంగా ఉద్యోగ నిర్ణయాలు చేయరు. ప్రదేశం ఆధారంగా ఉద్యోగ నిర్ణయం చేస్తారు. సర్పదోష నివారణా కంకణం ధరించండి. వీలైనంత వరకు విభేదాలకు దూరంగా ఉండండి. మీకు మీరుగా సమస్యలను పెద్దవిగా చేయవద్దు. సంతానం లేనివారికి సంతానప్రాప్తి. మంచి ఉద్యోగం లభిస్తుంది అవివాహితులకు వివాహకాలం. నిత్యం హనుమాన్‌ సింధూర్‌ ధరించడం వలన మనోధైర్యం, ఆత్మవిశ్వాసం పెరుగుతుంది. చేపట్టిన ప్రతి పనిలోనూ విజయవంతమైన ఫలితాలు సాధిస్తారు. సంఘాల ద్వారా మంచి ఖ్యాతి, సంఘాలకు మంచి నాయకత్వం వహించడం తద్వారా లాభాలు గడించడం జరుగుతుంది. ప్రభుత్వ పథకాలను సద్వినియోగం చేసుకోగలుగుతారు. బ్యాంకు ఋణ సౌకర్యాన్ని ఉపయోగించుకుంటారు. ప్రతిష్ఠాత్మక పదవులకు ఎంపిక అవుతారు. మంచి ఉద్యోగం లభిస్తుంది. చిన్నచిన్న వ్యాపారాలు చేసుకునే వారికి అనుకూలంగా ఉంది. వివాహ విషయమై సొంత నిర్ణయాలు తీసుకుంటే! గతించిన రక్తసంబంధీకుల జ్ఞాపకాలు మీ మనోవేదనకు కారణం అవుతాయి. వివాహ విషయమై సొంత నిర్ణయాలు తీసుకుని అయినవాళ్ళకు దూరం అవుతారు. వివాహపరంగా సొంత నిర్ణయాలు మీ జీవితానికి మేలు చేయవు. విలువైన ఆభరణాలు కొనుగోలు చేస్తారు. ఇంద్రాణి రూపును మెడలో ధరించండి. పునర్వివాహ ప్రయత్నాలు చేసేవారికి అనుకూల ఫలితాలు వస్తాయి. వ్యాపారపరంగా వచ్చిన ఓ సదవకాశాన్ని సద్వినియోగం చేసుకుంటారు. వృత్తి ఉద్యోగాలలో కొంత ఓర్పు పాటించడం అవసరం. ప్రభుత్వ పోటీ పరీక్షలలో విజయం సాధించి మంచి ఉద్యోగాన్ని పొందుతారు. మీ ఆధ్వర్యంలో నడుస్తున్న వ్యాపారం బాగుంటుంది. ఆధ్యాత్మిక కార్యక్రమాల పట్ల శ్రద్ధ చూపుతారు. సంతానం మీ మాటను ధిక్కరించడం సమస్యగా మారుతుంది. మీ మనస్తత్వానికి విరుద్ధంగా సంతానం ప్రవర్తిస్తారు. మొండితనంతో ఉండవద్దు ఇంట్లో మీ మాటే నెగ్గాలి అన్న మొండితనంతో ఉండవద్దు. ప్రతి విషయంలోనూ ఆచితూచి నిర్ణయాలు తీసుకోవడం, భేదాభిప్రాయాలలో పంతాలకు పోకుండా, సర్దుకుపోవడం వల్ల లాభం చేకూరుతుంది. అనుకూలమైన కాలాన్ని సద్వినియోగం చేసుకోండి. ఇంట్లోనూ, వ్యాపారప్రదేశాలలోనూ సాంబ్రాణి ధూపం వేయండి. ఆత్మీయులతో, సన్నిహితులతో వాగ్వివాదాలు సంభవిస్తాయి. బ్యూటీపార్లర్లు నడిపేవారికి శ్రమకు తగిన ఫలితం లభిస్తుంది. ఈ సంవత్సరం ప్రథమార్ధం, ద్వితీయార్ధం రెండూ బాగున్నాయి.

కర్కాటక రాశి (ఆదాయం 11, వ్యయం 8, రాజపూజ్యం 5, అవమానం 4) కర్కాటక రాశి వారికి ఈ సంవత్సరం యోగవంతంగా ఉంది. తృతీయ చతుర్థ స్థానాలో కేతువు, అష్టమస్థానంలో శని, భాగ్య దశమ స్థానాలలో గురురాహువులు, రవి చంద్ర గ్రహణాలు, గురు శుక్ర మౌఢ్యమిలు కీలక ఫలితాలను నిర్దేశిస్తున్నాయి. నూతన గృహ వస్తు వాహనాలను సమకూర్చుకుంటారు. వృత్తి ఉద్యోగాలలో అదృష్టం కలిసివస్తుంది. ఆర్థిక పరిస్థితులు మెరుగుపడతాయి. మీ పేరుమీద నడిచే సంస్థలకు ఆదరణ లభిస్తుంది. జీవితాన్ని పోటీగా తీసుకుంటారు. ఇతరుల కుయుక్తులు మీపై ప్రభావం చూపవు. మేధావులుగా గుర్తింపు పొందుతారు. అత్యున్నత స్థానాలను అధిరోహిస్తారు. అందరినీ కలుపుకొనిపోయి విజయాలు సాధిస్తారు. ఎరుపు, పసుపు వత్తులతో అష్టమూలికాతైలం కలిపి దీపారాధన చేయండి. స్త్రీల