సాక్షి ప్రతినిధి, మహబూబ్‌నగర్‌: జోగుళాంబ గద్వాల జిల్లాలో కొందరు మహిళలు, యు­వ­తు­­లను లోబర్చుకుని, న్యూడ్‌ వీడియోల­తో బ్లాక్‌మెయిల్‌ చేసిన వ్యవహారం రాష్ట్ర వ్యాప్తంగా కలకలం రేపుతోంది. ఈ బాగో తంలో ఇప్పటివరకు అరెస్టైన ముగ్గురు ఓ ప్రధాన పార్టీకి చెందిన యువ నాయకులే. వారితోపాటు ఓ ప్రజాప్రతినిధి ముఖ్య అనుచరుడు, ఇద్దరు కౌన్సిలర్లు, ఓ కౌన్సిలర్‌ భర్త, పలువురు పోలీసులకు కూడా ఇందులో పాత్ర ఉన్నట్టు ప్రచారం జరుగుతోంది. ఈ క్రమంలోనే ఓ కీలకనేత రంగంలోకి దిగారని, తమకూ మరకలు అంటుతుండటంతో ఈ వ్యవహారాన్ని నీరుగార్చేందుకు పోలీసులు ప్రయత్నిస్తున్నారని ఆరోపణలు వెల్లువెత్తుతున్నాయి. గొడవపడి.. బయటపెట్టుకుని.. గద్వాలకు చెందిన కొందరు కొన్నాళ్లుగా మహిళలను, అమ్మాయిలను ట్రాప్‌ చేసి లోబర్చుకున్నారు. వారి నగ్న వీడియోలు, కాల్స్‌ రికార్డు చేసి బ్లాక్‌మెయిల్‌ చేస్తూ.. మరింతగా వేధించడం మొదలుపెట్టారు. ఇటీవల పలువురు మహిళల అర్ధ నగ్న వీడి యోలు సామాజిక మాధ్యమాల్లో ప్రత్యక్షమ వడంతో ఈ ట్రాప్‌ అంశం వెలుగులోకి వచ్చింది. ఫిర్యాదు చేసేందుకు బాధితులెవ రూ రాకపోవడంతో.. ‘సాక్షి’తోపాటు పలు పత్రికల్లో వచ్చిన కథనాలను పోలీసులు సుమోటోగా తీసుకుని విచారణ చేపట్టారు. గద్వాలకు చెందిన తిరుమలేష్‌ అలియాస్‌ మహేశ్వర్‌రెడ్డి ఫోన్‌ నుంచి సదరు ఫొటోలు, వీడియోలు బయటికి వచ్చినట్టు గుర్తించారు. అతడిని విచారించగా.. గద్వాలకే చెందిన నిఖిల్, వినోద్‌ల పాత్ర వెలుగులోకి వచ్చింది. వారి మధ్య విభేదాలు తలెత్తడంతోనే ఒకరికి సంబంధించిన రహస్యాలను మరొకరు బయటపెట్టినట్టు తేలింది. తారుమారు చేశారా? ఈ వ్యవహారానికి సంబంధించి సోమవారం పోలీసులు వెల్లడించిన వివరాలు ప్రజలను ఆశ్చర్యానికి గురిచేశాయి. ‘‘తిరుమలేష్‌ (మహేశ్వర్‌రెడ్డి) ఓ పార్టీలో మద్యంతాగి స్పృహలేకుండా పడిపోయినప్పడు కాశపోగు నిఖిల్‌ అతడి ఫోన్‌లోని మహిళల సెమీ న్యూడ్‌ ఫొటోలు, వీడియోలను చూసి తన మిత్రుడు వినోద్‌కు పంపాడు. వినోద్‌ తన స్నేహితుడైన క్రాంతికి పంపాడు. తిరుమ లేష్, క్రాంతి ఇద్దరు కలిసే తిరుగుతుంటారు. దీనితో తిరుమలేష్‌ గురించి చెప్పేందుకు క్రాంతితోపాటు ఓ కౌన్సిలర్‌ భర్త రంజిత్‌కు పంపాడు’’ అని ఎస్పీ రంజన్‌ రతన్‌ కుమార్‌ వెల్లడించారు. అయితే ఈ కేసును తారుమారు చేశారంటూ వివిధ పార్టీలు, ప్రజాసంఘాల నుంచి విమర్శలు వస్తున్నా యి. కేసులో ఒకరిని తప్పించేందుకు రూ.30లక్షల బేరం కుదిరిందని ముందు నుంచే ఆరోపణలు వినిపిస్తున్నాయి.  ఓ స్టడీ సర్కిల్‌ వేదికగా ట్రాప్‌ ప్రభుత్వం కొన్నినెలల క్రితం ఉద్యోగ ప్రక టనలు విడుదల చేసిన క్రమంలో జిల్లాలో ఓ స్టడీ సర్కిల్‌ను ఏర్పాటు చేశారు. దాన్ని వేదికగా చేసుకుని ఓ ముఠా అమాయక యువతులు, మహిళలకు గాలమేసి ఫొటో లు, న్యూడ్‌ వీడియోలతో బ్లాక్‌ మెయిల్‌కు పాల్పడినట్టు సమాచారం. గత నాలుగైదు నెలల్లో 50మంది వరకు వారిబారిన పడ్డారని.. కానీ పరువు పోతుందనే భయంతో బయటికి చెప్పడం లేదని తెలిసింది. గద్వాలలో మూడు ముఠాలు ఇలా మహిళలను ట్రాప్‌ చేసి, బ్లాక్‌ మెయిలింగ్‌కు పాల్పడుతున్నట్టు ప్రచారం జరుగుతోంది. కాగా గద్వాల వ్యవహారంలో ప్రధాన నిందితులను తప్పించే ప్రయత్నాలు జరుగు తున్నాయని.. కొందరు పోలీసుల çసహకా రం ఉందని వినిపిస్తోందని పాలమూరు అధ్యయన వేదిక జిల్లా కన్వీనర్‌ ఎక్బాల్‌పాషా ఆరోపించారు. దీనిపై సిట్టింగ్‌ జడ్జితో విచారణ జరిపించాలని డిమాండ్‌ చేశారు. సీఐని ఎందుకు బదిలీ చేశారో! ఈ వ్యవహారంలో గద్వాలకు చెందిన ఓ ఎస్సై పాత్ర ఉన్నట్టు ఆరోపణలు వినిపిస్తున్నాయి. ఓ నిందితుడితో సదరు ఎస్సైకి ‘ఖరీదైన’ స్నేహంతోపాటు భాగస్వామ్యం ఉన్నట్టు చెప్తున్నారు. ఈ కోణాల్లో విచారణ చేపట్టామని, ఇప్పటివరకు పోలీసుల పాత్ర ఏమీ తేలలేదని ఎస్పీ మధ్యాహ్నం విలేకరుల సమావేశంలో చెప్పారు. కానీ సాయంత్రమే సదరు ఎస్సైని బదిలీ చేయడంపై జిల్లాలో చర్చ జోరుగా సాగుతోంది.

