షారుక్‌ ఖాన్‌ కెరీర్‌లో రూ. వెయ్యి కోట్లకు పైగా గ్రాస్‌ కలెక్షన్స్‌ సాధించిన చిత్రం ‘పఠాన్‌’ (2023). వైఆర్‌ఎఫ్‌ (యశ్‌రాజ్‌ ఫిలింస్‌) స్పై యూనివర్స్‌లో భాగంగా సిద్ధార్థ్‌ ఆనంద్‌ దర్శకత్వంలో ఆదిత్యా చోప్రా ‘పఠాన్‌’ సినిమాను నిర్మించారు. షారుక్‌ ఖాన్‌ టైటిల్‌ రోల్‌ చేశారు. కాగా ‘పఠాన్‌’ సినిమాకు సీక్వెల్‌గా ‘పఠాన్‌ 2’ తెరకెక్కించే పనిలో ఉన్నారట దర్శకుడు సిద్ధార్థ్‌ ఆనంద్‌. ఆల్రెడీ ‘పఠాన్‌ 2’ స్క్రిప్ట్‌ వర్క్‌ మొదలైందని, స్టోరీ బేసిక్‌ ఐడియాకు షారుక్‌ ఖాన్‌ గ్రీన్‌సిగ్నల్‌ ఇచ్చారని, వైఆర్‌ఎఫ్‌ స్పై యూనిర్స్‌లో భాగంగానే ‘పఠాన్‌’ ఉంటుందని బాలీవుడ్‌ భోగట్టా. ఈ చిత్రం షూటింగ్‌ ఈ ఏడాది  డిసెంబరులో ప్రరంభం కానుందని టాక్‌. 

మెగా-బడ్జెట్‌తో రాముడిగా ప్రభాస్‌ నటించిన ఆదిపురుష్‌కు డివైడ్‌ టాక్‌ వచ్చినా ఫస్ట్ వీకెండ్‌లో భారీ వసూళ్లను రాబట్టింది. తొలి మూడురోజులకు గాను ఏకంగా రూ. 340 కోట్లు వచ్చినట్లు చిత్ర యూనిట్‌ తెలిపింది. తాజాగా నాలుగురోజులకు గాను ప్రపంచవ్యాప్తంగా రూ. 375 కోట్లు కలెక్ట్‌ చేసినట్లు చిత్ర యూనిట్‌ ప్రకటించింది.  కానీ ఆదిపురుష్‌ సినిమాకు  సోమవారం నుంచి అగ్నిపరీక్ష మొదలైంది. కలెక్షన్లు ఒక్కసారిగా 75% పడిపోయాయి. బాక్స్ ఆఫీస్ ఇండియా లెక్కల ప్రకారం  సోమవారం ఈ సినిమా ఆల్ ఇండియా (నెట్) కలెక్షన్ దాదాపు రూ. 20 కోట్లు మాత్రమే అని తేల్చేసింది.  బాలీవుడ్‌లో సోమవారం నికరంగా రూ.8 కోట్లు మాత్రమే వసూళు చేసినట్లు తెలుస్తోంది.   ఓం రౌత్ దర్శకత్వం వహించిన ఈ చిత్రం అక్కడ మొదటి నాలుగు  రోజులకు రూ. 113 కోట్లు వచ్చినట్లు ట్రేడ్ వర్గాలు అంచనా వేశాయి. (ఇదీ చదవండి: మెగా వారసురాలు అంటూ.. వీడియోలు షేర్‌ చేస్తున్న ఫ్యాన్స్‌) తెలుగు రాష్ట్రాల్లో పరిస్థితి ఇదీ  ఇప్పటివరకు ఏపీ, తెలంగాణలో రూ.72 కోట్లకు పైగా షేర్ సాధించింది. గ్రాస్‌ ప్రకారం అయితే రూ. 113 కోట్లు అవుతుంది. ఈ సినిమా బ్రేక్ ఈవెన్ అవ్వాలంటే మరో రూ.70 కోట్ల షేర్‌ వరకు రాబట్టాల్సి ఉంటుంది. ప్రస్తుతం ఉన్న పరిస్థితి చూస్తుంటే అది జరగటం కష్టమే అనిపిస్తుంది. మరో పది రోజులపాటు సినిమాకు కలెక్షన్స్‌ ఉంటేనే ఇదే సాధ్యమవుతుంది. లేదంటే ప్రభాస్ ఖాతాలో వరుసగా మరో డిజాస్టర్ పడినట్టే అవుతుంది అనడంలో సందేహంలేదు. (ఇదీ చదవండి: సుధాకర్‌ కొడుక్కి అండగా మెగాస్టార్‌, ఆ బాధ్యత చిరంజీవిదేనట!) పఠాన్ రికార్డు బద్దలు కొట్టాడు కానీ.. మొదటి వీకెండ్‌లో ఆదిపురుష్ కలెక్షన్స్‌ పఠాన్‌ సినిమాను దాటాయి. అప్పటి వరకు పఠాన్‌ పేరుతో ఉన్న రూ. 313 కోట్ల రికార్డ్‌ను ఆదిపురుష్‌ అధిగిమించింది.   కానీ పఠాన్‌ ఫైనల్‌ కలెక్షన్స్‌ అయిన  రూ. 1000 కోట్ల గ్లోబల్ మార్క్‌ను ఆదిపురుష్‌ అధిగమించలేదని ట్రేడ్‌ వర్గాలు భావిస్తున్నాయి.  ఆదిపురుష్‌కు ప్రారంభం నుంచే డివైడ్‌ టాక్‌ వచ్చింది. దీంతోనే చాలా వరకు నష్టపోయిందని ప్రముఖ బాలీవుడ్ ట్రేడ్ అనలిస్ట్ తరణ్ ఆదర్శ్ తెలిపాడు. అంతే కాకుండా సినిమాలోని VFX భాగలేదనే టాక్‌ రావడమే కాకుండా క్యారెక్టర్ డిజైన్ కూడా బాగాలేదని కామెంట్లు వచ్చాయి. చివరికి ఈ సినిమా జాతీయ వివాదానికి కూడా దారితీసింది అని ఆయన తెలిపాడు. అందువల్ల ఈ సినిమా భారీ నష్టాలను మిగల్చవచ్చని ఆయన అభిప్రాయపడ్డాడు. THE NEGATIVE WORD OF MOUTH HAS COME INTO PLAY… After a strong opening weekend, #Adipurush COLLAPSES on Monday.#Hindi version. #India biz. pic.twitter.com/HJT4hHT80u — taran adarsh (@taran_adarsh) June 19, 2023

బాలీవుడ్‌ పనైపోయింది అని విరగబడి నవ్వినవాళ్లకు పఠాన్‌తో సమాధానం చెప్పాడు షారుక్‌ ఖాన్‌. దాదాపు నాలుగేళ్ల విరామం తర్వాత పఠాన్‌తో కమ్‌బ్యాక్‌ ఇచ్చిన షారుక్‌ ముప్పైకి పైగా రికార్డులను బద్ధలు కొట్టాడు. పఠాన్‌ రిలీజై 50 రోజులకు పైనే అవుతున్నా ఇప్పటికీ థియేటర్లలో కలెక్షన్ల వర్షం కురుస్తూనే ఉంది. ఇప్పటివరకు ప్రపంచవ్యాప్తంగా రూ.1049.50 కోట్ల గ్రాస్‌ రాబట్టిందీ చిత్రం. ఇందులో ఇండియా వాటా రూ.657.25 కోట్లు కాగా ఓవర్సీస్‌ది రూ.392.35 కోట్లుగా ఉంది. ఈ సినిమా తెలుగు, హిందీ, తమిళ భాషల్లో అమెజాన్‌ ప్రైమ్‌లో అందుబాటులో ఉంది. వెయ్యి కోట్ల క్లబ్‌లో చేరిన షారుక్‌ తాజాగా ఓ ఖరీదైన కారు కొనుగోలు చేసిశాడు. రోల్స్‌ రాయిస్‌ క్యులినన్‌ బ్లాక్‌ బెడ్జ్‌.. ఎస్‌యూవీ కారును తన గ్యారేజీకి తెచ్చుకున్నాడు. దీని ధర దాదాపు రూ.10 కోట్లు ఉండవచ్చని అంచనా! భారత్‌లో అమ్ముడవుతున్న ఖరీదైన ఎస్‌యూవీ కార్లలో ఇది ఒకటి అని తెలుస్తోంది. ఆదివారం సాయంత్రం షారుక్‌ తన కొత్త కారులో షికారుకు వెళ్లాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది. కాగా గత నెలలో రూ.5 కోట్లు విలువ చేసే వాచీ చేతికి ధరించి స్పెషల్‌ అట్రాక్షన్‌గా నిలిచాడీ బాలీవుడ్‌ స్టార్‌. ప్రస్తుతం షారుక్‌ ఖాన్‌.. అట్లీ దర్శకత్వంలో 'జవాన్‌', రాజ్‌కుమార్‌ హిరానీ డైరెక్షన్‌లో 'డుంకీ' చిత్రాల్లో నటిస్తున్నాడు. సల్మాన్‌ ఖాన్‌ 'టైగర్‌ 3' మూవీలో ఓ ముఖ్య పాత్ర పోషించనున్నట్లు భోగట్టా! #ShahRukhKhan𓀠 new car Rolls-Royce 555 entrying in #Mannat last night 🌙 @iamsrk pic.twitter.com/tU1GWgkC9T — SRK Khammam Fan club (@srkkhammamfc) March 27, 2023 #Pathaan continues to win hearts 🔥 Book your tickets now - https://t.co/SD17p6x9HI | https://t.co/VkhFng6vBj Celebrate #Pathaan with #YRF50 only at a big screen near you, in Hindi, Tamil and Telugu. pic.twitter.com/xq5mHFn0Jj — Yash Raj Films (@yrf) March 24, 2023

కరోనా తర్వాత కళ తప్పిన బాలీవుడ్ బాక్సాఫీస్ ఊపిరి అందించింది పఠాన్ మూవీ. బాలీవుడ్ బాక్సాఫీస్ దగ్గర సౌత్ మూవీస్ క్రియేట్ చేసిన రికార్డ్స్ మొత్తం పఠాన్ బ్రేక్ చేసింది. సిద్దార్ధ్ ఆనంద్ దర్శకత్వంలో షారూఖ్‌ ఖాన్‌,దీపికా పదుకొనే జంటగా నటించిన ఈ చిత్రం ఫస్ట్ డే ఫస్ట్ షో నుంచే బాక్సాఫీస్ దగ్గర వండర్స్ క్రియేట్ చేయటం స్టార్ట్ చేసింది. జనవరి 25న ప్రపంచ వ్యాప్తంగా విడుదలైన పఠాన్ ఇప్పటి వరకు దాదాపు 30 రికార్డులు సాధించింది. అలాగే మరో అరుదైన ఘనతను పఠాన్‌ సొంతం చేసుకుంది.  జనవరి 25న విడుదలైన పఠాన్ మూవీ సక్సెస్ ఫుల్ గా 50 రోజు కంప్లీట్ చేసుకుంది. ఇండియాలో పఠాన్‌ మూవీ దాదాపు 800  స్క్రీన్లల లో 50 డేస్ కంప్లీట్ చేసుకుంది. అలాగే వరల్డ్ వైడ్ గా పఠాన్ మూవీ మరో 135 ధియేటర్స్ లో రన్ అవుతోంది. ఈ మధ్య కాలంలో ఏ సినిమా ఇన్ని ధియేటర్స్ లో 50 డేస్ ఆడలేదు. ఆస్కార్ గెలుచుకున్న ఆర్‌ఆర్‌ఆర్‌...హిందీలో నిన్నటి వరకు హైయెస్ట్ గ్రాసర్ మూవీగా నిలిచిన బాహుబలి 2 కూడా ఇన్ని ధియేటర్స్ లో 50 డేస్ కంప్లీట్ చేసుకోలేదు. హైయెస్ట్ ధియేటర్స్ లో 50 డేస్ కంప్లీట్ చేసుకున్న పీట్ ను పఠాన్ అందుకుంది.  అలాగే ఆదిత్య చోప్రా యూనివర్స్ లో  వచ్చిన పఠాన్‌  వరల్డ్ వైడ్ గా 30 రికార్డ్స్ బ్రేక్ చేసినట్లు తెలుస్తోంది. హిందీలో దంగల్ తర్వాత వెయ్యి కోట్లు వసూళ్లు చేసిన మూవీ గా పఠాన్‌  నిలిచింది. అలాగే హిందీలో హైయెస్ట్ ఓపెనింగ్ చిత్రంగా, వరల్డ్ వైడ్ గా రెండు వందలు.. మూడు వందలు.. నాలుగు వందల కోట్ల క్లబ్ లో ఫాస్ట్ గా చేరిన సినిమాగా, ఇండియాలో 500 కోట్లు నెట్ కలెక్ట్ చేసిన హిందీ సినిమాగా, యూకేలో భారీ ఓపెనింగ్ సాధించిన ఇండియన్ మూవీగా, న్యూజిలాండ్, సౌదీ అరేబియా, ఆస్ట్రేలియా టాప్ గ్రాసర్ మూవీగా ఇలా మొత్తంగా 30 రికార్డ్స్ సాధించినట్లు బీటౌన్‌ చెబుతోంది. ప్రస్తుతం షారూఖ్‌ ఖాన్‌ నటిస్తున్న మూవీ జవాన్..సౌతిండియా డైరెక్టర్ అట్లీ దర్శకత్వం వహిస్తున్న ఈ మూవీ జూన్ నుంచి అక్టోబర్ కి వాయిదా పడింది. పఠాన్‌ హిట్ కావటంతో జవాన్ సినిమాపై భారీ హైప్ క్రియేట్ అయింది.  #Pathaan celebrates 50 glorious days in theatres 💥💥 Keep the love coming ❤️ Book your tickets now - https://t.co/SD17p6wBSa | https://t.co/VkhFng5XLL Celebrate #Pathaan with #YRF50 only at a big screen near you, in Hindi, Tamil and Telugu. pic.twitter.com/EsmowoZGWX — Yash Raj Films (@yrf) March 15, 2023

హిందీలో ‘బాహుబలి’ని దాటేశాడు ‘పఠాన్‌’. షారుక్‌ ఖాన్‌ టైటిల్‌ రోల్‌లో రూపొందిన హిందీ చిత్రం ‘పఠాన్‌’. యశ్‌ రాజ్‌ ఫిలింస్‌ పతాకంపై ఆదిత్యా చోప్రా నిర్మించిన ఈ చిత్రం జనవరి 25న విడుదలైంది. ఇటీవల ఈ చిత్రం రూ. 1000 కోట్లకు పైగా గ్రాస్‌ కలెక్షన్స్‌ను సాధించి, ఓ రికార్డును నమోదు చేసుకుంది. కాగా హిందీలో అత్యధిక నెట్‌ బాక్సాఫీస్‌ కలెక్షన్స్‌ సాధించిన టాప్‌ ప్లేస్‌ (దాదాపు రూ. 510 నెట్‌ కలెక్షన్స్‌)లో  ప్రభాస్, రానా, అనుష్క, రమ్యకృష్ణ కాంబినేషన్‌లో రాజమౌళి దర్శకత్వం వహించిన ‘బాహుబలి: ది కన్‌క్లూజన్‌’ ఉండేది. ఈ రికార్డును ‘పఠాన్‌’ చిత్రం అధిగమించింది. ‘‘హిందీలో నెట్‌ బాక్సాఫీస్‌ కలెక్షన్స్‌ పరంగా ‘బాహుబలి: ది కన్‌క్లూజన్‌’ రికార్డును అధిగమించిన షారుక్‌ ఖాన్, చిత్రదర్శకుడు సిద్దార్థ్‌ ఆనంద్, యశ్‌రాజ్‌ సంస్థకు శుభాకాంక్షలు. రికార్డులు ఉన్నది బ్రేక్‌ కావడం కోసమే’’ అని ట్వీట్‌ చేశారు ‘బాహుబలి’ నిర్మాతల్లో ఒకరైన శోభు యార్లగడ్డ. ‘బాహుబలి’లాంటి సినిమా ఇచ్చినందుకు థ్యాంక్స్‌. మేం మరింత కష్టపడటానికి ఆ సినిమా స్ఫూర్తిగా నిలిచింది’’ అని యశ్‌ రాజ్‌ సంస్థ ట్వీట్‌ చేసింది. Congratulations to @iamsrk sir, #SiddharthAnand @yrf and the entire team of #Pathaan on crossing @BaahubaliMovie 2 Hindi NBOC. Records are meant to be broken and I am happy it was none other than @iamsrk who did it! 😃 https://t.co/cUighGJmhu — Shobu Yarlagadda (@Shobu_) March 4, 2023

