ధనుష్, అక్కినేని నాగార్జున లీడ్‌ రోల్స్‌లో నటిస్తున్న చిత్రం ‘కుబేర’. శేఖర్‌ కమ్ముల దర్శకత్వం వహిస్తున్న ఈ సినిమాలో రష్మికా మందన్న హీరోయిన్‌. నారాయణ్‌ దాస్‌ కె. నారంగ్‌ ఆశీస్సులతో సునీల్‌ నారంగ్, పుస్కూర్‌ రామ్మోహన్‌ రావు ఈ చిత్రాన్ని నిర్మిస్తున్నారు. ఈ చిత్రంలోని ధనుష్, నాగార్జునల పోస్టర్‌ని విడుదల చేశారు. ఈ పోస్టర్‌లో ధనుష్‌ చూపులు దీనంగా ఉన్నట్లు, నాగార్జున తీక్షణంగా చూస్తున్నట్లు అనిపిస్తోంది. ఇద్దరు చూపులకు అర్థాలేంటో సినిమా చూస్తేనే తెలుస్తుంది. తెలుగు, తమిళ, హిందీ భాషల్లో రూపొందుతోన్న ఈ చిత్రానికి సమర్పణ: సోనాలీ నారంగ్, సంగీతం: దేవిశ్రీ ప్రసాద్, కెమెరా: నికేత్‌ బొమ్మి.

ధనుష్, నాగార్జున లీడ్‌ రోల్స్‌లో నటిస్తున్న సోషల్‌ డ్రామా మూవీ ‘కుబేర’. రష్మికా మందన్నా హీరోయిన్ గా నటిస్తున్నారు. శేఖర్‌ కమ్ముల దర్శకత్వంలో సునీల్‌ నారంగ్, పుస్కూర్‌ రామ్మోహన్‌ రావు భారీ బడ్జెట్‌తో ఈ సినిమాను నిర్మిస్తున్నారు. తెలుగు, తమిళం, హిందీ భాషల్లో ఈ మూవీ షూటింగ్‌ శరవేగంగా జరుగుతోంది. కుదిరితే ఈ సినిమాను ఈ ఏడాదే విడుదల చేయాలనుకుంటున్నారు మేకర్స్‌.ఆదివారం (జూలై 28) ధనుష్‌ బర్త్‌ డే. ఈ సందర్భంగా ‘కుబేర’ సినిమా నుంచి ధనుష్‌ కొత్తపోస్టర్‌ను విడుదల చేశారు మేకర్స్‌. ‘‘ఇదివరకెన్నడూ చేయని ఓ సరికొత్తపాత్రలో ధనుష్‌ కనిపిస్తారు. ఈ సినిమాలో ఆయన పెర్ఫార్మెన్స్ నెక్ట్స్‌ లెవల్‌లో ఉంటుంది’’ అని చిత్రయూనిట్‌ పేర్కొంది. బాలీవుడ్‌ నటుడు జిమ్‌సర్భ్‌ కీలకపాత్రలో నటిస్తున్న ఈ సినిమాకు దేవి శ్రీ ప్రసాద్‌ సంగీతం అందిస్తున్నారు.

దీపావళికి థియేటర్స్‌కు వస్తున్నాడు మెకానిక్‌ రాకీ. విశ్వక్‌ సేన్‌ టైటిల్‌ రోల్‌లో నటిస్తున్న తాజా చిత్రం ‘మెకానిక్‌ రాకీ’. ఈ చిత్రంలో మీనాక్షీ చౌదరి హీరోయిన్‌. రవితేజ ముళ్లపూడి దర్శకత్వంలో రామ్‌ తాళ్లూరి నిర్మిస్తున్న యాక్షన్‌ చిత్రం ఇది.ఈ చిత్రాన్ని అక్టోబరు 31న దీపావళి సందర్భంగా విడుదల చేయనున్నట్లుగా గురువారం ప్రకటించి, విశ్వక్‌ కొత్త పోస్టర్‌ను కూడా విడుదల చేశారు మేకర్స్‌. కామెడీ, యాక్షన్‌ అంశాల మేళవింపుతో రూపొందుతున్న ఈ చిత్రానికి సంగీతం: జేక్స్‌ బిజోయ్‌ స్వరకర్త.

ఆది సాయికుమార్, అవికా గోర్‌ జంటగా నటించిన చిత్రం ‘షణ్ముఖ’. షణ్ముగం సాప్పని దర్శకత్వం వహించారు. సాప్పని బ్రదర్స్‌ సమర్పణలో తులసీరామ్‌ సాప్పని, షణ్ముగం సాప్పని, రమేష్‌ యాదవ్‌ నిర్మించిన ఈ సినిమా నుంచి ఓ కొత్త పోస్టర్‌ను విడుదల చేశారు మేకర్స్‌.ఈ సందర్భంగా షణ్ముగం సాప్పని మాట్లాడుతూ– ‘‘డివోషనల్‌ థ్రిల్లర్‌గా తెరకెక్కిన చిత్రం ‘షణ్ముఖ’. ఇప్పటివరకూ ఎవరూ టచ్‌ చేయని ఓ అద్భుతమైన పాయింట్‌తో రూపొందించాం. ఈ చిత్రంలో పవర్‌ఫుల్‌ పోలీసాఫీసర్‌గా ఆది నటించారు. ఈ మూవీ తన కెరీర్‌లో ఓ మైలురాయిగా నిలిచిపోతుంది.‘కేజీఎఫ్, సలార్‌’ చిత్రాలకు తన సంగీతంతో ప్రాణం పోసిన రవి బస్రూర్‌ ఈ చిత్రానికి అద్భుతమైన మ్యూజిక్‌ను అందించారు. పాన్‌ ఇండియా స్థాయిలో రూపొందిన ఈ మూవీని అన్ని భాషల్లో ఒకేసారి విడుదల చేయడానికి ప్లాన్‌ చేస్తున్నాం’’ అన్నారు.

ప్రభాస్‌ హీరోగా నటించిన తాజా పాన్‌ ఇండియన్‌ చిత్రం ‘కల్కి 2898 ఏడీ’. బాలీవుడ్‌ బ్యూటీ దీపికా పదుకోన్‌ ఈ సినిమా ద్వారా టాలీవుడ్‌లోకి ఎంట్రీ ఇస్తున్నారు. నాగ్‌ అశ్విన్‌ దర్శకత్వం వహించిన ఈ చిత్రంలో అమితాబ్‌ బచ్చన్, కమల్‌హాసన్, దిశా పటానీ కీలక పాత్రలు పోషించారు. వైజయంతీ మూవీస్‌పై సి. అశ్వినీదత్‌ నిర్మించిన ఈ సినిమా ఈ నెల 27న విడుదలవుతోంది. కాగా ఈ మూవీ ట్రైలర్‌ని నేడు విడుదల చేయనున్నట్లు చిత్రయూనిట్‌ ప్రకటించి, దీపికా పదుకోన్‌ లుక్‌ను విడుదల చేసింది.‘ది హోప్‌ బిగిన్స్‌ విత్‌ హర్‌’ (ఆమెతో నమ్మకం మొదలవుతుంది) అంటూ మేకర్స్‌ రిలీజ్‌ చేసిన దీపిక లుక్‌ నెట్టింట వైరల్‌గా మారింది. ‘‘సైన్స్‌ ఫిక్షన్‌ థ్రిల్లర్‌గా ‘కల్కి 2898 ఏడీ’ రూపొందింది. మహాభారత పురాణ ఘటనల నుండి మొదలై క్రీస్తు శకం 2898లో పూర్తయ్యే కథ ఇది. గతం, భవిష్యత్తుతో ముడిపడిన ఆరువేల ఏళ్ల వ్యవధిలో ఈ చిత్రకథ నడుస్తుంది’’ అని మేకర్స్‌ పేర్కొన్నారు. ఈ చిత్రానికి సంగీతం: సంతోష్‌ నారాయణన్‌.

