‘డియర్ మేఘ’, ‘భాగ్ సాలే’ వంటి డిఫరెంట్ మూవీస్ తో ప్రేక్షకుల్ని ఆకట్టుకున్న నిర్మాణ సంస్థ వేదాన్ష్ క్రియేటివ్ వర్క్స్. అర్జున్ దాస్యన్ నిర్మాతగా వ్యవహరిస్తున్న ఈ సంస్థ ప్రస్తుతం తమ ప్రొడక్షన్ నెం.4గా ‘ఖేల్ ఖతమ్ దర్వాజా బంద్’ చిత్రాన్ని నిర్మిస్తోంది. ఈ చిత్రంలో రాహుల్ విజయ్, నేహా పాండే హీరో హీరోయిన్లుగా నటిస్తున్నారు. "ఖేల్ ఖతమ్ దర్వాజా బంద్" సినిమా ఫస్ట్ లుక్, టైటిల్ ను వర్సటైల్ యాక్టర్ రానా దగ్గుబాటి లాంఛ్ చేశారు. టైటిల్ ఇంట్రెస్టింగ్ గా ఉండి ఆకట్టుకుందన్న రానా..మూవీ టీమ్ కు బెస్ట్ విశెస్ అందించారు."ఖేల్ ఖతమ్ దర్వాజా బంద్" సినిమాను హిలేరియస్ ఫన్ రైడ్ గా నూతన దర్శకుడు అశోక్ రెడ్డి కడదూరి రూపొందిస్తున్నారు. ఈ చిత్రానికి సంబంధించిన మరిన్ని వివరాలు మేకర్స్ త్వరలో వెల్లడించనున్నారు.

రాహుల్‌ విజయ్‌.. ఫ్యాషన్‌ ప్రపంచంలో ఒక సైలెంట్‌ నేమ్‌! అతని స్టయిలింగే కనిపిస్తుంటుంది గొప్ప గొప్ప ఈవెంట్లలో.. పెద్ద పెద్ద పార్టీల్లో! కంప్లీట్‌ డీటేయిలింగ్‌తో స్టయిల్‌ని క్రియేట్‌ చేస్తాడు క్లాసిక్‌గా! అందుకే ఏ రంగంలోని సెలబ్రిటీలకైనా అతను మోస్ట్‌ వాంటెడ్‌ స్టయిలిస్ట్‌!రాహుల్‌ విజయ్‌ పుట్టి, పెరిగింది ఢిల్లీలో. ఫ్యాషన్‌ డిజైనింగ్‌లో గ్రాడ్యుయేషన్‌ చేశాడు. ఫ్యాషన్‌ ఇన్‌స్టిట్యూట్‌ నుంచి వచ్చిన ఎందరో గ్రాడ్యుయేట్స్‌లాగే అతనూ హార్పర్స్‌ బజార్‌లో ఫ్యాషన్‌ ఇంటర్న్‌గా చేరాడు. అయితే ఆరేళ్లలో ఫ్యాషన్‌ ఎడిటర్‌ స్థాయికి ఎదిగాడు. ఫ్యాషన్‌ రంగంలో ఎదగడానికి ఢిల్లీ కన్నా ఆర్థిక రాజధాని, మోస్ట్‌ హ్యాపెనింగ్‌ సిటీ ముంబై అయితే బెస్ట్‌ అనుకున్నాడు. ఆలస్యం చేయకుండా ముంబైలో ల్యాండ్‌ అయ్యాడు.హార్పర్స్‌ బజార్‌ ఎక్స్‌పీరియెన్స్‌తో వెంటనే అతనికి అక్కడ ‘ఎల్‌’లో సీనియర్‌ ఫ్యాషన్‌ ఎడిటర్‌ కొలువు దొరికింది. ముగ్గురు స్టయిలిస్ట్‌లున్న టీమ్‌ని లీడ్‌ చేశాడు. అతనిలోని క్రియేటివిటీ, పనిపట్ల అతనికున్న కమిట్‌మెంట్‌.. రెండేళ్లకే ‘జీక్యూ ఇండియా’లో సీనియర్‌ ఫ్యాషన్‌ ఎడిటర్‌ కుర్చీలో కూర్చోబెట్టాయి.. స్టయిలింగ్‌ కవర్స్, ఫ్యాషన్‌ ఎడిటోరియల్స్‌ బాధ్యతలతో. దీంతోపాటు ఈ దేశపు ప్రతిష్ఠాత్మక ఫ్యాషన్‌ షో ‘లాక్మే ఫ్యాషన్‌ వీక్‌’కి డైరెక్టర్‌గానూ ఉన్నాడు రాహుల్‌ .. ముగ్గురు క్రియేటివ్‌ డైరెక్టర్స్‌లో ఒకడిగా!ఓవైపు ఇవన్నీ చేస్తూనే.. సెలబ్రిటీ స్టయిలింగ్‌లోకీ అడుగుపెట్టాడు రాహుల్‌.. బాలీవుడ్‌ సీనియర్‌ నటుడు సునీల్‌ శెట్టి కుమారుడు అహాన్‌ శెట్టికి పర్సనల్‌ స్టయిలిస్ట్‌గా! పర్సనల్‌ స్టయిలింగ్‌లో.. ముందుగా క్లయింట్‌ నేపథ్యం, పర్సనాలిటీ, అభిరుచులు, పాత ఫొటోలు.. వంటివన్నీ స్టడీచేసి ఒక అవగాహన కుదిరాకే స్టయిలింగ్‌ పట్ల దృష్టిపెడ్తాడు రాహుల్‌. తను చేసిన ఆ రీసెర్చ్‌ ప్రకారమే క్లయింట్‌ డ్రెస్‌ డిజైనింగ్‌ని డిసైడ్‌ చేస్తాడు.ఎందుకంత డీటేయిలింగ్‌ అంటే ‘మన స్టయిల్‌ని రిఫ్లెక్ట్‌ చేసేది మన లైఫ్‌స్టయిలే కాబట్టి’అంటాడు. అయితే అతని డిజైనర్స్‌ లిస్ట్‌లో బ్రాండ్‌ ఇమేజ్‌ ఉన్న డిజైనర్సే కాదు అసలు బయటి ప్రపంచానికి తెలియని డిజైనర్స్‌ కూడా ఉండొచ్చు. ఎక్కువగా కొత్త కొత్త దేశీ డిజైనర్స్‌నే తన క్లయింట్‌కి ఇంట్రడ్యూస్‌ చేస్తుంటాడు. ఆ తీరే సెలబ్రిటీ స్టయిలింగ్‌లో అతన్ని ప్రత్యేకంగా నిలబెడుతోంది.అతని స్టయిల్‌ క్లాసిక్‌గా ఉంటుందనే కాంప్లిమెంట్‌నీ ఇస్తోంది. అందుకే మృణాల్‌ ఠాకుర్, అర్జున్‌ కపూర్, రాజ్‌కుమార్‌ రావు, క్రికెటర్‌ కేఎల్‌ రాహుల్‌ లాంటి సెలబ్రిటీలూ రాహుల్‌ విజయ్‌ని తమ పర్సనల్‌ స్టయిలిస్ట్‌గా ఎంచుకున్నారు. జగమెరిగిన డిజైనింగ్‌ హౌసెస్‌ అండ్‌ బ్రాండ్స్‌కీ ఫ్రీలాన్స్‌ డిజైనర్‌ అండ్‌ స్టయిలిస్ట్‌గా తన సృజనాత్మక సేవలను అందిస్తున్నాడు రాహుల్‌ విజయ్‌.ఫ్యాషన్‌ రంగంలో ఉన్నవారు సొంత ఈస్తెటిక్‌ సెన్స్‌ని డెవలప్‌ చేసుకోవాలి. 12 ఏళ్ల నా ఫ్యాషన్‌ ఎడిటోరియల్స్‌ ఎక్స్‌పీరియెన్స్‌ ఫ్యాషన్‌కి సంబంధించి భిన్న దృక్ఫథాన్ని అందించింది. ట్రెండ్స్‌ని ఎలా అడాప్ట్‌ చేసుకోవాలి, వాటిలోంచి మనదైన స్టయిల్‌ని ఎలా క్రియేట్‌ చేసుకోవాలి వంటి ఎన్నో విషయాలను నేర్పింది. ఇది నా కెరీర్‌కి ముఖ్యంగా పర్సనల్‌ స్టయిలింగ్‌లోకి వచ్చాక ఎంతో ఉపయోగపడింది. స్టయిలింగ్‌ అనేది ఇప్పుడు ఇమేజ్‌ మేకింగ్‌లా మారింది. అందుకే స్టయిలిస్ట్‌ల పాత్ర రోజురోజుకీ పెరుగుతోంది! – రాహుల్‌ విజయ్‌

టైటిల్‌: విద్య వాసుల అహంనటీనటులు: రాహుల్‌ విజయ్‌, శివాని రాజశేఖర్‌, అవసరాల శ్రీనివాస్‌, అభినయ, తనికెళ్ల భరణి, శ్రీనివాస్‌ రెడ్డి, మౌనిక రెడ్డి, రవివర్మ అడ్డూరి, కాశీ విశ్వనాథ్, రూపలక్ష్మి తదితరులునిర్మాణ సంస్థ: ఎటర్నిటీ ఎంటర్‌టైన్‌మెంట్నిర్మాతలు: మహేష్ దత్త మొతూరు, లక్ష్మీ నవ్య మక్కపాటి దర్శకత్వం: మణికాంత్‌ గెల్లిసంగీతం: కళ్యాణి మాలిక్‌ఎడిటర్‌ : అఖిల్‌ వల్లూరిఓటీటీ స్ట్రీమింగ్‌ వేదిక: ఆహా(మే 17 నుంచి)ఈ మధ్య కొన్ని సినిమాలు నేరుగా ఓటీటీలోనే విడుదల అవుతున్నాయి. అలా ఈ వారం(మే 17) రిలీజ్‌ అయిన సినిమానే ‘విద్య వాసుల అహం’. రాహుల్‌ విజయ్‌, శివాని రాజశేఖర్‌ జంటగా నటించారు. ఇటీవల విడుదలైన ట్రైలర్‌ సినిమాపై ఆసక్తిని పెంచేలా చేసింది. దానికి తోడు థియేటర్‌ సినిమా మాదిరి ప్రమోషన్స్‌ కూడా గట్టిగా చేయడంతో ‘విద్య వాసుల అహం’ కాస్త హైప్‌ క్రియేట్‌ అయింది. మంచి అంచనాలతో రిలీజైన ఈ మూవీ ఎలా ఉంది రివ్యూలో చూద్దాం.కథేంటంటే..వాసు(రాహుల్‌ విజయ్‌) ఓ సంస్థలో మెకానికల్‌ ఇంజనీరింగ్‌గా పని చేస్తుంటాడు. పెళ్లి చేసుకొని ఇంట్లో వాళ్లు బలవంతం చేసినా..అతను మాత్రం ఇంట్రెస్ట్‌ చూపించడు. మరోవైపు విద్య(శివాని) కూడా అంతే. పెరెంట్స్‌ పెళ్లి చేసుకోమని బ్రతిమిలాడినా.. ఆమె దృష్టి మాత్రం ఉద్యోగం మీదనే ఉంటుంది. ఓ గుడిలో విన్న ప్రవచనాలతో అటు రాహుల్‌కి, ఇటు విద్యకి పెళ్లిపై ఇంట్రెస్ట్‌ కలుగుతుంది. పెళ్లి సంబంధాలు చూడమని ఇంట్లో గ్రీన్‌ సిగ్నల్‌ ఇవ్వడంతో ఇద్దరి పేరెంట్స్‌ ఆ పనిలోనే ఉంటారు. అలా ఓ పెళ్లిళ్ల బ్రోకర్‌ ద్వారా ఇద్దరికి సంబంధం కుదురుతుంది. పెద్దల సమక్షంలో పెళ్లి చేసుకుంటారు. ఇద్దరికి ఉన్న ఈగోల కారణంగా మొదటి రాత్రే గొడవలు మొదలవుతాయి. మరి ఆ గొడవలు ఎక్కడికి దారి తీశాయి? ఇద్దరికి ఉన్న ఆహం ఎలాంటి విబేధాలను తెచ్చిపెట్టింది? ఏ విషయంలో విరిద్దరి మధ్య గొడవలు జరిగాయి? గొడవ జరిగినప్పుడల్లా ఇద్దరిలో ఎవరు తగ్గారు? ఉద్యోగం కోల్పోయిన వాసుకి విద్య సపోర్ట్‌గా నిలిచిందా లేదా? విద్య వాసులు ఇగోతోనే ఉంటారా? లేదా వివాహ బంధాన్ని ఎంజాయ్‌ చేస్తారా? అనేది తెలియాలంటే సినిమా చూడాల్సిందే. ఎలా ఉందంటే.. పెళ్లి సబ్జెక్ట్‌తో తెలుగులో చాలా సినిమాలు వచ్చాయి. అయినా కూడా కాస్త ఎంటర్‌టైనింగ్‌గా తీస్తే చాలు టాలీవుడ్‌ ప్రేక్షకులు ఆ సినిమాను ఆదరిస్తారు. దర్శకుడు మణికాంత్‌ ఆ పనే చేశాడు. ఎంచుకున్న కథ రొటీనే అయినా.. చాలా ఎంటర్‌టైనింగ్‌ కథనాన్ని మలిచాడు. కథంతా క్యూట్‌గా సాగిపోతుంది. ఎక్కడా కూడా బోర్‌ కొట్టదు. ‘పరస్పరం గౌరవం వివాహానికి పునాది’ అనే సందేశాన్ని చాలా వినోదభరితంగా ఇచ్చాడు. అహంతో కూడిన ప్రేమ‌క‌థ‌లోని భావోద్వేగాల‌ను తెరపై చక్కగా పండించాడు.పెళ్లి జీవితంలో ప్రేమ బాధ్యతల మధ్యలో ఇగో వస్తే ఎలా ఉంటుంది అనే నేపథ్యంలో కథనం సాగుతుంది. ఫస్టాప్‌లో కొత్తగా పెళ్లైన జంట ఎలా ఉంటుంది? చిన్న చిన్న విషయాల్లో ఈగోలకి వెళ్లి ఎలా గొడవ పడతారు? అనేది వినోదాత్మకంగా చూపించాడు. ఇక సెకండాఫ్‌లో పెళ్లయిన తర్వాత వచ్చే సమస్యలు.. ఇగోల కారణంగా వచ్చే ఇబ్బందలను చూపించారు. భార్యభర్తల మధ్య గొడవలు, మనస్పర్థలు వస్తుంటాయి పోతుంటాయి కానీ.. వివాహం బంధం బలంగా ఉండాలి అనే మంచి సందేశాన్ని ఈ సినిమా ద్వారా ఇచ్చారు. కొత్తగా పెళ్లి అయిన ప్రతి జంట..ఈ సినిమాకు కనెక్ట్‌ అవుతుంది. అయితే కథలో మాత్రం కొత్తదనం ఉండదు. కొన్ని సన్నివేశాలు పాత సినిమాలను గుర్తుకు చేస్తాయి. ఓటీటీ సినిమానే కదా అన్నట్లుగా కొన్ని సన్నివేశాలను సింపుల్‌గా చుట్టేశారనే ఫీలింగ్‌ కలుగుతుంది. స్క్రీప్‌ప్లే ఇంకాస్త బలంగా రాసుకుంటే బాగుండేదేమో. డైరెక్ట్‌గా ఓటీటీ రిలీజ్‌ చేయడం సినిమాకు ప్లస్‌ పాయింట్‌. ఓటీటీలోనే స్ట్రీమింగ్‌ అవుతుంది కాబట్టి ఎంటర్‌టైన్‌ కావడానికి వీకెండ్‌లో ఈ సినిమాను ఓసారి చూడొచ్చు. ఎవరెలా చేశారంటే..ఈ జనరేషన్‌ భార్య భర్తలుగా రాహుల్ విజయ్, శివానీ రాజశేఖర్ ఇద్దరూ పోటీ పడి నటించారు. వీరిద్దరి మధ్య ఆన్‌స్క్రీన్‌ కెమిస్ట్రీ బాగా వర్కౌట్‌ అయింది.ఈగోస్‌తో ఇద్దరి మధ్య జరిగే గొడవలు నవ్వులు పూయిస్తాయి. శివానీ శారీలోనే కనిపిస్తూనే కావాల్సిన చోట అందాలను ప్రదర్శించింది. ఈ జనరేషన్ కొత్త పెళ్ళికొడుకుగా రాహుల్‌ విజయ్‌ తనదైన నటనతో ఆకట్టుకున్నాడు. ఇక విష్ణుమూర్తిగా అవసరాల శ్రీనివాస్‌, లక్ష్మీ దేవిగా అభినయ, నారదుడిగా శ్రీనివాస్ రెడ్డితో పాటు తనికెళ్ల భరణి, శ్రీనివాస్‌ రెడ్డి, మౌనిక రెడ్డి, రవివర్మ అడ్డూరి, కాశీ విశ్వనాథ్, రూపలక్ష్మీ తదితరులు తమ పాత్రల పరిధిమేర చక్కగా నటించారు. సాంకేతికంగా సినిమా బాగుంది.కల్యాణి మాలిక్ మ్యూజిక్ సినిమాకు ప్లస్‌ అయింది. ముఖ్యంగా బ్యాక్ గ్రౌండ్ స్కోర్ సన్నివేశాలను ఎలివేట్ చేసింది. అఖిల్ వల్లూరి సినిమాటోగ్రఫి బాగుంది. ఎడిటింగ్‌ పర్వాలేదు. నిర్మాణ విలువలు సినిమా స్థాయికి తగ్గట్లు ఉన్నతంగా ఉన్నాయి. -అంజి శెట్టె, సాక్షి వెబ్‌డెస్క్‌

రాహుల్‌ విజయ్, శివానీ రాజశేఖర్‌ జంటగా మణికాంత్‌ గెల్లి దర్శకత్వం వహించిన చిత్రం ‘విద్య వాసుల అహం’. మహేష్‌ దత్తా, లక్ష్మి నవ్య నిర్మించిన ఈ సినిమా రేపు (శుక్రవారం) ‘ఆహా’ ఓటీటీలో రిలీజ్‌ అవుతోంది. బుధవారం ఈ చిత్రం ట్రైలర్‌ లాంచ్‌ వేడుకలో మణికాంత్‌ గెల్లి మాట్లాడుతూ– ‘‘కంప్లీట్‌ ఫ్యామిలీ ఎంటర్‌టైనర్‌గా ‘విద్య వాసుల అహం’ రూపొందింది. వెంకీ అద్భుతమైన కథ రాయడం వల్లే నేను ఈ సినిమా చేయగలిగాను’’ అన్నారు. రాహుల్‌ విజయ్‌ మాట్లాడుతూ– ‘‘ఇదొక చిన్న క్యూట్‌ ఈగోస్‌ (అహం) ఉండే ఫన్‌ ఫిలిం’’ అన్నారు. ‘‘రాహుల్‌ మంచి రైటర్‌ కూడా. ఈ స్క్రిప్ట్‌ని తను ఒప్పుకున్నాడంటే కథ బాగుంటుందని అనిపించి నేను కూడా ఓకే చేశాను’’ అన్నారు శివానీ రాజశేఖర్‌.