హైదరాబాద్‌కు చెందిన ఇంజనీరింగ్‌ విద్యార్థి మధుకర్‌ (పేరు మార్చాము)కు ఫేస్‌బుక్‌లోని మెసెంజర్‌ ద్వారా వీడియో కాల్‌ వచ్చింది. ఆన్సర్‌ చేశాడు. వెంటనే అవతలి వైపు నుంచి ఓ చైల్డ్‌ న్యూడ్‌ వీడియో ప్లే అయ్యింది. దాని తర్వాత ఓ యూట్యూబ్‌ లింకు అతని ఫేస్‌బుక్‌ మెసెంజర్‌కు వచ్చింది. అది ఓపెన్‌ చేయగానే తాను వీడియో చూస్తున్నట్టు స్క్రీన్‌ రికార్డు ద్వారా రికార్డు చేసిన వీడియో కన్పించింది. దీనితో కంగారుపడిన మధుకర్‌ మెసెంజర్‌లో అవతలి వైపు ఉన్న సైబర్‌ నేరస్తుడితో చాట్‌ చేస్తూ వీడియో తీసెయ్యాలని బతిమిలాడాడు. రూ.5 వేలు పంపిస్తే తీసేస్తామని బెదిరింపులకు దిగడంతో ఫోన్‌ పే ద్వారా ఒక నంబర్‌కు పంపాడు, అలా మొదలైన బ్లాక్‌మెయిలింగ్‌ రూ.1.2 లక్షలకు చేరడంతో చివరకు వాళ్ల అన్నకు విషయం చెప్పాడు. పోలీస్‌స్టేషన్‌కు వెళ్లి ఫిర్యాదు చేయడంతో ఆ వీడియో లింకును యూట్యూబ్‌ నుంచి తొలగించారు.   సాక్షి, హైదరాబాద్‌: టీనేజర్ల బలహీనత సైబర్‌ నేరస్తులకు కాసుల వర్షం కురిపిస్తోంది. సైబర్‌ నేరగాళ్లు వారిని లక్ష్యంగా చేసుకొని అశ్లీల వీడియోల ఆధారంగా బ్లాక్‌మెయిలింగ్‌కు పాల్పడుతున్నారు. దేశంలో ప్రతి ఏటా నమోదవుతున్న సైబర్‌ నేరాల్లో ఈ తరహా పోర్నోగ్రఫీ బ్లాక్‌ మెయిలింగ్‌ కేసుల సంఖ్య పెరుగుతూ ఉండటం ఆందోళన కలిగిస్తోంది. ముఖ్యంగా ఇంటర్, ఇంజనీరింగ్, డిగ్రీ చదువుతున్న విద్యార్థులను టార్గెట్‌ చేసుకుని సైబర్‌ నేరగాళ్లు వల వేస్తున్నారు. ఫేస్‌బుక్, వాట్సాప్, ఇన్‌స్టా, టిండర్, టెలిగ్రామ్‌ తదితర సోషల్‌ నెట్‌వర్క్, సోషల్‌ మీడియా ప్లాట్‌ఫామ్‌ల ద్వారా పోర్నోగ్రఫీ వీడియోలు, న్యూడ్‌ వీడియో కాల్‌లతో మోసం చేస్తూ డబ్బులు దండుకుంటున్నారు. దేశంలో ఇలాంటి కేసులు ఏటా 3 లక్షలు దాటిపోతున్నాయంటే ఏ స్థాయిలో సైబర్‌ నేరగాళ్లు దండుకుంటున్నారో అర్థమవుతోంది. మధుకర్‌ విషయంలో అన్న సహాయం చేశాడు కాబట్టి బయటపడ్డాడు. కానీ ఇదే పరిస్థితి ఎదుర్కొంటున్న మిగతా టీనేజీ పిల్లల మాటేమిటి? సైబర్‌ నేరస్తుల బెదిరింపులతో ఆత్మహత్యే శరణ్యమనుకున్న ఘటనలు కూడా ఉన్నాయని నిపుణులు చెబుతున్నారు.   ఒకే ఏడాదిలో 3.8 లక్షల కేసులు  ఒక్క 2021 (కరోనా సమయం)లోనే ఈ తరహా కేసులు 3.8 లక్షలు నమోదయినట్టు కేంద్ర హోంశాఖ నేతృత్వంలోని నేషనల్‌ క్రైమ్‌ రికార్డ్స్‌ బ్యూరో వెల్లడించింది. తెలంగాణ, మహారాష్ట్ర, కర్ణాటకతో పాటు రాజస్తాన్, బిహార్, ఉత్తర్‌ప్రదేశ్‌ వంటి రాష్ట్రాల నుంచి ఇలాంటి నెట్‌వర్క్‌ను సైబర్‌ మాఫియా నడిపిస్తోందని దర్యాప్తు విభాగాల ద్వారా బయటపడింది. 2021లో ఢిల్లీ పోలీసులు ఈ తరహా బెదిరింపులకు పాల్పడుతున్న 70 మంది ముఠాను అరెస్టు చేశారు. మరోవైపు సైబరాబాద్, హైదరాబాద్‌ సైబర్‌ క్రైమ్‌ పోలీస్‌స్టేషన్లలోనూ కుప్పలుతెప్పలుగా ఇలాంటి కేసులు నమోదవుతున్నాయి.  పిల్లల్ని ప్రతిక్షణం గమనించాలి  టీనేజ్‌లో ఉన్న పిల్లలను తల్లిదండ్రులు ప్రతిక్షణం గమనించాలని, రాత్రి వేళల్లో సోషల్‌ నెట్‌వర్కింగ్‌ సైట్లలో ఉండకుండా చూసుకోవాలని రాష్ట్ర పోలీసులు సూచిస్తున్నారు. యుక్తవయస్సులో పిల్లలు దారితప్పితే ప్రమాదమని పేర్కొంటున్నారు. చిక్కుల్లో పడినప్పుడు చెప్పుకోవడానికి జంకుతారని, అందుకే అవగాహన కార్యక్రమాలు నిర్వహిస్తూ అప్రమత్తం చేస్తున్నట్టు తెలిపారు. ఇప్పటికే రాష్ట్ర మహిళా భద్రతా విభాగం ఆధ్వర్యంలో రాష్ట్ర వ్యాప్తంగా కాలేజీలు, పాఠశాలల్లో వేలాది మందిని సైబర్‌ వారియర్స్‌గా ఏర్పాటు చేసినట్టు ఉన్నతాధికారులు తెలిపారు. సైబర్‌ నేరాలు జరుగుతున్న తీరును వారు వివరిస్తున్నట్టు చెప్పారు.  వల ఇలా..  టార్గెట్‌ చేసిన వ్యక్తికి సైబర్‌ నేరగాళ్లు ముందుగా ఫేస్‌బుక్‌లో ఫ్రెండ్‌ రిక్వెస్ట్‌ పెడతారు. అమ్మాయి పేరుతో ఫేక్‌ ఐడీ, ఫోటో నకిలీది పెట్టి ఎదుటి వ్యక్తిని బోల్తా కొట్టిస్తారు. ఫ్రెండ్‌ రిక్వెస్ట్‌ను యాక్సెప్ట్‌ చేయగానే మెల్లిగా చాట్‌లోకి లాగుతారు. అలా మొదలైన చాటింగ్‌ కాస్తా మొబైల్‌ నంబర్లు ఇచ్చి పుచ్చుకునే వరకు వెళ్తుంది. ఆ తర్వాత వాట్సాప్‌ చాట్‌లో పర్సనల్‌ ఇన్‌ఫర్మేషన్‌ షేర్‌ చేసుకునేలా చేస్తారు. అడల్డ్‌ కంటెంట్, న్యూడ్‌ చాట్‌ చేసుకునే వరకు తీసుకువస్తారు. ఇక్కడి నుంచే అసలు కథ మొదలవుతుంది.   చాట్‌ కాస్త వీడియో కాల్స్‌లోకి వెళ్లగానే ఓ న్యూడ్‌ వీడియోను వాట్సాప్‌ కాల్‌లో లైవ్‌లో చిత్రీకరించి ఎదుటి వ్యక్తిని సైతం న్యూడ్‌చాట్‌లోకి తీసుకువస్తారు. ఈ మొత్తం కాల్‌ని రికార్డు చేసి తర్వాత అదే వ్యక్తి వాట్సాప్‌కు వీడియో షేర్‌ చేస్తారు.   ఇలా షేర్‌ చేసిన వీడియోతో బెదిరింపులు ప్రారంభిస్తారు. డబ్బులివ్వకపోతే యూట్యూబ్‌లో పెడతామంటారు. యువతులను బెదిరించి న్యూడ్‌ వీడియోలు తీసి అమ్ముకుంటున్నట్టుగా ప్రచారం చేస్తామని బెదిరింపులకు దిగుతున్నట్టు సైబర్‌ నిపుణులు వెల్లడించారు.   ఈ తరహా కాల్స్‌లో 90 శాతం రాత్రి 9 గంటల నుంచి అర్ధరాత్రి 1 గంట మధ్య జరుగుతున్నవేనని తెలిపారు.   

సాక్షి, హైదరాబాద్‌: రెండు రోజుల క్రితం ఇన్‌స్టాగ్రామ్‌లో పరిచయమైన యువతి న్యూడ్‌ వీడియోను సోషల్‌ మీడియాలో పెడతానంటూ బెదిరింపులకు పాల్పడిన ఘటన గచ్చిబౌలి పోలీస్‌స్టేషన్‌ పరిధిలో చోటు చేసుకుంది. ఇన్‌స్పెక్టర్‌ సురేష్‌ తెలిపిన వివరాలు ఇలా ఉన్నాయి. ఐసీఐసీఐ బ్యాంక్‌లో పనిచేసే ఓ ఉద్యోగి గచ్చిబౌలిలోని డీఎల్‌ఎఫ్‌ సమీపంలోని హాస్టల్‌లో నివాసముంటున్నాడు. రెండు రోజుల క్రితం ఇన్‌స్టా‍గ్రామ్‌లో ఓ యువతితో పరిచయం అయింది. ఈ క్రమంలో వీడియో కాల్‌ మాట్లాడిన యువతి కాల్‌ను రికార్డు చేసి రూ.10వేలు పంపాలని లేకపోతే దాన్ని న్యూడ్‌ వీడియోగా మార్చి సోషల్‌ మీడియాలో పెట్టడమే కాకుండా ఫ్రెండ్స్‌ అందరికీ పంపిస్తానని డిమాండ్‌ చేసిందని గచ్చిబౌలి పోలీస్‌స్టేషన్‌లో ఆయన ఫిర్యాదు చేశారు. డబ్బులు పంపితే వీడియోకాల్‌ను డిలీట్‌ చేస్తానని స్పష్టం చేసిందని ఫిర్యాదులో పేర్కొన్నారు. కాగా ఆ యువతి న్యూడ్‌ కాల్స్‌ పేరుతో యువకులను ట్రాప్‌ చేస్తున్నట్లు తెలిసింది. ఈ మేరకు పోలీసులు కేసు నమోదు చేసుకొని దర్యాప్తు ప్రారంభించారు. చదవండి: ‘నా డెత్‌ సర్టిఫికెట్‌ పొగొట్టుకున్నాను’.. వైరలవుతోన్న పేపర్‌ యాడ్‌