సహాయసహకారాలు లాభిస్తాయి. పోటీ పరీక్షలలో విజయం సాధిస్తారు. సంవత్సర ద్వితీయార్ధంలో విదేశీయాన ప్రయత్నాలు లాభిస్తాయి. సాఫ్ట్‌వేర్‌ రంగంలోని వారికి ఒడిదుడుకులు సూచిస్తున్నాయి. కార్యాలయంలో మీపై దుష్ప్రచారం చేసేవారికి బదిలీ జరుగుతుంది. సాంకేతిక విద్యారంగంలో రాణిస్తారు. నూనె, అపరాలు, విత్తనాలు, యంత్ర, వాహన వ్యాపారాలలో రాణిస్తారు. ముద్రణ, ప్రచురణ వ్యాపారాలు లాభిస్తాయి. విడిపోయిన రెండు కుటుంబాలను కలుపుతారు. బంధువులతో, దాయాదులతో వివాదాలు సంభవిస్తాయి. ఇతరులు మీపై మోపిన ఆరోపణలు బహుళ ప్రచారంలో ఉంటాయి. మొండి బాకీలు రాబట్టుకోవడానికి న్యాయస్థానాలను ఆశ్రయిస్తారు. భూమి కొనుగోలు, అమ్మకాల వల్ల లబ్ధి పొందుతారు. పన్నుల అధికారుల వల్ల ఇబ్బందులు ఏర్పడే సూచనలు ఉన్నాయి. కీ ళ్ళు, పాదాలకు సంబంధించిన ఇబ్బందులు సంభవం. కళా, సాహిత్య, సాంస్కృతిక రంగాలలోని వారికి సాధారణ ఫలితాలు వస్తాయి. ఆర్థిక ఒత్తిడుల నుంచి బయటపడతారు. అమ్మకాలు, కొనుగోలు వ్యవహారాలలో మోసపోయే అవకాశం ఉంది. ఏరు దాటాక తెప్పను తగలేసే వ్యక్తులు మీ మనోవేదనకు కారణం అవుతారు. భగవంతునిపై భారం వేసి చాలా కార్యక్రమాలు చేస్తారు. తనఖాలో ఉంచిన విలువైన వస్తువులను విడిపించుకుంటారు. ఆధ్యాత్మిక కార్యక్రమాలకు ధనం బాగా వెచ్చిస్తారు. పెద్దల ఆరోగ్యం గురించి వైద్యుల సలహాను అమలుపరచడం మంచిది. జీవితభాగస్వామికి విలువైన బహుమతులు కానుకగా ఇస్తారు. శక్తిసామర్థ్యాలు ఉన్నా, సరైన గుర్తింపు రాలేదన్న భావన మనోవేదనకి గురిచేస్తుంది. వ్యతిరేకమైన ఆలోచనా ధోరణి, ఇతరులపై అనుమానం మానసిక సంఘర్షణకు దారితీస్తాయి. విదేశాలలో విద్య, ఉద్యోగ ప్రయత్నాలు ఫలిస్తాయి. స్పెక్యులేషన్‌ లాభిస్తుంది. కాంట్రాక్టులు, సబ్‌ కాంట్రాక్టులు, లైసెన్సులు లీజులు లాభిస్తాయి. దైవానుగ్రహం వెన్నంటి రక్షిస్తున్నట్లుగా భావిస్తారు. సంతానం లేనివారికి సంతానప్రాప్తి. వివాహం కాని వారికి వివాహప్రాప్తి. పునర్వివాహ ప్రయత్నాలు చేసేవారికి అనుకూమైన కాలం. నూనె, లోహ వ్యాపారులకు, వస్త్ర వ్యాపారులకు, రత్న వ్యాపారులకు, రవాణా వ్యాపారులకు అనుకూలమైన కాలం, మంచి లాభాలు వస్తాయి. ఆస్తి వ్యవహారాల్లో మీకు తెలియకుండా రహస్య చర్చలు జరుగుతాయి. నమ్మకద్రోహం గురించి సమాచారం తెలిసిన వెంటనే తగిన జాగ్రత్తలు తీసుకుంటారు. ముఖ్యమైన కార్యక్రమాల బాధ్యతలు మీ సన్నిహితులకు అప్పగించినా మీ పర్యవేక్షణ లోపం ఉండదు. ప్రతి విషయంలోనూ ఎంతోకొంత సొంతలాభం లేకుండా తలదూర్చరు. ఈ రాశిలో జన్మించిన వారు ఈ సంవత్సరం అఘోరపాశుపత హోమం చేయాలి, రాహుకేతు గ్రహదోష పరిహార కంకణం లేదా రూపు ధరించాలి. గతంలో ఉచితంగా చేసిన కార్యక్రమాలకు, ప్రజాసేవకు కొన్ని వ్యాఖ్యానాలు రావడం మీలోని ఈ మార్పుకు కారణం అవుతుంది. మధ్యవర్తిత్వం చేసి కొందరి మధ్య సయోధ్య కుదురుస్తారు. మొత్తం మీద ఈ సంవత్సరం ప్రథమార్ధం కన్నా ద్వితీయార్ధం బాగుంది. స్త్రీలకు ప్రత్యేకం: ఈ రాశిలో జన్మించిన స్త్రీలకు ఈ సంవత్సరం మిశ్రమ ఫలితాలు గోచరిస్తున్నాయి. అన్నింటిలోనూ మెరిట్‌ మార్కులు సంపాదిస్తారు. ప్రతిష్ఠాత్మకమైన