‘‘ప్రస్తుత రాజకీయాలకు, ‘కోటబొమ్మాళి పీఎస్‌’ సినిమా కథకు ఎటువంటి సంబంధం లేదు. కాకపోతే ఈ మూవీలో ఎన్నికల గురించి, ఓటు విలువ గురించి చర్చించాం. వ్యవస్థ, మనం ఎలా అవినీతిమయమై ఉన్నాం అనేది ఈ చిత్రంలో చెబుతున్నాం. ఈ మూవీకి ఏ పొలిటికల్‌ ఎజెండా లేదు’’ అని డైరెక్టర్‌ తేజా మార్ని అన్నారు. రాహుల్‌ విజయ్, శివానీ రాజశేఖర్‌ జంటగా శ్రీకాంత్, వరలక్ష్మీ శరత్‌ కుమార్‌ కీలకపాత్రల్లో నటించిన చిత్రం ‘కోటబొమ్మాళి పీఎస్‌’. ‘బన్నీ’ వాస్, విద్యా కొప్పినీడి నిర్మించిన ఈ సినిమా నేడు రిలీజవుతోంది. ఈ సందర్భంగా తేజా మార్ని మాట్లాడుతూ– ‘‘వ్యవస్థలో ఉన్న వాళ్లు అదే వ్యవస్థకు బలైతే ఎలా ఉంటుంది? అనే కథని జనాలకు చెప్పాలనిపించింది.  కోటబొమ్మాళి అనే ఊరిలో ఉప ఎన్నికలు జరుగుతున్న సందర్భంలో ఏం జరిగింది? అది ముగ్గురు పోలీస్‌ అధికారుల జీవితాలను ఎలా మార్చింది? అనేది ఈ చిత్ర కథ. మలయాళ హిట్‌ ‘నాయట్టు’ కి ఇది తెలుగు రీమేక్‌ అయినా తెలుగుకి తగ్గట్టు మార్పులు చేశాం. శ్రీకాంత్, వరలక్ష్మిగార్ల పాత్రలు పోటాపోటీగా ఉంటాయి. రాహుల్, శివాని చక్కగా నటించారు. నిర్మాతలు వాసు, విద్యగార్లు ఎక్కడా రాజీపడలేదు. ‘లింగిడి లింగిడి..’ పాట వల్లే మా సినిమా గురించి అందరికీ తెలిసింది’’ అన్నారు.

‘‘ఈ మధ్య కాలంలో నేను పూర్తి స్థాయి పాత్ర చేసిన చిత్రం ‘కోట బొమ్మాళి’. నటనకి చాలా స్కోప్‌ ఉన్న పాత్ర. అంతకు ముందు నేను చేసిన సినిమాల్లో పాటలు, ఫైట్స్‌.. ఇలా వాణిజ్య అంశాలు ఉన్నాయి. ‘కోట బొమ్మాళి’లో చక్కటి ఫ్యామిలీ డ్రామా కూడా ఉంటుంది’’ అని శ్రీకాంత్‌ అన్నారు. రాహుల్‌ విజయ్, శివానీ రాజశేఖర్‌ జంటగా శ్రీకాంత్, వరలక్ష్మీ శరత్‌ కుమార్‌ కీలక పాత్రల్లో నటించిన చిత్రం ‘కోట బొమ్మాళి పీఎస్‌’. తేజా మార్ని దర్శకత్వంలో గీతా ఆర్ట్స్‌ 2 బ్యానర్‌పై ‘బన్నీ’ వాసు, విద్యా కొప్పినీడి నిర్మించిన ఈ సినిమా రేపు విడుదలవుతోంది. ఈ సందర్భంగా శ్రీకాంత్‌ చెప్పిన విశేషాలు. ► ‘కోట బొమ్మాళి’ వైవిధ్యమైన కథ. ఎక్కడైనా క్రిమినల్స్‌ని ΄ోలీసులు వెంటాడి పట్టుకుంటారు. ఈ సినిమాలో ΄ోలీసులే ΄ోలీసులను వెంటాడటం ఆసక్తిగా ఉంటుంది. రాజకీయ నాయకులు ΄ోలీసులను ఎలా వాడుకుంటారు? దాని వల్ల ΄ోలీసులకు ఎదురైన ఇబ్బందులు ఏంటి? తమ ఓట్ల కోసం కులాలను, మతాలను రాజకీయ నాయకులు ఏ విధంగా వాడుకుంటారు? అనేది ఈ చిత్రం ప్రధాన కథాంశం. ఈ సినిమాలో ఎలాంటి పొలిటికల్‌ సెటైర్‌ ఉండదు. అయితే ప్రస్తుతం వ్యవస్థలో జరుగుతున్నది చూపించాడు దర్శకుడు తేజ. ►ఓ మధ్య తరగతి హెడ్‌ కానిస్టేబుల్‌ ఇంట్లో ఎలాంటి వాతావరణం ఉంటుందన్నది ఈ మూవీలో ఆసక్తిగా ఉంటుంది. నేను హెడ్‌ కానిస్టేబుల్‌ రామకృష్ణ పాత్ర చేశాను. నా పాత్ర, రాహుల్, శివాని.. మా ముగ్గురి పాత్రల మధ్య కథ తిరుగుతుంటుంది. మా పై అధికారి వరలక్ష్మి మమ్మల్ని పట్టుకోవడానికి వేసే ఎత్తులకు నేను వేసే పై ఎత్తులు ఆసక్తిగా ఉంటాయి. ►దాదాపు 32 ఏళ్ల కెరీర్‌లో ఎన్నో పాత్రలు చేశాను. ఎన్ని చేసినా ఓ నటుడికి సంతృప్తి ఉండదు.. ఇంకా వైవిధ్యమైన పాత్రలు చేయాలనే ఆరాటం ఉంటుంది. ప్రస్తుతం రామ్‌చరణ్‌తో ‘గేమ్‌ చేంజర్‌’, ఎన్టీఆర్‌తో ‘దేవర’, మోహన్‌లాల్, మా అబ్బాయి రోషన్‌ నటిస్తున్న ‘వృషభ’ సినిమాల్లో కీ రోల్స్‌ చేస్తున్నాను.

రాహుల్‌ విజయ్, శివానీ రాజశేఖర్, శ్రీకాంత్‌ ప్రధాన పాత్రధారులుగా, వరలక్ష్మీ శరత్‌కుమార్‌ కీలక పాత్రలో నటించిన చిత్రం ‘కోట బొమ్మాళి పీఎస్‌’. తేజా మార్ని దర్శకత్వంలో ‘బన్నీ’  వాసు, విద్యా కొప్పినీడు నిర్మించిన ఈ చిత్రం ఈ నెల 24న విడుదల కానుంది. ఈ సందర్భంగా శనివారం హైదరాబాద్‌లో జరిగిన విలేకర్ల సమావేశంలో రాహుల్‌ విజయ్‌ మాట్లాడుతూ– ‘‘ఈ సినిమాలో కానిస్టేబుల్‌ రవి పాత్రలో నటించాను. ఎస్‌ఐ రామకృష్ణగా శ్రీకాంత్‌గారు, కానిస్టేబుల్‌ కుమారిగా శివానీ రాజశేఖర్‌ నటించారు. శ్రీకాకుళం జిల్లాలో ఉన్న కోట బొమ్మాళి అనే ఊర్లోని పోలీస్‌స్టేషన్‌లో ఏం జరిగింది? అన్నది ఈ సినిమా కాన్సెప్ట్‌. మలయాళ చిత్రం ‘నాయట్టు’కు ‘కోట బొమ్మాళి పీఎస్‌’ రీమేక్‌. అయితే నా పాత్రపై ఏ ప్రభావం ఉండకూడదని ‘నాయట్టు’ పూర్తి చిత్రం నేను చూడలేదు. తెలుగు ప్రేక్షకుల అభిరుచికి తగ్గట్లుగా ఈ సినిమా స్క్రీన్‌ప్లే రేసీగా ఉంటుంది. చివరి 20 నిమిషాలు చాలా ఎమోషనల్‌గా ఉంటుంది. ఇక ఈ సినిమాలోని ‘లింగిడి..’ పాటకు మంచి క్రేజ్‌ వచ్చింది. ఈ పాటతోనే మరింత మందికి మేం చేరువ అయ్యాం. గీతా ఆర్ట్స్‌ బ్యానర్‌లో మా నాన్నగారు (ఫైట్‌ మాస్టర్‌ విజయ్‌) అసిస్టెంట్‌ ఫైట్‌ మాస్టర్‌గా, ఫైట్‌ మాస్టర్‌గా చేశారు. అదే బ్యానర్‌లో నేను హీరోగా చేయడం పట్ల ఆయన హ్యాపీగా ఉన్నారు. అలాగే ఈ సినిమా సమయంలో నాకు ప్రమాదం జరిగి, కాలికి దెబ్బ తగిలింది. దీంతో నాలుగు నెలలు విశ్రాంతి తీసుకోవాల్సి వచ్చింది. ఈ సమయంలో నన్ను రీప్లేస్‌ చేస్తారేమో? అనుకున్నాను. కానీ ‘బన్నీ’ వాసు, విద్యాగార్లు నన్ను సపోర్ట్‌ చేశారు. ఇలాంటి సంస్థలో వర్క్‌ చేయడం నాకు ఆనందంగా ఉంది. ప్రస్తుతం ఆర్కా మీడియాలో ఓ షో కమిట్‌ అయ్యాను’’ అని చెప్పుకొచ్చారు.

‘‘నేనిప్పటివరకూ ఏ సినిమాలోనూ సిగరెట్‌ తాగే సన్నివేశంలో నటించలేదు. ‘కోట బొమ్మాళి పీఎస్‌’ సినిమా కథకు అవసరం కావడంతో తొలిసారి స్మోకింగ్‌ సన్నివేశం చేశాను. అందుకే ఈ చిత్రం నాకు సవాల్‌గా అనిపించింది’’ అని నటి వరలక్ష్మీ శరత్‌కుమార్‌ అన్నారు. రాహుల్‌ విజయ్, శివానీ రాజశేఖర్‌ జంటగా శ్రీకాంత్, వరలక్ష్మీ శరత్‌ కుమార్‌ కీలక పాత్రలు పోషించిన చిత్రం ‘కోట బొమ్మాళి పీఎస్‌’. తేజా మార్ని దర్శకత్వంలో ‘బన్నీ’ వాసు, విద్యా కొప్పినీడి నిర్మించిన ఈ సినిమా ఈ నెల 24న విడుదలవుతోంది. ఈ సందర్భంగా వరలక్ష్మీ శరత్‌ కుమార్‌ చెప్పిన విశేషాలు. ∙నేను కథే హీరోగా భావిస్తాను. నా కెరీర్‌లో తమిళంలో ఎక్కువగా పోలీస్‌ పాత్రలు చేశాను. కానీ తెలుగులో మాత్రం ‘కోట బొమ్మాళి పీఎస్‌’ నా తొలి మూవీ. ప్రస్తుతం ఇన్వెస్టిగేటివ్‌ థ్రిల్లర్స్‌ ట్రెండ్‌ నడుస్తోంది కాబట్టి పోలీస్‌ ఆఫీసర్‌ పాత్రలకు క్రేజ్‌ ఉంటోంది. ∙‘కోట బొమ్మాళి పీఎస్‌’లో శ్రీకాంత్‌గారు, నేను పోలీస్‌ ఆఫీసర్స్‌. ఇద్దరిలో ఒకరు క్రిమినల్‌ అయితే ఎలా ఉంటుంది? పోలీసులపై రాజకీయ నాయకుల ఒత్తిడి ఏ విధంగా ఉంటుంది? అన్నది ఈ చిత్రకథ. పిల్లి మరియు ఎలుక ఆటలా థ్రిల్‌ చేసేలా ఉంటుంది. ఓటు గురించి అవగాహన కల్పించే లైన్‌ కూడా ఉంటుంది. ఎన్నికల టైమ్‌లో వస్తున్న మా సినిమాపై మరింత ఆసక్తి పెరిగింది. ∙‘వరలక్ష్మి చాలా వైవిధ్యంగా చేసింది’ అని ప్రేక్షకులు అనుకునేలా మంచి పాత్రలు చేయడమే నా లక్ష్యం. లేడీ ఓరియంటెండ్‌ సినిమాలతో పాటు పాత్ర నచ్చితే ఎలాంటి మూవీలోనైనా నటించడానికి రెడీ. తెలుగులో నేను నటించిన ‘హనుమాన్‌’ సినిమా సంక్రాంతికి విడుదలవుతోంది. కన్నడలో సుదీప్‌తో ‘మ్యాక్స్‌’ చిత్రంలో నటిస్తున్నాను.

శ్రీకాంత్‌ మేక, రాహుల్‌ విజయ్, శివానీ రాజశేఖర్, వరలక్ష్మీ శరత్‌కుమార్‌ కీలక పాత్రల్లో నటించిన చిత్రం ‘కోట బొమ్మాళి పీఎస్‌’. తేజా మార్ని దర్శకత్వంలో ‘బన్నీ’ వాసు, విద్యా కొప్పినీడి నిర్మించిన ఈ సినిమా ఈ నెల 24న విడుదల అవుతోంది. రంజిన్‌ రాజ్, మిధున్‌ ముకుందన్‌ స్వరపరచిన ఈ చిత్రంలోని ‘లింగి లింగిడి..’ అంటూ సాగే పాటను ఇటీవల విడుదల చేయగా, 30 మిలియన్‌ వ్యూస్‌ను పూర్తి చేసుకుంది. ‘‘ఈ పాటలానే మా చిత్రానికి ప్రేక్షకులు విజయం అందిస్తారనే నమ్మకం ఉంది’’ అని హైదరాబాద్‌లో నిర్వహించిన సెలబ్రేషన్స్‌లో ‘బన్నీ’ వాసు అన్నారు.

శ్రీకాంత్‌ మేకా కీలక పాత్రలో నటించిన చిత్రం ‘కోట బొమ్మాళి పీఎస్‌’. రాహుల్‌ విజయ్, శివానీ రాజశేఖర్‌ కీలక పాత్రల్లో, వరలక్ష్మీ శరత్‌కుమార్‌ ప్రత్యేక పాత్రలో నటించారు. తేజ మార్ని దర్శకత్వంలో ‘బన్నీ’ వాసు, విద్యా కొప్పినీడి నిర్మించిన ఈ సినిమా ఈ నెల 24న రిలీజ్‌ కానుంది. ‘‘ఓ పోలీస్‌ అధికారికి, రాజకీయ నాయకుడికి మధ్య జరిగే పవర్‌ఫుల్‌ పొలిటికల్‌ పవర్‌ గేమ్‌గా ఈ మూవీ ఉంటుంది. ఈ చిత్రం మోషన్‌ పోస్టర్‌కు మంచి స్పందన వచ్చింది. అలాగే ‘లింగి లింగిడి..’ పాట కొన్ని కోట్ల వ్యూస్‌ సాధించింది’’ అన్నారు మేకర్స్‌. ఈ చిత్రానికి కెమెరా: జగదీష్‌ చీకటి, సంగీతం: రంజిన్‌ రాజ్, మిధున్‌ ముకుందన్, సహనిర్మాతలు: భాను ప్రతాప్, రియాజ్‌ చౌదరి, ఎగ్జిక్యూటివ్‌ ్రపొడ్యూసర్‌: అజయ్‌ గద్దె.