సాక్షి, కామారెడ్డి: అపరిచిత మహిళల ఫోన్‌ కాల్స్‌ విషయంలో కొందరు చేస్తున్న ‘తప్పు’టడుగులు వారిని ఇబ్బందుల్లోకి నెడుతున్నాయి. ముందువెన కా ఆలోచించకుండా అపరిచిత మహిళలతో జరిపే సంభాషణలు దారితప్పి వారి మెడకే చుట్టుకుంటున్నాయి. కైపెక్కించే మాయ మాటలతో మాయలేడీలు విసురుతున్న వలలో చిక్కి ఇబ్బందులు పడుతున్నారు. ఇటీవలి కాలంలో జిల్లాలో పలువురు వలపు వలలో పడి మానసిక ఆందోళనకు గురవుతున్నారు. చదవండి: వివాహేతర సంబంధం.. ఇంట్లో సహజీవనం చేస్తున్న వ్యక్తితో కనిపించడంతో.. తెలిసీ తప్పు చేశామని తరువాత బాధపడుతున్నారు. విషయం ఎవరికీ చెప్పుకోలేక, బయటకు పొక్కితే పరువు ఎక్కడ పోతుందోనన్న ఆందోళనతో మనోవ్యధకు గురవుతున్నారు. భిక్క నూరులో ప్రభుత్వ ఉద్యోగి ఒకరు వలపు వలలో పడిన విషయంలో ‘సాక్షి’లో ప్రచురితమైన కథనం సంచలనం కలిగించింది. ఇటీవల జిల్లాలో జరిగిన పలు ఘటనలను పలువురు ‘సాక్షి’కి వివరించారు. జిల్లా కేంద్రానికి చెందిన ఓ ఉద్యోగి కూడా వలపు వలలో పడి ఇబ్బందులపాలయ్యాడు. చాలా డబ్బు లు పోగొట్టుకున్నానని బాధితుడు ‘సాక్షి’కి వివరించాడు. ఎల్లారెడ్డికి చెందిన ఓ ప్రైవేటు ఉద్యోగి కూడా ఓ తల్లీకూతురు వలపు వలలో చిక్కి ఆర్థికంగా చితికిపోయాడు. వీడియోకాల్స్‌తో తల్లీ కూ తురు న్యూడ్‌గా లైవ్‌లో కనబడడం, దానికి సదరు వ్యక్తి కూడా న్యూడ్‌గా మారి వాళ్లు ఆన్‌లైన్‌లో డబ్బు లు పంపమని కోరినపుడల్లా పంపాల్సి వచ్చింది. వేల రూపాయలు వారికి చెల్లించాడు. అప్పట్లో కామారెడ్డి పట్టణంలోని కాకతీయనగర్‌లో నివసించే ఓ గ్రామ స్థాయి ప్రజాప్రతినిధి మాయలేడీల వలలో పడి ఇబ్బందులు పడిన విషయం ‘సాక్షి’ పాఠకులకు విధితమే. వీడియోకాల్‌తో కైపెక్కిస్తున్నారు..  వారం, పది రోజులు మాట్లాడిన మాయలేడీలు ఓ సారి వీడియోకాల్‌ చేయండి సార్‌ అంటారు. ఇంకేముంది మనోడు ఆ మాయలో పడి వీడియో కాల్‌ చేయడం, ఆమెను చూసి చొంగచార్చుకోవడం జరుగుతోంది. రోజూ ఒకటి, రెండు సార్లు వీడియో కాల్‌ చేస్తూ మరింత దగ్గరవుతున్నారు. భార్య, సెక్స్‌ విషయాలను ఓపెన్‌గా మాట్లాడుతూ ‘నేను నచ్చా నా’ అంటూ మొదలవుతుంది. వీడియో కాల్‌లో ఉండగానే న్యూడ్‌గా మారుతున్నారు. దీంతో మగవాళ్లు కూడా ఆ మత్తులో న్యూడ్‌ అవుతున్నారు.  ఎంతోమంది బాధితులు..  మాయలేడీలు విసురుతున్న వలలో చిక్కి ఎంతో మంది ఇబ్బందులు పడుతున్నారు. నమ్మించే మాటలతో, కైపెక్కించే వలపులతో వలలో వేసుకుని ఆర్థికంగా, మానసికంగా ఇబ్బంది పెడుతున్నారు. జిల్లాలో చాలామంది ఇలా మోసపోతూనే ఉన్నారు. కొందరైతే తెలిసి మరీ మోసపోతున్నారు. అయితే తమకు జరిగిన ఇబ్బందిని బయటకు చెప్పుకుంటే పరువు పోతుందని వెనకడుగు వేస్తున్నారు. మాయలేడీల వలలో పడకుండా జాగ్రత్త పడాల్సిన అవసరం ఉంది. తియ్యటి మాటలతో స్నేహం  అపరిచిత మహిళలు ఫోన్‌ చేసి ‘సార్‌’ అంటూ తియ్యగా మాట్లాడతారు. ఎవరు అని ప్రశ్నిస్తే మేం వేరే వాళ్లకు కాల్‌ చేశామని, పొరపాటున మీ కు వచ్చిందంటూ సారీ చెబుతారు. పరవాలేదని అంటే చాలు ‘మీ పేరు, మీ ఊరు సార్, ఏం చేస్తారు సార్‌’ అంటూ మాటలు కలుపుతారు. ఆడగొంతు, ఆపై తియ్యగా మాట్లాడడంతో సహజంగా మగవాళ్లు వాళ్లతో మాట కలపడం, ఇదే అదనుగా అపరిచిత మహిళ మరింత దగ్గరయ్యే ప్రయత్నం చేస్తుంది. రోజూ కాల్‌ చేసి ఏదో మాట్లాడుతూ టైంపాస్‌ చేయడం ద్వారా, ఆమె ఫోన్‌ కోసం ఎదురుచూసే పరిస్థితిని తీసుకువస్తున్నారు. వీడియో కాల్‌ రికార్డులు పంపి బ్లాక్‌ మెయిలింగ్‌..  పది, పదిహేను రోజులుగా ఫోన్‌కాల్‌ ఆ తరు వాత వీడియో కాల్స్‌ ద్వారా దగ్గరైన మహిళలు న్యూడ్‌ వీడియోలను రికార్డు చేసి, వాటిని వాట్సాప్‌కు పంపుతున్నారు. ఆ వీడియోలను చూసి మనోళ్లు షాక్‌ అవ్వాల్సిందే. వీడియో క్లిప్పింగులు పంపి, డబ్బులు డిమాండ్‌ చేస్తున్నా రు. అడిగినన్ని డబ్బులు ఇవ్వకపోతే సోషల్‌ మీ డియాలో వైరల్‌ చేస్తామంటూ బ్లాక్‌ మెయిలింగ్‌కు దిగుతున్నారు. కొందరు బతిమాలుకుని ఎంతో కొంత డబ్బు అప్పగించి క్లోజ్‌ చేసుకుంటుండగా, డబ్బులు ఇవ్వని వారిని మానసికంగా వేధిస్తున్నారు.  

