ప్రశాంతి నిలయంలో వైభవంగా సంక్రాంతి

ప్రశాంతి నిలయంలో వైభవంగా సంక్రాంతి

ప్రశాంతి నిలయం: సంక్రాంతి వేడుకలు ప్రశాంతి నిలయంలో కనుల పండువగా జరిగాయి. సత్యసాయి విద్యాసంస్థల క్రీడా సాంస్కృతిక సమ్మేళనలో భాగంగా ఇటీవల నిర్వహించిన పోటీల్లో ప్రతిభ కనబరిచిన విద్యార్థులకు ట్రోఫీలు, ప్రశంసాపత్రాలను టరస్ట్‌ సభ్యులు అందజేశారు. బుధవారం ఉదయం యజుర్వేద మందిరం నుంచి బ్రాస్‌ బ్యాండ్‌ వాయిద్యం నడుమ సత్యసాయి చిత్రపటాన్ని ఊరేగింపుగా సాయికుల్వంత్‌ సభా మందిరంలోని సత్యసాయి మహాసమాధి చెంతకు చేర్చారు. ప్రత్యేక పూజల అనంతరం పలువురు విద్యార్థులు మాట్లాడుతూ.. తమ అనుభవాలను పంచుకున్నారు. కార్యక్రమంలో సత్యసాయి సెంట్రల్‌ ట్రస్ట్‌ మేనేజింగ్‌ ట్రస్టీ ఆర్‌జే రత్నాకర్‌ రాజు, సభ్యులు చక్రవర్తి, విద్యాసంస్థల వైస్‌ చాన్సలర్‌ ఆచార్య రాఘవేంద్రప్రసాద్‌ తదితరులు పాల్గొన్నారు. బుధవారం సాయంత్రం సత్యసాయి మహాసమాధి చెంత ‘అవతార వైభవం’ పేరుతో విద్యార్థులు ప్రదర్శించిన నృత్యరూపకం ఆకట్టుకుంది.

1/1

ప్రశాంతి నిలయంలో వైభవంగా సంక్రాంతి