● వరంగల్‌ రీజియన్‌లో 12 రోజులకు వచ్చిన ఆదాయం రూ.30.30 కోట్లు ● అధిక సంఖ్యలో ప్రయాణించిన మహిళలు ● ఈ నెల 9 నుంచి 20 వరకు రద్దీగా ఆర్టీసీ బస్సులు ● ఉచిత ప్రయాణంకంటే టికెట్‌ ప్రయాణ ఆదాయమే ఎక్కువ..హన్మకొండ: సంక్రాంతి పండుగకు ఆర్టీసీలో మహిళ ప్రయాణికులే అధిక సంఖ్యలో ప్రయాణించారు. మహాలక్ష్మి పథకంతో ఉచిత బస్సు ప్రయాణ సౌకర్యం కల్పించడంతో మహిళా ప్రయాణికులు అధిక సంఖ్యలో సద్వినియోగం చేసుకున్నారు. వరంగల్‌ రీజియన్‌లో ఈ నెల 9 నుంచి 20వ తేదీ వరకు 48.64 లక్షల మంది ప్రయాణిస్తే ఇందులో మహిళా ప్రయాణికులు 30.40 లక్షల మంది ఉన్నారు. టికెట్‌ ద్వారా ప్రయాణించిన వారి సంఖ్య 18.25 లక్షలు మాత్రమే. ఇందులోనూ మహిళా ప్రయాణికులు ఉన్నారు. మొత్తం ప్రయాణికుల్లో 62.5 శాతం మంది ఉచితంగా ప్రయాణించిన వారే. టికెట్‌ ద్వారా 37.5 శాతం మంది ప్రయాణించారు. సంక్రాంతి పండుగకు విద్యాసంస్థలకు ఈ నెల 11 నుంచి 17 వరకు సెలవులు ఇచ్చారు. 18వ తేదీ ఒక్క రోజు పని దినం ఉన్నప్పటికీ 19వ తేదీ ఆదివారం కావడంతో ఈ నెల 20వ తేదీ ఉదయం వరకు ఆర్టీసీ బస్సులు కిక్కిరిసి నడిచాయి. విద్యాసంస్థలకు సెలవులు 11 నుంచి అయితే ఆర్టీసీ బస్సులకు ఈ నెల 9 నుంచి రద్దీ పెరిగింది. రీజియన్‌లో 660 ప్రత్యేక బస్సులు ● సంక్రాంతి పండుగకు వరంగల్‌ రీజియన్‌లో ఆర్టీసీ 660 ప్రత్యేక బస్సులు నడిపింది. ● సంక్రాంతి పండుగకు 12 రోజుల్లో రూ.30,30,01,000 ఆదాయాన్ని రాబట్టుకుంది. ● సాధారణంగా ఆర్టీసీ వరంగల్‌ రీజియన్‌లో రోజుకు సగటున రూ.2 కోట్ల ఆదాయం వస్తుంది. ఈ 12 రోజుల్లో సగటున రూ.2.52 కోట్లకు పైగా ఆదాయం వచ్చింది. కిలో మీటర్‌కు రూ.64.84 ఆర్జించింది. ● ఈ నెల 9 నుంచి 20వ తేదీ వరకు 46.73 లక్షల కిలో మీటర్లు తిరిగి 48.64 లక్షల మందిని వివిధ గమ్యస్థానాలకు చేరవేసింది. ● మహాలక్ష్మి పథకంలో భాగంగా మహిళా ప్రయాణికులకు ఉచిత ప్రయాణం ద్వారా 30.40 లక్షల మందిని చేరవేసింది. రూ.14,29,63,000 ఆదాయం వచ్చింది. ● టికెట్‌ ద్వారా 18.25 లక్షల మందిని చేరదీసి రూ.16,00,38,000 ఆదాయం రాబట్టుకుంది. ● మహిళా ప్రయాణికుల సంఖ్య అధికంగా ఉన్నా.. మొత్తం ఆదాయంలో ఉచిత ప్రయాణం ద్వారా 47శాతం మాత్రమే ఆదాయం వచ్చింది. ● టికెట్‌ ప్రయాణికుల ద్వారా 53 శాతం ఆదాయం వచ్చింది.టికెట్‌ ఆదాయమే ఎక్కువ.. 62.5 శాతం ఉచిత ప్రయాణికుల ద్వారా 47 శాతం ఆదాయం రాగా, 37.5 శాతం టికెట్‌ ప్రయాణికుల ద్వారా 53 శాతం ఆదాయం వచ్చింది. పల్లెవెలుగు, ఎక్స్‌ప్రెస్‌ బస్సుల్లోనే మహిళలకు ఉచిత ప్రయాణ సౌకర్యం కల్పించారు. డీలక్స్‌, సూపర్‌ లగ్జరీ, ఏసీ బస్సులతో పోలిస్తే ఈ బస్సుల్లో చార్జీలు తక్కువగా ఉంటాయి. దీంతో ప్రయాణికుల సంఖ్య అధికంగా కనిపించినా ఆదాయం ఆ మేరకు కనిపించలేదు. డీలక్స్‌, సూపర్‌ లగ్జరీ, ఏసీ బస్సుల్లో చార్జీలు అధికంగా ఉంటున్నందున ప్రయాణికుల సంఖ్య తక్కువ కనిపించినా ఆదాయం అధికంగా ఉంటుంది.

రఘునాథపల్లి/చిల్పూరు: ప్రభుత్వం అమలు చేయనున్న సంక్షేమ పథకాలు అర్హులైన ప్రతీఒక్కరికి లబ్ధి చేకూర్చడం జరుగుతుందని ఉమ్మడి జిల్లా ప్రత్యేకాధికారి వినయ్‌కృష్ణారెడ్డి అన్నారు. మంగళవారం రఘునాథపల్లి మండలంలోని గోవర్ధనగిరి, చిల్పూరు మండలంలోని వంగాలపల్లిలో జరిగిన ప్రజాపాలన గ్రామసభలో ఆయన పాల్గొని మాట్లాడారు. ఈ నెల 26 నుంచి రైతు భరోసా, ఇందిరమ్మ ఆత్మీయ భరోసా, రేషన్‌కార్డులు, ఇందిరమ్మ ఇళ్ల పథకాలు అమలు కానున్నాయన్నారు. అర్హులను క్షేత్రస్థాయి పరిశీలన జరిపి లబ్ధిదారుల ముసాయిదా జాబితా రూపొందించామన్నారు. పేర్లు లేని వారు ఆందోళనకు గురికావొద్దని, గ్రామసభలో దరఖాస్తులు చేసుకోవాలన్నారు. అదనపు కలెక్టర్‌ రోహిత్‌సింగ్‌, జిల్లా పంచాయతీ అధికారి సరిత, మండల ప్రత్యేకాధికారి మాధవీలత, తహసీల్ధార్‌ సరస్వతి, జనగామ రూరల్‌ సీఐ శ్రీనివాస్‌రెడ్డి, ఎస్సై నరేష్‌, క్లస్టర్‌ అధికారి రఘునందన్‌రెడ్డి, ఏఈఓ వినోద్‌కుమార్‌, తదితరులు పాల్గొన్నారు. ఉమ్మడి జిల్లా ప్రత్యేకాధికారి వినయ్‌కృష్ణారెడ్డి

జనగామ రూరల్‌: ఈ ఏడాది టెన్త్‌ ఫలితాల్లో వందశాతం ఉత్తీర్ణత సాధించే దిశగా ప్రత్యేక దృష్టి సారించాలని కలెక్టర్‌ రిజ్వాన్‌ బాషా అన్నారు. మంగళవారం కలెక్టర్‌ కార్యాలయంలో ఎంఈఓలు, ప్రధానోపాధ్యాయులతో సమీక్ష సమావేశాన్ని నిర్వహించారు. ఈ సందర్భంగా కలెక్టర్‌ మాట్లాడుతూ విజయోస్తు కార్యక్రమంలో భాగంగా స్టడీ అవర్స్‌లో అన్ని సబ్జెక్టులపై పూర్తిస్థాయిలో విద్యార్థులచే సాధన చేయించాలన్నారు. వసతి గృహాల్లోని వార్డెన్‌లు విద్యార్థులపై ప్రత్యేక శ్రద్ధ తీసుకోవాలని సూచించారు. ఫిబ్రవరి 3న అన్ని ప్రభుత్వ పాఠశాలల పదవ తరగతి విద్యార్థులకు మాక్‌ టెస్ట్‌ నిర్వహిస్తామన్నారు. అలాగే ప్రజ్ఞోత్సవ కార్యక్రమంలో భాగంగా ఒకటో తరగతి నుంచి 5వ తరగతి వరకు చదువుతున్న విద్యార్థులకు మండల స్థాయిలో నృత్య మేళా, వ్యాస రచన, తదితర కార్యక్రమాలను విజయవంతం చేయాలని సూచించారు. ఈ సమావేశంలో జిల్లా విద్యాశాఖ అధికారి రమేశ్‌, జీసీడీఓ గౌసియా బేగం, పాఠశాలల ప్రిన్సిపాల్స్‌, ఎంఈఓలు, హెచ్‌ఎంలు తదితరులు పాల్గొన్నారు. లబ్ధిదారుల ఎంపిక నిరంతర ప్రక్రియ లబ్ధిదారుల ఎంపిక నిరంతరం ప్రక్రియ అని కలెక్టర్‌ రిజ్వాన్‌ బాషా అన్నారు. మంగళవారం మండలంలోని శామీర్‌పేటలో ప్రజాపాలన గ్రామసభకు ఆయన ముఖ్యఅతిథిగా హాజరై మాట్లాడారు. ఈ నెల 26న రైతు భరోసా, ఇందిరమ్మ ఆత్మీయ భరో సా, రేషన్‌ కార్డులు, ఇందిరమ్మ ఇళ్ల వంటి నాలుగు సంక్షేమ పథకాలను అమలు చేయనున్న నేపథ్యంలో ప్రజాపాలన గ్రామసభలను ఏర్పాటు చేశామ న్నారు. ఈ కార్యక్రమంలో మార్కెట్‌ కమిటీ చైర్మన్‌ బనుక శివరాజ్‌, ఎంపీడీఓ రామకృష్ణ, ఎంపీడీఓ సంపత్‌ కుమార్‌, అధికారులు పాల్గొన్నారు. అపోహలు నమ్మొద్దు ప్రజలు అపోహలు నమ్మొద్దని, సంక్షేమ పథకాలకు అర్హుల ఎంపిక నిరంతర ప్రక్రియ అని ఉప ముఖ్యమంత్రి మల్లు భట్టి విక్రమార్క అన్నారు. మంగళవారం మంత్రులు ఉత్తమ్‌కుమార్‌రెడ్డి, పొన్నం ప్రభాకర్‌, పొంగులేటి శ్రీనివాసరెడ్డి, తుమ్మల నాగేశ్వరరావు, జూపల్లి కృష్ణారావు, సీఎస్‌ శాంతికుమారిలతో కలిసి గ్రామసభల నిర్వహణపై వివిధ జిల్లాల కలెక్టర్లతో వీడియో కాన్ఫరెన్స్‌ నిర్వహించారు. ఈ సందర్భంగా వారు మాట్లాడుతూ గ్రామసభల్లో ప్రదర్శించిన పథకాల అర్హుల జాబితాలో అభ్యంతరాలు ఉంటే రాతపూర్వకంగా స్వీకరించి విచారణ చేపట్టాలని, అనర్హులుగా తేలితే జాబితా నుంచి తొలగించాలని అధికారులను ఆదేశించారు. అర్హులు ఎవరైనా ఉంటే మళ్లీ దరఖాస్తులు తీసుకుంటామన్నారు. మంత్రి ఉత్తమ్‌కుమార్‌రెడ్డి మాట్లాడుతూ ప్రజాపాలన, మీసేవ కేంద్రాల్లో రేషన్‌ కార్డు కోసం వచ్చిన దరఖాస్తులు పరిశీలించి అర్హులను ఎంపిక చేయాలన్నారు. పొంగులేటి శ్రీని వాస్‌రెడ్డి మాట్లాడుతూ ఇందిరమ్మ ఇళ్ల సర్వే అనంతరం ఇళ్లు లేని దాదాపు 30 లక్షలమంది అర్హులను గుర్తించి వివరాలు జిల్లాలకు పంపామని, వీరిలో ఇంటి స్థలం ఉన్నవారిలో ప్రాధాన్యత క్రమంలో నిరుపేదలను మొదటి విడతలో ఇళ్లు మంజూరు చేయడం జరుగుతుందన్నారు. ఈ వీసీలో కలెక్టర్‌ రిజ్వాన్‌ బాషా, అదనపు కలెక్టర్లు రోహిత్‌ సింగ్‌, పింకేష్‌కుమార్‌, జిల్లా అధికారుల పాల్గొన్నారు. కలెక్టర్‌ రిజ్వాన్‌ బాషా