బనశంకరి(బెంగళూరు): సోషల్‌ మీడియాలో యువతి వలలో పడిన వ్యక్తి డబ్బు పోగొట్టుకుని ఇబ్బందుల్లో పడిన ఘటన ఉద్యాననగరిలో చోటుచేసుకుంది. ఒక యువకునికి వాట్సప్‌ ద్వారా యువతితో చనువు పెరిగి నగ్నంగా వీడియో కాల్‌ చేయగా, అమ్మాయి రికార్డు చేసి బ్లాక్‌మెయిలింగ్‌కు పాల్పడింది. పలుమార్లు డబ్బు ఇచ్చిన బాధితుడు, చివరకు డబ్బులు లేవని చేతులెత్తేశాడు. దీంతో మరికొందరు దుండగులు అతనికి కాల్‌ చేసి నీతో వీడియో కాల్స్‌ మాట్లాడిన యువతి చనిపోయింది, అందుకు నీవే కారణం అని బెదిరించడం మొదలుపెట్టారు. నీపై సీబీఐలో కేసు నమోదైందని చెప్పారు. ఒక జాబితా తీసుకుని అందులో అతనిపేరును చేర్చి పంపించారు. ఇలా దశలవారీగా అతడి నుంచి రూ.5 లక్షలకు పైగా డబ్బు  వసూలు చేశారు. వారి వేధింపులతో విరక్తిచెందిన బాధితుడు స్నేహితులతో కలిసి ఆగ్నేయ విభాగం సైబర్‌పోలీస్‌స్టేషన్‌లో ఫిర్యాదు చేశాడు. యువతి, మోసగాళ్ల ముఠా కోసం పోలీసులు గాలింపు చేపట్టారు. చదవండి: లోకేష్‌తో ప్రేమ పెళ్లి.. అత్తారింటికి వెళ్లి... భార్యను ఇంటికి తీసుకెళ్తానని చెప్పి..

మైసూరు: యువతులను ప్రేమించినట్లు నటించి లైంగికంగా దగ్గరై నగ్న దృశ్యాలను వీడియో తీసి డబ్బు కోసం బ్లాక్‌మెయిల్‌ చేస్తున్న వంచకుడిని పోలీసులు కటకటాల్లోకి నెట్టారు. మైసూరు జిల్లా నంజనగూడు తాలూకా బసవటిక గ్రామానికి చెందిన గురుసిద్దప్ప కుమారుడు బీ.జీ. శివప్రకాశ్‌.. గూగుల్‌ మీట్, ఫేస్‌బుక్‌ద్వారా యువతులకు రిక్వెస్ట్‌ పెట్టి పరిచయం పెంచుకొని ప్రేమిస్తున్నట్లు నటించేవాడు. అనంతరం పెళ్లి చేసుకుంటానని నమ్మించి వాంఛలు తీర్చుకునేవాడు. ఆ సమయంలో యువతులకు తెలియకుండా వీడియోలు తీసేవాడు. డబ్బు ఇవ్వకపోతే నగ్న దృశ్యాలను సామాజిక మాధ్యమాల్లో వైరల్‌ చేస్తానని బెదిరించేవాడు. బాధిత యువతులు ఇచ్చిన ఫిర్యాదుతో మైసూరు నగర మహిళా పోలీసులు నిందితుడిని అరెస్ట్‌ చేశారు.  చదవండి: (ప్రియురాలికి హాయ్‌ చెప్పాడని.. మరోసారి వీడు నీ జోలికి రాడంటూ) 

న్యూఢిల్లీ: కొన్ని నేరాలు చూస్తే ఎవర్ని నమ్మాలి అనే సందేహం కలుగుతుంది. చిన్నపిల్లల దగ్గర్నుంచి పెద్దవాళ్ల వరకు తమ బంధువులు లేదా పరిచయమున్న వ్యక్తుల చేతిలోనే మోసపోవడం లేదా వేధింపులకు గురవడం వంటివి జరుగుతుండటం బాధకరం. అచ్చం అలాంటి ఘటనే ఢిల్లీలో చోటు చేసుకుంది. అసలు విషయంలోకెళ్తే...ఢిల్లీలో ఎంబీఏ విద్యార్థి ఫినైల్‌ సేవించి ఆత్మహత్యా యత్నానికి పాల్పడ్డాడు. పోలీసులు తెలిపిన కథనం ప్రకారం..."ఆ ఎంబీఏ విద్యార్థితో ఒక నిందితుడు పథకంలో భాగంగా సన్నిహితంగా ఉన్నాడు. ఈ క్రమంలో ఆ నిందితుడు అతన్ని అక్టోబర్‌ 23, 2020న కిడ్నాప్‌ చేసి గదికి తీసుకెళ్లారు. అంతేకాదు తుపాకీ వీడియోతో నగ్న వీడియోల తోపాటు తుపాకీ, గంజాయి, పిస్టల్‌ని పట్టుకుని ఉన్న వీడియోలను కూడా తీశారు. ఈ మేరకు ఆ నిందుతుడు తప్పుడు కేసులో ఇరికిస్తానంటూ ఆ విద్యార్థిని బెదిరించి రూ. 20 లక్షలు డిమాండ్‌ చేశారు. దీంతో ఆ విద్యార్థి కుటుంబం రూ.5 లక్షలు చెల్లించింది. అయినప్పటికీ ఆ నిందితుడి ఆ విద్యార్థి నగ్న వీడియోలను అతని కాలనీలోని వాళ్లకు, బంధువులకు పంపిచాడు. మళ్లీ ఫిబ్రవరి 1న ఫోన్‌ చేసి డబ్బు ఇవ్వాలంటూ బెదిరించడం మొదలు పెట్టాడు. ఇక ఆ విద్యార్థి వేధింపులు తట్టుకోలేక పోలీసులకు ఫిర్యాదు చేశాడు. ఈ క్రమంలో ధర్మపాల్‌ అనే కానిస్టేబుల్‌ కూడా ఆ విద్యార్థిని బెదిరించడం ‌మొదలు పెట్టాడు. దీంతో ఆ విద్యార్థి మనస్తాపం చెంది ఆ విద్యార్థి ఫినైల్‌ తాగి ఆత్మహత్యాయత్నానికి పాల్పడ్డాడు." అని పోలీసులు చెప్పారు. ఈ మేరకు పోలీసులు ఈ ఘటనకు ప్రధాన కారకుడైన నిందుతుడిని అరెస్టు చేయడమే కాక ఇతర నిందుతుల ఆచూకి కోసం విచారించడం ప్రారంభించారు. అంతేగాక ఆ విద్యార్థి కుటుంబాన్ని కలిసి నిందుతులు పట్టుకుని అరెస్ట్‌ చేయడమే కాక సదరు కానిస్టేబుల్‌ పై కూడా కఠిన చర్యలు తీసుకుంటామని హామీ ఇచ్చారు. (చదవండి: హెల్మెట్‌ ధరించమని అన్నందుకే దారుణంగా కొట్టి, జీప్‌ ఎక్కించి....)

సాక్షి, బంజారాహిల్స్‌: జూబ్లీహిల్స్‌లోని ఓ షోరూమ్‌లోని ట్రయల్‌ రూమ్‌లో దుస్తులు మార్చుకుంటున్న యువతిని ఇద్దరు యువకులు మరో ట్రయల్‌ రూమ్‌ లోంచి వీడియో తీశారు.గమనించిన యువతి పోలీసులకు ఫిర్యాదు చేసింది. హెచ్‌ అండ్‌ ఎం దుస్తుల షోరూంకు ఈనెల 4వ తేదీన ఓ యువతి దుస్తులు కొనేందుకు వచ్చింది. అదే షోరూమ్‌కు కల్యాణ్‌నగర్‌ ఫేజ్‌–1 అమూల్య రెసిడెన్సిలో నివసించే కిరీట్‌ అసాట్‌(24), వెంగళరావునగర్‌లోని క్రిస్టల్‌ అవెన్యూ అపార్ట్‌మెంట్స్‌లో నివసించే రియల్‌ ఎస్టేట్‌ వ్యాపారి కె.వేణుగోపాల్‌రావు కుమారుడు కన్నెగంటి గౌరవ్‌ కల్యాణ్‌(19) వెళ్లారు. (చదవండి: జూబ్లీహిల్స్‌: ఫుడ్‌కోర్ట్‌ టాయిలెట్‌లో సెల్‌ఫోన్‌ పెట్టి.. వీడియోలు రికార్డింగ్‌) ఆమె ట్రయల్‌ రూమ్‌కు వెళ్లగా నే అనుసరించి మరో ట్రయల్‌రూమ్‌లోకి వెళ్లి ఆమె డ్రస్‌ మార్చుకుంటుండగా వీడియోలు తీశారు. గమనించిన ఆమె పెద్దలగా కేకలు వేసి అప్రమత్తం చేసింది. అక్కడే ఉన్న వారు యువకులను సిబ్బంది పట్టుకున్నారు. ఆమె వెంటనే  పోలీసులకు సమాచారం ఇచ్చింది. భద్రతా చర్యలు తీసుకోవడంలో విఫలమైన మేనేజర్‌ అమన్‌సూరిపై కూడా జూబ్లీహిల్స్‌ పోలీసులు కేసు నమోదు చేశారు. కిరీట్, గౌరవ్‌కల్యాణ్‌లను అరెస్ట్‌ చేసి రిమాండ్‌కు తరలించారు.    (చదవండి: జూబ్లీహిల్స్‌: కోట్ల విలువైన ఇంటిని అమ్ముతానని నమ్మించి.. చివరికి!) చదవండి: ‘ఆమె’గా వల.. న్యూడ్‌ వీడియోలతో బ్లాక్‌మెయిల్‌