నాని హీరోగా నటిస్తున్న పాన్‌ ఇండియా చిత్రం ‘సరిపోదా శనివారం’. వివేక్‌ ఆత్రేయ దర్శకత్వం వహిస్తున్న ఈ చిత్రంలో ప్రియాంకా మోహన్‌ కథానాయిక. సాయికుమార్, ఎస్‌జే సూర్య కీలక పాత్రల్లో నటిస్తున్నారు. డీవీవీ దానయ్య, కల్యాణ్‌ దాసరి ఈ చిత్రాన్ని నిర్మిస్తున్నారు. ఈ చిత్రం నుంచి నాని, సాయికుమార్‌ ఉన్న కొత్త పోస్టర్‌ని రిలీజ్‌ చేశారు. సూర్యగా నాని, శంకరంగా సాయికుమార్‌ సంప్రదాయ దుస్తుల్లో చిరునవ్వులు చిందిస్తూ కనిపించారు. సినిమాలో ఏదైనా వేడుకకు సంబంధించిన ఫొటో అన్నట్లుగా ఈ పోస్టర్‌ ఉంది. ‘‘హై బడ్జెట్‌తో రూపొందిస్తోన్న ఈ చిత్రాన్ని తెలుగు, తమిళ, కన్నడ, మలయాళ, హిందీ భాషల్లో ఆగస్ట్‌ 29న రిలీజ్‌ చేస్తాం’’ అన్నారు మేకర్స్‌. ఈ చిత్రానికి సంగీతం: జేక్స్‌ బిజోయ్, కెమెరా: మురళి జి.

అక్టోబర్‌లో థియేటర్స్‌కు వస్తున్నాడు ‘వేట్టయాన్ ’. రజనీకాంత్‌ హీరోగా ‘జై భీమ్‌’ ఫేమ్‌ టీజే జ్ఞానవేల్‌ దర్శకత్వంలో తెరకెక్కుతున్న మూవీ ‘వేట్టయాన్‌’. లైకా ప్రోడక్షన్స్ పై సుభాస్కరన్ , జీకేఎమ్‌ తమిళ కుమరన్‌ ఈ సినిమాను నిర్మిస్తున్నారు. తాజాగా ఈ చిత్రాన్ని ఈ ఏడాది అక్టోబరులో రిలీజ్‌ చేయనున్నట్లు ప్రకటించి, పోస్టర్‌ను విడుదల చేశారు మేకర్స్‌. బూటకపు ఎన్‌కౌంటర్స్‌ నేపథ్యంలో సాగే ఈ సినిమాలో రజనీకాంత్‌  ఓ పోలీసాఫీసర్‌ పాత్రలో నటిస్తున్నారు. అమితాబ్‌ బచ్చన్, ఫాహద్‌ ఫాజిల్, రానా దగ్గుబాటి, మంజు వారియర్, కిషోర్, రితికా సింగ్, దుషార విజయన్‌ ఇతర పాత్రల్లో నటిస్తున్న ‘వేట్టయాన్ ’ సినిమాకు అనిరుధ్‌ రవిచందర్‌ సంగీత దర్శకుడు.

జూన్‌లో థియేటర్స్‌కు రానున్నాడు భారతీయుడు. హీరో కమల్‌హాసన్, దర్శకుడు శంకర్‌ కాంబినేషన్‌లో రూపొందిన బ్లాక్‌బస్టర్‌ ఫిల్మ్‌ ‘ఇండియన్‌’ (తెలుగులో ‘భారతీయుడు’). ఈ సినిమాలో సేనాపతి పాత్రలో కనిపిస్తారు కమల్‌హాసన్‌. 1996లో విడుదలైన ఈ సినిమాకు పాతికేళ్ల తర్వాత ‘ఇండియన్‌ 2’, ‘ఇండియన్‌ 3’ సీక్వెల్స్‌ను రూపొందించారు హీరో కమల్‌హాసన్, దర్శకుడు శంకర్‌. ఈ రెండు చిత్రాల చిత్రీకరణ పూర్తయింది. ‘ఇండియన్‌ 2’ సినిమాను జూన్‌లో విడుదల చేయనున్నట్లు మేకర్స్‌ శనివారం అధికారికంగా ప్రకటించారు. ‘‘సేనాపతి మళ్లీ వస్తున్నాడు. జూన్‌లో ‘ఇండియన్‌ 2’ సినిమా థియేటర్స్‌లో విడుదల కాబోతోంది’’ అని ‘ఎక్స్‌’లో ఈ సినిమా కొత్త పోస్టర్‌ను షేర్‌ చేశారు కమల్‌హాసన్‌. కాజల్‌ అగర్వాల్‌ హీరోయిన్‌గా నటించిన ఈ సినిమాలో రకుల్‌ప్రీత్‌ సింగ్, బాబీ సింహా, సిద్ధార్థ్‌ ఇతర కీలక పాత్రల్లో నటించారు. సుభాస్కరన్, ఉధయనిధి స్టాలిన్‌ నిర్మించిన ఈ చిత్రం జూన్‌ 14న విడుదలయ్యే అవకాశం ఉందని కోలీవుడ్‌ సమాచారం. ఈ సినిమాకు అనిరుధ్‌ రవిచంద్రన్‌ స్వరకర్త.    

‘డ్యూయెట్‌’ పాడుతున్నారు మదన్‌. ఆనంద్‌ దేవరకొండ, రితికా నాయక్‌ జంటగా నటిస్తున్న యూత్‌ఫుల్‌ లవ్‌ ఎంటర్‌టైనర్‌ ‘డ్యూయెట్‌’. మిథున్‌ వరదరాజ కృష్ణన్‌ను దర్శకుడిగా పరిచయం చేస్తూ కేఈ జ్ఞానవేల్‌ రాజా ఈ చిత్రాన్ని నిర్మిస్తున్నారు. ఓ డిఫరెంట్‌ లవ్‌స్టోరీగా తెరకెక్కుతున్న ఈ సినిమా రెగ్యులర్‌ చిత్రీకరణ జరుపుకుంటోంది. శుక్రవారం ఆనంద్‌ దేవరకొండ బర్త్‌ డే. ఈ సందర్భంగా ‘డ్యూయెట్‌లో మదన్‌ క్యారెక్టర్‌లో ఆనంద్‌ నటిస్తున్నట్లుగా వెల్లడించి, కొత్త పోస్టర్‌ను రిలీజ్‌ చేశారు. ఈ చిత్రానికి సంగీతం: జీవీ ప్రకాశ్‌ కుమార్, సహనిర్మాత: మధుర శ్రీధర్‌ రెడ్డి. మరోవైపు ఆనంద్‌ దేవరకొండ నటిస్తున్న యాక్షన్‌ ఫిల్మ్‌ ‘గం..గం..గణేశా’. ఉదయ్‌ శెట్టి దర్శకత్వంలో కేదార్‌ సెలగంశెట్టి, వంశీ కారుమంచి ఈ సినిమాను నిర్మిస్తున్నారు. ఈ సినిమా కొత్త పోస్టర్‌ కూడా విడుదలైంది.

