నేడు విభిన్న ప్రతిభావంతుల క్రీడాపోటీలు

నాగమల్లితోట జంక్షన్‌ (కాకినాడ సిటీ): డిసెంబరు 3 అంతర్జాతీయ విభిన్న ప్రతిభావంతుల దినోత్సవాన్ని పురస్కరించుకుని కాకినాడ జిల్లా క్రీడాప్రాధికార సంస్ధ ఆధ్వర్యంలో డీఎస్‌ఏ మైదానంలో సోమవారం విభిన్న ప్రతిభావంతులకు జిల్లాస్థాయి క్రీడాపోటీలు నిర్వహిస్తున్నట్లు డీఎస్‌డీఓ బి.శ్రీనివాస్‌కుమార్‌ ఆదివారం తెలిపారు. పురుషులు, మహిళలకు అథ్లెటిక్స్‌లో 100 మీటర్ల పరుగు, షాట్‌పుట్‌, చెస్‌, పురుషులకు వాలీబాల్‌, మహిళలకు త్రోబాల్‌ పోటీలు జరుగుతాయన్నారు. ఆసక్తి గలవారు ఉదయం 8 గంటలకు కాకినాడలోని డీఎస్‌ఏ క్రీడామైదానంలో హాజరుకావాలని కోరారు.