పీఏసీఎస్‌ చైర్మన్‌కు అనారోగ్యం

పీఏసీఎస్‌ చైర్మన్‌కు అనారోగ్యం

ఇల్లెందు: రైతులకు నకిలీ మొక్కజొన్న విత్తనాలు సరఫరా చేశారనే అభియోగం ఎదుర్కొంటున్న టేకులపల్లి మండలం బేతంపూడి పీఏసీఎస్‌ చైర్మన్‌, బీఆర్‌ఎస్‌ నాయకుడు లక్కినేని సురేందర్‌ను ఇటీవల పోలీసులు అరెస్ట్‌ చేసి ఇల్లెందు సబ్‌ జైలుకు తరలించిన విషయం విదితమే. ఈ మేరకు ఆయన బుధవారం రాత్రంతా కడుపు నొప్పి, విరోచనాలతో బాధపడుతూ డీ హైడ్రేషన్‌కు గురయ్యారు. దీంతో జైలు అధికారులు న్యాయమూర్తికి సమాచారం ఇచ్చి ఆయన ఆదేశాలతో ఇల్లెందు ప్రభుతాత్వాత్వాస్పత్రికి తరలించి చికిత్స చేయించారు. ఈ విషయం తెలియడంతో మాజీ ఎమ్మెల్యే బానోతు హరిప్రియ, దిండిగాల రాజేందర్‌, దాస్యం ప్రమోద్‌కుమార్‌ తదితరులు ఆస్పత్రికి చేరుకున్నారు. కాగా, గురువారం మధ్యాహ్నం వరకు సురేందర్‌ ఆరోగ్యం కుదుటపడటంతో తిరిగి సబ్‌ జైలుకు తరలించారు. ఈ మేరకు వివరాలను మాజీ ఎమ్మెల్యే హరిప్రియ ఎప్పటికప్పుడు బీఆర్‌ఎస్‌ అధిష్టానానికి వివరించారు. కాగా, జైలులో ఖైదీలే స్వయంగా వంటలు తయారు చేస్తుండగా కూరలో కారం ఎక్కువవడంతో అనారోగ్యం పాలైనట్లు ఆయన తెలిపారని బీఆర్‌ఎస్‌ నాయకులు పేర్కొన్నారు.

జైలు నుంచి ఆస్పత్రికి తరలింపు