ఉమ్మడి ఆంధ్రప్రదేశ్‌ దివంగత ముఖ్యమంత్రి వైఎస్‌ రాజశేఖర రెడ్డి పాదయాత్ర నేపథ్యంలో వచ్చిన చిత్రం ‘యాత్ర’. ఈ సినిమాకు సీక్వెల్‌గా ‘యాత్ర 2’ ఫిబ్రవరి 8న రిలీజ్‌ కానుంది. వైఎస్సార్‌ తనయుడు, ఏపీ సీఎం జగన్‌మోహన్‌ రెడ్డి ప్రజానాయకుడిగా ఎదిగిన తీరు, 2009 నుంచి 2019 వరకు ఆంధ్రప్రదేశ్‌లో చోటు చేసుకున్న రాజకీయ పరిణామాల నేపథ్యంలో ‘యాత్ర 2’ ఉంటుంది. ఈ చిత్రంలో వైఎస్‌ రాజశేఖర రెడ్డిపాత్రలో మమ్ముట్టి, వైఎస్‌ జగన్‌మోహన్‌ రెడ్డిపాత్రలో జీవా నటిస్తున్నారు. మహీ వి. రాఘవ తెరకెక్కిస్తున్నారు. ఈ సినిమా టీజర్‌ను ఈ నెల 5న రిలీజ్‌ చేయనున్నట్లు వెల్లడించి, ఓ కొత్త పోస్టర్‌ను రిలీజ్‌ చేసింది చిత్రబృందం. ‘‘ఒక మనిషి, లక్షల సమస్యలు.. అయినా ఇచ్చిన వాగ్దానాన్ని నిలబెట్టుకోవాలి’’ అంటూ ‘యాత్ర 2’ టీజర్‌ అనౌన్స్‌మెంట్‌ పోస్టర్‌ను షేర్‌ చేసింది యూనిట్‌. త్రీ ఆటమ్‌ లీవ్స్, వీ సెల్యూలాయిడ్‌తో కలిసి శివ మేక ఈ సినిమాను నిర్మిస్తున్నారు.   

మహేశ్‌బాబు హీరోగా త్రివిక్రమ్‌ దర్శకత్వంలో రూపొందుతున్న తాజా సినిమా ‘గుంటూరు కారం’. శ్రీలీల, మీనాక్షీ చౌదరి హీరోయిన్లుగా నటిస్తున్నారు. ఎస్‌. రాధాకృష్ణ నిర్మిస్తున్న ఈ చిత్రం జనవరి 13న విడుదల కానుంది. దసరా సందర్భంగా ‘గుంటూరు కారం’ నుంచి కొత్త పోస్టర్‌ను రిలీజ్‌ చేసి, త్వరలోనే తొలి పాటను విడుదల చేయనున్నామని, ఈ సినిమాలో అల్ట్రా మాస్‌ అవతార్‌లో మహేశ్‌బాబు ప్రేక్షకులను అలరిస్తారని చిత్ర యూనిట్‌ వెల్లడించింది. ఈ చిత్రానికి సంగీతం: తమన్‌.

సూపర్‌స్టార్ మహేశ్‌బాబు 'గుంటూరు కారం' అనే సినిమా చేస్తున్నాడు. బుధవారం ఇతడి పుట్టినరోజు సందర్భంగా క్రేజీ పోస్టర్ రిలీజ్ చేశారు. ఇందులో లుంగీ లుక్, నోటిలో బీడీతో మహేశ్ డిఫరెంట్‌గా కనిపిస్తున్నాడు. ఇక్కడి వరకు బాగానే ఉంది. అయితే అభిమానులు మాత్రం ఓ విషయంలో బాగా డిసప్పాయింట్ అవుతున్నారు. ఇంతకీ ఏంటి విషయం? గందరగోళం? మహేశ్‌బాబు-త్రివిక్రమ్ కాంబో అంటే వేరే లెవల్ క్రేజ్. ఎందుకంటే వీళ్లిద్దరూ కలిసి 'అతడు', 'ఖలేజా' చిత్రాలు చేశారు. అవి రెండు బాక్సాఫీస్ దగ్గర బోల్తా కొట్టినా.. టీవీ, యూట్యూబ్‌లో బ్లాక్‌బస్టర్ హిట్స్. వాటికి కోట్లాదిమంది ఫ్యాన్స్. ఈ క్రమంలోనే హ్యాట‍్రిక్ సినిమా అనేసరికి ప్రేక్షకులు తెగ ఎగ్జైట్ అయిపోయారు. కానీ జరుగుతున్నది మాత్రం వేరు. అప్డేట్స్ సరిగా ఇవ్వట్లేదు. ఏం జరుగుతుందో ఫ్యాన్స్‌కి అస్సలు అర్థం కావట్లేదు. అంతా గందరగోళంగా ఉన్నట్లు కనిపిస్తుంది. (ఇదీ చదవండి: మహేశ్‌ - నమ్రత లవ్ మ్యారేజ్.. మొదట ప్రపోజ్‌ చేసింది ఎవరంటే..!) రిలీజ్ డేట్ మార్పు? మహేశ్ చేస్తున్న ఈ సినిమాకు 'గుంటూరు కారం' అనే టైటిల్ ఫిక్స్ చేస్తూ, సూపర్‌స్టార్ కృష్ణ జయంతి సందర్భంగా గ్లింప్స్ వీడియో రిలీజ్ చేశారు. వచ్చే సంక్రాంతి కానుకగా జనవరి 13న థియేటర్లలోకి సినిమాని తీసుకురాబోతున్నట్లు ప్రకటించారు. ఇప్పుడు మహేశ్ పుట్టినరోజు సందర్భంగా కొత్త పోస్టర్ రిలీజ్ చేశారు. ఇందులో రిలీజ్ తేదీ మారింది. జనవరి 12న విడుదల చేయబోతున్నట్లు చెప్పారు. మరి ఈసారైనా చెప్పిన డేట్‌కి వస్తుందా లేదా అని చూడాలి. హీరోయిన్ల ఛేంజ్? దాదాపు రెండేళ్ల క్రితమే ఈ సినిమా మొదలుపెట్టారు. తొలుత పూజాహెగ్డే, శ్రీలీల హీరోయిన్లు. కారణం ఏంటో తెలీదు గానీ పూజ, ఈ ప్రాజెక్ట్ నుంచి బయటకొచ్చేసింది. సెకండ్ హీరోయిన్ శ్రీలీల మెయిన్ లీడ్ అయింది. హీరోయిన్ మీనాక్షి చౌదరి కొత్తగా వచ్చి చేరింది. సినిమాటోగ్రాఫర్ పీఎస్ వినోద్ తప్పుకొన్నారని రూమర్స్ వచ్చాయి. అలానే తమన్‌ని కూడా తప్పించారని మాట్లాడుకున్నారు. కానీ ఇది రూమర్ మాత్రమే అనే తేలింది. మహేశ్ పుట్టినరోజున ఫస్ట్ లిరికల్ సాంగ్ వస్తుందని అభిమానులు ఆశపడ్డారు. కానీ పోస్టర్ మాత్రమే రిలీజ్ చేసి, వాళ్లని డిసప్పాయింట్ చేశారు. #HBDSuperstarMahesh 🥳💥#GunturKaaram pic.twitter.com/2mf80iWpgQ — Haarika & Hassine Creations (@haarikahassine) August 8, 2023 (ఇదీ చదవండి: సౌత్‌ నుంచి ఒకేఒక్కడు.. ఏ హీరో టచ్‌ చేయలేని రికార్డ్‌ మహేష్‌ సొంతం)

