వరుస సెలవులు ●

బారులు తీరిన వాహనాలు

●ఎక్స్‌ప్రెస్‌వేపై భారీ ట్రాఫిక్‌ జామ్‌

దొడ్డబళ్లాపురం: వీకెండ్‌, క్రిస్మస్‌ నేపథ్యంలో బెంగళూరు నివాసులు సొంత ఊర్లకు, టూర్లకు వాహనాలలో బయలుదేరడంతో బెంగళూరు, మైసూరు ఎక్స్‌ప్రెస్‌వే పై శనివారం తెల్లవారుజాము నుండే వాహనాలు బారులుతీరడంతో భారీ ట్రాఫిక్‌ జామ్‌ ఏర్పడింది. బెంగళూరు నుంచి మైసూరుకు వెళ్లే టోల్‌ వద్ద అయితే 5 కిలోమీటర్ల పైగా ట్రాఫిక్‌ జామ్‌ ఏర్పడింది. చాలా వాహనాలకు ఫాస్ట్‌ట్యాగ్‌ ఉన్నా రీచార్జ్‌ అయిపోవడంతో టోల్‌ వద్ద సిబ్బంది ఫీజు వసూలు చేస్తుండడంతో మరింత ఆలస్యం అయ్యింది. వాహనాలు భారీగా రోడ్డెక్కడంతో ఎక్స్‌ప్రెస్‌వేపై పోలీసులు ట్రాఫిక్‌ నిబంధనలపై అలర్ట్‌ చేశారు.