జనగామ: జిల్లాలో కొనసాగుతున్న గ్రామసభల్లో హెల్ప్‌డెస్క్‌లను ఏర్పాటు చేసి కొత్తగా దరఖాస్తులను స్వీకరించాలని కలెక్టర్‌ రిజ్వాన్‌ బా షా ఆదేశించారు. మంగళవారం కలెక్టర్‌ క్యాంపు కార్యాలయం నుంచి అదనపు కలెక్టర్‌ పింకేష్‌కుమార్‌, రోహిత్‌ సింగ్‌లతో కలిసి ఆర్డీఓలు, ఎస్డీసీలు, మండల ప్రత్యేక అధికారులు, ఎంపీడీఓలు, తహసీల్దార్లు, అన్ని మండల, వార్డు స్థాయి క్లస్టర్‌ అధికారులతో రైతు భరోసా, ఇందిరమ్మ ఆత్మీయ భరోసా, రేషన్‌ కార్డులు, ఇందిరమ్మ ఇళ్లకు సంబంధించి గ్రామ, వార్డుసభల నిర్వహణపై టెలికాన్ఫరెన్స్‌ ద్వారా సమీక్షించా రు. గ్రామసభల్లో హెల్ప్‌డెస్క్‌లు ఏర్పాటు చేసి కొత్త దరఖాస్తులు, అభ్యంతరాలను స్వీకరించాలని సూచించారు. టెలికాన్ఫరెన్స్‌లో జెడ్పీ సీ ఈఓ మాధురీషా, ఆర్డీఓలు గోపిరామ్‌, వెంకన్న, స్పెషల్‌ డిప్యూటీ కలెక్టర్లు సుహాసిని, హ నుమాన్‌నాయక్‌, డిప్యూటీ సీఈఓ సరిత, ము న్సిపల్‌ కమిషనర్‌ వెంకటేశ్వర్లు, డీఆర్డీఓ వసంత, డీపీఓ స్వరూప, తదితరులు ఉన్నారు.

గ్రామసభల్లో గందరగోళం.. లింగాలఘణపురం: లింగాలఘణపురం మండలంలోని పలు గ్రామాల్లో మంగళవారం జరిగిన ప్రజాపాలన గ్రామసభల్లో గందరగోళం నెలకొంది. రైతు భరోసా, ఇందిరమ్మ ఆత్మీయ భరోసా, రేషన్‌కార్డులు, ఇందిరమ్మ ఇళ్ల అర్హుల జాబితాను ఆయా గ్రామసభల్లో చదివి వినిపించే సమయంలో చాలా మంది ప్రజలు అర్హుల పేర్లు రాలేదంటూ జాబితాను చదవనీయకుండా అడ్డుకున్నారు. లింగాలఘణపురం మండల కేంద్రంలో ఉదయం 9 గంటలకు మొదలైన గ్రామసభ 11.45 నిమిషాల వరకు అడ్డుకునే ప్రయత్నం చేశారు. ఎంపీడీఓ జలేందర్‌రెడ్డి సముదాయించే ప్రయత్నం చేసినా ఎవరూ పట్టించుకోలేదు. స్థానిక సంస్థల అదనపు కలెక్టర్‌ పింకేశ్‌కుమార్‌ సభకు హాజరై మాట్లాడుతూ అర్హుల జాబితా ఎంపిక నిరంతర ప్రక్రియగా ఉంటుందని, ప్రజలు సహకరించాలని కోరారు. న్యూస్‌రీల్‌

జనగామ: రాష్ట్ర ప్రభుత్వం ప్రతిష్టాత్మకంగా అమలు చేయనున్న రైతు భరోసా, ఇందిరమ్మ ఆత్మీయ భరోసా, రేషన్‌ కార్డులు, ఇందిరమ్మ ఇల్లు లబ్ధిదారుల ఎంపికకు నిర్వహించిన గ్రామసభలు రసాభాసగా మారాయి. మంగళవారం జిల్లా వ్యాప్తంగా 90 గ్రామాల్లో ఉదయం 9 గంటలకు గ్రామసభలు ప్రారంభమయ్యాయి. కలెక్టర్‌ రిజ్వాన్‌ బాషా ఆధ్వర్యంలో అదనపు కలెక్టర్లు, జిల్లా యంత్రాంగం పట్టణ, పల్లె బాట పట్టారు. గ్రామసభలు ప్రారంభం కాగానే.. అధికారులు నాలుగు పథకాలకు సంబంధించి అర్హులు, అనర్హుల జాబితాను చదివి వినిపించడంతో ఒక్కసారిగా ఆందోళనలు వ్యక్తమయ్యాయి. జాబితాలో అనర్హులకు పెద్దపీట వేశారని మండిపడ్డారు. పోలీసులు కలుగజేసుకుని వారిని సముదాయించే ప్రయత్నం చేశారు. కలెక్టర్‌ను ప్రశ్నించిన గ్రామస్తులు.. జనగామ మండలం శామీర్‌పేట గ్రామంలో నిర్వహించిన గ్రామసభకు వచ్చిన కలెక్టర్‌ రిజ్వాన్‌ బాషాను పలువురు ప్రశ్నించారు. రేషన్‌ కార్డులు, ఇతర పథకాలు వచ్చినోళ్లకే వస్తున్నాయి... మా సంగతేంటని ఓ వ్యక్తి కలెక్టర్‌ నిలదీయగా, మరోసారి దరఖాస్తు చేసుకోవాలని చెప్పారు. అలాగే అడవికేశ్వాపూర్‌, పెంబర్తి, యశ్వంతాపూర్‌, పెద్దపహాడ్‌, తదితర గ్రామాల్లో 70శాతానికి పైగా అనర్హులకే పథకాలను వర్తింప జేస్తున్నారని, పేదలను విస్మరించారని గ్రామసభలో అధికారులను నిలదీశారు. పాలకుర్తి మండలం అయ్యంగారిపల్లిలో రూ.2లక్షల రుణమాఫీ కాలేదంటూ రైతులు ఆగ్రహం వ్యక్తం చేశారు. చిల్పూరు మండలం శ్రీపతిపల్లిలో జరిగిన గ్రామసభలో బీఆర్‌ఎస్‌ వర్సెస్‌ కాంగ్రెస్‌ మధ్య ఘర్షణ వాతావరణ నెలకొంది. స్టేషన్‌ఘన్‌పూర్‌ మండలంలోని 7 గ్రామాల్లో చిన్న పాటి గొడవలు మినహా సాపీగా సాగాయి. వంగాలపల్లి గ్రామంలో జరిగిన సభలో ఉమ్మడి జిల్లా ప్రత్యేక అధికారి వినయ్‌కృష్ణారెడ్డి పాల్గొన్నారు. జఫర్‌గఢ్‌ మండల కేంద్రంలో జరిగిన గ్రామసభకు అదనపు కలెక్టర్‌ పింకేష్‌ కుమార్‌ హాజరు కాగా, జాబితాలో తమ పేర్లు కనిపించడం లేదంటూ మండిపడ్డారు. రఘునాథపల్లి మండలంలోని 12 గ్రామాల్లో జరిగిన సభకు పోలీసు బందోబస్తు ఏర్పాటు చేశారు. అనేక గ్రామాల్లో అధికారులను ప్రజలు నిలదీశారు.తొలిరోజు గ్రామసభలు, దరఖాస్తుల వివరాలు గ్రామసభలు : 90రేషన్‌కార్డుల దరఖాస్తులు: 3,599ఇందిరమ్మ ఇళ్లకు: 3,509ఇందిరమ్మ ఆత్మీయ భరోసా: 1,529 రైతు భరోసా : 116 మొత్తం : 8,753 జిల్లాలో గందరగోళంగా గ్రామసభలు ఆందోళనలో జాబితాలో పేర్లు రానివారు ఇది నిరంతర ప్రక్రియ ఉమ్మడి వరంగల్‌ జిల్లా ప్రత్యేక అధికారి వినయ్‌ కృష్ణారెడ్డి గ్రామసభల్లో హెల్ప్‌డెస్క్‌లు ఏర్పాటు చేయాలి కలెక్టర్‌ రిజ్వాన్‌ బాషా

