బ్రహ్మోత్సవాలకు ఏర్పాట్లు పూర్తి

బ్రహ్మోత్సవాలకు ఏర్పాట్లు పూర్తి

ఎల్కతుర్తి: భక్తుల కొంగు బంగారంగా నిలుస్తున్న కొత్తకొండ వీరభద్రస్వామి బ్రహ్మోత్సవాలకు ఆల యాన్ని ముస్తాబు చేశారు. శుక్రవారం(నేడు) పూజా కార్యాక్రమాల అనంతరం సాయంత్రం 6.40 గంటలకు స్వామివారి కల్యాణ మహోత్సవం నిర్వహిస్తామని ఆలయ ఈఓ కిషన్‌రావు తెలిపా రు. 11న త్రిశూలార్చన, నవకలశార్చన. 12న లక్ష బిల్వార్చన, 13న బోగి పండుగ, 14న సంక్రాంతి బండ్లు తిరుగుట, 15న కనుమ ఉత్సవం, 16న నాగవెల్లి పుష్పయాగం, 17న త్రిశూల స్నానం, 18న అగ్ని గుండాలతో జాతర ముగుస్తుందని కార్యనిర్వహణాధికారి కిషన్‌రావు తెలిపారు.

అధికారుల సమీక్ష

భీమదేవరపల్లి మండలం కొత్తకొండ జాతర ఏర్పాట్లపై గురువారం ఆలయ కల్యాణ మండపంలో నిర్వహించిన పలు శాఖల అధికారుల సమీక్షలో ఆర్డీఓ రమేశ్‌రాథోడ్‌, కాజీపేట ఏసీపీ తిరుమల్‌, డీఎంహెచ్‌ఓ అప్పయ్య పాల్గొన్నారు. జాతరకు వచ్చే భక్తులకు ఎలాంటి ఇబ్బందులు తలెత్తకుండా అన్ని ఏర్పాట్లు యుద్ధప్రాతిపదికన చేపట్టాలని ఆయా శాఖల అధికారులను ఆర్డీఓ ఆదేశించారు. తాగునీటి సౌకర్యం, విద్యుత్‌, పోలీస్‌ బందోబస్తు నిర్వహణ, పారిశుద్ధ్యం, వైద్య సేవలు తదితర అంశాలపై సమీక్ష నిర్వహించారు. జాతరలో తీసుకోవా ల్సిన జాగ్రత్తలు.. పాటించాల్సిన సూచనలపై అవగాహన కల్పించారు. భక్తులకు లోటుపాట్లు లేకుండా ఏర్పాట్లు చేపట్టి జాతరను విజయవంతం చేయాలని సూచించారు. సమావేశంలో ఆలయ ఈఓతోపాటు తహసీల్దార్‌ ప్రవీణ్‌కుమార్‌, సీఐ పులి రమేశ్‌, ఎస్సై సాయిబాబు ఇతర శాఖల అధికారులు పాల్గొన్నారు.

నేడు స్వామివారి కల్యాణం

ప్రారంభం కానున్న కొత్తకొండ జాతర

1/1

బ్రహ్మోత్సవాలకు ఏర్పాట్లు పూర్తి