లక్నో: ప్రస్తుత స్మార్ట్‌ యుగంలో ప్రతి ఒక్కరు సోషల్‌ మీడియాలో యాక్టివ్‌గా ఉంటున్నారు. ఈ క్రమంలో  చాలా మంది తమకు తెలియని వారితో  ఫేస్‌బుక్‌, ఇన్‌స్టాలో చాటింగ్‌ చేస్తున్నారు. ఆ తర్వాత స్నేహం పేరుతో తమ నంబర్లను మార్చుకుంటున్నారు. కొత్తలో బాగా ఉన్నా.. ఆతర్వాత కొందరు మోసగాళ్ల బారినపడి బ్లాక్‌ మెయిలింగ్‌కు గురౌతున్నారు.  ప్రస్తుతం ఇలాంటి సంఘటనలు ప్రతిరోజు జరుగుతూనే ఉన్నాయి. ఇలాంటి సంఘటన తాజాగా.. ఉత్తర ప్రదేశ్‌లో చోటుచేసుకుంది. పోలీసులు తెలిపిన వివరాలు.. యూపీకి చెందిన 23 ఏళ్ల యువకుడు ఫేస్‌బుక్‌, ఇన్‌స్టాలలో అనేక నకిలీ ప్రొఫైల్స్‌ను క్రియేట్‌ చేశాడు.  ఆ తర్వాత అనేక మంది యువతులకు రిక్వెస్ట్‌ పేట్టేవాడు. తాను ఒక ఎన్‌ఆర్‌ఐకు చెందిన యువతి అని, కెనడాలో ఉంటానని చెప్పుకునే వాడు. అతగాడి మెసెజ్‌కు రిప్లై ఇచ్చిన వారితో కొన్నిరోజులు చాటింగ్‌ చేసేవాడు. ఆ తర్వాత అవతలి అమ్మాయికి తన నకిలీ అశ్లీల ఫోటోలు, వీడియోలు పంపేవాడు. అంతటితో ఆగకుండా నువ్వుకూడా నీ న్యూడ్‌ ఫోటోలు, వీడియోలను పంపాలని కోరేవాడు. ఈ క్రమంలో అతగాడి మాయలో పడిన కొందరు వారి ఫోటోలు పంపగానే తన అసలు రంగును బయటపేట్టేవాడు. వారిని డబ్బులు ఇవ్వాలని బ్లాక్‌ మెయిలింగ్‌కు పాల్పడేవాడు. అడిగినంతా డబ్బు ఇవ్వకపోతే ఫోటోలను,  వీడియోలను సోషల్‌ మీడియాలో వైరల్‌ చేస్తానని బెదిరించేవాడు. ఈ క్రమంలో ఆ దుర్మార్గుడికి 15 ఏళ్ల బాలిక ఇన్‌స్టాలో పరిచయం అయ్యింది. ఆమెను ఇలాగే వేధింపులకు పాల్పడ్డాడు. అయితే, సదరు యువతి తన తల్లిదండ్రులకు చెప్పడంతో ఈ బాగోతం వెలుగులోకి వచ్చింది. వారు వెంటనే యూపీలోని స్థానిక పోలీసు స్టేషన్‌లో ఫిర్యాదు చేశారు.  ఈ మేరకు కేసు నమోదు చేసుకొని.. సాంకేతిక పరిజ్ఞానంతో నిందితుడిని అదుపులోకి తీసుకొని దర్యాప్తు చేపట్టినట్లు పోలీసులు తెలిపారు.    చదవండి: మైనర్‌ బాలికకు మాయమాటలు చెప్పి.. ఐదుగురు కలిసి ఇంట్లో బంధించి..

పొన్నూరు(గుంటూరు జిల్లా): ఓ వివాహిత స్నానం చేస్తుండగా కొంత మంది బంధువులు వీడియో తీశారు. ఆ వీడియో బయటపెట్టకుండా ఉండాలంటే డబ్బులు ఇవ్వాలంటూ బ్లాక్‌ మెయిల్‌ చేశారు. రూ.లక్షల్లో ఇచ్చినా ఇంకా కావాలంటూ డిమాండ్‌ చేశారు. చనిపోవాలంటూ ప్రేరేపించారు. ఈ వేధింపులు తాళలేక ఆమె నిద్రమాత్రలు మింగి ఆత్మహత్య చేసుకుంది. ఆత్మహత్యకు ముందు సెల్ఫీ వీడియోతీసి అందులో వేధింపుల వైనాన్ని వివరించింది. మృతురాలి బంధువులు, పోలీసుల కథనం మేరకు.. పొన్నూరు 17వ వార్డులో నివసించే బలిమిడి లక్ష్మీతిరుపతమ్మ (32) ఈ నెల ఒకటో తేదీన ఇంట్లో నిద్రమాత్రలు మింగి ఆత్మహత్యకు యత్నించింది. పనికి వెళ్లిన భర్త శ్రీనివాసరావు ఇంటికి వచ్చినా భార్య ఎంతసేపటికీ ఇంటి తలుపులు తీయకపోవడంతో అతను అత్తమామలు, బంధువులకు ఫోన్‌ ద్వారా సమాచారం ఇచ్చారు. అందరూ కలిసి తలుపులు పగలగొట్టి ఆమెను బయటికి తీసుకొచ్చి పట్టణంలోని ఓ ప్రైవేటు వైద్యశాలకు తరలించారు. వైద్యులు చికిత్స చేశాక స్పృహలోకి వచ్చిన ఆమె తన ఆత్మహత్యకు గల కారణాలను కుటుంబ సభ్యులకు తెలిపింది. అన్ని వివరాలతో ఫోన్‌లో వీడియో తీసి ఉంచానని, చూడాలని చెప్పింది. ఫోన్‌లో వీడియో చూడగా.. లక్ష్మీతిరుపతమ్మ స్నానం చేస్తుండగా బంధువులు కొందరు నగ్నంగా వీడియో తీసి బ్లాక్‌ మెయిల్‌ చేస్తున్నారని ఉంది. వారికి రూ.లక్షల్లో ఇచ్చానని, ఇంకా కావాలని బ్లాక్‌మెయిల్‌ చేస్తున్నారని, చనిపోవాలని ప్రేరేపిస్తున్నారని, అడిగినంత డబ్బు తమకు ఇవ్వకుంటే వీడియోలు బయటపెడతామని బెదిరిస్తున్నారని ఆవేదన వ్యక్తం చేసింది. చికిత్స పొందుతూ పరిస్థితి విషమించి లక్ష్మీతిరుపతమ్మ ఆదివారం మృతిచెందింది. తన భార్య మృతికి కారణమైన అన్నావారి శ్రీనివాసరావు, కొంకిపూడి సురేష్, నాగలక్ష్మి, సూర్యారెడ్డి, హరీష్‌, కొంకిపూడి లక్ష్మీ తిరుపతమ్మపై చట్టపరమైన చర్యలు తీసుకొని న్యాయం చేయాలని పోలీసులకు శ్రీనివాసరావు ఫిర్యాదు చేశాడు. ఈ కేసు దర్యాప్తు చేస్తున్నామని సీఐ శరత్‌బాబు చెప్పారు. నిడుబ్రోలు ప్రభుత్వ వైద్యశాలను పరిశీలించేందుకు సోమవారం వచ్చిన కలెక్టర్‌ వివేక్‌ యాదవ్‌ను లక్ష్మీ తిరుపతమ్మ భర్త, బంధువులు కలసి న్యాయం చేయాలని కోరారు. చదవండి: అనుమానం; ఎలాగైన భార్యను చంపేయాలని పక్కా ప్లాన్‌తో! కోవిడ్‌ సెంటర్లలో రెచ్చిపోతున్న కామాంధులు