పవర్‌ఫుల్‌ ఇంటర్‌పోల్‌ ఆఫీసర్‌ విక్రమ్‌గా నాగార్జున      నటించిన చిత్రం ‘ది ఘోస్ట్‌’. ప్రవీణ్‌ సత్తారు దర్శకత్వంలో నారాయణ్‌ దాస్‌ నారంగ్‌ ఆశీస్సులతో పుస్కూర్‌     రామ్మోహన్‌ రావు, శరత్‌ మరార్‌ నిర్మించారు. ఇందులో సోనాల్‌ చౌహాన్, గుల్‌ పనాగ్, అనిఖా సురేంద్రన్‌ కీలక పాత్రల్లో నటించారు. కాగా ఈ చిత్రం థియేట్రికల్‌ ట్రైలర్‌ను ఈ నెల 25న విడుదల చేయనున్నట్లు ప్రకటించి, నాగార్జున–సోనాల్‌ల కొత్త పోస్టర్‌ని ఆదివారం విడుదల చేసింది చిత్రబృందం. ‘‘ఇప్పటివరకు విడుదల చేసిన రెండు ప్రోమోలు ది కిల్లింగ్‌ మెషిన్, తమహగనే ప్రేక్షకులని అబ్బురపరిచాయి. దాంతో ట్రైలర్‌పై అంచనాలు పెరి గాయి. ట్రైలర్‌లో మరింత ఎగ్జయిటింగ్‌ యాక్షన్‌ని చూపించనున్నాం. ఎమోషన్స్‌తో కూడిన యాక్షన్‌ థ్రిల్లర్‌గా ఈ చిత్రం అందర్నీ ఆకట్టుకునే విధంగా     ఉంటుంది’’ అని చిత్రబృందం పేర్కొంది. ఈ చిత్రానికి ఎగ్జిక్యూటివ్‌ ప్రొడ్యూసర్‌: వెంకటేశ్వరరావు చల్లగుళ్ల.      ∙నాగార్జున, సోనాల్‌ చౌహాన్‌

లావణ్యా త్రిపాఠి ప్రధాన పాత్రలో నటించిన తాజా చిత్రం ‘హ్యాపీ బర్త్‌ డే’. రితేష్‌ రానా దర్శకత్వంలో నవీన్‌ ఎర్నేని, వై. రవిశంకర్‌ సమర్పణలో చిరంజీవి (చెర్రి), హేమలత పెదమల్లు నిర్మించిన చిత్రం ఇది. జూలై 15న ఈ చిత్రం విడుదల కానుంది. ఇందులో హ్యాపీ 340 అనే పాత్రలో లావణ్యా త్రిపాఠి కనిపిస్తారని చిత్రయూనిట్‌ వెల్లడించి, కొత్త పోస్టర్‌ను రిలీజ్‌ చేసింది. ‘‘లావణ్య పాత్ర ఎవరూ ఊహించని విధంగా ట్విస్టులతో, వినోదాత్మకంగా ఉంటుంది’’ అని చిత్రయూనిట్‌ పేర్కొంది. ఈ చిత్రానికి సంగీతం కాలభైరవ అందిస్తున్నారు.  The most happening beauty @Itslavanya as the 'Happy' of the #HappyBirthday party 😍 In Cinemas from July 15th 💥💥 - https://t.co/f4LAy5Du5P#HBDMovie #HBDMovieOnJuly15 @RiteshRana @vennelakishore @nareshagastya #Satya @eyrahul @kaalabhairava7 @sureshsarangam @ClapEntrtmnt pic.twitter.com/bOrvTVgoEh — Mythri Movie Makers (@MythriOfficial) June 21, 2022   

ఉగాది పండగ సందర్భంగా మహేశ్‌బాబు ఫ్యాన్స్‌కు కిక్కిచ్చే అప్‌డేట్‌ ఇచ్చింది ‘సర్కారు వారి పాట’ మూవీ టీం. తాజాగా ఈ మూవీలోని మహేశ్‌ న్యూలుక్‌ను రిలీజ్‌ చేశారు మేకర్స్‌. ఈ సందర్భంగా మేకర్స్‌ ‘ఈ న్యూయర్‌కు మాస్‌ కొత్త నిర్వచనం’ అంటూ మహేశ్‌ మాస్‌ లుక్‌ను పంచుకున్నారు. ఇది విడుదలైన కొద్ది క్షణాల్లోనే వైరల్‌గా మారింది. ఈ పోస్టర్‌లో మహేశ్‌ను చూస్తుంటే.. విలన్‌ను ఇరగదీసేందుకు రెడీ అవుతున్నట్టుగా ఉంది. ఈ మాస్‌లుక్‌ చూసి మహేశ్‌ ఫ్యాన్స్‌ మురిసిపోతున్నారు. కాగా  పరశురామ్‌ దర్శకత్వం వహిస్తున్న ఈ చిత్రంలో కీర్తీ సురేశ్‌ హీరోయిన్‌గా నటిస్తుంది. మైత్రీ మూవీ మేకర్స్, జీఎంబీ ఎంటర్‌టైన్‌మెంట్, 14 రీల్స్‌ ప్లస్‌ బ్యానర్‌లపై నవీన్‌ యెర్నేని, వై.రవిశంకర్, రామ్‌ ఆచంట, గోపీచంద్‌ ఆచంట నిర్మిస్తున్న ఈ చిత్రం మే 12న విడుదలకు సిద్ధమవుతోంది. ఇందులో మహేశ్‌ బ్యాంకు ఉద్యోగిగా కనిపించనున్నాడు.  This new year, MASS has a new definition 😎 Happy Ugadi ❤️ Get ready for exciting updates for #SarkaruVaariPaata soon 💥#SVPOnMay12 Super 🌟 @urstrulyMahesh @KeerthyOfficial @ParasuramPetla @madhie1 @MusicThaman @14ReelsPlus @GMBents @saregamasouth pic.twitter.com/6b58yn8xWD — Mythri Movie Makers (@MythriOfficial) April 2, 2022

