గంజాయి స్వాధీనం

కొత్తగూడెంరూరల్‌: ద్విచక్రవాహనాల్లో తరలిస్తున్న 17 కేజీల గంజాయిని పోలీసులు శుక్రవారం పట్టుకున్నారు. సీఐ వెంకటేశ్వర్లు కథనం ప్రకారం.. ఇల్లెందు క్రాస్‌రోడ్డులో లక్ష్మీదేవిపల్లి ఎస్‌ఐ రమణారెడ్డి వాహనాల తనిఖీ చేపట్టి.. హైదరాబాద్‌కు వెళ్తున్న రెండు ద్విచక్రవాహనాల ద్వారా తరలిస్తున్న 17 కేజీల గంజాయిని స్వాధీనం చేసుకున్నారు. హైదరాబాద్‌లోని వనస్థలిపురానికి చెందిన కోట కృపాకర్‌, ఆపిసా నర్సింహ, హిమాహిత్‌నగర్‌కు చెందిన కదిరి శివారెడ్డిని అరెస్ట్‌ చేసినట్లు సీఐ తెలిపారు.

బెల్టు దుకాణంలో మద్యం...

పాల్వంచ: బెల్ట్‌ షాపుపై పోలీసులు దాడి చేసి మద్యం స్వాధీనం చేసుకున్నారు. శుక్రవారం కేటీపీఎస్‌ 5వ దశ గేటు ముందు అక్రమంగా నిర్వహిస్తున్న బెల్ట్‌ షాపుపై ఎస్‌ఐ రాఘవయ్య దాడి సిబ్బందితో కలిసి చేశారు. దాడిలో రూ.6,500 విలువైన మద్యం బాటిళ్లను స్వాధీనం చేసుకుని, షాపు నిర్వాహకుడు బుడగం సత్యనారాయణపై కేసు నమోదు చేశారు.