‘‘ఒక పాట హిట్‌ అయితే సక్సెస్‌ మీట్‌ చేయడం మాకు తెలిసి ఇదే తొలిసారి. మా ‘కోట బొమ్మాళి పీఎస్‌’ సినిమాలోని ‘లింగి లింగి లింగిడి...’ పాట తెలుగోడి జానపదం దమ్ము చూపించింది. ఈ పాటకి పి. రఘు సాహిత్యం అందించడంతో పాటు పాడారు’’ అని నిర్మాత ‘బన్నీ’ వాసు అన్నారు. రాహుల్‌ విజయ్, శివానీ రాజశేఖర్, శ్రీకాంత్‌ మేక, వరలక్ష్మీ శరత్‌కుమార్‌ నటిస్తున్న చిత్రం ‘కోట బొమ్మాళి పీఎస్‌’. తేజ మార్ని దర్శకత్వంలో ‘బన్నీ’ వాసు, విద్యా కొప్పినీడి నిర్మిస్తున్నారు. రంజిన్‌ రాజ్, మిధున్‌ ముకుందన్‌ స్వరపరచిన ఈ చిత్రంలోని ‘లింగి లింగి లింగిడి...’ అంటూ సాగే పాటను ఇటీవల విడుదల చేశారు. ఈ పాటకి అద్భుతమైన స్పందన వస్తోందంటూ సక్సెస్‌ మీట్‌ నిర్వహించారు మేకర్స్‌. ఈ సందర్భంగా శ్రీకాంత్‌ మాట్లాడుతూ– ‘‘చాలా కాలం తర్వాత మంచి సినిమా చేశాననే అనుభూతి ఉంది’’ అన్నారు. ‘‘నా జీవితంలో గుర్తుండిపోయే పాట వచ్చినందుకు సంతోషంగా ఉంది’’ అన్నారు రాహుల్‌ విజయ్‌. ‘‘ఈ పాట ఎంత పాపులర్‌ అయ్యిందో సినిమా కూడా అలాగే ఉంటుంది’’ అన్నారు శివానీ రాజశేఖర్‌. ‘‘నా సినిమాలో జానపదం పాట పెట్టాలనే కల ఈ చిత్రంతో నెరవేరింది’’ అన్నారు తేజ మార్ని.

సాధారణంగా హత్యలకు కారణమైన దోషులకు శిక్ష పడేలా బాధ్యతగా విధులు నిర్వర్తిస్తుంటారు పోలీసులు. అయితే ఓ హత్య కేసులో పోలీసులే నిందుతులు అయితే ఎలాంటి పరిణామాలు చోటు చేసు కుంటాయి? అన్న కథాంశంతో ఓ చిత్రం రూపొందుతోంది. తేజా మార్ని దర్శకత్వంలో శ్రీకాంత్, రాహుల్‌ విజయ్, వరలక్ష్మీ శరత్‌కుమార్‌ లీడ్‌ రోల్స్‌లో నటిస్తున్న చిత్రం ఇది. అల్లు అరవింద్‌ సమర్పణలో బన్నీ వాసు, విద్య నిర్మిస్తున్నారు. బుధవారం (జూన్‌ 7) రాహుల్‌ విజయ్‌ బర్త్‌ డే ఈ సందర్భంగా ఈ సినిమాలో ఎస్‌. రవి పాత్రను రాహుల్‌ విజయ్‌ చేస్తున్నట్లుగా వెల్లడించి, పోస్టర్‌ రిలీజ్‌  చేశారు. శివానీ రాజశేఖర్, పవన్‌ తేజ్, మురళీ శర్మ కీలక పాత్రలు పోషిస్తున్న ఈ సినిమాకు సంగీతం: మిధున్‌ ముకుందన్‌.

మేఘా ఆకాష్, రాహుల్‌ విజయ్‌ జంటగా నటిస్తున్న తాజా చిత్రం ‘మాటే మంత్రము’. అభిమన్యు బద్ది ఈ సినిమాతో దర్శకుడిగా పరిచయం అవుతున్నారు. బిందు ఆకాష్‌ (మేఘా ఆకాష్‌ తల్లి) సమర్పణలో ఎ. సుశాంత్‌ రెడ్డి, అభిషేక్‌ కోట నిర్మిస్తున్నారు. ఈ సినిమా నిర్మాతల్లో ఒకరైన సుశాంత్‌ రెడ్డి కథ అందించారు. అక్టోబరు 26 మేఘా బర్త్‌ డే సందర్భంగా ‘మాటే మంత్రము’లోని ఆమె క్యారెక్టర్‌ నేమ్, లుక్‌ను రిలీజ్‌ చేశారు. ‘‘గోవా బ్యాక్‌డ్రాప్‌లో సాగే రొమాంటిక్‌ ఎంటర్‌టైనర్‌ ఇది. ఇందులో కావ్య అనే రెబల్‌ అమ్మాయిగా నటించారు మేఘా ఆకాష్‌. రెండు పాటలు మినహా షూటింగ్‌ పూర్తి చేశాం’’ అన్నారు. ఈ చిత్రానికి సంగీతం: హరి గౌర, కెమెరా: మనోజ్‌ రెడ్డి. చిత్రయూనిట్‌ పేర్కొంది.

ప్రముఖ ఎడిటర్ స్వర్గీయ కోలా భాస్కర్ తనయుడు కోలా బాలకృష్ణ హీరోగా నటిస్తున్న చిత్రం 'నేనెవరు'.  ఈ సినిమాలో అతనికి జోడిగా సాక్షి చౌదరి నటిస్తోంది. కౌశల్ క్రియేషన్స్ పతాకంపై ఈ చిత్రాన్ని నిర్మిస్తున్నారు. భీమినేని శివప్రసాద్, తన్నీరు రాంబాబు నిర్మాతలుగా వ్యవహరిస‍్తున్నారు. ఈ చిత్రానికి నిర్ణయ్ పల్నాటి దర్శకత్వం వహిస్తున్నారు. ఆర్‌జీ సారథి ఈ చిత్రం ద్వారా సంగీత దర్శకుడిగా పరిచయమవుతున్నారు. తాజాగా ఈ సినిమాకు సంబంధించిన ఆడియో, ప్రోమోను హైదరాబాద్‌లోని ప్రసాద్‌ ల్యాబ్స్‌లో విడుదల చేసింది చిత్రబృందం. లవ్ అండ్ సస్పెన్స్ థ్రిల్లర్‌గా ఈ చిత్రాన్ని తెరకెక్కిస్తున్నట్లు చిత్ర యూనిట్ ప్రకటించింది. (చదవండి: పొన్నియన్ సెల్వన్ ఆ నటితో చేద్దామనుకున్నా: మణిరత్నం)  ఈ కార్యక్రమానికి ప్రముఖ దర్శకుడు పూరి జగన్నాథ్ తనయుడు ఆకాశ్ పూరి, మరో నటుడు రాహుల్ విజయ్ ముఖ్యఅతిథులుగా హాజరై ఆడియోను రిలీజ్ చేశారు. దర్శక, నిర్మాతలకు ఈ చిత్రం మంచిపేరు తీసుకురావాలని ఆకాష్ పూరి, రాహుల్ విజయ్ ఆకాంక్షించారు. ఈ చిత్రంలో తనిష్క్ రాజన్, గీత్ షా, బాహుబలి ప్రభాకర్, రాజా రవీంద్ర, దిల్ రమేష్, తాగుబోతు రమేష్, వేణు, సుదర్శన్ రెడ్డి, నీరజ ప్రధాన పాత్రల్లో నటిస్తున్నారు. ఈ వేడుకల్లో సినిమాకు సంబంధించిన ఫస్ట్ గ్లింప్స్ కూడా విడుదల చేశారు.          

భలే భలే మగాడివోయ్, మహానుభావుడు, ప్రతిరోజు పండగే లాంటి సంచలన విజయాలతో దూసుకుపోతూ పక్కా కమర్షియల్ సినిమాతో మ‌రో మారు ప్రేక్ష‌కుల ముందుకు వస్తోంది జీఏ2 పిక్చర్స్ నిర్మాణ సంస్థ. తాజాగా ఈ బ్యానర్‌లో మరో కొత్త సినిమా ప్రారంభమైంది. జోహార్, అర్జున ఫల్గుణ లాంటి విమర్శకుల ప్రశంసలు అందుకున్న చిత్రాలు తెరకెక్కించిన తేజ మర్ని దర్శకత్వంలో ఓ సినిమా తెరకెక్కనుంది. దీనికి బన్నీ వాసు నిర్మాతగా వ్యవహరించనున్నారు. హైద‌రాబాద్ ఫిలిం న‌గ‌ర్ దైవ‌స‌న్నిధానంలో గురువారం ఈ చిత్రం పూజా కార్య‌క్ర‌మాల‌తో మొద‌లైంది. మెగా ప్రొడ్యూసర్ అల్లు అరవింద్ సమర్పణలో రూపొందుతున్న‌ ఈ సినిమాకు బన్నీ వాస్ త‌న‌య‌ బేబీ హన్విక క్లాప్ కొట్టారు. ఈ చిత్రానికి బన్నీ వాసుతో పాటు విద్య మాధురి మ‌రో నిర్మాత‌గా వ్య‌వ‌హ‌రిస్తున్నారు. ఇందులో శ్రీకాంత్, వరలక్ష్మి శరత్ కుమార్, రాహుల్ విజయ్, శివాని రాజశేఖర్ కీలకపాత్రల్లో నటిస్తున్నారు. పూర్తిగా కంటెంట్ ప్రధానంగానే ఈ సినిమా కథ సాగుతుంది. జగదీష్ చీకటి సినిమాటోగ్రఫీ అందిస్తున్న ఈ సినిమాకు శక్తికాంత్ కార్తీక్ సంగీతం అందిస్తున్నారు. భాను ప్ర‌తాప్ సహ నిర్మాత‌, ఇక ఈ సినిమాకు సంబంధించిన మరిన్ని వివరాలు త్వరలోనే తెలియజేయనున్నారు దర్శక నిర్మాతలు. Some journeys are worth waiting for… this one is going to be special :)#AlluAravind garu Presents @GA2Official's #ProductionNo8 launched today with a pooja ceremony.✨Produced by #BunnyVas & #VidhyaMadhuri Directed by #TejaMarni @actorsrikanth @varusarath5 #Shivani pic.twitter.com/u76XITcrnY— Rahul Vijay (@ActorRahulVijay) June 30, 2022 చదవండి: అంకుల్‌ అంటూ భోరున విలపించిన మీనా.. రజనీకాంత్‌ కంటతడి అలాంటి సినిమాలను ప్రేక్షకులు వదులుకోరు: రాజమౌళి

రాహుల్‌ విజయ్, మేఘా ఆకాష్‌ జంటగా అభిమన్యు బద్ది దర్శకత్వం వహిస్తున్న సినిమాకి ‘మాటే మంత్రము’ అనే టైటిల్‌ను ఖరారు చేశారు. మేఘా ఆకాష్‌ తల్లి బిందు ఆకాష్‌ సమర్పణలో ఎ. సుశాంత్‌ రెడ్డి, అభిషేక్‌ కోట నిర్మిస్తున్నారు. కాగా రాహుల్‌ విజయ్‌ బర్త్‌ డే (జూన్‌ 7) సందర్భంగా ఈ సినిమా టైటిల్‌ను ప్రకటించారు.  ఎ. సుశాంత్‌ రెడ్డి, అభిషేక్‌ కోట మాట్లాడుతూ– ‘‘గోవా నేపథ్యంలో జరిగే రొమాంటిక్‌ ఎంటర్‌టైనర్‌ చిత్రమిది. సుశాంత్‌ రెడ్డి అందించిన కథ ఆసక్తిగా ఉంటుంది. మా సినిమా షూటింగ్‌ 90 శాతం పూర్తయింది’’ అన్నారు. ఈ చిత్రానికి సంగీతం: హరి గౌర, కెమెరా: మనోజ్‌ రెడ్డి.     

రాహుల్ విజయ్, మేఘ ఆకాష్ హీరోహీరోయిన్లుగా ఓ చిత్రం తెరకెక్కుతున్న సంగతి తెలిసిందే. ఈ మూవీతో అభిమన్యు బద్ది దర్శకుడిగా పరిచయం అవుతున్నారు. రొమాంటిక్ ఎంటర్ టైనర్ గా తెరకెక్కుతున్న ఈ సినిమాను  కోట ఫిలిం ఫ్యాక్టరీ & ట్రిప్పి ఫ్లిక్స్ స్టూడియోస్ బ్యానర్స్ పై  ఎ సుశాంత్ రెడ్డి,  అభిషేక్ కోట నిర్మిస్తున్నారు. రాహుల్‌ విజయ్‌ బర్త్‌డే సందర్భంగా మంగళవారం ఈ చిత్రం టైటిల్‌ని అనౌన్స్‌ చేశారు మేకర్స్‌. 90 శాతం షూటింగ్‌ పూర్తి చేసుకున్న ఈ చిత్రానికి ‘మాటే మంత్రము’అనే టైటిల్‌ని ఖరారు చేశారు.  ఈ సందర్భంగా నిర్మాతలు ఎ సుశాంత్ రెడ్డి, అభిషేక్ కోట మాట్లాడుతూ...మా హీరో పుట్టినరోజు సందర్భంగా చిత్ర టైటిల్ ను అనౌన్స్ చేస్తున్నాం. ఈ చిత్రానికి "మాటే మంత్రము" అనే పేరును ఖరారు చేశాం. ఇది మా సినిమాకు యాప్ట్ టైటిల్. తొలి షెడ్యూల్ హైదరాబాద్ లో, రెండో షెడ్యూల్ గోవాలో చిత్రీకరించాం. ప్రస్తుతం 90 శాతం షూటింగ్ పూర్తయింది. గోవా బ్యాక్ డ్రాప్ లో జరిగే రొమాంటిక్ ఎంటర్ టైనర్ ఇది. ఆద్యంతం ఇంట్రెస్టింగ్ గా ఉంటుంది. అన్నారు.

రాహుల్‌ విజయ్, మేఘా ఆకాష్‌ జంటగా రాజేంద్రప్రసాద్‌ ప్రధాన పాత్రలో నటిస్తున్న సినిమా హైదరాబాద్‌లో  ప్రారంభమైంది. ఈ చిత్రం ద్వారా అభిమన్యు బద్ది దర్శకుడిగా పరిచయవుతున్నారు. మేఘా ఆకాష్‌ తల్లి బిందు ఆకాష్‌ సమర్పణలో కోట ఫిలిం ఫ్యాక్టరీ, ట్రిప్పి ఫ్లిక్స్‌ స్టూడియోస్‌ బ్యానర్స్‌పై ఎ. సుశాంత్‌ రెడ్డి, అభిషేక్‌ కోట నిర్మిస్తున్నారు. అభిమన్యు మాట్లాడుతూ– ‘‘గోవా బ్యాక్‌డ్రాప్‌లో జరిగే రొమాంటిక్‌ ఎంటర్‌టైనర్‌ చిత్రమిది. ప్రేక్షకులు కొత్త అనుభూతి పొందేలా తెరకెక్కించబోతున్నాం’’ అన్నారు. ‘‘డియర్‌ మేఘ’ చిత్రానికి సుశాంత్, అభిమన్యుతో కలిసి పని చేశాను. ఇప్పుడు మళ్లీ వీరి కాంబినేషన్‌లో వర్క్‌ చేయడం హ్యాపీగా ఉంది’’ అన్నారు మేఘా ఆకాష్‌. ‘‘కూల్‌ రొమాంటిక్‌ ఎంటర్‌టైనర్‌ చిత్రమిది’’ అన్నారు రాహుల్‌ విజయ్‌. ‘‘హైదరాబాద్‌లో 15 రోజులు, గోవాలో 10 రోజులు షూటింగ్‌ చేస్తాం. 25 రోజుల్లోనే షూటింగ్‌ పూర్తవుతుంది’’ అన్నారు సుశాంత్‌ రెడ్డి, అభిషేక్‌ కోట. ‘వెన్నెల’ కిషోర్, అర్జున్‌ కళ్యాణ్‌ నటిస్తున్న ఈ చిత్రానికి సంగీతం: హరి గౌర. చదవండి: అజయ్‌ జడేజా బ్రేకప్‌ స్టోరీ: మ్యాచ్‌ ఫిక్సింగ్‌.. మాధురీ దీక్షిత్‌ని దూరం చేసిందా!

అమలాపాల్‌, రాహుల్‌ విజయ్‌ ప్రధాన పాత్రల్లో నటించిన వెబ్‌ సిరీస్‌ ‘కుడి ఎడమైతే’. ‘లూసియా’ ‘యూ టర్న్’ ఫేమ్ పవన్ కుమార్ దర్శకత్వం వహిస్తున్న ఈ సిరీస్‌ని రామ్ విఘ్నేశ్ రూపొందిస్తున్నారు. జూలై 16న స్ట్రీమింగ్‌ కానుంది. ఈ నేపథ్యంలో తాజాగా ఈ సిరీస్ నుంచి ట్రైలర్ ను రిలీజ్ చేశారు మేకర్స్‌.  ఇది కల అంటే నేనే నమ్మలేకపొతున్నాను. కలలో ఏమి జరిగిందో.. ఎగ్జాక్ట్ గా అదే జరుగుతోంది అనే డైలాగ్ తో ట్రైలర్ ప్రారంభం అవుతుంది. ఈరోజు రిపీట్ అవుతోందని నాకు తప్ప ఇంకెవరికి తెలియదు అంటూ అమలాపాల్ చెప్పే డైలాగ్ ఆసక్తిగా అనిపించింది. ఓ యాక్సిడెంట్ లో చనిపోయిన అమ్మాయికి, వీళ్లిద్దరికీ సంబంధం ఏమిటి ? వాళ్ళు ఆ సమస్యను ఎలా పరిష్కరించారు ? అనే ఆసక్తిని రేకెత్తిస్తోంది ఈ ట్రైలర్‌. పీపుల్ మీడియా ఫ్యాక్టరీ మరియు పవన్ కుమార్ స్టూడియోస్ సంస్థలు కలిసి ఈ సిరీస్ ని నిర్మించాయి.