డిపో ఉచితం ఆదాయం టికెట్‌ ప్రయాణం ఆదాయం హనుమకొండ 5.58 192.92 2.56 173.95 వరంగల్‌–1 2.63 112.33 1.97 294.64 వరంగల్‌–2 2.27 127.76 2.65 388,74 పరకాల 2.98 125.93 1.82 93.21 భూపాలపల్లి 3.22 164.95 1.66 138.83 జనగామ 4.24 214.72 2.23 144.58 మహబూబాబాద్‌ 3.00 136.29 1.46 73.09 నర్సంపేట 3.70 162.03 2.14 134.13 తొర్రూరు 2.78 192.70 1.75 159.21

వరంగల్‌ జిల్లా సహకార కేంద్ర బ్యాంకు భవన లీజ్‌ అంశంపై సందిగ్ధం వీడడం లేదు. ఈ అంశం హైకోర్టులో విచారణ ఉండటంతో యథాస్థితిని కొనసాగుతోంది. – 8లోuఈ ఫొటోలో కనిపిస్తున్న వ్యక్తి లింగాలఘణపురం మండల కేంద్రానికి చెందిన ఓడపల్లి రమేశ్‌. ఈయనకు భార్య, ఇద్దరు పిల్లలు. టైలరింగ్‌ చేసుకుంటూ కుటుంబాన్ని పోషించుకుంటున్నాడు. సొంత ఇల్లు లేక అద్దె ఇంట్లో ఉంటున్నారు. ఇల్లు కోసం ఖాళీ స్థలం కొనుక్కొని ఇటీవల ప్రజాపాలనలో దరఖాస్తు చేసుకున్నాడు. స్థలం వద్ద ఫొటో కూడా దింపారు. కానీ గ్రామసభలో ఇందిరమ్మ ఇళ్ల జాబితాలో పేరు రాలేదు. ఎందుకు రాలేదని అడిగితే మళ్లీ దరఖాస్తు చేసుకోవాలని చెబుతున్నారు. ఇలా జిల్లాలో చాలా మంది అర్హుల పేర్లు రాకపోవడంతో ఆందోళన చెందుతున్నారు.

14.29 కోట్లు48.64 లక్షలు18.25 లక్షలు16 కోట్లురీజియన్‌లో ఇలా..మహాలక్ష్మి పథకం ప్రయాణికులునడిచిన సర్వీసులు660 46.73 లక్షలుతిరిగిన కిలో మీటర్లు ఆదాయం ప్రయాణికుల చేరవేతటికెట్‌ ప్రయాణికులు ఆదాయం

జనగామ రూరల్‌ : సంక్షేమ పథకాల అమలుకు గ్రామ, వార్డు సభలను పకడ్బందీగా నిర్వహించాల ని కలెక్టర్‌ షేక్‌ రిజ్వాన్‌ బాషా అన్నారు. సోమవారం కలెక్టర్‌ క్యాంపు కార్యాలయం నుంచి అదనపు కలెక్ట ర్లు పింకేష్‌కుమార్‌, రోహిత్‌సింగ్‌, డీసీపీ రాజమహేంద్రనాయక్‌తో కలిసి గ్రామ, వార్డు సభల నిర్వహణపై నిర్వహించిన జూమ్‌ మీట్‌లో మాట్లాడారు. రాష్ట్ర ప్రభుత్వం రైతు భరోసా, ఇందిరమ్మ ఆత్మీయ భరోసా, కొత్త ఆహార భద్రత కార్డులు(రేషన్‌ కార్డులు), ఇందిరమ్మ ఇళ్ల పథకాలను ఈనెల 26 నుంచి అమలు చేయనున్న నేపథ్యంలో 21 నుంచి 24వ తేదీ వరకు గ్రామ సభలు నిర్వహించాలన్నారు. హాజరయ్యే ప్రజల కోసం అవసరమైన మౌలిక వసతులు కల్పించాలని చెప్పారు. సభ ప్రారంభానికి ముందు ప్రభుత్వం జారీ చేసిన సందేశాన్ని తప్పనిసరి చదివి వినిపించాలన్నారు. హెల్ప్‌ డెస్క్‌లు ఏర్పాటు చేసి కొత్త దరఖాస్తులు, సర్వే పరిశీలన అభ్యంతరాలను స్వీకరించాలని తెలిపారు. పథకా లకు సంబంధించిన జాబితాలు ప్రదర్శించాలని సూచించారు. లబ్ధిదారుల ఎంపిక నిరంతరం కొనసాగుతుందని వివరించారు. సమావేశంలో జెడ్పీ సీఈ ఓ మాధురీషా, ఆర్డీఓలు గోపీరాం, వెంకన్న, స్పెషల్‌ డిప్యూటీ కలెక్టర్లు సుహాసిని, హనుమాన్‌ నాయక్‌, డిప్యూటీ సీఈఓ సరిత, మున్సిపల్‌ కమిషనర్‌ వెంకటేశ్వర్లు, డీఆర్డీఓ వసంత, డీపీఓ స్వరూప, ప్రత్యేక అధికారులు పాల్గొన్నారు. అర్హులందరికీ సంక్షేమ పథకాలు జనగామ: అర్హులకు సంక్షేమ పథకాలను అందించడమే ప్రభుత్వ ధ్యేయమని కలెక్టర్‌ షేక్‌ రిజ్వాన్‌ బాషా అన్నారు. అర్హుల గుర్తింపు కోసం చేపట్టిన సర్వే చివరి రోజు సోమవారం పట్టణంలోని 19వ వార్డులో రేషన్‌ కార్డుల ప్రక్రియను ఆయన పరిశీలించారు. కలెక్టర్‌ వెంట స్పెషల్‌ డిప్యూటీ కలెక్టర్‌ సుహాసిని, మునిసిపల్‌ కమిషనర్‌ వెంకటేశ్వర్లు, ఆయా శాఖల అధికారులు ఉన్నారు. హెల్ప్‌ డెస్క్‌లు ఏర్పాటు చేసి కొత్త దరఖాస్తులు స్వీకరించాలి కలెక్టర్‌ షేక్‌ రిజ్వాన్‌ బాషా ముగిసిన ఇంటింటి సర్వే.. జనగామ: రైతు భరోసా, ఇందిరమ్మ ఆత్మీయ భరోసా, రేషన్‌ కార్డుల జారీ, ఇందిరమ్మ ఇళ్ల పథకాల అమలులో భాగంగా ఈనెల 16 నుంచి ప్రారంభమైన ఇంటింటి సర్వే సోమవారం ముగిసింది. పంటల సాగుకు పనికిరాని 6,395 సబ్‌ డివిజన్ల(సర్వే నంబర్లు బైతో సహా) పరిధిలో 5,696 ఎకరాల భూమిని గుర్తించారు. కొత్త రేషన్‌ కార్డుల జారీ ప్రక్రియకు 9,986 దరఖాస్తులను పరిశీలించారు. కార్డులో కుటుంబ సభ్యులను చేర్చేందుకు 10,877(16,660 మంది సభ్యులు) వచ్చిన దరఖాస్తుల వెరిఫికేషన్‌ వందశాతం పూర్తి చేశారు. ఇందిరమ్మ ఇళ్ల కోసం రూరల్‌ పరిధిలో 1,33,345, అర్బన్‌లో 9,824 మొత్తం 1,43,187 అప్లికేషన్లకు సంబంధించి అర్హత వివరాలు సేకరించారు. అలాగే ఇందిర మ్మ ఆత్మీయ భరోసాకు సంబంధించి అర్హుల జాబితాను సిద్ధం చేస్తున్నారు. నేటి(మంగళవారం) నుంచి 24 వరకు అర్హుల జాబితా ఎంపి క కోసం పట్టణ, గ్రామాల్లో గ్రామ సభలు నిర్వహించేందుకు అన్ని ఏర్పాట్లు చేశారు.

దేవరుప్పుల : యక్షగాన కళాకారులకు పూర్వవైభ వం తెస్తాం.. కళలకు జీవం పోసేలా ప్రభుత్వ పరంగా ఆదుకుంటామని పాలకుర్తి ఎమ్మెల్యే యశస్విని రెడ్డి అన్నారు. సోమవారం రాత్రి చిన్నమడూరులో తెలంగాణ భాషా సాంస్కృతిక శాఖ సౌజన్యంతో నిర్వహించిన గడ్డం సోమరాజు కళాక్షేత్రం రెండో వార్షికోత్సవ సభలో ఆమె మాట్లాడారు. నియోజకవర్గంలో నిలువనీడ లేని చింధు యక్షగాన కళాకారు ల కుటుంబాలకు తొలి ప్రాధాన్యతగా ఇందిరమ్మ ఇళ్లు, రేషన్‌కార్డులు మంజూరు చేయిస్తానని హామీ ఇచ్చారు. ఈ సందర్భంగా జిల్లా నలుమూల నుంచి వచ్చిన చిందు యక్షాన, ఒగ్గు, కోలాటం, డప్పు తదితర కళాకారుల ప్రదర్శనలు తిలకించి అభినందించారు. పద్మశ్రీ పురస్కార గ్రహీత గడ్డం సమ్మ య్య, ఉద్యమ కళాకారుడు గజవెల్లి ప్రతాప్‌, కళాక్షేత్రం వ్యవస్థాపకుడు గడ్డం సోమరాజు, కాంగ్రెస్‌ పార్టీ మండల మాజీ అధ్యక్షుడు ఉప్పల సురేష్‌బా బు, వీరారెడ్డి సోమశేఖర్‌రెడ్డి, వంగ కళమ్మ, దశర థ, నరేష్‌, రామచంద్రునాయక్‌, మాలతి, గడ్డం శేషాద్రి, శ్రీపతి, చంద్రమోహన్‌ పాల్గొన్నారు. పాలకుర్తి ఎమ్మెల్యే యశస్వినిరెడ్డి