సాక్షి, సిటీబ్యూరో: ఫేస్‌బుక్‌తో వల వేసి.. వాట్సాప్‌ ద్వారా వీడియో కాల్స్‌ చేసి.. స్క్రీన్‌ రికార్డింగ్‌తో న్యూడ్‌ వీడియోలు రికార్డు చేసి.. అందినకాడికి దండుకునే ముఠాలు నానాటికీ రెచ్చిపోతున్నా యి. సెక్స్‌టార్షన్‌గా పిలిచే ఈ నేరాలకు సంబంధి చి నగర సైబర్‌ క్రైమ్‌ ఠాణాకు దాదాపు ప్రతి రెండు రోజులకు ఓ ఫిర్యాదు వస్తోంది. తాజాగా ఇలాంటి గ్యాంగ్‌ వల్లో పడి రూ.10 లక్షలు నష్టపోయిన తార్నాకకు చెందిన ఈవెంట్‌ మేనేజర్‌ శుక్ర వారం ఏసీపీ కేవీఎం ప్రసాద్‌కు ఫిర్యాదు చేశారు. ఆయన ఆదేశాల మేరకు కేసు నమోదు చేసుకున్న అధికారులు దర్యాప్తు ప్రారంభించారు. తార్నాక ప్రాంతానికి చెందిన ఈవెంట్‌ మేనేజర్‌కు కొన్నాళ్ల క్రితం ఓ యువతి పేరుతో ఉన్న ఫేస్‌బుక్‌ ఖాతా నుంచి ఫ్రెండ్‌ రిక్వెస్ట్‌ వచ్చింది. దీన్ని ఆయన యాక్సెప్ట్‌ చేయడంతో ‘ఆమె’ ఫ్రెండ్‌గా మారిపోయింది. కొన్నాళ్ల పాటు సదరు ‘యువతి’ మెసెంజర్‌లో చాటింగ్‌ చేసింది. ఆ తర్వాత సెక్స్‌ చాటింగ్‌ మొదలు పెట్టి వాట్సాప్‌ నెంబర్‌ తీసుకుంది. ఇంటర్‌నెట్‌ సంగ్రహించిన అర్ధనగ్న, నగ్న వీడియోలను సైబర్‌ నేరగాళ్లు ప్రత్యేక యాప్స్‌ ద్వారా తమ ఫోన్‌లో ఉంచి నగరవాసికి ప్లే చేసి చూపా రు. దీంతో ఇతగాడికి ఆ ‘యువతి’ తనతో మాట్లాడుతూ నగ్నంగా మారిన భావన కలిగింది. దీంతో అతను పూర్తిగా సైబర్‌ నేరగాళ్ల వల్లో పడిపోయాడు. ఇలా ఒకటిరెండు సార్లు వీడియోలు చూపించిన సైబర్‌ నేరగాళ్లు ఆపై మాటల్లో దింపి నగర ఈవెంట్‌ మేనేజర్‌ సైతం అలానే చేసేలా చేశారు. ఈ దృశ్యాలను స్క్రీన్‌ రికార్డింగ్‌ యాప్స్‌ ద్వారా రికా ర్డు చేశారు. వీటిని యూట్యూబ్‌ చానల్‌లో ఉంచిన లింకుల్ని బాధితుడికి పంపారు. ఇవి చూసి కంగుతిన్న అతగాడు తొలగించాలంటూ కోరాడు. దీనికి రూ.10 లక్షలు చెల్లించాలని సైబర్‌ నేరగాళ్లు షరతు విధించారు. తప్పనిసరి పరిస్థితుల్లో ఆయన నేరగాళ్లు చెప్పిన ఖాతాల్లోకి ఆ మొత్తం బదిలీ చేశారు. ఆపై కొన్ని రోజులకు మరికొంత మొత్తం కావాలంటూ వేధింపులు మొదలయ్యాయి. దీంతో బాధితుడు శుక్రవారం సిటీ సైబర్‌ క్రైమ్‌ ఠాణాలో ఫిర్యాదు చేయడంతో కేసు నమోదైంది.   చదవండి: మీటింగ్‌...డేటింగ్‌.. చీటింగ్‌ 

సాక్షి, గుంటూరు: భార్య నగ్న చిత్రాలను యూట్యూబ్‌లో ఉంచి సొమ్ము చేసుకుంటున్న వికృత భర్తను దిశ పోలీసులు అరెస్టు చేశారు. బాధితురాలి ఫిర్యాదుతో ఆకృత్యాలు వెలుగులోకి వచ్చాయి. యూట్యూబ్‌లో డార్లింగ్‌ పేరుతో వీడియోలను ఉంచి యువతను ఆకర్షిస్తున్న ఘటన వెలుగులోకి వచ్చింది. నిందితుడిని అరెస్టు చేసి అతని వద్ద రెండు సెల్‌ఫోన్లు, ల్యాప్‌టాప్‌ను పోలీసులు స్వాధీనం చేసుకున్నారు. ఈ సందర్భంగా  జిల్లా పోలీస్‌ కార్యాలయ ఆవరణలోని కాన్ఫరెన్స్‌ హాలులో సోమవారం ఏర్పాటుచేసిన విలేకరుల సమావేశంలో ఎస్పీ ఆర్‌ఎన్‌ అమ్మిరెడ్డి వివరాలు వెల్లడించారు. ప్రకాశం జిల్లా గిద్దలూరుకు చెందిన బొంతా వంశీకాంత్‌రెడ్డి హైదరాబాద్‌లోని సౌదీ ఎయిర్‌లైన్స్‌ కార్గో విభాగంలో కొంతకాలం పనిచేశాడు. అక్కడ ఉద్యోగం మానేసి ఆరేళ్ల క్రితం గుంటూరులోని ఏటీ అగ్రహారానికి భార్యతో కలసి మకాం మార్చాడు. కొన్నాళ్లు కొరియర్‌ పాయింట్‌ నిర్వహించి నష్టాలపాలయ్యాడు. అప్పటి నుంచి ఇంటి వద్దనే ఖాళీగా ఉంటున్నాడు. తమ కొడుకు పనులు లేక ఖాళీగా ఉంటున్నాడని, వ్యాపారం కోసం అదనపు కట్నం తీసుకురావాలంటూ అత్త మామలు కోడలిని వేధించటం మొదలు పెట్టారు. ఈ క్రమంలోనే వంశీకాంత్‌ రెడ్డి ఈ ఏడాది జూన్‌లో భార్య నగ్న చిత్రాలను సెల్‌ఫోన్‌లో వీడియాలు తీసి యూట్యూబ్‌లో డార్లింగ్‌ పేరుతో అప్‌లోడు చేశాడు.   (భార్య నగ్న వీడియోలు యూట్యూబ్‌లో..) రూ.300 చెల్లిస్తే డౌన్‌లోడ్‌....  రూ.300 చెల్లిస్తే వాటిని కోరిన వ్యక్తులు చిత్రాలను డౌన్‌లోడ్‌ చేసుకునేలా ఏర్పాటు చేశాడు. గుంటూరు గాంధీనగర్‌కు చెందిన బచ్చు శివశంకర్‌ వీడియోను కొనుగోలు చేసి డౌన్‌లోడు చేసుకున్నాడు. టెక్కలికి చెందిన నిందితుడి స్నేహితుడు సంతోష్‌ను తన భార్యతో సంబంధం పెట్టుకోవాలంటూ వాట్సాప్‌లో చాటింగ్‌ చేశాడు. అప్పటినుంచి బాధితురాలికి సంతోష్‌ ఫోన్‌ చేస్తూ అసభ్యకరంగా మాట్లాడుతుండేవాడు. ఈ క్రమంలో యూట్యూబ్‌లో తన నగ్న చిత్రాలు ఉన్నట్టు తెలుసుకుని ఇదంతా తన భర్త పనేనని ఆమె నిర్ధారించుకుంది. కొద్దిరోజుల క్రితం నేరుగా ఎస్పీని కలసి ఫిర్యాదు చేయడంతో ఈ కేసు విచారించాలని దిశ డీఎస్పీని ఆదేశించారు.     (భార్య నగ్న వీడియోల కేసులో మరో ట్విస్ట్‌) ఆధారాలు సేకరించి అరెస్ట్‌...  టెక్నికల్‌ విభాగం సహకారంతో ఆధారాలు సేకరించి వంశీకాంత్‌ రెడ్డిని అరెస్టు  చేశారు. అతనితో పాటు వీడియోలు డౌన్‌లోడు చేసుకున్న శివశంకర్‌ను కూడా అరెస్టు చేశారు. ఫోరెన్సిక్‌ నివేదిక ఆధారంగా  తదుపరి చర్యలు తీసుకోనున్నారు. అత్తమామలను కూడా అరెస్టు చేయాల్సి ఉంది. ప్రధాన నిందితుడిపై హిస్టరీ షీట్‌ తెరుస్తామని ఎస్పీ తెలిపారు. విధి నిర్వహణలో ప్రతిభను కనపరచిన డీఎస్పీ కె.సుప్రజ, సిబ్బందికి ఎస్పీ క్యాష్‌ రివార్డులు అందించారు. 