Kamal Haasan Vikram Movie New Poster Released: సౌత్‌ ఇండస్ట్రీలో భారీ అంచనాలు ఉన్న సినిమాల్లో విక్రమ్‌ ఒకటి. ఇందులో యూనివర్సల్‌ హీరో, లోకనాయకుడు కమల్‌ హాసన్‌, ఫహాద్ ఫాజిల్‌, విజయ్ సేతుపతి లీడ్‌ రోల్స్‌లో నటిస్తున్నారు. ఇదీవరకూ ఈ సినిమా నుంచి విడుదలైన టీజర్‌ తెగ ఆకట్టుకుంది. తాజాగా ఈ సినిమా నుంచి కొత్త అప్‌డేట్‌ ఇచ్చారు మేకర్స్‌. ఈ సినిమా విడుదల తేదిన ఎప్పుడూ ప్రకటిస్తారో ప్రత్యేకమైన పోస్టర్‌ ద్వారా వెల్లడించారు. ఈ స్పెషల్‌ పోస్టర్‌లో కమల్‌ హాసన్‌ ఇంటెన్సివ్‌గా కిల్లర్‌ లుక్‌లో అదిరిపోయాడు. సూట్‌ ధరించి, చేతిలో కత్తి పట్టుకుని వైల్డ్‌గా కనిపిస్తున్నాడు. అలాగే ఈ పోస్టర్‌లో మార్చి 14న ఉదయం 7 గంటలకు విక్రమ్‌ సినిమా విడుదల తేదిని ప్రకటిస్తామని వెల్లడించారు.  విక్రమ్‌ మూవీ నుంచి విడుదలైన ఈ స్పెషల్‌ పోస్టర్‌ ప్రస్తుతం నెట్టింట్ల తెగ వైరల్‌ అవుతోంది. లోకేష్‌ కనగరాజు డైరెక్షన్‌లో తెరకెక్కుతున్న ఈ సినిమాకు కోలీవుడ్‌ మ్యూజిక్ సెన్షెషన్ అనిరుధ్‌ రవిచందర్‌ సంగీతం అందిస్తున్నారు. ఈ సినిమా 110 రోజులపాటు షూటింగ్‌ జరుపుకుంది. ఈ మూవీ చిత్రీకరణ కోసమే తమిళ బిగ్‌బాస్‌ అల్టిమేట్‌ నుంచి కమల్‌ హాసన్‌ తప్పుకున్నారు. యాక్షన్‌ థ్రిల్లర్‌గా రూపొందనున్న విక్రమ్‌ మూవీలో కమల్‌ హాసన్‌ పూర్తిగా యాక్షన్‌ రోల్‌ పోషించనున్నారు. ఇందులో అర్జున్‌  దాస్‌, శివానీ నారయణన్, నరేన్‌, కాళీదాస్‌ జయరామ్‌, ఆంటోనీ వర్గీస్ తదితరులు నటిస్తున్నారు. Vikram theatrical release date to be announced on MARCH 14th, 2022 at 7 Am@ikamalhaasan @VijaySethuOffl #fafa@anirudhofficial @RKFI @turmericmediaTM#KamalHaasan#VikramReleaseAnnouncement#Vikram pic.twitter.com/CvFNholC78 — Lokesh Kanagaraj (@Dir_Lokesh) March 11, 2022

RRR Movie Racing Towards New Poster Goes Viral: దర్శక ధీరుడు జక్కన్న, యంగ్ టైగర్​ ఎన్టీఆర్​, మెగా పవర్ స్టార్​ రామ్​ చరణ్​ కాంబోలో భారీ మల్టీ స్టారర్​గా వస్తున్న చిత్రం చిత్రం 'రౌద్రం రణం రుధిరం (ఆర్‌ఆర్ఆర్‌)'. అయితే ఈ సినిమా ఇప్పటికే సంక్రాంతి కానుకగా విడుదలై అత్యధిక కలెక్షన్లతో దూసుకుపోవాల్సింది. కానీ అలా జరగలేదు. అనేక వాయిదాల తర్వాత ఇదే ఫైనల్ రిలీజ్​ డేట్​ అంటూ మార్చి 25న ప్రపంచవ్యాప్తంగా ప్రేక్షకుల ముందుకు తీసుకురానున్నారు మేకర్స్​. అయితే వాయిదాలతో అభిమానులు, ప్రేక్షకులను నిరాశ పరిచిన జక్కన్న టీమ్​, పోస్టర్స్​, మేకింగ్​ వీడియోస్​, సాంగ్స్​, ట్రైలర్స్​తో ఉత్సాహపరిచింది.  ఫిబ్రవరి 3న ఈ సినిమా నుంచి మరో కొత్త పోస్టర్​ను విడుదల చేశారు మేకర్స్​. ఈ పోస్టర్​లో గుఱ్ఱపు స్వారీ చేస్తూ రామరాజు, బుల్లెట్​పై కొమురం భీమ్​ ఆకట్టుకోనున్నారు. అలాగే 'ఇంకో 50 రోజుల్లో ఈ చిత్రం రానుందని' క్యాప్షన్​ ఇచ్చారు. ప్రస్తుతం ఈ పోస్టర్​ సోషల్​ మీడియాలో వైరల్​ అవుతోంది. పోస్టర్​లో ఎన్టీఆర్​, రామ్​ చరణ్ ఫ్యాన్స్​ వారిని చూసి మురిసిపోతున్నారు. డీవీవీ దానయ్య నిర్మిస్తున్న ఈ భారీ బడ్జెట్​ చిత్రానికి ఎం.ఎం. కీరవాణి సంగీతం అందిస్తున్నారు.   Racing towards Cinemas... Coming in 50 Days!! #RRRMovie 🔥🌊 March 25th, we will see you. 🐎 🏍 🤘🏻#RRRonMarch25th pic.twitter.com/aumWWnCh45 — RRR Movie (@RRRMovie) February 3, 2022

Pawan Kalyan Bheemla Nayak New Poster On The Sankranti Eve: టాలీవుడ్‌ స్టార్‌ హీరోలు పవన్ కల్యాణ్, రానా దగ్గుబాటి కాంబినేషన్‌ల వస్తున్న మల్టిస్టారర్‌ మూవీ ‘భీమ్లా నాయక్’. సాగర్ కె చంద్ర దర్శకత్వం వహించిన ఈ సినిమా, మలయాళంలో భారీ విజయాన్ని అందుకున్న 'అయ్యప్పనుమ్ కోషియుమ్' చిత్రానికి రీమేక్. అయితే జనవరి 12న సంక్రాంతి కానుకగా విడుదల కావాల్సిన భీమ్లా నాయక్‌ ఫిబ్రవరి 25కు వాయిదా పడిన సంగతి తెలిసిందే. అయితే అభిమానులను నిరాశ పరచకుండా ఉండేందుకు పోస్టర్స్‌, సాంగ్స్‌ వంటివి విడుదల చేస్తున్నారు. ఇదీవరకు న్యూ ఇయర్‌ సందర్భంగా భీమ్లా నాయక్‌ సాంగ్‌ డీజే వెర్షన్‌ను రిలీజ్‌ చేసి ఆకట్టుకున్నారు.  తాజాగా సంక్రాంతి కానుకగా భీమ్లా నాయక్‌ సినిమా నుంచి కొత్త పోస్టర్‌ను రిలీజ్‌ చేస్తూ ఆడియెన్స్‌కు సంక్రాంతి శుభాకాంక్షలు తెలిపారు. ఈ పోస్టర్‌లో పవన్‌ కల్యాణ్‌, రానా దగ్గుబాటి మాస్‌ లుక్ ఆకట్టుకుంటోంది. నోట్లో సిగరెట్‌ పెట్టకుని రానా దర్జాగా నిలబడితే.. ఉగ్ర రూపంలో పౌరుషంగా పవన్‌ కల్యాణ్‌ నిలుచుని ఉన్నారు. ప్రస్తుతం  ఈ  పోస్టర్‌ సోషల్‌ మీడియాలో వైరల్ అవుతోంది. అయితే సంక్రాంతికి సినిమా విడుదల కాకపోయినా ఈ పోస్టర్‌ రిలీజ్‌ చేశారని ఫ‍్యాన్స్‌ ఆనందపడుతున్నారు. ఇక భీమ్లా నాయక్‌ చిత్రంలో పవన్‌ కల్యాణ్‌ సరసన నిత్యా మీనన్‌, రానాకు జంటగా సంయుక్తా మీనన్‌ అలరించనున్నారు. ఈ చిత్రాన్ని సితార ఎంటర్‌టైన్‌మెంట్స్ బ్యానర్‌పై సూర్యదేవర నాగవంశీ నిర్మిస్తున్నారు.   మీకు మీ కుటుంబ సభ్యులకు సంక్రాంతి శుభాకాంక్షలు! ✨ - Team #BheemlaNayak @pawankalyan @RanaDaggubati #Trivikram @saagar_chandrak @MenenNithya @MusicThaman @iamsamyuktha_ @dop007 @NavinNooli @sitharaents @adityamusic pic.twitter.com/K09KfOKi3S — Naga Vamsi (@vamsi84) January 15, 2022 ఇదీ చదవండి: లాలా భీమ్లా డీజే వెర్షన్‌ వచ్చేసింది, మామూలుగా లేదుగా..