బాలీవుడ్ బాద్‌షా షారుక్ ఖాన్, దీపికా పదుకొణె  స్పై యాక్షన్ థ్రిల్లర్ 'పఠాన్'. ఈ ఏడాది జనవరి 25న విడుదలైన ఈ  చిత్రం బాక్సాఫీస్‌ రికార్డులు బద్దలు కొడుతోంది. ఇప్పటికే దాదాపు రూ.1000 కోట్లకు పైగా వసూళ్లను సాధించింది. సిద్ధార్థ్‌ ఆనంద్‌ దర్శకత్వం వహించిన ఈ చిత్రంలో జాన్‌ అబ్రహాం ప్రధాన పాత్రలు పో షించగా, డింపుల్‌ కపాడియా, అశుతోష్‌ రాణా కీ రోల్స్‌ చేశారు. దాదాపు రూ. 250 కోట్ల బడ్జెట్‌తో యశ్‌రాజ్‌ ఫిలింస్‌ పతాకంపై ఆదిత్యా చోప్రా నిర్మించారు.  తాజాగా ఈ చిత్రబృందం అభిమానులకు గుడ్ న్యూస్ చెప్పింది. సినీ ప్రియుల కోసం యశ్‌రాజ్‌ ఫిలింస్‌ సంస్థ క్రేజీ ఆఫర్‌ను ప్రకటించింది. ఈ  సినిమా టికెట్లపై మూడు రోజుల పాటు బంపర్ ఆఫర్‌ ప్రకటించింది. ఒక టికెట్ కొంటే మరో టికెట్ ఫ్రీగా పొందవచ్చని తెలిపింది. ఈ విషయాన్ని సోషల్ మీడియాలో వెల్లడించింది. ఈ ఆఫర్ హిందీ, తమిళ్, తెలుగు భాషల్లో వర్తిస్తుందని పేర్కొంది. పఠాన్ సెలబ్రేషన్స్ పేరిట ఈ ఆఫర్‌ను ప్రకటించింది చిత్రబృందం. పఠాన్ కోడ్ ఉపయోగించి టికెట్స్ బుక్ చేసుకోవచ్చని తెలిపింది. ఈ ఆఫర్ మార్చి 3, 4, 5 తేదీల్లో మాత్రమే అందుబాటులో ఉంటుందని పేర్కొంది అయితే ఫస్ట్ కమ్- ఫస్ట్ సర్వ్ కింద టికెట్లను కేటాయించనున్నట్లు మేకర్స్ తెలిపారు. ఇప్పటివరకు పఠాన్ మూవీ చూడని వారు క్రేజీ ఆఫర్‌తో ఎంచక్కా థియేటర్లలో చూసేయొచ్చు.  View this post on Instagram A post shared by Yash Raj Films (@yrf)

షారుక్‌ ఖాన్‌ ప్రధాన పాత్రలో నటించిన యాక్షన్‌ ఎంటర్‌టైనర్‌ పఠాన్‌. దీపికా పదుకొణె కథానాయికగా నటించగా జాన్‌ అబ్రహం విలన్‌గా మెప్పించాడు. ఈ సినిమా ఊహించని స్థాయిలో ఘన విజయం సాధించింది. ఇండియన్‌ బాక్సాఫీస్‌ చరిత్రలో ఏకంగా రూ.600 కోట్లకు పైగా కొల్లగొట్టింది. ఈ సందర్భంగా యశ్‌ రాజ్‌ ఫిలింస్‌ ప్రొడక్షన్స్‌ సినీ ప్రేమికులకు గుడ్‌న్యూస్‌ చెప్పింది. ఫిబ్రవరి 17వ తేదీని పఠాన్‌ సినిమా రూ.110కే అందుబాటులోకి తేనున్నట్లు ప్రకటించింది. సాధారణ థియేటర్లతోపాటు పీవీఆర్‌, ఐనాక్స్‌, సినీపోలిస్‌ వంటి అన్ని మల్టీప్లెక్స్‌లోనూ 110 రూపాయలకే పఠాన్‌ చూడవచ్చని తెలిపింది. మరింకే.. పఠాన్‌ను ఫ్రెండ్స్‌తో లేదా ఫ్యామిలీతో మరోసారి చూసేయాలనుకుంటే రేపే దగ్గర్లోని థియేటర్‌కు వెళ్లి సినిమా చూసి ఆస్వాదించండి. ఇక పఠాన్‌ విషయానికి వస్తే జనవరి 25న తెలుగు, హిందీ, తమిళ భాషల్లో రిలీజైంది. ప్రపంచవ్యాప్తంగా రూ.970 కోట్లు రాబట్టింది. అందులో ఒక్క ఇండియాలోనే రూ.605 కోట్లు కాగా ఓవర్సీస్‌లో రూ.365 కోట్లు రాబట్టడం విశేషం. Join the festivities of #Pathaan party, as it continues to get immense love all over! ❤️ Book your tickets now for #Pathaan NOW - https://t.co/SD17p6x9HI | https://t.co/VkhFng6vBj Celebrate #Pathaan with #YRF50 only at a big screen near you, in Hindi, Tamil and Telugu. pic.twitter.com/9VyUVEztPS — Yash Raj Films (@yrf) February 16, 2023 #PathaanDay incoming! 💥 #Pathaan crosses 500 crores NBOC. Come celebrate with us this Friday. Book tickets at ₹ 110/- flat across all shows in India at @_PVRCinemas | @INOXMovies | @IndiaCinepolis and other participating cinemas! pic.twitter.com/7fuM0nU51c — Yash Raj Films (@yrf) February 16, 2023 చదవండి: అమ్మకు క్యాన్సర్‌.. అనాధాశ్రమంలో వదిలేశా

బాలీవుడ్‌ స్టార్‌ హీరో షారుక్‌ ఖాన్‌ ప్రధాన పాత్రలో నటించిన చిత్రం పఠాన్‌. జనవరి 25న రిలీజైన ఈ సినిమా ప్రపంచవ్యాప్తంగా రూ.877 కోట్లు రాబట్టింది. సినిమా సక్సెస్‌తో ఒక్క చిత్రయూనిటే కాదు బాలీవుడ్‌ మొత్తం ఫుల్‌ ఖుషీ అవుతోంది. హిందీ చిత్రపరిశ్రమకు మళ్లీ మంచిరోజులొచ్చాయని అంతా సంబరపడుతున్నారు. కాగా ఇటీవల జరిగిన పఠాన్‌ సక్సెస్‌ ఈవెంట్‌లో షారుక్‌ తన చేతికి ఖరీదైన బ్లూ కలర్‌ వాచ్‌ ధరించాడు. తాజాగా దీపికా పదుకొణె షేర్‌ చేసిన వీడియోలో సైతం అదే వాచీతో దర్శనమిచ్చాడు. దీంతో అందరూ ఈ చేతి గడియారం  ఏ బ్రాండ్‌కు చెందినది? దీని ఖరీదెంత? అని ఆరా తీస్తున్నారు. ఆ విషయానికి వస్తే.. షారుక్‌ ధరించిన వాచ్‌ 'అడెమర్స్‌ పిగెట్‌' అనే లగ్జరీ వాచ్‌ బ్రాండ్‌కు చెందినది. దీని ఖరీదు అక్షరాలా రూ.4.98 కోట్లని తెలుస్తోంది. ఇకపోతే షారుక్‌కు కోట్లు విలువ చేసే బీఎమ్‌డబ్ల్యూ 6 సిరీస్‌, బీఎమ్‌డబ్ల్యూ 7 సిరీస్‌, ఆడి సహా మరికొన్ని కార్లు ఉన్నాయి. అలాగే మన్నత్‌లో రూ.200 కోట్లు విలువ చేసే ఇల్లు కూడా ఉంది. #SRK doing a skincare routine is the most adorable thing you'll see today🥹❤️ Book your tickets now to watch him in an action packed avatar in #Pathaan:https://t.co/z4YLOG2NRI | https://t.co/lcsLnUSu9Y@iamsrk @deepikapadukone#ShahRukhKhan #DeepikaPadukone #JohnAbraham #YRF50 pic.twitter.com/3LCDxY57UJ — Shah Rukh Khan Universe Fan Club (@SRKUniverse) February 9, 2023 The #Pathaan festivities continue ❤️💥 Book your tickets now! https://t.co/SD17p6x9HI | https://t.co/VkhFng6vBj Celebrate #Pathaan with #YRF50 only at a big screen near you, in Hindi, Tamil and Telugu. pic.twitter.com/i82UrCWq7v — Yash Raj Films (@yrf) February 9, 2023 చదవండి: ఆర్థికసాయం కోసం అభిమాని ఎదురుచూపులు, గుర్తుపట్టి సాయం చేసిన బన్నీ

వరుస సినిమాలతో బిజీగా ఉండే ప్రకాశ్‌ రాజ్‌.. అప్పుడప్పుడు తన కాంట్రవర్సీ మాటలతో వివాదాల్లో నిలుస్తుంటారు. తాజాగా మరోసారి వివాదాస్పద వ్యాఖ్యలు చేశారు. ఇటీవల విడుదలైన బాలీవుడ్‌ మూవీ పఠాన్‌ను ప్రశంసలతో మంచెత్తుతూ.. వివేక్ అగ్నిహోత్రి మూవీ ది కశ్మీర్ ఫైల్స్‌పై మరోసారి తన అక్కసును వెళ్లగక్కాడు. కేరళలో జరిగిన ఓ ఈవెంట్‌లో ప్రకాశ్ రాజ్.. దర్శకుడు వివేక్ అగ్నిహోత్రిపై విమర్శలు చేశారు. ది కాశ్మీర్ ఫైల్స్‌ ఓ నాన్సెన్స్ ఫిల్మ్‌ అని ఘాటు వ్యాఖ్యలు చేశారు. అంతర్జాతీయ జ్యూరీనే వారి సినిమాపై ఉమ్మివేసిందని తీవ్రస్థాయిలో మండిపడ్డారు. ఇలాంటి కేవలం మొరగడానికే పనికొస్తారుగానీ.. కాటువేసే దమ్ము వీరికి లేదన్నారు. కేరళలో జరిగిన మాతృభూమి ఇంటర్నేషనల్ ఫెస్టివల్ ఆఫ్ లెటర్స్‌లో ఆయన మాట్లాడారు.  ప్రకాశ్ రాజ్ మాట్లాడుతూ.. ' ది కశ్మీర్‌ ఫైల్స్‌ నాన్‌సెన్స్‌ చిత్రాల్లో ఒకటి. ఆ సినిమా ఎవరు నిర్మించారో మాకు తెలుసు. ఆయనకు ఎలాంటి సిగ్గులేదు. అంతర్జాతీయ జ్యూరీ వారిపై ఉమ్మివేసింది. అయినా కూడా సిగ్గులేకుండా దర్శకుడు ఆస్కార్ ఎందుకు రాదు? అని అడిగారు. ఆ సినిమాకు కనీసం భాస్కర్ అవార్డ్ కూడా రాదు. వారు చేసేది కేవలం సౌండ్ పొల్యూషన్. బాలీవుడ్ బాయ్ కాట్ అన్నవారికి పఠాన్ 700 కోట్లు వసూలు రాబట్టింది. వాళ్లకు తెలిసింది కేవలం మొరగడమే. వారితో ఏం కాదు. ఎందుకంటే బయట చాలా సెన్సిటివ్ మీడియా ఉంది. అందుకే నేను చెప్తున్నా. నాకు తెలిసి ఇలాంటి మూవీలు చేయడానికే వాళ్లు దాదాపు రూ.2 వేల కోట్లు  ఖర్చు పెట్టినట్లు తెలుస్తోంది. కానీ ప్రతిసారి కూడా ప్రజలను ఫూల్ చేయలేరు' అని అన్నారు.  కాగా.. వివేక్ అగ్నిహోత్రి తెరకెక్కించిన ది  కాశ్మీర్ ఫైల్స్ 2022లో అత్యధిక వసూళ్లు రాబట్టిన సినిమాల్లో ఒకటి. జీ స్టూడియోస్ నిర్మించిన ఈ చిత్రం 1990లలో కాశ్మీరీ హిందువుల వలసలను తెరకెక్కించారు. ఈ చిత్రంలో అనుపమ్ ఖేర్, దర్శన్ కుమార్, మిథున్ చక్రవర్తి, పల్లవి జోషి తదితరులు నటించారు.  “They needed to ban #Pathaan. It's going 700Cr. These idiots, who needed to #BanPathaan, didn’t run Modi’s movie for 30Cr. They’re simply barking, they do not chew. Don’t fret. Sound air pollution!” says Actor #PrakashRaj at #MBIFL2023 in #Kerala.#PathaanMovie #BoycottGang pic.twitter.com/CismuRxJ4k — Hate Detector 🔍 (@HateDetectors) February 6, 2023

బాలీవుడ్‌ పని అయిపోయింది.. హిందీ స్టార్‌ హీరోలు ఇక రిటైర్మెంట్‌ తీసుకోవాల్సిందే! వాళ్ల సినిమాలకు కలెక్షన్లు రావడం ఇక కలే.. ఈ మాటలన్నింటికి పఠాన్‌తో సమాధానం చెప్పాడు షారుక్‌ ఖాన్‌. వందల కోట్లు కొల్లగొడుతూ రికార్డుల మీద రికార్డులు సృష్టిస్తూ బాలీవుడ్‌ బాయ్‌కాట్‌ గ్యాంగ్‌ నోరు మూయించాడు. తాజాగా మరో రికార్డు బద్ధలు కొట్టాడు షారుక్‌. ఇప్పటికే పీకే, టైగర్‌ జిందా హై సినిమాలను దాటేసిన పఠాన్‌ ప్రపంచవ్యాప్తంగా అత్యధిక కలెక్షన్లు సాధించిన హిందీ సినిమా దంగల్‌ను సైతం అధిగమించింది. రూ.729 కోట్లతో వరల్డ్‌వైడ్‌ భారీ వసూళ్లు రాబట్టిన హిందీ చిత్రంగా ప్రథమ స్థానంలో నిలిచింది. నిజానికి దంగల్‌ ప్రపంచవ్యాప్తంగా రూ.2000 కోట్ల మేర వసూళ్లు రాబట్టింది. కానీ ఇందులో అధిక వాటా చైనాదే! అక్కడ హిందీలో కాకుండా మాండరిన్‌ భాషలో రిలీజ్‌ చేయగా రూ.1200 కోట్ల పైనే రాబట్టింది. ఇక పఠాన్‌ విషయానికి వస్తే.. షారుక్‌ నాలుగేళ్ల తర్వాత నటించిన చిత్రమిది. ఆదిత్య చోప్రా నిర్మించిన ఈ సినిమాకు సిద్దార్థ్‌ ఆనంద్‌ దర్శకత్వం వహించగా సల్మాన్‌ అతిథి పాత్రలో మెరిశాడు. Action aur entertainment ka 💥 combo #Pathaan is getting love across the world!Book your tickets now! https://t.co/SD17p6x9HI | https://t.co/VkhFng6vBj Celebrate #Pathaan with #YRF50 only at a big screen near you, in Hindi, Tamil and Telugu. pic.twitter.com/5VPnM9mHTY — Yash Raj Films (@yrf) February 4, 2023 చదవండి: వాణి జయరామ్‌ పోస్ట్‌మార్టమ్‌ పూర్తి