సాక్షి, పట్నంబజారు(గుంటూరు): భార్య నగ్న వీడియోలు ఆమెకు తెలియకుండా తీసి సామాజిక మాధ్యమాల్లో అప్‌లోడ్‌ చేసిన కేసులో మరిన్ని కొత్త అంశాలు వెలుగులోకి వస్తున్నాయి. విశ్వసనీయ సమాచారం మేరకు.. ఏటీ అగ్రహారానికి చెందిన మహిళ నగ్న వీడియోలను ఆమె భర్త తీసి సామాజిక మాధ్యమాల్లో అప్‌లోడ్‌ చేయటంపై కేసు నమోదైన విషయం విధితమే. భర్తను విచారించిన క్రమంలో మరిన్ని వాస్తవాలు తెలిపినట్లు సమాచారం. వీడియోలను బహిర్గతం చేయటంతో పాటు ‘లైవ్‌ స్ట్రీమింగ్‌’ యాప్‌ ద్వారా తన భార్య ఆశ్లీలంగా ఉన్న దృశ్యాలను డబ్బుల కోసం చూపించేవాడని విచారణలో వెల్లడైనట్లు తెలుస్తోంది. అయితే ఈ వీడియోలను ఎంతో మంది చూశారు తదితర అంశాలపై ఐటీ కోర్‌ విభాగం అధికారులు కూపీ లాగుతున్నారు.   చదవండి:  (భార్య నగ్న వీడియోలు యూట్యూబ్‌లో..) సదురు మహిళ ఆశ్లీల దృశ్యాల కోసం ఒక టైమ్‌ కేటాయించి, నిర్ణీత సమయంలో ఆమె ఆశ్లీల దృశ్యాలను డబ్బులు తీసుకుని చూపించినట్లు తెలిసింది. వీడియోల కోసం డబ్బులు చెల్లించిన కొద్ది మంది వ్యక్తులను కూడా అదుపులోకి తీసుకుని విచారిస్తున్నట్లు సమాచారం. ఈ కేసును సీరియస్‌గా తీసుకున్న అర్బన్‌ ఉన్నతాధికారులు ఐటీ కోర్‌ విభాగంతో పాటు, సాంకేతిక నిపుణత కలిగిన సిబ్బందిని కేటాయించి వాస్తవాలు వెలికి తీసే పనిలో పడ్డారు. సామాజిక మాధ్యమాల్లో అప్‌లోడింగ్‌పై దర్యాప్తు చేస్తున్నట్లు తెలిసింది. డబ్బు కోసం భర్త చేస్తున్న ఆకృత్యాలను తెలుసుకున్న భార్య ఫిర్యాదుతో విషయం బయటకు వచ్చింది. నిందితుడిని సోమవారం అరెస్ట్‌ చూపే అవకాశం ఉంది.    చదవండి:  (మామూలు కుర్రోడు.. ఇప్పుడు ‘టాక్‌ ఆఫ్‌ ది ఇండస్ట్రీ') (ప్రియురాలి ప్రవేశం.. మొదటిరాత్రి భగ్నం!) (సాఫ్ట్‌వేర్‌ ఉద్యోగిని ప్రేమ.. కొద్ది క్షణాల్లో పెళ్లనగా..)

సాక్షి, పట్నంబజారు(గుంటూరు): భార్య నగ్న వీడియోలు తీసి యూట్యూబ్‌లో అప్‌లోడ్‌ చేసిన భర్తపై కేసు నమోదైంది. విశ్వసనీయ సమాచారం మేరకు గుంటూరు నగరం ఏటీ అగ్రహారానికి చెందిన ఒక మహిళ తన భర్త వికృత నిర్వాకంపై పోలీసులకు ఫిర్యాదు చేసింది. ఎటువంటి పనులు చేయకుండా, యూట్యూబ్‌లో వీడియోలు అప్‌లోడ్‌ చేసి డబ్బులు సంపాదించాలనుకున్న భర్త, భార్యతో ఏకాంతంగా కలిసి ఉన్న వీడియోలు తీసిన ఘటన వెలుగు చూసింది.   (ప్రియురాలి ప్రవేశం.. మొదటిరాత్రి భగ్నం!) విషయం తెలుసుకున్న భార్య పోలీసు ఉన్నతాధికారుల దృష్టికి తీసుకుని వెళ్లటంతో దిశా పోలీసుస్టేషన్‌కు విచారణ నిమిత్తం ఆదేశాలు జారీ చేసినట్లు సమాచారం. ఇప్పటీకే ఐటీ కోర్‌ బృందం ఆ వీడియోలు అప్‌లోడ్‌లను తీసివేసే పనిలో నిమగ్నమైంది. పోలీసులు యుద్ధప్రాతిపదికన కేసుపై ప్రత్యేక దృష్టి సారించారు. ఎప్పుడు అప్‌లోడ్‌ చేశాడు.. ఎన్ని వీడియోలు ఉన్నాయి.. యూట్యూబ్‌లో కాకుండా, ఇతరత్రా సామాజిక మాధ్యమాల్లో ఏదైనా అప్‌లోడ్‌ చేశాడా...? అనే కోణంలో విచారణ చేపట్టారు. ఫిర్యాదును స్వయంగా అర్బన్‌ పోలీసు ఉన్నతాధికారి పరిశీలిస్తున్నారు.    (మైనర్‌తో అసభ్య చాటింగ్‌) చదవండి: (సాఫ్ట్‌వేర్‌ ఉద్యోగిని ప్రేమ.. కొద్ది క్షణాల్లో పెళ్లనగా..)

నెల్లూరు , నాయుడుపేటటౌన్‌: తనకు సంబంధించిన అశ్లీల వీడియోలను తనకే తెలియకుండా డౌన్‌లోడ్‌ చేసుకుని డబ్బుల కోసం బ్లాక్‌ మెయిల్‌ చేస్తున్నాడని  స్నేహితుడిని పథకం ప్రకారం అతి కిరాతకంగా హత్య చేశాడని నాయుడుపేట ఇన్‌చార్జి సీఐ మల్లికార్జునరావు వెల్లడించారు. బాలయపల్లి మండలం చిలమనూరు గ్రామ తిప్ప సమీపంలో అటవీ ప్రాంతంలో అదే గ్రామానికి చెందిన జడపల్లి శ్రీనివాసులు (25) ఈ నెల 8న హత్యకు గురైన కేసును పోలీసులు ఛేదించారు. ఈ కేసులో ప్రధాన నిందితుడు మృతుడి స్నేహితుడిగా గుర్తిం చారు. అతనితో పాటు మరోక వ్యక్తి కలిసి ఈ దారుణానికి ఒడిగట్టినట్లుగా పోలీసుల విచారణలో వెల్లడైంది. ఈ కేసులో ఇద్దరు నిందితులను మంగళవారం అరెస్ట్‌ చేసి హత్యకు సంబంధించి వివరాలను వివరించారు.  చిలమనూరు తిప్ప సమీపంలోని అటవీ ప్రాంతంలో అదే గ్రామానికి చెందిన జడపల్లి శ్రీనును గుర్తు తెలియని వ్యక్తులు దారుణంగా హత్య చేసిన వైనం ఈ నెల 9న వెలుగుచూసింది. దీనిపై అక్కడి పోలీసులు కేసు నమోదు చేశారన్నారు. గూడూరు ఇన్‌చార్జి డీఎస్పీ శ్రీనివాసచారి సారథ్యంలో సీఐతో పాటు బాలాయపల్లి ఎస్సై పీ నరసింహరావు, ఐడీ పార్టీ పోలీసులతో కలిసి హత్య కేసుకు సంబంధించి అన్ని కోణాల్లో దర్యాప్తు ప్రారంభించారు. ప్రకాశం జిల్లా ఉలవపాడు మండలం శ్రీశ్రీనగర్‌కు చెందిన జూటూరి తులసిరామ్‌ అలియాస్‌ జిమ్‌ రవి కోవూరులో జిమ్‌ నిర్వహిస్తున్నాడు. అతనికి జడపల్లి శీను స్నేహితుడు. అప్పుడప్పుడు కలుసుకుంటూ ఉండేవారు. జిమ్‌ రవి ఫోన్‌లో ఒంగోలు చెందిన ఓ యువతితో శారీరకంగా కలిసి ఉన్న అశ్లీల వీడియోలను తీసుకున్నాడు. ఘటన స్థలంలో జాగిలంతో దర్యాప్తు, వేలి ముద్రలు సేకరిస్తున్న పోలీసులు శ్రీను (ఫైల్‌) ఈ వీడియోలను శీను తన ఫోన్‌లోకి డౌన్‌ లోడు చేసుకున్నాడు. ఆ వీడియోలను శీను దగ్గర పెట్టుకుని వాటిని యూట్యూబ్‌లో అప్‌లోడ్‌ చేస్తానని, ఇతరులకు చూపిస్తానని బెదరిస్తూ డబ్బులు ఇవ్వాలని  జిమ్‌ రవి బ్లాక్‌ మెయిల్‌ చేయడం మొదలు పెట్టాడు. స్నేహితుడే తనను బ్లాక్‌ మెయిల్‌ చేస్తుండడంతో అతన్ని హత్య చేయాలని పథకం రూపొందించుకున్నాడు. ఈ క్రమంలో జిమ్‌ రవి మరో స్నేహితుడైన కొండాపురం మండలం ఆదిమూర్తిపురం గ్రామానికి చెందిన పాటిబండ్ల మాలకొండయ్య అలియాస్‌ సూర్యతో కలిసి ఈ నెల 8న శీనుకు ఫోన్‌ చేసి చిలమనూరు తిప్ప సమీపంలో ఉన్నామని చెప్పి పిలిపించారు. వారు తెచ్చిన మద్యంను ముగ్గురు కలిసి తాగారు. శీను మద్యం మత్తులో ఉండడంతో ఇదే అదనుగా భావించి జిమ్‌ రవి, సూర్య వారు తెచ్చుకున్న ఇనుప రాడ్‌లతో శీను తలపై కోట్టడంతో అక్కడికక్కడే మృతి చెందాడు. మృతుడి సెల్‌ఫో న్‌ కాల్‌ డిటైల్స్‌ ఆధారంగా పలు కోణాల్లో దర్యా ప్తు ముమ్మరం చేశారు. నిందితులైన జిమ్‌ రవి, సూర్య పోలీసులకు పట్టుబడితే కొడతారనే భయంతో బాలయపల్లి తహసీ ల్దార్‌ వద్దకు వెళ్లి లొంగిపోయా రు. వారు చెప్పి న వివరాలను నమోదు చేసుకుని ఇద్దరు నిందితులను నాయుడుపేట సీఐకు అప్పగించారు. ఈ మేరకు హత్య కేసులో నిందితులైన జిమ్‌ రవి, సూర్యను బుధవారం అరెస్ట్‌ చేసి కోర్టుకు హాజరు పరిచినట్లు తెలిపారు. శీను హత్య కేసును వారం రోజుల్లోనే ఛేదించి,  నిందితులను అరెస్ట్‌ చేయడంపై సీఐతో పాటు బాలాయపల్లి ఎస్సై సీ నరసింహరావు, ఐడీ పార్టీ ఏఎస్సై పీ శ్రీనివాసులురెడ్డి, హెడ్‌ కానిస్టేబుళ్లు షేక్‌ కరీమ్, పీ కృష్ణారెడ్డి, హోంగార్డు దారా వెంకి, బాలాయపల్లి పోలీసు సిబ్బందికి నగదు రివార్డుకు జిల్లా ఎస్పీకు సిఫారసు చేస్తామన్నారు.  


