సింగరేణి పేరు ప్రతిష్టలు నిలబెట్టాలి

సింగరేణి పేరు ప్రతిష్టలు నిలబెట్టాలి

సింగరేణి(కొత్తగూడెం): మార్కెట్‌లో పోటీని తట్టుకునేలా నాణ్యమైన బొగ్గు సరఫరా చేస్తూ సింగరేణి పేరు ప్రతిష్టలు నిలబెట్టాలని సింగరేణి డైరెక్టర్‌(ఈ అండ్‌ ఎం) సత్యనారాయణరావు సూచించారు. కొత్తగూడెం కార్పొరేట్‌ ఏరియాలోని ప్రాజెక్ట్‌ ప్లానింగ్‌ కార్యాలయ ఆవరణలో క్వాలిటీ విభాగం ఆధ్వర్యాన గురువారం బొగ్గునాణ్యత వారోత్సవాలు మొలయ్యాయి. ఈ సందర్భంగా పతాకాన్ని ఆవిష్కరించిన డైరెక్టర్‌ మాట్లాడుతూ దక్షిణ భారతదేశంలోనే అగ్రగామి సంస్థ అయిన సింగరేణి పలు సంస్థలకు నాణ్యమైన బొగ్గు సరఫరా చేస్తోందని తెలిపారు. ప్రస్తుతం ఇతర సంస్థలకు దీటుగా నాణ్యత కొనసాగించేలా ఉద్యోగులకు అవగాహన కల్పించేందుకు వారోత్సవాలను నిర్వహిస్తున్నట్లు వెల్లడించారు. అనంతరం ఉద్యోగులతో ప్రతిజ్ఞ చేయించారు. కాగా, కొత్తగూడెం ఏరియాలో కార్యాలయంలో కూడా జనరల్‌ మేనేజర్‌ ఎం.శాలేంరాజు పతాకాన్ని ఆవిష్కరించి ప్రతిజ్ఞ చేశారు. ఈ కార్యక్రమాల్లో వివిధ విభాగాల అధికారులు, ఉద్యోగులు పాల్గొన్నారు.