వైభవంగా రాములోరి కల్యాణం

వైభవంగా రాములోరి కల్యాణం

ఎర్రవల్లి: శ్రీరాముని జన్మనక్షత్రమైన పునర్వసు నక్షత్రాన్ని పురష్కరించుకొని బీచుపల్లి పుణ్యక్షేత్రంలోని కోదండరామస్వామి ఆలయంలో మంగళవారం సీతారాముల కల్యాణ వేడుకను అంగరంగ వైభవంగా నిర్వహించారు. ఈ సందర్భంగా ఆలయ ప్రధాన అర్చకులు భువనచంద్ర, దత్తుస్వాము ఆధ్వర్యంలో సీతారాముల విగ్రహాలను ముస్తాబుచేసి వేదమంత్రాల నడుమ కల్యాణం నిర్వహించారు. చుట్టు పక్కల ప్రాంతాల నుంచి భక్తులు హాజరుకాగా.. ఆలయ పాలక మండలి ఆధ్వర్యంలో అన్నదాన కార్యక్రమాన్ని చేపట్టారు. కార్యక్రమంలో ఆలయ మేనేజర్‌ సురేందర్‌రాజు, పాలక మండలి సభ్యులు పాల్గొన్నారు.