బాలీవుడ్ బాద్‌షా షారూక్ ఖాన్, దీపికా పదుకొణె జంటగా నటించిన చిత్రం 'పఠాన్.' జనవరి 25న ప్రపంచవ్యాప్తంగా విడుదలైన ఈ చిత్రం బాక్సాఫీస్‌ను షేక్ చేస్తోంది. భారీస్థాయిలో వసూళ్లు రాబడుతూ రికార్డుల మీద రికార్డులు తిరగరాస్తోంది పఠాన్. వసూళ్లలో ఇప్పటికే కేజీయఫ్‌ 2, బాహుబలి వంటి పాన్‌ ఇండియా చిత్రాల రికార్డ్‌ బ్రేక్‌ చేసిన తొలి హిందీ చిత్రంగా పఠాన్‌ నిలిచింది. ఇప్పటికే ప్రపంచవ్యాప్తంగా దాదాపు రూ.700 కోట్లకు పైగానే కలెక్షన్స్ రాబట్టింది. ఈ సందర్భంగా హీరో శనివారం వీకెండ్ కావడంతో షారూక్ ఖాన్ ఎప్పటిలాగే తన ఫ్యాన్స్‌తో ఆస్క్‌ఎస్‌ఆర్కే సెషన్ నిర్వహించారు. ట్విటర్ వేదికగా అభిమానులు అడిగిన ప్రశ్నలకు సమాధానాలిచ్చారు. ఈ సందర్భంగా అభిమానులు పలు రకాల ప్రశ్నలతో షారూక్‌పై ప్రశ్నల వర్షం కురిపించారు. అయితే ఇవాళ నాకు జలుబు ఉంది కాబట్టి..  పెళ్లి ప్రతిపాదనలు తీసుకురావద్దని అభిమానులను సరదాగా కోరాడు.  ఈ సందర్భంగా  ఓ అభిమాని ఆసక్తికరమైన ప్రశ్న వేశారు. పఠాన్ మూవీ ఫస్ట్ హాఫ్ బాగుందని.. కానీ సెకండాఫ్ తీవ్ర నిరాశపరిచిందని అడిగారు. దీనికి షారూక్ స్పందిస్తూ.. ' దీనికి చింతించాల్సిన అవసరం లేదు. నీకు ఫస్ట్ హాఫ్ నచ్చింది కదా. అయితే ఈ వీకెండ్‌ ఓటీటీలో సెకండాఫ్ ఇంకో సినిమా చూసి చూసేయండి.' అంటూ సలహా ఇచ్చారు. మరో అభిమాని ఫిబ్రవరి 14 ప్రేమికుల దినోత్సవం రోజున మీతో డేట్‌కు వెళ్లాలనుందని అడిగింది. దీనికి షారూక్ ఖాన్ రిప్లై ఇస్తూ..' డేట్‌ అంటే నాకు చాలా బోరింగ్.. ఆ రోజు ఎవరైనా మీ ఫ్రెండ్‌తో పఠాన్ మూవీకి వెళ్లండి' అంటూ సలహా ఇచ్చారు. అలాగే చాలామంది అభిమానుల ట్వీట్లకు ఆయన ఫన్నీగా రిప్లై ఇచ్చారు.  I am boring as a date….take some cool guy and watch #Pathaan in a theatre https://t.co/yCKPFo1QcS — Shah Rukh Khan (@iamsrk) February 4, 2023 Koi baat nahi. Apni apni pasand hoti hai. Pehla half see of #Pathaan second half see some other film on OTT this weekend. https://t.co/Q6hgMVic9f — Shah Rukh Khan (@iamsrk) February 4, 2023 Oh wow, weekend upon us again. Should be working but have a late call….so thought will catch up with some queries. If u have any. Go ahead #AskSRK ( also no marriage proposals today as I have a cold..just saying ha ha ) — Shah Rukh Khan (@iamsrk) February 4, 2023

బుల్లెట్‌ ట్రైన్‌ కంటే వేగంగా కలెక్షన్స్‌ సాధిస్తోంది పఠాన్‌. రికార్డుల మీద రికార్డులు తిరగరాస్తూ బాక్సాఫీస్‌ మీద దండయాత్ర చేస్తోంది. కోట్లకు కోట్లు కొల్లగొడుతూ బాయ్‌కాట్‌ బాలీవుడ్‌ అన్నవారి నోళ్లు మూయించింది. షారుక్‌ ఖాన్‌, దీపికా పదుకొణె జంటగా నటించిన ఈ చిత్రం రూ.417 కోట్ల గ్రాస్‌(రూ.348.50 కోట్ల నెట్‌) రాబట్టింది. ఓవర్సీస్‌లో రూ.250 కోట్లు వసూలు చేసింది. అంటే ప్రపంచవ్యాప్తంగా పఠాన్‌ రూ.667 కోట్ల మేర కలెక్షన్స్‌ సాధించింది. కాగా బాలీవుడ్‌లో అత్యధిక వసూళ్లు రాబట్టిన మొదటి చిత్రంగా దంగల్‌(రూ.374.53 కోట్లు), రెండో స్థానంలో టైగర్‌ జిందా హై(రూ.339 కోట్లు), మూడో స్థానంలో పీకే (రూ.337.72 కోట్లు) ఉండేది. కానీ తాజాగా పఠాన్‌ రూ.348 కోట్ల నెట్‌ వసూళ్లు రాబట్టడంతో పీకే, టైగర్‌ జిందా హై సినిమాలను దాటేసి రెండో స్థానానికి చేరుకుంది. పఠాన్‌ దూకుడు చూస్తుంటే అతి త్వరలో దంగల్‌ను దాటేసి అత్యధిక వసూళ్లు రాబట్టిన టాప్‌ చిత్రంగా రికార్డు తిరగరాయడం ఖాయంగా కనిపిస్తోంది. #Pathaan ki party continues 🎉🎉🎉 Book your tickets now! https://t.co/SD17p6x9HI | https://t.co/VkhFng6vBj Celebrate #Pathaan with #YRF50 only at a big screen near you, in Hindi, Tamil and Telugu. pic.twitter.com/kc1FjITfRy — Yash Raj Films (@yrf) February 2, 2023 చదవండి: నాతో స్టార్‌ హీరో సీక్రెట్‌ అఫైర్‌.. నటి పెళ్లికి ఆ డ్రెస్‌లో వేస్తావా? వేరే దొరకలేదా?: కీర్తి సురేశ్‌పై ట్రోలింగ్‌

బాలీవుడ్‌ కింగ్‌ ఖాన్‌ షారుక్‌ ఖాన్‌, దీపికా పదుకొణె జంటగా నటించిన చిత్రం 'పఠాన్‌'. జాన్‌ అబ్రహం కీలక పాత్రలో నటించగా, సల్మాన్‌ ఖాన్‌ గెస్ట్‌ రోల్‌లో కనిపించారు. సిద్ధార్థ్ ఆనంద్ దర్శకత్వం వహించిన ఈ సినిమా బాక్సాఫీస్‌ వద్ద కలెక్షన్ల వర్షం కురిపిస్తోంది. విడుదలైన తొలిరోజు నుంచే సూపర్‌ హిట్‌ టాక్‌ తెచ్చుకున్న ఈ సినిమా ఇప్పటి వరకు రూ. 500కోట్లకు పైగా వసూళ్లు సాధించింది. ఇప్పటికే బాలీవుడ్‌లో `కేజీఎఫ్‌2` ‘బాహుబలి’ కలెక్షన్ల రికార్డులను బ్రేక్‌ చేసి హిందీ సినిమా చరిత్రలోనే హయ్యేస్ట్ గ్రాసింగ్ ఓపెనింగ్ వీకెండ్‌గా పఠాన్‌ నిలిచింది. ఈ క్రమంలో చిత్ర బృందం ముంబైలో ప్రెస్‌ మీట్‌ నిర్వహించింది. ఈ సందర్భంగా పఠాన్‌పై అభిమానులు చూపిస్తున్న ప్రేమకు దీపికా పదుకొణె ఎమోషనల్‌ అయ్యింది. దీపికా మాట్లాడుతూ.. ''సినిమా రిలీజ్‌ నాడు థియేటర్‌కి వెళ్లి ఆడియెన్స్‌ రెస్పాన్స్‌ చూద్దామనుకున్నా. కానీ ఆరోజు కుదర్లేదు. కానీ ఈరోజు మీ అందరి ప్రేమ, ప్రశంసలు పొందుతుంటే చాలా ఆనందంగా, ఓ పండుగలా అనిపిస్తుంది.  ఓం శాంతి ఓం సినిమా నుంచి షారుక్‌ ఖాన్‌తో నాకు మంచి అనుబంధం ఉంది. ఆరోజు నన్ను నమ్మి ఆయన అవకాశం ఇచ్చి ఉండకపోతే ఈరోజు నేను ఈ స్థాయిలో ఉండేదాన్ని కాదు. నిజాయితీగా, చిత్తశుద్దితో పని చేస్తే అందుకు బహుమతిగా ఇలాంటి ప్రేమ, ప్రశంసలు దక్కుతాయాని  పఠాన్‌ రుజువు చేసింది'' అంటూ దీపికా కంటతడి పెట్టింది.  View this post on Instagram A post shared by Bollywood Hungama🎥 (@realbollywoodhungama)

బాలీవుడ్‌ బాద్‌షా షారుక్‌ ఖాన్‌ బాక్సాఫీస్‌ వద్ద తన సత్తా ఏంటో చూపిస్తున్నాడు. ఆకలితో ఉన్న పులి పంజా విసిరినట్లుగా నాలుగేళ్లు వెండితెరకు దూరంగా ఉన్న ఆయన బాక్సాఫీస్‌ మీద యుద్ధమే చేస్తున్నాడు. కోట్లకు కోట్లు కొల్లగొడుతూ బాయ్‌కాట్‌ గ్యాంగ్‌కు ముచ్చెమటలు పట్టిస్తున్నాడు. తాజాగా పఠాన్‌ మూవీ రూ.500 కోట్ల మార్క్‌ను చేరుకుంది. ఇండియాలో రూ.335 కోట్లు రాబట్టగా ఓవర్సీస్‌లో రూ.207 కోట్లు కొల్లగొట్టింది. మొత్తంగా పఠాన్‌ ఐదు రోజుల్లోనే రూ.542 కోట్లు వసూలు చేయడంతో షారుక్‌ ఫ్యాన్స్‌ ఫుల్‌ ఖుషీ అవుతున్నారు. చూస్తుంటే పఠాన్‌ త్వరలోనే రూ.700 కోట్ల క్లబ్బులో చేరడం ఖాయంగా కనిపిస్తోంది. కాగా ఈ సినిమాలో షారుక్‌ సరసన హీరోయిన్‌ దీపికా పదుకొణె నటించింది. సిద్దార్థ్‌ ఆనంద్‌ డైరెక్ట్‌ చేసిన ఈ చిత్రం జనవరి 25న ప్రపంచవ్యాప్తంగా విడుదలైంది. ఈ సినిమాను ఎవరూ చూడొద్దంటూ సోషల్‌ మీడియాలో బాయ్‌కాట్‌ గ్యాంగ్‌ తెగ హల్‌చల్‌ చేసింది. కానీ షారుక్‌ స్టార్‌డమ్‌ ముందు బాయ్‌కాట్‌ నినాదం పని చేయలేదు. పైగా ఆయన సినిమా రిలీజై దాదాపు నాలుగేళ్లవుతుండటంతో పఠాన్‌ను చూసేందుకు ఎగబడుతున్నారు జనం. #JhoomeJoPathaan meri jaan mehfil hi loot jaaye ❤️‍🔥 the FANtastic party outside #Mannat gets PATHAANfied 🔥 Book your tickets now: https://t.co/z4YLOG2NRI | https://t.co/lcsLnUSu9Y@iamsrk @yrf#ShahRukhKhan #Pathaan #PathaanReview #YRF50 pic.twitter.com/OwyULyq8G3 — Shah Rukh Khan Universe Fan Club (@SRKUniverse) January 29, 2023 ‘PATHAAN’ CROSSES ₹ 500 CR MARK: ₹ 542 CR WORLDWIDE *GROSS* IN 5 DAYS… #Pathaan WORLDWIDE [#India + #Overseas] *Gross* BOC… *5 days*… ⭐️ #India: ₹ 335 cr ⭐️ #Overseas: ₹ 207 cr ⭐️ Worldwide Total *GROSS*: ₹ 542 cr 🔥🔥🔥 pic.twitter.com/UZvYoipsx0 — taran adarsh (@taran_adarsh) January 30, 2023 చదవండి: అసభ్యంగా తాకబోయాడు.. క్యాస్టింగ్‌ కౌచ్‌పై నటుడు పెళ్లైన 10 ఏళ్లకు సీమంతం.. భావోద్వేగంలో నటి

ఈ ఫోటోలో ఉన్న చిన్నారిని గుర్తు పట్టారా? చాలా క్యూట్‌గా కనిపిస్తున్న పాల బుగ్గల ఆ పసివాడు ఎవరో తెలుసా? సినీ ఇండస్ట్రీని ఏలుతున్న రారాజు అని మీకు తెలుసా? అమాయకంగా కనిపిస్తున్న ఈ బుడ్డోడు అందరి కలల రాకుమారుడిగా ఎదిగాడు. చలనచిత్ర పరిశ్రమలో తనకుంటూ ప్రత్యేక స్థానం సంపాదించాడు. ఆ స్టార్ హీరో ఎవరో ఓ లుక్కేద్దాం.  ఆ పాలబుగ్గల చిన్నారి మరెవరో కాదు. ప్రస్తుతం బాక్సాఫీస్‌ను ఓ ఆటాడుకుంటున్న బాలీవుడ్‌ బాద్‌షా షారూక్ ఖాన్. ఆయన నటించిన చిత్రం పఠాన్ రికార్డ్ స్థాయి వసూళ్లు రాబట్టింది. ఈ సందర్భంగా ఆయన చిన్నప్పటి ఫోటోలు సోషల్ మీడియాలో తెగ వైరలవుతున్నాయి. ఈ సినిమాలో దీపికా పదుకొణేతో కలిసి నటించిన స్పై థ్రిల్లర్ మూవీ పఠాన్ థియేటర్లను షేక్ చేస్తోంది. విడుదలైన ఐదు రోజుల్లోనే రూ.550 కోట్లతో దూసుకెళ్తోంది. ఈ చిత్రంలో మరో హీరో జాన్ అబ్రహం కీలక పాత్రలో నటించారు. ఈ మూవీ ప్రస్తుతం పలు రికార్డులు బద్దలు కొడుతోంది. ఈ సందర్భంగా  స్టార్ హీరో చిన్ననాటి ఫోటోలు వైరల్‌గా మారాయి.  

పఠాన్‌ సక్సెస్‌తో ఫుల్‌ జోష్‌లో ఉన్నాడు బాలీవుడ్‌ స్టార్‌ షారుక్‌ ఖాన్‌. సుమారు నాలుగేళ్ల తర్వాత వెండితెరపై కనిపించిన బాద్‌షా తన ఎంట్రీతోనే రికార్డులు బద్ధలు కొట్టాడు. గత కొంతకాలంగా వరుస ఫ్లాపులతో ఊగిసలాడుతున్న బాలీవుడ్‌కు ఊపిరి పోశాడు. షారుక్‌​ పఠాన్‌ మూవీ దక్షిణాదిలో పెద్దగా వసూళ్లు రాబట్టలేకపోయినప్పటికీ బాలీవుడ్‌ బాక్సాఫీస్‌ దగ్గర మాత్రం దుమ్మురేపుతోంది. కేవలం నాలుగు రోజుల్లోనే ప్రపంచవ్యాప్తంగా రూ.400 కోట్లు రాబట్టింది. ప్రస్తుతం పఠాన్‌ హిట్‌ను ఎంజాయ్‌ చేస్తున్న షారుక్‌ #AskSRK ద్వారా సోషల్‌ మీడియాలో అభిమానులతో ముచ్చటించాడు. పఠాన్‌కు పబ్లిక్‌ నుంచి వస్తున్న రెస్పాన్స్‌ చూస్తుంటే ఎలా అనిపిస్తుంది? షారుక్‌ : పాటలు పాడా, డ్యాన్స్‌ చేశా.. నవ్వుకున్నాను. పఠాన్‌ సంబరాలు చేసుకునేటప్పుడు పక్కవాళ్లను సైతం దృష్టిలో ఉంచుకోండి. డింపుల్‌ కపాడియా, అశుతోష్‌ రానాతో పనిచేయడం ఎలా ఉంది? షారుక్‌ : డింపుల్‌, అశుతోష్‌ గొప్ప నటులు. వారితో పనిచేయడం మర్చిపోలేను. ఒక సీన్‌లో అయితే భలే ఫన్నీగా ఉంటారు. పఠాన్‌ చూశాను. కానీ దీని కంటే జీరోనే బాగుంది షారుక్‌ :మీ గొప్ప మనసుకు కృతజ్ఞతలు. కానీ దురదృష్టవశాత్తూ జీరోని లక్షల్లోనే వదిలేశారు. పఠాన్‌ సృష్టిస్తున్న రికార్డులు చూస్తుంటే ఏమనిపిస్తోంది? షారుక్‌ :మళ్లీ పాత రోజులకు వెళ్లినట్లు ఉంది అమ్మాయిలెవరూ నన్ను ఇష్టపడటం లేదు. ఏదైనా టిప్‌ ఇవ్వండి షారుక్‌ :టిప్స్‌ ఇచ్చేంత సమయం లేదు జిమ్‌ (జాన్‌ అబ్రహం) కొడుతున్నప్పుడు పఠాన్‌కు ఎలా అనిపించింది? షారుక్‌ :జిమ్‌ చాలా ధృడమైన వ్యక్తి. నన్ను చాలా గట్టిగా కొట్టాడు. ఉఫ్‌.. ఆ భగవంతుడి వల్ల క్షేమంగా అతడి నుంచి తప్పించుకున్నా పఠాన్‌ హిట్టయింది కానీ సల్మాన్‌తో బాక్సాఫీస్‌ వద్ద మీరు పోటీపడలేరు? షారుక్‌ :సల్మాన్‌ భాయ్‌ ఎప్పటికీ గొప్పవాడే! ప్రమోషన్స్‌కు ఎందుకు దూరంగా ఉన్నారు? షారుక్‌ :సింహాలు ఇంటర్వ్యూల్లో పాల్గొనవు. కాబట్టి నేను కూడా ఈ సారి ఇంటర్వ్యూలకు దూరంగా ఉన్నాను. చదవండి: కమెడియన్‌ పంచ్‌ ప్రసాద్‌ ఇల్లు చూశారా?

