TV
ఉత్కంఠంగా జిల్లా అండర్‌–13 చెస్‌ పోటీలు
అమలాపురం టౌన్‌: జిల్లా చెస్‌ అసోసియేషన్‌ ఆధ్వర్యంలో అమలాపురంలోని ఒక ప్రైవేటు స్కూలులో జిల్లా అండర్‌–13 చెస్‌ చాంపియన్‌ షిప్‌ పోటీలు శుక్రవారం ఉత్కంఠ భరితంగా జరిగాయి. జిల్లావ్యాప్తంగా దాదాపు 50 మంది చెస్‌ క్రీడాకారులైన విద్యార్థులు వివిధ పాఠశాలల నుంచి హాజరై తమ సత్తా చాటారు. ఈ పోటీల ద్వారా బాలుర విభాగం నుంచి ఇద్దరిని, బాలికల విభాగం నుంచి ఇద్దరిని రాష్ట్ర స్థాయి పోటీలకు ఎంపిక చేసినట్టు జిల్లా చెస్‌ అసోసియేషన్‌ కార్యదర్శి తాడి వెంకటసురేష్‌ తెలిపారు. చెస్‌ చాంపియన్‌గా బాలురలో తాడి వెంకట సాయి వెంకటేష్‌, బాలికల్లో బి.బ్లెస్సీ ఎంపికయ్యారు. బాలుర విభాగంలో తాడి సాయి వెంకటేష్‌, సాధనాల శ్రీసంతోష్‌ ప్రథమ, ద్వితీయ స్థానాలను కై వసం చేసుకున్నారు. బాలికల విభాగంలో బి.బ్లెస్సీ, పనిశెట్టి ధరణి ప్రథమ, ద్వితీయ స్థానాలు సాధించారు. వీరు ఈ నెల 19న పశ్చిమ గోదావరి జిల్లా తాడేపల్లిగూడెంలో జరగనున్న రాష్ట్ర స్థాయి అండర్‌–13 చెస్‌ చాంపియన్‌ షిప్‌ పోటీల్లో డాక్టర్‌ బీఆర్‌ అంబేడ్కర్‌ కోనసీమ జిల్లా నుంచి ప్రాతినిధ్యం వహిస్తారని జిల్లా అసోసియేషన్‌ కార్యదర్శి వెంకట సురేష్‌ తెలిపారు.
రాష్ట్ర స్థాయి పోటీలకు ఎంపికై న నలుగురు విద్యార్ధులు
Comments
Please login to add a commentAdd a comment