ఉపాధి ఆధారిత కోర్సుల్లో ఉచిత శిక్షణ

సింథియా (విశాఖ): సెంటర్‌ ఆఫ్‌ ఎక్స్‌లెన్స్‌ ఇన్‌ మారిటైమ్‌ షిప్‌ బిల్డింగ్‌(సెమ్స్‌), వైజాగ్‌ జనరల్‌ కార్గో బెర్త్‌ ప్రైవేట్‌ లిమిటెడ్‌ సంయుక్తంగా సీఎన్‌సీ మెషీన్‌ ఆపరేటర్‌, ఎలక్ట్రీషియన్‌ కోర్సుల్లో ఉచిత శిక్షణ అందిస్తున్నాయి. 18 నుంచి 27 ఏళ్ల వయసు ఉండి.. ఇంటర్‌, ఐటీఐ, డిప్లమో కోర్సుల్లో మెకానికల్‌, ఎలక్ట్రికల్‌ ఉత్తీర్ణులైన యువతీయువకులు శిక్షణకు అర్హులు. విశాఖపట్నం పోర్టు పరిసర ప్రాంత నిరుద్యోగ అభ్యర్థులు దరఖాస్తు చేసుకోవచ్చు. పూర్తి వివరాలకు సింథియా జంక్షన్‌లోని సెమ్స్‌ కేంద్రంలో గానీ, 86884 11100, 0891–2704010 నంబర్లకు గానీ సంప్రదించవచ్చు. ఈ నెల 30వ తేదీ లోపు రిజిస్ట్రేషన్‌ చేసుకోవాలని సెమ్స్‌ వర్గాలు తెలిపాయి.