జనగామ: ప్రైవేట్‌ ఆస్పత్రుల యాజమాన్యాలు నిబంధనలు పాటించాలని డీఎంహెచ్‌ఓ డాక్టర్‌ మల్లికార్జున్‌రావు అన్నారు. సోమవారం పట్టణంలోని చందన పిల్లల ఆస్పత్రిని ఆకస్మికంగా సందర్శించిన ఆయన వైద్యారోగ్య శాఖ నిబంధనలు, రోగులకు అందిస్తున్న సేవలను పరిశీలించారు. ఆస్పత్రుల్లో బయోమెడికల్‌ మేనేజ్‌మెంట్‌ ఒప్పందంతోపాటు పొల్యూషన్‌ కంట్రోల్‌ బోర్డు, అగ్నిమాపక శాఖ అనుమతలు అప్పనిసరి అని పేర్కొన్నా రు. ఆస్పత్రి అనుమతి పత్రాన్ని అందరికీ కనిపించేలా ప్రదర్శించాలని, అలాగే పనిచేస్తున్న వైద్యులు, పారామెడికల్‌ సిబ్బంది పేర్ల డిస్‌ప్లేతోపాటు ప్రతి చోట హెల్ప్‌డెస్క్‌ ఉండాలని స్పష్టం చేశారు. విధుల్లో ఉన్న వైద్య సిబ్బంది యూనిఫాం కోడ్‌ పాటించాలని తెలిపారు. రోగులకు మర్యాదతో కూడిన వైద్యసేవలు అందించాలని, నిబంధనల విషయంలో నిర్లక్ష్యం వహిస్తే చర్యలు కఠినంగా ఉంటాయన్నారు. అక్కడి నుంచి బస్తీ దవాఖానకు చేరుకుని వైద్యులు, సిబ్బందికి సూచనలు ఇచ్చారు. డీఎంహెచ్‌ఓ మల్లికార్జునరావు

జనగామ రూరల్‌: చట్టాలపై ప్రతిఒక్కరికీ అవగాహ న అవసరమని సీనియర్‌ సివిల్‌ జడ్జి సి.విక్రమ్‌ అన్నారు. సోమవారం జిల్లా న్యాయ సేవాధికార సంస్థ ఆధ్వర్యాన కోమటిరెడ్డి సుశీలమ్మ రుద్రమదేవి ఓల్డేజ్‌ హోంను సందర్శించిన ఆయన సీనియ ర్‌ సిటిజన్లకు చట్టాలపై అవగాహన కల్పించారు. వారి మంచి చెడులు అడిగి తెలుసుకున్నారు. ఈ సందర్భంగా మాట్లాడుతూ.. ఏమైనా న్యాయపరమైన సమస్యలు ఉంటే కాగితంపై రాసి జిల్లా న్యాయ సేవాధికార సంస్థకు అందజేస్తే తగిన చర్యలు తీసుకుంటామని చెప్పారు. అనంతరం వయోవృద్ధులకు పండ్లు పంపిణీ చేశారు. కార్యక్రమంలో వృద్ధాశ్రమ ప్రెసిడెంట్‌ లక్ష్మణ్‌, లీగల్‌ ఎయిడ్‌ డిఫెన్స్‌ కౌన్సిల్‌ చీఫ్‌ రవీంద్ర, పారా లీగల్‌ వలంటీ ర్లు శేఖర్‌, భీమయ్య తదితరులు పాల్గొన్నారు. సీనియర్‌ సివిల్‌ జడ్జి విక్రమ్‌

జనగామ: కాంగ్రెస్‌ ప్రభుత్వ పాలనలో ప్రజలు మోసపోయి గోసపడుతున్నరని ఎమ్మెల్యే పల్లా రాజేశ్వర్‌రెడ్డి అన్నారు. సోమవారం యశ్వంతాపూర్‌లోని బీఆర్‌ఎస్‌ పార్టీ జిల్లా కార్యాలయంలో బచ్చన్నపేట, జనగామ మండలాల ముఖ్య నాయకులు, కార్యకర్తలతో ఏర్పాటు చేసిన సమావేశంలో ఆయ న మాట్లాడారు. ఎన్నికల సమయంలో ఇచ్చిన హామీలను నెరవేర్చకుండా కాలయాపన చేస్తున్న కాంగ్రెస్‌ సర్కారు ద్వంద్వ విధానాలను ఎండగట్టాలన్నారు. రాష్ట్రంలో మళ్లీ పాత రోజులు వచ్చాయని, పేద కుటుంబాలు వలసపోయే పరిస్థితి నెలకొందన్నారు. రేషన్‌ కార్డుల పేరుతో పాలకులు ప్రజలను ఆగం చేస్తున్నారని, ప్రజాపాలనలో 80 లక్షల మంది దరఖాస్తు చేసుకుంటే పది శాతం పేర్లు సర్వేలో కనిపించడం లేదన్నారు. బీఆర్‌ఎస్‌ ప్రశ్నించడం వల్లే రేషన్‌ కార్డుల జారీ ప్రక్రియ నిరంతరంగా కొనసాగిస్తామని ప్రకటించినట్లు పేర్కొన్నారు. అర్హులందరికీ రేషన్‌ కార్డులు ఇవ్వని పక్షంలో గ్రామసభల్లోనే నిలదీస్తామని హెచ్చరించారు. రానున్న స్థానిక సంస్థల ఎన్నికల్లో బీఆర్‌ఎస్‌ అభ్యర్థుల గెలుపునకు కృషి చేసి పార్టీని మరింత బలోపేతం చేయాలని కోరారు. సమావేశంలో మున్సిపల్‌ చైర్‌పర్సన్‌ పి.జమునలింగయ్య, ఫ్లోర్‌లీడర్‌ గాడిపెల్లి ప్రేమలతారెడ్డి, మాజీ ఎంపీపీ మేకల కలింగరాజు, రైతు సమన్వయ సమితి జిల్లా మాజీ అధ్యక్షుడు ఇర్రి రమణారెడ్డి, గంగం సతీష్‌రెడ్డి, బావడ్ల కృష్ణంరాజు, మద్దికుంట రాధ, రావెల రవి, పేర్ని స్వరూప, బాల్దె కమలమ్మ, పాక రమ, వాంకుడోతు అనిత, ప్రవీణ్‌, నర్సింగ్‌, రాజు పాల్గొన్నారు. ఎమ్మెల్యే పల్లా రాజేశ్వర్‌రెడ్డి

చిల్పూరు: చిన్నపెండ్యాల సమీప శ్రీ రేణుకా ఎల్లమ్మ ఆలయానికి గ్రామానికి చెందిన దాతలు రూ.1.70 లక్షల విలువైన వెండి కిరీటాన్ని సోమవారం బహూకరించారు. ఈ మేరకు తాళ్లపల్లి చిన్నరామస్వామి–సౌందర్య దంపతుల కూతరు–అల్లుడు గుండెబోయిన రమేష్‌–మమత ఎల్లమ్మ ఆలయంలో ప్రత్యేక పూజల అనంతరం వెండి కిరీటాన్ని అర్చకులు కర్ణాకర్‌శర్మకు అందజేశారు. స్లాట్‌ బుక్‌ చేసుకోండి జనగామ రూరల్‌: జిల్లాలోని దివ్యాంగులు సదరం క్యాంపులో పాల్గొనేందుకు మీసేవా ద్వారా స్లాట్‌ బుక్‌ చేసుకోవాలని జిల్లా గ్రామీ ణాభివృద్ధి అధికారి ఎన్‌.వసంత ఒక ప్రకటనలో తెలిపారు. కొత్త వారికి నిరంతరం, రెన్యూవల్‌ చేసుకునే వారు ఈనెల 21న ఉదయం 11.30 గంటలకు స్లాట్‌ బుక్‌ చేసుకోవచ్చని పేర్కొన్నా రు. 24న రెన్యువల్స్‌ క్యాంపులో దృష్టి లోపం, వినికిడి లోపం, 28, 30 తేదీల్లో ఆర్థో పెడిక్‌, 29న మానసిక దివ్యాంగులకు అవకాశం ఉందన్నారు. కొత్తగా స్లాట్‌ బుక్‌ చేసుకుని వెయిటింగ్‌ లిస్ట్‌లో ఉన్న వారిలో అర్హుల ఫోన్‌ నంబర్‌కు మెసేజ్‌ వస్తుందనీ.. ఆయా తేదీల్లో మీసేవా రశీదు, డాక్టర్‌ రిపోర్ట్‌లు, ఆధార్‌కార్లు, ఫొటోలు, ఎక్స్‌రేతో జిల్లా ప్రభుత్వ జనరల్‌ ఆస్పత్రి లోని సదరం క్యాంపునకు హాజరుకావాలన్నా రు. సదరంలో ఒకసారి తిరస్కారానికి గురైన వారి వివరాలు ఐ.డి. సాఫ్ట్‌వేర్‌లో తొలగిస్తారని, ప్రస్తుతం వాస్తవ దివ్యాంగులు అపిలేట్‌ మేరకు జిల్లా ఆస్పత్రిలోని మెడికల్‌ బోర్డ్‌కు దరఖాస్తు చేసుకోవాలన్నారు. మరిన్ని వివరాలకు 80082 02287, 98664 60830 నంబర్లలో సంప్రదించాలని సూచించారు. ధర్మాచరణతో మోక్షం జనగామ: మానవ జన్మలో ధర్మాచరనతో మోక్షం ప్రాప్తిస్తుందని బ్రహ్మశ్రీ పురాణం మహేశ్వర శర్మ పేర్కొన్నారు. స్థానిక హెడ్‌ పోస్టాఫీసు ఏరియా శ్రీ సంతోషిమాత ఆలయంలో సోమవారం అష్టాదశ పురాణాల్లో భాగంగా ఆలయ ప్రధాన అర్చకులు శ్రీనివాసశర్మ ఆధ్వర్యాన శ్రీ స్కాంద మహా పురాణ ప్రవచనం నిర్వహించారు. ఈ సందర్భంగా గణపతికి ఇష్టమైన చతుర్థి తిథి రోజు న పాటించాల్సిన, దేవాలయంలో ఆచరించే సూక్ష్మ నియమాలతో పొందే ఫలితాలు, తదితర విషయాలను మహేశ్వర శర్మ భక్తులకు వివరించారు. ఈనెల 26వ తేదీ వరకు జరిగే ప్రవచన కార్యక్రమానికి భక్తులు తరలిరావాలని కోరారు. కార్యక్రమంలో భక్తులు రంగ నర్సింగారావు, కొమురయ్య తదితరులు ఉన్నారు. హౌసింగ్‌ బోర్డు కాలనీకి మురుగు నీరు సరఫరా జనగామ: పట్టణ పరిధి హౌసింగ్‌ బోర్డు కాలనీకి కొంత కాలంగా మురుగు నీరు సరఫరా అవుతోంది. ఈ విషయమై అధికారులు పట్టించుకోకపోవడంతో ప్రజలు ఆగ్రహం వ్యక్తం చేస్తున్నారు. నీరు సరఫరా చేసే పైపులైన్లు లీకేజీ అవుతూ.. డ్రెయినేజీ వాటర్‌ అందులో కలుస్తోందని మున్సిపల్‌ అధికారులు స్పందించి పైపులైన్లకు మరమ్మత్తు చేపట్టిన శుద్ధి చేసిన వాటర్‌ సరఫరా చేయాలని కోరారు. రాజ్యాంగ ఫలాలు అందరికీ అందాలి జనగామ రూరల్‌: రాజ్యాంగ ఫలాలు ప్రతీ ఒక్కరికి అందాలి.. రాష్ట్ర ప్రభుత్వం పథకాల అమలులో పేద ప్రజలకు మొండి చేయి చూపిందని బీజేపీ రాష్ట్ర ప్రధాన కార్యదర్శి గుజ్జుల ప్రేమేందర్‌రెడ్డి అన్నారు. సోమవారం ‘సంవిదా న్‌ గౌరవ్‌ అభియాన్‌’ కార్యక్రమంలో భాగంగా పట్టణంలోని పార్టీ కార్యాలయంలో జిల్లా అధ్యక్షుడు ఆరుట్ల దశమంతరెడ్డి ఆధ్వర్యాన ఏర్పా టు చేసిన సమావేశంలో ఆయన మాట్లాడారు. కాంగ్రెస్‌ ప్రభుత్వం అనేక మార్లు రాజ్యాంగాన్ని మార్చుతూ పేదలకు రాజ్యాంగ ఫలాలు అందకుండా చేసిందని విమర్శించిన ఆయన.. మోదీ సర్కారు రాజ్యాంగాన్ని గౌరవిస్తుందని, ఇందు కు రాష్ట్రపతి పదవి దళితులకు ఇచ్చి గౌరవించ మే నిదర్శనమన్నారు. ఈనెల 22, 23 తేదీల్లో ఎస్సీ, ఎస్టీ బస్తీలలో సమావేశాలు ఏర్పాటు చేసి కేంద్ర పథకాల అమలుపై విస్తృత ప్రచారం చేయాలని కోరారు. రాష్ట్ర నాయకులు ఉడుగుల రమేష్‌, సౌడ రమేష్‌, పట్టణ అధ్యక్షుడు అనిల్‌ గౌడ్‌ తదితరులు పాల్గొన్నారు.