RRR Movie Special Poster On The Sankranti Eve: దర్శక ధీరుడు జక్కన్న ప్రతిష్టాత్మకంగా చెక్కిన చిత్రం రౌద్రం రణం రుధిరం (ఆర్‌ఆర్ఆర్‌). వాస్తవానికి ఈ మూవీ ఈపాటికి విడుదలై అత్యధిక కలెక్షన్లతో దూసుకుపోవాల్సింది. కానీ అలా జరగలేదు. అందుకు దేశవ్యాప్తంగా కరోనా, ఒమిక్రాన్‌ కేసులు పెరగడం, థియేటర్‌ ఆక్యుపెన్సీ, పలు రాష్ట్రాల్లో స్వల్ప లాక్‌డౌన్‌ వంటి అనేక కారణాలు ఉన్నాయి. ఈ క్రమంలోనే సినిమాను పోస్ట్‌పోన్ చేసేందుకు ఆర్‌ఆర్‌ఆర్‌ చిత్రబృందం నిర్ణయం తీసుకున్న సంగతి తెలిసిందే. ఈ నిర్ణయాన్ని మెగా పవర్ స్టార్‌ రామ్‌ చరణ్‌ కూడా సమర్ధించారు. సినిమా విడుదల సంగతి దర్శకనిర్మాతలు చూసుకుంటారు అని తేల్చి చెప్పాడు.  సినిమా వాయిదా పడింది అని అసహనంతో ఉన్న ప్రేక్షకులను మెప్పించేందుకు ఒక సర్‌ప్రైజ్‌ ఇచ్చారు ఆర్‌ఆర్‌ఆర్‌ మేకర్స్‌. ఈ  సినిమాకు సంబంధించిన ప్రత్యేక పోస్టర్‌ను సంక్రాంతి కానుకగా విడుదల చేశారు. ఇందులో యంగ్‌ టైగర్‌ ఎన్టీఆర్‌ భుజాలపై కర్ర పట్టుకుని, రామ్‌ చరణ్‌ స్టైలిష్‌గా నడుస్తూ కనువిందు చేశారు. ప్రస్తుతం ఈ పోస్టర్‌ సోషల్‌ మీడియాలో బాగా వైరల్‌ అవుతోంది. ప్రముఖ నిర్మాత డీవీవీ దానయ్య నిర్మించిన ఈ చిత్రంలో కొమురం భీంగా తారక్‌, అల్లూరి సీతారామరాజుగా చెర్రీ నటిస్తున్న సంగతి తెలిసిందే. ఈ సినిమాలో అజయ్ దేవగణ్‌, అలియా భట్‌ వంటి బాలీవుడ్‌ స్టార్స్‌తోపాటు పలువురు హాలీవుడ్‌ స్టార్స్‌ కనిపించనున్నారు.    Wishing everyone a very #HappyPongal, #Bhogi, #Lohri, #MakarSankranti ❤️‍🔥🔥 See you soon in cinemas. pic.twitter.com/Gwt1INGbir — DVV Entertainment (@DVVMovies) January 14, 2022 Pose like our RAM & BHEEM with your dearest ones :) #RRRMovie pic.twitter.com/N2Hw7RVkMp — RRR Movie (@RRRMovie) January 14, 2022 ఇదీ చదవండి: 'ఆర్‌ఆర్‌ఆర్‌'కు అమెజాన్‌ భారీ ఆఫర్‌.. కానీ

కె.జి.యఫ్​తో కన్నడ సినిమాకు కొత్త వైభవం తీసుకొచ్చాడు దర్శకుడు ప్రశాంత్​ నీల్​. రాకింగ్ స్టార్​ యశ్​ లీడ్ రోల్​ చేసిన ఈ మూవీ సెకండ్ ఛాప్టర్​ కోసం సినీ అభిమానులంతా ఆసక్తిగా ఎదురు చూస్తున్నారు. రిలీజ్ డేట్ ప్రకటించినప్పటికీ.. కరోనా ఎఫెక్ట్​తో అది వాయిదా పడే అవకాశాలే ఎక్కువగా కనిపిస్తున్నాయి. ఈ తరుణంలో ఈ మూవీ నుంచి మరో అప్​డేట్ అందింది.  కె.జి.యఫ్​ అత్యధిక వసూళ్లు చేసిన భారతీయ చిత్రాల జాబితా ఒకటి. మొదటి పార్ట్​లో ముఖాలు చూపించని కొన్ని క్యారెక్టర్లను.. రెండో ఛాప్టర్ కోసం ఒక్కోక్కటిగా పోస్టర్లతో రివీల్ చేస్తోంది ఈ చిత్ర నిర్మాణ సంస్థ హోంబెల్ ఫిల్మ్స్. అది కూడా పుట్టినరోజులకు, పేపర్​ కట్టింగ్​లతో కావడం మరో విశేషం. కాగా, ఈరోజు మరో పోస్టర్​ను రివీల్ చేశారు. ఈ మూవీలో ఇనాయత్​ ఖలీల్​ క్యారెక్టర్​ను పోషిస్తున్న బాలకృష్ణ పోస్టర్​ను రిలీజ్​ చేసింది నిర్మాణ సంస్థ. గుర్తుతెలియని ప్రాంతంలో ఇనాయత్​ ఖలీల్​ తన పుట్టినరోజు జరుపుకుంటున్నాడంటూ క్యాప్షన్​ ఉంచింది. దుబాయ్​లో ఉంటూ ఇండియాపై కన్నేసే గోల్డ్​ స్మగ్లర్ల డాన్​గా ఇనాయత్​ ఖలీల్​ రోల్​ ఉండబోతోంది. Wishing our #InayathKhalil, @BalaTheKrishna a very Happy Birthday.#KGFChapter2. pic.twitter.com/qPjvhhHBU9 — Hombale Films (@hombalefilms) May 31, 2021 కాగా, బాలకృష్ణ టాలీవుడ్ నటుడు ఆదర్శ్​ బాలకృష్ణ తండ్రి. ఈ ఫ్యామిలీతో దర్శకుడు ప్రశాంత్​ నీల్​కు దగ్గరి చుట్టరికం ఉంది. ఇక గతంలో కె.జి.యఫ్​ వికీపీడీయా పేజీలో తెలుగు సీనియర్​ హీరో నందమూరి బాలకృష్ణ పోస్టర్​ని, ఇన్ఫోని కొందరు సరదాగా ఎడిట్ చేసిన విషయం తెలిసిందే.   కాగా, వంద కోట్ల బడ్జెట్​తో పీరియాడిక్​ యాక్షన్​ ఫిల్మ్​గా తెరకెక్కిన కె.జి.యఫ్​ లో యశ్​, శ్రీనిధి శెట్టి,  ప్రకాశ్​ రాజ్​, రవీనా టండన్​, సంజయ్​ దత్, రావు రమేశ్​​లు నటిస్తున్న విషయం తెలిసిందే.