డా. బ్రహ్మానందం, యువ హీరో రాహుల్‌ విజయ్, ‘మత్తు వదలరా’ ఫేమ్‌ నరేష్‌ అగస్త్య ముఖ్య తారలుగా ఓ చిత్రం రూపొందనుంది. హర్ష పులిపాక దర్శకుడు. టికెట్‌ ఫ్యాక్టరీ–ఎస్‌ ఒరిజినల్స్‌ పతాకాలపై అఖిలేష్‌ వర్ధన్, సృజన్‌  ఎరబోలు నిర్మిస్తున్న ఈ సినిమా హైదరాబాద్‌లో ప్రారంభమైంది. సృజన్‌  ఎరబోలు మాట్లాడుతూ– ‘‘ఈ సినిమాలో మరో ముగ్గురు స్టార్లు కూడా నటించనున్నారు. 13 రోజుల పాటు హైదరాబాద్‌ పరిసర ప్రాంతాల్లో, ఆ తర్వాత విశాఖ, పాండిచ్చేరిలో షెడ్యూల్స్‌ ప్లాన్‌  చేశాం. ‘కలర్‌ ఫొటో’ దర్శకుడు సందీప్‌ రాజ్‌ మా చిత్రానికి మాటలు రాయడం హ్యాపీ’’ అన్నారు. హర్ష పులిపాక మాట్లాడుతూ– ‘‘ప్రతి జీవికి అవసరమైన పంచేంద్రియాలు (చూపు, వినికిడి, రుచి, స్పర్శ, వాసన) చుట్టూ అల్లుకున్న కథతో ఈ సినిమా తెరకెక్కిస్తున్నాం. యువతరం ఆలోచనలకు అద్దం పట్టేలా కథ, కథనాలు నిజాయతీగా ఉంటాయి’’ అన్నారు. ఈ చిత్రానికి సంగీతం: ప్రశాంత్‌ ఆర్‌. విహారి, కెమెరా: రాజ్‌ కె. నల్లి, ఎగ్జిక్యూటివ్‌ ప్రొడ్యూసర్‌: భువన్‌  సాలూరు, క్రియేటివ్‌ ప్రొడ్యూసర్‌: ఉషారెడ్డి వవ్వేటి, రఘురామ్‌ శ్రీపాద.

‘ఈ మాయ పేరేమిటో’, ‘సూర్యకాంతం’ చిత్రాల్లో హీరోగా నటించిన రాహుల్‌ విజయ్‌ తాజాగా మరో సినిమా అంగీకరించారు. ఎస్‌కెఎల్‌ఎస్‌ గేలాక్సీ మాల్‌ ప్రొడక్ష¯Œ ్స పతాకంపై బృందా రవీందర్‌ దర్శకత్వంలో ఇ.మోహన్‌ ఈ చిత్రాన్ని నిర్మించనున్నారు. ఆదివారం (జూన్‌ 7) రాహుల్‌ విజయ్‌ పుట్టినరోజు సందర్భంగా ఈ చిత్రంలోని అతని ఫస్ట్‌ లుక్‌ను విడుదల చేశారు. ఈ చిత్రానికి సంగీతం: మణిశర్మ, పాటలు: అనంత్‌ శ్రీరామ్, కెమెరా: ఈశ్వర్‌ ఎల్లుమహంతి, ఎడిటింగ్‌:  కోటగిరి వెంకటేశ్వరరావు, స్టంట్స్‌:  విజయ్, ఎగ్జిక్యూటివ్‌ ప్రొడ్యూసర్‌: గుడిమిట్ల శివ ప్రసాద్‌.

‘‘కన్నడలో ఘన విజయం సాధించిన ‘కాలేజ్‌ కుమార్‌’ చిత్రాన్ని తెలుగులో రీమేక్‌ చేశాం. తండ్రీ కొడుకుల మధ్య సన్నివేశాలు ఈ సినిమాలో మెయిన్‌ హైలైట్‌. ప్రస్తుతం విద్యావిధానం ఎలా ఉంది? మన చదువుకు తగ్గట్లు ఉద్యోగం చేస్తున్నామా?.. వంటి విషయాల్ని ఈ సినిమాలో చర్చించాం’’ అన్నారు రాహుల్‌ విజయ్‌. కన్నడ ‘కాలేజ్‌ కుమార్‌’ చిత్రదర్శకుడు హరి సంతోష్‌ ఈ చిత్రంతో తెలుగులో దర్శకుడిగా పరిచయమవుతున్నారు. రాహుల్‌ విజయ్, ప్రియ వడ్లమాని జంటగా రాజేంద్రప్రసాద్‌ ముఖ్య పాత్రలో నటించారు. లక్ష్మణ్‌ గౌడ సమర్పణలో ఎల్‌. పద్మనాభ నిర్మించిన ఈ చిత్రం నేడు విడుదలవుతోంది. ఈ సందర్భంగా రాహుల్‌ విజయ్‌ మాట్లాడుతూ– ‘‘ఫ్యామిలీ డ్రామా, ఎమోష¯Œ ్స ఉన్న ఈ సినిమా అందరికీ కనెక్ట్‌ అవుతుంది. నేను ప్రతి సినిమా నుండి కొంత నేర్చుకుంటూ వస్తున్నాను. ఒక నటుడిగా నా వంతు పూర్తి కృషి చేస్తాను.. ఫలితం అనేది మన చేతిలో ఉండదు. కన్నడ ప్రేక్షకులు ఆదరించిన ట్టు తెలుగు ప్రేక్షకులు కూడా ఈ సినిమాను బాగా ఆదరిస్తారనే నమ్మకం ఉంది. ఇందులో  రాజేంద్రప్రసాద్, మధుబాల, నాజర్‌గార్లతో పని చేయడం సంతోషంగా అనిపించింది.. వారి దగ్గర చాలా విషయాలు నేర్చుకున్నాను. ప్రసుతం ‘బ్లాక్‌ అండ్‌ వైట్‌‘ అనే థ్రిల్లర్‌ సినిమా చేస్తున్నాను. మరో రెండు ప్రాజెక్ట్స్‌ చర్చల దశలో ఉన్నాయి’’ అన్నారు.

‘‘కాలేజ్‌ కుమార్‌’ ట్రైలర్‌ చాలా బాగుంది. ఈ కథలో అన్ని భావోద్వేగాలు ఉన్నాయనిపిస్తోంది. దర్శకుడు హరికి ఈ సినిమా తెలుగులో మంచి బ్రేక్‌ అవ్వాలి’’ అన్నారు గోపీచంద్‌. రాహుల్‌ విజయ్, ప్రియ వడ్లమాని జంటగా రాజేంద్ర ప్రసాద్, మధుబాల ముఖ్య పాత్రల్లో నటించిన చిత్రం ‘కాలేజ్‌ కుమార్‌’. ఈ సినిమాతో కన్నడ డైరెక్టర్‌ హరి సంతోష్‌ తెలుగుకి పరిచయమవుతున్నారు. లక్ష్మణ్‌ గౌడ సమర్పణలో ఎల్‌. పద్మనాభ నిర్మించిన ఈ సినిమా ఈ 6న విడుదలవుతోంది. ప్రీ రిలీజ్‌ వేడుకలో గోపీచంద్‌ మాట్లాడుతూ– ‘‘రాజేంద్రప్రసాద్‌గారు సెట్స్‌లో ఉంటే యాక్టింగ్‌ డిక్షనరీ ఉన్నట్లే. మాలాంటి హీరోలకు యాక్షన్‌ ఇమేజ్‌ వచ్చిందంటే కారణం ఫైట్‌ మాస్టర్స్‌ విజయ్, రామ్‌–లక్ష్మణ్‌లే. విజయ్‌ మాస్టర్‌ కొడుకు రాహుల్‌ పెద్ద హీరో కావాలి’’ అన్నారు. రాజేంద్ర ప్రసాద్‌ మాట్లాడుతూ– ‘‘ఏ నటుడైనా నటిస్తున్నంత కాలం సంతోషంగా ఉంటాడు. ఇన్నేళ్లు వినోదం అందించడం నా పూర్వజన్మ సుకృతం’’ అన్నారు. ‘‘మంచి సినిమాలో భాగమైనందుకు సంతోషిస్తున్నా’’ అన్నారు మధుబాల. ‘‘కాలేజ్‌ కుమార్‌’ వంటి మంచి సినిమాని తెలుగు, తమిళ్‌లో చేసే చాన్స్‌ ఇచ్చిన నిర్మాతకు థ్యాంక్స్‌’’ అన్నారు హరి సంతోష్‌. ‘‘చదవడం గొప్పా? చదివించడం గొప్పా? అనే విషయంలో తండ్రీకొడుకు మధ్య వచ్చే సన్నివేశాలను దర్శకుడు బాగా తెరకెక్కించారు’’ అన్నారు రాహుల్‌. ప్రియ వడ్లమాని, ఫైట్‌ మాస్టర్స్‌ రామ్‌– లక్ష్మణ్, దర్శకుడు మలినేని గోపీచంద్‌ తదితరులు మాట్లాడారు.

శ్రీను వైట్ల దగ్గర దర్శకత్వ శాఖలో పని చేసిన బీవీ సూర్య దర్శకత్వ బాధ్యతలు చేపట్టనున్నారు. ప్రముఖ సీనియర్‌ స్టంట్‌ కొరియోగ్రాఫర్‌ విజయ్‌ మాస్టర్‌ తనయుడు రాహుల్‌ విజయ్‌ ఈ చిత్రంలో కథానాయకునిగా నటించనున్నారు. ప్రముఖ వ్యాపారవేత్త, ప్యాషనేట్‌ ఫిలిం మేకర్‌ చింతా గోపాలకృష్ణారెడ్డి  శ్రీచక్రాస్‌ ఎంటర్‌టైన్‌మెంట్స్‌ పతాకంపై నిర్మించనున్న ఈ చిత్రం గణతంత్ర దినోత్సవం రోజున (జనవరి 26న) ప్రారంభోత్సవం జరుపుకోనుంది. ‘‘రొమాంటిక్‌ ఎంటర్‌టైనర్‌గా రూపొం దనున్న చిత్రమిది. జనవరి 27న రెగ్యులర్‌ షూటింగ్‌ మొదలు’’ అని చిత్రవర్గాలు పేర్కొన్నాయి. ఈ చిత్రానికి సంగీతం: సాయికార్తీక్, కెమెరా: ఈశ్వర్‌ యెల్లు మహంతి, కథ– స్క్రీన్‌ ప్లే– డైలాగ్స్‌– దర్శకత్వం: బీవీ సూర్య.

‘కాలేజ్‌ కుమార్‌’ చిత్రంలో కాలేజ్‌కి వెళ్లేది నేనే. ఇప్పటి వరకూ నా మనసుకు నచ్చిన కథల్లో ఈ కథ కూడా ఒకటి. కథా బలం ఉండి దాన్ని ఎంటర్‌టైన్‌మెంట్‌గా చెప్పగలిగితే ప్రేక్షకులకు బాగా చేరవవుతుంది. ఈ కథకు ఆ లక్షణాలు చాలా ఉన్నాయి.. ఆద్యంతం నవ్వుతూనే ఉంటారు’’ అని నటుడు రాజేంద్రప్రసాద్‌ అన్నారు. రాహుల్‌ విజయ్, ప్రియ వడ్లమాని జంటగా రాజేంద్రప్రసాద్‌ ముఖ్య పాత్రలో నటించిన చిత్రం ‘కాలేజ్‌ కుమార్‌’. కన్నడలో ఘన విజయం సాధించిన ‘కాలేజ్‌ కుమార్‌’ చిత్రాన్ని అదే పేరుతో తెలుగులో తెరకెక్కించారు డైరెక్టర్‌ హారి సంతోష్. లక్ష్మణ్‌ గౌడ సమర్పణలో ఎమ్‌ఆర్‌  పిక్చర్స్‌ పతాకంపై ఎల్‌. పద్మనాభ నిర్మించిన ఈ సినిమా టీజర్‌ని రేఖ విడుదల చేశారు. రాహుల్‌ విజయ్‌ మాట్లాడుతూ– ‘‘ప్రతి కొడుక్కి వాళ్ల నాన్నే హీరో. శివకుమార్‌ అనే కొడుక్కి నేల మీద నిలబడి సమాజాన్ని ఎలా చూడాలో శశికుమార్‌ అనే తండ్రి నేర్పిస్తాడు.. ఆ క్రమంలో వారద్దరి మధ్య జరిగే కథే ‘కాలేజ్‌ కుమార్‌’’ అన్నారు. ‘‘మా అబ్బాయి రాహుల్‌తో పాటు ఇందులో పనిచేసిన అందరికీ మంచి పేరు రావాలి’’ అన్నారు స్టంట్‌ మాస్టర్‌ విజయ్‌.‘‘ఈ సినిమాని తెలుగులో నిరి్మంచడం చాలా సంతోషంగా ఉంది’’ అన్నారు ఎల్‌. పద్మనాభ. ఎగ్జిక్యూటివ్‌ ప్రొడ్యూసర్‌ శ్రీధర్‌ నార్ల, ప్రియ వడ్లమాని, నిర్మాత బెక్కం వేణుగోపాల్‌ మాట్లాడారు.  

టైటిల్ : సూర్యకాంతం జానర్ : రొమాంటిక్‌ ఎంటర్‌టైనర్‌ తారాగణం : నిహారిక కొణిదెల, రాహుల్‌ విజయ్‌, పర్లీన్‌, శివాజీ రాజా, సుహాసిని తదితరులు సంగీతం :మార్క్‌ కె.రాబిన్‌ దర్శకత్వం : ప్రణీత్‌ బ్రహ్మాండపల్లి నిర్మాత : రాజ్‌ నిహార్ మెగా డాటర్‌గా బుల్లితెరపై సందడి చేసిన నిహారిక కొణిదెల.. వెండితెరపై ఆ స్థాయిలో ఆకట్టుకోలేకపోతున్నారు. ఒక మనసు చిత్రంతో తెరకు పరిచయమై.. గతేడాది హ్యాపీ వెడ్డింగ్‌ మూవీతో ప్రేక్షకులను పలకరించారు. అయినా నిహారికకు అనుకున్న విజయం మాత్రం లభించలేదు. తనకు మంచి పేరు తీసుకువచ్చిన ముద్దపప్పు ఆవకాయ్‌ వెబ్‌ సిరీస్‌ను తెరకెక్కించిన దర్శకుడితో కలిసి ఈసారి ఎలాగైనా సక్సెస్‌ కొట్టేందుకు ‘సూర్యకాంతం’గా ఈ శుక్రవారం ప్రేక్షకుల ముందుకు వచ్చారు నిహారిక. మరి ఈ మూవీతో అయినా.. ఇంతకాలం సక్సెస్‌ కోసం ఎదురుచూస్తున్న నిహారికకు మంచి ఫలితాన్ని ఇచ్చిందా? లేదా అనేది ఓ సారి చూద్దాం. కథ ఓ విచిత్ర స్వభావం గల అమ్మాయి సూర్యకాంతం(నిహారిక). ప్రేమా పెళ్లిపై అంతగా నమ్మకం లేని కాంతాన్ని అభి ఇష్టపడతాడు. అభిని కూడా కాంతం ఇష్టపడుతుంది. అయితే కాంతం ఎప్పుడు ఎక్కడ ఉంటుందో.. ఎక్కడికి వెళ్తుందో ఎవరికి తెలియదు. అలా ఓసారి బయటకి వెళ్లిన కాంతం ఓ ఏడాది పాటు కనపడకుండా వెళ్తుంది. అయితే కాంతం ఎక్కడికి వెళ్లిందో తెలియని అభి పిచ్చివాడిలా.. తన కోసం ఎదురుచూస్తుంటారు. అభికి ఇంట్లో వాళ్ళు పెళ్లి చేయాలని ఫిక్స్ అవుతారు. అభికి పూజా(పర్లిన్‌)తో పెళ్లి ఫిక్స్ అయ్యే సమయానికి కాంతం తిరిగి వస్తుంది. అప్పుడు కాంతం ఏం చేసింది? ఆ పరిస్థితిలో అభి ఎలాంటి నిర్ణయం తీసుకున్నాడు. కాంతం.. పూజాలో అభి ఎవరినీ పెళ్లి చేసుకున్నాడన్నదే మిగతా  కథ. నటీనటులు సూర్యకాంతం పాత్ర లో నిహారిక బాగానే నటించింది. ఎప్పుడు ఎలా ప్రవర్తిస్తుందో.. ఎలా ఉంటుందో తెలియని అమ్మాయి పాత్రలో నిహారిక ప్రేక్షకుల్ని ఆకట్టుకుంది. ఒక మనసు, హ్యాపీ వెడ్డింగ్‌ సినిమాల్లో హోమ్లీగా కనిపించిన నిహారిక.. ఈ సినిమాలో హీరోను అల్లరి పెట్టే పాత్రలో బాగానే ఆకట్టుకుంది. ఇక అభి పాత్రలో రాహుల్ పర్వలేదనిపించాడు. సెకండ్‌ హీరోయిన్ అయిన పూజ లుక్స్తో పాటు యాక్టింగ్తోనూ ఆకట్టుకున్నారు. మిగతా పాత్రల్లో సుహాసిని.. శివాజీ రాజా.. సత్య తమ పరిధి మేరకు పర్వలేదనిపించారు. విశ్లేషణ సినిమా ప్రారంభం నుంచి అలా స్లోగా వెళ్తూ.. నిహారిక ఎంటర్ అయ్యే వరకు తెరపై సందడే కనిపించదు. అయితే ఇంత సందడిగా ఉండే కాంతం పాత్రను సెకండ్ హాఫ్లో బోర్ కొట్టించేలా మలిచాడు దర్శకుడు. కాంతం కారెక్టర్ డిజైన్‌లో వచ్చిన లోపమే ఏమో తెలియదు కాని.. ఏదో తెలియని చిరాకు అసహనం పెరిగి పోతూ ఉంటుంది ద్వితీయార్థంలో. ప్రేక్షకుడిని కూడా తికమక పెట్టి.. ఏం జరుగుతుందో అర్థం కాకుండా.. స్లో నెరేషన్‌తో దర్శకుడు తెగ ఇబ్బందిపెట్టేసాడు. సినిమాకి అసలు కథ ఏంటో కూడా అర్థం కాకుండా అలా గడుస్తూ ఉంటుంది. ఫస్ట్ హాఫ్ లో కాంతం పాత్రతో ఎంటర్‌టైన్‌మెంట్‌ ఇచ్చిన డైరెక్టర్ .. సెకండ్ హాఫ్లో దాన్ని మిస్ చేయడమే కాకుండా.. ఆ పాత్ర ఏం చేస్తుందో తెలియకుండా చిరాకు వచ్చేలా చేసాడు. ఇక కథ కథనాలు గురించి వదిలిస్తే.. మార్క్ అందించిన సంగీతం పర్వలేదనిపిస్తుంది. హీరో హీరోయిన్స్ ను అందంగా ప్రెసెంట్ చేసాడు సినిమాటోగ్రాఫర్. నిర్మాణ విలువలు సినిమా స్థాయి కి తగ్గట్టుగా ఉన్నాయి. ప్లస్‌ పాయింట్స్‌ ప్రథమార్థం నిహారిక నటన మైనస్‌ పాయింట్స్‌   ద్వితీయార్థం స్లోనెరేషన్‌ బండ కళ్యాణ్‌, ఇంటర్‌నెట్‌ డెస్క్‌