ఉద్యోగానికి ఎంపికవుతారు. కుటుంబానికి అండగా ఉండటానికి భగవంతుడు ఈ అవకాశం కల్పించాడని మీరు భావిస్తారు. ఎక్కడా ఎవరి విషయంలోనూ జోక్యం చేసుకోరు. సొంతవాళ్ళను ఇతరులు అవమానిస్తే వాళ్ళకు తగినవిధంగా బుద్ధి చెబుతారు. సంతాన పురోగతి బాగుంటుంది. విద్యారంగంలో చక్కగా రాణిస్తారు. పిల్లలను చదివించడానికి అవసరమైన డబ్బు లేకపోవడం వల్ల ఇతరుల సహాయం మీద ఆధారపడటం, అప్పులు చేయాల్సిన పరిస్థితి రావడం సంభవిస్తుంది. పేదరికం వల్ల చదువుకోలేని చదువులు కనీసం పిల్లలైనా చదువుకోవాలని ఆశిస్తారు. దొంగ స్వామీజీలను, దొంగ బాబాలను, దొంగ గురువులను నమ్మి మోసపోతారు. పిల్లల ప్రవర్తన, క్రమశిక్షణ, అలవాట్లు, స్నేహితులు మొదలైన విషయాలలో చాలా జాగ్రత్తగా ఉండాలి. దేశకాలమాన పరిస్థితులను బట్టి మీ ప్రత్యేక పర్యవేక్షణ చాలా అవసరం. మెరిట్‌ మార్కులు సాధించినా, ఇతరాత్ర రంగాలలో మీకు మెరిట్‌ సర్టిఫికెట్లు ఉన్నా ఏ విద్యాసంస్థలోనూ ఫీజులో రాయితీ లభించదు. ధర్మదేవత ఒంటికాలి మీద నడవటం స్పష్టంగా కనబడుతుంది. ఆర్థికాభివృద్ధి కోసం స్వర్ణాకర్షణ భైరవ యంత్రాన్ని ఉపయోగించండి. క్రీడారంగంలో, కీలకమైన పోటీలలో విజయాలు సాధిస్తారు. ఉద్యోగం చేసే చోట వాతావరణం కలుషితం అవుతుంది. ప్రేమ వివాహం పట్ల ఊహించుకున్న ఆశల సౌధాలు కూలిపోతాయి. కొత్తకొత్త రంగాలలో ఉన్న నైపుణ్యాన్ని తెలుసుకుంటారు. విదేశాలలో ఉద్యోగం చేయాలన్న కోరిక నెరవేరుతుంది. అవివాహితులకు వివాహప్రాప్తి. సంతానం లేనివారికి సంతానం కలుగుతుంది. గైనిక్‌ సమస్యలను అధిగమిస్తారు. సంతానం క్రమశిక్షణ తప్పడం ఆందోళనకు కారణం అవుతుంది. సివిల్‌ సర్వీస్‌లకు, గ్రూప్‌–1 సర్వీస్‌లకు, మెడికిల్, ఐఐటీ వంటి వాటికి ఎంపిక అవుతారు. కేంద్రరాష్ట్ర ప్రభుత్వాలకు సంబంధించిన ఏదో ఒక ఉద్యోగం మీరు సంపాదించగలుగుతారు. మీరు జీవితంలోకి ఆహ్వానించాలనుకున్న వ్యక్తికి ఇది వరకే రెండు పెళ్ళిళ్ళు అయ్యాయన్న విషయం తెలుసుకోగలుగుతారు. మనసు దృఢపరచుకుంటారు. పాతాళంలోకి పడిపోయినట్లుగా అనిపిస్తుంది. మనస్సు నివ్వెరపోతుంది. నవనాడులూ కృంగిపోతాయి. మీ మనస్సు, మీ కళ్ళు రెండూ మోసం చేశాయని గ్రహిస్తారు. నేను చాలా తెలివిగల దానిని అనే అహంభావం ఉన్న మీకు, మీరెంత తెలివి తక్కువాళ్ళు అనేది రుజువవుతుంది (ఇది కొంతమంది విషయంలో మాత్రమే, అందరికీ కాదు). పెళ్ళికి సంబంధించి తల్లిదండ్రుల మాటలు వినాలని నిర్ణయించుకుంటారు. వివాహాది శుభకార్యాలు ప్రారంభంలో విసుగు కలిగించినా మధ్యవర్తుల ప్రమేయంతో నిశ్చయం అవుతాయి. మీ ఆలోచనలకు అనుగుణంగా పిల్లలను వృద్ధిలోకి తీసుకొస్తారు. విలువైన ఆభరణాలు కొనుగోలు చేస్తారు. ఇతరులు మీ పేరు మీద చేసే వ్యాపారాలు బాగుంటాయి. మీకు మాత్రం లాభాలు అంతంతమాత్రంగా ఉంటాయి. రాజకీయంలో తలదూర్చవలసిన పరిస్థితులు వస్తాయి. రాజకీయ పదవి లభిస్తుంది. సమాజంలో మీ స్థాయిని, స్థానాన్ని పెంచుకోవడానికి దివారాత్రులు విశేషంగా కృషి చేస్తారు. చాలామంది అసూయపరులు మీరు అభివృద్ధి చెందకూడదని వాళ్ళ చేతుల్లో ఉన్న ప్రయత్నాలు వాళ్ళు చేస్తారు. స్త్రీకి స్త్రీయే శత్రువు అనే నానుడి మీ విషయంలో నిజమవుతుంది. సంవత్సర ద్వితీయార్ధంలో సానుకూల ఫలితాలు సంప్రాప్తిస్తాయి.