అమృత్‌ 2.0 స్కీంలో పైలెట్‌ ప్రాజెక్టు కింద జనగామ ● పట్టణ విస్తీర్ణం 19.31 స్క్వేర్‌ కిలోమీటర్లు ● సర్వేను ప్రారంభించిన కలెక్టర్‌ రిజ్వాన్‌ బాషా ● 1990 మాస్టర్‌ ప్లాన్‌.. 2019 రివైజ్డ్‌ వివరాలతో సర్వే ఆఫ్‌ ఇండియా బేస్‌ మ్యాప్‌జనగామ: రాష్ట్రాలు, నగరాలను మాస్టర్‌ ప్లాన్‌ ప్రకారం అభివృద్ధి చేయడానికి కేంద్రం అమృత్‌ 2.0 పథకానికి శ్రీకారం చుట్టింది. జీఐఎస్‌(జియోగ్రా ఫికల్‌ ఇన్ఫర్మెషన్‌ సిస్టం–రివైజ్డ్‌/కొత్త) ఆధారంగా మాస్టర్‌ ప్లాన్‌ రూపకల్పనకు దేశ వ్యాప్తంగా 20 మున్సిపాలిటీలను పైలెట్‌ ప్రాజెక్టు కింద ఎంపిక చేయగా.. అందులో జనగామ మున్సిపాలిటీ ఉంది. సర్వే ఆఫ్‌ ఇండియా ఆధ్వర్యాన 1990 సంవత్సరం చేపట్టిన మాస్టర్‌ ప్లాన్‌తో పాటు 2019లో రివైజ్డ్‌ చేసిన సమాచారం ఆధారంగా ప్రస్తుత పరిస్థితులను పరిగణలోకి తీసుకుని సర్వే మొదలు పెట్టారు. జిల్లా కేంద్రం ధర్మకంచ మినీ స్టేడియంలో కలెక్టర్‌ షేక్‌ రిజ్వాన్‌ బాషా జీఐఎస్‌ సర్వేను ప్రారంభించారు. 19.31 స్క్వేర్‌ కిలోమీటర్లు యశ్వంతాపూర్‌, చీటకోడూరు, శామీర్‌పేట ప్రాంతాల శివారు సర్వే నంబర్లు విలీనం చేయగా జిల్లా కేంద్రం 19.31 స్క్వేర్‌ కిలోమీటర్ల పరిధికి విస్తరించింది. 2011 జనాభా లెక్కల ప్రకారం పట్టణ జనాభా 57వేలు ఉండగా ప్రస్తుతం 85వేలకు చేరింది. జనగామ మున్సిపాలిటీకి 1990లో మాస్టర్‌ ప్లాన్‌ తయారు చేయగా.. 2010లో రివైజ్‌ చేయాల్సి ఉంది. అయితే 2019లో (2041 వరకు) పట్టణ అభివృద్ధి, కనీస మౌలిక వసతి సౌకర్యాలు, ఇండస్ట్రియల్‌, రహదారుల విస్తరణ, రింగురోడ్ల నిర్మాణం తదితర అంశాలకు సంబంధించిన మాస్టర్‌ ప్లాన్‌ సర్వేను పట్టాలెక్కించారు. కరోనా ఎఫెక్ట్‌తో ఆ ప్రక్రియకు బ్రేక్‌ పడగా.. ప్రస్తుతం మోక్షం లభించింది. అమృత్‌ 2.0 స్కీంలో పైలెట్‌ ప్రాజెక్టు కింద జనగా మ మున్సిపాలిటీ ఎంపిక కాగా.. సర్వే ఆఫ్‌ ఇండి యా సర్వేయర్‌ బి.గోపాల్‌రావు నేతృత్వాన జీఐఎస్‌ ఆధారిత మాస్టర్‌ ప్లాన్‌ తయారీకి డిజిటల్‌ సర్వే చేపట్టారు. పూర్తి స్థాయి మాస్టర్‌ ప్లాన్‌కు డిజిటల్‌ ద్వారా చేపట్టిన బేస్‌ మ్యాప్‌ ఉపయోగపడుతుంది. సర్వే ప్రక్రియ ఇలా..జనగామ పట్టణానికి సంబంధించిన రెవెన్యూ, ఇరిగేషన్‌, మున్సిపాలిటీ, వ్యవసాయ తదితర విభాగాల సమాచారాన్ని సర్వే ఆఫ్‌ ఇండియా తీసుకుంది. జీఐఎస్‌ సర్వే కోసం 30 వార్డుల పరిధిలో 30 నుంచి 40 పాయింట్లు(గ్రౌండ్‌ చెకింగ్‌ పాయింట్లు) గుర్తించారు. ముందస్తుగా గుర్తించిన గ్రౌండ్‌ చెకింగ్‌ పాయింట్‌ నుంచి డ్రోన్‌ను పంపిస్తారు. డ్రోన్‌ ఒక్కసారి ఎగిరితే సుమారు 45 నుంచి 59 నిమిషాల పాటు త్రీడీ సిస్టంలో ముందుగా గుర్తించిన ప్రదేశంలో 1.8 సెకన్లకు ఒక ఫొటో చొప్పున 600 ఎకరాల భూమికి సంబంధించిన 3,200 ఫొటోలను క్యాప్చరింగ్‌ చేస్తుంది. డ్రోన్‌ 120 మీటర్ల ఫ్రీక్వెన్సీ ఎత్తులో మాత్రమే ప్రయాణం చేస్తుంది. వాతావరణ మార్పులు, ఈదురు గాలులు సంభవించిన సమయంలో గ్రౌండ్‌ చెక్‌ పాయింట్‌ వద్ద ఉన్న కంట్రోల్‌ రూంకు సంకేతాలు అందించిన వెంట నే.. దానిని వెనక్కి రప్పిస్తారు. పది రోజుల పాటు జీఐఎస్‌ సర్వే పూర్తి చేసి.. రెండు నెలల్లో హైదరాబాద్‌ సర్వే ఆఫ్‌ ఇండియాకు నివేదిక పంపిస్తారు. శాటిలైట్‌ ద్వారా అక్యురేట్‌గా తీసిన ఫొటోలు, తదితర వివరాలతో కూడిన హార్డు కాపీలు, మాస్టర్‌ ప్లాన్‌ కాపీలను జనగామ మున్సిపల్‌కు పంపిస్తారు. 2019 నాటి రివైజ్డ్‌ మాస్టర్‌ ప్లాన్‌ ఆధారంగా ప్రస్తుత జీఐఎస్‌ సర్వేను జోడించి పురపాలిక భవిష్యత్‌కు పునాది వేయనున్నారు. జనగామ మాస్టర్‌ ప్లాన్‌ పట్టణ అభివృద్ధికి మరింత దోహదపడనుంది. డ్రోన్‌ సర్వే నేపథ్యంలో సీఐ దామోదర్‌రెడ్డి, పోలీసులు బందోబస్తు చేపట్టారు.