 హైదరాబాద్:
 శారీరకంగా తనతో కలవలేదని బాధితురాలికి సంబంధించిన నగ్న చిత్రాలను వివిధ పోర్న్‌ సైట్లలో అప్‌లోడ్‌ చేసి వేధిస్తున్న వ్యక్తిని సైబరాబాద్‌ సైబర్‌ క్రైమ్‌ పోలీసులు శనివారం అరెస్టు చేశారు. సైబరాబాద్‌ సైబర్‌ ఇన్‌స్పెక్టర్‌ హరినాథ్‌ కథనం ప్రకారం... కూకట్‌పల్లిలోని నిజాంపేట ఎక్స్‌ రోడ్డులో నివసించే బాధితురాలు ఇంటర్‌ చదివే సమయంలో ఒక వ్యక్తితో సన్నిహితంగా ఉండేది.
 
 ఈ తల్లిదండ్రుల హెచ్చరికతో అతడికి దూరంగా ఉంటోంది. దీంతో ఆమెపై కోపాన్ని పెంచుకున్నాడు. నగ్న వీడియోలు పంపితే వదిలిపెడతానని నమ్మించాడు. అతడి మాటలు నమ్మిన ఆమె నగ్న వీడియోలను పంపింది. తనతో కలవాలని ఒత్తిడి తీసుకొచ్చాడు. వీడియోలను బాధితురాలి బంధువు విశాఖపట్నంకు చెందిన సూరబత్తుల దిలీప్‌కుమార్‌కు పంపించాడు. దీంతో దిలీప్‌ కూడా బాధితురాలిని బెదిరిస్తున్నాడు. ఆమె పట్టించుకోకపోవడంతో వీడియోలను పోర్న్‌ సైట్లలో ఆప్‌లోడ్‌ చేసి వాటి లింక్‌లను బాధితురాలి బంధువులకు పంపాడు. బాధితురాలు సైబరాబాద్‌ సైబర్‌ క్రైమ్‌ పోలీసులను ఆశ్రయించింది. పోలీసులు దిలీప్‌కుమార్‌ను అరెస్టు చేశారు. ప్రధాన నిందితుడి కోసం గాలిస్తున్నారు.


 నిందితుడి ఇంటిముందు ధర్నా
 
 విజయవాడ (కృష్ణలంక): విజయవాడలో అప్పు ఇచ్చిన డబ్బులు అడిగినందుకు నగ్న ఫొటోలు తీసి బెదిరించిన మండవ రవికాంత్ ఇంటిముందు బాధితురాలు శనివారం తన మద్దతుదారులతో ఆందోళన చేపట్టారు. మండవ రవికాంత్ ఓ మహిళ దగ్గర డబ్బులు అప్పుగా తీసుకున్నాడు. వాటిని తిరిగి ఇవ్వమని ఆమె అడిగినందుకు రవికాంత్ తన రెండో భార్య శ్రీదేవితో ఆమె నగ్నఫొటోలు తీయించి బెదిరించిన విషయం విదితమే. దీనిపై పోలీసులు రవికాంత్‌ను విచారిస్తున్నారు.
 
 శనివారం బాధితురాలు తన మద్దతుదారులతో కృష్ణలంక సత్యంగారి హొటల్ రోడ్డులోని రవికాంత్ మొదటి భార్య ఇంటిముందు ఆందోళన చేపట్టారు. ‘తనను శ్రీదేవి బెదిరిస్తోందని, నగ్నచిత్రాలు తన వద్దే ఉన్నాయని, తాను తన అక్క (రవికాంత్ మొదటి భార్య) ఇంటి వద్ద ఉన్నానని ఫోన్‌లో బెదిరిస్తోంది’ అని బాధితురాలు తెలిపారు. సమాచారం అందుకున్న పోలీసులు ఘటనా స్థలానికి చేరుకుని వివరాలు తెలుసుకున్నారు.
 
 మండవ మొదటి భార్య ఇంట్లో శ్రీదేవి లేకపోవడాన్ని గమనించారు. సింగ్‌నగర్ సీఐ బాలమురళి మాట్లాడుతూ రవికాంత్‌కు సంబంధించిన పెన్‌డ్రైవ్ తదితర వస్తువులు స్వాధీనం చేసుకున్నామని చెప్పారు. శ్రీదేవి నుంచి ఎటువంటి అపాయం జరగకుండా ఉండేలా బాధితురాలికి రక్షణ కల్పిస్తామని హామీ ఇచ్చారు. దీంతో బాధితురాలు ఆందోళన విరమించారు.  


 భీమ్‌గల్: నిజామాబాద్ జిల్లాలో దారుణం జరిగింది. ఓ యువతి నగ్నవీడియోలు తీసిన ఓ వ్యక్తి ఫేస్‌బుక్‌ నకిలీ ఐడీతో సోషల్ మీడియాలో పెట్టాడు. దీంతో అతనిపై పోలీసులు నిర్భయ కేసు నమోదు చేశారు.
 భీమ్‌గల్ పట్టణంలో ప్రమోద్(32) అనే వ్యక్తి ఎలక్ట్రానిక్స్ షాపు నిర్వహిస్తూ, ఓ ఇంటిలో అద్దెకు ఉంటున్నాడు. ఇంటి యజమాని కూతురికి తెలియకుండా ఆమె బట్టలు మార్చుకుంటున్న సమయంలో వీడియోలు తీశాడు. ఇటీవల సదరు యువతికి పెళ్లి కుదిరింది. ఈ విషయం తెలిసిన ప్రమోద్ యువతి పేరు మీద  ఫేస్‌బుక్ లో నకిలీ ఐడీ క్రియేట్ చేశాడు. ఆ ఐడీ ద్వారా యువతిని చేసుకోబోయే వ్యక్తికి ఫ్రెండ్ రిక్వెస్ట్ పెట్టి నగ్న చిత్రాలు, వీడియోలు పంపించాడు.
 దీనిపై యువతికి కాబోయే భర్త ఫోన్‌చేశాడు. నేను ఎటువంటి ఫోటోలు, వీడియోలు పంపించలేదని తెలిపింది. దీంతో కంగుతిన్న ఆ యువకుడు ఈ విషయం పెద్దలకు చెప్పాడు. పెద్దలందరూ కలిసి ఈ ఘటన గురించి పోలీస్‌స్టేషన్‌లో ఫిర్యాదు చేశారు. ఇంటిలో అద్దెకు ఉంటున్న వ్యక్తే ఈ ఘటనకు పాల్పడ్డాడని విచారణలో రుజువైంది. పోలీసులు అతనిపై నిర్భయ కేసు నమోదు చేసి, గాలింపు చర్యలు చేపట్టారు.