(ఆదాయం 14, వ్యయం 11, రాజపూజ్యం 6, అవమానం 1) వృషభరాశి వారికి ఈ సంవత్సరం అనుకూల ఫలితాలు ఎక్కువగా గోచరిస్తున్నాయి. పంచమ షష్ఠమ స్థానాలలో కేతువు, లాభ వ్యయస్థానాలలో గురు రాహువుల సంచారం, దశమస్థానంలో శని, రవి చంద్ర గ్రహణాలు, గురు శుక్ర మౌఢ్యమిలు ప్రధాన ఫలితాలను నిర్దేశిస్తున్నాయి. సాహసోపేత నిర్ణయాలతో చేపట్టిన కార్యాలలో విజయాలు సాధిస్తారు. ప్రతిరంగంలో గట్టిపోటీని ఎదుర్కోవలసిన పరిస్థితులు గోచరిస్తున్నాయి. ఉద్యోగంలో ప్రమోషన్‌ వచ్చే అవకాశం ఉంది. కార్యానుకూలత ఎక్కువగా ఉంటుంది. గణపతిని పూజించడం వల్ల మంచి ఫలితాలను అందుకోగలుగుతారు. ఆర్థిక పరిస్థితులు మెరుగుపడతాయి. బాధ్యతలు నెరవేర్చి మంచి స్థితికి వస్తారు. ఇంట్లోనూ, వ్యాపార ప్రదేశాలలోనూ సాంబ్రాణి ధూపం వేయండి. ఓర్పు నేర్పులతో అందరినీ కలుపుకొనిపోయే ధోరణి అవలంబిస్తారు. ఆత్మీయులు జీవితాలను పాడు చేసుకుంటుంటే ప్రేక్షకపాత్ర పోషించవలసి వస్తుంది. తల్లిదండ్రులు, పెద్దల పట్ల బాధ్యతలను సక్రమంగా నెరవేరుస్తారు. కుటుంబ విషయాలు మీ పర్యవేక్షణలోనే జరుగుతాయి. ఫ్యాన్సీ షాపుల వారికి, ఎలక్ట్రానిక్‌ వస్తువుల విక్రేతలకు, స్టేషనరీ వ్యాపారులకు, బ్యూటీపార్లర్స్‌ వారికి, చేతివృత్తుల వారికి, సుగంధద్రవ్య వ్యాపారులకు, ఎగ్జిబిషన్‌ కౌంటర్స్‌ వారికి, హోల్‌సేల్‌ వ్యాపారులకు అనుకూలంగా ఉంది. వ్యాపారపరంగా సత్ఫలితాలనిచ్చే నూతన నిర్ణయాలు తీసుకుంటారు. ఆచితూచి నిర్ణయాలు తీసుకుంటారు. పరిచయాలు, స్నేహాలు ధనం ముందు పనిచేయవని తెలుసుకుంటారు. రాజకీయంగా కలసి వస్తుంది. గనుల వ్యాపారం, నూనెల వ్యాపారం లాభిస్తాయి. ప్రింటింగ్, చిట్‌ఫండ్స్‌ వ్యాపారాలు మధ్యస్థంగా ఉంటాయి. పాడిపరిశ్రమలో, వారసత్వ ఆస్తులకు సంబంధించిన అంశాలలో అనుకూల ఫలితాలు సాధిస్తారు. సంవత్సర ద్వితీయార్ధంలో ఉద్యోగంలో అనుకూల వాతావరణం ఏర్పడుతుంది. వాహనాన్ని మారుస్తారు. ఆధ్యాత్మిక కార్యక్రమాలలో చురుకుగా పాల్గొంటారు. రాజకీయంగా మీ వల్ల నష్టపోయిన వ్యక్తులు సమస్యలు సృష్టిస్తారు. మీ వల్ల లాభం పొందిన వాళ్ళు అండగా నిలబడతారు. వ్యాపారంలో లాభాలు సంతృప్తికరంగా ఉంటాయి. భాగస్వాముల అసమర్థత వల్ల ఇబ్బందులు వస్తాయి. ఉద్యోగంలో స్థానచలనం తప్పకపోవచ్చు. సర్పదోషాలు, గ్రహ బాధలు తొలగిపోవడానికి సర్పదోషనివారణా చూర్ణంతో సర్వరక్షాచూర్ణం కలిపి స్నానం చేయండి (తలస్నానం చేయరాదు). కుటుంబంలో, బంధువులలో ఏకాభిప్రాయం సాధించి సమస్యలు పరిష్కరిస్తారు. శుభకార్యాలు చేస్తారు. మనోనిగ్రహంతో, క్రమశిక్షణతో ఆరోగ్యాన్ని గాడిలో పెట్టగలుగుతారు. సంతానం లేని వారికి సంతానప్రాప్తి, వివాహం కాని వారికి వివాహప్రాప్తి కలుగుతుంది. పునర్వివాహ ప్రయత్నాలు చేసుకునే వారికి సానుకూలమైన ఫలితాలు. వృత్తికి సంబంధించిన వివరాలు గోప్యంగా ఉంచకుంటే నష్టపోయే ప్రమాదం ఉంది. వాయిదా పడుతున్న ఒక ముఖ్య విషయం పరిష్కారం అవుతుంది. మీరు అందలం ఎక్కించిన రాజకీయ నాయకులు, మీ ద్వారా ఉద్యోగం పొందినవాళ్ళ వల్ల మీకు ఇబ్బందులు కలుగుతాయి. మీకు మేలు కలిగించే పత్రాలు ఆలస్యంగా అధికారుల పరిశీలనకు వస్తాయి. దూరప్రాంత విద్యాసంబంధ విషయాలు కష్టంమీద ఫలిస్తాయి. ఇతరుల జీవితాలు సరిదిద్దవలసిన బాధ్యతలు మీమీద పడతాయి. గతంలో మీకు అనుకూలంగా వచ్చిన ఉత్తర్వులు అమలులోకి వస్తాయి. నూతన కోర్సులను అభ్యసిస్తారు. సంవత్సర మధ్యలో జీవితభాగస్వామి ఆరోగ్యం గురించి, పెద్దల ఆరోగ్యం గురించి శ్రద్ధవహించవలసి ఉంటుంది. వివాదాలకు దూరంగా ఉండాలని నిర్ణయించుకుంటారు. అయినా వివాదాలు మిమ్మల్ని వెతుక్కుంటూ వస్తాయి. శత్రువర్గం బలపడి ఉండటం ఇబ్బందికరంగా మారుతుంది. టీవీ, సినీరంగాల్లోని వారికి, కళాకారులకు నూతన అవకాశాలు కలిసి వస్తాయి. ముఖ్యమైన విషయాలు గోప్యంగా ఉంచటం వల్ల ఎంతగానో లాభపడతారు. మీరు ఊహించని ఒక నూతన బాధ్యతను సంతోషంగా స్వీకరిస్తారు. బదిలీ కోరుకునే వారికి ఉద్యోగంలో బదిలీ లభిస్తుంది. విదేశీ ఉద్యోగ, విద్యాయత్నాలు ఫలిస్తాయి. ఈ రాశి వారు ఈ సంవత్సరం సుబ్రహ్మణ్య పాశుపత హోమం చేయాలి. మీరు చేపట్టే ఆధ్యాత్మిక కార్యక్రమాలు ప్రశంసలు పొందుతాయి. మానసిక సంతోషం కోసమే ధర్మకార్యాలు చేస్తారు. ప్రచారం కోసం కాదు. ఈ సంవత్సరం ప్రథమార్ధం, ద్వితీయార్ధం రెండూ బాగున్నాయి. స్త్రీలకు ప్రత్యేకం: ఈ రాశిలో జన్మించిన స్త్రీలకు ఈ సంవత్సరం అనుకూలంగా ఉంది. కోరుకున్న ఉద్యోగం లభించడం మీకు సంతోషాన్నిస్తుంది. వైద్య విద్యలో రాణిస్తారు. వ్యాపార పరిస్థితులు బాగుంటాయి. లీజులు, లైసెన్స్‌లు, రెన్యువల్స్‌ అనుకూలంగా మారుతాయి. దయ లేని అధికారుల వల్ల కొంతకాలం ఇబ్బందిపడతారు. వంశపారంపర్యంగా రావలసిన ఆస్తిలో మీ వాటా దక్కుతుంది. జ్యేష్ఠ సంతాన విషయంలో ప్రత్యేక శ్రద్ధ కనబరచవలసి వస్తుంది. ఆవేశంలో మాట్లాడిన మాటలకు చింతించవలసి వస్తుంది. విద్యాపరంగా కొన్ని కొత్త నిర్ణయాలు తీసుకుని అనుకూల ఫలితాలను సాధిస్తారు. దూరదృష్టితో చేసే ప్రతి పని మీకు కలిసి వస్తుంది. మీ చెడు కోరుకునే వారు మీకు అత్యంత సమీపంలో ఉన్న విషయాన్ని గుర్తించి జాగ్రత్తలు తీసుకోండి. స్వగృహ యోగం కలుగుతుంది. ఉద్యోగంలో ప్రమోషన్‌ లభిస్తుంది. పోటీపరీక్షలలో విజయం సాధిస్తారు. దీపారాధన చేసే కుందిలో రెండు చుక్కలు పరిమళగంధం వేసి దీపారాధన చేయండి. కార్యాలయంలో అనుకూలమైన వాతావరణం ఉంటుంది. సంవత్సర ద్వితీయార్ధంలో నూతన అవకాశాలు కలిసి వస్తాయి. విదేశీయాన ప్రయత్నాలు ఫలిస్తాయి. వైవాహిక జీవితంలో చిన్నచిన్న ఒడిదుడుకులు ఏర్పడే పరిస్థితులు ఉన్నాయి. మీ పిల్లలపై ఇతరుల పెత్తనం మీకు నచ్చని విషయం అవుతుంది. ఒకప్పుడు మీరు గౌరవించిన వ్యక్తులే మీకు బద్ధశత్రువులు అవుతారు. మీ పేరుమీద ఉన్న స్థిరాస్తి విలువ పెరుగుతుంది. ఆస్తులు కొనుగోలు విషయాల్లో ఇతరులకు సలహాలు ఇవ్వవద్దు. మోసగాళ్ళకు జీవితంలో తావు ఇవ్వకండి. పెద్దల నిర్ణయమే మీకు మేలు చేస్తుంది. ప్రేమ వివాహాలు కలిసిరావు. ఇతరులకు చేబదులుగా ధనం ఇవ్వొద్దు, తీసుకోవద్దు. డబ్బు ఇవ్వవలసి వస్తే అప్పుగా ఇవ్వొద్దు, దానంగా ఇవ్వండి. రాజకీయ వాతావరణంలోకి ప్రవేశించవలసి వస్తుంది. రాజకీయపదవి