– 8లోuన్యూస్‌రీల్‌సమస్యల‘పాలిక’జనగామ పురపాలిక పరిధిలో సమస్యలు ప్రజలను పట్టిపీడిస్తున్నాయి. గుంతలమయమైన రోడ్లు.. రహదారుల పక్కనే ప్రమాదకరంగా విద్యుత్‌ ట్రాన్స్‌ ఫార్మర్లు.. వీటికితోడు మౌలిక వసతులు లేక ఇబ్బందులు పడుతున్నారు. కోతులు, కుక్కలు, దోమల బెడద అధికమైంది. అధికారుల దృష్టికి తీసుకెళ్లినా సమస్యలు పరిష్కారానికి నోచుకోవడం లేదని జనం మండిపడుతున్నారు. – జనగామ

ఓవరాల్‌ చాంపియన్‌ వరంగల్‌ క్రైం: వరంగల్‌ పోలీస్‌ కమిషనరేట్‌ పరిధి పోలీసులకు మూడు రోజులుగా నిర్వహిస్తున్న పోలీస్‌ క్రీడలు ఆదివారం ముగిశాయి. వార్షిక్‌ స్పోర్ట్స్‌ అండ్‌ గేమ్స్‌ మీట్‌ 2025లో సిటీ ఆర్ముడ్‌ రిజర్వ్‌ విభాగం 125 పతకాలు గెలుచుకుని ఓవరాల్‌ చాంపియన్‌ షిప్‌ సాధించింది. ఈస్ట్‌జోన్‌ 51, సెంట్రల్‌ జోన్‌ 50, వెస్ట్‌జోన్‌ 19, ఇతర విభాగాల జట్లు 21 పతకాలను గెలుచుకున్నారు. ఈ సందర్భంగా వరంగల్‌ పోలీస్‌ కమిషనర్‌ జట్టు, డీసీపీ అధికారుల జట్లకు టగ్‌ ఆఫ్‌ వార్‌ పోటీ నిర్వహించగా సీపీ జట్టు గెలుపొందింది. అనంతరం విజేతలకు సీపీ అంబర్‌ కిశోర్‌ఝూ చేతుల మీదుగా బహుమతులు ప్రదానం చేశారు. ఈ సందర్భంగా సీపీ మాట్లాడుతూ నిరంతరం విధినిర్వహణలో ఉండే పోలీసులకు ఈ క్రీడలు ఉల్లాసాన్ని కలిగించాయన్నారు. క్రీడలతో దేహదారుఢ్యంతోపాటు, ఆనారోగ్య సమస్యలు దరిచేరవని చెప్పారు. కమిషనరేట్‌ పోలీస్‌ క్రీడాకారులు రాష్ట్ర స్థాయి పోటీల్లోనూ ప్రతిభ కనబరిచి పతకాలు సాధించాలని ఆకాంక్షించారు. కార్యక్రమములో డీసీపీలు షేక్‌ సలీమా, రాజమహేంద్రనాయక్‌, రవీందర్‌, అదనపు డీసీపీలు రవి, సురేష్‌ కుమార్‌, ఏఎస్పీ చేతన్‌తో పాటు ఏసీపీలు, ఇన్‌స్పెక్టర్లు తదితరులు పాల్గొన్నారు. ముగిసిన పోలీస్‌ క్రీడలు

జనగామ: భారత ప్రభుత్వం 2024–25 సంవత్సరానికి గాను నిర్వహించ తలపెట్టిన ఆల్‌ ఇండియా సివిల్‌ సర్వీసెస్‌(ఏఐసీఎస్‌) టోర్నమెంట్‌లో పాల్గొనేందుకు ప్రభుత్వ ఉద్యోగులకు ఆహ్వానం పలుకుందని జిల్లా యువజన, క్రీడల అధికారి వెంకట్‌రెడ్డి ఆదివారం ఒక ప్రకటనలో తెలిపారు. తెలంగాణ రాష్ట్రస్థాయి సివిల్‌ సర్వీస్‌ సెలక్షన్‌ ట్రయల్స్‌లో భాగంగా వివిధ క్రీడాపోటీలకు సంబంధించి ఈ నెల 23, 24వ తేదీలలో హైదరాబాద్‌లోని పలు క్రీడా మైదానాల్లో పోటీలను నిర్వహిస్తున్నట్లు వెల్లడించారు. అథ్లెటిక్స్‌, క్రికెట్‌, చెస్‌, క్యారమ్‌, హాకీ, పవర్‌ లిఫ్టింగ్‌, స్విమ్మింగ్‌, టేబుల్‌ టెన్నిస్‌, వాలీబాల్‌, వెయిట్‌ లిఫ్టింగ్‌ (మహిళలు, పురుషులు)లో అవకాశం కల్పించనున్నట్లు వివరించారు. అలాగే కుస్తీ–గ్రీకో రోమన్‌, ఉత్తమ శరీర ధృఢత్వం, ఖోఖో, యోగా అంశాలలో సైతం పోటీలు ఉంటాయని పేర్కొన్నారు. జిల్లాలోని వివిధ శాఖల్లో పని చేస్తున్న ప్రభుత్వ ఉద్యోగులు మాత్రమే ఇందులో పాల్గొనే అవకాశం ఉందని తెలిపారు. పోటీల్లో పాల్గొనేందుకు ఆసక్తి ఉన్న ఉద్యోగులు సర్వీస్‌ సర్టిఫికెట్‌, ఇటీవల తీసుకున్న గుర్తింపు కార్డుతో ఈ నెల 21వ తేదీన కలెక్టరేట్‌లోని రెండో అంతస్తు ఎస్‌–15లోని జిల్లా యువజన, క్రీడల కార్యాలయంలో సాయంత్రం 4గంటల వరకు వచ్చి పేర్లను నమోదు చేసుకోవాలని సూచించారు. జిల్లా స్థాయిలో పేర్లు నమోదు చేసుకున్న ఉద్యోగులను మా త్రమే పోటీలకు పంపించనున్నట్లు తెలిపారు.

దేవరుప్పుల: నిరుపేదలకు అండగా కాంగ్రెస్‌ ప్రభుత్వం నిలుస్తుందని పాలకుర్తి ఎమ్మెల్యే మామిడాల యశస్వినిరెడ్డి అన్నారు. మండల కేంద్రానికి చెందిన ఎ.అనూషకు అత్యవసర ఆపరేషన్‌ కోసం ముందస్తుగా రూ.5 లక్షల ఎల్‌ఓసీ మంజూరు ఇప్పించి ఆమె భర్త మధుకు ఆదివారం అందజేశారు. గత ప్రభుత్వాల మాదిరిగా కాకుండా సీఎం రేవంత్‌రెడ్డి పాలనలో ప్రత్యేక ఆపరేషన్‌లకు ఎల్‌ఓసీలు, సీఎం సహాయ నిధి సాయం అందిస్తూ బాసటగా నిలుస్తున్న ఘనత కాంగ్రెస్‌ ప్రభుత్వానికే దక్కుతుందని తెలిపారు. విద్య, వైద్యం, వ్యవసాయ రంగ పురోగతికి సత్వర చర్యలు తీసుకుంటున్నారని తెలిపారు. ఈ కార్యక్రమంలో యూత్‌ కాంగ్రెస్‌ నియోజకవర్గ, మండల అధ్యక్షులు రాజేష్‌ నాయక్‌, పులిగిళ్ల వెంకన్న, మాసంపెల్లి సాత్విక్‌, మధు, లొడంగి అశోక్‌ తదితరులు పాల్గొన్నారు. పాలకుర్తి ఎమ్మెల్యే యశస్వినిరెడ్డి

జఫర్‌గఢ్‌: కల్లుగీత కార్మికులకు ప్రభుత్వం ఇచ్చిన హామీలను వెంటనే అమలు చేయాలని కల్లుగీత కార్మిక సంఘం జిల్లా అధ్యక్షుడు కుర్ర ఉప్పలయ్య, సంఘం ప్రధాన కార్యదర్శి బాల్నే వెంకటమల్లయ్య డిమాండ్‌ చేశారు. మండల పరిధిలోని ఉప్పుగల్లులో శ్రీరేణుక ఎల్లమ్మ ఆలయం వద్ద కల్లుగీత కార్మికులతో ఆదివారం ప్రత్యేక సమావేశాన్ని నిర్వహించారు. ఈ సమావేశానికి సంఘం అధ్యక్షులు కొరుకోప్పుల రాజు అధ్యక్షత వహించగా ముఖ్య అతిథులుగా వారు పాల్గొని మాట్లాడారు. రాష్ట్రంలో కల్లుగీత వృత్తిపై ఆధారపడి 5లక్షల కుటుంబాలు జీవనం సాగిస్తున్నాయన్నారు. వీరిని ఆదుకునే విషయంలో కాంగ్రెస్‌ ప్రభుత్వం నిర్లక్ష్యం చేస్తుందని తెలిపారు. 2024 అక్టోబర్‌ 18న నిర్వహించిన రాష్ట్రస్థాయి సదస్సులో 22 డిమాండ్లు రూపొందించి ప్రభుత్వానికి అందజేసినా ఇప్పటి వరకు ఏ ఒక్కటీ అమలు చేయలేదన్నారు. కేవలం అరకొరగా సేఫ్టీ కిట్టును ప్రభుత్వం అందిస్తున్నదే తప్పా మిగితా హామీల అమలు విషయంలో ఏమాత్రం పట్టించుకోవడం లేదన్నారు. ప్రభుత్వం ఇచ్చిన హామీల అమలుకు ఈ నెల 20న కలెక్టరేట్‌ ఎదుట చేపట్టనున్న ధర్నాలో కల్లుగీత కార్మికులు అధిక సంఖ్యలో తరలివచ్చి విజయవంతం చేయాలని పిలుపునిచ్చారు. ఈ సమావేశంలో సంఘం నాయకులు నాయిని యాదగిరి, సంఘం మండల అధ్యక్షులు గడ్డం రాజు, సంఘం ఉపాధ్యక్షుడు పులి ధనుంజయ, మూల సారయ్య, బొల్లపల్లి రాజు, వడ్లకొండ మధుకర్‌, పూజారి యాకయ్య, గడ్డం రమేష్‌, బైరు రాజు, దొరి నవీన్‌కుమార్‌తో పాటు గీత కార్మికులు పెద్ద సంఖ్యలో పాల్గొన్నారు.