‘‘ఒక సినిమా హిట్‌ కానంత మాత్రాన డిప్రెషన్‌లోకి వెళ్లిపోవాలా? హిట్‌ అయితే విజయం తలకెక్కాలా? అలా ఏం లేదు. నా గత రెండు చిత్రాలు (ఒక మనసు, హ్యాపీ వెడ్డింగ్‌) ఎగ్జిక్యూషన్‌లో ఫెయిల్‌ అయ్యాయని అనుకుంటున్నాను. యాక్టింగ్‌ కావొచ్చు. ప్రొడక్షన్‌ కావొచ్చు. సోషల్‌ వర్క్‌ కావొచ్చు. నేను ఏ పని చేసినా వంద శాతం కష్టపడతాను. సగం సగం చేయడం, ఎమోషన్స్‌ దాచుకోవడం నాకు ఇష్టం ఉండదు’’ అని నిహారిక కొణిదెల అన్నారు. ప్రణీత్‌ బ్రహ్మాండపల్లి దర్శకత్వంలో రాహుల్‌ విజయ్, నిహారిక, పెర్లెన్‌ భేసానియా ముఖ్య తారలుగా నటించిన చిత్రం ‘సూర్యకాంతం’. వరుణ్‌ తేజ్‌ సమర్పణలో సందీప్‌ ఎర్రం రెడ్డి, సుజన్‌ ఎరబోలు, రామ్‌ నరేష్‌ నిర్మించిన ఈ చిత్రం నేడు విడుదల కానుంది. ఈ సందర్భంగా నిహారిక పంచుకున్న విశేషాలు... ► సూర్యకాంతంగారంటే సినిమాల్లో ఎక్కువగా ఆమె చేసిన గయ్యాళి పాత్రలే గుర్తుకు వస్తాయి. కానీ అవే సినిమాల్లో ఆమెకు నచ్చిన పాత్రలకు భలే సపోర్ట్‌గా మాట్లాడతారు. ఆ సూర్యకాంతాన్ని మనం మర్చిపోతున్నాం. ఈ సినిమాలో మాత్రం నా క్యారెక్టర్‌ సూర్యకాంతమే పెద్ద సమస్య. ఈ క్యారెక్టర్‌ చేసిన తర్వాత మనం నెగటివ్‌ షేడ్స్‌ ఉన్న పాత్రలు కూడా చేయవచ్చేమో అనిపించింది. సీనియర్‌ నటి సుహాసినిగారితో నటించడం మంచి అనుభూతిని ఇచ్చింది. ఆమె ఇన్‌పుట్స్‌ భవిష్యత్‌లో నాకు ఉపయోగపడతాయి. ► టైటిల్‌ ఐడియా డైరెక్టర్‌ ప్రణీత్‌దే.‘నాన్నకూచి’ వెబ్‌ సిరీస్‌ను ప్రణీత్‌ చేసినప్పుడు ఓ సీన్‌లో భాగంగా నా కూతురు సూర్యకాంతం అన్నారు మా నాన్నగారు. అవును... ఆయన నన్ను చూసి భయపడతారు (నవ్వుతూ). అందుకే అలా అన్నారేమో. ప్రణీత్‌ ఆ విషయాన్నే గుర్తు పెట్టుకుని ఈ సినిమాకు ఆ టైటిల్‌ పెట్టాడనిపిస్తోంది. విజయ్‌ మంచి కోస్టార్‌. ఈ సినిమా తర్వాత యాక్టర్‌గా అతనికి మంచిపేరు వస్తుంది. ఈ సినిమా స్క్రిప్ట్‌ గురించి అన్నయ్య వరుణ్‌కి చెబితే, బాగుందని సమర్పకుడిగా ఉంటానని అన్నారు. మాతో పాటు కొన్ని సినిమాలు విడుదలవుతున్నప్పటికీ మాది డిఫరెంట్‌ జానర్‌. మంచి ఎంటర్‌టైనింగ్‌ మూవీ. ఎలక్షన్‌ బిజీలో ఉన్నవారు మా సినిమాకు వస్తే రెండు గంటలు హాయిగా నవ్వుకోవచ్చు. ► నా రెండు సినిమాలు ఆడనంత మాత్రాన పెద్దగా బాధపడాల్సింది ఏమీ లేదు. నిహారిక సరిగా యాక్ట్‌ చేయడం లేదనే మాటలు నా వరకు అయితే రాలేదు. బాగా నటించడానికి ప్రయత్నించిందనే మాటలు వినిపించాయి. పెదనాన్న చిరంజీవిగారి కెరీర్‌లో కూడా కొన్ని సినిమాలు ఆడలేదు. యాక్టింగ్‌ లోపం మాత్రం కాదు. సినిమాలు ఆడకపోవడానికి డైరెక్షన్, ప్రొడక్షన్, ఎగ్జిక్యూషన్, సరైన రిలీజ్‌ డేట్‌ దొరక్కపోవడం.. ఇలా చాలా  సమస్యలు ఉంటాయి. పెదనాన్న చిరంజీవిగారిని మైండ్‌లో పెట్టకుని ముందుకు వెళ్తున్నాను. ‘సైరా’ చిత్రంలో నా వంతు షూటింగ్‌ పూర్తయింది. చిరంజీవిగారితో స్క్రీన్‌ షేర్‌ చేసుకున్నాను. కానీ డైలాగ్స్‌ లేవు. ► నాకు ప్రొడక్షన్‌ అంటే చాలా ఇష్టం. మా నాన్నగారు, అరవింద్‌గారిని చూస్తూ పెరిగాను. డిజిటల్‌ ప్లాట్‌ఫామ్‌లో వెబ్‌ సిరీస్‌లు ప్రొడ్యూస్‌ చేస్తాను. ప్లాన్స్‌ జరుగుతున్నాయి. నా దగ్గర ఉన్న కంటెంట్‌ సినిమాకు పనికొస్తుందని అనిపిస్తే చేస్తాను. కానీ సినిమా నా అల్టిమేట్‌ గోల్‌ కాదు. ► చివరిసారిగా కోడిరామకృష్ణగారితో మాట్లాడినప్పుడు ‘కర్తవ్యం’ లాంటి సినిమా నేను చేయాలనే చర్చ జరిగింది. పరుచూరి బ్రదర్స్‌ కూడా ఉన్నారు. ఆయన చనిపోయినప్పుడు ఇదేవిషయం నాకు గుర్తుకు వచ్చింది. నా కోసం పాత్రలు రాయించుకునేటంత పరిచయాలు అయితే ఇండస్ట్రీలో నాకు లేవు. ఆ పాత్రలు నేను చేయగలని నమ్మినప్పుడు దర్శక–నిర్మాతలు వారే వస్తారు. ఒక యాక్టర్‌తో చేయాలి. మరో యాక్టర్‌తో చేయకూడదు అనే నియమాలు పెట్టుకోలేదు. నా సినిమాల్లో ఎక్కువగా కొత్తవారితోనే నటించాను. ఏదైనా సినిమాకు సైన్‌ చేసేప్పుడు ముందు స్క్రిప్ట్‌ ఆ తర్వాత నా పాత్ర గురించి తెలుసుకుంటాను. ప్రీ–రిలీజ్‌ ఫంక్షన్‌లో తొలిసారి విజయ్‌ దేవరకొండను చూశాను. మా ఇద్దరి (విజయ్‌దేవరకొండ, నిహారిక లవ్‌లో ఉన్నారనే వార్త) గురించి వచ్చిన రూమర్‌కు ప్రీ–రిలీజ్‌ ఫంక్షన్‌లో క్లారిటీ ఇచ్చాం. నా యాక్టింగ్‌ కెరీర్‌ పట్ల నేను సీరియస్‌గానే ఉన్నాను. ఏదో వస్తున్నాయి కదా అని సినిమాలు చేయాలనుకోవడం లేదు. మా ఫ్యామిలీకి ఫుడ్‌ పెట్టేది ఇండస్ట్రీ. నిజంగా నాకు సినిమాల పట్ల ఆసక్తి లేకపోతే ఇండస్ట్రీకి వచ్చేదాన్ని కాదు. ‘ఇంద్ర’ సినిమాకు థియేటర్స్‌లో నేను పిచ్చి పిచ్చిగా అరచిన రోజులు గుర్తు ఉన్నాయి. పెదనాన్న చిరంజీవిగారు పడ్డ కష్టాలను దగ్గరగా చూశాను. అలాంటి నేను ఇండస్ట్రీని లైట్‌గా తీసుకోను. ఒకవేళ తీసుకున్నానని నాకు అనిపించిన రోజు ఇండస్ట్రీ నుంచి వెళ్లిపోతాను.  

‘‘నా తొలి సినిమా ‘ఈ మాయ పేరేమిటో’ రిలీజ్‌  కాకముందే సైన్‌ చేసిన చిత్రం ‘సూర్యకాంతం’. వరుణ్‌ అన్న చెబితే కథ విన్నా, నచ్చింది చేశా. నా తొలి సినిమా ఎంత ఆడిందనే విషయాన్ని పక్కనపెడితే నటుడిగా నాకు మంచి గుర్తింపు తెచ్చిపెట్టింది. ‘కుర్రాడు బాగా చేశాడు’ అని అందరూ అన్నారు. సినిమా ఫలితం ఎలా ఉన్నా, నా పాత్రకు నేను న్యాయం చేసినప్పుడు బాధపడను’’ అని రాహుల్‌ విజయ్‌ అన్నారు. నిహారిక కొణిదెల, పెర్లెన్‌ భేసానియా, రాహుల్‌ విజయ్‌ ముఖ్య తారలుగా ప్రణీత్‌ బ్రహ్మాండపల్లి దర్శకత్వంలో తెరకెక్కిన చిత్రం ‘సూర్యకాంతం’. వరుణ్‌ తేజ్‌ సమర్పణలో సందీప్‌ ఎర్రంరెడ్డి, సుజన్‌ ఎరబోలు, రామ్‌ నరేష్‌ నిర్మించిన ఈ సినిమా రేపు విడుదలవుతోంది. ఈ సందర్భంగా రాహుల్‌ విజయ్‌ చెప్పిన విశేషాలు. ► ‘సూర్యకాంతం’ తొలి సగం ఫన్‌గా ఉంటుంది. సెకండాఫ్‌లో ఎక్కువ ఎమోషన్స్‌ ఉంటాయి. స్క్రీన్‌ప్లే, స్క్రిప్ట్‌ చాలా బాగుంటాయి. ఇందులో నేను అభి అనే పాత్ర చేశాను. కాస్త కన్‌ఫ్యూజింగ్‌గా ఉండే పాత్ర. పూజ , కాంతం పాత్రల మధ్య నలిగిపోయే ఇన్నోసెంట్‌ పాత్ర. నా నిజ జీవితానికి, ఈ పాత్రకీ సంబంధం ఉండదు. అందుకే ఈ పాత్ర కోసం చాలా నేర్చుకున్నా. ప్రతి పాత్రకూ ప్రత్యేకత ఉంటుంది. ► నటనకు ప్రాధాన్యం ఉన్న పాత్ర చేయడం నాకు ఇష్టమే. ఇప్పటికిప్పుడు యాక్షన్‌ హీరో అయిపోవాలనేం లేదు. 30 ఏళ్లలోపు వీలైనన్ని ప్రయోగాలు చేయాలని ఉంది. నటుడిగా నా వంతు కృషి చేయాలి. అందుకే ఈ సినిమా చేశా. నిహారిక చాలా స్ట్రాంగ్‌ అండ్‌ ఇండిపెండెంట్‌ ఉమన్‌. ఎవరితో ఎలా ఉండాలో తనకి తెలుసు. అలా లేకుంటే అడ్వాంటేజ్‌ తీసుకునేవారు చాలా మంది ఉంటారు. అలాంటి అంశాలకు తను ఎక్కడా స్కోప్‌ ఇవ్వదు. ఈ సినిమా తర్వాత ప్రణీత్‌ చాలా ఎత్తుకు ఎదుగుతాడు. ► తెలుగు, తమిళ్‌లో ఓ ద్విభాషా చిత్రం చేస్తున్నా. కన్నడ ‘కాలేజ్‌ కుమారా’ సినిమాకు ఇది రీమేక్‌. ఈ చిత్రంలో మా నాన్న పాత్రలో తెలుగులో శ్రీకాంత్‌గారు, తమిళ్‌లో ప్రభుగారు చేస్తున్నారు. ఏప్రిల్‌ మూడోవారం నుంచి షూటింగ్‌ ఉంటుంది. దీని తర్వాత మణి అనే కొత్తబ్బాయి డైరెక్షన్‌లో కిక్‌ బాక్సింగ్‌ కాన్సెప్ట్‌తో ఓ సినిమా చేస్తా. నేను కూడా నాలుగేళ్లు కిక్‌ బాక్సింగ్‌ నేర్చుకున్నా. బ్యాంకాక్‌లో మార్షల్‌ ఆర్ట్స్‌లో ప్రావీణ్యం సంపాదించా. నాన్నగారు (విజయ్‌) స్టంట్‌ మాస్టరే అయినప్పటికీ ఆయన దగ్గర ఎప్పుడూ నేర్చుకోలేదు. నాన్నగారు కథ విని, అవసరమైతే సలహాలు ఇస్తారు. ఫైనల్‌గా నిర్ణయం మాత్రం నాదే.