చేతిలో బల్లెం పట్టుకుని మహోగ్రరూపం దాల్చిన కొమురం భీమ్‌గా ‘రౌద్రం.. రణం.. రుధిరం’ (ఆర్‌ఆర్‌ఆర్‌) చిత్రంలోని జూనియర్‌ ఎన్టీఆర్‌ కొత్త పోస్టర్‌ విడుదలైంది. రాజమౌళి దర్శకత్వం వహిస్తున్న ‘ఆర్‌ఆర్‌ఆర్‌’ చిత్రంలో రామ్‌చరణ్‌ మరో హీరోగా నటిస్తున్నారు. ఈ చిత్రంలో స్వాతంత్య్ర సమరయోధులు కొమురం భీమ్‌ పాత్రలో ఎన్టీఆర్, అల్లూరి సీతారామరాజు పాత్రలో రామ్‌చరణ్‌ నటిస్తున్నారు. గురువారం (మే 20) ఎన్టీఆర్‌ పుట్టినరోజు. ఈ సందర్భంగా చిత్రంలోని ఎన్టీఆర్‌ కొత్త పోస్టర్‌ను విడుదల చేశారు. ‘‘మంచి మనసు ఉన్న తిరుగుబాటుదారుడు కొమురం భీమ్‌ పాత్రలో నటిస్తున్నందుకు, అలాగే ‘ఆర్‌ఆర్‌ఆర్‌’ సినిమాలోని నా కొత్త పోస్టర్‌ను మీ అందరితో (అభిమానులు, ప్రేక్షకులు) పంచుకుంటున్నందుకు సంతోషంగా ఉంది. ఈ పాత్ర పోషించడం నాకో సవాల్‌లా అనిపిస్తోంది’’ అని సోషల్‌ మీడియా వేదికగా స్పందించారు ఎన్టీఆర్‌. ‘‘మా భీమ్‌ది బంగారంలాంటి మనసు. కానీ తిరగబడితే దేనికైనా బలంగా, ధైర్యంగా నిలబడతాడు’’ అని ట్వీట్‌ చేశారు రాజమౌళి. ఇదిలా ఉంటే.. మన దేశం కరోనాతో యుద్ధం చేస్తున్న వేళ పుట్టినరోజు వేడుకలకు ఇది సమయం కాదని, దేశం కరోనాను జయించిన రోజున అందరం వేడుక చేసుకుందామని, తన బర్త్‌ డే వేడుకలను నిర్వహించవద్దని ఎన్టీఆర్‌ తన అభిమానులకు విన్నవించుకున్న సంగతి తెలిసిందే. ప్రశాంత్‌ నీల్‌తో... ఎన్టీఆర్‌ హీరోగా ‘కేజీఎఫ్‌’ ఫేమ్‌ ప్రశాంత్‌ నీల్‌ దర్శకతంలో రూపొందనున్న సినిమా అధికారిక ప్రకటన గురువారం వెల్లడైంది. ‘‘ఎన్టీఆర్‌తో కలిసి సినిమా చేయడానికి ఉత్సాహంగా ఎదురు చూస్తున్నాను’’ అని ట్వీట్‌ చేశారు దర్శకుడు ప్రశాంత్‌ నీల్‌. ప్రస్తుతం చేస్తున్న ‘ఆర్‌ఆర్‌ఆర్‌’ తర్వాత కొరటాల శివ దర్శకత్వంలో హీరోగా చేస్తారు ఎన్టీఆర్‌. ఆ తర్వాత ఎన్టీఆర్‌–ప్రశాంత్‌ నీల్‌ కాంబినేషన్లోని సినిమా సెట్స్‌పైకి వెళుతుంది.

పాన్ ఇండియా స్టార్ ప్రభాస్ తాజా చిత్రం ‘రాధే శ్యామ్’. పీరియాడికల్‌ యాక్షన్‌ డ్రామ నేపథ్యంలో దర్శకుడు రాధాకృష్ణ కుమార్ ఈ రోమాంటిక్‌ లవ్ స్టోరీని తెరకెక్కిస్తున్నాడు. ఇటీవల షూటింగ్‌ పూర్తి చేసుకున్న ఈ మూవీ ప్రస్తుతం పోస్ట్ ప్రొడక్షన్ పనులను జరుపుకుంటోంది. కాగా ఇప్పటికే మూవీ నుంచి ప్రభాస్‌-పూజలకు సంబంధించిన పలు రోమాంటి సన్నివేశాలకు సంబంధించిన పోస్టర్లను చిత్ర యూనిటి విడుదల చేస్తూ ప్రేక్షకుల్లో ఆసక్తి పెంచుతోంది. వీటికి ప్రేక్షకులను నుంచి కూడా విశేష స్పందన లభిస్తోంది. తాజాగా మహా శివరాత్రి సందర్భంగా హీరో ప్రభాస్‌ అభిమానులకు సర్‌ప్రైజ్‌ ఇచ్చాడు. ఈ మూవీ నుంచి మరో పోస్టర్‌ను విడుదల చేశాడు‌.    ఈ పోస్టర్‌ ప్రభాస్‌, పూజ హెగ్డెలు మంచులో పడుకుని  ప్రేమమైకంలో తెలుతున్నట్లుగా కనిపిస్తున్నారు. ప్రభాస్‌ షేర్‌ చేసిన ఈ రోమాంటిక్‌ లుక్‌ అందరిని తఆకట్టుకుంటోంది. ‘కొందరు దీనిని పిచ్చి అంటారు.. మేం మాత్రం ప్రేమ అంటాం.. ఈ ప్రేమకథ మీ హృదయాలలో ఎప్పటికీ నిక్షిప్తమై ఉంటుంది‘ చిత్ర యూనిటి ఈ పోస్టర్‌ను రిలీజ్‌ చేసింది.  కాగా రాధేశ్యామ్‌లో ప్రభాస్‌ సరికొత్తగా కనిపించనున్నట్లు తెలుస్తోంది. యాక్షన్ బ్యాక్ డ్రాప్‌లో సాగే ఓ రొమాంటిక్ పాత్రలో ప్రభాస్ అభిమానులను ఆకట్టుకోనున్నాడు. యూవీ క్రియేషన్స్, గోపీకృష్ణా మూవీస్ సంయుక్తంగా నిర్మిస్తున్న రాధేశ్యామ్‌ పలు భాషల్లో జులై 30న విడుదల కానుంది. View this post on Instagram A post shared by Prabhas (@actorprabhas) చదవండి:  ప్రేమ కోసం చచ్చే టైప్‌ కాదంటున్న ప్రభాస్‌  రాధేశ్యామ్‌ : ప్రభాస్ కాస్ట్యూమ్స్‌ కోసం 6కోట్లు!