లభిస్తుంది. మీ పేరుమీద ఇతరులు చేసే వ్యాపారాలు అంతంతమాత్రంగా ఉంటాయి. సామాజిక సేవాకార్యక్రమాలలో చురుకుగా పాల్గొంటారు. మానవ సేవే మాధవ సేవ అన్న సూక్తిని పాటిస్తారు. ఆత్మీయవర్గం సూటిపోటి మాటలు బాధిస్తాయి. వృద్ధులపట్ల ప్రత్యేక శ్రద్ధ కలిగి ఉంటారు. ప్రభుత్వ ఉత్తర్వులు మీకు లాభాన్ని చేకూరుస్తాయి. సంగీత, సాహిత్యరంగాలో అవార్డులు, కీర్తిప్రతిష్ఠలు లభిస్తాయి. పలుకుబడి, డబ్బులతో ఎంతపనైనా సులభసాధ్యం చేస్తుందని గ్రహిస్తారు. విద్య, సాంకేతిక, క్రీడారంగాలలో విశేషంగా రాణిస్తారు. మీ శక్తిసామర్థ్యాలకు గాను, ప్రభుత్వపరంగా, ప్రైవేట్‌పరంగా గౌరవ పురస్కారాలు లభిస్తాయి. పోటీపరీక్షలను ప్రతిష్ఠాత్మకంగా తీసుకుంటారు. ఎలాగైనా విజయం సాధించాలనే మీ పట్టుదల మంచి ఫలితాలను ఇస్తుంది. ప్రేమవివాహాలకు సంబంధించిన కీలకమైన నిర్ణయాలు తీసుకోవలసిన పరిస్థితి ఏర్పడుతుంది. సాంకేతిక విద్యాపరంగా చక్కగా రాణిస్తారు. తల్లిదండ్రులతో పెనవేసుకున్న అనుబంధాలు ఏమవుతాయోనని సందిగ్ధ వాతావరణం ఏర్పడుతుంది. ఉద్యోగంలో పదోన్నతులు పొందుతారు. కొన్ని సందర్భాలలో న్యాయస్థానాలను ఆశ్రయించవలసి వస్తుంది. కొద్దికాలం గైనిక్‌ సమస్యలతో బాధపడతారు. అవివాహితులకు వివాహకాలం. సంతానం లేని వారికి సంతానప్రాప్తి కలుగుతుంది. తల్లిదండ్రుల ఆశయాలను నెరవేర్చడానికి విశేషంగా శ్రమిస్తారు. కుటుంబ బరువు బాధ్యతలలో భాగం పంచుకుంటారు. ఆర్థిక విషయాలు బాగున్నాయి. సహోదర సహోదరీ వర్గాన్ని తప్పులు చేసినా వెనకేసుకొస్తారు. తోటివాళ్ళ ముందు ప్రతిష్ఠను నిలబెట్టుకోవడానికి ఆరోగ్యం, నిద్ర, ఆహారాన్ని లెక్కచేయకుండా శ్రమిస్తారు. మంచి ఫలితాలను సాధిస్తారు. మొత్తంమీద ప్రథమార్ధం, ద్వితీయార్ధం రెండూ బాగున్నాయి.

మేషం (ఆదాయం 5, వ్యయం 5, రాజపూజ్యం 3, అవమానం 1) మేషరాశి వారికి ఈ సంవత్సరం మంచి ఫలితాలు గోచరిస్తున్నాయి. లగ్న వ్యయస్థానాల్లో గురురాహువుల సంచారం, షష్ఠమ సప్తమ స్థానాలలో కేతుగ్రహ సంచారం, లాభస్థానంలో శనిగ్రహ సంచారం, రవిచంద్ర గ్రహణాలు, గురుశుక్ర మౌఢ్యమిలు ప్రధానమైన ఫలితాలను నిర్దేశిస్తున్నాయి. ఈ రాశివారు అనుకున్న కార్యక్రమాలలో విజయాన్ని సాధించగలుగుతారు. కుటుంబం నుంచి వేరుపడే ఆలోచనలు, విదేశీ ప్రయత్నాలు సఫలీకృతమవుతాయి. ఇబ్బందులను అధిగమించి, విద్యారంగంలో అనుకూలమైన ఫలితాలను సాధిస్తారు. విదేశీయాన విషయాలు, శుభకార్యాలు ముడిపడతాయి. జీవితాశయాన్ని సాధించ గలుగుతారు. సమాజంలో మీ ప్రతిష్ఠ పెరిగేలా ఓ మంచి అవకాశం వస్తుంది. మీకు రావలసిన ధనం అంత సులభంగా చేతికి అందదు. లక్షల్లో ఇచ్చిన ధనాన్ని వేలల్లో వసూలు చేసుకుంటారు. కుటుంబంలో అశాంత వాతావరణం లేకుండా చాలా వరకు సర్దుకుపోతారు. స్త్రీల వల్ల చికాకులు, విభేదాలు సంభవిస్తాయి. జ్యేష్ఠ కుమార్తె లేక కుమారుడి విషయంలో ప్రత్యేక శ్రద్ధ తీసుకుంటారు. కొన్ని విషయాలలో రెండు వైపులా ఆలోచించి నిర్ణయం తీసుకుంటారు. అభిప్రాయాలు కుదరక కొంతమంది వ్యక్తులతో శాశ్వతంగా లేక చట్టబద్ధంగా విడిపోవడం జరుగుతుంది. మధ్యవర్తి సంతకాలు ఎక్కడా పెట్టకండి. కొన్ని విషయాలో