‘‘నాది బాంబే. లా స్టూడెంట్‌ని. నటనపై ఇష్టంతో సినిమా రంగంలోకి వచ్చాను. కొన్ని యాడ్స్‌తో పాటు, ఫ్రెండ్స్‌ కోసం షార్ట్‌ ఫిల్మ్స్‌లో నటించా. అంతకుమించి నటనలో అనుభవం లేదు. నా తొలి సినిమా ‘సూర్యకాంతం’’ అని పెర్లెన్‌ భేసానియా అన్నారు. రాహుల్‌ విజయ్‌ హీరోగా, నిహారిక కొణిదెల, పెర్లెన్‌ భేసానియా హీరోయిన్లుగా ప్రణీత్‌ బ్రహ్మాండపల్లి దర్శకత్వంలో తెరకెక్కిన చిత్రం ‘సూర్యకాంతం’. వరుణ్‌ తేజ్‌ సమర్పణలో నిర్వాణ సినిమాస్‌ బ్యానర్‌పై సందీప్‌ ఎర్రంరెడ్డి, సుజన్‌ ఎరబోలు, రామ్‌ నరేష్‌ నిర్మించిన ఈ సినిమా ఈ నెల 29న విడుదలవుతోంది. ఈ సందర్భంగా పెర్లెన్‌ భేసానియా మాట్లాడుతూ– ‘‘బాంబేలో నేను మోడలింగ్‌ చేస్తుండగా మేనేజర్‌ద్వారా ‘సూర్యకాంతం’ టీమ్‌ను కలిశాను. ప్రణీత్‌గారు చెప్పిన స్టోరీ నాకు చాలా బాగా నచ్చింది. ఆ తర్వాత ఆడిషన్స్‌ చేశారు. వాళ్లు అనుకున్న పూజ పాత్రకి నేను సరిపోతానని ఎంపిక చేసుకున్నారు. ఈ చిత్రంలో పూజ అనే సెన్సిటివ్‌ గర్ల్‌ పాత్రలో కనిపిస్తా. తను ప్రతి చిన్న విషయానికి తల్లిదండ్రులపై ఆధారపడుతుంటుంది. నా నిజ జీవితానికీ, పూజ పాత్రకి చాలా వ్యత్యాసం ఉంది. రియల్‌ లైఫ్‌లో ఎవరి మీదా ఆధారపడకూడదనే మనస్తత్వం నాది. ఈ సినిమాలో నిహారిక, నా పాత్రలు పూర్తి వ్యతిరేకంగా ఉంటాయి. ఇద్దరు హీరోయిన్లు ఉన్నారని ట్రయాంగిల్‌ లవ్‌ స్టోరీ అనుకోవద్దు. కథలో భాగంగా మా పాత్రల మధ్య వచ్చే డ్రామాకి సంబంధించిన కథే. ఒక పర్సన్‌గా, ఓ యాక్టర్‌గా నిహారిక చాలా జెన్యూన్‌. తనతో స్క్రీన్‌ షేర్‌ చేసుకోవడం హ్యాపీ. రాహుల్‌ కూడా బాగా ఎంకరేజ్‌ చేశాడు. ప్రస్తుతం మరికొన్ని íసినిమాలకు అవకాశాలు వస్తున్నాయి. ‘సూర్యకాంతం’ విడుదల తర్వాతే ఓ క్లారిటీ వస్తుంది. నటిగా నాకిది మొదటి సినిమా. షూటింగ్‌ ఎక్స్‌పీరియన్స్‌ అద్భుతం. తెలుగు రాకపోయినా టీమ్‌ సహకారంతో మేనేజ్‌ చేయగలిగాను. యాడ్స్, షార్ట్‌ ఫిల్మ్స్‌ చిత్రీకరణకన్నా సినిమా షూటింగ్‌ చాలా భిన్నంగా ఉంటుంది. అయితే ఏదైనా బాగా ఎఫర్ట్‌ పెట్టాలి’’ అన్నారు.

గతేడాది హ్యాపీ వెడ్డింగ్‌ సినిమాతో పలకరించి మెగా డాటర్‌ నిహారిక కొణిదెలకు ఆ చిత్రం ఆశించిన ఫలితాన్ని ఇవ్వలేదు. అయితే మరోసారి సక్సెస్‌ కోసం ప్రయత్నిస్తూ.. రాహుల్‌ విజయ్‌తో కలిసి ‘సూర్యకాంతం’గా ప్రేక్షకుల ముందుకు రాబోతోంది. విజయ్‌ దేవరకొండ లాంటి క్రేజీ స్టార్‌ను ప్రీ రిలీజ్‌ ఈవెంట్‌ ఆహ్వానించి మంచి బజ్‌ను సొంతం చేసుకుంది ‘సూర్యకాంతం’. కాసేపటి క్రితమే ఈ చిత్ర ట్రైలర్‌ విడుదలైంది. దగ్గుబాటి రానా చేతుల మీదుగా ఈ ట్రైలర్‌ను రిలీజ్‌ చేయించింది చిత్రబృందం. ఇద్దరి మధ్యలో నలిగే యువకుడిగా రాహుల్‌ విజయ్‌.. భిన్నమైన స్వభావం ఉండే ఓ క్యారెక్టర్‌లో నిహారిక నటిస్తున్నారు. ‘నాకు ఇన్‌డైరెక్ట్‌గా ప్రపోజ్‌ చేశావ్‌.. యెదవా!’, లాంటి డైలాగ్‌లతో ఉన్న ఈ ట్రైలర్‌లో నిహారిక ఆకట్టుకున్నారు. మార్క్‌ కె రూబిన్‌ సంగీతమందిస్తున్న ఈ చిత్రానికి ‘ముద్దపప్పు ఆవకాయ్‌’ వెబ్‌సిరీస్‌ ఫేమ్‌ ప్రణీత్‌ బ్రహ్మాండపల్లి  దర్శకత్వం వహిస్తున్నారు. ఈ మూవీ మార్చి 29న ప్రేక్షకుల ముందుకు రాబోతోంది.

‘‘సూర్యకాంతం’ సినిమా టీజర్‌ చూడగానే థ్రిల్‌ ఫీలయ్యా. సినిమా ఓపెనింగ్‌ టైమ్‌లో నిహారిక పాత్ర బావుందని వరుణ్‌ తేజ్‌తో చెప్పా. లేడీ అర్జున్‌రెడ్డిలాగా బాగా చేసింది. ఈ నెల 29న ఏపీ, తెలంగాణ రాష్ట్రాల్లో మా సంస్థ ద్వారా ఈ సినిమా విడుదల చేస్తున్నాం. ఈ ఏడాది మా బ్యానర్‌లో ఇది మూడో హిట్‌ కావాలని ఆకాంక్షిస్తున్నా’’ అని నిర్మాత ‘దిల్‌’ రాజు అన్నారు. నిహారిక కొణిదెల, రాహుల్‌ విజయ్‌ జంటగా ప్రణీత్‌ బ్రహ్మాండపల్లి దర్శకత్వంలో తెరకెక్కిన చిత్రం ‘సూర్యకాంతం’. వరుణ్‌ తేజ్‌ సమర్పణలో నిర్వాణ సినిమాస్‌ బ్యానర్‌పై సందీప్‌ ఎర్రంరెడ్డి, సుజన్‌ ఎరబోలు, రామ్‌ నరేష్‌ నిర్మించిన ఈ సినిమా ఈనెల 29న రిలీజ్‌ అవుతోంది. హైదరాబాద్‌లో నిర్వహించిన ప్రీ రిలీజ్‌ ఫంక్షన్‌లో ‘దిల్‌’ రాజు మాట్లాడుతూ– ‘‘ఇద్దరు అమ్మాయిల మధ్యలో స్ట్రగుల్‌ అయ్యే పాత్రలో రాహుల్‌ విజయ్‌ నటన నన్ను ఆకట్టుకుంది. రాహుల్‌లో ఆ టాలెంట్‌ ఉంది కాబట్టి నేను ఎంకరేజ్‌ చేస్తున్నా. నా లైఫ్‌లోనే కాదు, ఎవరి లైఫ్‌లోనూ సూర్యకాంతం ఉండకూడదు’’ అన్నారు. హీరో విజయ్‌ దేవరకొండ మాట్లాడుతూ– ‘‘నాగబాబుగారి కొడుకుగా ఓ సినిమాలో నటించా. అందుకే నిహారికకు అన్నగా ఇక్కడికి వచ్చాను. ‘సూర్యకాంతం’ టీజర్‌ చాలా బావుంది. నా ‘అర్జున్‌ రెడ్డి’ సినిమాని సృజన్, సందీప్‌ అమెరికాలో విడుదల చేశారు. వాళ్లకు ఈ సినిమా పెద్ద హిట్‌ కావాలి’’ అన్నారు. ‘‘సూర్యకాంతం’ సినిమా ఈ రోజు ఇక్కడి వరకు వచ్చిందంటే కారణం మా అన్న వరుణ్‌తేజ్‌. టీమ్‌ అంతా ఓ ఫ్యామిలీలా కష్టపడి ఈ సినిమా చేశాం. నా పాత్రకు 100 శాతం న్యాయం చేశానని అనుకుంటున్నా’’ అన్నారు నిహారిక కొణిదెల. ‘‘ప్రణీత్‌ను పిలిపించి అభి క్యారెక్టర్‌కి నేను సూట్‌ అవుతానని వరుణ్‌ తేజ్‌ అన్న సూచించారు. నిహారికగారు సూర్యకాంతం టైటిల్‌కి కరెక్టుగా సరిపోయారు’’ అని రాహుల్‌ విజయ్‌ అన్నారు. ‘‘దిల్‌’ రాజుగారు మా సినిమా చూసి, రిలీజ్‌ చేస్తుండటం మాకు చాలా ఆనందంగా అనిపించింది. నా జీవితంలో ఈ సినిమా చాలా స్పెషల్‌ సినిమా’’ అన్నారు ప్రవీణ్‌. ‘‘సినిమా చాలా బాగా వచ్చింది’’ అని నిర్మాతల్లో ఒక్కరైన సందీప్‌ ఎర్రంరెడ్డి’’ అన్నారు. కృష్ణకాంత్, విజయ్‌ మాస్టర్, దివ్య, కాలభైరవ, పెర్లిన్, మార్క్‌ తదితరులు పాల్గొన్నారు.

మెగా హీరోయిన్‌ నిహారిక, రాహుల్‌ విజయ్‌లు నటించిన ‘సూర్యకాంతం’ చిత్రం ఈ నెల 29వ తేదీన ప్రేక్షకుల ముందుకు రానుంది. దీంతో చిత్ర బృందం ప్రమోషన్స్‌ ప్రారంభించింది. అయితే ఇప్పటికే విడుదలైన ఈ చిత్ర టీజర్‌కు మంచి స్పందన లభించింది. తాజాగా సూర్యకాంతం షూటింగ్‌ సమయంలో జరిగిన ఓ సన్నివేశాన్ని.. చిత్ర బృందం ప్రమోషన్‌లో భాగంగా వాడుకుంది. నిహారిక తన బాబాయి.. పవన్‌ కల్యాణ్‌ నటించిన ఖుషీ సినిమాలోని పాటకు డ్యాన్స్‌ చేశారు. అంతేకాకుండా సుహాసిని చేత కూడా డ్యాన్స్‌ చేయించారు. ఇందుకు సంబంధించిన వీడియోను ఈ చిత్రాన్ని నిర్మిస్తున్న నిర్వాణ సినిమాస్‌ సోషల్‌ మీడియాలో పోస్ట్‌ చేసింది. ముద్దపప్పు ఆవకాయ్‌’ వెబ్‌సిరీస్‌ ఫేమ్‌ ప్రణీత్‌ బ్రహ్మాండపల్లి దర్శకత్వం వహిస్తున్న ఈ చిత్రంలో శివాజీరాజా, సుహాసినిలు ప్రధాన పాత్రలో నటిస్తున్నారు. ఈ చిత్రానికి సమర్పణ: వరుణ్‌ తేజ్, నిర్మాతలు: సందీప్‌ ఎర్రం రెడ్డి, సృజన్‌ యారబోల్, రామ్‌ నరేశ్‌. సాహిత్యం: కృష్ణకాంత్‌. #Suryakantam dancing for @PawanKalyan garu song. Some behind the scenes fun, while shooting the movie. #SuryakantamOnMarch29#PawanKalyan @IAmVarunTej @IamPranithB @IamNiharikaK #SuhasiniManiratnam @ActorRahulVijay #PerleneBhesania @NirvanaCinemas @markkrobin @LahariMusic pic.twitter.com/bVsU74xPkF — Nirvana Cinemas (@NirvanaCinemas) March 9, 2019

‘సూర్యకాంతం’ పేరు వినగానే గయ్యాళి పాత్రలు గుర్తొస్తాయి. ప్రస్తుతం అదే టైటిల్‌తో నిహారిక కొణిదెల, రాహుల్‌ విజయ్‌ ఓ సినిమాలో నటించారు. ‘ముద్దపప్పు ఆవకాయ్‌’ వెబ్‌సిరీస్‌ ఫేమ్‌ ప్రణీత్‌ బ్రహ్మాండపల్లి దర్శకుడు. నిర్వాణ సినిమాస్‌ సంస్థ నిర్మించించి. ఈ చిత్రం టీజర్‌ను వరుణ్‌తేజ్‌ రిలీజ్‌ చేశారు. గయ్యాళి గాళ్‌ఫ్రెండ్‌గా నిహారికా కనిపించారు. ‘‘ఆల్రెడీ రిలీజ్‌ చేసిన ఫస్ట్‌ లుక్‌కు మంచి స్పందన లభించింది. టీజర్‌ ఫీల్‌ గుడ్‌ అంటున్నారు. ఈ చిత్రంలో శివాజీరాజా, సుహాసిని ముఖ్యపాత్రల్లో కనిపిస్తారు. మార్చి 29న చిత్రాన్ని రిలీజ్‌ చేయనున్నాం’’ అని చిత్రబృందం పేర్కొంది. ఈ చిత్రానికి  సమర్పణ: వరుణ్‌ తేజ్, నిర్మాతలు: సందీప్‌ ఎర్రం రెడ్డి, సృజన్‌ యారబోల్, రామ్‌ నరేశ్‌. సాహిత్యం: కృష్ణకాంత్‌.

మెగా డాటర్‌ నిహారికా కొణిదెల, ఫైట్‌ మాస్టర్‌ విజయ్ తనయుడు రాహుల్‌ విజయ్‌ జంటగా తెరకెక్కుతున్న సినిమా ‘సూర్యకాంతం’. సక్సెస్‌ఫుల్‌ వెబ్‌ సిరీస్‌ ‘ముద్దపప్పు ఆవకాయ’ డైరెక్టర్‌ ప్రణీత్‌ దర్శకత్వంలో తెరకెక్కుతున్న ఈ సినిమాను సందీప్ ఎర్రమ రెడ్డి నిర్మిస్తున్నారు. మూవీ ప్రమోషన్లలో భాగంగా మెగా హీరో,  నిహారిక సోదరుడు వరుణ్‌ తేజ్‌ సూర్యకాంతం టీజర్‌ను శుక్రవారం విడుదల చేశారు. పేరు తెలుసుకుని ఏం చేస్తాం.. నిహారిక ఎంట్రీతో మొదలైన టీజర్‌లో... ‘ నీ గురించి చెప్పు.. అయినా పేరు కన్నా ఎక్కువ తెలుసుకుని ఏం చేస్తా.... తినడానికి పుణుగుల్లేవు గానీ బెగ్గర్‌కి బర్గర్‌కి తినిపిస్తా అన్నాడట’ అంటూ నిహారిక బబ్లీగా చెప్పిన డైలాగ్స్‌ ఆకట్టుకుంటున్నాయి. ఇక చివర్లో .. ‘ పెళ్లి ఒప్పుకోకపోతే చెయ్యి కోసుకుంటా’ అంటూ సుహాసిని బెదిరించడం.. ఆ వెంటనే నిహారిక ఐదంకెలు లెక్కబెట్టి కోసుకో అని చెప్పిన డైలాగ్స్‌తో క్యూట్‌నెస్‌ ఓవర్‌లోడ్‌ అయ్యిందంటూ అభిమానులు కామెంట్లు చేస్తున్నారు. ఇంకెందుకు ఆలస్యం మీరు కూడా ఈ టీజర్‌పై ఓ లుక్కేయండి మరి.