అనుష్క ప్రధాన పాత్రలో వచ్చిన హారర్‌ థ్రిల్లర్‌ ‘భాగమతి’. 2018లో విడుదలైన ఈ సినిమా మంచి హిట్‌. అశోక్‌ జి. దర్శకత్వం వహించారు. ఇప్పుడు ఈ సినిమా హిందీలో రీమేక్‌ అయింది. అనుష్క పోషించిన పాత్రలో భూమి ఫెడ్నేకర్‌ నటించారు. తెలుగు చిత్రాన్ని డైరెక్ట్‌ చేసిన అశోక్‌ ఈ రీమేక్‌ను కూడా డైరెక్ట్‌ చేశారు. ఈ సినిమాకు ఇది వరకు ‘దుర్గావతి’ అని టైటిల్‌ పెట్టారు. తాజాగా ‘దుర్గామతి: ది మిత్‌’గా మార్చారు. అలాగే ఈ సినిమా కొత్త పోస్టర్‌ను కూడా విడుదల చేశారు నిర్మాతల్లో ఒకరైన అక్షయ్‌ కుమార్‌. డిసెంబర్‌ 11న ఈ సినిమా అమేజాన్‌ ప్రైమ్‌లో విడుదల కానుంది.

బాలీవుడ్‌ నటుడు జాన్‌ అబ్రహం తాజాగా నటించిన సత్యమేవ జయతే 2 పోస్టర్‌ను తన ఇన్‌స్టాగ్రామ్‌లో అభిమానులతో పంచుకున్నాడు. 2020 అక్టోబర్‌ 2న విడుదల కానున్న ఈ చిత్రం కరోనా నేపథ్యంలో వాయిదా పడింది. ఇందులో అబ్రహం చేతిలో నాగలి.. శరీరంపై ఉన్న గాయాల నుంచి రక్తం త్రివర్ణ పతాకంలో ని మూడు రంగుల్లో కారుతున్నట్లు కనిపిస్తోంది. ఈ పోస్టర్‌ అతడి అభిమానుల్ని విపరీతంగా ఆకట్టుకుంటోంది. దీనికి ‘గంగా మాత ప్రవహించే భూమిలో.. రక్తం కూడా త్రివర్ణంలో ఉంటుంది’ అనే క్యాప్షన్‌తో షేర్‌ చేశాడు.  (అది‌ నన్ను తీవ్రంగా దెబ్బతీసింది: ప్రీతి జింటా) ఈ చిత్రానికి మిలాప్‌ జావేరి దర్శకత్వం వహిస్తున్నారు. ఇందులో జాన్‌ అబ్రహం తరనపున  దివ్య ఖోస్లా కుమార్‌ నటిస్తున్నారు. అయితే ఈ చిత్రం అవినీతికి, అధికార దుర్వినియోగానికి వ్యతిరేకంగా పోరాటం చుట్టూ ఉండనున్నట్లు తెలుస్తోంది. అయితే ఈ చిత్రం ఈ ఏడాది అక్టోబర్‌ విడుదుల కావాల్సి ఉండగా కరోనా నేపథ్యంలో వాయిదా పడింది. వచ్చే ఏడాది ఈద్‌ కానుకగా మే 12న విడుదల కానుంది. కాగా.. ఇది, 2018లో వచ్చిన సత్యమేవ జయతే సినిమాకు ఇది సీక్వెల్‌ కావడం విశేషం. (స్వయంగా లేఖ రాసుకున్న కరీనా) View this post on Instagram Jis desh ki maiyya Ganga hai, wahan khoon bhi Tiranga hai! #SatyamevaJayate2 in cinemas on 12th May, EID 2021. #SMJ2EID2021 @divyakhoslakumar @milapzaveri @onlyemmay @madhubhojwani @nikkhiladvani #BhushanKumar #KrishanKumar @tseriesfilms @tseries.official @emmayentertainment @dabbooratnani @houseofaweindia A post shared by John Abraham (@thejohnabraham) on Sep 20, 2020 at 7:31pm PDT

మెగా ఫ్యామిలీ నుంచి వచ్చి.. తనకంటూ ప్రత్యేక గుర్తింపు కోసం ప్రయత్నిస్తున్న హీరో సాయిధరమ్‌ తేజ్‌. ఇటీవల చిత్రలహరి, ప్రతిరోజూ పండగే.. వంటి విజయాలను సొతం చేసుకున్న మోగా మేనల్లుడు ప్రస్తుతం ‘సోలో బ్రతుకే సో బెటర్‌’ మూవీలో నటిస్తున్నాడు. ఈ సినిమాను సుబ్బు అనే కొత్త దర్శకుడు తెరకెక్కిస్తున్నాడు. ఇందులో పెళ్లి అంటే ఆమడ దూరం పారిపోయే వ్యక్తి పాత్రలో సాయి ధరమ్‌ తేజ్‌ కనిపించనున్నాడు. తాజాగా సినిమా విడుదల తేదిని ప్రకటిస్తూ కొత్త పోస్టర్‌ను విడుదల చేశారు. (సాయిధరమ్‌ తేజ్‌ గారు.. కంగ్రాట్యులేషన్స్ : పవన్‌) సోలో సోదర సోదరీమణులారా...ఈ valentines weekend మనం అంతా కలిసి జరుపుకుందాం...మన slogan ఒకటే...సోలో బ్రతుకే సో బెటర్ 💪🏼 #SBSBFromMay1st @SVCCofficial @MusicThaman @NabhaNatesh @subbucinema #solobrathukesobetter pic.twitter.com/bDCgGzk1wL — Sai Dharam Tej (@IamSaiDharamTej) February 1, 2020 ‘సోలో సోదర సోదరీమణులారా...ఈ వాలెంటైన్స్ వీకెండ్‌ మనం అంతా కలిసి జరుపుకుందాం.. మన స్లోగన్‌ ఒకటే. సోలో బ్రతుకే సో బెటర్‌’ అంటూ విడుదల అయిన న్యూ లుక్‌ ద్వారా కార్మికుల దినోత్సవం రోజు 2020 మే1న మూవీని విడుదల చేయనున్నట్లు చిత్ర యూనిట్‌ తెలిపింది. అలాగే వాలెంటైన్స్‌ వీకెండ్‌లో ఈ మూవీలోని సోలో బ్రతుకే సోబెటర్‌ థీమ్‌ వీడియో సాంగ్‌ రిలీజ్‌ చేయనున్నట్లు ఈ సందర్భంగా ప్రకటించింది. ఇప్పటి వరకు ఫ్యామిలీ మూవీస్‌ను టార్గెట్‌ చేసిన తేజ్‌ ఇప్పడు యూత్‌ను అట్రాక్ట్‌ చేసే దిశగా వెళ్తున్నట్లు కన్పిస్తోంది.  తాజాగా విడుదలైన ఫస్ట్ లుక్‌లో కూడా సోలో సోదర సోదరీమణులారా అంటూ అదిరిపోయే స్లోగన్ తీసుకొచ్చాడు. ప్రస్తుతం షూటింగ్‌ పనులు జరుపుకుంటున్న ఈ సినిమా టీజర్ ఫిబ్రవరి 14న విడుదల కానుంది. థమన్‌ మ్యూజిక్‌ అందిస్తున్న ఈ సినిమాలో నభా నటేష్‌ హీరోయిన్‌గా నటిస్తున్నారు. కాగా ఈ పోస్టర్‌ను చూసిన అభిమానులంతా ’ ఇక రోజులు లెక్కబెట్టుకోండి మరో బిగ్గెస్ట్‌ బ్లాక్‌ బాస్టర్‌ మూవీ వచ్చేస్తోంది.’ అంటూ కామెంట్‌ చేస్తున్నారు.