మొండిగా ప్రవర్తిస్తారు. కొన్ని విషయాలలో సముచిత నిర్ణయాలు తీసుకుంటారు. విద్యార్థినీ విద్యార్థులు జ్ఞానచూర్ణాన్ని సేవించడం, సరస్వతీ తిలకాన్ని ధరించడం, మేధాదక్షిణామూర్తి రూపును మెడలో ధరించడం వల్ల సత్ఫలితాలను పొందగలుగుతారు. పన్నులు వసూలు చేసే అధికారుల వల్ల వేధింపులకు గురయ్యే అవకాశం ఉంది. దొంగల వల్ల ప్రమాదం పొంచి వుంది. భాగస్వాములతో వివాదాలు వస్తాయి. మోసానికి సాక్ష్యం మౌనమే అవుతుంది. భూముల వల్ల లాభం పొందుతారు. భూ వివాదాలు కూడా ఎదురవుతాయి. ఉద్యోగంలో బదిలీ వేటు ఆఖరి క్షణంలో తప్పుతుంది. నిత్యం సిద్ధగంధంతో శ్రీ వేంకటేశ్వర స్వామివారిని పూజించండి. ఆరోగ్య విషయాలలో, సెల్ఫ్‌డ్రైవింగ్‌ విషయంలో జాగ్రత్తగా ఉండాలి. సహోదర సహోదరీ వర్గానికి గోప్యంగా సహాయం చేస్తారు. నూతన వ్యాపారం కలిసొస్తుంది. ప్రస్తుతం చేస్తున్న వ్యాపారంలో మార్పులు చేస్తారు. దీర్ఘాకాలిక ఋణాలు తీర్చివేస్తారు. మానసిక ప్రశాంతత కలిగి ఉంటారు. మందుల వ్యాపారులకు, వైద్యులకు, లోహపు వ్యాపారులకు, కూరగాయల వ్యాపారులకు, చేతివృత్తి పనివారికి, విద్యా పరిశోధన రంగాల్లో ఉన్నవారికి, ఆహారధాన్యాల వ్యాపారులకు ఈ సంవత్సరం అనుకూలంగా ఉంది. వస్త్ర వ్యాపారులకు ఫలితాలు మధ్యస్థంగా ఉన్నాయి. కళా, సాహితీరంగాలలో ప్రఖ్యాతి లభిస్తుంది. హోల్‌సేల్, రిటైల్‌ వ్యాపారులకు అనుకూల ఫలితాలు గోచరిస్తున్నాయి. పౌల్టీఫ్రావ్‌ులు, పశువుల పెంపకం లాభిస్తాయి. వ్యాపారాన్ని విస్తరిస్తారు. సిబ్బందికి మీ మనస్తత్వం అర్థంకాక విధిలేని పరిస్థితులలో మిమ్మల్ని అంటిపెట్టుకుని ఉంటారు. స్వగృహ నిర్మాణం నెరవేరుతుంది. పాత శత్రువులే కొత్తగా తారసపడతారు. వారిని ఎదుర్కోవలసిన పరిస్థితి ఉంటుంది. సంతాన క్రమశిక్షణ విషయంలో సంవత్సర ద్వితీయార్ధంలో ఇబ్బందికరమైన పరిస్థితులు ఏర్పడుతాయి. ఎముకలకు సంబంధించిన అనారోగ్యం ఇబ్బంది పెడుతుంది. జల, వాయు, ఆహార కాలుష్యం వలన స్వల్ప ఇబ్బందులు కలవరపెడతాయి. ఓం నమశ్శివాయ వత్తులతో, అష్టమూలికా తైలంతో దీపారాధన చేయండి. ఉన్నతాధికారుల వద్ద అభిమానం సంపాదించుకుంటారు. విద్యా సంబంధిత ఖర్చులు పెరుగుతాయి. వృత్తి ఉద్యోగాల్లో ప్రమాదకర వ్యవహారాలను విజయవంతంగా ఎదుర్కొంటారు. సంతానానికి సంబంధించి, వారి అభివృద్ధికి సంబంధించి ఖర్చుపెట్టే ధనానికి తగిన విధంగా ప్రతిఫలం లభిస్తుంది. విదేశీ ప్రయాణం రెండవ ప్రయత్నంలో నెరవేరుతుంది. ఉన్న ఆస్తులను అతికష్టం మీద అమ్మకుండా కాపాడుకుంటారు. చెప్పుడు మాటలు మీ కుటుంబసభ్యుల మీద తీవ్ర ప్రభావం చూపించడం సమస్యగా మారుతుంది. గతంలో కంటే భిన్నంగా ఉన్న మీ ప్రవర్తన, ఆలోచనా విధానం అన్ని విధాలుగా అనుకూల ఫలితాలకు దారితీస్తుంది. దుర్వ్యసనాల ప్రభావం, స్నేహితుల ప్రభావం కొంత పెడదోవ పట్టించే అవకాశం ఉంది. బెట్టింగులకు దూరంగా ఉండండి. పబ్లిక్‌ సర్వీస్‌ కమిషన్‌ పరీక్షలు, బ్యాంక్‌ పరీక్షలు, టీచర్‌ పరీక్షలు మొదలైన వాటికి ఎంపిక అవుతారు. సమాజంలో గౌరవాన్ని పెంచుకోగలుగుతారు. మంచి సంబంధం తిరస్కరించినందుకు బాధపడే పరిస్థితి ఏర్పడుతుంది. ఎట్టకేలకు ఒక మంచి సంబంధం