మెగా డాటర్‌ నిహారికకు సరైన టైమ్‌ రావడం లేదు. బుల్లితెర మీద రాణించిన నిహారిక.. వెండితెరపై ఆ స్థాయిలో ఆకట్టుకోలేకపోతున్నారు. ఒక మనసు, హ్యాపి వెడ్డింగ్‌ చిత్రాలతో అభిమానులను పలకరించినా.. ఆశించినంత విజయాన్ని మాత్రం ఇవ్వలేదు. ఈ సారి ‘సూర్యకాంతం’ అంటూ ప్రేక్షకులను పలకరించేందుకు రెడీ అయ్యారు. ఫైట్‌ మాస్టర్‌ విజయ్ తనయుడు రాహుల్‌విజయ్‌ హీరోగా తెరకెక్కుతున్న సూర్యకాంతం చిత్రంలో నిహారికి విభిన్న పాత్రలో నటిస్తున్నట్లు సమాచారం. నేడు(జనవరి 25) ఈ చిత్ర టీజర్‌ను విడుదల చేయనున్నట్లు చిత్రయూనిట్‌ ప్రకటించింది. ఈ మూవీ టీజర్‌ను వరుణ్‌ తేజ్‌ ఈ రోజు సాయంత్రం 5గంటలకు విడుదల చేయనున్నారు. సందీప్ ఎర్రమ రెడ్డి నిర్మిస్తోన్న ఈ సినిమాకు ప్రణీత్‌ దర్శకత్వం వహిస్తున్నాడు. ఈ మూవీని మార్చిలో విడుదల చేసేందుకు చిత్రబృందం ప్రయత్నిస్తోంది.  A girl who turns your world upside down. A girl you can’t ignore. A girl you’ve fallen for. Always a mystery!! Teaser out tomorrow at 5 P.M. Stay tuned!#SuryakantamTeaser #CountdownToSuryakantam@IamNiharikaK @ActorRahulVijay @IamPranithB pic.twitter.com/ykjtM17xwU — Varun Tej Konidela (@IAmVarunTej) January 24, 2019

రాహుల్‌ విజయ్, కావ్యా థాపర్‌ జంటగా నటించిన చిత్రం ‘ఈ మాయ పేరేమిటో’. రాము కొప్పుల దర్శకుడు. దివ్యా విజయ్‌ నిర్మాత. శుక్రవారం విడుదలైన ఈ చిత్రంలోని ఓ పాటలో రెండు, మూడు లైన్లు జైన్‌ మతస్థులు ఆరాధించే మంత్రాన్ని కించపరిచేవిగా ఉన్నాయని పలు చోట్ల నిరసనలు జరిగాయి. ఈ నేపథ్యంలో చిత్రబృందం శనివారం పాత్రికేయుల సమావేశం నిర్వహించింది. దివ్యా విజయ్‌ మాట్లాడుతూ– ‘‘మా చిత్రానికి పాజిటివ్‌ టాక్‌ వినపడుతోంది. అయితే ముంబై నుండి ‘ఓ సాంగ్‌ వల్ల జైన్స్‌ బాధపడ్డారు’ అని ఫోన్‌ వచ్చింది. ‘కంటెంట్‌ చూపిస్తాను. ఒకవేళ అభ్యంతరకరంగా అనిపిస్తే చెప్పండి, తీసేస్తాం’ అన్నాను. ఫోన్‌ చేసిన వ్యక్తి అర్థం చేసుకున్నారు. మరో గంట తర్వాత ఇండియాలోని పలు ప్రాంతాల నుండి ఫోన్‌ కాల్స్‌ వచ్చాయి. ఎవరినీ కించపరచాలనేది మా ఉద్దేశం కాదు. సాంగ్‌ అర్థం తెలియక సినిమాలో పెట్టాం అని చెప్పం కానీ, అది ఎవరినీ బాధించదు అనే ఆలోచనతోనే పెట్టాం. ఆ సాంగ్‌ రెండు నెలలుగా యూట్యూబ్‌లో పెట్టాం. ఇలాంటి అభ్యంతరాలుంటే అప్పుడే సాల్వ్‌ చేసుకుని ఉండేవాళ్లం. నేను ఆ సాంగ్‌లోని పదాన్ని తీసేస్తానని చెప్పిన తర్వాత కూడా నెల్లూరు, కాకినాడ, గుంటూరు, రాజమండ్రి ఏరియాల్లో షోలను ఆపేశారు. దాంతో సమస్యను పరిష్కరిస్తామని మీడియాకు బైట్స్‌ ఇచ్చాం. సాంగ్‌లోని లైన్స్‌ను క్యూబ్‌లో మ్యూట్‌ చేశాం. ఈ రోజు నుండి అన్నిచోట్ల అప్‌డేట్‌ అవుతుంది’’ అన్నారు. రాము కొప్పుల మాట్లాడుతూ– ‘‘హీరోయిన్‌ది జైన్‌ అమ్మాయి పాత్ర. ఆ పాత్రను ఎలివేట్‌ చేసే ప్రయత్నంలో భాగంగా రాసిన లైన్స్‌ అవి. అంతే తప్ప ఎవరినీ హర్ట్‌ చేసే ఆలోచన లేదు’’ అన్నారు. ఫైట్‌ మాస్టర్‌ విజయ్‌ మాట్లాడుతూ– ‘‘మా సినిమాపై విమర్శలు రావటం బాధగా అనిపించింది. 33ఏళ్లు ఇండస్ట్రీలో ఉంyì  ఇన్నేళ్లు కష్టపడి నా సినిమాలో ఇలాంటి మిస్టేక్‌ వచ్చిందా అని బాధ పడుతున్నాను. ఎక్కడో మిస్‌ కమ్యూనికేషన్‌ జరిగింది. మనస్ఫూర్తిగా క్షమించమని కోరుకుంటున్నాను’’ అన్నారు. ఈ సందర్భంగా జైన్‌ కమిటీ సభ్యులు మాట్లాడుతూ– ‘‘లివ్‌ అండ్‌ లెట్‌ లివ్‌...అనేదే జైన్‌ సమాజ పాలసీ. జై¯Œ  సమాజ్‌కు చెందిన ‘నమోకార్‌’ మహామంత్రం.. గాయత్రి మంత్రం వంటి పవర్‌ ఫుల్‌ మంత్రం.  అందుకే ఆ సాంగ్‌లోని మంత్రానికి సంబంధించిన లైన్స్‌ను తొలగించమని కోరాం’’ అన్నారు.

ఈ శుక్రవారం రిలీజైన ‘ఈ మాయ పేరేమిటో’ చిత్రంపై వివాదం నెలకొంది. సీనియర్‌ ఫైట్‌ మాస్టర్‌ విజయ్‌ తనయుడు రాహుల్‌ విజయ్‌ హీరోగా, కూతురు దివ్యా విజయ్‌ నిర్మాతగా తెరకెక్కించిన ఈ సినిమాలో ఓ మతానికి సంబంధించిన మంత్రాన్ని పాటలో, బ్యాగౌండ్ర్‌లో వాడటంపై ఆగ్రహం వ్యక్తం చేస్తున్నారు. వివాదానికి కారణమైన వ్యాఖ్యలను మ్యూట్‌లో ఉంచి సినిమా ప్రదర్శించినా.. తనకు బెదిరింపు కాల్స్‌ వస్తున్నాయని, తన నంబర్‌ను సోషల్‌మీడియాలో సర్క్యులేట్‌ చేస్తున్నారని చిత్ర నిర్మాత దివ్యా విజయ్‌ వాపోయారు. వివాదాస్పద కంటెంట్‌ తొలగించినా ఎందుకు రచ్చ చేస్తున్నారంటూ ఆవేదన వ్యక్తం చేశారు. సినిమా ప్రదర్శనలను ఎందుకు నిలిపివేస్తున్నారంటూ ప్రశ్నించారు.

టైటిల్ : ఈ మాయ పేరేమిటో జానర్ : లవ్‌ ఎంటర్‌టైనర్‌ తారాగణం : రాహుల్‌ విజయ్‌, కావ్యా థాపర్‌, రాజేంద్రప్రసాద్, మురళీ శర్మ, ఈశ్వరీరావు తదితరులు సంగీతం : మణిశర్మ దర్శకత్వం : రాము కొప్పుల నిర్మాత : దివ్యా విజయ్‌ సీనియర్‌ ఫైట్‌ మాస్టర్‌ విజయ్‌ ఎన్నేళ్ల నుంచో సినీ ఇండస్ట్రీలో సక్సెస్‌ఫుల్‌గా కొనసాగుతున్నారు. అగ్రహీరోలందరితో పనిచేసి మంచి గుర్తింపును తెచ్చుకున్నారు. విజయ్‌ కుమారుడు రాహుల్‌ విజయ్‌ ‘ఈ మాయ పేరేమిటో’ చిత్రంతో టాలీవుడ్‌కు పరిచయం అవుతున్న సంగతి తెలిసిందే. ఎన్టీఆర్‌, నాగ చైతన్య, సుకుమార్‌ లాంటి సెలబ్రెటీలను ముఖ్య అతిథులుగా పిలిచి సినిమాపై హైప్‌ క్రియేట్‌ చేశారు. (సాక్షి రివ్యూస్‌) అంతేకాకుండా ఈ చిత్రాన్ని నిర్మించింది కూడా విజయ్‌ కూతురు దివ్యా విజయ్‌. ఈ శుక్రవారం (సెప్టెంబర్‌ 21) ఈ ‘మాయ పేరేమిటో’ ప్రేక్షకుల ముందుకు వచ్చింది. మరి ఈ మొదటి సినిమా అటు హీరోగా రాహుల్‌ విజయ్‌ను, ఇటు నిర్మాతగా దివ్యా విజయ్‌ను నిలబెట్టిందా? వీరి ప్రయత్నం ప్రేక్షకులను ఏ మేరకు మెప్పించింది? సినిమా కథేంటో ఓసారి చూద్దాం.. కథ : బాబురావు (రాజేంద్రప్రసాద్‌) కొడుకు పేరు శ్రీరామ చంద్రమూర్తి (రాహుల్‌ విజయ్‌). అందరూ ముద్దుగా చందు అని పిలుస్తారు. చందు అల్లరి చిల్లరగా తిరుగుతూ పనీపాటా లేకుండా ఉంటాడు. తన కొడుకు ఎలా ఉన్నా సరే తనకిష్టమనీ చెబుతుంటాడు బాబురావు. మురళీ శర్మ కూతురు శీతల్‌ జైన్‌ (కావ్యా థాపర్‌). చిన్నప్పటి నుంచీ అల్లారుముద్దుగా పెంచుకున్న మురళీ శర్మ.. తన కూతురికి మంచి అబ్బాయి(ఐఏఎస్‌, ఐపీఎస్‌, డాక్టర్‌, సైంటిస్ట్‌, సీఎ)తో పెళ్లి చేయాలనుకుంటాడు. శీతల్‌కు మనుషులు ఎప్పుడూ ఒకేలా ఉండాలి మారకూడదని అనుకుంటుంది. చందు మంచితనం తెలుసుకుని, చందు జీవితంలో ఎదగాలనుకోవడం లేదు.. బతకాలనుకుంటున్నాడని అతడిని లవ్‌ చేస్తుంది. ఈ విషయం తెలుసుకున్న మురళీ శర్మ... చందుని పిలిచి మాట్లాడతాడు. (సాక్షి రివ్యూస్‌) ప్రేమించుకోవడానికి ఏం లేకపోయినా సరిపోతుందని.. పెళ్లి చేసుకోవడానికి మాత్రం అలా కుదరదని.. తన కూతురిని బాగా చూసుకుంటాడని నమ్మకం కలిగేస్తేనే ఒప్పుకుంటానని మురళీ శర్మ చెబుతాడు.  మురళీ శర్మ చెప్పినట్టు మారిపోయే క్రమంలో.. చందు ప్రవర్తనలో వచ్చిన మార్పు కారణంగా శీతల్‌ చందుల మధ్య దూరం పెరిగిపోతుంది. తను చెప్పినట్టు మారినా మురళీ శర్మ పెళ్లికి ఎందుకు ఒప్పుకోలేదు? చివరకు మురళీ శర్మ ఏం చేశాడు? ప్రేమించుకున్న చందు, శీతల్‌ ఒక్కటయ్యారా? అన్నది తెరపై చూడాల్సిందే.  నటీనటులు : హీరోగా రాహుల్‌ విజయ్‌ బాగానే నటించాడు. తన వయసుకు తగ్గట్గు ఎంచుకున్న కథకు న్యాయం చేశాడు. రాహుల్‌ లవర్‌ బాయ్‌లా కనిపిస్తూ.. యాక్షన్‌ సన్నివేశాల్లో కూడా ఫర్వాలేదనిపించాడు. హీరోయిన్‌ కావ్యా థాపర్‌ లుక్స్‌ పరంగానే కాకుండా తన నటనతో ప్రేక్షకులను మెప్పించే ప్రయత్నం చేసింది. (సాక్షి రివ్యూస్‌) కథలో కీలకపాత్రధారులైన రాజేంద్రప్రసాద్‌, ఈశ్వరీరావు, మురళీ శర్మ తమ నటనతో మళ్లీ ప్రేక్షకులను ఆకట్టుకున్నారు. మిగతా పాత్రల్లో పోసాని కృష్ణమురళీ, హీరో స్నేహితులు తమ పరిధి మేరకు నటించారు.  విశ్లేషణ : హీరోగా మొదటి సినిమా చేస్తున్నప్పుడు చాలా జాగ్రత్తగా వ్యవహరించాల్సి ఉంటుంది. రాహుల్‌ విజయ్‌ తన మొదటి సినిమాగా ఎలాంటి ప్రయోగాల జోలికి వెళ్లకుండా... సింపుల్‌ కథలో రిస్క్‌ లేకుండా కానిచ్చేశాడు. ఒక అల్లారు ముద్దుగా పెంచుకున్న కూతురి జీవితం కోసం పరితపించే తండ్రి.. తన కూతురి కోసం మంచి అబ్బాయి వెతకాలనుకోవడం.. కానీ ఆ కూతురేమో పనీపాటా లేని గాలికి తిరిగేవాడ్ని ప్రేమించడం.. ఆ తండ్రి మారాలంటూ కండిషన్లు పెట్టడం... హీరో బాధ్యత తెలుసుకుని మెలగడం.. చివరకు కథ సుఖాంతం కావడం ఇలాంటివి తెలుగు తెరపై చూసిన ఫార్ములానే. ఏ సినిమాలోనైనా.. హీరోయిన్‌ అతి మంచితనం చూసి హీరో వెంటపడుతుంటాడు.. కానీ ఈ సినిమాలో మాత్రం రివర్స్‌. (సాక్షి రివ్యూస్‌) హీరో మంచితనం, ప్రవర్తన చూసి ప్రేమలో పడుతుంది హీరోయిన్‌. ప్రేమలో పడటానికి క్రియేట్‌ చేసిన సన్నివేశాలు, కారణాలు కూడా అంత బలమైనవేమీ కాదు. కొత్త కథాకథనాలు లేకపోయినా.. ఓ రెండు గంటలు బోర్‌ కొట్టించకుండా తెరకెక్కించడంలో రాము కొప్పుల సక్సెస్‌ అయినట్టు కనిపిస్తోంది. తన సంగీతం, నేపథ్య సంగీతంతో మణిశర్మ మళ్లీ నిరూపించుకున్నాడు. ఈ సినిమాకు శ్యామ్‌ కే నాయుడు కెమెరా పనితనం కలిసొస్తుంది. ఎడిటింగ్‌, నిర్మాణ విలువలు కూడా ఫర్వాలేదనిపిస్తాయి.    ప్లస్‌ పాయింట్స్‌ : సంగీతం హీరో, హీరోయిన్లు మైనస్‌ పాయింట్స్‌ : కథలో కొత్తదనం లేకపోవడం - బండ కళ్యాణ్‌, ఇంటర్‌నెట్‌ డెస్క్‌

పంపిణీరంగంలో ఉన్నవారు నిర్మాతలుగానూ మారుతుంటారు. ఉదాహరణకు ‘దిల్‌’ రాజు ఒకరు. ఇప్పుడు పంపిణీ రంగం నుంచి  సురేశ్‌ వర్మ, అహితేజ బెల్లంకొండలు నిర్మాతలగానూ తమ అదృష్టాన్ని పరీక్షించుకోవడానికి రెడీ అయ్యారు. ‘సినిమా హాల్‌ ఎంటర్‌టైన్‌మెంట్‌’ పేరుతో ఈ ఇద్దరూ ఓ బ్యానర్‌ను స్థాపించారు. ఈ బ్యానర్‌ లాంచ్‌ వేడుక హైదరాబాద్‌లో జరిగింది. బ్యానర్‌ లోగోను నిర్మాతలు ‘మధుర’ శ్రీధర్, అశోక్‌ రెడ్డిలతో పాటు ఫైట్‌ మాస్టర్‌ విజయ్‌ ఆవిష్కరించారు. ఈ బ్యానర్‌లో చిన్నికృష్ణ దర్శకత్వంలో సినిమా రూపొందనుందన్న విషయాన్ని ‘ఆర్‌ఎక్స్‌ 100’ హీరో కార్తికేయ, ‘ఈ మాయ పేరేమిటో’ హీరో రాహుల్‌ విజయ్‌ అనౌన్స్‌ చేశారు. ఈ సందర్భంగా దర్శకుడు మారుతి మాట్లాడుతూ– ‘‘సురేశ్, అహితేజలు బ్యానర్‌ పెడుతున్నారని తెలిసి హ్యాపీ ఫీలయ్యా. వీళ్లు పెద్ద ప్రొడ్యూసర్స్‌ కావాలి. ఈ బ్యానర్‌లో మంచి మంచి సినిమాలు రావాలి’’అన్నారు. ‘‘టీజర్, ట్రైలర్‌ చూడగానే సురేశ్, అహితేజలు ఆ సినిమా స్కేల్‌ను అంచనా వేయగలరు. వీళ్లకు ఇండస్ట్రీలో లాంగ్‌ టర్మ్‌ లైఫ్‌ ఉండాలి’’అన్నారు ‘మధుర’ శ్రీధర్‌. ‘‘వీరిద్దరిలో ఒకరు బాధ్యతను గుర్తు చేస్తే, మరొకరు ధైర్యాన్ని ఇస్తారు. ఇటువంటి నిర్మాతలు దొరకడం నా అదృష్టం అన్నారు’’ చిన్నికృష్ణ. ‘‘వీళ్లు తప్పకుండా సక్సెస్‌ కావాలి’’ అన్నారు ఫైట్‌ మాస్టర్‌ విజయ్‌. ‘‘సినిమా హాల్‌ ఎంటర్‌టైన్‌మెంట్‌ ఇక్కడి వరకు రావడానికి సహకరించిన అందరికీ థ్యాంక్స్‌’’ అన్నారు సురేశ్‌ వర్మ. ‘‘నాకు సినిమా అంటే చిరంజీవిగారే. ఈ వేదిక మీద మా అన్నయ్య ప్రవీణ్‌ను మిస్‌ అవుతున్నాను. మా మొదటి సినిమా నుంచే మాకు వచ్చిన లాభాల్లో కొంత మా ఊరి బాగు కోసం ఖర్చుపెడతాం’’ అన్నారు అహితేజ.