జనగామ: సంక్రాంతి పండుగకు సొంతూళ్లకు వచ్చిన జనం ఆదివారం తిరుగు ప్రయాణం కావడంతో జిల్లాలోని ఆర్టీసీ బస్టాండ్‌ ప్రయాణికులతో కిక్కిరిసిపోయింది. ఈ నెల 17వ తేదీ వరకు విద్యా సంస్థలకు సెలవులు ఉండగా మధ్యలో ఆదివారం రావడంతో మెజార్టీ కుటుంబాలు సొంతూళ్లలోనే ఉండి పోయారు. నేటి(సోమవారం) నుంచి పిల్లలు, యువత విద్యాసంస్థల బాటపట్టనున్న నేపథ్యంలో తిరుగు ప్రయాణం అయ్యారు. ఈ నేపథ్యంలో జనగామ బస్టాండ్‌తో పాటు జిల్లాలోని అన్ని మండల కేంద్రాల్లోని బస్టాండ్‌లు ప్రయాణికులతో కిక్కిరిసిపోయాయి. బస్సుల్లో నిలబడే పరిస్థితి లేకపోవడంతో ఇబ్బందులు పడుతూనే ప్రయాణం చేశారు.

జనగామ రూరల్‌/బచ్చన్నపేట/నర్మెట: రేషన్‌ కార్డుల జారీ నిరంతర ప్రక్రియ అని కలెక్టర్‌ షేక్‌ రిజ్వాన్‌ బాషా తెలిపారు. జిల్లాలోని క్యాంపు కార్యాలయం నుంచి అదనపు కలెక్టర్లు పింకేష్‌ కుమార్‌, రోహిత్‌ సింగ్‌లతో కలిసి కలెక్టర్‌ ఆదివారం ఆర్డీఓలు, ఎస్డీసీలు, జిల్లా, మండల స్థాయి ప్రత్యేక అధికారులు ఎంపీడీఓలు, ఎంపీఓలు, తహసీల్దార్‌లతో నాలుగు పథకాల అమలుపై ఆ టెలీకాన్ఫరెన్స్‌ ద్వారా సమీక్షించి సంబంధిత అధికారులకు సూచనలు చేసి వారి సందేహాలను నివృత్తి చేశారు. ఈ సందర్భంగా కలెక్టర్‌ మాట్లాడుతూ రాష్ట్ర ప్రభుత్వం అత్యంత ప్రతిష్టాత్మకంగా ఈ నెల 26న రైతు భరోసా, ఇందిరమ్మ ఆత్మీయ భరోసా, కొత్త ఆహార భద్రత కార్డులు, ఇందిరమ్మ ఇళ్లు వంటి కీలకమైన నాలుగు సంక్షేమ పథకాలను అమలు చేయడానికి క్షేత్రస్థాయి సర్వే పరిశీలనలో అలసత్వం వహించకుండా రేపటి లోగా పూర్తిచేయాలని ఆదేశించారు. అర్హులైన ప్రతీ ఒక్కరికి రేషన్‌ కార్డులు జారీ చేయడం జరుగుతుందన్నారు. రేషన్‌ కార్డుల జారీ, ఇందిరమ్మ ఇళ్లు నిరంతర ప్రక్రియ అన్నారు. ఎలాంటి ఆందోళన చెందాల్సిన అవసరం లేదనే విషయాన్ని విస్తృతంగా ప్రజల్లోకి తీసుకెళ్లాలని సూచించారు. ఈ నెల 21నుంచి 24 వరకు నిర్వహించే గ్రామసభల్లో వచ్చిన దరఖాస్తులను స్వీకరించడంతో పాటు ప్రజాపాలనలో వచ్చిన దరఖాస్తులను కూడా పరిగణనలోకి తీసుకొని పరిశీలించనున్నట్లు వివరించారు. గ్రామ, వార్డు సభల నిర్వహణకు బ్యానర్‌లను ఏర్పాటు చేయాలన్నారు. లబ్ధిదారుల ముసాయిదా జాబితాను పారదర్శకంగా రూపొందించాలని అధికారులను ఆదేశించారు. ఈ సమీక్షలో జనగామ ఆర్డీఓలు గోపీరామ్‌, వెంకన్న, స్పెషల్‌ డిప్యూటీ కలెక్టర్లు సుహాసిని, హనుమాన్‌ నాయక్‌, డీఆర్డీఓ వసంత, డీపీఓ స్వరూప, డీసీఎస్‌ఓ సరస్వతి, మున్సిపల్‌ కమిషనర్‌ వెంకటేశ్వర్లు, డీఏఓ రామారావు నాయక్‌, హౌసింగ్‌ ఈఈ మత్రు నాయక్‌, తదితరులు పాల్గొన్నారు. అనంతరం కలెక్టర్‌ మండలంలోని శామీర్‌పేట, పసరమడ్ల గ్రామ పంచాయతీల్లో, మున్సిపాలిటీ పరిధిలోని 5వ వార్డులో గల ఇందిరమ్మ కాలనీలో అధికారులను నిర్వహిస్తున్న సర్వే ప్రక్రియను పరిశీలించారు. బచ్చన్నపేట మండల పరిధిలోని గోపాల్‌నగర్‌లో సర్వే ప్రక్రియను పరిశీలించారు. అలాగే నర్మెట మండల పరిధిలోని బొమ్మకూర్‌లో సర్వే ప్రక్రియను పరిశీలించి పలు సూచనలు చేశారు. పలుచోట్ల ఇంటింటికీ వెళ్లి ఆయా కుటుంబ సభ్యులతో మాట్లాడి వారి సమస్యలపై ఆరా తీసి సందేహాలను నివృత్తి చేయాలని కలెక్టర్‌ షేక్‌ రిజ్వాన్‌ బాషా అధికారులను ఆదేశించారు. గ్రామసభల్లో దరఖాస్తుల స్వీకరణ కలెక్టర్‌ షేక్‌ రిజ్వాన్‌ బాషా

● కేడర్‌తో పాటు అధిష్టానం ఆశీస్సుల కోసం ప్రయత్నాలు ● పల్లెల్లో మొదలైన సందడి ● జిల్లాలో 7.61లక్షల మంది ఓటర్లుజనగామ: జిల్లాలో సర్పంచ్‌ ఎన్నికల్లో పోటీచేసే ఆశావహులు ప్రభుత్వం ప్రకటించే రిజర్వేషన్ల కోసం ఉత్కంఠగా ఎదురుచూస్తున్నారు. పలు పంచాయతీల్లో సర్పంచ్‌ పదవికి పోటీచేసే వారి సంఖ్య ఎక్కువగానే ఉంది. వచ్చే నెల రెండోవారంలో స్థానిక సంస్థల ఎన్నికల సమరానికి నోటిఫికేషన్‌ వచ్చే అవకాశం ఉందనే ప్రచారం నేపథ్యంలో పోటీలో నిలబడనున్న నాయకులు కేడర్‌తో పాటు అధిష్టానం ఆశీస్సుల కోసం ప్రయత్నాలు ముమ్మరం చేస్తున్నారు. అన్నీ కలిసొచ్చినా.. రిజర్వేషన్లు ఎలా ఉండబోతున్నాయనే టెన్షన్‌ పట్టుకుంది. అధిష్టానం గ్రీన్‌ సిగ్నల్‌తో పాటు రిజర్వేషన్లు సైతం కలిసి రావాలని కోరుకుంటున్నారు. జిల్లాకు చేరుకున్న ఎన్నికల సామగ్రి గత ఏడాది ఫిబ్రవరి 2వ తేదీన సర్పంచ్‌, జూలై 4న ఎంపీటీసీ, జెడ్పీటీసీల పదవీకాలం ముగిసింది. అప్పటి నుంచి స్పెషలాఫీసర్ల పాలన కొనసాగుతోంది. ఇప్పటికే జిల్లాకు ఎన్నికల సామగ్రి చేరుకుంది. ప్రిసైడింగ్‌, రిటర్నింగ్‌ అధికారులకు సంబంధించిన ప్రింటింగ్‌ పేపర్లు సిద్ధం చేశారు. పంచాయతీ ఎన్నికలకు సంబంధించి ప్రతీ విభాగానికి ఒక జిల్లా స్థాయి అధికారితో పాటు ప్రత్యేక అధికారిగా కలెక్టర్‌ నియమించారు. మూడు పంచాయతీల్లో ఎన్నికలు లేనట్టే? స్టేషన్‌ఘన్‌పూర్‌(శివునిపల్లి, ఛాగల్‌)ను మున్సిపాలిటీగా ప్రకటిస్తూ ప్రభుత్వం గెజిట్‌ విడుదల చేసిన సంగతి తెలిసిందే. దీంతో స్థానిక పోరులో ఈ మూడు జీపీల పరిధిలో సర్పంచ్‌ ఎన్నికలు ఉండే పరిస్థితి కనిపించడం లేదు. ఈ విషయంపై అధికారుల నుంచి పూర్తిస్థాయి క్లారిటీ రావాల్సి ఉంది. స్థానిక సంస్థల ఎన్నికల్లో పోటీ చేయాలనుకున్న వారికి నిరాశే మిగిలినా.. కౌన్సిలర్‌గా పోటీ చేసే అవకాశం ఉంటుంది. అదృష్టం కలిసొచ్చి రిజర్వేషన్లు అనుకూలిస్తే చైర్మన్‌, వైస్‌ చైర్మన్‌ అయ్యే అవకాశం లేకపోలేదు. మూడు నియోజకవర్గాలు జిల్లాలో జనగామ, స్టేషన్‌ఘన్‌పూర్‌, పాలకుర్తి అసెంబ్లీ నియోజకవర్గాలు ఉన్నాయి. వీటి పరిధిలో కొత్తగా 7,500మంది ఓటర్లు ఓటు హక్కును నమోదు చేసుకున్నారు. దీంతో జిల్లాలో మొత్తంగా 7,61,642మంది ఓటర్లు ఉన్నారు. ఇందులో ఎన్‌ఆర్‌ఐ ఓటర్లు 23మంది ఉండగా సర్వీసు ఓటర్లు 464మంది ఉన్నారు. నిర్ణయ యాప్‌లో ఓటరు జాబితా.. స్థానిక సంస్థల ఎన్నికల నిర్వహణ కోసం రాష్ట్ర ఎన్నికల కమిషన్‌ నిర్ణయ అనే యాప్‌ను రూపొం దించింది. ఈ యాప్‌లో టీ పోల్‌ పోర్టర్‌లో ఓటరు జాబితా, పోలింగ్‌ కేంద్రాలు వివరాలను అందుబా టులో ఉంచారు. ఎలక్షన్‌ పకడ్బందీగా నిర్వహించేందుకు 12 మండలాలకు ప్రత్యేక అధికారులను నియమించారు. గతంలో 14మంది సర్పంచ్‌లు మృతి చెందగా, నలుగురు వివిధ కారణాల చేత పదవి నుంచి తొలగింపబడ్డారు. అదే విధంగా ఓ ఉప సర్పంచ్‌ను రిమూవ్‌ చేశారు. కేడర్‌కు విందులు.. అధికారులు ఎలక్షన్‌ నిర్వహణకు బిజీలో ఉండగా కాంగ్రెస్‌, బీఆర్‌ఎస్‌, బీజేపీ, సీపీఎంల నుంచి పోటీకి సై అంటున్న ఆశావహులు నోటిఫికేషన్‌, రిజర్వేషన్ల కోసం ఎదురు చూస్తున్నారు. సర్పంచ్‌, ఎంపీటీసీ, జెడ్పీటీసీ, వార్డు మెంబర్లుగా పోటీ చేసేందుకు ఉత్సాహంగా ఉన్న అభ్యర్థులు కేడర్‌కు విందులు ఇస్తూ మచ్చిక చేసుకుంటున్నారు. పలు గ్రామాల్లో మృతుల కుటుంబాలకు ఆర్థిక సాయం చేస్తున్నారు. యువతకు ఆట వస్తువులు ఇవ్వడంతో పాటు నిరుపేద కుటుంబాలకు చేదోడు వాదోడుగా నిలుస్తూ మార్కులు కొట్టేసే ప్రయత్నం చేస్తున్నారు. జిల్లాలో ఎక్కడ చూసినా సర్పంచ్‌ ఎన్నికల గురించే మాట్లాడుకుంటున్నారు. కులాల వారీగా ఓట్ల లెక్క వేస్తూ.. పోటీకి సిద్థఽమైన సమయంలో ఎలా ముందుకు వెళ్లాలనే ముందస్తు ప్లాన్‌ చేసుకుంటున్నారు. తమకు అనుకూలంగా ఉన్న వ్యక్తులతో రహస్య మంతనాలు సాగిస్తూ ఊళ్లలో తమ పరపతి ఎలా ఉందో ఒకటికి, రెండు పర్యాయాలు చెక్‌ చేసుకుంటున్నారు. వ్యతిరేకత ఉన్న చోట అనుకూలంగా మలుచుకునేందుకు ఎత్తుకు పైఎత్తులు వేస్తున్నారు. ఈ సారి ఎన్నికల బరిలో నిలబడే ఆశావహులకు రిజర్వేషన్లు కలిసివస్తాయో లేదో కొద్ది రోజుల్లో తేలిపోనుంది. రిజర్వేషన్ల మార్పుతోనే స్థానిక సంస్థల ఎన్నికలను నిర్వహించబోతున్నామని ఇటీవల ప్రభుత్వం స్పష్టం చేసిన సంగతి తెలిసిందే.