కుదురుతుంది. జీవితంలో ఆధ్యాత్మిక, సేవా కార్యక్రమాలు ప్రధానపాత్ర వహిస్తాయి. ఈ రాశిలో జన్మించిన వారు ఈ సంవత్సరం రుద్రపాశుపత హోమం చేయాలి, చేతికి మహాపాశుపత కంకణం ధరించాలి. మొత్తం మీద ఈ సంవత్సరం బాగుంటుంది. స్త్రీలకు ప్రత్యేకం: ఈ రాశిలో జన్మించిన స్త్రీలకు ఈ సంవత్సరం బాగుంది. చాలా సందర్భాలలో మీకు ఇష్టంలేని విషయంపైనే చర్చించవలసి వస్తుంది. పరుగెత్తి పాలు తాగేకన్నా నిలబడి నీళ్ళు తాగడానికి మొగ్గు చూపుతారు. మీ మీద ఎటువంటి ప్రలోభాలు పనిచేయవు. జీవితాశయాన్ని సాధిస్తారు. శుభకార్యాలు నిర్విఘ్నంగా జరుగుతాయి. బాధ్యతలను సక్రమంగా నెరవేర్చుతారు. రాజకీయ పదవి లభిస్తుంది. మామూలు ప్రమిదలతో దీపారాధన చేయటం కన్నా లక్ష్మీప్రమిదలతో దీపారాధన చేయటం వల్ల్ల ఎక్కువ ఫలితం కలుగుతుంది. అయినవాళ్ళకి అరమరికలు లేకుండా సహాయం చేస్తారు. విలువైన బంగారు ఆభరణాలు, స్థిరాస్తులు కొనుగోలు చేస్తారు. అవివాహితులకు వివాహ కాలం. సంతానం లేనివారికి సంతానప్రాప్తి కలుగుతుంది. చేపట్టిన పనులలో విజయం సాధిస్తారు. పునర్వివాహ ప్రయత్నాలు చేసుకునే వారికి కాలం అనుకూలంగా ఉంది. వృత్తి ఉద్యోగాల్లో మీ నిర్ణయాలు వివాదాస్పదం అవుతాయి. వెన్నుచూపి పారిపోవటం మీ చరిత్రలో లేదని నిరూపిస్తారు. దివారాత్రులు శ్రమించినా గుర్తింపు రాని ఉద్యోగాలను మానేసి, మరొక చోట ఉద్యోగం చూసుకుందామని భావిస్తారు. చిన్నచిన్న వ్యాపారాలు చేస్తారు, లాభాలు గడిస్తారు. అలంకార సంబంధమైన వ్యాపారాలు లాభిస్తాయి. జీవితా శయాన్ని సాధించుకోగలుగుతారు. సర్పదోషాలు, గ్రహాల వల్ల కలిగే బాధలు తొలగిపోవడానికి సర్పదోషనివారణా చూర్ణంతో సర్వరక్షాచూర్ణం కలిపి స్నానం చేయండి (తలస్నానం చేయ రాదు). విద్యారంగంలో అనుకూల ఫలితాలు ఉన్నాయి. మంచి మార్కులు వస్తాయి. పోటీపరీక్షలలో మంచి ఫలితాలు వచ్చినా, ఇంటర్వ్యూలలో చేదు అనుభవాలు ఎదురవుతాయి. ఎట్టకేలకు మిమ్మల్ని అదృష్టం వరిస్తుంది. పూజలలో, అభిషేకాలలో జవ్వాదిని ఉపయోగించండి. క్రీడా, సాహిత్య, సాంస్కృతిక రంగాలలో మంచి రాణింపు ఉంటుంది. ముఖ్యంగా సంగీత నాట్యాల్లో అఖండమైన పేరుప్రఖ్యాతులు లభిస్తాయి. సినిమారంగంలో, టీ.వీలలో అవకాశాలు వస్తాయి. కోర్టుతీర్పులు అనివార్యం అవుతాయి. ముఖ్యులతో విడిపోవలసి వస్తుంది. కీలకమైన స్థానంలో నిరాదరణ ఎదురవడంతో కఠినమైన నిర్ణయాలు తీసుకోవలసిన పరిస్థితి ఏర్పడుతుంది. కచ్చితమైన ఆదాయమార్గం దొరుకుతుంది. భవిష్యత్తు ఫలితాలకు మంచి పునాది ఏర్పడు తుంది. అతికష్టం మీద ఉన్నత విద్యను అభ్యసిస్తారు. మీ పేరుమీద చేసే వ్యాపారాలు మధ్యస్థంగా ఉంటాయి. క్రమశిక్షణ తప్పిన సంతానాన్ని అతికష్టం మీద దారిలో పెట్టగలుగుతారు. సంతానం ప్రయోజకులవుతారన్న నమ్మకం కుదురు తుంది. తల్లివైపు బంధువులకు కొంతకాలం అండగా నిలువవలసి వస్తుంది. మీ ఆత్మీయవర్గం విదేశాలలో స్థిరపడతారు. మీకు సహాయం చేస్తారు. చేతివృత్తులు, అలంకార కేంద్రాలు, వస్త్ర వ్యాపారం వంటి వాటిలో రాణిస్తారు. ఫైనాన్స్, చీటీల వ్యాపారాలు చెప్పదగినవి కావు. వీటికి వీలైనంత దూరంగా ఉండడం మంచిది. మొత్తం మీద ఈ సంవత్సరం బాగుంది.