‘‘సినిమాల్లో మేం చేసే ఫైట్లకు అప్లాజ్‌ వస్తుంది. అయితే వాటిని చేయించిన ఫైట్‌ మాస్టర్లను పెద్దగా ఎవరూ పట్టించుకోరు. కానీ వారు పడే శ్రమ మెచ్చుకోవాల్సిందే. విజయ్‌ మాస్టర్, ఆయన శ్రీమతిగారు కలిసి కన్న కలలకు ప్రతి రూపం ఇద్దరు బిడ్డలు. వారిద్దరూ ప్రయోజకులు అవుతుంటే వాళ్ల కళ్లల్లో ఆనందం కనిపిస్తోంది’’ అని ఎన్టీఆర్‌ అన్నారు. ఫైట్‌ మాస్టర్‌ విజయ్‌ తనయుడు రాహుల్‌ విజయ్‌ హీరోగా పరిచయం అవుతున్న చిత్రం ‘ఈ మాయ పేరేమిటో’. కావ్యా థాపర్‌ హీరోయిన్‌. రాము కొప్పుల దర్శకత్వంలో దివ్యా విజయ్‌ నిర్మించారు. ఈ చిత్రం ఆడియో వేడుకలో ముఖ్య అతిథిగా పాల్గొని సీడీ రిలీజ్‌ చేసిన ఎన్టీఆర్‌ మాట్లాడుతూ – ‘‘నేను సినిమాల్లోకి వచ్చినప్పుడు ఎలాంటి జాగ్రత్తలు తీసుకోవాలో విజయ్‌ మాస్టర్‌గారు నేర్పారు. విజయ్‌ మాస్టర్‌ది ప్రేమ వివాహం. ఆయన శ్రీమతి ఆయన్ని నమ్మారు. ఆ నమ్మకాన్ని విజయ్‌ మాస్టర్‌ ఎప్పుడూ వమ్ము చేయలేదు. చాలా కష్టపడి  పైకి ఎదిగారు. ఈ సినిమా పెద్ద హిట్‌ కావాలని కోరుకుంటున్నా ను’’ అన్నారు.  ‘‘ఎన్నో ఏళ్లుగా ఇండస్ట్రీలో ఉన్నారు.. మీరేం సాధించారు అని ఒకరు అడిగితే ఇండస్ట్రీ అనేది తల్లి. ఆ తల్లి ఆశీర్వాదం ఉంటే నేర్చుకుంటాం. కానీ ఇక్కడ సాధించడం ఏమీ ఉండదు.  ఎన్టీఆర్‌ ఆనందంగా ఉంటే నేను సంతోషంగా ఉంటాను అనేది నా నమ్మకం. మంచి మనసున్న మనిషి ఎన్టీఆర్‌.  నేనేం సాధించానో నాకు తెలియదు కానీ ఎన్టీఆర్‌ ఫంక్షన్‌కి రావడం మాత్రం నా సాధనగానే భావిస్తున్నా. టెక్నీషియన్స్‌ అందరూ చాలా కష్టపడి పనిచేశారు. మణిశర్మగారు మాకు ఇచ్చిన సపోర్ట్‌ చాలా గొప్పది. మా పిల్లలు ఇంత దూరం రావడానికి కారణం మా టెక్నీషియన్లు. వాళ్లందరికీ ధన్యవాదాలు’’ అన్నారు విజయ్‌. ‘‘ఇది నాకు ప్రత్యేకమైన రోజు. ఈ సినిమాకు పని చేసిన టెక్నీషియన్స్‌ అందరూ నా చిన్నతనంలో నన్ను పెంచారు. తెలిసిన వాళ్ల మధ్యలో పని చేయడం కొత్తగా అనిపించలేదు. అందరి ఇళ్లల్లో జరిగే కథతో ఈ సినిమాను తీశాం. నటీనటులు చాలామంది ఉన్నారు. వాళ్లందరి దగ్గర నుంచి ఎలా పనిచేయాలో నేర్చుకున్నా’’ రాహుల్‌ విజయ్‌ అన్నారు. ‘‘నా తొలి సినిమా ‘బద్రి’ నుంచి విజయ్‌ మాస్టర్‌తో పనిచేస్తున్నాను. మాస్టర్‌ కొడుకును హీరోగా, కూతురుని నిర్మాతగా చేస్తూ సినిమా చేశారు. వాళ్ళకు శుభాకాంక్షలు’’ అన్నారు çపూరి జగన్నాథ్‌. ‘‘ఈ సినిమా  సమష్టి కృషి. శ్యామ్‌గారు, చిన్నాగారు మా నాన్నకు పిల్లర్స్‌ లాగా పనిచేశారు. ఎన్టీఆర్‌ అన్నయ్య మా ఆడియో విడుదల చేయడం చాలా హ్యాపీగా ఉంది. ఆడియో లాంచ్‌ అనుకుంటున్నామని అనగానే ఎన్టీఆర్‌ అన్నయ్య డేట్‌ ఏంటి? ఎక్కడ? అని అడిగారు’’ అన్నారు దివ్య. ‘‘నాన్నకు ప్రేమతో’ ఆడియో వేడుకలో ఈ చిత్రకథ మొదలైంది. ఆ కథను నేను విజయ్‌గారికి చెప్పాను. ఆయన ఇక్కడిదాకా తీసుకొచ్చారు. ఈ పాయింట్‌కు అందరూ కనెక్ట్‌ అవుతారు. రాహుల్‌ క్యారక్టర్‌  బావుంటుంది. విజయ్‌ మాస్టర్‌గారు నా వెన్నంటి ఉండి నడిపించారు’’ అన్నారు రాము కొప్పుల.

రాహుల్‌ విజయ్, నిహారిక జంటగా ప్రణీత్‌ బ్రమనడపల్లి దర్శకత్వంలో ఓ చిత్రం  రూపొందనుంది. నిర్వాణ సినిమాస్‌ పతాకంపై  సందీప్‌ ఎర్మారెడ్డి, సుజన్‌ ఎరబోలు, రామ్‌ నరేశ్‌ దండ సంయుక్తంగా నిర్మిస్తున్నారు. ఈ చిత్రం శనివారం హైదరాబాద్‌లో ప్రారంభమైంది. తొలి సన్నివేశానికి వరుణ్‌ తేజ్‌ కెమెరా స్విచ్చాన్‌ చేయగా, నాగబాబు క్లాప్‌ ఇచ్చారు. శివాజీ రాజా గౌరవ దర్శకత్వం వహించారు. ఈ సందర్భంగా దర్శకుడు ప్రణీత్‌ మాట్లాడుతూ – ‘‘ముద్దపప్పు ఆవకాయ్, నాన్న కూచి’ తర్వాత నా స్క్రిప్ట్‌ని నమ్మి అవకాశం ఇచ్చిన నిర్వాణ సినిమాస్‌కి, నిహారిక, రాహుల్‌ విజయ్‌కి చాలా థ్యాంక్స్‌. ఫస్ట్‌ షెడ్యూల్‌ 25 నుంచి జూలై 20 వరకు జరుగుతుంది’’ అన్నారు. ‘‘మా నిర్వాణ సినిమాస్‌పై యూఎస్‌లో డిస్ట్రిబ్యూషన్‌ చేస్తుంటాం. ఈ సినిమాతో నిర్మాణంలో తొలి అడుగు వేశాం. రెండు వారాల్లో సినిమాను స్టార్ట్‌ చేస్తాం. ప్రణీత్‌ కథ చెప్పాక నిహారిక అయితే బావుంటుందని అనిపించింది. హీరో కోసం వెతుకుతుంటే విజయ్‌ గురించి తెలిసింది. శివాజీ రాజా కీలక పాత్ర పోషిస్తున్నారు’’ అన్నారు నిర్మాతలు. రాహుల్‌ విజయ్‌ మాట్లాడుతూ – ‘‘శేఖర్‌ కమ్ముల సినిమాలా ఉంటుంది. నిహారిక పక్కన నటించడం మంచి అవకాశంగా భావిస్తున్నాను. నిర్మాణ సంస్థ చేస్తున్న ఈ తొలి ప్రయత్నం సక్సెస్‌ కావాలని కోరుకుంటున్నాను’’ అని అన్నారు. ‘‘ప్రణీత్‌ నా ఫ్యామిలీ మెంబర్‌తో సమానం. తన ఫస్ట్‌ సినిమాలో యాక్ట్‌ చేయడం ఆనందంగా ఉంది. ఇందులో హీరో క్యారెక్టర్‌కి రాహుల్‌ పర్ఫెక్ట్‌గా సూట్‌ అవుతాడు. సినిమా కొత్తగా ఉంటుంది. ప్రేక్షకులకు నచ్చేలా ఉంటుంది’’ అన్నారు నిహారిక. ‘‘ప్రణీత్‌ చాలా క్లారిటీ ఉన్న దర్శకుడు. మంచి సినిమా అవుతుందని నమ్ముతున్నాను. విజయ్‌ మాస్టర్‌గారి అబ్బాయి, నా స్నేహితుడి కుమార్తె సినిమాలో యాక్ట్‌ చేయడం ఆనందంగా ఉంది’’ అన్నారు శివాజీ రాజా. ఈ చిత్రానికి సంగీతం : మార్క్‌ కె రాబిన్, కెమెరా: హరి ప్రసాద్‌.

ఫైట్‌ మాస్టర్‌ విజయ్‌ తనయుడు రాహుల్‌ విజయ్‌ హీరోగా రూపొందుతోన్న చిత్రం ‘ఈ మాయ పేరేమిటో’. వి.ఎస్‌. క్రియేటివ్‌ వర్క్స్‌ పతాకంపై రాము కొప్పుల దర్శకత్వంలో విజయ్‌ దివ్య నిర్మిస్తున్నారు. ఇందులో కావ్య తాపర్‌ కథానాయిక. ఈ సినిమా టీజర్‌ను లాంచ్‌ చేసిన నాగచైతన్య మాట్లాడుతూ – ‘‘కొత్త టాలెంట్‌ని ప్రోత్సహించడాన్ని నేనేప్పుడూ ఆనందంగా ఫీల్‌ అవుతాను. ఇండస్ట్రీలో పైకి రావడం అంత ఈజీ కాదు. ప్రతి సినిమాకు ఫ్రెష్‌ లుక్‌తో పాటు న్యూ టాలెంట్‌ను కూడా ప్రూవ్‌ చేసుకోవాలి. రాహుల్‌ కష్టపడి పేరు తెచ్చుకుంటాడని నమ్ముతున్నాను’’ అన్నారు. ‘‘హీరో కావాలంటే 24క్రాఫ్ట్స్‌ వారిని శాటిస్‌ఫై చేయాలి. అలా చేయాలంటే ముందు దర్శకుణ్ణి శాటిస్‌ ఫై చేయాలి. అందుకు సిద్ధమైతేనే హీరోగా రా. లేకపోతే వద్దని నా కొడుకు రాహుల్‌కి చెప్పాను. తర్వాత చాలా బాగా ప్రాక్టీస్‌ చేసి హీరో అయ్యాడు’’ అన్నారు ఫైట్‌ మాస్టర్‌ విజయ్‌. ‘‘టీజర్‌ లాంచ్‌ చేసిన నాగచైతన్యకు థ్యాంక్స్‌. మా గురువు సుకుమార్, ఫైట్‌ మాస్టర్‌ విజయ్‌లు నాపై ఉంచిన నమ్మకమే నన్ను ఇంతవరకు తీసుకు వచ్చింది. సినిమా బాగా వచ్చింది’’ అన్నారు రాము. ‘‘బిజీగా ఉండి కూడా మా సినిమా టీజర్‌ను లాంచ్‌ చేయడానికి వచ్చిన నాగచైతన్యగారికి థ్యాంక్స్‌. ఆల్రెడీ రిలీజ్‌ చేసిన ఫస్ట్‌ లుక్స్‌కి మంచి స్పందన వచ్చింది. రాహుల్‌ బాగా చేశాడు’’ అన్నారు దివ్య. ‘‘టీజర్‌ను విడుదల చేసిన అన్నయ్య నాగచైతన్యకు థ్యాంక్స్‌. టీజర్‌ ప్రేక్షకులకు నచ్చుతుంది’’ అన్నారు రాహుల్‌. 

టాలీవుడ్‌కు ఒక ఫార్ములా ఉంది. పైగా అది ఎప్పుడు సక్సెస్‌ అయ్యే ఫార్ములా. అదే ప్రేమకథ. ఇప్పటివరకు టాలీవుడ్‌లో లెక్కలేనన్ని ప్రేమకథలు వచ్చాయి. ఇంకా వస్తూనే ఉన్నాయి. భవిష్యత్తులో కూడా వస్తాయి. తాజాగా మరొక ప్రేమ కథ మనముందుకు రాబోతోంది. ‘ఈ మాయ పేరేమిటో’ అంటూ కొత్త హీరో, హీరోయిన్లు పరిచయం కాబోతున్నారు. తాజాగా ఈ సినిమా టీజర్‌ను నాగచైతన్య రిలీజ్‌ చేశారు. సీనియర్‌ సంగీత దర్శకుడు మణిశర్మ స్వరాలందిస్తుండటం కలిసొస్తుందని భావిస్తున్నారు. ఈ 36 సెకన్ల టీజర్‌.. పూర్తిగా నేపథ్య సంగీతంతోనే నడిచింది. ‘ఇంతలా ప్రేమిస్తే..  నా దగ్గర తిరిగివ్వడానికేం లేదు’ అనే ఒక్క డైలాగ్‌తో సినిమా ఎలా ఉండబోతుందో హింట్‌ ఇచ్చేశారు. రాహుల్‌ విజయ్‌, కావ్యా థాపర్‌లు హీరోహీరోయిన్లుగా నటిస్తున్న ఈ సినిమాను దివ్యా విజయ్‌ నిర్మించగా, రమేష్‌ కొప్పుల దర్శకత్వం వహించారు.  Yuva Samrat @chay_akkineni launched the teaser of @ActorRahulVijay & @KavyaThapar’s #EeMayaPeremito A Mani Sharma Musicalhttps://t.co/6NcWrePC9p pic.twitter.com/Afc6IYTleL — BARaju (@baraju_SuperHit) June 12, 2018

ఎవరీ రాహుల్‌ విజయ్‌? అంటే... ప్రముఖ ఫైట్‌ మాస్టర్‌ విజయ్‌ ఉన్నారు కదా.. ఆయన కుమారుడు. కావ్యా థాపర్‌ అతని లవర్‌! రియల్‌ లైఫ్‌లో కాదు.. రీల్‌ లైఫ్‌లో. రాహుల్‌ విజయ్‌ని హీరోగా పరిచయం చేస్తూ, రాము కొప్పుల దర్శకత్వంలో వి.ఎస్‌. క్రియేటివ్‌ వర్క్స్‌ పతాకంపై దివ్యా విజయ్‌ ఓ సినిమా నిర్మిస్తున్నారు. ఇందులో కావ్యా థాపర్‌ హీరోయిన్‌గా ఎంపికయ్యారు. ముంబయ్‌లో పుట్టి పెరిగిన ఈ బ్యూటీ పలు కమర్షియల్‌ యాడ్స్‌ చేశారు. రాహుల్‌తో పాటు ఆమెకూ ఇదే తొలి సినిమా! ఇంకా టైటిల్‌ ఖరారు చేయని ఈ సినిమా చిత్రీకరణ ప్రస్తుతం హైదరాబాద్‌ పరిసర ప్రాంతాల్లో జరుగుతోంది.


 ‘ముప్ఫైఏళ్లుగా ఇండస్ట్రీ నాకెంతో అండగా నిలబడింది. నేను ఇండస్ట్రీకి చాలా రుణపడిపోయా. ఆ రుణం తీర్చుకోవడానికి మా అబ్బాయి రాహుల్‌ విజయ్‌ను హీరోగా, కూతురు దివ్యా విజయ్‌ను నిర్మాతగా పరిచయం చేస్తున్నా’’ అని ఫైట్‌మాస్టర్‌ విజయ్‌ అన్నారు. రాహుల్‌ విజయ్‌ హీరోగా రాము కొప్పుల దర్శకత్వంలో వీయస్‌ క్రియేటివ్‌ వర్క్స్‌పై దివ్యా విజయ్‌ నిర్మిస్తున్న కొత్త సినిమా హైదరాబాద్‌లో ప్రారంభమైంది.
 
 తొలి సన్నివేశానికి విజయన్‌ మాస్టర్‌ కెమెరా స్విచ్చాన్‌ చేయగా,  దర్శకుడు వీవీ వినాయక్‌ క్లాప్‌ ఇచ్చారు. పూరి జగన్నాథ్‌ గౌరవ దర్శకత్వం వహించారు. రాము కొప్పుల మాట్లాడుతూ– ‘‘సుకుమార్‌ దగ్గర దర్శకత్వ శాఖలో పనిచేశా. నేను చెప్పిన కథ నచ్చడంతో విజయ్‌గారు ఈ సినిమాకి డైరెక్షన్‌ చేసే చాన్స్‌ ఇచ్చారు. మంచి కథ కుదిరింది’’ అన్నారు. ‘‘మేఘానంద్, సత్యానంద్‌గారి వద్ద రాహుల్‌ యాక్టింగ్‌లో శిక్షణ తీసుకున్నాడు. ఈ నెల 21న రెగ్యులర్‌ షూటింగ్‌ ప్రారంభిస్తాం’’ అన్నారు దివ్య. ఈ చిత్రానికి సంగీతం: మణిశర్మ, కెమెరా: ఛోటా కె.నాయుడు, లైన్‌ ప్రొడ్యూసర్‌: రాజు ఓలేటి.