చిల్పూరు: మండల పరిధిలోని చిన్నపెండ్యాల గ్రామానికి చెందిన చిందుయక్షగాన కళాకారుడు గజవెళ్లి వెంకన్న స్వర్ణకంకణ పురస్కారం అందుకున్నాడు. కరీంనగర్‌ జిల్లా కేంద్రంలో ఆదివారం ఆర్యాణి సకల కళావేదిక డాక్టర్‌ దూడపాక శ్రీధర్‌ ఆధ్వర్యంలో జాతీయ స్థాయి సంక్రాంతి కళా పురస్కారాలను ప్రకటించారు. ఈ నేపథ్యంలో గ్రామానికి చెందిన వెంకన్న 40 ఏళ్లుగా చిందు యక్షగాన వృత్తిలో రాణిస్తూ వేలాది ప్రదర్శనలు ఇచ్చినందుకుగాను ఆయన ప్రతిభను గుర్తించి జాతీయస్థాయి అవార్డును అందజేశారు. కబడ్డీ పోటీలకు రేపు జిల్లా జట్టు ఎంపిక రఘునాథపల్లి: రాష్ట్రస్థాయి కబడ్డీ పోటీల్లో పాల్గొనేందుకు జిల్లా తరఫున సీనియర్‌ పురుషుల కబడ్డీ జట్టును జిల్లా కబడ్డీ అసోసియేషన్‌ ఆధ్వర్యంలో రేపు పాలకుర్తి మండలం చెన్నూరు ఉన్నత పాఠశాలలో ఎంపిక చేయనున్నట్లు కబడ్డీ అసోసియేషన్‌ జిల్లా అధ్యక్షుడు ఎర్రోళ్ల కుమార్‌గౌడ్‌, ప్రధాన కార్యదర్శి తోటకూరి గట్టయ్య, కోశాధికారి ఎదునూరి ఉప్పలయ్యలు ఆదివారం ఒక ప్రకటనలో తెలిపారు. ఎంపికై న జట్టు ఫిబ్రవరి 1నుంచి 4వ తేదీ వరకు అదిలాబాద్‌లో నిర్వహించ తలపెట్టిన 71వ రాష్ట్ర స్థాయి కబడ్డీ పోటీల్లో పాల్గొంటుందని పేర్కొన్నారు. పాల్గొనే క్రీడాకారులు వయస్సుతో సంబంధం లేకుండా 85 కేజీల లోపు బరువు ఉండాలని, క్రీడాకారులు మ్యాట్‌ షూస్‌ తప్పనిసరి వెంట తెచ్చుకోవాలని సూచించారు. వివరాలకు 9849363396, 9440412915, 7661095550 నంబర్లలో సంప్రదించాలని కోరారు. నిట్‌లో సైన్స్‌ కమ్యూనికేషన్‌ వర్క్‌షాప్‌కాజీపేట అర్బన్‌: నిట్‌ వరంగల్‌లోని విశ్వేశ్వరయ్య స్కిల్‌ డెవలప్‌మెంట్‌ భవనంలో ఆదివారం తెలంగాణ అకాడమీ ఆఫ్‌ సైన్స్‌, జన విజ్ఞాన వేదిక జిల్లా కమిటీ ఆధ్వార్యాన స్కూల్‌ టీచర్స్‌కు ఒక్క రోజు సైన్స్‌ వర్క్‌షాప్‌ నిర్వహించారు. ‘గో గ్రీన్‌, బ్రీత్‌ క్లీన్‌, ద బిల్డింగ్‌ బ్లాక్స్‌ ఆఫ్‌ లైఫ్‌’ అనే అంశంపై నిట్‌ ప్రొఫెసర్‌ రామరాజు ఉపాధ్యాయులతో మాట్లాడారు. కార్యక్రమంలో నిట్‌ ప్రొఫెసర్‌ ఆంజనేయులు, రాములు, జేవీవీ కమిటీ సభ్యులు కేబీ.ధర్మప్రకాష్‌,కాజీపేట పురుషోత్తం, రామంచ బిక్షపతి, పరికిపండ్ల వేణు, సుమలత పాల్గొన్నారు. పురాణం మహేశ్వరశర్మకు ఘనస్వాగతం జనగామ: పట్టణంలోని హెడ్‌పోస్టాఫీసు ఏరియా శ్రీ సంతోషిమాత ఆలయంలో నేటి (సోమవారం) నుంచి ప్రారంభం కానున్న శ్రీ వేదవ్యాస విరచిత శ్రీ స్కాంద మహాపురాణ ప్రవచనం వినిపించేందుకు బ్రహ్మశ్రీ, ఆయుత చండీయాగకర్త పురాణం మహేశ్వరశర్మ ఆదివారం జిల్లా కేంద్రానికి చేరుకున్నారు. ఆలయ ప్రధాన అర్చకులు శ్రీనివాస శర్మ నేతృత్వంలో భక్తబృందం ఆధ్వర్యంలో రైల్వేస్టేషన్‌ వద్ద పురాణం మహేశ్వర శర్మకు ఘనంగా స్వాగతం పలికారు. ప్రత్యేకంగా ఏర్పాటు చేసిన గుర్రం రథంపై స్వామిజీని శోభాయాత్రగా ఆర్టీసీ చౌరస్తా వరకు వెళ్లారు. రైల్వేస్టేషన్‌ మీదుగా నెహ్రూపార్కు, గాంధీ బొమ్మ నుంచి ఆర్టీసీ చౌరస్తా వరకు భజనలు, సాంస్కృతిక కార్యక్రమాలు నిర్వహిస్తూ శోభాయాత్ర నిర్వహించారు. నేటి ఉదయం గణపతి పూజ, స్వస్తివాచనము, కంకణ ధారణ, కలశ స్థాపన, వ్యాస, గ్రంథ పూజ తర్వాత ప్రవచనము ప్రారంభించనున్నట్లు శ్రీనివాసశర్మ తెలిపారు. జేఎన్‌ శర్మకు రోటరీ ఎక్స్‌లెన్స్‌ అవార్డుహన్మకొండ కల్చరల్‌: వరంగల్‌కు చెందిన సీనియర్‌ రంగస్థల నటులు, పోతన విజ్ఞాన పీఠం మేనేజర్‌ జేఎన్‌ శర్మ ‘రోటరీ ఎక్స్‌లెన్స్‌’ అవార్డు అందుకున్నారు. రోటరీ క్లబ్‌ ఆఫ్‌ వరంగల్‌ ఆధ్వర్యంలో ఆదివారం క్లబ్‌లో నిర్వహించిన కార్యక్రమంలో క్లబ్‌ పూర్వ అధ్యక్షులు రమేశ్‌, మోహన్‌రావు నుంచి ఆయన అవార్డు అందుకున్నారు. కళారంగంలో ఉత్తమ సేవలు అందించినందుకుగాను అవార్డు లభించింది.