అట్టహాసంగా కబడ్డీ, క్రికెట్‌ ఎంపిక పోటీలు

అట్టహాసంగా కబడ్డీ, క్రికెట్‌ ఎంపిక పోటీలు

ఆదిలాబాద్‌: జిల్లా కేంద్రంలోని ఇందిరా ప్రియదర్శిని స్టేడియంలో ఏర్పాటు చేసిన మహిళల జిల్లాస్థాయి కబడ్డీ, ఎస్‌జీఎఫ్‌ అండర్‌–17 బాలికల జోనల్‌ స్థాయి క్రికెట్‌ ఎంపిక పోటీలను రైల్వేబోర్డు మెంబర్‌ ఉష్కం రఘుపతి, జిల్లా గిరిజన క్రీడల అధికారి కోరెడ్డి పార్థసారథి బుధవారం ప్రారంభించారు. ఈ సందర్భంగా వారు మాట్లాడుతూ.. నిత్యం సాధన చేస్తూ, నైపుణ్యాలను పెంచుకుంటే పోటీల్లో ప్రతిభ కనబరిచే అవకాశముందని చెప్పారు. కబడ్డీ అసోసియేషన్‌ రాష్ట్ర సభ్యుడు రాష్ట్ర పాల్‌ మాట్లాడుతూ.. జిల్లాస్థాయిలో ప్రతిభ కనబరిచిన క్రీడాకారులు డిసెంబర్‌ 7నుంచి 10వరకు హైదరాబాద్‌లో నిర్వహించనున్న రాష్ట్రస్థాయి కబడ్డీ పోటీలకు ప్రాతినిధ్యం వహిస్తారని తెలిపారు. కార్యక్రమంలో ఎస్జీఎఫ్‌ ఆర్గనైజింగ్‌ సెక్రటరీ కాంతారావు, శిక్షకుడు విఠల్‌రెడ్డి, అఖిల్‌ తదితరులున్నారు.