ముంబై: బాలీవుడ్‌ స్టార్‌ హీరో షారూఖ్‌ ఖాన్‌ నటించిన ‘పఠాన్‌’ సినిమా బాక్సాఫీస్‌ వద్ద సందడి చేస్తోంది. నాలుగేళ్ల విరామం తర్వాత ‘పఠాన్‌’గా తెరపైకి దూసుకొచ్చిన షారూఖ్‌ సత్తా చాటాడు. వివాదాల నడుమ విడుదలైన ఈ సినిమా భారీ కలెక్షన్లతో బాక్సాఫీస్‌ రికార్డులను తిరగరాస్తోంది. అయితే ఈ సినిమాపై వివిధ రంగాలకు చెందిన ప్రముఖులు తమ అభిప్రాయాలను ట్విటర్‌ వేదికగా వెల్లడిస్తున్నారు.  ఏముందని చూస్తున్నారు? ‘పఠాన్‌’ సినిమా విజయంపై సుప్రీంకోర్టు మాజీ న్యాయమూర్తి మార్కండేయ ఖట్జూ తనదైన శైలిలో స్పందించారు. ‘పఠాన్‌ సినిమాకు వస్తున్న స్పందన చూసిన తర్వాత, ఇండియాలోని మూర్ఖుల సంఖ్య మీద నా అంచనా 90 శాతం నుంచి 95 శాతానికి పెరిగింద’ని ట్వీట్‌ చేశారు. నల్లమందు ధర పెరిగింది కాబట్టి.. చౌకైన ప్రత్యామ్నాయంగా ‘పఠాన్‌’ను కనుగొన్నారని సెటైర్‌ వేశారు.  My estimate of fools in India has gone up from 90% to 95% after seeing the response to the film Pathan — Markandey Katju (@mkatju) January 26, 2023 అన్నీ ఉన్నాయి 2023లో ఇదే మొదటి బ్లాక్‌ బస్టర్‌ అంటూ సినీ విమర్శకుడు తరణ్‌ ఆదర్శ్ పేర్కొన్నారు. ‘పఠాన్‌’లో అన్నీ ఉన్నాయి. స్టార్‌ పవర్, స్టైల్, హంగు, ఆత్మ, విషయం, ఆశ్చర్యాలు, ఇంకా అన్నింటికంటే ముఖ్యంగా ప్రతీకారేచ్ఛతో వచ్చిన షారుక్‌ ఖాన్‌. 2023లో ఇదే మొదటి బ్లాక్‌ బస్టర్‌!’అని ట్వీట్‌ చేశారు. అంతేకాదు ట్విటర్‌లో ‘పఠాన్‌’సినిమాకు నాలుగున్న స్టార్స్‌ రేటింగ్‌ కూడా ఇచ్చారు.  #OneWordReview...#Pathaan: BLOCKBUSTER. Rating: ⭐️⭐️⭐️⭐️½#Pathaan has it all: Star power, style, scale, songs, soul, substance and surprises… And, most importantly, #SRK, who’s back with a vengeance… Will be the first #Blockbuster of 2023. #PathaanReview pic.twitter.com/Xci1SN72hz — taran adarsh (@taran_adarsh) January 25, 2023 కాగా, పఠాన్‌ సినిమా రెండు రోజుల్లో ప్రపంచవ్యాప్తంగా 170 కోట్ల రూపాయల గ్రాస్‌ వసూళ్లు రాబట్టినట్టు ట్రేడ్‌ వర్గాల సమాచారం. మున్ముందు కలెక్షన్లు మరింత పెరిగే అవకాశముందని అంచనా. (క్లిక్ చేయండి: షారుక్‌ పని అయిపోయిందంటూ ట్వీట్‌.. చివర్లో ట్విస్ట్‌!)

దేశం కోసం కొందరు గూఢచారులు ‘మేరా భారత్‌ మహాన్‌’ అంటూ ప్రాణాలకు తెగించి పోరాడుతున్నారు. అయితే ఇవి సిల్వర్‌ స్క్రీన్‌ గూఢచారుల కథలు. భారత రాజ్యాంగం అమలులోకొచ్చిన రోజు (జనవరి 26)న స్వాతంత్య్రం కోసం ప్రాణాలను లెక్కచేయని సమర యోధులను గుర్తు చేసుకుంటూ... సిల్వర్‌ స్క్రీన్‌పై దేశం కోసం పోరాడే ఈ రీల్‌ గూఢచారుల గురించి తెలుసుకుందాం.  ఓ రహస్యాన్ని ఛేదించేందుకు ‘డెవిల్‌’గా గూఢచార్యం చేస్తున్నారు కల్యాణ్‌ రామ్‌. నవీన్‌ మేడారం దర్శకత్వంలో కల్యాణ్‌ రామ్‌ హీరోగా నటిస్తున్న సినిమా ‘డెవిల్‌’. ‘ది బ్రిటిష్‌ సీక్రెట్‌ ఏజెంట్‌’ అనేది ఉపశీర్షిక. 1945లో బ్రిటిష్‌ పరిపాలనలో ఉన్న మద్రాస్‌ ప్రెసిడెన్సీ నేపథ్యంలో ఈ సినిమా ఉంటుంది. ప్రేమ, ద్రోహం, మోసం.. ఈ మూడు అంశాలు ఏ విధంగా ఓ గూఢచారి జీవితాన్ని ప్రభావితం చేశాయన్నదే ఈ సినిమా ప్రధానాంశం. మరోవైపు దేశం కోసం అజ్ఞాతంలో ఉండనున్నారు విజయ్‌ దేవరకొండ. గౌతమ్‌ తిన్ననూరి దర్శకత్వంలో విజయ్‌ దేవరకొండ హీరోగా ఓ సినిమా తెరకెక్కనున్న సంగతి తెలిసిందే. ఇందులో అజ్ఞాత గూఢచారి పాత్రలో కనిపిస్తారట విజయ్‌ దేవరకొండ. త్వరలోనే ఈ సినిమా షూటింగ్‌ ఆరంభం కానుంది. ఇక 2018లో ‘గూఢచారి’గా కనిపించి సక్సెస్‌ఫుల్‌గా మిషన్‌ను పూర్తి చేసిన అడివి శేష్‌ మళ్లీ ఓ కొత్త మిషన్‌ను ఆరంభించారు. ‘గూఢచారి’ సీక్వెల్‌ ‘జీ 2’ (గూఢచారి 2)లో హీరోగా నటిస్తున్నారు. సిరిగినీడి వినయ్‌ కుమార్‌ ఈ సినిమాకు దర్శకత్వం వహిస్తున్నారు. మరోవైపు యాక్షన్‌ ‘ఏజెంట్‌’గా మారారు అఖిల్‌. సురేందర్‌రెడ్డి దర్శకత్వంలో అఖిల్‌ హీరోగా నటిస్తున్న సినిమా ‘ఏజెంట్‌’. దేశం కోసం ఎంతకైనా తెగించే ఓ ఏజెంట్‌ నేపథ్యంలో సాగే ఈ సినిమా ఈ వేసవిలో రిలీజ్‌ కానుంది. కాగా మంచు పర్వతాల్లో తుపాకులను దాచిపెట్టారు హీరో నిఖిల్‌. ఎందుకంటే దేశం కోసం గూఢచారిగా మారారు. ఎడిటర్‌ గ్యారీ బీహెచ్‌ దర్శకత్వంలో నిఖిల్‌ హీరోగా నటిస్తున్న సినిమా ‘స్పై’. దేశానికి సంబంధించిన ఓ సీక్రెట్‌ను కనిపెట్టి, దేశద్రోహులను ఓ స్పై ఏ విధంగా మట్టుపెట్టాడన్నదే ఈ సినిమా అని తెలుస్తోంది. ‘స్పై’ను ఈ ఏడాదే రిలీజ్‌ చేయాలనుకుంటున్నారు. వీరితో పాటు మరికొందరు కూడా గూడఛారులుగా కనిపించనున్నారు.  కోలీవుడ్‌ లోనూ కొందరు హీరోలు దేశం కోసం సాహసాలు చేస్తున్నారు. దేశభక్తి నేపథ్యంగా హీరో కమల్‌హాసన్, దర్శకుడు శంకర్‌ కాంబినేషన్‌లో 1996లో వచ్చిన ‘ఇండియన్‌’ సినిమా సూపర్‌ డూపర్‌ హిట్‌గా నిలిచింది. ఇప్పుడీ సినిమాకు సీక్వెల్‌గా ‘ఇండియన్‌ 2’ చేస్తున్నారు కమల్‌ అండ్‌ శంకర్‌. పూర్తి దేశభక్తి బ్యాక్‌డ్రాప్‌లో, ఈ కాలంతోపాటు 1920 కాలం నేపథ్యంలో ఈ చిత్రం సాగుతుందని తెలిసింది. ఇక దర్శకుడిగా ‘తుపాకీ’, ‘స్పైడర్‌’ వంటి స్పై మూవీస్‌ను తీసిన ఏఆర్‌ మురుగదాస్‌ నిర్మాతగా ప్రస్తుతం ‘1947, ఆగస్టు 16’ అనే సినిమా  నిర్మించారు. గౌతమ్‌ కార్తీక్‌ హీరోగా నటించిన ఈ సినిమాకు ఎన్‌ఎస్‌ పొన్‌కుమార్‌ దర్శకుడు. ఈ సినిమా రిలీజ్‌కు రెడీ అవుతోంది. అలాగే మరో తమిళ హీరో అరుణ్‌ విజయ్‌ నటించిన సినిమా ‘బోర్డర్‌’. మిలిటరీ బ్యాక్‌డ్రాప్‌లో సాగే చిత్రం ఇది. ఎ. వెంకటాచలం దర్శకత్వం వహించిన ఈ సినిమా వచ్చే నెలలో రిలీజ్‌ కానుంది. ఇక విష్ణు విశాల్‌ హీరోగా మను ఆనంద్‌ దర్శకత్వంలోవచ్చిన ‘ఎఫ్‌ఐఆర్‌’ చిత్రం ఉగ్రవాదం నేపథ్యంలో సాగుతుంది. ఈ సినిమాకు సీక్వెల్‌గా ‘ఎఫ్‌ఐఆర్‌ 2’ని ప్రకటించారు విష్ణు విశాల్‌. కాగా గత ఏడాది విడుదలైన ‘విక్రమ్‌’ సినిమాలో కమల్‌హాసన్, ‘సర్దార్‌’లో కార్తీ రా (రీసెర్చ్‌ అండ్‌ ఎనాలిసిస్‌ వింగ్‌) ఏజెంట్స్‌గా నటించిన సంగతి తెలిసిందే. ఈ చిత్రాలకు సీక్వెల్స్‌ రానున్నాయి.  బాలీవుడ్‌లో అయితే స్పై బ్యాక్‌డ్రాప్‌ ఫిల్మ్స్‌కు కొదవే లేదు. ఇప్పటికే ‘టైగర్‌ జిందా హై’, ‘ఏక్తా టైగర్‌’ వంటి స్పై బ్యాక్‌డ్రాప్‌ ఫిల్మ్స్‌లో నటించిన సల్మాన్‌ ఖాన్‌ ఈ ఫ్రాంచైజీలోనే తాజాగా ‘టైగర్‌ 3’ సినిమా చేస్తున్నారు. మనీష్‌ శర్మ దర్శకత్వం వహిస్తున్న ఈ సినిమా ఈ ఏడాదే రిలీజ్‌ కానుంది. అలాగే స్పై బ్యాక్‌డ్రాప్‌లో సౌత్‌ డైరెక్టర్‌ అట్లీ తెరకెక్కిస్తున్న ‘జవాన్‌’ సినిమాలో హీరోగా నటిస్తున్నారు షారుక్‌ ఖాన్‌. ఈ ఏడాది జూన్‌ 2న ‘జవాన్‌’ విడుదల కానుంది. మరోవైపు కథానాయిక సారా అలీఖాన్‌ ‘ఆయే వతన్‌.. మేరే వతన్‌’ అనే మూవీ చేస్తున్నారు. కన్నన్‌ అయ్యర్‌ దర్శకత్వం వహిస్తున్నారు. క్విట్‌ ఇండియా ఉద్యమం నేపథ్యంలో ఈ సినిమా సాగుతుంది. ఓ కాలేజీ విద్యార్థిని స్వాతంత్య్ర సంగ్రామంలో ఎలా పాల్గొంది? అన్నదే ఈ సినిమా కథ. అలాగే దేశ విభజన నాటి అంశాల నేపథ్యంలో ‘లాహోర్‌: 1947’ అనే సినిమా రూపుదిద్దుకోనుంది. ‘ఘాయల్‌’, ‘దామిని’, ‘ఘాతక్‌’ వంటి హిట్‌ సినిమాల తర్వాత హీరో సన్నీ డియోల్, దర్శకుడు రాజ్‌కుమార్‌ సంతోషి కాంబినేషన్‌లో ఈ సినిమా రూపొందనుంది. ఇక దర్శకుడు సిద్ధార్థ్‌ ఆనంద్‌ రీసెంట్‌గా స్పై బ్యాక్‌డ్రాప్‌  సినిమాలు చేస్తున్నారు. ఆయన దర్శకత్వంలో వచ్చిన తాజా స్పై ఫిల్మ్‌ ‘పఠాన్‌’ థియేటర్స్‌లో ఉంది. కాగా ‘వార్‌’ తర్వాత హృతిక్‌ రోషన్‌తో ‘ఫైటర్‌’ చేస్తున్నారు సిద్ధార్థ్‌ ఆనంద్‌. ఇది కూడా స్పై బ్యాక్‌డ్రాప్‌ ఫిల్మ్‌ అట. అలాగే హీరో ప్రభాస్‌తో కూడా సిద్ధార్థ్‌ ఓ స్పై బ్యాక్‌డ్రాప్‌ ఫిల్మ్‌ చేస్తారని టాక్‌. ఇక హీరో జాన్‌ అబ్రహాం కూడా ‘టెహ్రాన్‌’ అనే స్పై ఫిల్మ్‌ చేస్తున్నారు. ఈ కోవలో మరికొన్ని బాలీవుడ్‌ సినిమాలు ఉన్నాయి. 

