అక్షయపాత్ర సందర్శన

అక్షయపాత్ర సందర్శన

తగరపువలస: అక్షయపాత్ర ఫౌండేషన్‌ అపరిమిత ఆహారంతో అపారమైన విద్యను అందిస్తుందని అక్షయపాత్ర ఫౌండేషన్‌ అధ్యక్షుడు సత్యగౌర చంద్ర దాస తెలిపారు. శుక్రవారం సాయంత్రం జాగృతి సేవాసంస్థ ఆధ్వర్యంలో వివిధ రాష్ట్రాలు, దేశాలకు చెందిన పారిశ్రామిక రంగంలో ఆసక్తి కలిగిన 525 మంది యువతీయువకులు ఆనందపురం మండలం గంభీరం ఐఐఎంవీ రోడ్డులోని అక్షయపాత్ర వంటశాలను అధ్యయనం చేయడానికి వచ్చా రు. వీరిని ఉద్దేశించి సత్యగౌర చంద్రదాస ప్రసంగించారు. తమ ఫౌండేషన్‌ ద్వారా దేశ వ్యాప్తంగా 23 లక్షల మంది విద్యార్థులకు 75 వంట శాలల ద్వారా ప్రభుత్వ, ప్రయివేట్‌ భాగస్వామ్యంతో 24 ఏళ్లుగా నిత్యం మధ్యాహ్న భోజనం సరఫరా చేస్తున్నామన్నారు. ఫౌండేషన్‌ విశాఖ అధ్యక్షుడు నిష్క్రించిన భక్తదాస ఆధ్వర్యంలో జాగృతి యాత్ర వరుసగా 9వసారి అక్షయపాత్ర ఫౌండేషన్‌ను సందర్శించినట్టు గుర్తు చేశారు.