భక్తిశ్రద్ధలతో ద్వాదశి ప్రత్యేక పూజలు

భక్తిశ్రద్ధలతో ద్వాదశి ప్రత్యేక పూజలు

చోడవరం: కార్తీకమాసం పవిత్ర బహుళ పక్షం ద్వాదశి ప్రత్యేక పూజలు చోడవరంలోని స్వయంభూ గౌరీశ్వరస్వామి, స్వయంభూ విఘ్నేశ్వరస్వామి ఆలయాల్లో బుధవారం భక్తిశ్రద్ధలతో జరిగాయి. గౌరీశ్వరస్వామికి క్షీరాభిషేకం, మారేడు పత్రి పూజ చేశారు. స్వామిని వివిధ వర్ణాల పూలతో సుందరంగా అలంకరించారు. స్వయంభూ విఘ్నేశ్వరస్వామికి ప్రత్యేకంగా క్షీరాభిషేకం, పసుపు, గంధం, తేనేతో అభిషేకాలు చేశారు. ఆలయ ప్రధానార్చకుడు కొడమంచిలి చలపతిరావు ఆధ్వర్యంలో జరిగిన ఈ పూజల్లో పెద్ద సంఖ్యలో భక్తులు పాల్గొన్నారు. స్వయంభూ గౌరీశ్వరస్వామి తిరువీధి రథోత్సవం శుక్రవారం జరగనుందని, భక్తులంతా పెద్ద సంఖ్యలో పాల్గొనాలని ఆయన కోరారు.

1/1

భక్తిశ్రద్ధలతో ద్వాదశి ప్రత్యేక పూజలు