టైటిల్‌: పఠాన్‌ నటీనటులు: షారుఖ్‌ ఖాన్‌, జాన్‌అబ్రహం, దీపికా పదుకొణె, డింపుల్‌ కపాడియా, అశుతోశ్ రానా తదితరులు నిర్మాణ సంస్థ: యశ్‌రాజ్‌ ఫిల్మ్స్‌ నిర్మాత: ఆదిత్య చోప్రా దర్శకత్వం:  సిద్ధార్థ్‌ ఆనంద్‌ సంగీతం:  సంచిత్ బల్హారా, అకింత్ బల్హారా  విడుదల తేది: జనవరి 25,2023 కథేంటంటే.. భారత ప్రభుత్వం ఆర్టికల్‌ 370 రద్దు చేయడంతో పాకిస్తాన్‌ ప్రభుత్వం కోపంతో రగిలిపోతుంది. భారత్‌పై దాడి చేసేందుకు కుట్ర పన్నుతుంది. దీని కోసం ప్రైవేట్‌ ఏజెంట్‌ జిమ్‌(జాన్‌ అబ్రహం)ను సంప్రదిస్తాడు పాక్‌ జనరల్‌ కల్నల్‌. కశ్మీర్‌ని పాకిస్తాన్‌కి అప్పగించాలని, లేదంటే ఇండియాపై అటాక్‌ చేయాలని కోరతాడు. దీంతో ఇండియాపై బయో వార్‌ చేసేందుకు ప్లాన్‌ వేస్తాడు జిమ్‌. దాన్ని అడ్డుకునేందుకు రంగంలోకి దిగుతాడు ఇండియన్‌ ఏజెంట్‌ పఠాన్‌(షారుఖ్‌ ఖాన్‌). అసలు జిమ్‌ వేసిన రక్తభీజ్‌ ప్లాన్‌ ఏంటి? ఇండియాపై జిమ్‌ ఎందుకు పగ పడతాడు? పఠాన్‌, జిమ్‌కు ఉన్న సంబంధం ఏంటి? సీక్రెట్‌ ఏజెన్సీ ‘జోకర్‌’ని పఠాన్‌ ఎందుకు ఏర్పాటు చేశాడు?  రక్తభీజ్‌ ప్లాన్‌ని చేధించే క్రమంలో పఠాన్‌, పాకిస్తాన్‌ ఐఎస్‌ఐ ఏజెంట్‌ రూబై(దీపికా పదుకొణె) మధ్య ఏం జరిగింది? పాకిస్తాన్‌ కుట్రను అడ్డుకునే క్రమంలో భారత ఆర్మీ అధికారిణి (డింపుల్‌ కపాడియా) చేసిన త్యాగమేంటి? తదితర విషయాలు తెలియాలంటే థియేటర్‌లో ‘పఠాన్‌’ సినిమా చూడాల్సిందే.  ఎలా ఉందంటే.. 'వార్' మూవీతో దర్శకుడు సిద్ధార్థ్ ఆనంద్ భారీ విజయం అందుకున్నాడు. ఆ సినిమాలోని యాక్షన్‌, ఎమోషన్స్‌.. అన్ని ప్రేక్షకులను విపరీతంగా ఆకట్టుకున్నాయి. అలాంటి దర్శకుడు షారుఖ్‌తో సినిమా అనేసరికి ‘పఠాన్‌’పై అంచనాలు పెరిగాయి. దానికి తోడు ‘ఏక్ థా టైగర్', 'టైగర్ జిందా హై'తో పాటు ‘వార్‌’ లాంటి స్పై థ్రిల్లర్స్ నిర్మించిన భారీ నిర్మాణ సంస్థ యశ్‌రాజ్‌  ఫిల్మ్స్‌  నిర్మాతగా వ్యవహరించడంతో ఆ అంచనాలు తారా స్థాయికి చేరాయి. అందుకు తగ్గట్టే భారీ యాక్షన్స్‌ సీక్వెన్స్‌, విజువల్స్‌తో పఠాన్‌ని అద్భుతంగా తెరకెక్కించారు. అయితే కథ మాత్రం రొటీన్‌గా ఉంటుంది. యాక్షన్స్‌ సీన్స్‌, విజువల్స్‌...  ఏక్ థా టైగర్, టైగర్ జిందా హై, వార్‌ సినిమాలలో చూసినట్లుగానే ఉంటాయి. అయితే ఆ సినిమాల్లో పండిన ఎమోషన్ 'పఠాన్'లో పండలేదు. షారుఖ్‌ స్టార్‌డమ్‌తో సినిమాను లాక్కొచ్చారు.  పస్టాఫ్‌ అంతా సాధారణంగా సాగుతుంది. జాన్‌ అబ్రహం, షారుఖ్‌ తలపడే సీన్స్‌ ఆకట్టుకుంటాయి. అయితే కథ మాత్రం ముందుకు వెనక్కి వెళ్తూ.. గందరగోళానికి గురి చేస్తుంది. రక్తభీజ్‌ను గుర్తించే క్రమంలో హెలికాప్టర్‌పై షారుఖ్‌, దీపికాలు చేసే యాక్షన్‌ సీన్స్‌ అదిరిపోతాయి. ఇంటర్వెల్‌ ట్విస్ట్‌ బాగుంటుంది. కానీ స్పై థ్రిల్లర్స్ తరహా సినిమాలు చూసేవాళ్లు ఆ ట్విస్ట్‌ని పసిగట్టే చాన్స్‌ ఉంది. ఇక సెకండాఫ్‌ నుంచి కథలో వేగం పుంజుకుంటుంది. ప్రీక్లైమాక్స్‌ ముందు వచ్చే ఇండియన్‌ ల్యాబ్‌ సీన్‌ ఎమోషనల్‌కు గురి చేస్తుంది. ఇక క్లైమాక్స్‌లో షారుఖ్‌, జాన్‌ అబ్రహం యాక్షన్‌ సీన్స్‌ అదిరిపోతాయి. పఠాన్ కోసం టైగర్‌(సల్మాన్‌ ఖాన్‌) రావడం.. వారిద్దరు కలిసి చేసే యాక్షన్‌ సీన్‌ సినిమాకే హైలెట్‌. షారుఖ్‌ అభిమానులకు, యాక్షన్‌ సీక్వెన్స్‌ ఇష్టపడేవారికి ‘పఠాన్‌’ నచ్చుతుంది.  ఎవరెలా చేశారంటే.. ఇండియన్‌ జవాన్‌ పఠాన్‌ పాత్రలో షారుఖ్‌ ఒదిగిపోయాడు. యాక్షన్‌ సీన్స్‌లో అద్భుతంగా నటించాడు. ఈ సినిమా కోసం షారుఖ్‌ పడిన కష్టమంతా తెరపై కనబడుతుంది. ప్యాక్డ్‌ బాడీతో కనిపించి అభిమానులను అలరించాడు. జాన్‌ అబ్రహం నెగెటివ్ రోల్‌లో అదరగొట్టేశాడు. యాక్షన్స్‌ సీన్స్‌లో షారుఖ్‌తో పోటీపడి నటించాడు. పాకిస్తాన్‌ ఐఎస్‌ఐ ఏజెంట్‌ రూబైగా దీపికా పదుకొణె తనదైన నటనతో ఆకట్టుకుంది. తెరపై అందాలను ప్రదర్శించడమే కాదు.. యాక్షన్స్‌ సీక్వెన్స్‌లో నటించి అందరిని ఆశ్చర్యపరిచింది. ఆమె చేసే ఫైట్‌ సీన్స్‌ ఆకట్టుకుంటాయి. అశుతోష్ రానా, డింపుల్ కపాడియాలతో పాటు మిగిలిన నటీనటులు తమ పాత్రల పరిధిమేర నటించారు. సంచిత్ బల్హారా, అకింత్ బల్హారా నేపథ్య సంగీతం బాగుంది. సినిమాటోగ్రఫీ స్పెషల్ అట్రాక్షన్‌గా నిలుస్తుంది. యశ్ రాజ్ ఫిల్మ్స్ నిర్మాణ విలువలు సినిమా స్థాయికి తగ్గట్లు ఉన్నతంగా ఉన్నాయి. 

నాలుగేళ్ల విరామం తర్వాత బాలీవుడ్‌ బాద్‌షా షారుఖ్‌ఖాన్‌ ‘పఠాన్‌’తో ప్రేక్షకుల ముందుకు వచ్చాడు. సిద్ధార్థ్‌ ఆనంద్‌ తెరకెక్కించిన ఈ చిత్రాన్ని యశ్‌రాజ్‌ ఫిల్మ్స్‌ సంస్థ భారీ బడ్జెట్‌తో నిర్మించింది. దీపికా పదుకొణె హీరోయిన్‌గా నటించిన ఈ యాక్షన్‌ ఎంటర్‌టైనర్‌ నేడు(జనవరి 25) ప్రేక్షకుల ముందుకు వచ్చింది. ఇప్పటికే విడుదలైన టీజర్‌, పాటలు సినిమాపై భారీ హైప్‌ని క్రియేట్‌ చేశాయి. ఈ సినిమాపై వచ్చిన వివాదాలు కూడా ప్రచారానికి తోడైయ్యాయి. దీంతో అడ్వాన్స్‌ బుకింగ్స్‌లో ఈ సినిమా రికార్డు సృష్టించింది. భారీ అంచనాల మధ్య నేడు విడుదలైన ఈ చిత్రం ఫస్ట్‌ షో డిపోయింది. దీంతో బుధవారం తెల్లవారుజామునుంచే ట్విటర్‌ ద్వారా ప్రేక్షకులు తమ అభిప్రాయాన్ని తెలియజేస్తున్నారు. ‘పఠాన్‌’కథేంటి? ఎలా ఉంది? తదితర విషయాలను ట్విటర్‌ ద్వారా చర్చిస్తున్నారు. వాటిపై ఓ లుక్కేయండి. #PathaanReview INTERVAL If u think u know the whole story by watching the trailer.. Just wanna tell u all .. U ARE TOTALLY WRONG!! Nothing revealed in the trailer! 1st half: Gripping.. Intense.. Thrilling Keeps u hooked through out.. SRK is incredible 🔥#Pathaan #ShahRukhKhan — Es͜͡ha (@Esha_SRK) January 25, 2023 పఠాన్ ట్రైలర్ చూసి ఈ సినిమా కథను ఊహిస్తే కూడా పొరబడినట్టే. ట్రైలర్‌లో కథను ఏ మాత్రం కూడా రివీల్ చేయలేదు.. పస్టాఫ్‌ అంతా కూడా ఎంతో గ్రిప్పింగ్‌గా, ఇంటెన్స్‌గా, థ్రిల్లింగ్‌గా ఉంది.. షారుఖ్‌ ఎప్పుడూ ఓ అద్భుతమే అని ఓ నెటిజన్ కామెంట్‌ చేశాడు. 4.5 🌟 from my side! Enjoyed a good film after a long time! KING IS BACK ❤️ @iamsrk #Pathaan #PathaanFirstDayFirstShow — Ashweta 🇳🇿✨ (@Sonaholic_Ashu) January 25, 2023 కింగ్‌ ఈజ్‌ బ్యాక్‌. పఠాన్‌ బ్లాక్‌ బస్టర్‌ హిట్‌ అంటూ 4.5 రేటింగ్‌ ఇచ్చాడు ఓ నెటిజన్‌. #PATHAAN Review 🔥 🔥 🔥 ---Srk entry 🔥 📛 ---john 🔥 deepika 🔥 1st half superveb ---2 ND half u will be happy for great action,,,, sequences 🔥 #SalmanKhan superb cameo 👏 👌 Not Srk back its Bollywood back #shahrukhkhan the great performance 👏 👌 👍 🙌 😎 enjoy india+ — Rakesh appu (@Kotresh57392792) January 25, 2023 Wish you all for #Pathaan Day🔥 Gearing up for my 1st show Have a blast💥 pic.twitter.com/I3yxkjTtDk — Aj (@ajlookout) January 25, 2023 What's need to spread fake news? Bhai i have tweeted what happened that's it🔥 really are you SRK fan?😁#Pathaan Beats #KGFChapter2 adv bookings Presales at National chains🔥#ShahRukhKhan𓀠 #PathaanReview https://t.co/mEQCBtEsfe pic.twitter.com/53Dx30k10a — AADI | ಆದೀ (@AadiSudeepian_) January 25, 2023 Don't worry,these are the rioters n t.rrorists sponsored by bh.gwa s.nghi t.rrorists organizations n #Pathaan is already a super duper hit and broke all records in advance booking only. So even @ANI @ani_digital must show these to go. Bar bhakts. They must apply go. Bar n Burnol — MiyaBhai (@miyabhai1503) January 25, 2023 #Pathaan has literally become a festival. Unbelievable stuff! Now hoping and praying for the film to be entertaining. #ShahRukhKhan #DeepikaPadukone #SiddharthAnand #JohnAbraham — A (@Anirudh_1901) January 25, 2023

గువహతి: షారూఖ్‌ ఖానా? అసలు అతనెవరు? అతని గురించి నాకేం తెలియదు. అతని సినిమా పఠాన్‌ గురించి కూడా నాకేం తెలియదు.. ఈ కామెంట్లు చేసింది ఎవరో కాదు అసోం ముఖ్యమంత్రి హిమంత బిస్వా శర్మ. శనివారం గువాహతిలో ఓ కార్యక్రమానికి హాజరైన ఆయన మీడియాకు ఈ సమాధానాలు ఇచ్చారు.  పఠాన్‌ సినిమాను అడ్డుకుంటామని బజరంగ్ దళ్ కార్యకర్తలు ప్రయత్నిస్తున్న నేపథ్యంలో.. అక్కడి మీడియా అసోం సీఎంను స్పందించాలని కోరింది. దీనికి ఆయన బదులిస్తూ.. షారూఖ్‌ ఖాన్‌ ఎవరని,  ఆ సినిమా గురించి కూడా తనకు తెలియదని సమాధానం ఇచ్చారు. ‘‘బాలీవుడ్ నుండి చాలా మంది తమ సమస్యల గురించి ఫోన్ చేశారు. కానీ, ఆ ఖాన్ ఎవరో నాకు ఫోన్ చేయలేదు. ఒకవేళ అతను గనుక చేస్తే.. విషయాన్ని పరిశీలిస్తా’’ అని సీఎం హిమంత మీడియాకు తెలిపారు.  నరెంగిలో శుక్రవారం సాయంత్రం పఠాన్‌ను ప్రదర్శించబోయే ఓ థియేటర్‌పై బజరంగ్‌ దళ్‌ కార్యకర్తలు దాడి చేసి.. పోస్టర్లను చించేసి దహనం చేశారు. ఈ పరిణామంపై స్పందించిన సీఎం.. శాంతి భద్రతలకు ఎవరు భంగం కలిగించినా ఊరుకునేది లేదని, ఘటనకు సంబంధించి కేసు నమోదు అయ్యిందని.. చర్యలుంటాయని సమాధానం ఇచ్చారు. ఇక షారూఖ్‌ ఖాన్ అంటే.. బాలీవుడ్ సూపర్ స్టార్ అని విలేకరులు చెప్పగా..  రాష్ట్ర ప్రజలు అస్సామీ చిత్రాల గురించి ఆలోచించాలే తప్ప..  హిందీ చిత్రాల గురించి కాదని చెప్పారు. దివంగత నిపోన్‌ గోస్వామి దర్శకత్వం వహించిన డాక్టర్‌ బెచ్‌బరౌవా-పార్ట్‌2(అస్సామీ చిత్రం) త్వరలో విడుదల కాబోతోందని, ప్రజలంతా ఆ సినిమా చూడాలని ఆయన అసోం ప్రజలకు పిలుపు ఇచ్చారు.  యాక్షన్‌ చిత్రాల దర్శకుడు సిద్ధార్థ్‌ ఆనంద్‌ డైరెక్షన్‌లో షారూఖ్‌ ఖాన్‌, జాన్‌ అబ్రహం, దీపికా పదుకునే ప్రధాన పాత్రల్లో తెరకెక్కింది పఠాన్‌. ఈ చిత్రం జనవరి 25వ తేదీన దేశవ్యాప్తంగా రిలీజ్‌ కానుంది. బేషరమ్‌ రంగ్‌ అనే పాటలో కాషాయం రంగు బికినీ ధరించిందని, అది హిందుత్వాన్ని కించపరిచినట్లేనని చెబుతూ వీహెచ్‌పీ సహా హిందూ అనుబంధ సంఘాలు ఈ చిత్రాన్ని నిషేధించాలని పట్టుబడుతున్నాయి. 

బాలీవుడ్‌ బాద్‌షా షారుక్‌ ఖాన్‌, బ్యూటీ క్వీన్‌ దీపికా పదుకొణె జంటగా నటించిన చిత్రం పఠాన్‌. విడుదలకు ముందే వివాదంలో చిక్కుకున్న ఈ సినిమా ఎట్టకేలకు రెడీ అయ్యింది. హై వొల్టేజ్‌ యాక్షన్‌ డ్రామాగా పఠాన్‌ జవవరి 25న ప్రపంచ వ్యాప్తంగా ప్రేక్షకుల ముందుకు రాబోతోంది. ఇదిలా ఉంటే ఇటీవల సెన్సార్‌కు వెళ్లిన ఈ సినిమాకు బోర్డు షాకిచ్చిన సంగతి తెలిసిందే. పఠాన్‌కు యూ/ఏ సర్టిఫికేట్‌ కావాలంటే తాము సూచించిన విధంగా మార్పులు చేసుకురమ్మని మూవీ టీంను ఆదేశించారు సెన్సార్‌ బోర్డు సభ్యులు. పలు మార్పుల అనంతరం రెండోసారి సెన్సార్‌కు వెళ్లిన ఈ చిత్రానికి తాజాగా సెన్సార్‌ బోర్డు యూ/ఏ సర్టిఫికేట్‌ను జారీ చేశారు. చదవండి: అమలాపాల్‌కు చేదు అనుభవం, వివాదాస్పదంగా టెంపుల్‌ సంఘటన! అయితే ఈ చిత్రంలో మొత్తం 11పైగా పలు అభ్యంతకర సన్నివేశాల సెన్సార్‌ కట్‌లు ఉన్నట్లు తెలుస్తోంది. అంతేకాదు వివాదంలో నిలిచిన బెషరమ్‌ రంగ్‌ పాటలో దీపికాకు చెందిన 3 క్లోజప్‌ షాట్స్‌ను తొలగించినట్లు సమాచారం. అలా పలు కట్స్‌ అనంతరం ఆ మూవీకి సెన్సార్‌ బోర్డు సర్టిఫికేట్‌ జారీ చేసిందట. ఫైనల్‌గా మూవీ నిడివి 146.16 నిమిషాలు(2 గంటల 26 నిమిషాల 16 సెకన్లు) లాక్‌ అయ్యింది. కాగా సిద్ధార్థ్‌ ఆనంద్‌ దర్శకత్వంలో తెరకెక్కిన ఈ యాక్షన్‌ థ్రిల్లర్‌ను యశ్ రాజ్ ఫిల్మ్స్ పతాకంపై ఆదిత్య చోప్రా నిర్మించాడు. ఇందులో షారుక్‌ గూఢచారిగా కనిపించనున్నాడు. ఈ చిత్రానికి విశాల్‌ శేఖర్‌ సంగీతం అందిస్తున్నాడు. చదవండి: ఆ స్టార్ హీరోతో ప్రేమలో పడ్డాను: సీనియర్ నటి జయమాలిని

