అవార్డుల పంపిణీ అభినందనీయం

● మైనార్టీ కమిషన్‌ చైర్మన్‌ తారఖ్‌ అన్సారీ

జగిత్యాల: రాష్ట్రవ్యాప్తంగా వివిధ రంగాల్లో సేవలందిస్తున్న వారికి మైనార్టీ డే పురస్కరించుకుని అవార్డులు పంపిణీ చేయడం అభినందనీయమని మైనార్టీ కమిషన్‌ చైర్మన్‌ తారఖ్‌ అన్సారీ అన్నారు. శనివారం జిల్లా కేంద్రంలోని ఏఆర్‌ గార్డెన్స్‌లో యునైటెడ్‌ సొసైటీ ఆధ్వర్యంలో ప్రముఖ సాహితీవేత్తలు, డ్యాన్సర్లతోపాటు వివిధ రంగాల్లో ఉన్న 30 మందికిపైగా అవార్డులు బహూకరించారు. సొసైటీ ఆధ్వర్యంలో కులమతాలకతీతంగా అన్ని రంగాల్లో సేవలందిస్తున్న వారికి అవార్డులు అందించడం అభినందనీయమన్నారు. ఇలాంటి కార్యక్రమాలు తరుచూ చేయాలని కోరారు. ఈ కార్యక్రమంలో సొసైటీ చీఫ్‌ ఆర్గనైజర్‌ మహ్మద్‌ అలీ అప్సర్‌, చీఫ్‌ అడ్వైజర్‌ ఖాన్‌జియా, అంజుమ్‌ పాల్గొన్నారు. అంతకుముందు అన్సారీకి అడిషనల్‌ కలెక్టర్‌ బీఎస్‌.లత, అడిషనల్‌ ఎస్పీ భీంరావు, ఆర్డీవో మధుసూదన్‌ పుష్పగుచ్ఛం అందించి స్వాగతం పలికారు. డీఎండబ్ల్యూవో చిత్రు, తహసీల్దార్‌ రాంమోహన్‌రావు ఉన్నారు.