బాలీవుడ్‌ ‘బాద్‌షా’ షారుక్ ఖాన్‌, బ్యూటీ క్వీన్‌ దీపికా పదుకొణె జంటగా నటించిన లేటెస్ట్‌ మూవీ 'పఠాన్‌'. ఎన్నో వివాదాల అనంతరం.. సెన్సార్‌తో సహా అన్ని కార్యక్రమాలను పూర్తి చేసుకున్న ఈ హై వోల్టేజ్‌ యాక్షన్‌ మూవీ ఈ నెల(జనవరి) 25న ప్రపంచవ్యాప్తంగా విడుదల కాబోతోంది. సిద్ధార్థ్‌ ఆనంద్‌ దర్శకత్వంలో తెరకెక్కిన ఈ యాక్షన్‌ థ్రిల్లర్‌ను యశ్ రాజ్ ఫిల్మ్స్ పతాకంపై ఆదిత్య చోప్రా నిర్మించాడు.  ఇటీవలే ఈ చిత్ర ట్రైలర్‌ను హిందీతో పాటు తెలుగు, తమిళంలో రిలీజ్ చేసింది చిత్రబృందం.  తాజాగా ఈ చిత్ర ట్రైలర్‌ను దుబాయ్‌లోని బుర్జ్‌ఖలీఫాపై ప్రదర్శించారు. ఈ వేడుకలో పాల్గొన్న హీరో షారుక్ ఖాన్ అభిమానులతో కలిసి సందడి చేశారు. ట్రైలర్ ప్రదర్శించినప్పుడు ఆ ప్రాంతమంతా ఆయన అభిమానులతో పూర్తిగా కిక్కిరిసిపోయింది. షారుఖ్ ఖాన్ 'ఝూమ్ రే పఠాన్' అనే పాటకు డ్యాన్స్ చేశాడు. అంతకుముందు రణ్‌వీర్ సింగ్ నటించిన'83' ట్రైలర్‌ను బుర్జ్‌ఖలీఫాపై ప్రదర్శించారు.  OFFICIAL VIDEO…#Pathaan Trailer screened on Burj Khalifa amid #ShahRukhKhan’s presence….pic.twitter.com/joLJH4Xt9q — Nishit Shaw (@NishitShawHere) January 15, 2023

బాలీవుడ్‌ స్టార్స్‌ షారుక్‌ ఖాన్‌, దీపికా పదుకొణె హీరోహీరోయిన్లుగా నటించిన మూవీ పఠాన్‌. ఎన్నో వివాదాలతో నిత్యం వార్తల్లో నిలుస్తున్న ఈ చిత్రం జనవరి 25న రిలీజ్‌కు రెడీ అవుతోంది. ఈ క్రమంలో వీలు చిక్కినప్పుడల్లా ఫ్యాన్స్‌తో చిట్‌చాట్‌ చేస్తున్నాడు షారుక్‌. తాజాగా ట్విటర్‌లో మరోసారి అభిమానులతో ముచ్చటించాడు. ఈ సందర్భంగా ఫ్యాన్స్‌ రకరకాల ప్రశ్నలు సంధించగా వాటికి ఓపికగా వినూత్నంగా ఆన్సరిచ్చాడు హీరో. పఠాన్‌ సినిమాకు ఎంత పారితోషికం తీసుకున్నారు అని ఓ అభిమాని డైరెక్ట్‌గా అడిగేశాడు. దీనికి షారుక్‌.. ఎందుకు బాబూ.. నీ నెక్స్ట్‌ సినిమాకు ఏమైనా సంతకం చేయాలా? అని ఫన్నీగా కౌంటరిచ్చాడు. పఠాన్‌ షూటింగ్‌లో బెస్ట్‌ పార్ట్‌ ఏంటో చెప్పండి అన్న ప్రశ్నకు.. ఈ సినిమా కోసం ఎంతోమంది యువకులు పనిచేస్తున్నారు. వారితో కలిసి పగలూరాత్రులు పనిచేయడం సంతోషంగా ఉంది అని రిప్లై ఇచ్చాడు. ఫస్ట్‌ గర్ల్‌ఫ్రెండ్‌ ఎవరన్న ప్రశ్నకు తన భార్య గౌరి అని సమాధానమిచ్చాడు. ఇకపోతే యశ్‌ రాజ్‌ ఫిలింస్‌ బ్యానర్‌పై నిర్మితమవుతున్న ఈ సినిమాను సిద్దార్థ్‌ ఆనంద్‌ డైరెక్ట్‌ చేస్తున్నాడు. ఇందులో షారుక్‌ గూఢచారిగా కనిపించనున్నాడు. ఈ చిత్రానికి విశాల్‌ శేఖర్‌ సంగీతం అందిస్తున్నాడు. There were lots of youngsters who assisted in making this film. They were all the sweetest and even now working day and night. I had most fun with them. #Pathaan https://t.co/uQMOA8lIya — Shah Rukh Khan (@iamsrk) January 12, 2023 Kyon sign karna hai agali film mein..??? https://t.co/DkilpNtnMN — Shah Rukh Khan (@iamsrk) January 12, 2023 The little one liked the jet pack sequence most….he thinks I might go into another realm!!! #Pathaan https://t.co/Tz46Qynnfa — Shah Rukh Khan (@iamsrk) January 12, 2023 No nobody has seen the film yet except the technicians working on it…. https://t.co/Nzq5XkyYUw — Shah Rukh Khan (@iamsrk) January 12, 2023 My wife Gauri https://t.co/PyOqFUf7zz — Shah Rukh Khan (@iamsrk) January 12, 2023 చదవండి: చెత్త సినిమాలకు జనాలు డబ్బులు పెట్టరు, అందుకే మానేశా

తమిళ స్టార్‌ హీరో విజయ్‌ గురించి ప్రత్యేకంగా చెప్పాల్సిన అవసరం ఉండదు. ఆయనకు సాధారణ ప్రజలే కాదు సినీ సెలెబ్రెటిల్లో సైతం అభిమానులు ఉన్నారు. రజనీకాంత్‌ తరువాత అంత ఫాలోయింగ్‌ ఉన్న నటుడు ఆయన. ఇప్పుడు విజయ్‌ని సూపర్‌స్టార్‌ అని అంటున్నారు కొందరు సినీ ప్రముఖులు. ఈ విషయాన్ని పక్కన పెడితే విజయ్‌ నటన గురించి మాత్రమే కాదు.. ఆయన ప్రవర్తన గురించి, ఇతరులకు ఇచ్చే గౌరవం గురించి అందరూ ప్రశంసించేవారే. ఇక అభిమానులకైతే విజయ్‌ ఆరాధ్య దైవం అనే చెప్పాలి.  చదవండి: థ్యాంక్యూ శ్రీవల్లి.. వేదికపై భావోద్వేగానికి గురైన ఎంఎం కీరవాణి విజయ్‌ మాట్లల్లో అర్థాలు వేరైనా, అవి చాలా సరళంగా ఉంటాయి. అలాంటి ఆయన గురించి బాలీవుడ్‌ బాద్‌షా షారూక్‌ ఖాన్‌ చేసిన వ్యాఖ్యలు ఇప్పుడు సామాజిక మాధ్యమాల్లో చక్కర్లు కొడుతున్నాయి. షారూక్‌ ఖాన్, దీపికా పడుకొనే జంటగా నటించిన చిత్రం బదాన్‌ చిత్రం త్వరలో విడుదలకు సిద్ధం అవుతోంది. ఈ చిత్రంపై షారూక్‌ ఖాన్‌ చాలా ఆశలు పెట్టుకున్నారనే చెప్పాలి. కారణం ఇంతకు ముందు ఈయన నటించిన కొన్ని చిత్రాలు నిరాశ పరిచాయి. అయితే బదాన్‌ చిత్రం పలు రకాలుగా విమర్శలు ఎదుర్కొంటోంది. ఇలాంటి పరిస్థితుల్లో పఠాన్‌ చిత్రం హిందీతో పాటు, తమిళం, తెలుగు, కన్నడం భాషల్లో విడుదల కానుంది. చదవండి: థియేటర్లో బాలయ్య ఫ‍్యాన్స్ రచ్చ.. గెంటేసిన యాజమాన్యం కాగా ఈ చిత్ర తమిళ వెర్షన్‌ ట్రైలర్‌ను ఇటీవల నటుడు విజయ్‌ ఆన్‌లైన్‌ ద్వారా విడుదల చేశారు. ఆయన ఇతర హీరోల చిత్రాల ట్రైలర్‌ను విడుదల చేయడం అన్నది ఇదే తొలిసారి కావడం గమనార్హం. దీంతో విజయ్‌ గురించి నటుడు షారూక్‌ ఖాన్‌ ట్వీట్‌ చేస్తూ చాలా ‘ధన్యవాదాలు మిత్రమా! ఈ మర్యాద కారణంగానే మీరు దళపతి అయ్యారు. త్వరలోనే పసందైన విందులో కలుసుకుందాం’ అంటూ ట్వీట్‌ చేశారు. కాగా విజయ్‌ హీరోగా నటించిన లేటెస్ట్‌ మూవీ వారీసు బుధవారం విడుదలైన బ్లాక్‌బస్టర్‌ హిట్‌టాక్‌ తెచ్చుకుంది. ఇదే మూవీ తెలుగులో వారసుడు పేరుతో జనవరి 14న విడుదల కానుంది.     Thank you my friend @actorvijay You are Thalapathy for this humble reason, let's meet for delicious feast soon. Mikka Nandri Nanba! Idhanala Dhaan Neenga Thalapathy koodiya viraivil oru arumaiyana virunthil santhipom. Love you — Shah Rukh Khan (@iamsrk) January 10, 2023

బాలీవుడ్‌ ‘బాద్‌షా’ షారుక్ ఖాన్‌, బ్యూటీ క్వీన్‌ దీపికా పదుకొణె జంటగా నటించిన లేటెస్ట్‌ మూవీ పఠాన్‌. ఎన్నో వివాదాల అనంతరం ఈ మూవీ విడుదలకు సిద్ధమైంది. సెన్సార్‌తో సహా అన్ని కార్యక్రమాలను పూర్తి చేసుకున్న ఈ హై వోల్టేజ్‌ యాక్షన్‌ మూవీ ఈ నెల(జనవరి) 25న ప్రపంచవ్యాప్తంగా విడుదల కాబోతోంది.  సిద్ధార్థ్‌ ఆనంద్‌ దర్శకత్వంలో తెరకెక్కిన ఈ యాక్షన్‌ థ్రిల్లర్‌ను యశ్ రాజ్ ఫిల్మ్స్ పతాకంపై ఆదిత్య చోప్రా నిర్మించాడు. చదవండి: సినిమాల్లోకి ఎంట్రీ ఇవ్వబోతున్న దళపతి విజయ్‌ కుమారుడు! హీరోగా కాదు! ఇక ప్రమోషన్స్‌ ప్రారంభించిన చిత్రం బృందం తాజాగా హిందీతో పాటు తెలుగు, తమిళంలో ట్రైలర్‌ను రిలీజ్‌ చేసింది. హాలీవుడ్‌ రేంజ్‌లో ఫుల్‌ అవుట్‌ అండ్‌ అవుట్‌ యాక్షన్‌ థ్రిల్లర్‌గా ఈ మూవీ ఎంటర్‌టైన్‌ చేయబోతున్నట్లు ట్రైలర్‌ చూస్తే తెలుస్తోంది. మొత్తం యాక్షన్‌ సీక్వెన్స్‌తో ట్రైలర్‌ను మలిచారు. ఇక ఇందులో షారుక్ అజ్ఞాతవాసంలో ఉండే గుఢాచారి అని తెలుస్తోంది. చదవండి: కోర్టు మెట్లు ఎక్కిన శిల్పా శెట్టి.. రాష్ట్ర ప్రభుత్వం స్పందన కోరిన హైకోర్టు ఆయన రీఎంట్రీ ఇస్తూ ‘ఒక సైనికుడు తనకోసం దేశం ఏం చేసిందని అడగడు.. దేశం కోసం తాను ఏం చేయగలనా అని ఆలోచిస్తాడు’ అని షారుక్‌ చెప్పిన డైలాగ్‌ ఆకట్టుకుంటోంది. చాలా గ్యాప్‌ తర్వాత షారుక్‌ ఈ చిత్రంలో మంచి కమ్‌ బ్యాక్‌ ఇవ్వబోతున్నాడని చెప్పవచ్చు.  ఇక దీపికా సైతం యాక్షన్స్‌లో హీరోకు, విలన్‌కు పోటీ పడి నటించందని చెప్పవచ్చు. కాగా ఇందులో జాన్‌ అబ్రహం విలన్‌గా నటించగా.. డింపుల్‌ కపాడియా ప్రధాన పాత్రలో కనిపించింది.   

షారుక్ ఖాన్, దీపికా పదుకొణె జంటగా నటిస్తున్న లేటెస్ట్‌ మూవీ 'పఠాన్'. విడుదలకు ముందే ఈ సినిమాను వివాదాలు చుట్టుముడుతున్న సంగతి తెలిసిందే. ఇటీవల రిలీజ్ చేసిన 'బేషరమ్ రంగ్‌ రో' సాంగ్‌పై పలువురు రాజకీయ నాయకులు విమర్శలు గుప్పించారు. అంతేకాదు ఇటీవల సెన్సార్‌ బోర్డు సైతం ఈ సినిమాలోని పలు సన్నివేశాలు, పాటల విజువల్స్‌పై అభ్యంతరం వ్యక్తం చేసింది. ఇందులో మార్పులు చేసి మళ్లీ యూ/ఏ సర్టిఫికెట్‌ కోసం రావాలని మూవీ టీంకు సూచించింది.  చదవండి: ఆర్థిక ఇబ్బందుల వల్ల అప్పుడు నేను అనుకుంది చేయలేకపోయా: ప్రభాస్‌ ప్రస్తుతం పఠాన్‌ టీం సెన్సార్‌ సూచన మేరకు చిత్రంలో మార్పులు చేసే పనిలో బిజీగా ఉంది. ఇదిలా ఉంటే తాజాగా షారుక్‌ ట్విటర్‌ వేదికగా ఆస్క్‌ఎస్‌ఆర్‌కే(ASKSRK) లైవ్‌చాట్‌ నిర్వహించాడు. తాను ట్విటర్‌లోకి వచ్చి 13 ఏళ్లు పూర్తయిన సందర్భంగా అభిమానులతో ముచ్చటించాడు. ఈ సందర్భంగా ఓ నెటిజన్‌ షారుక్‌పై వ్యతిరేకత బయటపెట్టాడు. ‘ఇప్పటికే పఠాన్‌ డిజాస్టర్‌ అయింది. ఇక మీరు రిటైర్‌మెంట్‌ తీసుకోండి’ అంటూ విమర్శించాడు. ‘బెటా పెద్ద వాళ్లతో అలా మాట్లాడకూడదు’ అంటూ సదరు నెటిజన్‌కు తనదైన శైలిలో కౌంటర్‌ ఇచ్చాడు షారుక్‌.  చదవండి: సోనూసూద్‌.. తప్పుడు సందేశాలివ్వొద్దు!: నార్త్‌ రైల్వే ఆగ్రహం ఇక మరో నెటిజన్‌ దీపికా గురించి ఒక్క మాటలో చెప్పండి అని అడగ్గా.. ‘తను చాలా స్వీట్‌’ అంటూ సమాధానం ఇచ్చాడు. మరో నెటిజన్‌ ‘సర్‌ మీరు కశ్మీర్‌కు చెందిన ముస్లిం కదా. మీ పేరు వెనుక ఖాన్‌ అని ఎందుకు ఉంది? అని ప్రశ్నించాడు. దీనికి షారుక్‌ ‘ఈ ప్రపంచం మొత్తం నా కుటుంబమే. కుటుంబాన్ని బట్టి మనకు పేరు రాదు. మనం చేసే పనుల బట్టే మనకు పేరు, గౌరవం వస్తుంది. ఇకపై ఇలాంటి మాటలు మాట్లాడకండి’ అని చెప్పాడు. కాగా ఫుల్‌ అవుట్‌ అండ్‌ అవుట్‌ యాక్షన్‌ ఎంటర్‌టైనర్‌గా సిద్దార్థ్‌ ఆనంద్‌ ఈ చిత్రాన్ని తెరకెక్కిస్తున్నాడు. ఇందులో జాన్‌ అబ్రహం విలన్‌గా కనిపించనున్నాడు.  Beta badhon se aise baat nahi karte!! https://t.co/G5xPYBdUCK — Shah Rukh Khan (@iamsrk) January 4, 2023 She is so nice it’s unbelievable… https://t.co/M8p3QsXtW6 — Shah Rukh Khan (@iamsrk) January 4, 2023

కేఆర్కే (కమల్ ఆర్ ఖాన్) బాలీవుడ్‌లో పెద్దగా పరిచయం అక్కర్లేదు. ఎందుకంటే ఎంత పెద్ద సినిమా అయినా సరే తన సంచలన రివ్యూలతో వార్తల్లో నిలుస్తుంటారు. అతను ఇచ్చే ప్రతి రివ్యూ వివాదానికి దారి తీసేలా ఉంటాయి. బాలీవుడ్‌ సినీ విమర్శకుడిగా పేరొందిన ఆయన అసలు పేరు కమల్‌ ఆర్‌ ఖాన్‌. ఇండస్ట్రీలో కేఆర్కేగానే ఫేమస్ అందరికీ తెలుసు. తాజాగా కేఆర్కే షారూఖ్ ఖాన్ మూవీ పఠాన్‌పై ఆసక్తకర వ్యాఖ్యలు చేశారు. ఇప్పటికే ఆ సినిమాలోని బేషరాం రంగ్ తీవ్ర వివాదానికి దారి తీసిన సంగతి తెలిసిందే.  ఈ నేపథ్యంలోనే కేఆర్కే మరోసారి వార్తలో నిలిచారు. ఇకపై షారూక్ సినిమా టైటిల్ పఠాన్, 'బేషరం రంగ్' సాంగ్ కనిపించవంటూ కామెంట్స్ చేశారు. పఠాన్ మూవీ కూడా వాయిదా వేస్తారని ట్వీట్ చేశారు. ప్రస్తుతం ఈ ట్వీట్ బీ-టౌన్‌లో హాట్ టాపిక్‌గా మారింది. కానీ అంతకుముందే షారూక్‌ ఖాన్, దీపికా పదుకొణె నటించిన మూవీ పఠాన్‌ రివ్యూ తన చివరిదని స్పష్టం చేశారు.   కేఆ‍ర్కే ట్వీట్ చేస్తూ.. 'పఠాన్ టైటిల్ ఇక ఉండదు. అలాగే ఆరెంజ్ బికినీ కూడా ఇందులో కనిపించదు. ప్రస్తుతం  ఈ సినిమా విడుదలను వాయిదా వేయాలని నిర్మాతలు నిర్ణయించారు. ఈరోజు లేదా రేపు అధికారిక ప్రకటన రావొచ్చు.' అంటూ పోస్ట్ చేశారు. మరి దీనిపై చిత్రబృందం ఎలా స్పందిస్తుందో వేచి చూడాల్సిందే.  It’s confirm that #Pathaan title is no more. Orange bikini is also no more. But now makers have decided to postpone the release of the film. Official announcement can come today or tomorrow. — KRK (@kamaalrkhan) January 3, 2023

షారుక్ ఖాన్, దీపికా పదుకొణె జంటగా నటిస్తున్న లేటెస్ట్‌ మూవీ 'పఠాన్'. విడుదలకు ముందే ఈ సినిమాను వివాదాలు చూట్టుముడుతున్న సంగతి తెలిసిందే. ఇటీవల రిలీజ్ చేసిన 'బేషరమ్ రంగ్‌ రో' సాంగ్‌పై పలువురు రాజకీయ నాయకులు, హిందూ సంఘాలు విమర్శలు గుప్పించారు. ఈ పాటలో దీపికా ధరించిన డ్రెస్‌పై తీవ్ర స్థాయిలో వ్యతిరేకత వచ్చింది. దీంతో ఈ చిత్రాన్ని నిలిపివేయాలంటూ డిమాండ్‌ చేశారు. అంతేకాదు దీపికాపై పలువురు పొలీసు స్టేషన్‌లో ఫిర్యాదు కూడా చేశారు. అదే విధంగా పాటలో మార్పులు చేయాలంటూ పలుచోట్లు షారుక్‌ దిష్టిబొమ్మను దహనం చేసి నిరసన వ్యక్తం చేశారు. ఇదిలా ఉంటే తాజాగా పఠాన్‌ చిత్రం మరోసారి చిక్కులో పడింది. ఈ సినిమాలోని పలు సన్నివేశాలు, పాటల విజువల్స్‌పై సెన్సార్‌ బోర్డ్‌ అభ్యంతరం వ్యక్తం చేసింది. అభ్యంతరంగా ఉన్న పలు సన్నివేశాలను వెంటనే తొలగించాల్సిందిగా పఠాన్‌ చిత్ర బృందాన్ని ఆదేశించింది. తాము చెప్పిన విధంగా సినిమాల్లో మార్పులు చేసిన అనంతరం సెన్సార్‌ సర్టిఫికేట్‌ కోసం తిరిగి రమ్మని మూవీ టీంకు సెన్సార్‌ బోర్డు సూచించినట్లు సమాచారం. దీంతో పఠాన్‌ టీం సెన్సార్‌ బోర్డ్‌ ఆదేశం మేరకు చిత్రంలో మార్పులు చేసే పనిలో పడింది. కాగా ఫుల్‌ అవుట్‌ అండ్‌ అవుడ్‌ యాక్షన్‌ ఎంటర్‌టైనర్‌గా సిద్దార్థ్‌ ఆనంద్‌ ఈ చిత్రాన్ని తెరకెక్కిస్తున్నాడు. ఇందులో జాన్‌ అబ్రహ్యం విలన్‌గా కనిపించనున్నాడు. వచ్చే ఏడాది జనవరి 25న ఈ చిత్రం విడుదల కానుంది.  చదవండి:  టాలీవుడ్‌లో మరో విషాదం, ప్రముఖ నటుడు వల్లభనేని జనార్ధన్‌ మృతి విషాదంలో రకుల్‌.. మిస్‌ యూ అంటూ ఎమోషనల్‌ పోస్ట్‌

ప్రతిరంగంలో వివాదాలు, గొడవలు సర్వ సాధారణం. కానీ సినీ పరిశ్రమలో అవి మరింత ఎక్కువ. బాలీవుడ్‌లో అయితే ఎప్పుడు ఏదో ఒక వివాదం నడుస్తూనే ఉంటుంది. ఈ ఏడాది బాలీవుడ్ చిత్రాలు వివాదాల్లో చిక్కుకున్నాయి. ఏకంగా బాయ్‌కాట్‌ బాలీవుడ్ అనే నినాదం ఊపందుకునేలా వివాదాలు తలెత్తాయి. 2022లో వివాదాలకు దారితీసిన ఆ చిత్రాలు, సంఘటనలేవో ఓ లుక్కేద్దాం.  ఓ మ్యాగజైన్ కవర్‌పై రణ్‌వీర్ సింగ్ న్యూడ్ ఫోటో,  సుస్మితా సేన్‌తో లలిత్ మోడీ ఫోటో  2022లో అతిపెద్ద వివాదాలుగా నిలిచాయి. మనీలాండరింగ్ కేసులో జాక్వెలిన్ ఫెర్నాండెజ్ పేరు రావడం హాట్‌ టాపిక్‌గా మారింది. అలాదే అజయ్ దేవగన్,  కిచ్చా సుదీప్ హిందీ భాషపై వివాదం ఇలా చాలానే ఉన్నాయి.  రణవీర్ సింగ్ న్యూడ్ ఫోటో షూట్: బాలీవుడ్‌ హీరో రణ్‌వీర్ సింగ్ అంతర్జాతీయ మ్యాగజైన్ కోసం నగ్నంగా ఫోటోకు పోజులివ్వడంతో తీవ్ర దుమారం రేగింది. దీనిపై పోలీసు ఫిర్యాదులు కూడా చేశారు. కొంతమంది బాలీవుడ్ నటులు విద్యాబాలన్, మసాబా గుప్తా, నకుల్ మెహతా, చిత్రనిర్మాత అనురాగ్ కశ్యప్ దీన్ని ప్రశంసించగా.. ముంబైకి చెందిన ఎన్‌జిఓ 'మహిళల మనోభావాలను దెబ్బతీయడం'పై అతనిపై ఎఫ్‌ఐఆర్ నమోదు చేయాలని కోరింది.  సుస్మితా సేన్‌తో లలిత్ మోదీ: ఐపీఎల్ మాజీ ఛైర్మన్ లలిత్ జూలైలో అనుకోని రీతిలో సినీ ప్రేమికుల దృష్టిని ఆకర్షించాడు.  అతను సుస్మితా సేన్‌తో కలిసి మాల్దీవుల్లో ఉన్నరొమాంటిక్ ఫోటోలతో వార్తల్లో నిలిచారు. 2018లో ఆయన భార్య మరణించిన తర్వాత  కొత్త జీవితంలో 'బెటర్ హాఫ్' అంటూ సోషల్ మీడియాలో పోస్ట్ చేశారు .  "పెళ్లి చేసుకోలేదు - కేవలం ఒకరితో ఒకరు డేటింగ్. అది కూడా ఏదో ఒక రోజు జరుగుతుంది.” అంటూ లలిత్ కూడా తన ఇన్‌స్టాగ్రామ్ ప్రొఫైల్ పిక్‌ను సుస్మితతో ఉన్న ఫోటోను పెట్టాడు.  ఆసక్తికర విషయం ఏమిటంటే, ఈ సంవత్సరం అత్యధికంగా గూగుల్ సెర్చ్ చేసిన వ్యక్తులలో ఇద్దరూ కూడా ఉన్నారు. మనీలాండరింగ్ కేసులో జాక్వెలిన్ ఫెర్నాండెజ్: సుకేశ్ చంద్రశేఖర్‌కు సంబంధించిన రూ.200 కోట్ల మనీలాండరింగ్ కేసులో నిందితురాలిగా బాలీవుడ్ నటి  జాక్వెలిన్ ఫెర్నాండెజ్ రావడం సంచలనంగా మారింది. దీంతో జాక్వెలిన్ తీవ్ర ఇబ్బందుల్లో పడింది. ఆమె క్రమం తప్పకుండా ఎన్‌ఫోర్స్‌మెంట్ డైరెక్టరేట్ ముందు విచారణకు హాజరవుతూనే ఉంది. ఈడీ ఆరోపణల ప్రకారం ఆమెతో పాటు మరో నటి నోరా ఫతేహి.. సుఖేశ్ నుంచి కోట్ల విలువైన బహుమతులు అందుకున్నట్లు ఛార్జ్‌షీట్‌లో పేర్కొన్నారు. ఈ కేసులో సాక్షిగా ఉన్న నోరా దిల్లీ కోర్టులో జాక్వెలిన్‌పై పరువు నష్టం దావా వేయడంతో ఈ వివాదం మరింత ముదిరింది.  బిగ్ బాస్ 16లో సాజిద్ ఖాన్ ఎంట్రీ దుమారం: లైంగిక వేధింపుల జాబితాలో దర్శకుడు సాజిద్‌ పేరు ముందుటుంది.  మీటూ ఉద్యమంలో ఆయనపై పలువురు నటీమణులు ఆరోపణలు గుప్పించారు.  అలాంటి వ్యక్తిని బిగ్‌ బాస్‌ షో పోటీదారులలో ఒకడిగా ఉండడాన్ని పలువురు తప్పుబట్టారు. అతనిపై పలు అభ్యంతరాలు వ్యక్తం చేసినప్పటికీ ఈ విషయాలను ఛానెల్ పట్టించుకోలేదు.  అజయ్ దేవగణ్, కిచ్చా సుదీప్ మధ్య గొడవ: కన్నడ స్టార్ కిచ్చా సుదీప్ ఏప్రిల్‌లో జరిగిన ఒక ఈవెంట్‌లో "హిందీ జాతీయ భాష కాదు. అందుకే వారు పాన్-ఇండియా సినిమాలు చేస్తున్నారు" అంటూ చేసిన వాఖ్యలు వివాదానికి దారితీశాయి. కిచ్చా సుదీప్ ప్రకటనపై హీరో అజయ్ దేవగణ్ అభ్యంతరం వ్యక్తం చేశారు.  ‘హిందీ మన జాతీయ భాష కాకపోతే మీ సినిమాలను హిందీలో ఎందుకు డబ్ చేస్తున్నారు?’ అని ట్విట్టర్‌లో ప్రశ్నించారు. అయితే సుదీప్ దీనిపై స్పందిస్తూ కన్నడలో టైప్ చేసి ఉంటే అతని స్పందన అర్థం అయ్యేదా అని అజయ్‌ని అడిగాడు. “మేము కూడా భారతదేశానికి చెందినవారమే కదా సార్” అని సుదీప్ ట్వీట్ చేశాడు.  లాల్ సింగ్ చద్దా వివాదం: అమీర్ ఖాన్ మూవీ లాల్ సింగ్ చద్దా ఈ ఏడాది చాలా ఎదురుచూసిన చిత్రాల్లో ఒకటి. అయితే చాలామంది సినిమాకు సానుకూలంగా ఉన్నప్పటికీ.. బాక్సాఫీస్ వద్ద ఆశించిన కలెక్షన్లను రాబట్టలేకపోయింది.  ఈ మూవీ విడుదల సమయంలో ట్విట్టర్‌లో బాయ్‌కాట్ లాల్‌సింగ్‌ చద్దా అంటూ అప‍్పట్లో ట్రెండ్ అయింది.  పఠాన్ మూవీ బేషరమ్ రాంగ్: ఈ ఏడాది  బాలీవుడ్‌ బాద్‌షా నటించిన చిత్రం పఠాన్. ఈ సినిమాలోని బేషరమ్ రంగ్ అనే సాంగ్ తీవ్ర వివాదానికి దారితీసింది. దీపికా పదుకొనే నటించిన ఈ చిత్రంలో బేషరమ్ రంగ్ పాటకు ధరించిన దుస్తులపై పలువురు అభ్యంతరం వ్యక్తం చేశారు.  దీనిపై కొంతమంది రాజకీయ నాయకులు దీపిక ధరించిన కుంకుమ రంగు బికినీపై అభ్యంతరం వ్యక్తం చేశారు. ఈ సినిమాపై నిషేధం విధించాలని పలువురు డిమాండ్ చేశారు. మధ్యప్రదేశ్ హోం మంత్రి నరోత్తమ్ మిశ్రా మండిపడ్డారు. షారూక్‌ను సజీవ దహనం చేస్తానని అయోధ్యలోని ఆలయ ప్రధాన పూజారి హెచ్చరించారు.

బాలీవుడ్‌ స్టార్‌ షారుక్‌ ఖాన్‌, నటి దీపికా పదుకొణె జంటగా నటించిన  చిత్రం 'పఠాన్'. ఈ సినిమాకు సిద్ధార్థ్‌ ఆనంద్‌ దర్శకత్వం వహిస్తున్నారు. తాజాగా ఈ సినిమా నుంచి రెండో పాటను విడుదల చేశారు మేకర్స్. ప్రస్తుతం ఈ సాంగ్ యూట్యూబ్‌లో సందడి చేస్తోంది.  ‘కుమ్మేసే పఠాన్‌ వచ్చేశాను’ అంటూ సాగే ఈ సాంగ్‌న్ హిందీ, తమిళం, తెలుగు భాషల్లో రిలీజ్ చేశారు. ఈ సాంగ్‌లో షారుక్‌, దీపిక పదుకొణె  డ్యాన్స్‌తో అదరగొట్టేశారు. వచ్చే ఏడాది జనవరి 25న ఈ సినిమా థియేటర్లలో రిలీజ్ కానుంది ఈ చిత్రం.  మరోవైపు ఇప్పటికే ఈ చిత్రం నుంచి విడుదలైన మొదటి పాట ‘బేషరమ్‌ రంగ్‌’ తీవ్ర వివాదానికి దారితీసిన సంగతి తెలిసిందే.

బాలీవుడ్‌ బాద్‌షా పఠాన్‌ చిత్రంపై వివాదాలు రోజురోజుకీ తీవ్రతరమవుతున్నాయి. షారూక్‌ ఖాన్‌, దీపికా పదుకొనె జంటగా నటించిన ఈ చిత్రం విడుదలకు ముందే విమర్శలు ఎదుర్కొంటోంది. ముఖ్యంగా ఇటీవల విడుదలైన బేషరం రంగ్‌ పాటపై పలువురు తీవ్ర అభ్యంతరం తెలియజేస్తున్నారు. ఈ పాటలోని పదాలు, హీరో హీరోయిన్‌ కాస్ట్యూమ్స్‌పై హిందూత్వ వాదులు, బీజేపీ నేతలు వ్యతిరేకత వ్యక్తం చేస్తున్నారు. कोई कैसे इस स्तर तक गिर जाता है @Uppolice कृपया संज्ञान लीजिए!! pic.twitter.com/Oudp9cJMQd— Saurabh Marodia (@SaurabhSMUP) December 18, 2022 పఠాన్‌లోని బేషరం రంగ్‌ పాటలో షారూక్‌ ఖాన్‌, బికినిలో ఉన్న దీపికను హత్తుకొని ఉన్న ఓ పోస్టర్‌ ఉంది. అయితే  ఓ వ్యక్తి  దీపిక ముఖం వద్ద  ఉత్తర ప్రదేశ్‌ ముఖ్యమంత్రి యోగి ఆదిత్యానాథ్‌ ఫోటోను మార్ఫింగ్‌ చేశాడు. ఈ ఫోటోను అజార్‌ ఆర్‌కే అనే ట్విటర్‌ ఖాతాలో పోస్టు చేయడంతో నెట్టింట్లో వైరల్‌గా మారింది. ఈ ఫోటో చూస్తుంటే అ‍చ్చం షారూక్‌ యోగి ఆదిత్యనాథ్‌ను పట్టుకున్నట్లు కనిపిస్తోంది. దీనిపై నెటిజన్లు అభ్యంతరం తెలుపుతూ.. సీఎం ఫోటోను ఈ విధంగా మార్ఫింగ్‌ చేయడం అవమానకరమని మండిపడుతున్నారు. నిందితుడిపై కఠిన చర్యలు తీసుకోవాలని డిమాండ్ చేస్తున్నారు. దీంతో విషయం తెలుసుకున్న పోలీసులు రంగంలోకి దిగారు. This is Truly Unacceptable 😠 Highly Objectionable & Crime Too That's too with image of CM of UP Yogi Ji Request for urgent & earliest Possible action 🙏🙏@Uppolice @dgpup @myogioffice pic.twitter.com/eBWCQJtzlm — Saffron Swamy (@SaffronSwamy) December 17, 2022 దీనిపై లక్నో సైబర్‌ పోలీసులు ఐపీసీ సెక్షన్‌ 295 ఏ, ఐటీ యాక్ట్‌ సెక్షన్‌ 66 కింద కేసు నమోదు చేశారు. దీపిక స్థానంలో సీఎం యోగి ఫోటోను మార్ఫింగ్‌ చేసిన వ్యక్తి ఎఫ్‌ఐఆర్‌ నమోదైనట్లు యూపీ పోలీసులు సోమవారం వెల్లడించారు. ప్రస్తుతం ఈ కేసును డీజీపీ హెడ్‌క్వార్టర్ సైబర్ టీమ్ విచారణ చేప్టింది,. ఇక ‘పఠాన్‌’ సినిమా జనవరి 25న థియేటర్లలోకి రానుంది. చదవండి: మీ కూతురుతో క‌లిసి పఠాన్‌ సినిమా చూడండి: షారూక్‌కు మంత్రి సవాల్‌

బాలీవుడ్‌ బాద్‌షా షారూక్‌ ఖాన్‌, దీపికా పదుకొనె నటించిన ‘పఠాన్‌’ సినిమాపై విడుదలకు ముందే వివాదాలు చుట్టుముట్టాయి. వచ్చే జనవరి 25న ప్రేక్షకుల ముందుకు రానున్న పఠాన్‌ మూవీపై దేశ వ్యాప్తగా వ్యతిరేకత వ్యక్తమవుతోంది. ఇటీవల విడుదలైన సినిమాలోని బేషరం రంగ్‌ పాటపై హిందూ సంఘాలతో పాటు బీజేపీ నేతలు తీవ్ర ఆగ్రహం వ్యక్తం చేస్తున్నారు. ‘బాయ్‌కాట్ పఠాన్’ హ్యాష్‌ట్యాగ్‌తో సోషల్ మీడియాలో  ట్రెండ్ చేస్తున్నారు. ఈ పాట హిందువుల మనోభావాలను దెబ్బతీసేలా ఉందని విమర్శిస్తున్నారు. ఆ సాంగ్‌లో దీపిక, షారూఖ్‌ ధరించిన దుస్తుల్ని మ‌ధ్య‌ప్ర‌దేశ్ కాషాయ నేత‌లు త‌ప్పుప‌డుతున్నారు. బేషరం రంగ్ అనే పాట టైటిల్, దాని అర్థం అభ్యంతరకరంగా ఉన్నాయంటూ ఇప్పటికే మధ్యప్రదేశ్ హోంమంత్రి నరోత్తమ్ మిశ్రా వ్యాఖ్యానించారు. ఈ పాట‌లో ఉన్న కాస్ట్యూమ్‌ క‌లుషిత‌మైన మైండ్‌సెట్‌ను చాటుతుంద‌ని ఆయ‌న ఆరోపించారు. పాటలో కొన్ని మార్పులు చేయాలని లేదంటే ఈ సినిమాను విడుదల చేయకుండా బహిష్కరించాలంటూ డిమాండ్‌ చేశారు. తాజాగా పఠాన్‌  చిత్రాన్ని మధ్యప్రదేశ్‌ స్పీకర్‌ గిరీష్‌ గౌతమ్‌ వ్యతిరేకించారు. షారుక్‌ఖాన్‌ తన కూతురితో కలిసి ఈ సినిమాను చూడాలని సవాల్‌ విసిరారు. కూతురితో పఠాన్‌ చిత్రాన్ని చూసినట్లు ప్రపంచానికి తెలియజేస్తూ ఓ ఫోటో సోషల్‌ మీడియాలో పోస్టు చేయాలని డిమాండ్‌ చేశారు. అంతేగాక ఇలాంటి సినిమానే ప్ర‌వ‌క్త‌పై తీయాల‌ని షారూక్‌కు స్పీక‌ర్ గౌత‌మ్‌ చాలెంజ్‌చేశారు. కాగా మధ్యప్రదేశ్‌లో సోమవారం నుంచి శీతాకాల అసెంబ్లీ సమావేశాలు ప్రారంభం కానున్నాయి. అయిదు రోజులపాటు కొనసాగనున్న ఈ సమావేశాల్లో పఠాన్‌ అంశాన్ని అధికార బీజేపీ అసెంబ్లీలో చర్చకు తీసుకువచ్చే అవకాశం ఉంది. అలాగే ప్రతిపక్ష నాయకుడు డాక్టర్ గోవింద్ సింగ్, మాజీ కేంద్ర మంత్రి సురేష్ పచౌరితో సహా సీనియర్ కాంగ్రెస్ నాయకులు కూడా పఠాన్‌ చిత్రాన్ని వ్యతిరేకిస్తున్నారు.  ఈ సినిమా తమ విలువలకు విరుద్ధంగాఉందటూ విమర్శిస్తున్నారు.

పఠాన్‌ మూవీలోని పాటపై వివాదం మరింత ముదురుతోంది. ఈ సాంగ్‌లో దీపికా పదుకొణె ధరించిన డ్రెస్‌పై తీవ్ర అభ్యంతరం వ్యక్తమవుతోంది. రోజు రోజుకు ఈ పాటను వ్యతిరేకించేవారి సంఖ్య పెరిగిపోతోంది. తాజాగా బేషరమ్‌ రంగ్‌ పాటపై బాలీవుడ్ నటుడు, శక్తిమాన్ పాత్రధారి ముకేశ్ కన్నా తీవ్ర అసహనం వ్యక్తం చేశారు. ఈ పాటను అత్యంత అసభ్యకరంగా చిత్రీకరించారని ఆయన మండిపడ్డారు. ఇతరుల ఫీలింగ్స్‌ను రెచ్చగొట్టేలా ఉన్న ఇలాంటి పాటలను సెన్సార్‌ బోర్డు ఎలా అనుమతించిందని నిలదీశారు. ముకేశ్ కన్నా మాట్లాడుతూ.. 'ప్రస్తుతం సినీ పరిశ్రమ గాడి తప్పింది. సినిమాల్లో అశ్లీలత ఎక్కువైంది. ఇప్పుడు కురచ దుస్తుల్లో నటీనటుల్ని చూపించిన ఫిల్మ్‌మేకర్స్‌.. భవిష్యత్తులో నగ్నంగా చూపిస్తారేమో. ఇలాంటి వాటిని అంగీకరించడానికి మనమేమీ స్పెయిన్‌, స్వీడన్‌లో లేము. ఏ ఒక్కరి వ్యక్తిగత భావాలు, నమ్మకాలకు కించపరచకుండా సినిమాలు ఉండేలా చూసుకోవడం సెన్సార్‌ బోర్డు పని. యువతను తప్పుదోవ పట్టించే చిత్రాలకు అనుమతివ్వకూడదు. ఇతరుల ఉద్దేశాలను రెచ్చగొట్టే విధంగా ఉన్న ఇలాంటి వస్త్రధారణను ఎలా అంగీకరించారు.' అని ప్రశ్నించారు. షారుక్‌ ఖాన్, దీపికా పదుకొణె జంటగా నటించిన చిత్రం పఠాన్. సంక్రాంతి కానుకగా ఈ సినిమా ప్రేక్షకుల ముందుకు రానుంది. ఇటీవల ఈ చిత్రంలోని బేషరమ్‌ రంగ్‌ సాంగ్ రిలీజ్ కాగా... దేశవ్యాప్తంగా పలువురు రాజకీయ నాయకులు తీవ్ర అభ్యంతరాలు వ్యక్తం చేశారు. సినిమా నుంచి ఈ పాటను తొలగించాలని లేదంటే రిలీజ్‌ను అడ్డుకుంటామని హెచ్చరించారు.

షారుక్ ఖాన్, దీపికా పదుకొణె జంటగా నటిస్తున్న చిత్రం 'పఠాన్'. ఈ సినిమా విడుదలకు ముందే వివాదాలు చుట్టుముడుతున్నాయి. ఇటీవల రిలీజ్ చేసిన 'బేషరమ్ రంగ్‌ రో' అనే సాంగ్ వివాదానికి దారితీసింది. ఆ పాటలో దీపకా పదుకొణె ధరించిన డ్రెస్‌పై తీవ్ర అభ్యంతరం వ్యక్తం చేస్తున్నారు. ఇప్పటికే మధ్యప్రదేశ్ హోంమంత్రి నరోత్తమ్‌ మిశ్రా తప్పుబట్టారు. తాజాగా ఈ పాటలో కాషాయ బికినీ ధరించడంపై ఫిర్యాదు చేశారు.  ఈ అంశంపై సమాచార, ప్రసార శాఖకు న్యాయవాది వినీత్ జిందాల్ ఫిర్యాదు చేశారు. ఆ పాటలో కాషాయ బికినీ ధరించడాన్ని తప్పుబట్టారు. కుంకుమపువ్వును బేషరమ్‌గా పేర్కొనడంపై ఆయన తీవ్ర అభ్యంతరం తెలిపారు. ఈ పాటను సరిదిద్దే వరకు సినిమా విడుదలపై నిషేధం విధించాలని ఫిర్యాదులో పేర్కొన్నారు. ఈ పాటలోని సన్నివేశాలు మతపరమైన మనోభావాలను దెబ్బతీయడం, అవమానించేలా ఉన్నాయని అన్నారు. ఆమె ధరించిన కుంకుమ, ఆకుపచ్చ బికినీలపై కూడా అభ్యంతరం వ్యక్తం చేశాడు. న్యాయవాది ఫిర్యాదుతో కేసు నమోదైంది. 

బాలీవుడ్ స్టార్స్ షారుక్ ఖాన్, దీపికా పదుకొణె జంటగా నటిస్తున్న చిత్రం 'పఠాన్'. ఇటీవలే ఈ మూవీలోని ఓ సాంగ్‌ను చిత్రబృందం విడుదల చేసింది. ఈ సినిమాలోని 'బేషరమ్ రంగ్‌ రో' అంటూ సాగే పాట ప్రస్తుతం వివాదానికి దారితీసింది. ఈ సాంగ్‌పై మధ్యప్రదేశ్ హోంమంత్రి నరోత్తమ్ మిశ్రా అభ్యంతరం వ్యక్తం చేశారు.  ఈ పాటలో దీపికా పదుకొణె దుస్తులు తీవ్ర అభ్యంతరకరంగా ఉన్నాయని నరోత్తమ్ మిశ్రా ఆరోపించారు. మధ్యప్రదేశ్‌లో పఠాన్ సినిమా నిషేధానికి పిలుపునిస్తానని హెచ్చరించారు. ఈ పాటలో పదుకొణె రిస్క్ స్విమ్మింగ్ కాస్ట్యూమ్స్ ధరించి కనిపించడంతో చాలా మంది అభ్యంతరం వ్యక్తం చేశారు. దీపికా పదుకొణె దుస్తులు అభ్యంతరకరంగా ఉన్నాయని.. దాన్ని సరిదిద్దకుంటే మధ్యప్రదేశ్‌లో ఆ చిత్ర విడుదలను నిలిపివేయాలా వద్దా అని ఆలోచించాల్సి వస్తుందని హోం మంత్రి నరోత్తమ్ మిశ్రా అన్నారు. फिल्म #Pathan के गाने में टुकड़े-टुकड़े गैंग की समर्थक अभिनेत्री दीपिका पादुकोण की वेशभूषा बेहद आपत्तिजनक है और गाना दूषित मानसिकता के साथ फिल्माया गया है। गाने के दृश्यों व वेशभूषा को ठीक किया जाए अन्यथा फिल्म को मध्यप्रदेश में अनुमति दी जाए या नहीं दी जाए,यह विचारणीय होगा। pic.twitter.com/Ekl20ClY75 — Dr Narottam Mishra (@drnarottammisra) December 14, 2022  

షారుఖ్ ఖాన్‌, దీపిక ప‌దుకోన్‌, జాన్ అబ్ర‌హాం న‌టించిన సినిమా ప‌ఠాన్‌. దాదాపు నాలుగేళ్ల త‌ర్వాత షారుఖ్ న‌టిస్తున్న చిత్రం కావ‌డంతో  ఈ సినిమాపై సర్వ‌త్రా భారీ అంచనాలున్నాయి. ఈ సినిమా కోసం షారుఖ్‌ చాలా కష్టపడినట్లు దర్శకుడు సిద్దార్థ్‌ ఆనంద్‌ తెలిపాడు. ఈ సినిమా కోసం కంపోజ్ చేసిన అత్యంత భారీ యాక్ష‌న్ సీక్వెన్స్ లో న‌టించ‌డానికి బాలీవుడ్ మెగాస్టార్ షారుఖ్ అంకిత‌భావంతో ప‌నిచేశార‌ని, ఇలాంటి శారీర‌క సౌష్ట‌వం పొందాలంటే, హ‌ద్దులు దాటిన ప్యాష‌న్ ఉండాల‌ని, అది షారుఖ్ లో క‌నిపించ‌ద‌ని అన్నారు ద‌ర్శ‌కుడు. `ప‌ఠాన్‌లో షారుఖ్ చూపించిన ఫిజిక్ కోసం ఆయ‌న అత్యంత కృషి చేశారు. ఆయ‌న క‌ష్టానికి ఫ‌లితం ద‌క్కింది. టీజ‌ర్ చూసిన ప్ర‌తి ఒక్క‌రూ ఆయ‌న్ని ప్ర‌శంసిస్తున్నారు. ఈ సినిమా కోసం నేను తొలిసారి షారుఖ్‌ని క‌లిసిన‌ప్పుడు జ‌రిగిన సంభాష‌ణ నాకు ఇంకా గుర్తుంది. శారీర‌కంగా ఈ సినిమా కోసం ఆయ‌న ఎంత క‌ష్ట‌ప‌డాలో మాట్లాడుకున్నాం. ఆయ‌న ప్ర‌తి ప‌దాన్ని గుర్తుంచుకున్నారు. ఆచ‌ర‌ణ‌లో పెట్టారు. ఇవాళ దాని ఫ‌లితం స్క్రీన్ మీద క‌నిపిస్తోంది. అత్యంత ప్ర‌మాద‌క‌ర‌మైన స్టంట్లు చేశారు షారుఖ్‌. ప్ర‌మాద‌క‌ర‌మైన ప్ర‌దేశాల్లో, ప్ర‌మాద‌క‌ర‌మైన వాతావ‌ర‌ణంలో ఆయన చేసిన యాక్ష‌న్ సీక్వెన్స్ కి థియేట‌ర్ల‌లో మ‌రో రేంజ్ అప్లాజ్ ద‌క్కి తీరుతుంది. ఇంత క‌ష్ట‌మైన స్టంట్స్ కోసం ఆయ‌న శారీరకంగా అంతే గొప్ప‌గా సిద్ధ‌మ‌య్యారు. మ‌న దేశంలోనే అత్యంత భారీ యాక్ష‌న్ సినిమాగా రూపొందుతోంది ప‌ఠాన్‌. షారుఖ్‌ని స్క్రీన్ మీద చూసిన ప్ర‌తి ఒక్క‌రికీ ఆయ‌న చేసిన కృషి అర్థ‌మ‌వుతుంది. మేం డిజైన్ చేసిన యాక్ష‌న్ సీక్వెన్స్ ని నిజం చేయ‌డానికి ఆయ‌న తీసుకున్న శ్ర‌మ‌కు ఫిదా అయిపోయాం. షారుఖ్‌లాగా ఇంకెవ‌రూ ఉండ‌రు. సినిమాల ప‌ట్ల ఆయ‌న‌కు ఉండే అంకిత‌భావం, ప్రేమ‌ను అర్థం చేసుకోవాలంటే ప‌ఠాన్ విడుద‌ల‌య్యే వ‌ర‌కు ఆగాల్సిందే` అని సిద్దార్థ్‌ ఆనంద్‌ అన్నారు. ఈ సినిమా వచ్చే ఏడాది జ‌న‌వ‌రి 25న హిందీ, త‌మిళ్‌, తెలుగులో విడుద‌ల కానుంది.